অর্থশাস্ত্র ০১

কৌটিলীয অর্থশাস্ত্রং – ০১

01.1.02 তস্যাযং প্রকরণাধিকরণসমুদ্দেশঃ
01.1.03a বিদ্যাসমুদ্দেশঃ, বৃদ্ধসমুদ্দেশঃ, ইন্দ্রিযজযঃ, অমাত্য উত্পত্তিঃ, মন্ত্রিপুরোহিত উত্পত্তিঃ, উপধাভিঃ শৌচাশৌচজ্ঞানং অমাত্যানাং, –
01.1.03b গূঢপুরুষপ্রণিধিঃ, স্ববিষযে কৃত্যাকৃত্যপক্ষরক্ষণং, পরবিষযে কৃত্যাকৃত্যপক্ষ উপগ্রহঃ,
01.1.03ch মন্ত্রাধিকারঃ, দূতপ্রণিধিঃ, রাজপুত্ররক্ষণং, অপরুদ্ধবৃত্তং, অপরুদ্ধে বৃত্তিঃ, রাজপ্রণিধিঃ, নিশান্তপ্রণিধিঃ, আত্মরক্ষিতকং, , ইতি বিনযাধিকারিকং প্রথমং অধিকরণম্
01.1.04a জনপদনিবেশঃ, ভূমিচ্ছিদ্রাপিধানং, দুর্গবিধানং, দুর্গনিবেশঃ, সম্নিধাতৃনিচযকর্ম, সমাহর্তৃসমুদযপ্রস্থাপনং, অক্ষপটলে গাণনিক্যাধিকারঃ,
01.1.04b সমুদযস্য যুক্তাপহৃতস্য প্রত্যানযনং, উপযুক্তপরীক্ষা, শাসনাধিকারঃ, কোশপ্রবেশ্যরত্নপরীক্ষা, আকরকর্মান্তপ্রবর্তনং, অক্ষশালাযাং সুবর্ণাধ্যক্ষঃ
01.1.04ch বিশিখাযাং সৌবর্ণিকপ্রচারঃ, কোষ্ঠাগারাধ্যক্ষঃ, পণ্যাধ্যক্ষঃ, কুপ্যাধ্যক্ষঃ, আযুধাধ্যক্ষঃ, তুলামানপৌতবং,
01.1.04d দেশকালমানং, শুল্কাধ্যক্ষঃ, সূত্রাধ্যক্ষঃ, সীতাধ্যক্ষঃ, সুরাঽধ্যক্ষঃ, সূনাধ্যক্ষঃ, গণিকাঽধ্যক্ষঃ,
01.1.04e নাব্ঽধ্যক্ষঃ, গোঽধ্যক্ষঃ, অশ্বাধ্যক্ষঃ, হস্ত্য্ঽধ্যক্ষঃ, রথাধ্যক্ষঃ, পত্ত্য্ঽধ্যক্ষঃ, সেনাপতিপ্রচারঃ, মুদ্রাঽধ্যক্ষঃ, বিবীতাধ্যক্ষঃ, সমাহর্তৃপ্রচারঃ,
01.1.04f গৃহপতিকবৈদেহকতাপসব্যঞ্জনাঃ প্রণিধযঃ, নাগরিকপ্রণিধিঃ ইত্যধ্যক্ষপ্রচারো দ্বিতীযং অধিকরণম্
01.1.05a ব্যবহারস্থাপনা, বিবাদপদনিবন্ধঃ, বিবাহসম্যুক্তং, দাযবিভাগঃ, বাস্তুকং, সমযস্য অনপাকর্ম, ঋণাদানং, ঔপনিধিকং, দাসকর্মকরকল্পঃ,
01.1.05b সম্ভূয সমুত্থানং, বিক্রীতক্রীতানুশযঃ, দত্তস্য অনপাকর্ম, অস্বামিবিক্রযঃ, স্বস্বামিসম্বন্ধঃ, সাহসং, বাক্পারুষ্যং, দণ্ডপারুষ্যং, দ্যূতসমাহ্বযং, প্রকীর্ণকং – ইতি, ধর্মস্থীযং তৃতীযং অধিকরণম্
01.1.06a কারুকরক্ষণং, বৈদেহকরক্ষণং, উপনিপাতপ্রতীকারঃ, গূঢাজীবিনাং রক্ষা, সিদ্ধব্যঞ্জনৈর্মাণবপ্রকাশনং, শঙ্কারূপকর্মাভিগ্রহঃ,
01.1.06b আশুমৃতকপরীক্ষা, বাক্যকর্মানুযোগঃ, সর্বাধিকরণরক্ষণং
01.1.06ch একাঙ্গবধনিষ্ক্রযঃ, শুদ্ধশ্চিত্রশ্চ দণ্ড কল্পঃ, কন্যাপ্রকর্ম, অতিচারদণ্ডাঃ – ইতি কণ্টকশোধনং চতুর্থং অধিকরণম্
01.1.07 দাণ্ডকর্মিকং, কোশাভিসংহরণং, ভৃত্যভরণীযং, অনুজীবিবৃত্তং, সমযাচারিকং, রাজ্যপ্রতিসন্ধানং, একাইশ্বর্যং – ইতি যোগবৃত্তং পঞ্চমং অধিকরণম্
01.1.08 প্রকৃতিসম্পদঃ, শমব্যাযামিকং – ইতি মণ্ডলযোনিঃ ষষ্ঠং অধিকরণম্
01.1.09a ষাড্গুণ্যসমুদ্দেশঃ, ক্ষযস্থানবৃদ্ধিনিশ্চযঃ, সংশ্রযবৃত্তিঃ, সমহীনজ্যাযসাং গুণাভিনিবেশঃ, হীনসন্ধযঃ, বিগৃহ্য আসনং, সন্ধায আসনং, বিগৃহ্য যানং, সন্ধায যানং,
01.1.09b সম্ভূয প্রযাণং, যাতব্যামিত্রযোরভিগ্রহচিন্তা, ক্ষযলোভবিরাগহেতবঃ প্রকৃতীনাং, সামবাযিকবিপরিমর্শঃ,
01.1.09ch সংহিত প্রযাণিকং, পরিপণিতাপরিপণিতাপসৃতাঃ সন্ধযঃ, দ্বৈধীভাবিকাঃ সন্ধিবিক্রমাঃ, যাতব্যবৃত্তিঃ, অনুগ্রাহ্যমিত্রবিশেষাঃ,
01.1.09d মিত্রহিরণ্যভূমিকর্মসন্ধযঃ, পার্ষ্ণিগ্রাহচিন্তা, হীনশক্তিপূরণং, বলবতা বিগৃহ্য উপরোধহেতবঃ, দণ্ড উপনতবৃত্তং,
01.1.09e দণ্ড উপনাযিবৃত্তং, সন্ধিকর্ম, সমাধিমোক্ষঃ, মধ্যমচরিতং, উদাসীনচরিতং, মণ্ডলচরিতং – ইতি ষাড্গুণ্যং সপ্তমং অধিকরণম্
01.1.10 প্রকৃতিব্যসনবর্গঃ, রাজরাজ্যযোর্ব্যসনচিন্তা, পুরুষব্যসনবর্গঃ, পীডনবর্গঃ, স্তম্ভবর্গঃ, কোশসঙ্গবর্গঃ, মিত্রব্যসনবর্গঃ – ইতি ব্যসনাধিকারিকং অষ্টমং অধিকরণম্
01.1.11a শক্তিদেশকালবলাবলজ্ঞানং, যাত্রাকালাঃ, বল উপাদানকালাঃ, সম্নাহগুণাঃ, প্রতিবলকর্ম, পশ্চাত্ কোপচিন্তা, বাহ্যাভ্যন্তরপ্রকৃতিকোপপ্রতীকারাঃ
01.1.11b ক্ষযব্যযলাভবিপরিমর্শঃ, বাহ্যাভ্যন্তরাশ্চাপদঃ, দুষ্যশত্রুসম্যুক্তাঃ, অর্থানর্থসংশযযুক্তাঃ, তাসাং উপাযবিকল্পজাঃ সিদ্ধযঃ – ইত্যভিযাস্যত্ কর্ম নবমং অধিকরণম্
01.1.12 স্কন্ধাবারনিবেশঃ, স্কন্ধাবারপ্রযাণং, বলব্যসনাবস্কন্দকালরক্ষণং, কূটযুদ্ধবিকল্পাঃ, স্বসৈন্য উত্সাহনং, স্ববলান্যবলব্যাযোগঃ, যুদ্ধভূমযঃ, পত্ত্য্ঽশ্বরথহস্তিকর্মাণি, পক্ষকক্ষ উরস্যানাং বলাগ্রতো ব্যূহবিভাগঃ, সারফল্গুবলবিভাগঃ, পত্ত্য্ঽশ্বরথহস্তিযুদ্ধানি, দণ্ডভোগমণ্ডলাসংহতব্যূহব্যূহনং, তস্য প্রতিব্যূহস্থাপনং – ইতি সাঙ্গ্রামিকং দশমং অধিকরণম্
01.1.13 ভেদ উপাদানানি, উপাংশুদণ্ডাঃ – ইতি সঙ্ঘবৃত্তং একাদশং অধিকরণম্
01.1.14 দূতকর্ম, মন্ত্রযুদ্ধং, সেনামুখ্যবধঃ, মণ্ডলপ্রোত্সাহনং, শস্ত্রাগ্নিরসপ্রণিধযঃ, বীবধাসারপ্রসারবধঃ, যোগাতিসন্ধানং, দণ্ডাতিসন্ধানং, একবিজযঃ – ইত্যাবলীযসং দ্বাদশং অধিকরণম্
01.1.15 উপজাপঃ, যোগবামনং, অপসর্পপ্রণিধিঃ, পর্যুপাসনকর্ম, অবমর্দঃ, লব্ধপ্রশমনং – ইতি দুর্গলম্ভ উপাযঃ ত্রযোদশং অধিকরণম্
01.1.16 পরবলঘাতপ্রযোগঃ, প্রলম্ভনং, স্ববল উপঘাতপ্রতীকারঃ – ইত্যৌপনিষদিকং চতুর্দশং অধিকরণম্
01.1.17 তন্ত্রযুক্তযঃ – ইতি তন্ত্রযুক্তিঃ পঞ্চদশং অধিকরণম্
01.1.18 শাস্ত্রসমুদ্দেশঃ পঞ্চদশাধিকরণানি স-অশীতিপ্রকরণশতং স-পঞ্চাশদ্ঽধ্যাযশতং ষট্শ্লোকসহস্রাণি ইতি
01.1.19ab সুখগ্রহণবিজ্ঞেযং তত্ত্বার্থপদনিশ্চিতম্ |
01.1.19chd কৌটিল্যেন কৃতং শাস্ত্রং বিমুক্তগ্রন্থবিস্তরম্ ( ইতি)

Chapt | Section.1: Enumeration of the sciences
i) Establishing (the necessity of) philosophy
01.2.01 আন্বীক্ষিকী ত্রযী বার্ত্তা দণ্ডনীতিশ্চ ইতি বিদ্যাঃ
01.2.02 ত্রযী বার্ত্তা দণ্ড নীতিশ্চ ইতি মানবাঃ
01.2.03 ত্রযী বিশেষো হ্যান্বীক্ষিকী ইতি
01.2.04 বার্ত্তা দণ্ডনীতিশ্চ ইতি বার্হস্পত্যাঃ
01.2.05 সংবরণমাত্রং হি ত্রযী লোকযাত্রাবিদ ইতি
01.2.06 দণ্ডনীতিরেকা বিদ্যা ইত্যৌশনসাঃ
01.2.07 তস্যাং হি সর্ববিদ্যাঽঽরম্ভাঃ প্রতিবদ্ধা ইতি
01.2.08 চতস্র এব বিদ্যা ইতি কৌটিল্যঃ
01.2.09 তাভির্ধর্মার্থৌ যদ্ বিদ্যাত্ তদ্ বিদ্যানাং বিদ্যাত্বম্
01.2.10 সাঙ্খ্যং যোগো লোকাযতং চ ইত্যান্বীক্ষিকী
01.2.11 ধর্মাধর্মৌ ত্রয্যাং অর্থানর্থৌ বার্ত্তাযাং নযানযৌ দণ্ডনীত্যাং বলাবলে চ এতাসাং হেতুভিরন্বীক্ষমাণা লোকস্য উপকরোতি ব্যসনেঽভ্যুদযে চ বুদ্ধিং অবস্থাপযতি প্রজ্ঞাবাক্যক্রিযাবৈশারদ্যং চ করোতি
01.2.12ab প্রদীপঃ সর্ববিদ্যানাং উপাযঃ সর্বকর্মণাম্ |
01.2.12chd আশ্রযঃ সর্বধর্মাণাং শশ্বদ্ আন্বীক্ষিকী মতা ( ইতি)

Chapt | Section.1, (ii) Establishing (the necessity of) the Vedic Lore
01.3.01 সাম.ঋগ্যজুর্বেদাঃ ত্রযঃ ত্রযী
01.3.02 অথর্ববেদ ইতিহাসবেদৌ চ বেদাঃ
01.3.03 শিক্ষা কল্পো ব্যাকরণং নিরুক্তং ছন্দোবিচিতির্জ্যোতিষং ইতি চাঙ্গানি
01.3.04 এষ ত্রযীধর্মশ্চতুর্ণাং বর্ণানাং আশ্রমাণাং চ স্বধর্মস্থাপনাদ্ ঔপকারিকঃ
01.3.05 স্বধর্মো ব্রাহ্মণস্য অধ্যযনং অধ্যাপনং যজনং যাজনং দানং প্রতিগ্রহশ্চ
01.3.06 ক্ষত্রিযস্যাধ্যযনং যজনং দানং শস্ত্রাজীবো ভূতরক্ষণং চ
01.3.07 বৈশ্যস্যাধ্যযনং যজনং দানং কৃষিপাশুপাল্যে বণিজ্যা চ
01.3.08 শূদ্রস্য দ্বিজাতিশুশ্রূষা বার্ত্তা কারুকুশীলবকর্ম চ
01.3.09 গৃহস্থস্য স্বধর্মাজীবঃ তুল্যৈরসমান.ঋষিভির্বৈবাহ্যং ঋতুগামিত্বং দেবপিত্র্ঽতিথিপূজা ভৃত্যেষু ত্যাগঃ শেষভোজনং চ
01.3.10 ব্রহ্মচারিণঃ স্বাধ্যাযো অগ্নিকার্যাভিষেকৌ ভৈক্ষব্রতিত্বং আচার্যে প্রাণান্তিকী বৃত্তিঃ তদ্ঽভাবে গুরুপুত্রে স-ব্রহ্মচারিণি বা
01.3.11 বানপ্রস্থস্য ব্রহ্মচর্যং ভূমৌ শয্যা জটাঽজিনধারণং অগ্নিহোত্রাভিষেকৌ দেবতাপিত্র্ঽতিথিপূজা বন্যশ্চাহারঃ
01.3.12 পরিব্রাজকস্য জিত ইন্দ্রিযত্বং অনারম্ভো নিষ্কিঞ্চনত্বং সঙ্গত্যাগো ভৈক্ষব্রতং অনেকত্রারণ্যে চ বাসো বাহ্যাভ্যন্তরং চ শৌচম্
01.3.13 সর্বেষাং অহিংসা সত্যং শৌচং অনসূয আনৃশংস্যং ক্ষমা চ
01.3.14 স্বধর্মঃ স্বর্গাযানন্ত্যায চ
01.3.15 তস্যাতিক্রমে লোকঃ সঙ্করাদ্ উচ্ছিদ্যেত
01.3.16ab তস্মাত্ স্বধর্মং ভূতানাং রাজা ন ব্যভিচারযেত্ |
01.3.16chd স্বধর্মং সন্দধানো হি প্রেত্য চ ইহ চ নন্দতি
01.3.17ab ব্যবস্থিতার্যমর্যাদঃ কৃতবর্ণাশ্রমস্থিতিঃ |
01.3.17chd ত্রয্যাঽভিরক্ষিতো লোকঃ প্রসীদতি ন সীদতি ( ইতি)

Chapt | iii) Establishing (the necessity of) Economics, and (iv) the Science of Politics
01.4.01 কৃষিপাশুপাল্যে বণিজ্যা চ বার্তা, ধান্যপশুহিরণ্যকুপ্যবিষ্টিপ্রদানাদ্ ঔপকারিকী
01.4.02 তযা স্বপক্ষং পরপক্ষং চ বশীকরোতি কোশদণ্ডাভ্যাম্
01.4.03 আন্বীক্ষিকী ত্রযী বার্ত্তানাং যোগক্ষেমসাধনো দণ্ডঃ, তস্য নীতির্দণ্ড নীতিঃ, অলব্ধলাভার্থা লব্ধপরিরক্ষণী রক্ষিতবিবর্ধনী বৃদ্ধস্য তীর্থে প্রতিপাদনী চ
01.4.04 তস্যাং আযত্তা লোকযাত্রা
01.4.05 তস্মাল্লোকযাত্রাঽর্থী নিত্যং উদ্যতদণ্ডঃ স্যাত্
01.4.06 ন হ্যেবংবিধং বশ উপনযনং অস্তি ভূতানাং যথা দণ্ডঃ | ইত্যাচার্যাঃ
01.4.07 ন ইতি কৌটিল্যঃ
01.4.08 তীক্ষ্ণদণ্ডো হি ভূতানাং উদ্বেজনীযো ভবতি
01.4.09 মৃদুদণ্ডঃ পরিভূযতে
01.4.10 যথাঽর্হদণ্ডঃ পূজ্যতে
01.4.11 সুবিজ্ঞাতপ্রণীতো হি দণ্ডঃ প্রজা ধর্মার্থকামৈর্যোজযতি
01.4.12 দুষ্প্রণীতঃ কামক্রোধাভ্যাং অবজ্ঞানাদ্ বা বানপ্রস্থপরিব্রাজকান্ অপি কোপযতি, কিংঽঙ্গ পুনর্গৃহস্থান্
01.4.13 অপ্রণীতঃ তু মাত্স্যন্যাযং উদ্ভাবযতি
01.4.14 বলীযান্ অবলং হি গ্রসতে দণ্ডধরাভাবে
01.4.15 স তেন গুপ্তঃ প্রভবতি ইতি
01.4.16ab চতুর্বর্ণাশ্রমো লোকো রাজ্ঞা দণ্ডেন পালিতঃ |
01.4.16chd স্বধর্মকর্মাভিরতো বর্ততে স্বেষু বর্ত্মসু ( ইতি)

Chapt | Section.2: Association with elders
01.5.01 তস্মাদ্ দণ্ডমূলাঃ তিস্রো বিদ্যাঃ
01.5.02 বিনযমূলো দণ্ডঃ প্রাণভৃতাং যোগক্ষেমাবহঃ
01.5.03 কৃতকঃ স্বাভাবিকশ্চ বিনযঃ
01.5.04 ক্রিযা হি দ্রব্যং বিনযতি নাদ্রব্যম্
01.5.05 শুশ্রূষা শ্রবণগ্রহণধারণবিজ্ঞান ঊহাপোহতত্ত্বাভিনিবিষ্টবুদ্ধিং বিদ্যা বিনযতি ন ইতরম্
01.5.06 বিদ্যানাং তু যথাস্বং আচার্যপ্রামাণ্যাদ্ বিনযো নিযমশ্চ
01.5.07 বৃত্তচৌলকর্মা লিপিং সঙ্খ্যানং চ উপযুঞ্জীত
01.5.08 বৃত্ত উপনযনঃ ত্রযীং আন্বীক্ষিকীং চ শিষ্টেভ্যো বার্ত্তাং অধ্যক্ষেভ্যো দণ্ডনীতিং বক্তৃপ্রযোক্তৃভ্যঃ
01.5.09 ব্রহ্মচর্যং চ ষোডশাদ্ বর্ষাত্
01.5.10 অতো গোদানং দারকর্ম চাস্য
01.5.11 নিত্যশ্চ বিদ্যাবৃদ্ধসম্যোগো বিনযবৃদ্ধ্য্ঽর্থং, তন্মূলত্বাদ্ বিনযস্য
01.5.12 পূর্বং অহর্ভাগং হস্ত্য্ঽশ্বরথপ্রহরণবিদ্যাসু বিনযং গচ্ছেত্ |
01.5.13 পশ্চিমং ইতিহাসশ্রবণে
01.5.14 পুরাণং ইতিবৃত্তং আখ্যাযিক উদাহরণং ধর্মশাস্ত্রং অর্থশাস্ত্রং চ ইতি ইতিহাসঃ
01.5.15 শেষং অহোরাত্রভাগং অপূর্বগ্রহণং গৃহীতপরিচযং চ কুর্যাত্, অগৃহীতানাং আভীক্ষ্ণ্যশ্রবণং চ
01.5.16 শ্রুতাদ্দ্ হি প্রজ্ঞা উপজাযতে প্রজ্ঞাযা যোগো যোগাদ্ আত্মবত্তা ইতি বিদ্যানাং সামর্থ্যম্
01.5.17ab বিদ্যাবিনীতো রাজা হি প্রজানাং বিনযে রতঃ |
01.5.17chd অনন্যাং পৃথিবীং ভুঙ্ক্তে সর্বভূতহিতে রতঃ ( ইতি)

Chapt | Section.3: Control over the senses, (i) Casting out the group of six enemies
01.6.01 বিদ্যা বিনযহেতুরিন্দ্রিযজযঃ কামক্রোধলোভমানমদহর্ষত্যাগাত্ কার্যঃ
01.6.02 কর্ণত্বগ্ঽক্ষিজিহ্বাঘ্রাণ ইন্দ্রিযাণাং শব্দস্পর্শরূপরসগন্ধেষ্ববিপ্রতিপত্তিরিন্দ্রিযজযঃ, শাস্ত্রানুষ্ঠানং বা
01.6.03 কৃত্স্নং হি শাস্ত্রং ইদং ইন্দ্রিযজযঃ
01.6.04 তদ্ বিরুদ্ধবৃত্তিরবশ্য ইন্দ্রিযশ্চাতুরন্তো অপি রাজা সদ্যো বিনশ্যতি
01.6.05 যথা দাণ্ডক্যো নাম ভোজঃ কামাদ্ ব্রাহ্মণকন্যাং অভিমন্যমানঃ স-বন্ধুরাষ্ট্রো বিননাশ, করালশ্চ বৈদেহঃ
01.6.06 কোপাজ্ জনমেজযো ব্রাহ্মণেষু বিক্রান্তঃ, তালজঙ্ঘশ্চ ভৃগুষু
01.6.07 লোভাদ্ ঐলশ্চাতুর্বর্ণ্যং অত্যাহারযমাণঃ, সৌবীরশ্চাজবিন্দুঃ |
01.6.08 মানাদ্ রাবণঃ পরদারান্ অপ্রযচ্ছন্, দুর্যোধনো রাজ্যাদ্ অংশং চ
01.6.09 মদাদ্ দম্ভোদ্ভবো ভূতাবমানী, হৈহযশ্চার্জুনঃ
01.6.10 হর্ষাদ্ বাতাপিরগস্ত্যং অত্যাসাদযন্, বৃষ্ণিসঙ্ঘশ্চ দ্বৈপাযনং ইতি
01.6.11ab এতে চান্যে চ বহবঃ শত্রুষড্বর্গং আশ্রিতাঃ |
01.6.11chd স-বন্ধুরাষ্ট্রা রাজানো বিনেশুরজিত ইন্দ্রিযাঃ
01.6.12ab শত্রুষড্বর্গং উত্সৃজ্য জামদগ্ন্যো জিত ইন্দ্রিযঃ |
01.6.12chd অম্বরীষশ্চ নাভাগো বুভুজাতে চিরং মহীম্ ( ইতি)

Chapt | ii) The life of a sage-like king
01.7.01 তস্মাদ্ অরিষড্বর্গত্যাগেন ইন্দ্রিযজযং কুর্বীত, বৃদ্ধসম্যোগেন প্রজ্ঞাং, চারেণ চক্ষুঃ, উত্থানেন যোগক্ষেমসাধনং, কার্যানুশাসনেন স্বধর্মস্থাপনং, বিনযং বিদ্যা উপদেশেন, লোকপ্রিযত্বং অর্থসম্যোগেন বৃত্তিম্
01.7.02 এবং বশ্য ইন্দ্রিযঃ পরস্ত্রীদ্রব্যহিংসাশ্চ বর্জযেত্, স্বপ্নং লৌল্যং অনৃতং উদ্ধতবেষত্বং অনর্থ্যসম্যোগং অধর্মসম্যুক্তং অনর্থসম্যুক্তং চ ব্যবহারম্
01.7.03 ধর্মার্থাবিরোধেন কামং সেবেত, ন নিহ্সুখঃ স্যাত্
01.7.04 সমং বা ত্রিবর্গং অন্যোন্যানুবদ্ধম্
01.7.05 একো হ্যত্যাসেবিতো ধর্মার্থকামানাং আত্মানং ইতরৌ চ পীডযতি
01.7.06 অর্থ এব প্রধান ইতি কৌটিল্যঃ
01.7.07 অর্থমূলৌ হি ধর্মকামাবিতি
01.7.08 মর্যাদাং স্থাপযেদ্ আচার্যান্ অমাত্যান্ বা, য এনং অপায স্থানেভ্যো বারযেযুঃ, ছাযানালিকাপ্রতোদেন বা রহসি প্রমাদ্যন্তং অভিতুদেযুঃ
01.7.09ab সহাযসাধ্যং রাজত্বং চক্রং একং ন বর্ততে |
01.7.09chd কুর্বীত সচিবাংঃ তস্মাত্ তেষাং চ শৃণুযান্ মতম্ ( ইতি)

Chapt | Appointment of ministers
01.8.01 সহাধ্যাযিনো অমাত্যান্ কুর্বীত, দৃষ্টশৌচসামর্থ্যত্বাত্ ইতি ভারদ্বাজঃ
01.8.02 তে হ্যস্য বিশ্বাস্যা ভবন্তি ইতি
01.8.03 ন ইতি বিশালাক্ষঃ
01.8.04 সহক্রীডিতত্বাত্ পরিভবন্ত্যেনম্
01.8.05 যে হ্যস্য গুহ্যসধর্মাণঃ তান্ অমাত্যান্ কুর্বীত, সমানশীলব্যসনত্বাত্
01.8.06 তে হ্যস্য মর্মজ্ঞভযান্নাপরাধ্যন্তি ইতি
01.8.07 সাধারণ এষ দোষঃ ইতি পারাশরাঃ
01.8.08 তেষাং অপি মর্মজ্ঞভযাত্ কৃতাকৃতান্যনুবর্তেত
01.8.09ab যাবদ্ভ্যো গুহ্যং আচষ্টে জনেভ্যঃ পুরুষাধিপঃ |
01.8.09chd অবশঃ কর্মণা তেন বশ্যো ভবতি তাবতাম্
01.8.10 য এনং আপত্সু প্রাণাবাধযুক্তাস্বনুগৃহ্ণীযুঃ তান্ অমাত্যান্ কুর্বীত, দৃষ্টানুরাগত্বাত্ ইতি
01.8.11 ন ইতি পিশুনঃ
01.8.12 ভক্তিরেষা ন বুদ্ধিগুণঃ
01.8.13 সঙ্খ্যাতার্থেষু কর্মসু নিযুক্তা যে যথাঽঽদিষ্টং অর্থং সবিশেষং বা কুর্যুঃ তান্ অমাত্যান্ কুর্বীত, দৃষ্টগুণত্বাত্ ইতি
01.8.14 ন ইতি কৌণপদন্তঃ
01.8.15 অন্যৈরমাত্যগুণৈরযুক্তা হ্যেতে
01.8.16 পিতৃপৈতামহান্ অমাত্যান্ কুর্বীত, দৃষ্টাবদানত্বাত্
01.8.17 তে হ্যেনং অপচরন্তং অপি ন ত্যজন্তি, সগন্ধত্বাত্
01.8.18 অমানুষেষ্বপি চ এতদ্ দৃশ্যতে
01.8.19 গাবো হ্যসগন্ধং গোগণং অতিক্রম্য সগন্ধেষ্বেবাবতিষ্ঠন্তে ইতি
01.8.20 ন ইতি বাতব্যাধিঃ
01.8.21 তে হ্যস্য সর্বং অবগৃহ্য স্বামিবত্ প্রচরন্তি
01.8.22 তস্মান্নীতিবিদো নবান্ অমাত্যান্ কুর্বীত
01.8.23 নবাঃ তু যমস্থানে দণ্ডধরং মন্যমানা নাপরাধ্যন্তি ইতি
01.8.24 ন ইতি বাহুদন্তী পুত্রঃ
01.8.25 শাস্ত্রবিদ্ অদৃষ্টকর্মা কর্মসু বিষাদং গচ্ছেত্
01.8.26 তস্মাদ্ অভিজনপ্রজ্ঞাশৌচশৌর্যানুরাগযুক্তান্ অমাত্যান্ কুর্বীত, গুণপ্রাধান্যাত্ ইতি
01.8.27 সর্বং উপপন্নং ইতি কৌটিল্যঃ
01.8.28 কার্যসামর্থ্যাদ্দ্ হি পুরুষসামর্থ্যং কল্প্যতে
01.8.29ab সামর্থ্যশ্চ বিভজ্যামাত্যবিভবং দেশকালৌ চ কর্ম চ |
01.8.29chd অমাত্যাঃ সর্ব এব এতে কার্যাঃ স্যুর্ন তু মন্ত্রিণঃ ( ইতি)

Chapt | Appointment of counsellors and chaplain
01.9.01 জানপদো অভিজাতঃ স্ববগ্রহঃ কৃতশিল্পশ্চক্ষুষ্মান্ প্রাজ্ঞো ধারযিষ্ণুর্দক্ষো বাগ্মী প্রগল্ভঃ প্রতিপত্তিমান্ উত্সাহপ্রভাবযুক্তঃ ক্লেশসহঃ শুচির্মৈত্রো দৃঢভক্তিঃ শীলবলারোগ্যসত্ত্বযুক্তঃ স্তম্ভচাপলহীনঃ সম্প্রিযো বৈরাণাং অকর্তা ইত্যমাত্যসম্পত্
01.9.02 অতঃ পাদার্ঘগুণহীনৌ মধ্যমাবরৌ
01.9.03 তেষাং জনপদ্ঽভিজনং অবগ্রহং চাপ্ততঃ পরীক্ষেত, সমানবিদ্যেভ্যঃ শিল্পং শাস্ত্রচক্ষুষ্মত্তাং চ, কর্মারম্ভেষু প্রজ্ঞাং ধারযিষ্ণুতাং দাক্ষ্যং চ, কথাযোগেষু বাগ্মিত্বং প্রাগল্ভ্যং প্রতিভানবত্ত্বং চ, সংবাসিভ্যঃ শীলবলারোগ্যসত্ত্বযোগং অস্তম্ভং অচাপলং চ, প্রত্যক্ষতঃ সম্প্রিযত্বং অবৈরত্বং চ
01.9.04 প্রত্যক্ষপরোক্ষানুমেযা হি রাজবৃত্তিঃ
01.9.05 স্বযং দ্র্ষ্টং প্রত্যক্ষম্
01.9.06 পর উপদিষ্টং পরোক্ষম্
01.9.07 কর্মসু কৃতেনাকৃতাবেক্ষণং অনুমেযম্
01.9.08 যৌগপদ্যাত্ তু কর্মণাং অনেকত্বাদ্ অনেকস্থত্বাচ্চ দেশকালাত্যযো মা ভূদ্ ইতি পরোক্ষং অমাত্যৈঃ কারযেত্ ইত্যমাত্যকর্ম |
01.9.09 পুরোহিতং উদিত উদিতকুলশীলং স-অঙ্গে বেদে দৈবে নিমিত্তে দণ্ডনীত্যাং চাভিবিনীতং আপদাং দৈবমানুষীণাং অথর্বভিরুপাযৈশ্চ প্রতিকর্তারং কুর্বীত
01.9.10 তং আচার্যং শিষ্যঃ পিতরং পুত্রো ভৃত্যঃ স্বামিনং ইব চানুবর্তেত
01.9.11ab ব্রাহ্মণেন এধিতং ক্ষত্রং মন্ত্রিমন্ত্রাভিমন্ত্রিতম্ |
01.9.11chd জযত্যজিতং অত্যন্তং শাস্ত্রানুগমশস্ত্রিতম্ ( ইতি)

Chapt | Ascertainment of the integrity or the absence of integrity of ministerbymeans of secret tests
01.10.01 মন্ত্রিপুরোহিতসখঃ সামান্যেষ্বধিকরণেষু স্থাপযিত্বাঽমাত্যান্ উপধাভিঃ শোধযেত্
01.10.02 পুরোহিতং অযাজ্যযাজনাধ্যাপনে নিযুক্তং অমৃষ্যমাণং রাজাঽবক্ষিপেত্
01.10.03 স সত্ত্রিভিঃ শপথপূর্বং একৈকং অমাত্যং উপজাপযেত্ – অধার্মিকো অযং রাজা, সাধু ধার্মিকং অন্যং অস্য তত্কুলীনং অপরুদ্ধং কুল্যং একপ্রগ্রহং সামন্তং আটবিকং ঔপপাদিকং বা প্রতিপাদযামঃ, সর্বেষাং এতদ্ রোচতে, কথং বা তব ইতি
01.10.04 প্রত্যাখ্যানে শুচিঃ | ইতি ধর্ম উপধা
01.10.05 সেনাপতিরসত্প্রগ্রহেণাবক্ষিপ্তঃ সত্ত্রিভিরেকৈকং অমাত্যং উপজাপযেত্ লোভনীযেনার্থেন রাজবিনাশায, সর্বেষাং এতদ্ রোচতে, কথং বা তব ইতি
01.10.06 প্রত্যাখ্যানে শুচিঃ | ইত্যর্থ উপধা
01.10.07 পরিব্রাজিকা লব্ধবিশ্বাসাঽন্তঃপুরে কৃতসত্কারা মহামাত্রং একৈকং উপজপেত্ – রাজমহিষী ত্বাং কামযতে কৃতসমাগম উপাযা, মহান্ অর্থশ্চ তে ভবিষ্যতি ইতি
01.10.08 প্রত্যাখ্যানে শুচিঃ | ইতি কাম উপধা
01.10.09 প্রহবণনিমিত্তং একো অমাত্যঃ সর্বান্ অমাত্যান্ আবাহযেত্
01.10.10 তেন উদ্বেগেন রাজা তান্ অবরুন্ধ্যাত্
01.10.11 কাপটিকশ্চাত্র পূর্বাবরুদ্ধঃ তেষাং অর্থমানাবক্ষিপ্তং একৈকং অমাত্যং উপজপেত্ – অসত্ প্রবৃত্তো অযং রাজা, সাধ্বেনং হত্বাঽন্যং প্রতিপাদযামঃ, সর্বেষাং এতদ্ রোচতে, কথং বা তব ইতি
01.10.12 প্রত্যাখ্যানে শুচিঃ | ইতি ভয উপধা
01.10.13 তত্র ধর্ম উপধাশুদ্ধান্ ধর্মস্থীযকণ্টকশোধনেষু কর্মসু স্থাপযেত্, অর্থ উপধাশুদ্ধান্ সমাহর্তৃসম্নিধাতৃনিচযকর্মসু, কাম উপধা শুদ্ধান্ বাহ্যাভ্যন্তরবিহাররক্ষাসু, ভয উপধাশুদ্ধান্ আসন্নকার্যেষু রাজ্ঞঃ
01.10.14 সর্ব উপধাশুদ্ধান্ মন্ত্রিণঃ কুর্যাত্
01.10.15 সর্বত্রাশুচীন্ খনিদ্রব্যহস্তিবনকর্মান্তেষু উপযোজযেত্
01.10.16ab ত্রিবর্গভযসংশুদ্ধান্ অমাত্যান্ স্বেষু কর্মসু |
01.10.16chd অধিকুর্যাদ্ যথা শৌচং ইত্যাচার্যা ব্যবস্থিতাঃ
01.10.17ab ন ত্বেব কুর্যাদ্ আত্মানং দেবীং বা লক্ষ্যং ঈশ্বরঃ |
01.10.17chd শৌচহেতোরমাত্যানাং এতত্ কৌটিল্যদর্শনম্
01.10.18ab ন দূষণং অদুষ্টস্য বিষেণ ইবাম্ভসশ্চরেত্ |
01.10.18chd কদাচিদ্দ্ হি প্রদুষ্টস্য নাধিগম্যেত ভেষজম্
01.10.19ab কৃতা চ কলুষাবুদ্ধিরুপধাভিশ্চতুর্বিধা |
01.10.19chd নাগত্বাঽন্তং নিবর্তেত স্থিতা সত্ত্ববতাং ধৃতৌ
01.10.20ab তস্মাদ্ বাহ্যং অধিষ্ঠানং কৃত্বা কার্যে চতুর্বিধে |
01.10.20chd শৌচাশৌচং অমাত্যানাং রাজা মার্গেত সত্ত্রিভিঃ ( ইতি)

Chapt | Appointment of persons in secret service
01.11.01 উপধাভিঃ শুদ্ধামাত্যবর্গো গূঢপুরুষান্ উত্পাদযেত্ কাপটিক উদাস্থিতগৃহপতিকবৈদেহকতাপসব্যঞ্জনান্ সত্ত্রিতীষ্ক্ণরসদভিক্ষুকীশ্চ
01.11.02 পরমর্মজ্ঞঃ প্রগল্ভশ্ছাত্রঃ কাপটিকঃ
01.11.03 তং অর্থমানাভ্যাং প্রোত্সাহ্য মন্ত্রী ব্রূযাত্ – রাজানং মাং চ প্রমাণং কৃত্বা যস্য যদ্ অকুশলং পশ্যসি তত্ তদানীং এব প্রত্যাদিশ ইতি
01.11.04 প্রব্রজ্যা প্রত্যবসিতঃ প্রজ্ঞাশৌচযুক্ত উদাস্থিতঃ
01.11.05 স বার্ত্তাকর্মপ্রদিষ্টাযাং ভূমৌ প্রভূতহিরণ্যান্তেবাসী কর্ম কারযেত্
01.11.06 কর্মফলাচ্চ সর্বপ্রব্রজিতানাং গ্রাসাচ্ছাদনাবসথান্ প্রতিবিদধ্যাত্
01.11.07 বৃত্তিকামাংশ্চ উপজপেত্ – এতেন এব বেষেণ রাজার্থশ্চরিতব্যো ভক্তবেতনকালে চ উপস্থাতব্যম্ ইতি
01.11.08 সর্বপ্রব্রজিতাশ্চ স্বং স্বং বর্গং এবং উপজপেযুঃ
01.11.09 কর্ষকো বৃত্তিক্ষীণঃ প্রজ্ঞাশৌচযুক্তো গৃহপতিকব্যঞ্জনঃ
01.11.10 স কৃষিকর্মপ্রদিষ্টাযাং ভূমৌ – ইতি সমানং পূর্বেণ
01.11.11 বাণিজকো বৃত্তিক্ষীণঃ প্রজ্ঞাশৌচযুক্তো বৈদেহকব্যঞ্জনঃ
01.11.12 স বণিক্কর্মপ্রদিষ্টাযাং ভূমৌ – ইতি সমানং পূর্বেণ
01.11.13 মুণ্ডো জটিলো বা বৃত্তিকামঃ তাপসব্যঞ্জনঃ
01.11.14 স নগরাভ্যাশে প্রভূতমুণ্ডজটিলান্তেবাসী শাকং যবমুষ্টিং বা মাসদ্বিমাসান্তরং প্রকাশং অশ্নীযাত্, গূঢং ইষ্টং আহারম্
01.11.15 বৈদেহকান্তেবাসিনশ্চ এনং সমিদ্ধযোগৈরর্চযেযুঃ
01.11.16 শিষ্যাশ্চাস্যাবেদযেযুঃ – অসৌ সিদ্ধঃ সামেধিকঃ ইতি
01.11.17 সমেধাশাস্তিভিশ্চাভিগতানাং অঙ্গবিদ্যযা শিষ্যসংজ্ঞাভিশ্চ কর্মাণ্যভিজনে অবসিতান্যাদিশেত্ – অল্পলাভং অগ্নিদাহং চোরভযং দূষ্যবধং তুষ্টিদানং বিদেশপ্রবৃত্তিজ্ঞানং, ইদং অদ্য শ্বো বা ভবিষ্যতি, ইদং বা রাজা করিষ্যতি ইতি
01.11.18 তদ্ অস্য গূঢাঃ সত্ত্রিণশ্চ সম্পাদযেযুঃ
01.11.19 সত্ত্বপ্রজ্ঞাবাক্যশক্তিসম্পন্নানাং রাজভাগ্যং অনুব্যাহরেত্, মন্ত্রিসম্যোগং চ ব্রূযাত্
01.11.20 মন্ত্রী চ এষাং বৃত্তিকর্মভ্যাং বিযতেত
01.11.21 যে চ কারণাদ্ অভিক্রুদ্ধাঃ তান্ অর্থমানাভ্যাং শমযেত্, অকারণক্রুদ্ধাংঃ তূষ্ণীং দণ্ডেন, রাজদ্বিষ্টকারিণশ্চ
01.11.22ab পূজিতাশ্চার্থমানাভ্যাং রাজ্ঞা রাজ উপজীবিনাম্ |
01.11.22chd জানীযুঃ শৌচং ইত্যেতাঃ পঞ্চসংস্থাঃ প্রকীর্তিতাঃ ( ইতি)

Chapt | Appointment of roving spies Rules for secret servants
01.12.01 যে চাপ্যস্মবন্ধিনো অবশ্যভর্তব্যাঃ তে লক্ষণং অঙ্গবিদ্যাং জম্ভকবিদ্যাং মাযাগতং আশ্রমধর্মং নিমিত্তং অন্তরচক্রং ইত্যধীযানাঃ সত্ত্রিণঃ, সংসর্গবিদ্যাং চ
01.12.02 যে জনপদে শূরাঃ ত্যক্তাত্মানো হস্তিনং ব্যালং বা দ্রব্যহেতোঃ প্রতিযোধযেযুঃ তে তীক্ষ্ণাঃ
01.12.03 যে বন্ধুষু নিহ্স্নেহাঃ ক্রূরা অলসাশ্চ তে রসদাঃ
01.12.04 পরিব্রাজিকা বৃত্তিকামা দরিদ্রা বিধবা প্রগল্ভা ব্রাহ্মণ্যন্তঃপুরে কৃতসত্কারা মহামাত্রকুলান্যভিগচ্ছেত্
01.12.05 এতযা মুণ্ডা বৃষল্যো ব্যাখ্যাতাঃ ইতি সঞ্চারাঃ |
01.12.06 তান্ রাজা স্ববিষযে মন্ত্রিপুরোহিতসেনাপতিযুবরাজদৌবারিকান্তর্বংশিকপ্রশাস্তৃ
সমাহর্তৃসম্নিধাতৃপ্রদেষ্টৃনাযকপৌরব্যাবহারিককার্মান্তিকমন্ত্রিপরিষদ্ঽধ্যক্ষদণ্ড
দুর্গান্তপালাটবিকেষু শ্রদ্ধেযদেশবেষশিল্পভাষাঽভিজনাপদেশান্ ভক্তিতঃ
সামর্থ্যযোগাচ্চাপসর্পযেত্
01.12.07 তেষাং বাহ্যং চারং ছত্রভৃঙ্গারব্যজনপাদুকাসনযানবাহন উপগ্রাহিণঃ তীক্ষ্ণা বিদ্যুঃ
01.12.08 তং সত্ত্রিণঃ সংস্থাস্বর্পযেযুঃ
01.12.09 সূদারালিকস্নাপকসংবাহকাস্তরককল্পকপ্রসাধক উদকপরিচারকা রসদাঃ
কুব্জবামনকিরাতমূকবধিরজডান্ধচ্ছদ্মানো নটনর্তকগাযনবাদকবাগ্জীবনকুশীলবাঃ
স্ত্রিযশ্চাভ্যন্তরং চারং বিদ্যুঃ
01.12.10 তং ভিক্ষ্ক্যঃ সংস্থাস্বপ্রযেযুঃ
01.12.11 সংস্থানাং অন্তেবাসিনঃ সংজ্ঞালিপিভিশ্চারসঞ্চারং কুর্যুঃ
01.12.12 ন চান্যোন্যং সংস্থাঃ তে বা বিদ্যুঃ
01.12.13 ভিক্ষুকীপ্রতিষেধে দ্বাহ্স্থপরম্পরা মাতাপিতৃব্যঞ্জনাঃ শিল্পকারিকাঃ কুশীলবা দাস্যো
বা গীতপাঠ্যবাদ্যভাণ্ডগূঢলেখ্যসংজ্ঞাভির্বা চারং নির্হরেযুঃ
01.12.14 দীর্ঘরোগ উন্মাদাগ্নিরসবিসর্গেণ বা গূঢনির্গমনম্
01.12.15 ত্রযাণাং একবাক্যে সম্প্রত্যযঃ
01.12.16 তেষাং অভীক্ষ্ণবিনিপাতে তূষ্ণীন্দণ্ডঃ প্রতিষেধঃ
01.12.17 কণ্টকশোধন উক্তাশ্চাপসর্পাঃ পরেষু কৃতবেতনা বসেযুরসম্পাতিনশ্চারার্থম্
01.12.18 ত উভযবেতনাঃ
01.12.19ab গৃহীতপুত্রদারাংশ্চ কুর্যাদ্ উভযবেতনান্ |
01.12.19chd তাংশ্চারিপ্রহিতান্ বিদ্যাত্ তেষাং শৌচং চ তদ্বিধৈঃ
01.12.20ab এবং শত্রৌ চ মিত্রে চ মধ্যমে চাবপেচ্চরান্ |
01.12.20chd উদাসীনে চ তেষাং চ তীর্থেষ্বষ্টাদশস্বপি
01.12.21ab অন্তর্গৃহচরাঃ তেষাং কুব্জবামনপণ্ডকাঃ |
01.12.21chd শিল্পবত্যঃ স্ত্রিযো মূকাশ্চিত্রাশ্চ ম্লেচ্ছজাতযঃ
01.12.22ab দুর্গেষু বণিজঃ সংস্থা দুর্গান্তে সিদ্ধতাপসাঃ |
01.12.22chd কর্ষক উদাস্থিতা রাষ্ট্রে রাষ্ট্রান্তে ব্রজবাসিনঃ
01.12.23ab বনে বনচরাঃ কার্যাঃ শ্রমণাটবিকাদযঃ |
01.12.23chd পরপ্রবৃত্তিজ্ঞানার্থাঃ শীঘ্রাশ্চারপরম্পরাঃ
01.12.24ab পরস্য চ এতে বোদ্ধব্যাঃ তাদৃশৈরেব তাদৃশাঃ |
01.12.24chd চারসঞ্চারিণঃ সংস্থা গূঢাশ্চাগূঢসংজ্ঞিতাঃ
01.12.25ab অকৃত্যান্ কৃত্যপক্ষীযৈর্দর্শিতান্ কার্যহেতুভিঃ |
01.12.25chd পরাপসর্পজ্ঞানার্থং মুখ্যান্ অন্তেষু বাসযেত্ ( ইতি)

Chapt | keeping a watch over the seducible and non-seducible parties in ones own territorয্

01.13.01 কৃতমহামাত্রাপসর্পঃ পৌরজানপদান্ অপসর্পযেত্
01.13.02 সত্ত্রিণো দ্বন্দ্বিনঃ তীর্থসভাপূগজনসমবাযেষু বিবাদং কুর্যুঃ
01.13.03 সর্বগুণসম্পন্নশ্চাযং রাজা শ্রূযতে, ন চাস্য কশ্চিদ্ গুণো দৃশ্যতে যঃ পৌরজানপদান্ দণ্ডকরাভ্যাং পীডযতি ইতি
01.13.04 তত্র যেঽনুপ্রশংসেযুঃ তান্ ইতরঃ তং চ প্রতিষেধযেত্
01.13.05 মাত্স্যন্যাযাভিভূতাঃ প্রজা মনুং বৈবস্বতং রাজানং চক্রিরে
01.13.06 ধান্যষড্ভাগং পণ্যদশভাগং হিরণ্যং চাস্য ভাগধেযং প্রকল্পযাম্-আসুঃ
01.13.07 তেন ভৃতা রাজানঃ প্রজানাং যোগক্ষেমাবহাঃ
01.13.08 তেষাং কিল্বিষং অদণ্ডকরা হরন্ত্যযোগক্ষেমাবহাশ্চ প্রজানাম্
01.13.09 তস্মাদ্ উঞ্ছষড্ভাগং আরণ্যকাঽপি নির্বপন্তি – তস্য এতদ্ ভাগধেযং যোঽস্মান্ গোপাযতি ইতি
01.13.10 ইন্দ্রযমস্থানং এতদ্ রাজানঃ প্রত্যক্ষহেডপ্রসাদাঃ
01.13.11 তান্ অবমন্যমানান্ দৈবোঽপি দণ্ডঃ স্পৃশতি
01.13.12 তস্মাদ্ রাজানো নাবমন্তব্যাঃ
01.13.13 ইত্যেবং ক্ষুদ্রকান্ প্রতিষেধযেত্
01.13.14 কিংবদন্তীং চ বিদ্যুঃ
01.13.15 যে চাস্য ধান্যপশুহিরণ্যান্যাজীবন্তি, তৈরুপকুর্বন্তি ব্যসনেঽভ্যুদযে বা, কুপিতং বন্ধুং রাষ্ট্রং বা ব্যাবর্তযন্তি, অমিত্রং আটবিকং বা প্রতিষেধযন্তি, তেষাং মুণ্ডজটিলব্যঞ্জনাঃ তুষ্টাতুষ্টত্বং বিদ্যুঃ
01.13.16 তুষ্টান্ ভূযোঽর্থমানাভ্যাং পূজযেত্
01.13.17 অতুষ্টাংঃ তুষ্টিহেতোঃ ত্যাগেন সাম্না চ প্রসাদযেত্
01.13.18 পরস্পরাদ্ বা ভেদযেদ্ এনান্, সামন্তাটবিকতত্কুলীনাপরুদ্ধেভ্যশ্চ
01.13.19 তথাঽপ্যতুষ্যতো দণ্ডকরসাধনাধিকারেণ জনপদবিদ্বেষং গ্রাহযেত্
01.13.20 বিবিষ্টান্ উপাংশুদণ্ডেন জনপদকোপেন বা সাধযেত্
01.13.21 গুপ্তপুত্রদারান্ আকরকর্মান্তেষু বা বাসযেত্ পরেষাং আস্পদভযাত্
01.13.22 ক্রুদ্ধলুব্ধভীতমানিনঃ তু পরেষাং কৃত্যাঃ
01.13.23 তেষাং কার্তান্তিকনৈমিত্তিকমৌহূর্তিকব্যঞ্জনাঃ পরস্পরাভিসম্বন্ধং অমিত্রাটবিকসম্বন্ধং বা বিদ্যুঃ
01.13.24 তুষ্টান্ অর্থমানাভ্যাং পূজযেত্ |
01.13.25 অতুষ্টান্ সামদানভেদদণ্ডৈঃ সাধযেত্
01.13.26ab এবং স্ববিষযে কৃত্যান্ অকৃত্যাংশ্চ বিচক্ষণঃ |
01.13.26chd পর উপজাপাত্ সম্রক্ষেত্ প্রধানান্ ক্ষুদ্রকান্ অপি ( ইতি)

Chapt | Winning over the seducible and non-seducible parties in the enemy territorয্

01.14.01 কৃত্যাকৃত্যপক্ষ উপগ্রহঃ স্ববিষযে ব্যাখ্যাতঃ, পরবিষযে বাচ্যঃ
01.14.02 সংশ্রুত্যার্থান্ বিপ্রলব্ধঃ, তুল্যকারিণোঃ শিল্পে বা উপকারে বা বিমানিতঃ, বল্লভাবরুদ্ধঃ,
সমাহূয পরাজিতঃ, প্রবাস উপতপ্তঃ, কৃত্বা ব্যযং অলব্ধকার্যঃ, স্বধর্মাদ্ দাযাদ্যাদ্ বা উপরুদ্ধঃ,
মানাধিকারাভ্যাং ভ্রষ্টঃ, কুল্যৈরন্তর্হিতঃ, প্রসভাভিমৃষ্টস্ত্রীকঃ, কারাভিন্যস্তঃ,
পর উক্তদণ্ডিতঃ, মিথ্যাঽঽচারবারিতঃ, সর্বস্বং আহারিতঃ, বন্ধনপরিক্লিষ্টঃ, প্রবাসিতবন্ধুঃ
ইতি ক্রুদ্ধবর্গঃ
01.14.03 স্বযং উপহতঃ, বিপ্রকৃতঃ, পাপকর্মাভিখ্যাতঃ, তুল্যদোষদণ্ডেন উদ্বিগ্নঃ, পর্যাত্তভূমিঃ, দণ্ডেন উপনতঃ, সর্বাধিকরণস্থঃ, সহসা উপচিতার্থঃ, তত্কুলীন উপাশংসুঃ, প্রদ্বিষ্টো রাজ্ঞা, রাজদ্বেষী চ – ইতি ভীতবর্গঃ
01.14.04 পরিক্ষীণঃ, অন্যাত্তস্বঃ, কদর্যঃ, ব্যসনী, অত্যাহিতব্যবহারশ্চ – ইতি লুব্ধবর্গঃ
01.14.05 আত্মসম্ভাবিতঃ, মানকামঃ, শত্রুপূজাঽমর্ষিতঃ, নীচৈরুপহিতঃ, তীক্ষ্ণঃ, সাহসিকঃ, ভোগেনাসন্তুষ্টঃ – ইতি মানিবর্গঃ
01.14.06 তেষাং মুণ্ডজটিলব্যঞ্জনৈর্যো যদ্ভক্তিঃ কৃত্যপক্ষীযঃ তং তেন উপজাপযেত্
01.14.07 যথা মদান্ধো হস্তী মত্তেনাধিষ্ঠিতো যদ্ যদ্ আসাদযতি তত্ সর্বং প্রমৃদ্নাতি, এবং অযং অশাস্ত্রচক্ষুরন্ধো রাজা পৌরজানপদবধাযাভ্যুত্থিতঃ, শক্যং অস্য প্রতিহস্তিপ্রোত্সাহনেনাপকর্তুং, অমর্ষঃ ক্রিযতাম্ ইতি ক্রুদ্ধবর্গং উপজাপযেত্
01.14.08 যথা লীনঃ সর্পো যস্মাদ্ ভযং পশ্যতি তত্র বিষং উত্সৃজতি, এবং অযং রাজা জাতদোষাশঙ্কঃ ত্বযি পুরা ক্রোধবিষং উত্সৃজতি, অন্যত্র গম্যতাম্ ইতি ভীতবর্গং.উপজাপযেত্
01.14.09 যথা শ্বগণিনাং ধেনুঃ শ্বভ্যো দুহ্যতে ন ব্রাহ্মণেভ্যঃ, এবং অযং রাজা সত্ত্বপ্রজ্ঞাবাক্যশক্তিহীনেভ্যো দুহ্যতে নাত্মগুণসম্পন্নেভ্যঃ, অসৌ রাজা পুরুষবিশেষজ্ঞঃ, তত্র গম্যতাম্ ইতি লুব্ধবর্গং.উপজাপযেত্
01.14.10 যথা চণ্ডাল উদপানশ্চণ্ডালানাং এব উপভোগ্যো নান্যেষাং, এবং অযং রাজা নীচো নীচানাং এব উপভোগ্যো ন ত্বদ্বিধানাং আর্যাণাং, অসৌ রাজা পুরুষবিশেষজ্ঞঃ, তত্র গম্যতাম্ ইতি মানিবর্গং উপজাপযেত্
01.14.11ab তথা ইতি প্রতিপন্নাংঃ তান্ সংহিতান্ পণকর্মণা |
01.14.11chd যোজযেত যথাশক্তি স-অপসর্পান্ স্বকর্মসু
01.14.12ab লভেত সামদানাভ্যাং কৃত্যাংশ্চ পরভূমিষু |
01.14.12chd অকৃত্যান্ ভেদদণ্ডাভ্যাং পরদোষাংশ্চ দর্শযন্ ( ইতি)

Chapt | The topic of counsel
01.15.01 কৃতস্বপক্ষপরপক্ষ উপগ্রহঃ কার্যারম্ভাংশ্চিন্তযেত্
01.15.02 মন্ত্রপূর্বাঃ সর্বারম্ভাঃ
01.15.03 তদ্.উদ্দেশঃ সংবৃতঃ কথানাং অনিহ্শ্রাবী পক্ষিভিরপ্যনালোক্যঃ স্যাত্ |
01.15.04 শ্রূযতে হি শুকসারিকাভির্মন্ত্রো ভিন্নঃ, শ্বভিরপ্যন্যৈশ্চ তির্যগ্যোনিভিরিতি
01.15.05 তস্মান্ মন্ত্র উদ্দেশং অনাযুক্তো ন উপগচ্ছেত্
01.15.06 উচ্ছিদ্যেত মন্ত্রভেদী
01.15.07 মন্ত্রভেদো হি দূতামাত্যস্বামিনাং ইঙ্গিতাকারাভ্যাম্
01.15.08 ইঙ্গিতং অন্যথাবৃত্তিঃ
01.15.09 আকৃতিগ্রহণং আকারঃ
01.15.10 তস্য সংবরণং আযুক্তপুরুষরক্ষণং আকার্যকালাদ্ ইতি
01.15.11 তেষাং হি প্রমাদমদসুপ্তপ্রলাপাঃ, কামাদিরুত্সেকঃ, প্রচ্ছন্নোঽবমতো বা মন্ত্রং ভিনত্তি
01.15.12 তস্মাদ্ আদ্রক্ষেন্ মন্ত্রম্
01.15.13 মন্ত্রভেদো হ্যযোগক্ষেমকরো রাজ্ঞঃ তদ্ঽঅযুক্তপুরুষাণাং চ
01.15.14 তস্মাদ্ গুহ্যং একো মন্ত্রযেত ইতি ভারদ্বাজঃ
01.15.15 মন্ত্রিণাং অপি হি মন্ত্রিণো ভবন্তি, তেষাং অপ্যন্যে
01.15.16 সা এষা মন্ত্রিপরম্পরা মন্ত্রং ভিনত্তি
01.15.17ab তস্মান্নাস্য পরে বিদ্যুঃ কর্ম কিঞ্চিচ্চিকীর্ষিতম্ |
01.15.17chd আরব্ধারঃ তু জানীযুরারব্ধং কৃতং এব বা
01.15.18 ন একস্য মন্ত্রসিদ্ধিরস্তি ইতি বিশালাক্ষঃ
01.15.19 প্রত্যক্ষপরোক্ষানুমেযা হি রাজবৃত্তিঃ
01.15.20 অনুপলব্ধস্য জ্ঞানং উপলব্ধস্য নিশ্চিতবলাধানং অর্থদ্বৈধস্য সংশযচ্ছেদনং একদেশদৃষ্টস্য শেষ উপলব্ধিরিতি মন্ত্রিসাধ্যং এতত্
01.15.21 তস্মাদ্ বুদ্ধিবৃদ্ধৈঃ সার্ধং অধ্যাসীত মন্ত্রম্
01.15.22ab ন কঞ্চিদ্ অবমন্যেত সর্বস্য শৃণুযান্ মতম্ |
01.15.22chd বালস্যাপ্যর্থবদ্বাক্যং উপযুঞ্জীত পণ্ডিতঃ |
01.15.23 এতন্ মন্ত্রজ্ঞানং, ন এতন্ মন্ত্ররক্ষণম্ ইতি পারাশরাঃ
01.15.24 যদ্ অস্য কার্যং অভিপ্রেতং তত্প্রতিরূপকং মন্ত্রিণঃ পৃচ্ছেত্ – কার্যং ইদং এবং আসীত্, এবং বা যদি ভবেত্, তত্ কথং কর্তব্যম্ ইতি
01.15.25 তে যথা ব্রূযুঃ তত্ কুর্যাত্
01.15.26 এবং মন্ত্র উপলব্ধিঃ সংবৃতিশ্চ ভবতি ইতি
01.15.27 ন ইতি পিশুনঃ
01.15.28 মন্ত্রিণো হি ব্যবহিতং অর্থং বৃত্তং অবৃত্তং বা পৃষ্টা অনাদরেণ ব্রুবন্তি প্রকাশযন্তি বা
01.15.29 স দোষঃ
01.15.30 তস্মাত্ কর্মসু যে যেষ্বভিপ্রেতাঃ তৈঃ সহ মন্ত্রযেত
01.15.31 তৈর্মন্ত্রযমাণো হি মন্ত্রসিদ্ধিং গুপ্তিং চ লভতে ইতি
01.15.32 ন ইতি কৌটিল্যঃ
01.15.33 অনবস্থা হ্যেষা
01.15.34 মন্ত্রিভিঃ ত্রিভিশ্চতুর্ভির্বা সহ মন্ত্রযেত
01.15.35 মন্ত্রযমাণো হ্যেকেনার্থকৃচ্ছ্রেষু নিশ্চযং নাধিগচ্ছেত্
01.15.36 একশ্চ মন্ত্রী যথা ইষ্টং অনবগ্রহশ্চরতি
01.15.37 দ্বাভ্যাং মন্ত্রযমাণো দ্বাভ্যাং সংহতাভ্যাং অবগৃহ্যতে, বিগৃহীতাভ্যাং বিনাশ্যতে
01.15.38 তত্ ত্রিষু চতুষু বা কৃচ্ছ্রেণ উপপদ্যতে
01.15.39 মহাদোষং উপপন্নং তু ভবতি
01.15.40 ততঃ পরেষু কৃচ্ছ্রেণার্থনিশ্চযো গম্যতে, মন্ত্রো বা রক্ষ্যতে
01.15.41 দেশকালকার্যবশেন ত্বেকেন সহ দ্বাভ্যাং একো বা যথাসামর্থ্যং মন্ত্রযেত alterNative views approved
01.15.42 কর্মণাং আরম্ভ উপাযঃ পুরুষদ্রব্যসম্পদ্ দেশকালবিভাগো বিনিপাতপ্রতীকারঃ কার্যসিদ্ধিরিতি পঞ্চাঙ্গো মন্ত্রঃ
01.15.43 তান্ একৈকশঃ পৃচ্ছেত্ সমস্তাংশ্চ
01.15.44 হেতুভিশ্চ এষাং মতিপ্রবিবেকান্ বিদ্যাত্
01.15.45 অবাপ্তার্থঃ কালং নাতিক্রামযেত্
01.15.46 ন দীর্ঘকালং মন্ত্রযেত, ন তেষাং পক্ষীযৈর্যেষাং অপকুর্যাত্
01.15.47 মন্ত্রিপরিষদং দ্বাদশামাত্যান্ কুর্বীত ইতি মানবাঃ
01.15.48 ষোডশ ইতি বার্হস্পত্যাঃ
01.15.49 বিংশতিম্ ইত্যৌশনসাঃ
01.15.50 যথাসামর্থ্যং ইতি কৌটিল্যঃ
01.15.51 তে হ্যস্য স্বপক্ষং পরপক্ষং চ চিন্তযেযুঃ
01.15.52 অকৃতারম্ভং আরব্ধানুষ্ঠানং অনুষ্ঠিতবিশেষং নিযোগসম্পদং চ কর্মণাং কুর্যুঃ
01.15.53 আসন্নৈঃ সহ কর্মাণি পশ্যেত্
01.15.54 অনাসন্নৈঃ সহ পত্ত্রসম্প্রেষণেন মন্ত্রযেত
01.15.55 ইন্দ্রস্য হি মন্ত্রিপরিষদ্.ঋষীণাং সহস্রম্
01.15.56 স তচ্চক্ষুঃ
01.15.57 তস্মাদ্ ইমং দ্ব্য্ঽক্ষং সহস্রাক্ষং আহুঃ
01.15.58 আত্যযিকে কার্যে মন্ত্রিণো মন্ত্রিপরিষদং চাহূয ব্রূযাত্
01.15.59 তত্র যদ্ভূযিষ্ঠা ব্রূযুঃ কার্যসিদ্ধিকরং বা তত্ কুর্যাত্
01.15.60 কুর্বতশ্চ
01.15.60ab নাস্য গুহ্যং পরে বিদ্যুশ্ছিদ্রং বিদ্যাত্ পরস্য চ |
01.15.60chd গূহেত্ কূর্ম ইবাঙ্গানি যত্ স্যাদ্ বিবৃতং আত্মনঃ
01.15.61ab যথা হ্যশ্রোত্রিযঃ শ্রাদ্ধং ন সতাং ভোক্তুং অর্হতি |
01.15.61chd এবং অশ্রুতশাস্ত্রার্থো ন মন্ত্রং শ্রোতুং অর্হতি ( ইতি)

Chapt | Rules for the envoয্
01.16.01 উদ্বৃত্তমন্ত্রো দূতপ্রণিধিঃ
01.16.02 অমাত্যসম্পদা উপেতো নিসৃষ্টার্থঃ
01.16.03 পাদগুণহীনঃ পরিমিতার্থঃ
01.16.04 অর্ধগুণহীনঃ শাসনহরঃ
01.16.05 সুপ্রতিবিহিতযানবাহনপুরুষপরিবাপঃ প্রতিষ্ঠেত
01.16.06 শাসনং এবং বাচ্যঃ পরঃ, স বক্ষ্যত্যেবং, তস্য ইদং প্রতিবাক্যং, এবং অতিসন্ধাতব্যং, ইত্যধীযানো গচ্ছেত্
01.16.07 অটব্য্ঽন্তপালপুররাষ্ট্রমুখ্যৈশ্চ প্রতিসংসর্গং গচ্ছেত্
01.16.08 অনীকস্থানযুদ্ধপ্রতিগ্রহাপসারভূমীরাত্মনঃ পরস্য চাবেক্ষেত
01.16.09 দুর্গরাষ্ট্রপ্রমাণং সারবৃত্তিগুপ্তিচ্ছিদ্রাণি চ উপলভেত
01.16.10 পরাধিষ্ঠানং অনুজ্ঞাতঃ প্রবিশেত্
01.16.11 শাসনং চ যথা উক্তং ব্রূযাত্, প্রাণাবাধেঽপি দৃষ্টে
01.16.12 পরস্য বাচি বক্ত্রে দৃষ্ট্যাং চ প্রসাদং বাক্যপূজনং ইষ্টপরিপ্রশ্নং গুণকথাসঙ্গং আসন্নং আসনং সত্কারং ইষ্টেষু স্মরণং বিশ্বাসগমনং চ লক্ষযেত্ তুষ্টস্য, বিপরীতং অতুষ্টস্য
01.16.13 তং ব্রূযাত্ – দূতমুখা হি রাজানঃ, ত্বং চান্যে চ
01.16.14 তস্মাদ্ উদ্যতেষ্বপি শস্ত্রেষু যথা উক্তং বক্তারো দূতাঃ
01.16.15 তেষাং অন্তাবসাযিনোঽপ্যবধ্যাঃ, কিং অঙ্গ পুনর্ব্রাহ্মণাঃ
01.16.16 পরস্য এতদ্ বাক্যম্
01.16.17 এষ দূতধর্মঃ ইতি
01.16.18 বসেদ্ অবিসৃষ্টঃ পূজযা ন উত্সিক্তঃ
01.16.19 পরেষু বলিত্বং ন মন্যেত
01.16.20 বাক্যং অনিষ্টং সহেত
01.16.21 স্ত্রিযঃ পানং চ বর্জযেত্
01.16.22 একঃ শযীত
01.16.23 সুপ্তমত্তযোর্হি ভাবজ্ঞানং দৃষ্টম্
01.16.24 কৃত্যপক্ষ উপজাপং অকৃত্যপক্ষে গূঢপ্রণিধানং রাগাপরাগৌ ভর্তরি রন্ধ্রং চ প্রকৃতীনাং তাপসবৈদেহকব্যঞ্জনাভ্যাং উপলভেত, তযোরন্তেবাসিভিশ্চিকিত্সকপাষণ্ডব্যঞ্জন উভযবেতনৈর্বা
01.16.25 তেষাং অসম্ভাষাযাং যাচকমত্ত উন্মত্তসুপ্তপ্রলাপৈঃ পুণ্যস্থানদেবগৃহচিত্রলেখ্যসংজ্ঞাভির্বা চারং উপলভেত
01.16.26 উপলব্ধস্য উপজাপং উপেযাত্
01.16.27 পরেণ চ উক্তঃ স্বাসাং প্রকৃতীনাং প্রমাণং নাচক্ষীত
01.16.28 সর্বং বেদ ভবান্ ইতি ব্রূযাত্, কার্যসিদ্ধিকরং বা
01.16.29 কার্যস্যাসিদ্ধাবুপরুধ্যমানঃ তর্কযেত্ – কিং ভর্তুর্মে ব্যসনং আসন্নং পশ্যন্, স্বং বা ব্যসনং প্রতিকর্তুকামঃ, পার্ষ্ণিগ্রাহং আসারং অন্তঃকোপং আটবিকং বা সমুত্থাপযিতুকামঃ, মিত্রং আক্রন্দং বা ব্যাঘাতযিতুকামঃ, স্বং বা পরতো বিগ্রহং অন্তঃকোপং আটবিকং বা প্রতিকর্তুকামঃ, সংসিদ্ধং বা মে ভর্তুর্যাত্রাকালং অভিহন্তুকামঃ, সস্যপণ্যকুপ্যসঙ্গ্রহং দুর্গকর্ম বলসমুদ্দানং বা কর্তুকামঃ, স্বসৈন্যানাং বা ব্যাযামস্য দেশকালাবাকাঙ্ক্ষমাণঃ, পরিভবপ্রমাদাভ্যাং বা, সংসর্গানুবন্ধার্থী বা, মাং উপরুণদ্ধি ইতি
01.16.30 জ্ঞাত্বা বসেদ্ অপসরেদ্ বা
01.16.31 প্রযোজনং ইষ্টং অবেক্ষেত বা
01.16.32 শাসনং অনিষ্টং উক্ত্বা বন্ধবধভযাদ্ অবিসৃষ্টোঽপ্যপগচ্ছেত্, অন্যথা নিযম্যেত
01.16.33ab প্রেষণং সন্ধিপালত্বং প্রতাপো মিত্রসঙ্গ্রহঃ |
01.16.33chd উপজাপঃ সুহৃদ্ভেদো গূঢদণ্ডাতিসারণম্
01.16.34ab বন্ধুরত্নাপহরণং চারজ্ঞানং পরাক্রমঃ |
01.16.34chd সমাধিমোক্ষো দূতস্য কর্ম যোগস্য চাশ্রযঃ
01.16.35ab স্বদূতৈঃ কারযেদ্ এতত্ পরদূতাংশ্চ রক্ষযেত্ |
01.16.35chd প্রতিদূতাপসর্পাভ্যাং দৃশ্যাদৃশ্যৈশ্চ রক্ষিভিঃ ( ইতি)

Chapt | Guarding against princes
01.17.01 রক্ষিতো রাজা রাজ্যং রক্ষত্যাসন্নেভ্যঃ পরেভ্যশ্চ, পূর্বং দারেভ্যঃ পুত্রেভ্যশ্চ
01.17.02 দাররক্ষণং নিশান্তপ্রণিধৌ বক্ষ্যামঃ
01.17.03 পুত্ররক্ষণং তু
01.17.04 জন্মপ্রভৃতি রাজপুত্রান্ রক্ষেত্
01.17.05 কর্কটকসধর্মাণো হি জনকভক্ষা রাজপুত্রাঃ
01.17.06 তেষাং অজাতস্নেহে পিতর্যুপাংশুদণ্ডঃ শ্রেযান্ ইতি ভারদ্বাজঃ
01.17.07 নৃশংসং অদুষ্টবধঃ ক্ষত্রবীজবিনাশশ্চ ইতি বিশালাক্ষঃ
01.17.08 তস্মাদ্ একস্থানাবরোধঃ শ্রেযান্ ইতি
01.17.09 অহিভযং এতদ্ ইতি পারাশরাঃ
01.17.10 কুমারো হি বিক্রমভযান্ মাং পিতাঽবরুণদ্ধি ইতি জ্ঞাত্বা তং এবাঙ্কে কুর্যাত্
01.17.11 তস্মাদ্ অন্তপালদুর্গে বাসঃ শ্রেযান্ ইতি
01.17.12 ঔরভ্রং ভযং এতদ্ ইতি পিশুনঃ
01.17.13 প্রত্যাপত্তের্হি তদ্ এব কারণং জ্ঞাত্বাঽন্তপালসখঃ স্যাত্
01.17.14 তস্মাত্ স্ববিষযাদ্ অপকৃষ্টে সামন্তদুর্গে বাসঃ শ্রেযান্ ইতি
01.17.15 বত্সস্থানং এতদ্ ইতি কৌণপদন্তঃ
01.17.16 বত্সেন ইব হি ধেনুং পিতরং অস্য সামন্তো দুহ্যাত্
01.17.17 তস্মান্ মাতৃবন্ধুষু বাসঃ শ্রেযান্ ইতি
01.17.18 ধ্বজস্থানং এতদ্ ইতি বাতব্যাধিঃ
01.17.19 তেন হি ধ্বজেনাদিতিকৌশিকবদ্ অস্য মাতৃবান্ধবা ভিক্ষেরন্
01.17.20 তস্মাদ্ গ্রাম্য সুখেষ্বেনং অবসৃজেত্
01.17.21 সুখ উপরুদ্ধা হি পুত্রাঃ পিতরং নাভিদ্রুহ্যন্তি ইতি
01.17.22 জীবন্মরণং এতদ্ ইতি কৌটিল্যঃ
01.17.23 কাষ্ঠং ইব ঘুণজগ্ধং রাজকুলং অবিনীতপুত্রং অভিযুক্তমাত্রং ভজ্যেত
01.17.24 তস্মাদ্ ঋতুমত্যাং মহিষ্যাং ঋত্বিজশ্চরুং ঐন্দ্রাবার্হস্পত্যং নির্বপেযুঃ
01.17.25 আপন্নসত্ত্বাযাঃ কৌমারভৃত্যো গর্ভভর্মণি প্রসবে চ বিযতেত
01.17.26 প্রজাতাযাঃ পুত্রসংস্কারং পুরোহিতঃ কুর্যাত্
01.17.27 সমর্থং তদ্বিদো বিনযেযুঃ
01.17.28 সত্ত্রিণাং একশ্চ এনং মৃগযাদ্যূতমদ্যস্ত্রীভিঃ প্রলোভযেত্ পিতরি বিক্রম্য রাজ্যং গৃহাণ ইতি
01.17.29 তং অন্যঃ সত্ত্রী প্রতিষেধযেত্ ইত্যাম্ভীযাঃ
01.17.30 মহাদোষং অবুদ্ধবোধনং ইত্ কৌটিল্যঃ
01.17.31 নবং হি দ্রব্যং যেন যেনার্থজাতেন উপদিহ্যতে তত্ তদ্ আচূষতি
01.17.32 এবং অযং নববুদ্ধির্যদ্ যদ্ উচ্যতে তত্ তত্শাস্ত্র উপদেশং ইবাভিজানাতি
01.17.33 তস্মাদ্ ধর্ম্যং অর্থ্যং চাস্য উপদিশেন্নাধর্ম্যং অনর্থ্যং চ
01.17.34 সত্ত্রিণঃ ত্বেনং তব স্মঃ ইতি বদন্তঃ পালযেযুঃ
01.17.35 যৌবন উত্সেকাত্ পরস্ত্রীষু মনঃ কুর্বাণং আর্যাব্যঞ্জনাভিঃ স্ত্রীভিরমেধ্যাভিঃ শূন্যাগারেষু রাত্রাবুদ্বেজযেযুঃ
01.17.36 মদ্যকামং যোগপানেন উদ্বেজযেযুঃ
01.17.37 দ্যূতকামং কাপটিকৈরুদ্বেজযেযুঃ
01.17.38 মৃগযাকামং প্রতিরোধকব্যঞ্জনৈঃ ত্রাসযেযুঃ
01.17.39 পিতরি বিক্রমবুদ্ধিং তথা ইত্যনুপ্রবিশ্য ভেদযেযুঃ – অপ্রার্থনীযো রাজা, বিপন্নে ঘাতঃ, সম্পন্নে নরকপাতঃ, সঙ্ক্রোশঃ, প্রজাভিরেকলোষ্টবধশ্চ ইতি
01.17.40 বিরাগং বেদযেযুঃ
01.17.41 প্রিযং একপুত্রং বধ্নীযাত্
01.17.42 বহুপুত্রঃ প্রত্যন্তং অন্যবিষযং বা প্রেষযেদ্ যত্র গর্ভঃ পণ্যং ডিম্বো বা ন ভবেত্
01.17.43 আত্মসম্পন্নং সৈনাপত্যে যৌবরাজ্যে বা স্থাপযেত্
01.17.44 বুদ্ধিমান্ঽঅহার্যবুদ্ধির্দুর্বুদ্ধিরিতি পুত্রবিশেষাঃ
01.17.45 শিষ্যমাণো ধর্মার্থাবুপলভতে চানুতিষ্ঠতি চ বুদ্ধিমান্
01.17.46 উপলভমানো নানুতিষ্ঠত্যাহার্যবুদ্ধিঃ
01.17.47 অপাযনিত্যো ধর্মার্থদ্বেষী চ ইতি দুর্বুদ্ধিঃ
01.17.48 স যদ্যেকপুত্রঃ পুত্র উত্পত্তাবস্য প্রযতেত
01.17.49 পুত্রিকাপুত্রান্ উত্পাদযেদ্ বা
01.17.50 বৃদ্ধঃ তু ব্যাধিতো বা রাজা মাতৃবন্ধুকুল্যগুণবত্সামন্তানাং অন্যতমেন ক্ষেত্রে বীজং উত্পাদযেত্
01.17.51 ন চ একপুত্রং অবিনীতং রাজ্যে স্থাপযেত্
01.17.52ab বহূনাং একসম্রোধঃ পিতা পুত্রহিতো ভবেত্ |
01.17.52chd অন্যত্রাপদ ঐশ্বর্যং জ্যেষ্ঠভাগি তু পূজ্যতে
01.17.53ab কুলস্য বা ভবেদ্ রাজ্যং কুলসঙ্ঘো হি দুর্জযঃ |
01.17.53chd অরাজব্যসনাবাধঃ শশ্বদ্ আবসতি ক্ষিতিম্ ( ইতি)

Chapt | The conduct of a prince in disfavour
Behaviour towards a prince in disfavour
01.18.01 বিনীতো রাজপুত্রঃ কৃচ্ছ্রবৃত্তিরসদৃশে কর্মণি নিযুক্তঃ পিতরং অনুবর্তেত, অন্যত্র প্রাণাবাধকপ্রকৃতিকোপকপাতকেভ্যঃ
01.18.02 পুণ্যে কর্মণি নিযুক্তঃ পুরুষং অধিষ্ঠাতারং যাচেত্
01.18.03 পুরুষাধিষ্ঠিতশ্চ সবিশেষং আদেশং অনুতিষ্ঠেত্
01.18.04 অভিরূপং চ কর্মফলং ঔপাযনিকং চ লাভং পিতুরুপনাযযেত্
01.18.05 তথাঽপ্যতুষ্যন্তং অন্যস্মিন্ পুত্রে দারেষু বা স্নিহ্যন্তং অরণ্যাযাপৃচ্ছেত
01.18.06 বন্ধবধভযাদ্ বা যঃ সামন্তো ন্যাযবৃত্তির্ধার্মিকঃ সত্যবাগ্ঽবিসংবাদকঃ প্রতিগ্রহীতা মানযিতা চাভিপন্নানাং তং আশ্রযেত
01.18.07 তত্রস্থঃ কোশদণ্ডসম্পন্নঃ প্রবীরপুরুষকন্যাসম্বন্ধং অটবীসম্বন্ধং কৃত্যপক্ষ উপগ্রহং চ কুর্যাত্
01.18.08 একচরঃ সুবর্ণপাকমণিরাগহেমরূপ্যপণ্যাকরকর্মান্তান্ আজীবেত্
01.18.09 পাষণ্ডসঙ্ঘদ্রব্যং অশ্রোত্রিয উপভোগ্যং বা দেবদ্রব্যং আঢ্যবিধবাদ্রব্যং বা গূঢং অনুপ্রবিশ্য সার্থযানপাত্রাণি চ মদনরসযোগেনাতিসন্ধাযাপহরেত্
01.18.10 পারগ্রামিকং বা যোগং আতিষ্ঠেত্
01.18.11 মাতুঃ পরিজন উপগ্রহেণ বা চেষ্টেত
01.18.12 কারুশিল্পিকুশীলবচিকিত্সকবাগ্জীবনপাষণ্ডচ্ছদ্মভির্
বা নষ্টরূপঃ তদ্ব্যঞ্জনসখশ্ছিদ্রেষু প্রবিশ্য রাজ্ঞঃ শস্ত্ররসাভ্যাং
প্রহৃত্য ব্রূযাত্ – অহং অসৌ কুমারঃ, সহভোগ্যং ইদং রাজ্যং, একো
নার্হতি ভোক্তুং, যে কামযন্তে মাং ভর্তুং তান্ অহং দ্বিগুণেন
ভক্তবেতনেন উপস্থাস্যামি ইতি ইত্যপরুদ্ধবৃত্তম্ |
01.18.13 অপরুদ্ধং তু মুখ্যপুত্রাপসর্পাঃ প্রতিপাদ্যানযেযুঃ, মাতা বা প্রতিগৃহীতা
01.18.14 ত্যক্তং গূঢপুরুষাঃ শস্ত্ররসাভ্যাং হন্যুঃ
01.18.15 অত্যক্তং তুল্যশীলাভিঃ স্ত্রীভিঃ পানেন মৃগযযা বা প্রসঞ্জযিত্বা রাত্রাবুপগৃহ্যানযেযুঃ
01.18.16ab উপস্থিতং চ রাজ্যেন মদ্.ঊর্ধ্বং ইতি সান্ত্বযেত্ |
01.18.16chd একস্থং অথ সম্রুন্ধ্যাত্ পুত্রবাংঃ তু প্রবাসযেত্ ( ইতি)

Chapt | Rules for the king
01.19.01 রাজানং উত্থিতং অনূত্তিষ্ঠন্তে ভৃত্যাঃ
01.19.02 প্রমাদ্যন্তং অনুপ্রমাদ্যন্তি
01.19.03 কর্মাণি চাস্য ভক্ষযন্তি
01.19.04 দ্বিষদ্ভিশ্চাতিসন্ধীযতে |
01.19.05 তস্মাদ্ উত্থানং আত্মনঃ কুর্বীত
01.19.06 নালিকাভিরহরষ্টধা রাত্রিং চ বিভজেত্, ছাযাপ্রমাণেন বা
01.19.07 ত্রিপৌরুষী পৌরুষী চতুর্ঽঙ্গুলা নষ্টচ্ছাযো মধ্যাহ্ন ইতি চত্বারঃ পূর্বে দিবসস্যাষ্টভাগাঃ
01.19.08 তৈঃ পশ্চিমা ব্যাখ্যাতাঃ
01.19.09 তত্র পূর্বে দিবসস্যাষ্টভাগে রক্ষাবিধানং আযব্যযৌ চ শৃণুযাত্
01.19.10 দ্বিতীযে পৌরজানপদানাং কার্যাণি পশ্যেত্
01.19.11 তৃতীযে স্নানভোজনং সেবেত, স্বাধ্যাযং চ কুর্বীত
01.19.12 চতুর্থে হিরণ্যপ্রতিগ্রহং অধ্যক্ষাংশ্চ কুর্বীত
01.19.13 পঞ্চমে মন্ত্রিপরিষদা পত্ত্রসম্প্রেষণেন মন্ত্রযেত, চারগুহ্যবোধনীযানি চ বুধ্যেত
01.19.14 ষষ্ঠে স্বৈরবিহারং মন্ত্রং বা সেবেত
01.19.15 সপ্তমে হস্ত্য্ঽশ্বরথাযুধীযান্ পশ্যেত্
01.19.16 অষ্টমে সেনাপতিসখো বিক্রমং চিন্তযেত্
01.19.17 প্রতিষ্ঠিতেঽহনি সন্ধ্যাং উপাসীত
01.19.18 প্রথমে রাত্রিভাগে গূঢপুরুষান্ পশ্যেত্
01.19.19 দ্বিতীযে স্নানভোজনং কুর্বীত, স্বাধ্যাযং চ
01.19.20 তৃতীযে তূর্যঘোষেণ সংবিষ্টশ্চতুর্থপঞ্চমৌ শযীত
01.19.21 ষষ্ঠে তূর্যঘোষেণ প্রতিবুদ্ধঃ শাস্ত্রং ইতিকর্তব্যতাং চ চিন্তযেত্
01.19.22 সপ্তমে মন্ত্রং অধ্যাসীত, গূঢপুরুষাংশ্চ প্রেষযেত্
01.19.23 অষ্টমে ঋত্বিগ্ঽঅচার্যপুরোহিতস্বস্ত্যযনানি প্রতিগৃহ্ণীযাত্, চিকিত্সকমাহানসিকমৌহূর্তিকাংশ্চ পশ্যেত্
01.19.24 সবস্তাং ধেনুং বৃষভং চ প্রদক্ষিণীকৃত্য উপস্থানং গচ্ছেত্
01.19.25 আত্মবলানুকূল্যেন বা নিশাঽহর্ভাগান্ প্রবিভজ্য কার্যাণি সেবেত
01.19.26 উপস্থানগতঃ কার্যার্থিনাং অদ্বারাসঙ্গং কারযেত্
01.19.27 দুর্দর্শো হি রাজা কার্যাকার্যবিপর্যাসং আসন্নৈঃ কার্যতে
01.19.28 তেন প্রকৃতিকোপং অরিবশং বা গচ্ছেত্
01.19.29 তস্মাদ্ দেবতাঽঽশ্রমপাষণ্ডশ্রোত্রিযপশুপুণ্যস্থানানাং বালবৃদ্ধব্যাধিতব্যসন্য্ঽনাথানাং স্ত্রীণাং চ ক্রমেণ কার্যাণি পশ্যেত্, কার্যগৌরবাদ্ আত্যযিকবশেন বা
01.19.30ab সর্বং আত্যযিকং কার্যং শৃণুযান্নাতিপাতযেত্ .
01.19.30chd কৃচ্ছ্রসাধ্যং অতিক্রান্তং অসাধ্যং বাঽপি জাযতে
01.19.31ab অগ্ন্য্ঽগারগতঃ কার্যং পশ্যেদ্ বৈদ্যতপস্বিনাম্ .
01.19.31chd পুরোহিতাচার্যসখঃ প্রত্যুত্থাযাভিবাদ্য চ
01.19.32ab তপস্বিনাং তু কার্যাণি ত্রৈবিদ্যৈঃ সহ কারযেত্ .
01.19.32chd মাযাযোগবিদাং চৈব ন স্বযং কোপকারণাত্
01.19.33ab রাজ্ঞো হি ব্রতং উত্থানং যজ্ঞঃ কার্যানুশাসনম্ .
01.19.33chd দক্ষিণা বৃত্তিসাম্যং তু দীক্ষা তস্যাভিSএচনম্
01.19.34ab প্রজাসুখে সুখং রাজ্ঞঃ প্রজানাং চ হিতে হিতম্ .
01.19.34chd নাত্মপ্রিযং হিতং রাজ্ঞঃ প্রজানাং তু প্রিযং হিতম্
01.19.35ab তস্মান্নিত্য উত্থিতো রাজা কুর্যাদ্ অর্থানুশাসনম্ |
01.19.35chd অর্থস্য মূলং উত্থানং অনর্থস্য বিপর্যযঃ
01.19.36ab অনুত্থানে ধ্রুবো নাশঃ প্রাপ্তস্যানাগতস্য চ .
01.19.36chd প্রাপ্যতে ফলং উত্থানাল্লভতে চার্থসম্পদম্ ( ইতি)

Chapt | Regulation for the royal residence
01.20.01 বাস্তুকপ্রশস্তে দেশে সপ্রাকারপরিখাদ্বারং অনেককক্ষ্যাপরিগতং অন্তঃপুরং কারযেত্
01.20.02 কোশগৃহবিধানেন মধ্যে বাসগৃহং, গূঢভিত্তিসঞ্চারং মোহনগৃহং তন্মধ্যে বা বাসগৃহং, ভূমিগৃহং বাঽঽসন্নচৈত্যকাষ্ঠদেবতাঽপিধানদ্বারং অনেকসুরুঙ্গাসঞ্চারং তস্য উপরি প্রাসাদং গূঢভিত্তিসোপানং সুষিরস্তম্ভপ্রবেশাপসারং বা বাসগৃহং যন্ত্রবদ্ধতলাবপাতং কারযেত্, আপত্প্রতীকারার্থং আপদি বা
01.20.03 অতোঽন্যথা বা বিকল্পযেত্, সহাধ্যাযিভযাত্
01.20.04 মানুষেণাগ্নিনা ত্রিরপসব্যং পরিগতং অন্তঃপুরং অগ্নিরন্যো ন দহতি, ন চাত্রান্যোঽগ্নির্জ্বলতি, বৈদ্যুতেন ভস্মনা মৃত্সম্যুক্তেন করকবারিণাঽবলিপ্তং চ
01.20.05 জীবন্তীশ্বেতামুষ্ককপুষ্পবন্দাকাভিরক্ষীবে জাতস্যাশ্বত্থস্য প্রতানেন গুপ্তং সর্পা বিষাণি বা ন প্রভবন্তি
01.20.06 মযূরনকুলপৃষত উত্সর্গঃ সর্পান্ ভক্ষযতি
01.20.07 শুকঃ সারিকা ভৃঙ্গরাজো বা সর্পবিষশঙ্কাযাং ক্রোশতি
01.20.08 ক্রৌঞ্চো বিষাভ্যাশে মাদ্যতি, গ্লাযতি জীবঞ্জীবকঃ, ম্রিযতে মত্তকোকিলঃ, চকোরস্যাক্ষিণী বিরজ্যেতে
01.20.09 ইত্যেবং অগ্নিবিষসর্পেভ্যঃ প্রতিকুর্বীত
01.20.10 পৃষ্ঠতঃ কক্ষ্যাবিভাগে স্ত্রীনিবেশো গর্ভব্যাধিসংস্থা বৃক্ষ উদকস্থানং চ
01.20.11 বহিঃ কন্যাকুমারপুরম্
01.20.12 পুরস্তাদ্ অলঙ্কারভূমির্মন্ত্রভূমিরুপস্থানং কুমারাধ্যক্ষস্থানং চ
01.20.13 কক্ষ্যান্তরেষ্বন্তর্বংশিকসৈন্যং তিষ্ঠেত্
01.20.14 অন্তর্গৃহগতঃ স্থবিরস্ত্রীপরিশুদ্ধাং দেবীং পশ্যেত্
01.20.15 দেবীগৃহে লীনো হি ভ্রাতা ভদ্রসেনং জঘান, মাতুঃ শয্যাঽন্তর্গতশ্চ পুত্রঃ কারূষম্
01.20.16 লাজান্ মধুনা ইতি বিষেণ পর্যস্য দেবী কাশিরাজং, বিষদিগ্ধেন নূপ্রেণ বৈরন্ত্যং, মেখলামণিনা সৌবীরং, জালূথং আদর্শেন, বেণ্যাং গূঢং শস্ত্রং কৃত্বা দেবী বিদূরথং জঘান
01.20.17 তস্মাদ্ এতান্যাস্পদানি পরিহরেত্
01.20.18 মুণ্ডজটিলকুহকপ্রতিসংসর্গং বাহ্যাভিশ্চ দাসীভিঃ প্রতিষেধযেত্
01.20.19 ন চ এনাঃ কুল্যাঃ পশ্যেযুঃ, অন্যত্র গর্ভব্যাধিসংস্থাভ্যঃ
01.20.20 রূপাজীবাঃ স্নানপ্রঘর্ষশুদ্ধশরীরাঃ পরিবর্তিতবস্ত্রালঙ্কারাঃ পশ্যেযুঃ
01.20.21 অশীতিকাঃ পুরুষাঃ পঞ্চাশত্কাঃ স্ত্রিযো বা মাতাপিতৃব্যঞ্জনাঃ স্থবিরবর্ষধরাভ্যাগারিকাশ্চাবরোধানাং শৌচাশৌচং বিদ্যুঃ, স্থাপযেযুশ্চ স্বামিহিতে,
01.20.22ab স্বভূমৌ চ বসেত্ সর্বঃ পরভূমৌ ন সঞ্চরেত্ .
01.20.22chd ন চ বাহ্যেন সংসর্গং কশ্চিদ্ আভ্যন্তরো ব্রজেত্
01.20.23ab সর্বং চাবেক্ষিতং দ্রব্যং নিবদ্ধাগমনির্গমম্ .
01.20.23chd নির্গচ্ছেদ্ অভিগচ্ছেদ্ বা মুদ্রাসঙ্ক্রান্তভূমিকম্ ( ইতি)

Chapt | Concerning the protection of (the kings) own person
01.21.01 শযনাদ্ উত্থিতঃ স্ত্রীগণৈর্ধন্বিভিঃ পরিগৃহ্যতে, দ্বিতীযস্যাং কক্ষ্যাযাং কঞ্চুক উষ্ণীষিভির্বর্ষধরাভ্যাগারিকৈঃ, তৃতীযস্যাং কুব্জবামনকিরাতৈঃ, চতুর্থ্যাং মন্ত্রিভিঃ সম্বন্ধিভির্দৌবারিকৈশ্চ প্রাসপাণিভিঃ
01.21.02 পিতৃপৈতামহং সম্বন্ধানুবদ্ধং শিক্ষিতং অনুরক্তং কৃতকর্মাণং চ জনং আসন্নং কুর্বীত, নান্যতোদেশীযং অকৃতার্থমানং স্বদেশীযং বাঽপ্যপকৃত্য উপগৃহীতম্
01.21.03 অন্তর্বংশিকসৈন্যং রাজানং অন্তঃপুরং চ রক্ষেত্
01.21.04 গুপ্তে দেশে মাহানসিকঃ সর্বং আস্বাদবাহুল্যেন কর্ম কারযেত্
01.21.05 তদ্ রজা তথৈব প্রতিভুঞ্জীত পূর্বং অগ্নযে বযোভ্যশ্চ বলিং কৃত্বা
01.21.06 অগ্নের্জ্বালাধূমনীলতা শব্দস্ফোটনং চ বিষযুক্তস্য, বযসাং বিপত্তিশ্চ
01.21.07a অন্নস্য ঊষ্মা মযূরগ্রীবাভঃ শৈত্যং আশু ক্লিষ্টস্য ইব বৈবর্ণ্যং স-উদকত্বং অক্লিন্নত্বং চ
01.21.07b ব্যঞ্জনানাং আশু শুষ্কত্বং চ ক্বাথধ্যামফেনপটলবিচ্ছিন্নভাবো গন্ধস্পর্শরসবধশ্চ
01.21.07ch দ্রবেষু হীনাতিরিক্তচ্ছাযাদর্শনং ফেনপটলসীমন্ত ঊর্ধ্বরাজীদর্শনং চ
01.21.07d রসস্য মধ্যে নীলা রাজী, পযসঃ তাম্রা, মদ্যতোযযোঃ কালী, দধ্নঃ শ্যামা, মধুনঃ শ্বেতা, দ্রব্যাণাং আর্দ্রাণাং আশু প্রম্লানত্বং উত্পক্বভাবঃ ক্বাথনীলশ্যাবতা চ
01.21.07e শুষ্কাণাং আশু শাতনং বৈবর্ণ্যং চ,
01.21.07f কঠিনানাং মৃদুত্বং মৃদূনাং চ কঠিনত্বং, তদ্ঽভ্যাশে ক্ষুদ্রসত্ত্ববধশ্চ,
01.21.07g আস্তরণপ্রবরণানাং ধ্যামমণ্ডলতা তন্তুরোমপক্ষ্মশাতনং চ,
01.21.07h লোহমণিমযানাং পঙ্কমলোপদেহতা স্নেহরাগগৌরবপ্রভাববর্ণস্পর্শবধশ্চ – ইতি বিষযুক্তস্য লিঙ্গানি
01.21.08 বিষপ্রদস্য তু শুষ্কশ্যাববক্ত্রতা বাক্সঙ্গঃ স্বেদো বিজৃম্ভণং চাতিমাত্রং বেপথুঃ প্রস্খলনং বাক্যবিপ্রেক্ষণং আবেগঃ কর্মণি স্বভূমৌ চানবস্থানং ইতি
01.21.09 তস্মাদ্ অস্য জাঙ্গুলীবিদো ভিষজশ্চাসন্নাঃ স্যুঃ
01.21.10 ভিষগ্ভৈষজ্যাগারাদ্ আস্বাদবিশুদ্ধং ঔষধং গৃহীত্বা পাচকপেষকাভ্যাং আত্মনা চ প্রতিস্বাদ্য রাজ্ঞে প্রযচ্ছেত্
01.21.11 পানং পানীযং চাউষধেন ব্যাখ্যাতম্
01.21.12 কল্পকপ্রসাধকাঃ স্নানশুদ্ধবস্ত্রহস্তাঃ সমুদ্রং উপকরণং অন্তর্বংশিকহস্তাদ্ আদায পরিচরেযুঃ
01.21.13 স্নাপকসংবাহকাস্তরকরজকমালাকারকর্ম দাস্যঃ প্রসিদ্ধশৌচাঃ কুর্যুঃ, তাভিরধিষ্ঠিতা বা শিল্পিনঃ
01.21.14 আত্মচক্ষুষি নিবেশ্য বস্ত্রমাল্যং দদ্যুঃ, স্নানানুলেপনপ্রঘর্ষচূর্ণবাসস্নানীযানি চ স্ববক্ষোবাহুষু চ
01.21.15 এতেন পরস্মাদ্ আগতকং ব্যাখ্যাতম্
01.21.16 কুশীলবাঃ শস্ত্রাগ্নিরসক্রীডাবর্জং নর্মযেযুঃ
01.21.17 আতোদ্যানি চ এষাং অন্তঃ তিষ্ঠেযুঃ, অশ্বরথদ্বিপালঙ্কারাশ্চ
01.21.18 আপ্তপুরুষাধিষ্ঠিতং যানবাহনং আরোহেত্, নাবং চাপ্তনাবিকাধিষ্ঠিতম্
01.21.19 অন্যনৌপ্রতিবদ্ধাং বাতবেগবশাং চ ন উপেযাত্
01.21.20 উদকান্তে সৈন্যং আসীত
01.21.21 মত্স্যগ্রাহবিশুদ্ধং উদকং অবগাহেত
01.21.22 ব্যালগ্রাহবিশুদ্ধং উদ্যানং গচ্ছেত্
01.21.23 লুব্ধকশ্বগণিভিরপাস্তস্তেনব্যালপরাবাধভযং চললক্ষ্যপরিচযার্থং মৃগারণ্যং গচ্ছেত্
01.21.24 আপ্তশস্ত্রগ্রাহাধিষ্ঠিতঃ সিদ্ধতাপসং পশ্যেত্, মন্ত্রিপরিষদা সহ সামন্তদূতম্
01.21.25 সম্নদ্ধোঽশ্বং হস্তিনং বাঽঽরূঢঃ সম্নদ্ধং অনীকং পশ্যেত্
01.21.26 নির্যাণেঽভিযানে চ রাজমার্গং উভযতঃ কৃতারক্ষং শস্ত্রিভির্দণ্ডিভিশ্চাপাস্তশস্ত্রহস্তপ্রব্রজিতব্যঙ্গং গচ্ছেত্
01.21.27 ন পুরুষসম্বাধং অবগাহেত
01.21.28 যাত্রাসমাজ উত্সবপ্রহবণানি চ দশবর্গিকাধিষ্ঠিতানি গচ্ছেত্
01.21.29ab যথা চ যোগপুরুষৈরন্যান্ রাজাঽধিতিষ্ঠতি .
01.21.30chd তথাঽযং অন্যাবাধেভ্যো রক্ষেদ্ আত্মানং আত্মবান্ ( ইতি)