অর্থশাস্ত্র ১২

কৌটিলীয অর্থশাস্ত্রং – ১২

Book |
Chapt | দূতকর্ম
12.1.01 বলীযসাঽভিযুক্তো দুর্বলঃ সর্বত্রানুপ্রণতো বেতসধর্মা তিষ্ঠেত্
12.1.02 ইন্দ্রস্য হি স প্রণমতি যো বলীযসো নমতি ইতি ভারদ্বাজঃ
12.1.03 সর্বসন্দোহেন বলানাং যুধ্যেত
12.1.04 পরাক্রমো হি ব্যসনং অপহন্তি
12.1.05 স্বধর্মশ্চ এষ ক্ষত্রিযস্য, যুদ্ধে জযঃ পরাজযো বা ইতি বিশালাক্ষঃ
12.1.06 ন ইতি কৌটিল্যঃ
12.1.07 সর্বত্রানুপ্রণতঃ কুলৈডক ইব নিরাশো জীবিতে বসতি
12.1.08 যুধ্যমানশ্চাল্পসৈন্যঃ সমুদ্রং ইবাপ্লবোঽবগাহমানঃ সীদতি
12.1.09 তদ্বিশিষ্টং তু রাজানং আশ্রিতো দুর্গং অবিষহ্যং বা চেষ্টেত
12.1.10 ত্রযোঽভিযোক্তারো ধর্মলোভাসুরবিজযিন ইতি
12.1.11 তেষাং অভ্যবপত্ত্যা ধর্মবিজযী তুষ্যতি
12.1.12 তং অভ্যবপদ্যেত, পরেষাং অপি ভযাত্
12.1.13 ভূমিদ্রব্যহরণেন লোভবিজযী তুষ্যতি
12.1.14 তং অর্থেনাভ্যবপদ্যেত
12.1.15 ভূমিদ্রব্যপুত্রদারপ্রাণহরণেনাসুরবিজযী
12.1.16 তং ভূমিদ্রব্যাভ্যাং উপগৃহ্যাগ্রাহ্যঃ প্রতিকুর্বীত
12.1.17 তেষাং অন্যতমং উত্তিষ্ঠমানং সন্ধিনা মন্ত্রযুদ্ধেন কূটযুদ্ধেন বা প্রতিব্যূহেত
12.1.18 শত্রুপক্ষং অস্য সামদানাভ্যাং, স্বপক্ষং ভেদদণ্ডাভ্যাম্
12.1.19 দুর্গং রাষ্ট্রং স্কন্ধাবারং বাঽস্য গূঢাঃ শস্ত্ররসাগ্নিভিঃ সাধযেযুঃ
12.1.20 সর্বতঃ পার্ষ্ণিং অস্য গ্রাহযেত্
12.1.21 অটবীভির্বা রাজ্যং ঘাতযেত্, তত্কুলীনাপরুদ্ধাভ্যাং বা হারযেত্
12.1.22 অপকারান্তেষু চাস্য দূটং প্রেষযেত্
12.1.23 অনপকৃত্য বা সন্ধানম্
12.1.24 তথাঽপ্যভিপ্রযান্তং কোশদণ্ডযোঃ পাদ উত্তরং অহোরাত্র উত্তরং বা সন্ধিং যাচেত
12.1.25 স চেদ্ দণ্ডসন্ধিং যাচেত, কুণ্ঠং অস্মৈ হস্ত্য্ঽশ্বং দদ্যাদ্, উত্সাহিতং বা গরযুক্তম্
12.1.26 পুরুষসন্ধিং যাচেত, দূষ্যামিত্রাটবীবলং অস্মৈ দদ্যাদ্ যোগপুরুষাধিষ্ঠিতম্
12.1.27 তথা কুর্যাদ্ যথা উভযবিনাশঃ স্যাত্
12.1.28 তীক্ষ্ণবলং বাঽস্মৈ দদ্যাদ্ যদ্ অবমানিতং বিকুর্বীত, মৌলং অনুরক্তং বা যদ্ অস্য ব্যসনেঽপকুর্যাত্
12.1.29 কোশসন্ধিং যাচেত, সারং অস্মৈ দদ্যাদ্ যস্য ক্রেতারং নাধিগচ্ছেত্, কুপ্যং অযুদ্ধযোগ্যং বা
12.1.30 ভূমিসন্ধিং যাচেত, প্রত্যাদেযাং নিত্যামিত্রাং অনপাশ্রযাং মহাক্ষযব্যযনিবেশাং বাঽস্মৈ ভূমিং দদ্যাত্
12.1.31 সর্বস্বেন বা রাজধানীবর্জেন সন্ধিং যাচেত বলীযসঃ
12.1.32ab যত্ প্রসহ্য হরেদ্ অন্যঃ তত্ প্রযচ্চেদ্ উপাযতঃ |
12.1.32chd রক্ষেত্ স্বদেহং ন ধনং কা হ্যনিত্যে ধনে দযা ( ইতি)

Chapt | মন্ত্রযুদ্ধ
12.2.01 স চেত্ সন্ধৌ নাবতিষ্ঠেত, ব্রূযাদ্ এনং – ইমে শত্রুষড্বর্গবশগা রাজানো বিনষ্টাঃ, তেষাং অনাত্মবতাং নার্হসি মার্গং অনুগন্তুম্
12.2.02 ধর্মং অর্থং চাবেক্ষস্ব
12.2.03 মিত্রমুখা হ্যমিত্রাঃ তে যে ত্বা সাহসং অধর্মং অর্থাতিক্রমং চ গ্রাহযন্তি
12.2.04 শূরৈঃ ত্যক্তাত্মভিঃ সহ যোদ্ধুং সাহসং, জনক্ষযং উভযতঃ কর্তুং অধর্মঃ, দৃষ্টং অর্থং মিত্রং অদুষ্টং চ ত্যক্তুং অর্থাতিক্রমঃ
12.2.05 মিত্রবাংশ্চ স রাজা, ভূযশ্চ এতেনার্থেন মিত্রাণ্যুদ্যোজযিষ্যতি যানি ত্বা সর্বতোঽভিযাস্যন্তি
12.2.06 ন চ মধ্যম উদাসীনযোর্মণ্ডলস্য বা পরিত্যক্তঃ, ভবাংঃ তু পরিত্যক্তঃ যত্ত্বা সমুদ্যুক্তং উপপ্রেক্ষন্তে ভূযঃ ক্ষযব্যযাভ্যাং যুজ্যতাং, মিত্রাচ্চ ভিদ্যতাং, অথ এনং পরিত্যক্তমূলং সুখেন উচ্ছেত্স্যামঃ ইতি
12.2.07 স ভবান্নার্হতি মিত্রমুখানাং অমিত্রাণাং শ্রোতুং, মিত্রাণ্যুদ্বেজযিতুং অমিত্রাংশ্চ শ্রেযসা যোক্তুং, প্রাণসংশযং অনর্থং চ উপগন্তুম্ ইতি যচ্ছেত্
12.2.08 তথাঽপি প্রতিষ্ঠমানস্য প্রকৃতিকোপং অস্য কারযেদ্ যথা সঙ্ঘবৃত্তে ব্যাখ্যাতং যোগবামনে চ
12.2.09 তীক্ষ্ণরসদপ্রযোগং চ
12.2.10 যদ্ উক্তং আত্মরক্ষিতকে রক্ষ্যং তত্র তীক্ষ্ণান্ রসদাংশ্চ প্রযুঞ্জীত
12.2.11 বন্ধকীপোষকাঃ পরমরূপযৌবনাভিঃ স্ত্রীভিঃ সেনামুখ্যান্ উন্মাদযেযুঃ
12.2.12 বহূনাং একস্যাং দ্বযোর্বা মুখ্যযোঃ কামে জাতে তীক্ষ্ণাঃ কলহান্ উত্পাদযেযুঃ
12.2.13 কলহে পরাজিতপক্ষং পরত্রাপগমনে যাত্রাসাহায্যদানে বা ভর্তুর্যোজযেযুঃ
12.2.14 কামবশান্ বা সিদ্ধব্যঞ্জনাঃ সাংবদনিকীভিরোষধীভিরতিসন্ধানায মুখ্যেষু রসং দাপযেযুঃ
12.2.15 বৈদেহকব্যঞ্জনে বা রাজমহিষ্যাঃ সুভগাযাঃ প্রেষ্যাং আসন্নাং কামনিমিত্তং অর্থেনাভিবৃষ্য পরিত্যজেত্
12.2.16 তস্য এব পরিচারকব্যঞ্জন উপদিষ্টঃ সিদ্ধব্যঞ্জনঃ সাংবদনিকীং ওষধীং দদ্যাত্ বৈদেহকশরীরেঽবঘাতব্যা ইতি
12.2.17 সিদ্ধে সুভগাযা অপ্যেনং যোগং উপদিশেত্ রাজশরীরেঽবধাতব্যা ইতি
12.2.18 ততো রসেনাতিসন্দধ্যাত্
12.2.19 কার্তান্তিকব্যঞ্জনো বা মহামাত্রং রাজলক্ষণসম্পন্নম্ ক্রমাভিনীতং ব্রূযাত্
12.2.20 ভার্যাং অস্য ভিক্ষুকী রাজপত্নী রাজপ্রসবিনী বা ভবিষ্যসি ইতি
12.2.21 ভার্যাব্যঞ্জনা বা মহামাত্রং ব্রূযাত্ রাজা কিল মাং অবরোধযিষ্যতি, তবান্তিকায পত্ত্রলেখ্যং আভরণং চ ইদং পরিব্রাজিকযাঽঽহৃতম্ ইতি
12.2.22 সূদারালিকব্যঞ্জনো বা রসপ্রযোগার্থং রাজবচনং অর্থং চাস্য লোভনীযং অভিনযেত্
12.2.23 তদ্ অস্য বৈদেহকব্যঞ্জনঃ প্রতিসন্দধ্যাত্, কার্যসিদ্ধিং চ ব্রূযাত্
12.2.24 এবং একেন দ্বাভ্যাং ত্রিভিরিত্যুপাযৈরেক একং অস্য মহামাত্রং বিক্রমাযাপগমনায বা যোজযেত্ – ইতি
12.2.25 দুর্গেষু চাস্য শূন্যপালাসন্নাঃ সত্ত্রিণঃ পৌরজানপদেষু মৈত্রীনিমিত্তং আবেদযেযুঃ – শূন্যপালেন উক্তা যোধাশ্চাধিকরণস্থাশ্চ কৃচ্ছ্রগতো রাজা জীবন্ন্ আগমিষ্যতি, ন বা, প্রসহ্য বিত্তং আর্জযধ্বং, অমিত্রাংশ্চ হত ইতি
12.2.26 বহুলীভূতে তীক্ষ্ণাঃ পৌরান্নিশাস্বাহারযেযুঃ, মুখ্যাংশ্চাভিহন্যুঃ এবং ক্রিযন্তে যে শূন্যপালস্য ন শুশ্রূষন্তে ইতি
12.2.27 শূন্যপালস্থানেষু চ সশোণিতানি শস্ত্রবিত্তবন্ধনান্যুত্সৃজেযুঃ
12.2.28 ততঃ সত্ত্রিণঃ শূন্যপালো ঘাতযতি বিলোপযতি চ ইত্যাবেদযেযুঃ
12.2.29 এবং জানপদান্ সমাহর্তুর্ভেদযেযুঃ
12.2.30 সমাহর্তৃপুরুষাংঃ তু গ্রামমধ্যেষু রাত্রৌ তীক্ষ্ণা হত্বা ব্রূযুঃ এবং ক্রিযন্তে যে জনপদং অধর্মেণ বাধন্তে ইতি
12.2.31 সমুত্পন্নে দোষে শূন্যপালং সমাহর্তারং বা প্রকৃতিকোপেন ঘাতযেযুঃ
12.2.32 তত্কুলীনং অপরুদ্ধং বা প্রতিপাদযেযুঃ
12.2.33ab অন্তঃপুরপুরদ্বারং দ্রব্যধান্যপরিগ্রহান্ |
12.2.33chd দহেযুঃ তাংশ্চ হন্যুর্বা ব্রূযুরস্যার্তবাদিনঃ ( ইতি)

Chapt | সেনামুখ্যবধহ্ – মণ্ডলপ্রোত্সাহনম্
12.3.01 রাজ্ঞো রাজবল্লভানাং চাসন্নাঃ সত্ত্রিণঃ পত্ত্য্ঽশ্বরথদ্বিপমুখ্যানাং রাজা ক্রুদ্ধঃ ইতি সুহৃদ্বিশ্বাসেন মিত্রস্থানীযেষু কথযেযুঃ
12.3.02 বহুলীভূতে তীক্ষ্ণাঃ কৃতরাত্রিচারপ্রতীকারা গৃহেষু স্বামিবচনেনাগম্যতাম্ ইতি ব্রূযুঃ
12.3.03 তান্নির্গচ্ছত এবাভিহন্যুঃ, স্বামিসন্দেশঃ ইতি চাসন্নান্ ব্রূযুঃ
12.3.04 যে চাপ্রবাসিতাঃ তান্ সত্ত্রিণো ব্রূযুঃ এতত্ তদ্ যদ্ অস্মাভিঃ কথিতং, জীবিতুকামেনাপক্রান্তব্যম্ ইতি
12.3.05 যেভ্যশ্চ রাজা যাচিতো ন দদাতি তান্ সত্ত্রিণো ব্রূযুঃ – উক্তঃ শূন্যপালো রাজ্ঞা অযাচ্যং অর্থং অসৌ চাসৌ চ মা যাচতে, মযা প্রত্যাখ্যাতাঃ শত্রুসংহিতাঃ, তেষাং উদ্ধরণে প্রযতস্ব ইতি
12.3.06 ততঃ পূর্ববদ্ আচরেত্
12.3.07 যেভ্যশ্চ রাজা যাচিতো দদাতি তান্ সত্ত্রিণো ব্রূযুঃ – উক্তঃ শূন্যপালো রাজ্ঞা অযাচ্যং অর্থং অসৌ চাসৌ চ মা যাচতে, তেভ্যো মযা সোঽর্থো বিশ্বাসার্থং দত্তঃ, শত্রুসংহিতাঃ, তেষাং উদ্ধরণে প্রযতস্ব ইতি
12.3.08 ততঃ পূর্ববদ্ আচরেত্
12.3.09 যে চ এনং যাচ্যং অর্থং ন যাচন্তে তান্ সত্ত্রিণো ব্রূযুঃ – উক্তঃ শূন্যপালো রাজ্ঞা যাচ্যং অর্থং অসৌ চাসৌ চ মা ন যাচতে, কিং অন্যত্ স্বদোষশঙ্কিতত্বাত্, তেষাং উদ্ধরণে প্রযতস্ব ইতি
12.3.10 ততঃ পূর্ববদ্ আচরেত্
12.3.11 এতেন সর্বঃ কৃত্যপক্ষো ব্যাখ্যাতঃ
12.3.12 প্রত্যাসন্নো বা রাজানং সত্ত্রী গ্রাহযেত্ অসৌ চাসৌ চ তে মহামাত্রঃ শত্রুপুরুষৈঃ সম্ভাষতে ইতি
12.3.13 প্রতিপন্নে দূষ্যান্ অস্য শাসনহরান্ দর্শযেত্ এতত্ তত্ ইতি
12.3.14 সেনামুখ্যপ্রকৃতিপুরুষান্ বা ভূম্যা হিরণ্যেন বা লোভযিত্বা স্বেষু বিক্রমযেদ্ অপবাহযেদ্ বা
12.3.15 যোঽস্য পুত্রঃ সমীপে দুর্গে বা প্রতিবসতি তং সত্ত্রিণা উপজাপযেত্ আত্মসম্পন্নতরঃ ত্বং পুত্রঃ, তথাঽপ্যন্তর্হিতঃ, তত্কিং উপেক্ষসে বিক্রম্য গৃহাণ, পুরা ত্বা যুবরাজো বিনাশযতি ইতি
12.3.16 তত্কুলীনং অপরুদ্ধং বা হিরণ্যেন প্রতিলোভ্য ব্রূযাত্ অন্তর্বলং প্রত্যন্তস্কন্ধং অন্তং বাঽস্য প্রমৃদ্নীহি ইতি
12.3.17 আটবিকান্ অর্থমানাভ্যাং উপগৃহ্য রাজ্যং অস্য ঘাতযেত্
12.3.18 পার্ষ্ণিগ্রাহং বাঽস্য ব্রূযাত্ এষ খলু রাজা মাং উচ্ছিদ্য ত্বাং উচ্ছেত্স্যতি, পার্ষ্ণিং অস্য গৃহাণ, ত্বযি নিবৃত্তস্যাহং পার্ষ্ণিং গ্রহীষ্যামি ইতি
12.3.19 মিত্রাণি বাঽস্য ব্রূযাত্ অহং বঃ সেতুঃ, মযি বিভিন্নে সর্বান্ এষ বো রাজা প্লাবযিষ্যতি, সম্ভূয বাঽস্য যাত্রাং বিহনাম ইতি
12.3.20 তত্সংহতানাং অসংহতানাং চ প্রেষযেত্ এষ খলু রাজা মাং উত্পাট্য ভবত্সু কর্ম করিষ্যতি, বুধ্যধ্বং, অহং বঃ শ্রেযান্ অভ্যুপপত্তুম্ ইতি
12.3.21ab মধ্যমস্য প্রহিণুযাদ্ উদাসীনস্য বা পুনঃ |
12.3.21chd যথাঽঽসন্নস্য মোক্ষার্থং সর্বস্বেন তদ্ঽর্পণম্ ( ইতি)

Chapt | শস্ত্রাগ্নিরসপ্রণিধযঃ – বীবধাসারপ্র্রসারবধঃ
12.4.01 যে চাস্য দুর্গেষু বৈদেহকব্যঞ্জনাঃ, গ্রামেসু গৃহপতিকব্যঞ্জনাঃ, জনপদসন্ধিষু গোরক্ষকতাপসব্যঞ্জনাঃ, তে সামন্তাটবিকতত্কুলীনাপরুদ্ধানাং পণ্যাগারপূর্বং প্রেষযেযুঃ অযং দেশো হার্যঃ ইতি
12.4.02 আগতাংশ্চ এষাং দুর্গে গূঢপুরুষান্ অর্থমানাভ্যাং অভিসত্কৃত্য প্রকৃতিচ্ছিদ্রাণি প্রদর্শযেযুঃ
12.4.03 তেষু তৈঃ সহ প্রহরেযুঃ
12.4.04 স্কন্ধাবারে বাঽস্য শৌণ্ডিকব্যঞ্জনঃ পুত্রং অভিত্যক্তং স্থাপযিত্বাঽবস্কন্দকালে রসেন প্রবাসযিত্বা নৈSএচনিকম্ ইতি মদনরসযুক্তান্ মদ্যকুম্ভান্শতশঃ প্রযচ্ছেত্
12.4.05 শুদ্ধং বা মদ্যং পাদ্যং বা মদ্যং দদ্যাদ্ একং অহঃ, উত্তরং রস্সিদ্ধং প্রযচ্ছেত্
12.4.06 শুদ্ধং বা মদ্যং দণ্ডমুখ্যেভ্যঃ প্রদায মদকালে রসসিদ্ধং প্রযচ্ছেত্
12.4.07 দণ্ডমুখ্যব্যঞ্জনো বা পুত্রং অভিত্যক্তং ইতি সমানম্
12.4.08 পাক্বমাংসিকাউদনিকাউণ্ডিকাপূপিকব্যঞ্জনা বা পণ্যবিশেষং অবঘোষযিত্বা পরস্পরসঙ্ঘর্ষেণ কালিকং সমর্ঘতরং ইতি বা পরান্ আহূয রসেন স্বপণ্যান্যপচারযেযুঃ
12.4.09 সুরাক্ষীরদধিসর্পিস্তৈলানি বা তদ্ব্যবহর্তৃহস্তেষু গৃহীতা স্ত্রিযো বালাশ্চ রসযুক্তেষু স্বভাজনেষু পরিকিরেযুঃ
12.4.10 অনেনার্ঘেণ, বিশিষ্টং বা ভূযো দীযতাম্ ইতি তত্র এবাবাকিরেযুঃ
12.4.11 এতান্যেব বৈদেহকব্যঞ্জনাঃ, পণ্যবিরেযেণাহর্তারো বা
12.4.12 হস্ত্য্ঽশ্বানাং বিধাযবসেষু রসং আসন্না দদ্যুঃ
12.4.13 কর্মকরব্যঞ্জনা বা রসাক্তং যবসং উদকং বা বিক্রীণীরন্
12.4.14 চিরসংসৃষ্টা বা গোবাণিজকা গবাং অজাবীনাং বা যূথান্যবস্কন্দকালেষু পরেষাং মোহস্থানেষু প্রমুঞ্চেযুঃ, অশ্বখর উষ্ট্রমহিষাদীনাং দুষ্টাংশ্চ
12.4.15 তদ্ব্যঞ্জনা বা চুচ্ছুন্দরীশোণিতাক্তাক্ষান্
12.4.16 লুব্ধকব্যঞ্জনা বা ব্যালমৃগান্ পঞ্জরেভ্যঃ প্রমুঞ্চেযুঃ, সর্পগ্রাহা বা সর্পান্ উগ্রবিষান্, হস্তিজীবিনো বা হস্তিনঃ
12.4.17 অগ্নিজীবিনো বাঽগ্নিং অবসৃজেযুঃ
12.4.18 গূঢপুরুষা বা বিমুখান্ পত্ত্য্ঽশ্বরথদ্বিপমুখ্যান্ অভিহন্যুঃ, আদীপযেযুর্বা মুখ্যাবাসান্
12.4.19 দূষ্যামিত্রাটবিকব্যঞ্জনাঃ প্রণিহিতাঃ পৃষ্ঠাভিঘাতং অবস্কন্দপ্রতিগ্রহং বা কুর্যুঃ
12.4.20 বনগূঢা বা প্রত্যন্তস্কন্ধং উপনিষ্কৃষ্যাভিহন্যুঃ, একাযনে বীবধাসারপ্রসারান্ বা
12.4.21 সসঙ্কেতং বা রাত্রিযুদ্ধে ভূরিতূর্যং আহত্য ব্রূযুঃ অনুপ্রবিষ্টাঃ স্মো, লব্ধং রাজ্যম্ ইতি
12.4.22 রাজাবাসং অনুপ্রবিষ্টা বা সঙ্কুলেষু রাজানং হন্যুঃ
12.4.23 সর্বতো বা প্রযাতং এন( ? এব? ) ম্লেচ্ছাটবিকদণ্টচারিণঃ সত্ত্রাপাশ্রযাঃ স্তম্ভবাটাপাশ্রযা বা হন্যুঃ
12.4.24 লুব্ধকব্যঞ্জনা বাঽবস্কন্দসঙ্কুলেষু গূঢযুদ্ধহেতুভিরভিহন্যুঃ
12.4.25 একাযনে বা শৈলস্তম্ভবাটখঞ্জনান্তর্.উদকে বা স্বভূমিবলেনাভিহন্যুঃ
12.4.26 নদীসরস্তটাকসেতুবন্ধভেদবেগেন বা প্লাবযেযুঃ
12.4.27 ধান্বনবনদুর্গনিম্নদুর্গস্থং বা যোগাগ্নিধূমাভ্যাং নাশযেযুঃ
12.4.28 সঙ্কটগতং অগ্নিনা, ধান্বনগতং ধূমেন, নিধানগতং রসেন, তোযাবগাঢং দুষ্টগ্রাহৈরুদকচরণৈর্বা তীক্ষ্ণাঃ সাধযেযুঃ, আদীপ্তাবাসান্নিষ্পতন্তং বা
12.4.29ab যোগবামনযোগাভ্যাং যোগেনান্যতমেন বা |
12.4.29chd অমিত্রং অতিসন্দধ্যাত্ সক্তং উক্তাসু ভূমিষু ( ইতি)

Chapt | যোগাতিসংধানং – দণ্ডাতিসংধানং – একবিজযঃ
12.5.01 দৈবতেজ্যাযাম্( দেবতা ইজ্যাযাম্? ) যাত্রাযাং অমিত্রস্য বহূনি পূজাঽঽগমস্থানানি ভক্তিতঃ
12.5.02 তত্রাস্য যোগং উব্জযেত্
12.5.03 দেবতাগৃহপ্রবিষ্টস্য উপরি যন্ত্রমোক্ষণেন গূঢভিত্তিং শিলাং বা পাতযেত্
12.5.04 শিলাশস্ত্রবর্ষং উত্তমাগারাত্, কপাটং অবপাতিতং বা, ভিত্তিপ্রণিহিতং একদেশবদ্ধং বা পরিঘং মোক্ষযেত্
12.5.05 দেবতাদেহধ্বজপ্রহরণানি বাঽস্য উপরিষ্টাত্ পাতযেত্
12.5.06 স্থানাসনগমনভূমিষু বাঽস্য গোমযপ্রদেহেন গন্ধ উদকপ্রসেকেন বা রসং অতিচারযেত্, পুষ্পচূর্ণ উপহারেণ বা
12.5.07 গন্ধপ্রতিচ্ছন্নং বাঽস্য তীক্ষ্ণং ধূমং অতিনযেত্
12.5.08 শূলকূপং অবপাতনং বা শযনাসনস্যাধস্তাদ্ যন্ত্রবদ্ধতলং এনং কীলমোক্ষণেন প্রবেশযেত্
12.5.09 প্রত্যাসন্নে বাঽমিত্রে জনপদাজ্ জনং অবরোধক্ষমং অতিনযেত্
12.5.10 দুর্গাচ্চানবরোধক্ষমং অপনযেত্, প্রত্যাদেযং অরিবিষযং বা প্রেষযেত্
12.5.11 জনপদং চ একস্থং শৈলবননদীদুর্গেষ্বটবীব্যবহিতেষু বা পুত্রভ্রাতৃপরিগৃহীতং স্থাপযেত্
12.5.12 উপরোধহেতবো দণ্ড উপনতবৃত্তে ব্যাখ্যাতাঃ
12.5.13 তৃণকাষ্ঠং আযোজনাদ্ দাহযেত্
12.5.14 উদকানি চ দূষযেত্, অবস্রাবযেচ্চ
12.5.15 কূপকূটাবপাতকণ্টকিনীশ্চ বহিরুব্জযেত্
12.5.16 সুরুঙ্গাং অমিত্রস্থানে বহুমুখীং কৃত্বা নিচযমুখ্যান্ অভিহারযেত্, অমিত্রং বা
12.5.17 পরপ্রযুক্তাযাং বা সুরুঙ্গাযাং পরিখাং উদকান্তিকীং খানযেত্, কূপশালাং অনুসালং বা
12.5.18 তোযকুম্ভান্ কাংস্যভাণ্ডানি বা শঙ্কাস্থানেষু স্থাপযেত্ খাতাভিজ্ঞানার্থম্
12.5.19 জ্ঞাতে সুরুঙ্গাপথে প্রতিসুরুঙ্গাং কারযেত্
12.5.20 মধ্যে ভিত্ত্বা ধূমং উদকং বা প্রযচ্ছেত্
12.5.21 প্রতিবিহিতদুর্গো বা মূলে দাযাদ্ কৃত্বা প্রতিলোমাং অস্য দিশং গচ্ছেত্, যতো বা মিত্রৈর্বন্ধুভিরাটবিকৈর্বা সংসৃজ্যেত পরস্যামিত্রৈর্দূষ্যৈর্বা মহদ্ভিঃ, যতো বা গতোঽস্য মিত্রৈর্বিযোগং কুর্যাত্ পার্ষ্ণিং বা গৃহ্ণীযাত্ রাজ্যং বাঽস্য হারযেত্ বীবধাসারপ্রসারান্ বা বারযেত্, যতো বা শক্নুযাদ্ আক্ষিকবদ্ অপক্ষেপেণাস্য প্রহর্তুং, যতো বা স্বং রাজ্যং ত্রাযেত মূলস্য উপচযং বা কুর্যাত্
12.5.22 যতঃ সন্ধিং অভিপ্রেতং লভেত ততো বা গচ্ছেত্
12.5.23 সহপ্রস্থাযিনো বাঽস্য প্রেষযেযুঃ অযং তে শত্রুরস্মাকং হস্তগতঃ, পণ্যং বিপ্রকারং বাঽপদিশ্য হিরণ্যং অন্তঃসারবলং চ প্রেষয যস্য এনং অর্পযেম বদ্ধং প্রবাসিতং বা ইতি
12.5.24 প্রতিপন্নে হিরণ্যং সারবলং চাদদীত
12.5.25 অন্তপালো বা দুর্গসম্প্রদানে বল একদেশং অতিনীয বিশ্বস্তং ঘাতযেত্
12.5.26 জনপদং একস্থং বা ঘাতযিতুং অমিত্রানীকং আবাহযেত্
12.5.27 তদ্ অবরুদ্ধদেশং অতিনীয বিশ্বস্তং ঘাতযেত্
12.5.28 মিত্রব্যঞ্জনো বা বাহ্যস্য প্রেষযেত্ ক্ষীণং অস্মিন্ দুর্গে ধান্যং স্নেহাঃ ক্ষারো লবণং বা, তদ্ অমুষ্মিন্ দেশে কালে চ প্রবেক্ষ্যতি, তদ্ উপগৃহাণ ইতি
12.5.29 ততো রসবিদ্ধং ধান্যং স্নেহং ক্ষারং লবণং বা দূষ্যামিত্রাটবিকাঃ প্রবেশযেযুঃ, অন্যে বাঽভিত্যক্তাঃ
12.5.30 তেন সর্বভাণ্ডবীবধগ্রহণং ব্যাখ্যাতম্
12.5.31 সন্ধিং বা কৃত্বা হিরণ্য একদেশং অস্মৈ দদ্যাত্, বিলম্বমানঃ শেষম্
12.5.32 ততো রক্ষাবিধানান্যবস্রাবযেত্
12.5.33 অগ্নিরসশস্ত্রৈর্বা প্রহরেত্
12.5.34 হিরণ্যপ্রতিগ্রাহিণো বাঽস্য বল্লভান্ অনুগৃহ্ণীযাত্
12.5.35 পরিক্ষীণো বাঽস্মৈ দুর্গং দত্ত্বা নির্গচ্ছেত্
12.5.36 সুরুঙ্গযা কুক্ষিপ্রদরেণ বা প্রাকারভেদেন নির্গচ্ছেত্
12.5.37 রাত্রাববস্কন্দং দত্ত্বা সিদ্ধঃ তিষ্ঠেত্, অসিদ্ধঃ পার্শ্বেনাপগচ্ছেত্
12.5.38 পাষণ্ডচ্ছদ্মনা মন্দপরিবারো নির্গচ্ছেত্
12.5.39 প্রেতব্যঞ্জনো বা গূঢৈর্নিহ্রিযেত
12.5.40 স্ত্রীবেষধারী বা প্রেতং অনুগচ্ছেত্
12.5.41 দৈবত উপহারশ্রাদ্ধপ্রহবণেষু বা রসবিদ্ধং অন্নপানং অবসৃজ্য
12.5.42 কৃত উপজাপো দূষ্যব্যঞ্জনৈর্নিষ্পত্য গূঢসৈন্যোঽভিহন্যাত্
12.5.43 এবং গৃহীতদুর্গো বা প্রাশ্যপ্রাশং চৈত্যং উপস্থাপ্য দৈবতপ্রতিমাচ্ছিদ্রং প্রবিশ্যাসীত, গূঢভিত্তিং বা, দৈবতপ্রতিমাযুক্তং বা ভূমিগৃহম্
12.5.44 বিস্মৃতে সুরুঙ্গযা রাত্রৌ রাজাবাসং অনুপ্রবিশ্য সুপ্তং অমিত্রং হন্যাত্
12.5.45 যন্ত্রবিশ্লেষণং বা বিশ্লেষ্যাধস্তাদ্ অবপাতযেত্
12.5.46 রসাগ্নিযোগেনাবলিপ্তং গৃহং জতুগৃহং বাঽধিশযানং অমিত্রং আদীপযেত্
12.5.47 প্রমদবনবিহারাণাং অন্যতমে বা বিহারস্থানে প্রমত্তং ভূমিগৃহসুরুঙ্গাগূঢভিত্তিপ্রবিষ্টাঃ তীক্ষ্ণা হন্যুঃ, গূঢপ্রণিহিতা বা রসেন
12.5.48 স্বপতো বা নিরুদ্ধে দেশে গূঢাঃ স্ত্রিযঃ সর্পরসাগ্নিধূমান্ উপরি মুঞ্চেযুঃ
12.5.49 প্রত্যুত্পন্নে বা কারণে যদ্ যদ্ উপপদ্যেত তত্ তদ্ অমিত্রেঽন্তঃপুরগতে গূঢসঞ্চারঃ প্রযুঞ্জীত
12.5.50 ততো গূঢং এবাপগচ্ছেত্, স্বজনসংজ্ঞাং চ প্ররূপযেত্
12.5.51ab দ্বাহ্স্থান্ বর্ষধরাংশ্চান্যান্নিগূঢ উপহিতান্ পরে |
12.5.51chd তূর্যসংজ্ঞাভিরাহূয দ্বিষত্শেষাণি ঘাতযেত্ ( ইতি)