অর্থশাস্ত্র ১৪

Book |
Chapt | পরবলঘাতপ্রযোগঃ
14.1.01 চাতুর্বর্ণ্যরক্ষাঽর্থং ঔপনিষদিকং অধর্মিষ্ঠেষু প্রযুঞ্জীত
14.1.02 কালকূটাদির্বিষবর্গঃ শ্রদ্ধেযদেশবেষশিল্পভাষাঽভিজনাপদেশৈঃ কুব্জবামনকিরাতমূকবধিরজডান্ধচ্ছদ্মভির্ম্লেচ্ছজাতীযৈরভিপ্রেতৈঃ স্ত্রীভিঃ পুম্ভিশ্চ পরশরীর উপভোগেষ্ববধাতব্যঃ
14.1.03 রাজক্রীডাভাণ্ডনিধানদ্রব্য উপব্ভোগেষু গূঢাঃ শস্ত্রনিধানং কুর্যুঃ, সত্ত্রাজীবিনশ্চ রাত্রিচারিণোঽগ্নিজীবিনশ্চাগ্নিনিধানম্
14.1.04 চিত্রভেককৌণ্ডিন্যককৃকণপঞ্চকুষ্ঠশতপদীচূর্ণং উচ্চিদিণ্গকম্বলীশতকন্দ( কর্দম? ) ইধ্মকৃকলাসচূর্ণং গৃহগোলিকান্ধাহিকক্রকণ্টকপূতিকীটগোমারিকাচূর্ণং ভল্লাতকাবল্গুজরসম্যুক্তং সদ্যঃপ্রাণহরং, এতেষাং বা ধূমঃ
14.1.05ab কীটো বাঽন্যতমঃ তপ্তঃ কৃষ্ণসর্পপ্রিযঙ্গুভিঃ |
14.1.05chd শোষযেদ্ এষ সম্যোগঃ সদ্যঃপ্রাণহরো মতঃ
14.1.06 ধামার্গবযাতুধানমূলং ভল্লাতকপুষ্পচূর্ণযুক্তং আর্ধমাসিকঃ
14.1.07 ব্যাঘাতকমূলং ভল্লাতকপুষ্পচূর্ণযুক্তং কীটযোগো মাসিকঃ
14.1.08 কলামাত্রং পুরুষাণাং, দ্বিগুণং খরাশ্বানাং, চতুর্গুণং হস্ত্য্.উষ্ট্রাণাম্
14.1.09 শতকর্দম উচ্চিদিঙ্গকরবীরকটুতুম্বীমত্স্যধূমো মদনকোদ্রবপলালেন হস্তিকর্ণপলাশপলালেন বা প্রবাতানুবাতে প্রণীতো যাবচ্চরতি তাবন্ মারযতি
14.1.10 পূকিকীটমস্ত্যকটুতুম্বীশতকর্দম ইধ্ম ইন্দ্রগোপচূর্ণং পূতিকীটক্ষুদ্রারালাহেমবিদারীচূর্ণং বা বস্তশৃঙ্গখুরচূর্ণযুক্তং অন্ধীকরো ধূমঃ
14.1.11 পূতিকরঞ্জপত্ত্রহরিতালমনঃশিলাগুঞ্জারক্তকার্পাসপলালান্যাস্ফোটকাচগোশকৃদ্রসপিষ্টং অন্ধীকরো ধূমঃ
14.1.12 সর্পনির্মোকং গোঽশ্বপুরীষং অন্ধাহিকশিরশ্চান্ধীকরো ধূমঃ
14.1.13 পারাবতপ্লবকক্রব্যাদানাং হস্তিনরবরাহাণাং চ মূত্রপুরীষং কাসীসহিঙ্গুযবতুষকণতণ্ডুলাঃ কার্পাসকুটজকোশাতকীনাং চ বীজানি গোমূত্রিকাভাণ্ডীমূলং নিম্বশিগ্রুফণির্জকাক্ষীবপীলুকভঙ্গঃ সর্পশফরীচর্ম হস্তিনখশৃঙ্গচূর্ণং ইত্যেষ ধূমো মদনকোদ্রবপলালেন হস্তিকর্ণপলাশপলালেন বা প্রণীতঃ প্রত্যেকশো যাবচ্চরতি তাবন্ মারযতি
14.1.14 কালীকুষ্ঠনডশতাবলীমূলং সর্পপ্রচলাককৃকণপঞ্চকুষ্ঠচূর্ণং বা ধূমঃ পূর্বকল্পেনার্দ্রশুষ্কপলালেন বা প্রণীতঃ সঙ্গ্রামাবতরণাবস্কন্দনসঙ্কুলেষু কৃতনেজন উদকাক্ষিপ্রতীকারৈঃ প্রণীতঃ সর্বপ্রাণিনাং নেত্রঘ্নঃ
14.1.15 শারিকাকপোতবকবলাকালেণ্ডং অর্কাক্ষিপীলুকস্নুহিক্ষীরপিষ্টং অন্ধীকরণং অঞ্জনং উদকদূষণং চ
14.1.16 যবকশালিমূলমদনফলজাতীপত্ত্রনরমূত্রযোগঃ প্লক্ষবিদারীমূলযুক্তো মূক উদুম্বরমদনকোদ্রবক্বাথযুক্তো হস্তিকর্ণপলাশক্বাথযুক্তো বা মদনযোগঃ
14.1.17 শৃঙ্গিগৌতমবৃককণ্টকারমযূরপদীযোগো গুঞ্জালাঙ্গলীবিষমূলিক ইঙ্গুদীযোগঃ করবীরাক্ষিপীলুকার্কমৃগমারণীযোগো মদ্নকোদ্রবক্বাথযুক্তো হস্তিকর্ণপলাশক্বাথযুক্তো বা মদনযোগঃ
14.1.18 সমস্তা বা যবস ইন্ধন উদকদূষণাঃ
14.1.19 কৃতকণ্ডলকৃকলাসগৃহগোলিকান্ধাহিকধূমো নেত্রবধং উন্মাদং চ করোতি
14.1.20 কৃকলাসগৃহগোলিকাযোগঃ কুষ্ঠকরঃ
14.1.21 স এব চিত্রং একান্ত্রমধুযুক্তঃ প্রমেহং আপাদযতি, মনুষ্যলোহিতযুক্তঃ শোষম্
14.1.22 দূষীবিষং মদনকোদ্রবচূর্ণং অপজিহ্বিকাযোগঃ
14.1.23 মাতৃবাহকাঞ্জলিকারপ্রচলাকভেকাক্ষিপীলুকযোগো বিষূচিকাকরঃ
14.1.24 পঞ্চকুষ্ঠককৌণ্ডিন্যকরাজবৃক্ষপুষ্পমধুযোগো জ্বরকরঃ
14.1.25 ভাসনকুলজিহ্বাগ্রন্থিকাযোগঃ খরীক্ষীরপিষ্টো মূকবধির.করো মাসার্ধমাসিকঃ
14.1.26 কলামাত্রং পুরুষাণাং ইত্ সমানং পূর্বেণ
14.1.27 ভঙ্গক্বাথ উপনযনং ঔষধানাং, চূর্ণং প্রাণভৃতাং, সর্বেষাং বা ক্বাথ উপনযনং, এবং বীর্যবত্তরং ভব্তি
14.1.28 ইতি যোগসম্পত্
14.1.29 শাল্মলী বিদারীধান্যসিদ্ধো মূলবত্সনাভসম্যুক্তশ্চুচ্ছুন্দরীশোণিতপ্রলেপেন দিগ্ধো বাণো যং বিধ্যতি স বিদ্ধোঽন্যান্ দশপুরুষান্ দশতি, তে দষ্টা দশান্যান্ দশন্তি পুরুষান্
14.1.30 বল্লাতকযাতুধানাবানুধামার্গববাণানাং পুষ্পৈরেলকাক্ষিগুগ্গুলুহালাহলানাং চ কষাযং বস্তনরশোণিতযুক্তং দংশযোগঃ
14.1.31 ততোঽর্ধধরণিকো যোগঃ সক্তুপিণ্যাকাভ্যাং উদকে প্রণীতো ধনুঃশতাযামং উদকাশযং দূষযতি
14.1.32 মত্স্যপরম্পরা হ্যেতেন দষ্টাঽভিমৃষ্টা বা বিষীভবতি, যশ্চ এতদ্ উদকং পিবতি স্পৃশতি বা
14.1.33 রক্তশ্বেতসর্ষপৈর্গোধা ত্রিপক্ষং উষ্ট্রিকাযাং ভূমৌ নিখাতাযাং নিহিতা বধ্যেন উদ্ধৃতা যাবত্ পশ্যতি তাবন্ মারযতি, কৃষ্ণসর্পো বা
14.1.34 বিদ্যুত্প্রদগ্ধোঽঙ্গারো জ্বালো বা বিদ্যুত্প্রদগ্ধৈঃ কাষ্ঠৈর্গৃহীতশ্চানুবাসিতঃ কৃত্তিকাসু ভরণীষু বা রৌদ্রেণ কর্মণাঽভিহুতোঽগ্নিঃ প্রণীতশ্চ নিস্প্রতীকারো দহতি
14.1.35ab কর্মারাদ্ অগ্নিং আহৃত্য ক্ষৌদ্রেণ জুহুযাত্ পৃথক্ |
14.1.35chd সুরযা শৌণ্ডিকাদ্ অগ্নিং মার্গতোঽগ্নিং ঘৃতেন চ
14.1.36ab মাল্যেন চ একপত্ন্য্ঽগ্নিং পুংশ্চল্য্ঽগ্নিং চ সর্ষপৈঃ |
14.1.36chd দধ্না চ সূতিকাস্বগ্নিং আহিতাগ্নিং চ তণ্ডুলৈঃ
14.1.37ab চণ্ডালাগ্নিং চ মাংসেন চিতাগ্নিং মানুষেণ চ
14.1.37chd সমস্তান্ বস্তবসযা মানুষেণ ধ্রুবেণ চ
14.1.38ab জুহুযাদ্ অগ্নিমন্ত্রেণ রাজবৃক্ষস্য দারুভিঃ |
14.1.38chd এষ নিষ্প্রতিকারোঽগ্নির্দ্বিষতাং নেত্রমোহনঃ
14.1.39 অদিতে নমস্তে, অনুমতে নমস্তে, সরস্বতি নমস্তে, দেব সবিতর্নমাস্তে
14.1.40 অগ্নযে স্বাহা, সোমায স্বাহা, ভূঃ স্বাহা ভুবঃ স্বাহা ( ইতি)

Chapt | প্রলম্ভনং, তত্র অদ্ভুত উত্পাদনম্
14.2.01 শিরীষ উদুম্বরশমীচূর্ণং সর্পিষা সংহৃত্যার্ধমাসিকঃ ক্ষুদ্যোগঃ
14.2.02 কশেরুক উত্পলকন্দেক্ষুমূলবিসদূর্বাক্ষীরঘৃতমণ্ডসিদ্ধো মাসিকঃ
14.2.03 মাষযবকুলত্থদর্ভমূলচূর্ণং বা ক্ষীরঘৃতাভ্যাং, বল্লীক্ষীরঘৃতং বা সমসিদ্ধং, সালপৃশ্নিপর্ণীমূলকল্কং পযসা পীত্বা, পযো বা তত্সিদ্ধং মধুঘৃতাভ্যাং অশিত্বা মাসং উপবসতি
14.2.04 শ্বেতবস্তমূত্রে সপ্তরাত্র উষিতৈঃ সিদ্ধার্থকৈঃ সিদ্ধং তৈলং কটুকালাবৌ মাসার্ধমাসস্থিতং চতুষ্পদদ্বিপদানাং বিরূপকরণম্
14.2.05 তক্রযবভক্ষস্য সপ্তরাত্রাদ্ ঊর্ধ্বং শ্বেতগর্দভস্য লেণ্ডযবৈঃ সিদ্ধং গৌরসর্ষপতৈলং বিরূপকরণম্
14.2.06 এতযোরন্যতরস্য মূত্রলেণ্ডরসসিদ্ধং সিদ্ধার্থকতৈলং অর্কতূলপতঙ্গচূর্ণপ্রতীবাপং শ্বেতীকরণম্
14.2.07 শ্বেতকুক্কুটাজগরলেণ্ডযোগঃ শ্বেতীকরণম্
14.2.08 শ্বেতবস্তমূত্রে শ্বেতসর্ষপাঃ সপ্তরাত্র উষিতাস্তক্র( ? ) মর্ক.ক্ষীরলবণং ধান্যং চ পক্ষস্থিতো যোগঃ শ্বেতীকরণম্
14.2.09 কটুকালাবৌ বলীগতে গতংঽর্ধমাসস্থিতং গৌরসর্ষপপিষ্টং রোম্ণাং শ্বেতীকরণম্
14.2.10ab অলোজুনেতি যঃ কীটঃ শ্বেতা চ গৃহগোলিকা |
14.2.10chd এতেন পিষ্তেনাভ্যক্তাঃ কেশাঃ স্যুঃ শঙ্খপাণ্ডরাঃ
14.2.11 গোমযেন তিন্দুকারিষ্টকল্কেন বা মর্দিতাঙ্গস্য ভল্লাতকরসানুলিপ্তস্য মাসিকঃ কুষ্ঠযোগঃ
14.2.12 কৃষ্ণসর্পমুখে গৃহগোলিকামুখে বা সপ্তরাত্র উষিতা গুজ্জাঃ কুষ্ঠযোগঃ
14.2.13 শুকপিত্তাণ্ডরসাভ্যঙ্গঃ কুষ্ঠযোগঃ
14.2.14 কুষ্ঠস্যপ্রিযালকল্ককষাযঃ প্রতীকারঃ
14.2.15 কুক্কুটকোশাতকী( ? ) শতাবরীমূলযুক্তং আহারযমাণো মাসেন গৌরো ভবতি
14.2.16 বটকষাযস্নাতঃ সহচরকল্কদিগ্ধঃ কৃষ্ণো ভবতি
14.2.17 শকুনকণ্গুতৈলযুক্তা হরিতালমনঃশিলাঃ শ্যামীকরণম্
14.2.18 খদ্যোতচূর্ণং সর্ষপতৈলযুক্তং রাত্রৌ জ্বলতি
14.2.19 খদ্যোতগণ্ডূপদচূর্ণং সমুদ্রজন্তূনাং ভৃঙ্গকপালানাং খদিরকর্ণিকারাণাং পুষ্পচূর্ণং বা শকুনকঙ্গুতৈলযুক্তং তেজনচূর্ণম্
14.2.20 পারিভদ্রকত্বন্মষী মণ্ডূকবসযা যুক্তা গাত্রপ্রজ্বালনং অগ্নিনা
14.2.21 পরিভদ্রকত্বক্তিলকল্কপ্রদিগ্ধং শরীরং অগ্নিনা জ্বলতি
14.2.22 পীলুত্বন্মষীমযঃ পিণ্ডো হস্তে জ্বলতি
14.2.23 মণ্ডূকবসাদিগ্ধোঽগ্নিনা জ্বলতি
14.2.24 তেন প্রদিগ্ধং অঙ্গং কুশাম্রফলতৈলসিক্তং সমুদ্রমণ্ডূকীফেনকসর্জরসচূর্ণযুক্তং বা জ্বলতি
14.2.25 মণ্ডূককুলীরাদীনাং বসযা সমভাগং তৈলং সিদ্ধং অভ্যঙ্গং গাত্রাণাং অগ্নিপ্রজ্বালনম্
14.2.26 বেণুমূলশৈবললিপ্তং অঙ্গং মণ্ডূকবসাদিগ্ধং অগ্নিনা জ্বলতি
14.2.27 পারিভদ্রকপ্পতিবলাবঞ্জুলবজ্রকদলীমূলকল্কেন মণ্ডূকবসাসিদ্ধেন তৈলেনাভ্যক্তপাদোঽঙ্গারেষু গচ্ছতি
14.2.28ab উপ উদকা প্রতিবলা বঞ্জুলঃ পারিভদ্রকঃ |
14.2.28chd এতেষাং মূলকল্কেন মণ্ডূকবসযা সহ
14.2.29ab সাধযেত্ তৈলং এতেন পাদাবভ্যজ্য নির্মলৌ |
14.2.29chd অঙ্গাররাশৌ বিচরেদ্ যথা কুসুমসঞ্চযে
14.2.30 হংসক্রৌঞ্চমযূরাণাং অন্যেষাং বা মহাশকুনীনাং উদকপ্লবানাং পুচ্ছেষু বদ্ধা নলদীপিকা রাত্রাবুল্কাদর্শনম্
14.2.31 বৈদ্যুতং ভস্মাঙ্গিশমনম্
14.2.32 স্ত্রীপুষ্পপাযিতা মাষা ব্রজকুলীমূলং মণ্ডূকবসামিশ্রং চুল্লুযাং দীপ্তাযাং অপাচনম্
14.2.33 চুল্লীশোধনং প্রতীকারঃ
14.2.34 পীলুমযো মণিরগ্নিগর্ভঃ সুবর্চলামূলগ্রন্থিঃ সূত্রগ্রন্থির্বা পিচুপরিবেষ্টিতো মুখ্যাদ্ অগ্নিধূম উত্সর্গঃ
14.2.35 কুশাম্রফলতৈলসিক্তোঽগ্নির্বর্ষপ্রবাতেষু জ্বলতি
14.2.36 সমুদ্রফেনকঃ তৈলযুক্তোঽম্ভসি প্লবমানো জ্বলতি
14.2.37 প্লবমানানাং অস্থিষু কল্মাষবেণুনা নির্মথিতোঽগ্নির্ন উদকেন শাম্যতি, উদকেন জ্বলতি
14.2.38 শস্ত্রহতস্য শূলপ্রোতস্য বা পুরুষস্য বামপার্শ্বপর্শুকাস্থিষু কল্মাষবেণুনা নির্মথিতোঽগ্নিঃ স্ত্রিযাঃ পুরুষস্য বাঽস্থিষু মনুষ্যপর্শুকযা নির্মথিতোঽগ্নির্যত্র ত্রিরপসব্যং গচ্ছতি ন চাত্রান্যোঽগ্নির্জ্বলতি
14.2.39ab চুচ্চুন্দরী খঞ্জরীটঃ খারকীটশ্চ পিষ্যতে |
14.2.39chd অশ্বমূত্রেণ সংসৃষ্টা নিগলানাং তু ভঞ্জনম্
14.2.40 অযস্কান্তো বা পাষাণঃ কুলীরদর্দুরখারকীটবসাপ্রদেহেন দ্বিগুণঃ
14.2.41 নারকগর্ভঃ কঙ্কভাসপার্শ্ব উত্পল উদকপিষ্টশ্চতুষ্পদদ্বিপদানাং পাদলেপঃ
14.2.42 উলূকগৃধ্রবসাভ্যাং উষ্ট্রচর্ম উপানহাবভ্যজ্য বটপত্ত্রৈঃ প্রতিচ্ছাদ্য পঞ্চাশদ্যোজনান্যশ্রান্তো গচ্ছতি
14.2.43 শ্যেনকঙ্ককাকগৃধ্রহংসক্রৌঞ্চবীচীরল্লানাং মজ্জানো রেতাংসি বা যোজনশতায, সিংহব্যাঘ্রদ্বীপকাক উলূকানাং মজ্জানো রেতাংসি বা
14.2.44 সার্ববর্ণিকানি গর্ভপতনান্যুষ্ট্রিকাযাং অভিষূয শ্মশানে প্রেতশিশূন্ বা তত্সমুত্থিতং মেদো যোজনশতায
14.2.45a অনিষ্টৈরদ্ভুত উত্পাতৈঃ পরস্য উদ্বেগং আচরেত্ |
14.2.45b আরাজ্যায ইতি নির্বাদঃ সমানঃ কোপ উচ্যতে ( ইতি)

Chapt | প্রলম্ভনং, তত্র ভৈষজ্যমন্ত্রযোগঃ
14.3.01 মার্জার উষ্ট্রবৃকবরাহশ্বাবিদ্বাগুলীনপ্তৃকাক উলূকানাং অন্যেষাং বা নিশাচরাণাং সত্ত্বানাং একস্য দ্বযোর্বহূনাং বা দক্ষিণানি বামানি চাক্ষীণি গৃহীত্বা দ্বিধা চূর্ণং কারযেত্
14.3.02 ততো দক্ষিণং বামেন বামং দক্ষিণেন সমভ্যজ্য রাত্রৌ তমসি চ পশ্যতি
14.3.03ab একাম্লকং বরাহাক্ষি খদ্যোতঃ কালশারিবা |
14.3.03chd এতেনাভ্যক্তনযনো রাত্রৌ রূপাণি পশ্যতি
14.3.04 ত্রিরাত্র উপোষিতঃ পুষ্যেণ শস্ত্রহতস্য শূলপ্রোতস্য বা পুংসঃ শিরঃকপালে মৃত্তিকাযাং যবান্ আবাস্যাবিক্ষীরেণ সেচযেত্
14.3.05 ততো যববিরূঢমালাং আবধ্য নষ্টচ্ছাযারূপশ্চরতি
14.3.06 ত্রিরত্র উপোষিতঃ পুষ্যেণ শ্বমার্জার উলূকবাগুলীনাং দক্ষিণানি বামানি চাক্ষীণি দ্বিধা চূর্ণং কারযেত্
14.3.07 ততো যথাস্বং অভ্যক্তাক্ষো নষ্টচ্ছাযারূপশ্চরতি
14.3.08 ত্রিরাত্র উপোষিতঃ পুষ্যেণ পুরুষঘাতিনঃ কাণ্ডকস্য শলাকাং অঞ্জনীং চ কারযেত্
14.3.09 ততো অন্যতমেনাক্ষিচূর্ণেনাভ্যক্তাক্ষো নষ্টচ্ছাযারূপশ্চরতি
14.3.10 ত্রিরাত্র উপোষিতঃ পুষ্যেণ কালাযসীং অঞ্জনীং শলাকাং চ কারযেত্
14.3.11 ততো নিশাচরাণাং সত্ত্বানাং অন্যতমস্য শিরঃকপালং অঞ্জনেন পূরযিত্বা মৃতাযাঃ স্ত্রিযা যোনৌ প্রবেশ্য দাহযেত্
14.3.12 তদ্ অঞ্জনং পুষ্যেণ উদ্ধৃত্য তস্যাং অঞ্জন্যাং নিদধ্যাত্
14.3.13 তেনাভ্যক্তাক্ষো নষ্টছাযারূপশ্চরতি
14.3.14 যত্র ব্রাহ্মণং আহিতাগ্নিং দগ্ধং দহ্যমানং বা পশ্যেত্ তত্র ত্রিরাত্র উপোষিতঃ পুষ্যেণ স্বযংমৃতস্য বাসসা প্রসেবং কৃত্বা চিতাভস্মনা পূরযিত্বা তং আবধ্য নষ্টচ্ছাযারূপশ্চরতি
14.3.15 ব্রাহ্মণস্য প্রেতকার্যে যো গৌর্মার্যতে তস্যাস্থিমজ্জচূর্ণপূর্ণাঽহিভস্ত্রা পশূনাং অন্তর্ধানম্
14.3.16 সর্পদষ্টস্য ভস্মনা পূর্ণা প্রচলাকভস্ত্রা মৃগাণাং অন্তর্ধানম্
14.3.17 উলূকবাগুলীপুচ্ছপুরীষজান্ব্ঽস্থিচূর্ণপূর্ণাঽহিভস্ত্রা পক্ষিণাং অন্তর্ধানম্
14.3.18 ইত্যষ্টাবন্তর্ধানযোগঃ
14.3.19ab বলিং বৈরোচনং বন্দে শতমাযং চ শম্বরম্ |
14.3.19chd ভণ্ডীরপাকং নরকং নিকুম্ভং কুম্ভং এব চ
14.3.20ab দেবলং নারদং বন্দে বন্দে সাবর্ণিগালবম্ |
14.3.20chd এতেষাং অনুযোগেন কৃতং তে স্বাপনং মহত্
14.3.21ab যথা স্বপন্ত্যজগরাঃ স্বপন্ত্যপি চমূখলাঃ |
14.3.21chd তথা স্বপন্তু পুরুষা যে চ গ্রামে কুতূহলাঃ
14.3.22ab ভণ্ডকানাং সহস্রেণ রথনেমিশতেন চ |
14.3.22chd ইমং গৃহং প্রবেক্ষ্যামি তূষ্ণীং আসন্তু ভাণ্ডকাঃ
14.3.23ab নমস্কৃত্বা চ মনবে বদ্ধ্বা শুনকফেলকাঃ |
14.3.23chd যে দেবা দেবলোকেষু মানুষেষু চ ব্রাহ্মণাঃ
14.3.24ab অধ্যযনপারগাঃ সিদ্ধা যে চ কৌলাস তাপসাঃ |
14.3.24chd এতেভ্যঃ সর্বসিদ্ধেভ্যঃ কৃতং তে স্বাপনং মহত্
14.3.25 অতিগচ্ছন্তি চ ময্যপগচ্ছন্তু সংহতাঃ
14.3.26 অলিতে, বলিতে, মনবে স্বাহা
14.3.27 এতস্য প্রযোগঃ
14.3.28 ত্রিরাত্র উপোষিতঃ কৃষ্ণচতুর্দশ্যাং পুষ্যযোগিন্যাং শ্বপাকীহস্তাদ্ বিলখাবলেখনং ক্রীণীযাত্
14.3.29 তন্মাষৈঃ সহ কণ্ডোলিকাযাং কৃত্বাঽসঙ্কীর্ণ আদহনে নিখানযেত্
14.3.30 দ্বিতীযস্যাং চতুর্দশ্যাং উদ্ধৃত্য কুমার্যা পেষযিত্বা গুলিকাঃ কারযেত্
14.3.31 তত একাং গুলিকাং অভিমন্ত্রযিত্বা যত্র এতন মন্ত্রেণ ক্ষিপতি তত্ সর্বং প্রস্বাপযতি
14.3.32 এতেন এব কল্পেন শ্বাবিধঃ শল্যকং ত্রিকালং ত্রিশ্বেতং অসঙ্কীর্ণ আদহনে নিখানযেত্
14.3.33 দ্বিতীযস্যাং চতুর্দশ্যাং উদ্ধৃত্যাদহনভস্মনা সহ যত্র এতেন মন্ত্রেণ ক্ষিপতি তত্ সর্বং প্রস্বাপযতি
14.3.34ab সুবর্ণপুষ্পীং ব্রহ্মাণীং ব্রহ্মাণং চ কুশধ্বজম্ |
14.3.34chd সর্বাশ্চ দেবতা বন্দে বন্দে সর্বাংশ্চ তাপসান্
14.3.35ab বশং মে ব্রাহ্মণা যান্তু ভূমিপালাশ্চ ক্ষত্রিযাঃ |
14.3.35chd বশং বৈশ্যাশ্চ শূদ্রাশ্চ বশতাং যান্তু মে সদা
14.3.36 স্বাহা – অমিলে কিমিলে বযুচারে প্রযোগে ফক্কে বযুহ্বে বিহালে দন্তকটকে স্বাহা
14.3.37ab সুখং স্বপন্তু শুনকা যে চ গ্রামে কুতূহলাঃ |
14.3.37chd শ্বাবিধঃ শল্যকং চ এতত্ ত্রিশ্বেতং ব্রহ্মনির্মিতম্
14.3.38ab প্রসুপ্তাঃ সর্বসিদ্ধা হি এতত্ তে স্বাপনং কৃতম্ |
14.3.38chd যাবদ্ গ্রামস্য সীমান্তঃ সূর্যস্য উদ্গমনাদ্ ইতি
14.3.39 স্বাহা
14.3.40 এতস্য প্রযোগঃ
14.3.41 শ্বাবিধঃ শল্যকানি ত্রিশ্বেতানি, সপ্তরাত্র উপোষিতঃ কৃষ্ণচতুর্দশ্যাং খাদিরাভিঃ সমিধামির্( ? ) অগ্নিং এতেন মন্ত্রেণাষ্টশতসম্পাতং কৃত্বা মধুঘৃতাভ্যাং অভিজুহুযাত্
14.3.42 তত একং এতেন মন্ত্রেণ গ্রামদ্বারি গৃহদ্বারি বা যত্র নিখন্যতে তত্ সর্বং প্রস্বাপযতি
14.3.43ab বলিং বৈরোচনং বন্দে শতমাযং চ শম্বরম্ |
14.3.43chd নিকুম্ভং নরকং কুম্ভং তন্তুকচ্ছং মহাঽসুরম্
14.3.44ab অর্মালবং প্রমীলং চ মণ্ড উলূকং ঘট উবলম্ |
14.3.44chd কৃষ্ণকংস উপচারং চ পৌলোমীং চ যশস্বিনীম্
14.3.45ab অভিমন্ত্রযিত্বা গৃহ্ণামি সিদ্ধ্য্ঽর্থং শবশারিকাম্ |
14.3.45chd জযতু জযতি চ নমঃ শলকভূতেভ্যঃ স্বাহা
14.3.46ab সুখং স্বপন্তু শুনকা যে চ গ্রামে কুতূহলাঃ |
14.3.46chd সুখং স্বপন্তু সিদ্ধার্থা যং অর্থং মার্গযামহে |
14.3.46ech যাবদ্ অস্তং অযাদ্ উদযো যাবদ্ অর্থং ফলং মম
14.3.47 ইতি স্বাহা
14.3.48 এতস্য প্রযোগঃ
14.3.49 চতুর্ভক্ত উপবাসী কৃষ্ণচতুর্দশ্যাং অসঙ্কীর্ণ আদহনে বলিং কৃত্বা এতেন মন্ত্রেণ শবশারিকাং গৃহীত্বা পৌত্রীপোট্টলিকং বধ্নীযাত্
14.3.50 তন্মধ্যে শ্বাবিধঃ শল্যকেন বিদ্ধ্বা যত্র এতেন মন্ত্রেণ নিখন্যতে তত্ সর্বং প্রস্বাপযতি
14.3.51ab উপৈমি শরণং চাগ্নিং দৈবতানি দিশো দশ |
14.3.51chd অপযান্তু চ সর্বাণি বশতাং যান্তু মে সদা
14.3.52 স্বাহা
14.3.53 এতস্য প্রযোগঃ
14.3.54 ত্রিরাত্র উপোস্ষিতঃ পুষ্যেণ শর্করা একবিংশতিসম্পাতং কৃত্বা মধুঘৃতাভ্যাং অভিজুহুযাত্
14.3.55 ততো গন্ধমাল্যেন পূজযিত্বা নিখানযেত্
14.3.56 দ্বিতীযেন পুষ্যেণ উদ্ধৃত্য একাং শর্করাং অভিমন্ত্রযিত্বা কপাটং আহন্যাত্
14.3.57 অভ্যন্তর্ং চতসৃণাং শর্করাণাং দ্বারং অপাব্রিযতে
14.3.58 চতুর্ভক্ত উপবাসী কৃষ্ণচতুর্দশ্যাং ভগ্নস্য পুরুষস্যাস্থ্না ঋষভং কারযেত্, অভিমন্ত্রযেচ্চ এতেন
14.3.59 দ্বিগোযুক্তং গোযানং আহৃতং ভবতি
14.3.60 ততঃ পরমাকাশে বিরামতি
14.3.61 রবিসগন্ধঃ পরিঘমতি সর্বং পৃণাতি
14.3.62 চণ্ডালীকুম্ভীতুম্বকটুকসারোঘঃ সনারীভগোঽসি – স্বাহা
14.3.63 তাল উদ্ঘাটনং প্রস্বাপনং চ
14.3.64 ত্রিরাত্র উপোষিতঃ পুষ্যেণ শস্ত্রহতস্য শূলপ্রোতস্য বা পুংসঃ শিরঃকপালে মৃত্তিকাযাং তুবরীরাবাস্য উদকেন সেচযেত্
14.3.65 জাতানাং পুষ্যেণ এব গৃহীত্বা রজ্জুকাং বর্তযেত্
14.3.66 ততঃ সজ্যানাং ধনুষাং যন্ত্রাণাং চ পুরস্তাচ্ছেদনং জ্যাচ্ছেদনং করোতি
14.3.67 উদকাহিভস্ত্রাং উচ্ছ্বাসমৃত্তিকযা স্ত্রিযাঃ পুরুষস্য বা পূরযেত্, নাসিকাবন্ধনং মুখগ্রহশ্চ
14.3.68 বরাহভস্ত্রাং উচ্ছ্বাসমৃত্তিকযা পূরযিত্বা মর্কটস্নাযুনাঽববধ্নীযাত্, আনাহকারণম্
14.3.69 কৃষ্ণচতুর্দশ্যাং শস্ত্রহতাযা গোঃ কপিলাযাঃ পিত্তেন রাজবৃক্ষমযীং অমিত্রপ্রতিমাং অঞ্জ্যাত্, অন্ধীকরণম্
14.3.70 চতুর্ভক্ত উপবাসী কৃষ্ণচতুর্দশ্যাং বলিং কৃত্বা শূলপ্রোতস্য পুরুষস্যাস্থ্না কীলকান্ কারযেত্
14.3.71 এতেষাং একঃ পুরীষে মূত্রে বা নিখাত আনাহং করোতি, পদেঽস্যাসনে বা নিখাতঃ শোষেণ মারযতি, আপণে ক্ষেত্রে গৃহে বা বৃত্তিচ্ছেদং করোতি
14.3.72 এতেন এব কল্পেন বিদ্যুদ্দগ্ধস্য বৃক্ষস্য কীলকা ব্যাখ্যাতাঃ
14.3.73ab পুনর্নবং অবাচীনং নিম্বঃ কামমধুশ্চ যঃ |
14.3.73chd কপিরোম মনুষ্যাস্থি বদ্ধ্বা মৃতকবাসসা
14.3.74ab নিখন্যতে গৃহে যস্য দৃষ্ট্বা বা যত্ পদং নযেত্ |
14.3.74chd সপুত্রদারঃ সধনস্ত্রীন্ পক্ষান্নাতিবর্ততে
14.3.75ab পুনর্নবং অবাচীনং নিম্বঃ কামমধুশ্চ যঃ |
14.3.75chd স্বযঙ্গুপ্তা মনুষ্যাস্থি পদে যস্য নিখন্যতে
14.3.76ab দ্বারে গৃহস্য সেনাযা গ্রামস্য নগরস্য বা |
14.3.76chd সপুত্রদারঃ সধনস্ত্রীন্ পক্ষান্নাতিবর্ততে
14.3.77ab অজমর্কটরোমাণি মার্জারনকুলস্য চ |
14.3.77chd ব্রাহ্মণানাং শ্বপাকানাং কাক উলূকস্য চাহরেত্ |
14.3.77chd এতেন বিষ্ঠাঽবক্ষুণ্ণা সদ্য উত্সাদকারিকা
14.3.78ab প্রেতনির্মালিকা কিণ্বং রোমাণি নকুলস্য চ |
14.3.78chd বৃশ্চিকাল্য্( ? ) অহিকৃত্তিশ্চ পদে যস্য নিখন্যতে |
14.3.78ef ভবত্যপুরুষঃ সদ্যো যাবত্ তন্নাপনীযতে
14.3.79 ত্রিরাত্র উপোষিতঃ পুষ্যেণ শস্ত্রহতস্য শূলপ্রোতস্য বা পুংসঃ শিরঃকপালে মৃত্তিকাযাং গুঞ্জা আবাস্য উদকেন সেচযেত্
14.3.80 জাতানাং অমাবাস্যাযাং পৌর্ণমাস্যাং বা পুষ্যযোগিন্যাং গুঞ্জবল্লীর্গ্রাহযিত্বা মণ্ডলিকানি কারযেত্
14.3.81 তেষ্বন্নপানভাজনানি ন্যস্তানি ন ক্ষীযন্তে
14.3.82 রাত্রিপ্রেক্ষাযাং প্রবৃত্তাযাং প্রদীপাগ্নিষু মৃতধেনোঃ স্তনান্ উত্কৃত্য দাহযেত্
14.3.83 দগ্ধান্ বৃষমূত্রেণ পেষযিত্বা নবকুম্ভং অন্তর্লেপযেত্
14.3.84 তং গ্রামং অপসব্যং পরিণীয যত্ তত্র ন্যস্তং নবনীতং এষাং তত্ সর্বং আগচ্ছতি
14.3.85 কৃষ্ণচতুর্দশ্যাং পুষ্যযোগিন্যাং শুনো লগ্নকস্য যোনৌ কালাযসীং মুদ্রিকাং প্রেষযেত্
14.3.85 তাং স্বযং পতিতাং গৃহ্ণীযাত্
14.3.87 তযা বৃক্ষফলান্যাকারিতান্যাগচ্ছন্তি
14.3.88ab মন্ত্রভৈষজ্যসম্যুক্তা যোগা মাযাকৃতাশ্চ যে |
14.3.88chd উপহন্যাদ্ অমিত্রাংঃ তৈঃ স্বজনং চাভিপালযেত্ ( ইতি)

কৌটিলীয অর্থশাস্ত্রং – ১৪

Chapt | স্ববল উপঘাতপ্রতীকারঃ
14.4.01 স্বপক্ষে পরপ্রযুক্তানাং দূষীবিষগরাণাং প্রতীকারঃ
14.4.02 শ্লেষ্মাতককপিত্থদন্তিদন্তশঠগোজিশিরীষপাটলীবলাস্যোনাগপুনর্নবাশ্বেতবারণক্বাথযুক্তম্( ? ) চন্দনসালাবৃকীলোহিতযুক্তং নেজন উদকং রাজ উপভোগ্যানাং গুহ্যপ্রক্ষালনং স্ত্রীণাং, সেনাযাশ্চ বিষপ্রতীকারঃ
14.4.03 পৃষতনকুলনীলকণ্ঠগোধাপিত্তযুক্তং মহীরাজীচূর্ণং সিন্দুবারিতবরণবারুণীতণ্ডুলীযকশতপর্বাগ্রপিণ্ডীতকযোগো মদনদোষহরঃ
14.4.04 সৃগালবিন্নামদনসিন্দুবারিতবরণবারণবলীমূলকষাযাণাং অন্যতমস্য সমস্তানাং বা ক্ষীরযুক্তং পানং মদনদোষহরম্
14.4.05 কৈডর্যপূতিতিলতৈলং উন্মাদহরং নস্তঃকর্ম
14.4.06 প্রিযঙ্গুনক্তমালযোগঃ কুষ্ঠহরঃ
14.4.07 কুষ্ঠলোধ্রযোগঃ পাকশোষঘ্নঃ
14.4.08 কটফলদ্রবন্তীবিলঙ্গচূর্ণং নস্তঃকর্ম শিরোরোগহরম্
14.4.09 প্রিযঙ্গুমঞ্জিষ্ঠাতগরলাক্ষারসমধুকহরিদ্রাক্ষৌদ্রযোগো রজ্জু.উদকবিষপ্রহারপতননিহ্সংজ্ঞানাং পুনঃপ্রত্যানযনায
14.4.10 মনুষ্যাণাং অক্ষমাত্রং, গবাশ্বানাং দ্বিগুণং, চতুর্গুণং হস্ত্য্.উষ্ট্রাণাম্
14.4.11 রুক্মগর্ভশ্চ এষাং মণিঃ সর্ববিষহরঃ
14.4.12 জীবন্তীশ্বেতামুষ্ককপুষ্পবন্দাকানাং অক্ষীবে জাতস্যাশ্বত্থস্য মণিঃ সর্ববিষহরঃ
14.4.13ab তূর্যাণাং তৈঃ প্রলিপ্তানাং শব্দো বিষবিনাশনঃ |
14.4.13chd লিপ্তধ্বজং পতাকাং বা দৃষ্ট্বা ভবতি নির্বিষঃ
14.4.14ab এতৈঃ কৃত্বা প্রতীকারং স্বসৈন্যানাং অথাত্মনঃ |
14.4.14chd অমিত্রেষু প্রযুঞ্জীত বিষধূমাম্বুদূষণান্ ( ইতি)