অর্থশাস্ত্র ০৩

কৌটিলীয অর্থশাস্ত্রং – ০৩

Book | Determination of (valid and invalid) transactions
Chapt | Filing of law-suits
03.1.01 ধর্মস্থাঃ ত্রযঃ ত্রযোঽমাত্যা জনপদসন্ধিসঙ্গ্রহণদ্রোণমুখস্থানীযেষু ব্যাবহারিকান্ অর্থান্ কুর্যুঃ
03.1.02 তিরোহিতান্তর্ঽগারনক্তারণ্য উপধ্য্.উপহ্বরকৃতাংশ্চ ব্যবহারান্ প্রতিষেধযেযুঃ
03.1.03 কর্তুঃ কারযিতুঃ পূর্বঃ সাহসদণ্ডঃ
03.1.04 শ্রোতৄণাং এক একং প্রত্যর্ধদণ্ডাঃ
03.1.05 শ্রদ্ধেযানাং তু দ্রব্যব্যপনযঃ
03.1.06 পরোক্ষেণাধিক.ঋণগ্রহণং অবক্তব্যকরা বা তিরোহিতাঃ সিধ্যেযুঃ
03.1.07 দাযনিক্ষেপ উপনিধিবিবাহযুক্তাঃ স্ত্রীণাং অনিষ্কাসিনীনাং ব্যাধিতানাং চামূঢসংজ্ঞানাং অন্তর্ঽগারকৃতাঃ সিধ্যেযুঃ
03.1.08 সাহসানুপ্রবেশকলহবিবাহরাজনিযোগযুক্তাঃ পূর্বরাত্রব্যবহারিণাং চ রাত্রিকৃতাঃ সিধ্যেযুঃ
03.1.09 সার্থব্রজাশ্রমব্যাধচারণমধ্যেষ্বরণ্যচরাণাং অরণ্যকৃতাঃ সিধ্যেযুঃ
03.1.10 গূঢাজীবিষু চ উপধিকৃতাঃ সিধ্যেযুঃ
03.1.11 মিথঃসমবাযে চ উপহ্বরকৃতাঃ সিধ্যেযুঃ
03.1.12 অতোঽন্যথা ন সিধ্যেযুঃ, অপাশ্রযবদ্ভিশ্চ কৃতাঃ, পিতৃমতা পুত্রেণ, পিত্রা পুত্রবতা, নিষ্কুলেন ভ্রাত্রা, কনিষ্ঠেনাবিভক্তাংশেন, পতিমত্যা পুত্রবত্যা চ স্ত্রিযা, দাসাহিতকাভ্যাং, অপ্রাপ্তাতীতব্যবহারাভ্যাং, অভিশস্তপ্রব্রজিতন্যঙ্গব্যসনিভিশ্চ, অন্যত্র নিষৃষ্টব্যবহারেভ্যঃ
03.1.13 তত্রাপি ক্রুদ্ধেনার্তেন মত্তেন উন্মত্তেনাবগৃহীতেন বা কৃতা ব্যবহারা ন সিধ্যেযুঃ
03.1.14 কর্তৃকারযিতৃশ্রোতৄণাং পৃথগ্ যথা উক্তা দণ্ডাঃ
03.1.15 স্বে স্বে তু বর্গে দেশে কালে চ স্বকরণকৃতাঃ সম্পূর্ণাচারাঃ শুদ্ধদেশা দৃষ্টরূপলক্ষণপ্রমাণগুণাঃ সর্বব্যবহারাঃ সিধ্যেযুঃ
03.1.16 পশ্চিমং চ এষাং করণং আদেশাধিবর্জং শ্রদ্ধেযম্ ইতি ব্যবহারস্থাপনা |
03.1.17 সংবত্সরং ঋতুং মাসং পক্ষং দিবসং করণং অধিকরণং ঋণং বেদকাবেদকযোঃ কৃতসমর্থাবস্থযোর্দেশগ্রামজাতিগোত্রনামকর্মাণি চাভিলিখ্য বাদিপ্রতিবাদিপ্রশ্নান্ অর্থানুপূর্ব্যা নিবেশযেত্
03.1.18 নিবিষ্টাংশ্চাবেক্ষেত
03.1.19 নিবদ্ধং বাদং উত্সৃজ্যান্যং বাদং সঙ্ক্রামতি, পূর্ব উক্তং পশ্চিমেনার্থেন নাভিসন্ধত্তে, পরবাক্যং অনভিগ্রাহ্যং অভিগ্রাহ্যাবতিষ্ঠতে, প্রতিজ্ঞায দেশং নির্দিশ ইত্যুক্তে ন নির্দিশতি, হীনদেশং অদেশং বা নির্দিশতি, নির্দিষ্টাদ্ দেশাদ্ অন্যং দেশং উপস্থাপযতি, উপস্থিতে দেশেঽর্থবচনং ন এবং ইত্যপব্যযতে, সাক্ষিভিরবধৃতং ন ইচ্ছতি, অসম্ভাষ্যে দেশে সাক্ষিভির্মিথঃ সম্ভাষতে, ইতি পরা উক্তহেতবঃ
03.1.20 পরা উক্তদণ্ডঃ পঞ্চবন্ধঃ
03.1.21 স্বযংবাদিদণ্ডো দশবন্ধঃ
03.1.22 পুরুষভৃতিরষ্টাংশঃ
03.1.23 পথিভক্তং অর্ঘবিশেষতঃ
03.1.24 তদ্ উভযং নিযম্যো দদ্যাত্
03.1.25 অভিযুক্তো ন প্রত্যভিযুঞ্জীত, অন্যত্র কলহসাহসসার্থসমবাযেভ্যঃ
03.1.26 ন চাভিযুক্তেঽভিযোগেঽস্তি
03.1.27 অভিযোক্তা চেত্ প্রত্যুক্তঃ তদ্ঽহরেব ন প্রতিব্রূযাত্ পরা উক্তঃ স্যাত্
03.1.28 কৃতকার্যবিনিশ্চযো হ্যভিযোক্তা নাভিযুক্তঃ
03.1.29 তস্যাপ্রতিব্রুবতঃ ত্রিরাত্রং সপ্তরাত্রং ইতি
03.1.30 অত ঊর্ধ্বং ত্রিপণাবরার্ধ্যং দ্বাদশপণপরং দণ্ডং কুর্যাত্
03.1.31 ত্রিপক্ষাদ্ ঊর্ধ্বং অপ্রতিব্রুবতঃ পরা উক্তদণ্ডং কৃত্বা যান্যস্য দ্রব্যাণি স্যুঃ ততোঽভিযোক্তারং প্রতিপাদযেদ্, অন্যত্র বৃত্ত্য্.উপকরণেভ্যঃ
03.1.32 তদ্ এব নিষ্পততোঽভিযুক্তস্য কুর্যাত্
03.1.33 অভিযোক্তুর্নিষ্পাতসমকালঃ পরা উক্তভাবঃ
03.1.34 প্রেতস্য ব্যসনিনো বা সাক্ষিবচনং অসারম্
03.1.35 অভিযোক্তা দণ্ডং দত্ত্বা কর্ম কারযেত্
03.1.36 আধিং বা স কামং প্রবেশযেত্
03.1.37 রক্ষোঘ্নরক্ষিতং বা কর্মণা প্রতিপাদযেদ্, অন্যত্র ব্রাহ্মণাত্
03.1.38ab চতুর্বর্ণাশ্রমস্যাযং লোকস্যাচাররক্ষণাত্ |
03.1.38chd নশ্যতাং সর্বধর্মাণাং রাজা ধর্মপ্রবর্তকঃ
03.1.39ab ধর্মশ্চ ব্যবহারশ্চ চরিত্রং রাজশাসনম্ |
03.1.39chd বিবাদার্থশ্চতুষ্পাদঃ পশ্চিমঃ পূর্ববাধকঃ
03.1.40ab তত্র সত্যে স্থিতো ধর্মো ব্যবহারঃ তু সাক্ষিষু |
03.1.40chd চরিত্রং সঙ্গ্রহে পুংসাং রাজ্ঞাং আজ্ঞা তু শাসনম্
03.1.41ab রাজ্ঞঃ স্বধর্মঃ স্বর্গায প্রজা ধর্মেণ রক্ষিতুঃ |
03.1.41chd অরক্ষিতুর্বা ক্ষেপ্তুর্বা মিথ্যাদণ্ডং অতোঽন্যথা
03.1.42ab দণ্ডো হি কেবলো লোকং পরং চ ইমং চ রক্ষতি |
03.1.42chd রাজ্ঞা পুত্রে চ শত্রৌ চ যথাদোষং সমং ধৃতঃ
03.1.43ab অনুশাসদ্দ্ হি ধর্মেণ ব্যবহারেণ সংস্থযা |
03.1.43chd ন্যাযেন চ চতুর্থেন চতুর্ঽন্তাং বা মহীং জযেত্
03.1.44ab সংস্থা যা ধর্মশাস্ত্রেণ শাস্ত্রং বা ব্যাবহারিকম্ |
03.1.44chd যস্মিন্ন্ অর্থে বিরুধ্যেত ধর্মেণার্থং বিনির্ণযেত্
03.1.45ab শাস্ত্রং বিপ্রতিপদ্যেত ধর্মে ন্যাযেন কেনচিত্ |
03.1.45chd ন্যাযঃ তত্র প্রমাণং স্যাত্ তত্র পাঠো হি নশ্যতি
03.1.46ab দৃষ্টদোষঃ স্বযংবাদঃ স্বপক্ষপরপক্ষযোঃ |
03.1.46chd অনুযোগার্জবং হেতুঃ শপথশ্চার্থসাধকঃ
03.1.47ab পূর্ব উত্তরার্থব্যাঘাতে সাক্ষিবক্তব্যকারণে |
03.1.47chd চারহস্তাচ্চ নিষ্পাতে প্রদেষ্টব্যঃ পরাজযঃ ( ইতি)

Chapt | Concerning marriage
(i) Law of marriage (ii) Rules concerning women property(iii) Concerning supersession (of a wife) by a second marriage
03.2.01 বিবাহপূর্বো ব্যবহারঃ
03.2.02 কন্যাদানং কন্যাং অলঙ্কৃত্য ব্রাহ্মো বিবাহঃ
03.2.03 সহধর্মচর্যা প্রাজাপত্যঃ
03.2.04 গোমিথুনাদানাদ্ আর্ষঃ
03.2.05 অন্তর্বেদ্যাং ঋত্বিজে দানাদ্ দৈবঃ
03.2.06 মিথঃসমবাযাদ্ গান্ধর্বঃ
03.2.07 শুল্কাদানাদ্ আসুরঃ
03.2.08 প্রসহ্যাদানাদ্ রাক্ষসঃ
03.2.09 সুপ্তমত্তাদানাত্ পৈশাচঃ
03.2.10 পিতৃপ্রমাণাশ্চত্বারঃ পূর্বে ধর্ম্যাঃ, মাতাপিতৃপ্রমাণাঃ শেষাঃ
03.2.11 তৌ হি শুল্কহরৌ দুহিতুঃ, অন্যতরাভাবেঽন্যতরো বা
03.2.12 দ্বিতীযং শুল্কং স্ত্রী হরেত
03.2.13 সর্বেষাং প্রীত্য্ঽঅরোপণং অপ্রতিষিদ্ধম্ ইতি বিবাহধর্মঃ |
03.2.14 বৃত্তিরাবন্ধ্যং বা স্ত্রীধনম্
03.2.15 পরদ্বিসাহস্রা স্থাপ্যা বৃত্তিঃ, আবন্ধ্যানিযমঃ
03.2.16 তদ্ আত্মপুত্রস্নুষাভর্মণি প্রবাসাপ্রতিবিধানে চ ভার্যাযা ভোক্তুং অদোষঃ, প্রতিরোধকব্যাধিদুর্ভিক্ষভযপ্রতীকারে ধর্মকার্যে চ পত্যুঃ, সম্ভূয বা দম্পত্যোর্মিথুনং প্রজাতযোঃ
03.2.17 ত্রিবর্ষ উপভুক্তং চ ধর্মিষ্ঠেষু বিবাহেষু নানুযুঞ্জীত
03.2.18 গান্ধর্বাসুর উপভুক্তং স-বৃদ্ধিকং উভযং দাপ্যেত, রাক্ষসপৈশাচ উপভুক্তং স্তেযং দদ্যাত্
03.2.19 মৃতে ভর্তরি ধর্মকামা তদানীং এব স্থাপ্যাভরণং শুল্কশেষং চ লভেত
03.2.20 লব্ধ্বা বা বিন্দমানা স-বৃদ্ধিকং উভযং দাপ্যেত
03.2.21 কুটুম্বকামা তু শ্বশুরপতিদত্তং নিবেশকালে লভেত
03.2.22 নিবেশকালং হি দীর্ঘপ্রবাসে ব্যাখ্যাস্যামঃ
03.2.23 শ্বশুরপ্রাতিলোম্যেন বা নিবিষ্টা শ্বশুরপতিদত্তং জীযেত
03.2.24 জ্ঞাতিহস্তাদ্ঽভিমৃষ্টাযা জ্ঞাতযো যথাগৃহীতং দদ্যুঃ
03.2.25 ন্যায উপগতাযাঃ প্রতিপত্তা স্ত্রীধনং গোপযেত্
03.2.26 পতিদাযং বিন্দমানা জীযেত
03.2.27 ধর্মকামা ভুঞ্জীত
03.2.28 পুত্রবতী বিন্দমানা স্ত্রীধনং জীযেত
03.2.29 তত্ তু স্ত্রীধনং পুত্রা হরেযুঃ
03.2.30 পুত্রভরণার্থং বা বিন্দমানা পুত্রার্থং স্ফাতীকুর্যাত্
03.2.31 বহুপুরুষপ্রজানাং পুত্রাণাং যথাপিতৃদত্তং স্ত্রীধনং অবস্থাপযেত্
03.2.32 কামকরণীযং অপি স্ত্রীধনং বিন্দমানা পুত্রসংস্থং কুর্যাত্
03.2.33 অপুত্রা পতিশযনং পালযন্তী গুরুসমীপে স্ত্রীধনং আযুঃক্ষযাদ্ ভুঞ্জীত
03.2.34 আপদ্ঽর্থং হি স্ত্রীধনম্
03.2.35 ঊর্ধ্বং দাযাদং গচ্ছেত্
03.2.36 জীবতি ভর্তরি মৃতাযাঃ পুত্রা দুহিতরশ্চ স্ত্রীধনং বিভজেরন্, অপুত্রাযা দুহিতরঃ, তদ্ঽভাবে ভর্তা
03.2.37 শুল্কং অন্বাধেযং অন্যদ্ বা বন্ধুভির্দত্তং বান্ধবা হরেযুঃ ইতি স্ত্রীধনকল্পঃ |
03.2.38 বর্ষাণ্যষ্টাবপ্রজাযমানাং অপুত্রাং বন্ধ্যাং চাকাঙ্ক্ষেত, দশ নিন্দুং, দ্বাদশ কন্যাপ্রসবিনীম্
03.2.39 ততঃ পুত্রার্থী দ্বিতীযাং বিন্দেত
03.2.40 তস্যাতিক্রমে শুল্কং স্ত্রীধনং অর্ধং চাধিবেদনিকং দদ্যাত্, চতুর্বিংশতিপণপরং চ দণ্ডম্
03.2.41 শুল্কং স্ত্রীধনং অশুল্কস্ত্রীধনাযাঃ তত্প্রমাণং আধিবেদনিকং অনুরূপাং চ বৃত্তিং দত্ত্বা বহ্বীরপি বিন্দেত
03.2.42 পুত্রার্থা হি স্ত্রিযঃ
03.2.43 তীর্থসমবাযে চাসাং যথাবিবাহং পূর্ব ঊঢাং জীবত্পুত্রাং বা পূর্বং গচ্ছেত্
03.2.44 তীর্থগূহনাগমনে ষণ্ঁঅবতির্দণ্ডঃ
03.2.45 পুত্রবতীং ধর্মকামাং বন্ধ্যাং নিন্দুং নীরজস্কাং বা নাকামাং উপেযাত্
03.2.46 ন চাকামঃ পুরুষঃ কুষ্ঠিনীং উন্মত্তাং বা গচ্ছেত্
03.2.47 স্ত্রী তু পুত্রার্থং এবম্ভূতং বা উপগচ্ছেত্
03.2.48ab নীচত্বং পরদেশং বা প্রস্থিতো রাজকিল্বিষী |
03.2.48chd প্রাণাভিহন্তা পতিতঃ ত্যাজ্যঃ ক্লীবোঽপি বা পতিঃ ( ইতি)

Chapt | iv) Marital duty, (v) Maintenance, (vi) Cruelty, (vii) Disaffection, (viii) Misconduct, (ix) Prohibition of favours and dealings
03.3.01 দ্বাদশবর্ষা স্ত্রী প্রাপ্তব্যবহারা ভবতি, ষোডশবর্ষঃ পুমান্
03.3.02 অত ঊর্ধ্বং অশুশ্রূষাযাং দ্বাদশপণঃ স্ত্রিযা দণ্ডঃ, পুংসো দ্বিগুণঃ ইতি শুশ্রূষা |
03.3.03 ভর্মণ্যাযাং অনির্দিষ্টকালাযাং গ্রাসাচ্ছাদনং বাঽধিকং যথাপুরুষপরিবাপং সবিশেষং দদ্যাত্
03.3.04 নির্দিষ্টকালাযাং তদ্ এব সঙ্খ্যায বন্ধং চ দদ্যাত্
03.3.05 শুল্কস্ত্রীধনাধিবেদনিকানাং অনাদানে চ
03.3.06 শ্বশুরকুলপ্রবিষ্টাযাং বিভক্তাযাং বা নাভিযোজ্যঃ পতিঃ ইতি ভর্ম |
03.3.07 নষ্টে বিনষ্টে ন্যঙ্গে অপিতৃকে অমাতৃকে ইত্যনির্দেশেন বিনযগ্রাহণম্
03.3.08 বেণুদলরজ্জুহস্তানাং অন্যতমেন বা পৃষ্ঠে ত্রিরাঘাতঃ
03.3.09 তস্যাতিক্রমে বাগ্দণ্ডপারুষ্যদণ্ডাভ্যাং অর্ধদণ্ডাঃ
03.3.10 তদ্ এব স্ত্রিযা ভর্তরি প্রসিদ্ধদোষাযাঃ
03.3.11 ঈর্ষ্যযা বাহ্যবিহারেষু দ্বারেষ্বত্যযো যথানির্দিষ্টঃ ইতি পারুষ্যম্ |
03.3.12 ভর্তারং দ্বিষতী স্ত্রী সপ্তার্তবান্যমণ্ডযমানা তদানীং এব স্থাপ্যাভরণং নিধায ভর্তারং অন্যযা সহ শযানং অনুশযীত
03.3.13 ভিক্ষুক্য্ঽন্বাধিজ্ঞাতিকুলানাং অন্যতমে বা ভর্তা দ্বিষন্ স্ত্রিযং একাং অনুশযীত
03.3.14 দৃষ্টলিঙ্গে মৈথুনাপহারে সবর্ণাপসর্প উপগমে বা মিথ্যাবাদী দ্বাদশপণং দদ্যাত্
03.3.15 অমোক্ষ্যা ভর্তুরকামস্য দ্বিষতী ভার্যা, ভার্যাযাশ্চ ভর্তা
03.3.16 পরস্পরন্দ্বেষান্ মোক্ষঃ
03.3.17 স্ত্রীবিপ্রকারাদ্ বা পুরুষশ্চেন্ মোক্ষং ইচ্ছেদ্ যথাগৃহীতং অস্যৈ দদ্যাত্
03.3.18 পুরুষবিপ্রকারাদ্ বা স্ত্রী চেন্ মোক্ষং ইচ্ছেন্নাস্যৈ যথাগৃহীতং দদ্যাত্
03.3.19 অমোক্ষো ধর্মবিবাহানাম্ ইতি দ্বেষঃ |
03.3.20 প্রতিষিদ্ধা স্ত্রী দর্পমদ্যক্রীডাযাং ত্রিপণং দণ্ডং দদ্যাত্
03.3.21 দিবা স্ত্রীপ্রেক্ষাবিহারগমনে ষট্পণো দণ্ডঃ, পুরুষপ্রেক্ষাবিহারগমনে দ্বাদশপণঃ
03.3.22 রাত্রৌ দ্বিগুণঃ
03.3.23 সুপ্তমত্তপ্রব্রজনে ভর্তুরদানে চ দ্বারস্য দ্বাদশপণঃ
03.3.24 রাত্রৌ নিষ্কসনে দ্বিগুণঃ
03.3.25 স্ত্রীপুংসযোর্মৈথুনার্থেনাঙ্গবিচেষ্টাযাং রহোঽশ্লীলসম্ভাষাযাং বা চতুর্বিংশতিপণঃ স্ত্রিযা দণ্ডঃ, পুংসো দ্বিগুণঃ
03.3.26 কেশনীবিদন্তনখালম্বনেষু পূর্বঃ সাহসদণ্ডঃ, পুংসো দ্বিগুণঃ
03.3.27 শঙ্কিতস্থানে সম্ভাষাযাং চ পণস্থানে শিফাদণ্ডঃ
03.3.28 স্ত্রীণাং গ্রামমধ্যে চণ্ডালঃ পক্ষান্তরে পঞ্চশিফা দদ্যাত্
03.3.29 পণিকং বা প্রহারং মোক্ষযেত্ ইত্যতীচারঃ |
03.3.30 প্রতিষিদ্ধযোঃ স্ত্রীপুংসযোরন্যোন্য উপকারে ক্ষুদ্রকদ্রব্যাণাং দ্বাদশপণো দণ্ডঃ, স্থূলকদ্রব্যাণাং চতুর্বিংশতিপণঃ, হিরণ্যসুবর্ণযোশ্চতুষ্পঞ্চাশত্পণঃ স্ত্রিযা দণ্ডঃ, পুংসোর্দ্বিগুণঃ
03.3.31 ত এবাগম্যযোরর্ধদণ্ডাঃ, তথা প্রতিষিদ্ধপুরুষব্যবহারেষু চ ইতি প্রতিষেধঃ |
03.3.32ab রাজদ্বিষ্টাতিচারাভ্যাং আত্মাপক্রমণেন চ |
03.3.32chd স্ত্রীধনানীতশুল্কানাং অস্বাম্যং জাযতে স্ত্রিযাঃ ( ইতি)

Chapt | Leaving home, goi.g away(with a man), Short absence from home, Long absence from home
03.4.01 পতিকুলান্নিষ্পতিতাযাঃ স্ত্রিযাঃ ষট্পণো দণ্ডঃ, অন্যত্র বিপ্রকারাত্
03.4.02 প্রতিষিদ্ধাযাং দ্বাদশপণঃ
03.4.03 প্রতিবেশগৃহাতিগতাযাঃ ষট্পণঃ
03.4.04 প্রাতিবেশিকভিক্ষুকবৈদেহকানাং অবকাশভিক্ষাপণ্যদানে দ্বাদশপণো দণ্ডঃ
03.4.05 প্রতিষিদ্ধানাং পূর্বঃ সাহসদণ্ডঃ
03.4.06 পরগৃহাতিগতাযাশ্চতুর্বিংশতিপণঃ
03.4.07 পরভার্যাঽবকাশদানে শত্যো দণ্ডঃ, অন্যত্রাপদ্ভ্যঃ
03.4.08 বারণাজ্ঞানযোর্নির্দোষঃ
03.4.09 পতিবিপ্রকারাত্ পতিজ্ঞাতিসুখাবস্থগ্রামিকান্বাধিভিক্ষুকীজ্ঞাতিকুলানাং অন্যতমং অপুরুষং গন্তুং অদোষঃ ইতি আচার্যাঃ
03.4.10 স-পুরুষং বা জ্ঞাতিকুলম্
03.4.11 কুতো হি সাধ্বীজনস্যচ্ছলম্
03.4.12 সুখং এতদ্ অববোদ্ধুং, ইতি কৌটিল্যঃ
03.4.13 প্রেতব্যাধিব্যসনগর্ভনিমিত্তং অপ্রতিষিদ্ধং এব জ্ঞাতিকুলগমনম্
03.4.14 তন্নিমিত্তং বারযতো দ্বাদশপণো দণ্ডঃ
03.4.15 তত্রাপি গূহমানা স্ত্রীধনং জীযেত, জ্ঞাতযো বা ছাদযন্তঃ শুল্কশেষম্ ইতি নিষ্পতনং |
03.4.16 পতিকুলান্নিষ্পত্য গ্রামান্তরগমনে দ্বাদশপণো দণ্ডঃ স্থাপ্যাঽঽভরণলোপশ্চ
03.4.17 গম্যেন বা পুংসা সহ প্রস্থানে চতুর্বিংশতিপণঃ সর্বধর্মলোপশ্চ, অন্যত্র ভর্মদানতীর্থগমনাভ্যাম্
03.4.18 পুংসঃ পূর্বঃ সাহসদণ্ডঃ তুল্যশ্রেযসোঃ, পাপীযসো মধ্যমঃ
03.4.19 বন্ধুর্ঽদণ্ড্যঃ
03.4.20 প্রতিষেধেঽর্ধদণ্ডাঃ
03.4.21 পথি ব্যন্তরে গূঢদেশাভিগমনে মৈথুনার্থেন শঙ্কিতপ্রতিষিদ্ধাযাং বা পথ্য্ঽনুসরণে সঙ্গ্রহণং বিদ্যাত্
03.4.22 তালাবচরচারণমত্স্যবন্ধকলুব্ধকগোপালকশৌণ্ডিকানাং অন্যেষাং চ প্রসৃষ্টস্ত্রীকাণাং পথ্য্ঽনুসরণং অদোষঃ
03.4.23 প্রতিষিদ্ধে বা নযতঃ পুংসঃ স্ত্রিযো বা গচ্ছন্ত্যাঃ ত এবার্ধদণ্ডাঃ ইতি পথ্য্ঽনুসরণম্ |
03.4.24 হ্রস্বপ্রবাসিনাং শূদ্রবৈশ্যক্ষত্রিযব্রাহ্মণানাং ভার্যাঃ সংবত্সর উত্তরং কালং আকাঙ্ক্ষেরন্ অপ্রজাতাঃ, সংবত্সরাধিকং প্রজাতাঃ
03.4.25 প্রতিবিহিতা দ্বিগুণং কালম্
03.4.26 অপ্রতিবিহিতাঃ সুখাবস্থা বিভৃযুঃ, পরং চত্বারি বর্ষাণ্যষ্টৌ বা জ্ঞাতযঃ
03.4.27 ততো যথাদত্তং আদায প্রমুঞ্চেযুঃ
03.4.28 ব্রাহ্মণং অধীযানং দশবর্ষাণ্যপ্রজাতা, দ্বাদশ প্রজাতা, রাজপুরুষং আযুঃক্ষযাদ্ আকাঙ্ক্ষেত
03.4.29 সবর্ণতশ্চ প্রজাতা নাপবাদং লভেত
03.4.30 কুটুম্ব.ঋদ্ধিলোপে বা সুখাবস্থৈর্বিমুক্তা যথা ইষ্টং বিন্দেত, জীবিতার্থং আপদ্গতা বা
03.4.31 ধর্মবিবাহাত্ কুমারী পরিগ্রহীতারং অনাখ্যায প্রোষিতং অশ্রূযমাণং সপ্ত তীর্থান্যাকাঙ্ক্ষেত, সংবত্সরং শ্রূযমাণম্
03.4.32 আখ্যায প্রোষিতং অশ্রূযমাণং পঞ্চ তীর্থান্যাকাঙ্ক্ষেত, দশ শ্রূযমাণম্
03.4.33 একদেশদত্তশুল্কং ত্রীণি তীর্থান্যশ্রূযমাণং, শ্রূযমাণং সপ্ত তীর্থান্যাকাঙ্ক্ষেত
03.4.34 দত্তশুল্কং পঞ্চ তীর্থান্যশ্রূযমাণং, দশ শ্রূযমাণম্
03.4.35 ততঃ পরং ধর্মস্থৈর্বিসৃষ্টা যথা ইষ্টং বিন্দেত
03.4.36 তীর্থ উপরোধো হি ধর্মবধ ইতি কৌটিল্যঃ ইতি হ্রস্বপ্রবাসঃ ||
03.4.37 দীর্ঘপ্রবাসিনঃ প্রব্রজিতস্য প্রেতস্য বা ভার্যা সপ্ত তীর্থান্যাকাঙ্ক্ষেত, সংবত্সরং প্রজাতা
03.4.38 ততঃ পতিসোদর্যং গচ্ছেত্
03.4.39 বহুষু প্রত্যাসন্নং ধার্মিকং ভর্মসমর্থং কনিষ্ঠং অভার্যং বা
03.4.40 তদ্ঽভাবেঽপ্যসোদর্যং সপিণ্ডং কুল্যং বাঽঽসন্নম্
03.4.41 এতেষাং এষ এব ক্রমঃ
03.4.42ab এতান্ উত্ক্রম্য দাযাদান্ বেদনে জারকর্মণি |
03.4.42chd জারস্ত্রীদাতৃবেত্তারঃ সম্প্রাপ্তাঃ সঙ্গ্রহাত্যযম্ ( ইতি)

Chapt | Partition of inheritance
Orderof inheritance
03.5.01 অনীশ্বরাঃ পিতৃমন্তঃ স্থিতপিতৃমাতৃকাঃ পুত্রাঃ
03.5.02 তেষাং ঊর্ধ্বং পিতৃতো দাযবিভাগঃ পিতৃদ্রব্যাণাম্
03.5.03 স্বযংঽঅর্জিতং অবিভাজ্যং, অন্যত্র পিতৃদ্রব্যাদ্ উত্থিতেভ্যঃ
03.5.04 পিতৃদ্রব্যাদ্ অবিভক্ত উপগতানাং পুত্রাঃ পৌত্রা বা আচতুর্থাদ্ ইত্যংশভাজঃ
03.5.05 তাবদ্ অবিচ্ছিন্নঃ পিণ্ডো ভবতি
03.5.06 বিচ্ছিন্নপিণ্ডাঃ সর্বে সমং বিভজেরন্
03.5.07 অপিতৃদ্রব্যা বিভক্তপিতৃদ্রব্যা বা সহ জীবন্তঃ পুনর্বিভজেরন্
03.5.08 যতশ্চ উত্তিষ্ঠেত স দ্ব্য্ঽংশং লভেত
03.5.09 দ্রব্যং অপুত্রস্য সোদর্যা ভ্রাতরঃ সহজীবিনো বা হরেযুঃ কন্যাশ্চ
03.5.10 রিক্থং পুত্রবতঃ পুত্রা দুহিতরো বা ধর্মিষ্ঠেষু বিবাহেষু জাতাঃ
03.5.11 তদ্ঽভাবে পিতা ধরমাণঃ
03.5.12 পিত্র্ঽভাবে ভ্রাতরো ভ্রাতৃপুত্রাশ্চ
03.5.13 অপিতৃকা বহবোঽপি চ ভ্রাতরো ভ্রাতৃপুত্রাশ্চ পিতুরেকং অংশং হরেযুঃ
03.5.14 সোদর্যাণাং অনেকপিতৃকাণাং পিতৃতো দাযবিভাগঃ
03.5.15 পিতৃভ্রাতৃপুত্রাণাং পূর্বে বিদ্যমানে নাপরং অবলম্বন্তে, জ্যেষ্ঠে চ কনিষ্ঠং অর্থগ্রাহিণম্
03.5.16 জীবদ্বিভাগে পিতা ন একং বিশেষযেত্
03.5.17 ন চ একং অকারণান্নির্বিভজেত
03.5.18 পিতুরসত্যর্থে জ্যেষ্ঠাঃ কনিষ্ঠান্ অনুগৃহ্ণীযুঃ, অন্যত্র মিথ্যাবৃত্তেভ্যঃ
03.5.19 প্রাপ্তব্যবহারাণাং বিভাগঃ
03.5.20 অপ্রাপ্তব্যবহারাণাং দেযবিশুদ্ধং মাতৃবন্ধুষু গ্রামবৃদ্ধেষু বা স্থাপযেযুঃ আব্যবহারপ্রাপণাত্, প্রোষিতস্য বা
03.5.21 সম্নিবিষ্টসমং অসম্নিবিষ্টেভ্যো নৈবেশনিকং দদ্যুঃ, কন্যাভ্যশ্চ প্রাদানিকম্
03.5.22 ঋণরিক্থযোঃ সমো বিভাগঃ
03.5.23 উদপাত্রাণ্যপি নিষ্কিঞ্চনা বিভজেরন্ ইত্যাচার্যাঃ
03.5.24 ছলং এতদ্ ইতি কৌটিল্যঃ
03.5.25 সতোঽর্থস্য বিভাগো নাসতঃ
03.5.26 এতাবান্ অর্থঃ সামান্যঃ তস্য এতাবান্ প্রত্য্ঽংশ ইত্যনুভাষ্য ব্রুবন্ সাক্ষিষু বিভাগং কারযেত্
03.5.27 দুর্বিভক্তং অন্যোন্যাপহৃতং অন্তর্হিতং অবিজ্ঞাত উত্পন্নং বা পুনর্বিভজেরন্
03.5.28 অদাযাদকং রাজা হরেত্ স্ত্রীবৃত্তিপ্রেতকার্যবর্জং, অন্যত্র শ্রোত্রিযদ্রব্যাত্
03.5.29 তত্ ত্রৈবেদ্যেভ্যঃ প্রযচ্ছেত্
03.5.30 পতিতঃ পতিতাজ্ জাতঃ ক্লীবশ্চানংশাঃ, জড উন্মত্তান্ধকুষ্ঠিনশ্চ
03.5.31 সতি ভার্যার্থে তেষাং অপত্যং অতদ্বিধং ভাগং হরেত্
03.5.32 গ্রাসাচ্ছাদনং ইতরে পতিতবর্জাঃ
03.5.33ab তেষাং চ কৃতদারাণাং লুপ্তে প্রজননে সতি |
03.5.33chd সৃজেযুর্বান্ধবাঃ পুত্রাংঃ তেষাং অংশান্ প্রকল্পযেত্ ( ইতি)

Chapt | Division into shares
03.6.01 একস্ত্রীপুত্রাণাং জ্যেষ্ঠাংশঃ – ব্রাহ্মণানাং অজাঃ, ক্ষত্রিযাণাং অশ্বাঃ, বৈশ্যানাং গাবঃ, শূদ্রাণাং অবযঃ
03.6.02 কাণলঙ্গাঃ তেষাং মধ্যমাংশঃ, ভিন্নবর্ণাঃ কনিষ্ঠাংশঃ
03.6.03 চতুষ্পদাভাবে রত্নবর্জানাং দশানাং ভাগং দ্রব্যাণাং একং জ্যেষ্ঠো হরেত্
03.6.04 প্রতিমুক্তস্বধাপাশো হি ভবতি
03.6.05 ইত্যৌশনসো বিভাগঃ
03.6.06 পিতুঃ পরিবাপাদ্ যানং আভরণং চ জ্যেষ্ঠাংশঃ, শযনাসনং ভুক্তকাংস্যং চ মধ্যমাংশঃ, কৃষ্ণং ধান্যাযসং গৃহপরিবাপো গোশকটং চ কনিষ্ঠাংশঃ
03.6.07 শেষদ্রব্যাণাং একদ্রব্যস্য বা সমো বিভাগঃ
03.6.08 অদাযাদা ভগিন্যঃ, মাতুঃ পরিবাপাদ্ ভুক্তকাংস্যাভরণভাগিন্যঃ
03.6.09 মানুষহীনো জ্যেষ্ঠঃ তৃতীযং অংশং জ্যেষ্ঠাংশাল্লভেত, চতুর্থং অন্যাযবৃত্তিঃ, নিবৃত্তধর্মকার্যো বা
03.6.10 কামাচারঃ সর্বং জীযেত
03.6.11 তেন মধ্যমকনিষ্ঠৌ ব্যাখ্যাতৌ
03.6.12 তযোর্মানুষ উপেতো জ্যেষ্ঠাংশাদ্ অর্ধং লভেত
03.6.13 নানাস্ত্রীপুত্রাণাং তু সংস্কৃতাসংস্কৃতযোঃ কন্যাকৃতক্ষতযোরভাবে চ একস্যাঃ পুত্রযোর্যমযোর্বা পূর্বজন্মনা জ্যেষ্ঠভাবঃ
03.6.14 সূতমাগধব্রাত্যরথকারাণাং ঐশ্বর্যতো বিভাগঃ
03.6.15 শেষাঃ তং উপজীবেযুঃ
03.6.16 অনীশ্বরাঃ সমবিভাগাঃ
03.6.17 চাতুর্বর্ণ্যপুত্রাণাং ব্রাহ্মণীপুত্রশ্চতুরোঽংশান্ হরেত্, ক্ষত্রিযাপুত্রস্ত্রীন্ অংশান্, বৈশ্যাপুত্রো দ্বাবংশৌ, একং শূদ্রাপুত্রঃ
03.6.18 তেন ত্রিবর্ণদ্বিবর্ণপুত্রবিভাগঃ ক্ষত্রিযবৈশ্যযোর্ব্যাখ্যাতঃ
03.6.19 ব্রাহ্মণস্যানন্তরাপুত্রঃ তুল্যাংশঃ
03.6.20 ক্ষত্রিযবৈশ্যযোরর্ধাংশঃ তুল্যাংশো বা মানুষ উপেতঃ
03.6.21 তুল্যাতুল্যযোরেকপুত্রঃ সর্বং হরেত্, বন্ধূংশ্চ বিভৃযাত্
03.6.22 ব্রাহ্মণানাং তু পারশবঃ তৃতীযং অংশং লভেত, দ্বাবংশৌ সপিণ্ডঃ কুল্যো বাঽঽসন্নঃ, স্বধাদানহেতোঃ
03.6.23 তদ্ঽভাবে পিতুরাচার্যোঽন্তেবাসী বা
03.6.24ab ক্ষেত্রে বা জনযেদ্ অস্য নিযুক্তঃ ক্ষেত্রজং সুতম্ |
03.6.24chd মাতৃবন্ধুঃ সগোত্রো বা তস্মৈ তত্ প্রদিশেদ্ ধনম্ ( ইতি)

Chapt | Classification of sons
03.7.01 পরপরিগ্রহে বীজং উত্সৃষ্টং ক্ষেত্রিণঃ ইত্যাচার্যাঃ
03.7.02 মাতা ভস্ত্রা, যস্য রেতঃ তস্যাপত্যম্ ইত্যপরে
03.7.03 বিদ্যমানং উভযং ইতি কৌটিল্যঃ
03.7.04 স্বযঞ্জাতঃ কৃতক্রিযাযাং ঔরসঃ
03.7.05 তেন তুল্যঃ পুত্রিকাপুত্রঃ
03.7.06 সগোত্রেণান্যগোত্রেণ বা নিযুক্তেন ক্ষেত্রজাতঃ ক্ষেত্রজঃ পুত্রঃ
03.7.07 জনযিতুরসত্যন্যস্মিন্ পুত্রে স এব দ্বিপিতৃকো দ্বিগোত্রো বা দ্বযোরপি স্বধারিক্থভাগ্ ভবতি
03.7.08 তত্সধর্মা বন্ধূনাং গৃহে গূঢজাতঃ তু গূঢজঃ
03.7.09 বন্ধুনা উত্সৃষ্টোঽপবিদ্ধঃ সংস্কর্তুঃ পুত্রঃ
03.7.10 কন্যাগর্ভঃ কানীনঃ
03.7.11 সগর্ভ ঊঢাযাঃ সহ ঊঢঃ
03.7.12 পুনর্ভূতাযাঃ পৌনর্ভবঃ
03.7.13 স্বযঞ্জাতঃ পিতুর্বন্ধূনাং চ দাযাদঃ
03.7.14 পরজাতঃ সংস্কর্তুরেব ন বন্ধূনাম্
03.7.15 তত্সধর্মা মাতাপিতৃভ্যাং অদ্ভির্মুক্তো দত্তঃ
03.7.16 স্বযং বন্ধুভির্বা পুত্রভাব উপগত উপগতঃ
03.7.17 পুত্রত্বেঽধিকৃতঃ কৃতকঃ
03.7.18 পরিক্রীতঃ ক্রীতঃ ইতি |
03.7.19 ঔরসে তু উত্পন্নে সবর্ণাঃ তৃতীযাংশহরাঃ, অসবর্ণা গ্রাসাচ্ছাদনভাগিনঃ
03.7.20 ব্রাহ্মণক্ষত্রিযযোরনন্তরাপুত্রাঃ সবর্ণাঃ, একান্তরা অসবর্ণাঃ
03.7.21 ব্রাহ্মণস্য বৈশ্যাযাং অম্বষ্ঠঃ, শূদ্রাযাং নিষাদঃ পারশবো বা
03.7.22 ক্ষত্রিযস্য শূদ্রাযাং উগ্রঃ
03.7.23 শূদ্র এব বৈশ্যস্য
03.7.24 সবর্ণাসু চ এষাং অচরিতব্রতেভ্যো জাতা ব্রাত্যাঃ
03.7.25 ইত্যনুলোমাঃ
03.7.26 শূদ্রাদ্ আযোগবক্ষত্তচণ্ডালাঃ
03.7.27 বৈশ্যান্ মাগধবৈদেহকৌ
03.7.28 ক্ষত্রিযাত্ সূতঃ
03.7.29 পৌরাণিকঃ ত্বন্যঃ সূতো মাগধশ্চ, ব্রহ্মক্ষত্রাদ্ বিশেষঃ
03.7.30 ত এতে প্রতিলোমাঃ স্বধর্মাতিক্রমাদ্ রাজ্ঞঃ সম্ভবন্তি
03.7.31 উগ্রান্নৈষাদ্যাং কুক্কুটঃ, বিপর্যযে পুল্কসঃ
03.7.32 বৈদেহিকাযাং অম্বষ্ঠাদ্ বৈণঃ, বিপর্যযে কুশীলবঃ
03.7.33 ক্ষত্তাযাং উগ্রাত্শ্বপাকঃ
03.7.34 ইত্যেতেঽন্যে চান্তরালাঃ
03.7.35 কর্মণা বৈশ্যো রথকারঃ
03.7.36 তেষাং স্বযোনৌ বিবাহঃ, পূর্বাপরগামিত্বং বৃত্তানুবৃত্তং চ
03.7.37 শূদ্রসধর্মাণো বা, অন্যত্র চণ্ডালেভ্যঃ
03.7.38 কেবলং এবং বর্তমানঃ স্বর্গং আপ্নোতি রাজা, নরকং অন্যথা
03.7.39 সর্বেষাং অন্তরালানাং সমো বিভাগঃ
03.7.40ab দেশস্য জাত্যাঃ সঙ্ঘস্য ধর্মো গ্রামস্য বাঽপি যঃ |
03.7.40chd উচিতঃ তস্য তেন এব দাযধর্মং প্রকল্পযেত্ ( ইতি)

Chapt | Immovable propertয্
Dwelling-places
03.8.01 সামন্তপ্রত্যযা বাস্তুবিবাদাঃ
03.8.02 গৃহং ক্ষেত্রং আরামঃ সেতুবন্ধঃ তটাকং আধারো বা বাস্তুঃ
03.8.03 কর্ণকীলাযসসম্বন্ধোঽনুগৃহং সেতুঃ
03.8.04 যথাসেতুভোগং বেশ্ম কারযেত্
03.8.05 অভূতং বা পরকুড্যাদ্ অপক্রম্য দ্বাবরত্নী ত্রিপদীং বা দেশবন্ধং কারযেত্
03.8.06 অবস্করং ভ্রমং উদপানং বা ন গৃহ উচিতাদ্ অন্যত্র, অন্যত্র সূতিকাকূপাদ্ আনির্দশাহাদ্ ইতি
03.8.07 তস্যাতিক্রমে পূর্বঃ সাহসদণ্ডঃ
03.8.08 তেন ইন্ধনাবঘাতনকৃতং কল্যাণকৃত্যেষ্বাচাম উদকমার্গাশ্চ ব্যাখ্যাতাঃ
03.8.09 ত্রিপদীপ্রতিক্রান্তং অধ্যর্ধং অরত্নিং বা গাঢপ্রসৃতং উদকমার্গং প্রস্রবণপ্রপাতং বা কারযেত্
03.8.10 তস্যাতিক্রমে চতুষ্পঞ্চাশত্পণো দণ্ডঃ
03.8.11 একপদীপ্রতিক্রান্তং অরত্নিং বা চক্রিচতুষ্পদস্থানং অগ্নিষ্ঠং উদঞ্জরস্থানং রোচনীং কুট্টনীং বা কারযেত্
03.8.12 তস্যাতিক্রমে চতুর্বিংশতিপণো দণ্ডঃ
03.8.13 সর্ববাস্তুকযোঃ প্রাক্ষিপ্তকযোর্বা শালযোঃ কিষ্কুরন্তরিকা ত্রিপদী বা
03.8.14 তযোশ্চতুর্ঽঙ্গুলং নীপ্রান্তরম্ নীব্রান্তরম্? সমারূঢকং বা
03.8.15 কিষ্কুমাত্রং আণিদ্বারং অন্তরিকাযাং খণ্ডফুল্লার্থং অসম্পাতং কারযেত্
03.8.16 প্রকাশার্থং অল্পং ঊর্ধ্বং বাতাযনং কারযেত্
03.8.17 তদ্ঽবসিতে বেশ্মনিচ্ছাদযেত্
03.8.18 সম্ভূয বা গৃহস্বামিনো যথা ইষ্টং কারযেযুঃ, অনিষ্টং বারযেযুঃ
03.8.19 বানলট্যাশ্চ ঊর্ধ্বং আবার্যভাগং কটপ্রচ্ছন্নং অবমর্শভিত্তিং বা কারযেদ্ বর্ষাবাধভযাত্
03.8.20 তস্যাতিক্রমে পূর্বঃ সাহসদণ্ডঃ, প্রতিলোমদ্বারবাতাযনবাধাযাং চ, অন্যত্র রাজমার্গরথ্যাভ্যঃ
03.8.21 খাতসোপানপ্রণালীনিশ্রেণ্য্ঽবস্করভাগৈর্বহির্বাধাযাং ভোগনিগ্রহে চ
03.8.22 পরকুড্যং উদকেন উপঘ্নতো দ্বাদশপণো দণ্ডঃ, মূত্রপুরীষ উপঘাতে দ্বিগুণঃ
03.8.23 প্রণালীমোক্ষো বর্ষতি, অন্যথা দ্বাদশপণো দণ্ডঃ
03.8.24 প্রতিষিদ্ধস্য চ বসতঃ, নিরস্যতশ্চাবক্রযিণং অন্যত্র পারুষ্যস্তেযসাহসসঙ্গ্রহণমিথ্যাভোগেভ্যঃ
03.8.25 স্বযংঽভিপ্রস্থিতো বর্ষাবক্রযশেষং দদ্যাত্
03.8.26 সামান্যে বেশ্মনি সাহায্যং অপ্রযচ্ছতঃ, সামান্যং উপরুন্ধতো ভোগং চ গৃহে দ্বাদশপণো দণ্ডঃ
03.8.27 বিনাশযতঃ তদ্দ্বিগুণঃ
03.8.28ab কোষ্ঠকাঙ্গণবর্চানাং অগ্নিকুট্টনশালযোঃ |
03.8.28chd বিবৃতানাং চ সর্বেষাং সামান্যো ভোগ ইষ্যতে ( ইতি)

Chapt | sale of immovable property Fixing of boundaries Enchroachment and Damage
03.9.01 জ্ঞাতিসামন্তধনিকাঃ ক্রমেণ ভূমিপরিগ্রহান্ ক্রেতুং অভ্যাভবেযুঃ
03.9.02 ততোঽন্যে বাহ্যাঃ
03.9.03 সামন্তচত্বারিংশত্কুল্যেষু গৃহপ্রতিমুখে বেশ্ম শ্রাবযেযুঃ, সামন্তগ্রামবৃদ্ধেষু ক্ষেত্রং আরামং সেতুবন্ধং তটাকং আধারং বা মর্যাদাসু যথাসেতুভোগং অনেনার্ঘেণ কঃ ক্রেতা ইতি
03.9.04 ত্রিরাঘুষিতং অব্যাহতং ক্রেতা ক্রেতুং লভেত
03.9.05 স্পর্ধযা বা মূল্যবর্ধনে মূল্যবৃদ্ধিঃ স-শুল্কা কোশং গচ্ছেত্
03.9.06 বিক্রযপ্রতিক্রোষ্টা শুল্কং দদ্যাত্
03.9.07 অস্বামিপ্রতিক্রোশে চতুর্বিংশতিপণো দণ্ডঃ
03.9.08 সপ্তরাত্রাদ্ ঊর্ধ্বং অনভিসরতঃ প্রতিক্রুষ্টো বিক্রীণীত
03.9.09 প্রতিক্রুষ্টাতিক্রমে বাস্তুনি দ্বিশতো দণ্ডঃ, অন্যত্র চতুর্বিংশতিপণো দণ্ডঃ ইতি বাস্তুবিক্রযঃ |
03.9.10 সীমবিবাদং গ্রামযোরুভযোঃ সামন্তা পঞ্চগ্রামী দশগ্রামী বা সেতুভিঃ স্থাবরৈঃ কৃত্রিমৈর্বা কুর্যাত্
03.9.11 কর্ষকগোপালকবৃদ্ধাঃ পূর্বভুক্তিকা বা বাহ্যাঃ সেতূনাং অভিজ্ঞা বহব একো বা নির্দিশ্য সীমসেতূন্ বিপরীতবেষাঃ সীমানং নযেযুঃ
03.9.12 উদ্দিষ্টানাং সেতূনাং অদর্শনে সহস্রং দণ্ডঃ |
03.9.13 তদ্ এব নীতে সীমাপহারিণাং সেতুচ্ছিদাং চ কুর্যাত্
03.9.14 প্রনষ্টসেতুভোগং বা সীমানং রাজা যথা উপকারং বিভজেত্ ইতি সীমবিবাদঃ |
03.9.15 ক্ষেত্রবিবাদং সামন্তগ্রামবৃদ্ধাঃ কুর্যুঃ
03.9.16 তেষাং দ্বৈধীভাবে যতো বহবঃ শুচযোঽনুমতা বা ততো নিযচ্ছেযুঃ মধ্যং বা গৃহ্ণীযুঃ
03.9.17 তদ্.উভযপরা উক্তং বাস্তু রাজা হরেত্, প্রনষ্টস্বামিকং চ
03.9.18 যথা উপকারং বা বিভজেত্
03.9.19 প্রসহ্যাদানে বাস্তুনি স্তেযদণ্ডঃ
03.9.20 কারণাদানে প্রযাসং আজীবং চ পরিসঙ্খ্যায বন্ধং দদ্যাত্ ইতি ক্ষেত্রবিবাদঃ |
03.9.21 মর্যাদাঽপহরণে পূর্বঃ সাহসদণ্ডঃ
03.9.22 মর্যাদাভেদে চতুর্বিংশতিপণঃ
03.9.23 তেন তপোবনবিবীতমহাপথশ্মশানদেবকুলযজনপুণ্যস্থানবিবাদা ব্যাখ্যাতাঃ ইতি মর্যাদাস্থাপনম্ |
03.9.24 সর্ব এব বিবাদাঃ সামন্তপ্রত্যযাঃ
03.9.25 বিবীতস্থলকেদারষণ্ডখলবেশ্মবাহনকোষ্ঠানাং পূর্বম্পূর্বং আবাধং সহেত
03.9.26 ব্রহ্মসোমারণ্যদেবযজনপুণ্যস্থানবর্জাঃ স্থলপ্রদেশাঃ
03.9.27 আধারপরিবাহকেদার উপভোগৈঃ পরক্ষেত্রকৃষ্টবীজহিংসাযাং যথা উপঘাতং মূল্যং দদ্যুঃ
03.9.28 কেদারারামসেতুবন্ধানাং পরস্পরহিংসাযাং হিংসাদ্বিগুণো দণ্ডঃ
03.9.29 পশ্চান্নিবিষ্টং অধরতটাকং ন উপরিতটাকস্য কেদারং উদকেনাপ্লাবযেত্
03.9.30 উপরিনিবিষ্টং নাধরতটাকস্য পূরাস্রাবং বারযেদ্, অন্যত্র ত্রিবর্ষ উপরতকর্মণঃ
03.9.31 তস্যাতিক্রমে পূর্বঃ সাহসদণ্ডঃ, তটাকবামনং চ
03.9.32 পঞ্চবর্ষ উপরতকর্মণঃ সেতুবন্ধস্য স্বাম্যং লুপ্যেত, অন্যত্রাপদ্ভ্যঃ
03.9.33 তটাকসেতুবন্ধানাং নবপ্রবর্তনে পাঞ্চবর্ষিকঃ পরিহারঃ, ভগ্ন উত্সৃষ্টানাং চাতুর্বর্ষিকঃ, সমুপারূঢানাং ত্রৈবর্ষিকঃ, স্থলস্য দ্বৈবর্ষিকঃ
03.9.34 স্বাত্মাধানে বিক্রযে চ
03.9.35 খাতপ্রাবৃত্তিং অনদীনিবন্ধাযতনতটাককেদারারামষণ্ডবাপানাং সস্যবর্ণভাগ উত্তরিকং অন্যেভ্যো বা যথা উপকারং দদ্যুঃ
03.9.36 প্রক্রযাবক্রযাধিভাগভোগনিষৃষ্ট উপভোক্তারশ্চ এষাং প্রতিকুর্যুঃ
03.9.37 অর্পতীকারে হীনদ্বিগুণো দণ্ডঃ
03.9.38ab সেতুভ্যো মুঞ্চতঃ তোযং অবারে ষট্পণো দমঃ |
03.9.38chd বারে বা তোযং অন্যেষাং প্রমাদেন উপরুন্ধতঃ ( ইতি)

Chapt | Damage to pastures, fields and roads
03.10.01 কর্ম উদকমার্গং উচিতং রুন্ধতঃ কুর্বতোঽনুচিতং বা পূর্বঃ সাহসদণ্ডঃ, সেতুকূপপুণ্যস্থানচৈত্যদেবাযতনানি চ পরভূমৌ নিবেশযতঃ
03.10.02 পূর্বানুবৃত্তং ধর্মসেতুং আধানং বিক্রযং বা নযতো নাযযতো বা মধ্যমঃ সাহসদণ্ডঃ, শ্রোতৄণাং উত্তমঃ, অন্যত্র ভগ্ন উত্সৃষ্টাত্
03.10.03 স্বাম্যভাবে গ্রামাঃ পুণ্যশীলা বা প্রতিকুর্যুঃ
03.10.04 পথিপ্রমাণং দুর্গনিবেশে ব্যাখ্যাতম্
03.10.05 ক্ষুদ্রপশুমনুষ্যপথং রুন্ধতো দ্বাদশপণো দণ্ডঃ, মহাপশুপথং চতুর্বিংশতিপণঃ, হস্তিক্ষেত্রপথং চতুষ্পঞ্চাশত্পণঃ, সেতুবনপথং ষট্শতঃ, শ্মশানগ্রামপথং দ্বিশতঃ, দ্রোণমুখপথং পঞ্চশতঃ, স্থানীযরাষ্ট্রবিবীতপথং সাহস্রঃ
03.10.06 অতিকর্ষণে চ এষাং দণ্ডচতুর্থা দণ্ডাঃ
03.10.07 কর্ষণে পূর্ব উক্তাঃ
03.10.08 ক্ষেত্রিকস্যাক্ষিপতঃ ক্ষেত্রং উপবাসস্য বা ত্যজতো বীজকালে দ্বাদশপণো দণ্ডঃ, অন্যত্র দোষ উপনিপাতাবিষহ্যেভ্যঃ
03.10.09 করদাঃ করদেষ্বাধানং বিক্রযং বা কুর্যুঃ, ব্রহ্মদেযিকা ব্রহ্মদেযিকেষু
03.10.10 অন্যথা পূর্বঃ সাহসদণ্ডঃ
03.10.11 করদস্য বাঽকরদগ্রামং প্রবিশতঃ
03.10.12 করদং তু প্রবিশতঃ সর্বদ্রব্যেষু প্রাকাম্যং স্যাত্, অন্যত্রাগারাত্
03.10.13 তদ্ অপ্যস্মৈ দদ্যাত্
03.10.14 অনাদেযং অকৃষতোঽন্যঃ পঞ্চবর্ষাণ্যুপভুজ্য প্রযাসনিষ্ক্রযেণ দদ্যাত্
03.10.15 অকরদাঃ পরত্র বসন্তো ভোগং উপজীবেযুঃ
03.10.16 গ্রামার্থেন গ্রামিকং ব্রজন্তং উপবাসাঃ পর্যাযেণানুগচ্ছেযুঃ
03.10.17 অননুগচ্ছন্তঃ পণার্ধপণিকং যোজনং দদ্যুঃ
03.10.18 গ্রামিকস্য গ্রামাদ্ অস্তেনপারদারিকং নিরস্যতশ্চতুর্বিংশতিপণো দণ্ডঃ, গ্রামস্য উত্তমঃ
03.10.19 নিরস্তস্য প্রবেশো হ্যভিগমেন ব্যাখ্যাতঃ
03.10.20 স্তম্ভৈঃ সমন্ততো গ্রামাদ্ ধনুঃশতাপকৃষ্টং উপসালং কারযেত্
03.10.21 পশুপ্রচারার্থং বিবীতং আলবনেন উপজীবেযুঃ
03.10.22 বিবীতং ভক্ষযিত্বাঽপসৃতানাং উষ্ট্রমহিষাণাং পাদিকং রূপং গৃহ্ণীযুঃ, গবাশ্বখরাণাং চার্ধপাদিকং, ক্ষুদ্রপশূনাং ষোডশভাগিকম্
03.10.23 ভক্ষযিত্বা নিষণ্ণানাং এত এব দ্বিগুণা দণ্ডাঃ, পরিবসতাং চতুর্গুণাঃ
03.10.24 গ্রামদেববৃষা বাঽনির্দশাহা বা ধেনুরুক্ষাণো গোবৃষাশ্চাদণ্ড্যাঃ
03.10.25 সস্যভক্ষণে সস্য উপঘাতং নিষ্পত্তিতঃ পরিসঙ্খ্যায দ্বিগুণং দাপযেত্
03.10.26 স্বামিনশ্চানিবেদ্য চারযতো দ্বাদশপণো দণ্ডঃ, প্রমুঞ্চতশ্চতুর্বিংশতিপণঃ
03.10.27 পালিনাং অর্ধদণ্ডাঃ
03.10.28 তদ্ এব ষণ্ডভক্ষণে কুর্যাত্
03.10.29 বাটভেদে দ্বিগুণঃ বেশ্মখলবলযগতানাং চ ধান্যানাং ভক্ষণে
03.10.30 হিংসাপ্রতীকারং কুর্যাত্
03.10.31 অভযবনমৃগাঃ পরিগৃহীতা বা ভক্ষযন্তঃ স্বামিনো নিবেদ্য যথাঽবধ্যাঃ তথা প্রতিষেদ্ধব্যাঃ
03.10.32 পশবো রশ্মিপ্রতোদাভ্যাং বারযিতব্যাঃ
03.10.33 তেষাং অন্যথা হিংসাযাং দণ্ডপারুষ্যদণ্ডাঃ
03.10.34 প্রার্থযমানা দৃষ্টাপরাধা বা সর্ব উপাযৈর্নিযন্তব্যাঃ ইতি ক্ষেত্রপথহিংসা |
03.10.35 কর্ষকস্য গ্রামং অভ্যুপেত্যাকুর্বতো গ্রাম এবাত্যযং হরেত্
03.10.36 কর্মাকরণে কর্মবেতনদ্বিগুণং, হিরণ্যাদানে প্রত্যংশদ্বিগুণং, ভক্ষ্যপেযাদানে চ প্রহবণেষু দ্বিগুণং অংশং দদ্যাত্
03.10.37 প্রেক্ষাযাং অনংশদঃ, স-স্বজনো ন প্রেক্ষেত
03.10.38 প্রচ্ছন্নশ্রবণ ঈক্ষণে চ সর্বহিতে চ কর্মণি নিগ্রহেণ দ্বিগুণং অংশং দদ্যাত্
03.10.39 সর্বহিতং একস্য ব্রুবতঃ কুর্যুরাজ্ঞাম্
03.10.40 অকরণে দ্বাদশপণো দণ্ডঃ
03.10.41 তং চেত্ সম্ভূয বা হন্যুঃ পৃথগ্ এষাং অপরাধদ্বিগুণো দণ্ডঃ
03.10.42 উপহন্তৃষু বিশিষ্টঃ
03.10.43 ব্রাহ্মণশ্চ এষাং জ্যৈষ্ঠ্যং নিযম্যেত
03.10.44 প্রহবণেষু চ এষাং ব্রাহ্মণা নাকামাঃ কুর্যুঃ, অংশং চ লভেরন্
03.10.45 তেন দেশজাতিকুলসঙ্ঘানাং সমযস্যানপাকর্ম ব্যাখ্যাতম্
03.10.46ab রাজা দেশহিতান্ সেতূন্ কুর্বতাং পথি সঙ্ক্রমান্ |
03.10.46chd গ্রামশোভাশ্চ রক্ষাশ্চ তেষাং প্রিযহিতং চরেত্ ( ইতি)

Chapt | Non-payment of debts
03.11.01 সপাদপণা ধর্ম্যা মাসবৃদ্ধিঃ পণশতস্য, পঞ্চপণা ব্যাবহারিকী, দশপণা কান্তারগাণাং, বিংশতিপণা সামুদ্রাণাম্
03.11.02 ততঃ পরং কর্তুঃ কারযিতুশ্চ পূর্বঃ সাহসদণ্ডঃ, শ্রোতৄণাং এক একং প্রত্যর্ধদণ্ডঃ
03.11.03 রাজন্যযোগক্ষেমাবহে তু ধনিকধারণিকযোশ্চরিত্রং অবেক্ষেত
03.11.04 ধান্যবৃদ্ধিঃ সস্যনিষ্পত্তাবুপার্ধা, পরং মূল্যকৃতা বর্ধেত
03.11.05 প্রক্ষেপবৃদ্ধিরুদযাদ্ অর্ধং সম্নিধানসন্না বার্ষিকী দেযা
03.11.06 চিরপ্রবাসঃ স্তম্ভপ্রবিষ্টো বা মূল্যদ্বিগুণং দদ্যাত্
03.11.07 অকৃত্বা বৃদ্ধিং সাধযতো বর্ধযতো বা, মূল্যং বা বৃদ্ধিং আরোপ্য শ্রাবযতো বন্ধচতুর্গুণো দণ্ডঃ
03.11.08 তুচ্ছশ্রাবণাযাং অভূতচতুর্গুণঃ
03.11.09 তস্য ত্রিভাগং আদাতা দদ্যাত্, শেষং প্রদাতা
03.11.10 দীর্ঘসত্ত্রব্যাধিগুরুকুল উপরুদ্ধং বালং অসারং বা নঋণং অনুবর্ধেত
03.11.11 মুচ্যমানং ঋণং অপ্রতিগৃহ্ণতো দ্বাদশপণো দণ্ডঃ
03.11.12 কারণাপদেশেন নিবৃত্তবৃদ্ধিকং অন্যত্র তিষ্ঠেত্
03.11.13 দশবর্ষ উপেক্ষিতং ঋণং অপ্রতিগ্রাহ্যং, অন্যত্র বালবৃদ্ধব্যাধিতব্যসনিপ্রোষিতদেশত্যাগরাজ্যবিভ্রমেভ্যঃ
03.11.14 প্রেতস্য পুত্রাঃ কুসীদং দদ্যুঃ, দাযাদা বা রিক্থহরাঃ, সহগ্রাহিণঃ, প্রতিভুবো বা
03.11.15 ন প্রাতিভাব্যং অন্যত্
03.11.16 অসারং বালপ্রাতিভাব্যম্
03.11.17 অসঙ্খ্যাতদেশকালং তু পুত্রাঃ পৌত্রা দাযাদা বা রিক্থং হরমাণা দদ্যুঃ
03.11.18 জীবিতবিবাহভূমিপ্রাতিভাব্যং অসঙ্খ্যাতদেশকালং তু পুত্রাঃ পৌত্রা বা বহেযুঃ
03.11.19 নানাঋণসমবাযে তু ন একং দ্বৌ যুগপদ্ অভিবদেযাতাং, অন্যত্র প্রতিষ্ঠমানাত্
03.11.20 তত্রাপি গৃহীতানুপূর্ব্যা রাজশ্রোত্রিযদ্রব্যং বা পূর্বং প্রতিপাদযেত্
03.11.21 দম্পত্যোঃ পিতাপুত্রযোঃ ভ্রাতৄণাং চাবিভক্তানাং পরস্পর.কৃতং ঋণং অসাধ্যম্
03.11.22 অগ্রাহ্যাঃ কর্মকালেষু কর্ষকা রাজপুরুষাশ্চ
03.11.23 স্ত্রী চাপ্রতিশ্রাবিণী পতিকৃতং ঋণং, অন্যত্র গোপালকার্ধসীতিকেভ্যঃ
03.11.24 পতিঃ তু গ্রাহ্যঃ স্ত্রীকৃতং ঋণং, অপ্রতিবিধায প্রোষিত ইতি
03.11.25 সম্প্রতিপত্তাবুত্তমঃ
03.11.26 অস্মপ্রতিপত্তৌ তু সাক্ষিণঃ প্রমাণং প্রাত্যযিকাঃ শুচযোঽনুমতা বা ত্রযোঽবরার্ধ্যাঃ
03.11.27 পক্ষানুমতৌ বা দ্বৌ, ঋণং প্রতি ন ত্বেব একঃ
03.11.28 প্রতিষিদ্ধাঃ স্যালসহাযান্বর্থিধনিকধারণিকবৈরিন্যঙ্গধৃতদণ্ডাঃ, পূর্বে চাব্যবহার্যাঃ
03.11.29 রাজশ্রোত্রিযগ্রামভৃতককুষ্ঠিব্রণিনঃ পতিতচণ্ডালকুত্সিতকর্মাণোঽন্ধবধিরমূকাহংবাদিনঃ স্ত্রীরাজপুরুষাশ্চ, অন্যত্র স্ববর্গেভ্যঃ
03.11.30 পারুষ্যস্তেযসঙ্গ্রহণেষু তু বৈরিস্যালসহাযবর্জাঃ
03.11.31 রহস্যব্যবহারেষ্বেকা স্ত্রী পুরুষ উপশ্রোতা উপদ্রষ্টা বা সাক্ষী স্যাদ্ রাজতাপসবর্জম্
03.11.32 স্বামিনো ভৃত্যানাং ঋত্বিগ্ঽঅচার্যাঃ শিষ্যাণাং মাতাপিতরৌ পুত্রাণাং চানিগ্রহেণ সাক্ষ্যং কুর্যুঃ, তেসাং ইতরে বা
03.11.33 পরস্পরাভিযোগে চ এষাং উত্তমাঃ পরা উক্তা দশবন্ধং দদ্যুঃ, অবরাঃ পঞ্চবন্ধম্ ইতি সাক্ষ্য্ঽধিকারঃ ||
03.11.34 ব্রাহ্মণ উদকুম্ভাগ্নিসকাশে সাক্ষিণঃ পরিগৃহ্ণীযাত্
03.11.35 তত্র ব্রাহ্মণং ব্রূযাত্ সত্যং ব্রূহি ইতি
03.11.36 রাজন্যং বৈশ্যং বা মা তব ইষ্টাপূর্তফলং, কপালহস্তঃ শত্রুকুলং ভিক্ষাঽর্থী গচ্ছেঃ ইতি
03.11.37 শূদ্রং জন্মমরণান্তরে যদ্ বঃ পুণ্যফলং তদ্ রাজানং গচ্ছেদ্, রাজ্ঞশ্চ কিল্বিষং যুষ্মান্ অন্যথাবাদে, দণ্ডশ্চানুবদ্ধঃ, পশ্চাদ্ অপি জ্ঞাযেত যথাদৃষ্টশ্রুতং, একমন্ত্রাঃ সত্যং উপহরত ইতি
03.11.38 অনুপহরতাং সপ্তরাত্রাদ্ ঊর্ধ্বং দ্বাদশপণো দণ্ডঃ, ত্রিপক্ষাদ্ ঊর্ধ্বং অভিযোগং দদ্যুঃ
03.11.39 সাক্ষিভেদে যতো বহবঃ শুচযোঽনুমতা বা ততো নিযচ্ছেযুঃ, মধ্যং বা গৃহ্ণীযুঃ
03.11.40 তদ্ বা দ্রব্যং রাজা হরেত্
03.11.41 সাক্ষিণশ্চেদ্ অভিযোগাদ্ ঊনং ব্রূযুরতিরিক্তস্যাভিযোক্তা বন্ধং দদ্যাত্
03.11.42 অতিরিক্তং বা ব্রূযুঃ তদ্ঽতিরিক্তং রাজা হরেত্
03.11.43 বালিশ্যাদ্ অভিযোক্তুর্বা দুহ্শ্রুতং দুর্লিখিতং প্রেতাভিনিবেশং বা সমীক্ষ্য সাক্ষিপ্রত্যযং এব স্যাত্
03.11.44 সাক্ষিবালিষ্যেষ্বেব পৃথগ্ঽনুযোগে দেশকালকার্যাণাং পূর্বমধ্যম উত্তমা দণ্ডাঃ ইত্যৌশনসাঃ
03.11.45 কূটসাক্ষিণো যং অর্থং অভূতং কুর্যুর্ভূতং বা নাশযেযুঃ তদ্ দশগুণং দণ্ডং দদ্যুঃ ইতি মানবাঃ
03.11.46 বালিশ্যাদ্ বা বিসংবাদযতাং চিত্রো ঘাতঃ ইতি বার্হস্পত্যাঃ
03.11.47 ন ইতি কৌটিল্যঃ
03.11.48 ধ্রুবং হি সাক্ষিভিঃ শ্রোতব্যম্
03.11.49 অশৃণ্বতাং চতুর্বিংশতিপণো দণ্ডঃ, ততোঽর্ধং অব্রুবাণানাম্
03.11.50ab দেশকালাবিদূরস্থান্ সাক্ষিণঃ প্রতিপাদযেত্ |
03.11.50chd দূরস্থান্ অপ্রসারান্ বা স্বামিবাক্যেন সাধযেত্ ( ইতি)

Chapt | Deposits
03.12.01 উপনিধিরৃণেন ব্যাখ্যাতঃ
03.12.02 পরচক্রাটবিকাভ্যাং দুর্গরাষ্ট্রবিলোপে বা, প্রতিরোধকৈর্বা গ্রামসার্থব্রজবিলোপে, চক্রযুক্তনাশে বা, গ্রামমধ্যাগ্ন্য্.উদকাবাধে জ্বালাবেগ উপরুদ্ধে বা, নাবি নিমগ্নাযাং মুষিতাযাং বা স্বযং উপরূঢো ন উপনিধিং অভ্যাবহেত্
03.12.03 উপনিধিভোক্তা দেশকালানুরূপং ভোগবেতনং দদ্যাত্, দ্বাদশপণং চ দণ্ডম্
03.12.04 উপভোগনিমিত্তং নষ্টং বিনষ্টং বাঽভ্যাবহেত্, চতুর্বিংশতিপণশ্চ দণ্ডঃ, অন্যথা বা নিষ্পতনে
03.12.05 প্রেতং ব্যসনগতং বা ন উপনিধিং অভ্যাবহেত্
03.12.06 আধানবিক্রযাপব্যযনেষু চাস্য চতুর্গুণপঞ্চবন্ধো দণ্ডঃ
03.12.07 পরিবর্তনে নিষ্পাতনে বা মূল্যসমঃ
03.12.08 তেনাধিপ্রণাশ উপভোগবিক্রযাধানাপহারা ব্যাখ্যাতাঃ
03.12.09 নাধিঃ স-উপকারঃ সীদেত্, ন চাস্য মূল্যং বর্ধেত, অন্যত্র নিসর্গাত্
03.12.10 নিরুপকারঃ সীদেত্, মূল্যং চাস্য বর্ধেত
03.12.11 উপস্থিতস্যাধিং অপ্রযচ্ছতো দ্বাদশণ্পণো দণ্ডঃ
03.12.12 প্রযোজকাসম্নিধানে বা গ্রামবৃদ্ধেষু স্থাপযিত্বা নিষ্ক্রযং আধিং প্রতিপদ্যেত
03.12.13 নিবৃত্তবৃদ্ধিকো বাঽঽধিঃ তত্কালকৃতমূল্যঃ তত্র এবাবতিষ্ঠেত, অনাশবিনাশকরণাধিষ্ঠিতো বা
03.12.14 ধারণিকাসম্নিধানে বা বিনাশভযাদ্ উদ্গতার্ঘং ধর্মস্থানুজ্ঞাতো বিক্রীণীত, আধিপালপ্রত্যযো বা
03.12.15 স্থাবরঃ তু প্রযাসভোগ্যঃ ফলভোগ্যো বা প্রক্ষেপবৃদ্ধিমূল্যশুদ্ধং আজীবং অমূল্যক্ষযেণ উপনযেত্
03.12.16 অনিসৃষ্ট উপভোক্তা মূল্যশুদ্ধং আজীবং বন্ধং চ দদ্যাত্
03.12.17 শেষং উপনিধিনা ব্যাখ্যাতম্
03.12.18 এতেনাদেশোঽন্বাধিশ্চ ব্যাখ্যাতৌ
03.12.19 সার্থেনান্বাধিহস্তো বা প্রদিষ্টাং ভূমিং অপ্রাপ্তশ্চোরৈর্ভগ্ন উত্সৃষ্টো বা নান্বাধিং অভ্যাবহেত্
03.12.20 অন্তরে বা মৃতস্য দাযাদোঽপি নাভ্যাবহেত্
03.12.21 শেষং উপনিধিনা ব্যকহ্যাতম্
03.12.22 যাচিতকং অবক্রীতকং বা যথাবিধং গৃহ্ণীযুঃ তথাবিধং এবার্পযেযুঃ
03.12.23 ভ্রেষ উপনিপাতাভ্যাং দেশকাল উপরোধি দত্তং নষ্টং বিনষ্টং বা নাভ্যাবহেযুঃ
03.12.24 শেষং উপনিধিনা ব্যাখ্যাতম্
03.12.25 বৈযাবৃত্যবিক্রযঃ তু – বৈযাবৃত্যকরা যথাদেশকালং বিক্রীণানাঃ পণ্যং যথাজাতং মূল্যং উদযং চ দদ্যুঃ
03.12.26 দেশকালাতিপাতনে বা পরিহীণং সম্প্রদানকালিকেনার্ঘেণ মূল্যং উদযং চ দদ্যুঃ
03.12.27 যথাসম্ভাষিতং বা বিক্রীণানা ন উদযং অধিগচ্ছেযুঃ, মূল্যং এব দদ্যুঃ
03.12.28 অর্ঘপতনে বা পরিহীণং যথাপরিহীণং মূল্যং ঊনং দদ্যুঃ
03.12.29 সাংব্যবহারিকেষু বা প্রাত্যযিকেষ্বরাজবাচ্যেষু ভ্রেষ উপনিপাতাভ্যাং নষ্টং বিনষ্টং বা মূল্যং অপি ন দদ্যুঃ
03.12.30 দেশকালান্তরিতানাং তু পণ্যানাং ক্ষযব্যযবিশুদ্ধং মূল্যং উদযং চ দদ্যুঃ, পণ্যসমবাযানাং চ প্রত্যংশম্
03.12.31 শেষং উপনিধিনা ব্যাখ্যাতম্
03.12.32 এতেন বৈযাবৃত্যবিক্রযো ব্যাখ্যাতঃ
03.12.33 নিক্ষেপশ্চ উপনিধিনা
03.12.34 তং অন্যেন নিক্ষ্পিতং অন্যস্যার্পযতো হীযেত
03.12.35 নিক্ষেপাপহারে পূর্বাপদানং নিক্ষেপ্তারশ্চ প্রমাণম্
03.12.36 অশুচযো হি কারবঃ
03.12.37 ন এষাং করণপূর্বো নিক্ষেপধর্মঃ
03.12.38 করণহীনং নিক্ষেপং অপব্যযমানং গূঢভিত্তিন্যস্তান্ সাক্ষিণো নিক্ষেপ্তা রহসি প্রণিপাতেন প্রজ্ঞাপযেত্, বনান্তে বা মদ্যপ্রহবণবিশ্বাসেন
03.12.39 রহসি বৃদ্ধো ব্যাধিতো বা বৈদেহকঃ কশ্চিত্ কৃতলক্ষণং দ্রব্যং অস্য হস্তে নিক্ষিপ্যাপগচ্ছেত্
03.12.40 তস্য প্রতিদেশেন পুত্রো ভ্রাতা বাঽভিগম্য নিক্ষেপং যাচেত
03.12.41 দানে শুচিঃ, অন্যথা নিক্ষেপং স্তেযদণ্ডং চ দদ্যাত্
03.12.42 প্রব্রজ্যাঽভিমুখো বা শ্রদ্ধেযঃ কশ্চিত্ কৃতলক্ষণং দ্রব্যং অস্য হস্তে নিক্ষিপ্য প্রতিষ্ঠেত
03.12.43 ততঃ কালান্তরাগতো যাচেত
03.12.44 দানে শুচিঃ, অন্যথা নিক্ষেপং স্তেযদণ্ডং চ দদ্যাত্
03.12.45 কৃতলক্ষণেন বা দ্রব্যেণ প্রত্যানযেদ্ এনম্
03.12.46 বালিশজাতীযো বা রাত্রৌ রাজদাযিকাক্ষণভীতঃ সারং অস্য হস্তে নিক্ষিপ্যাপগচ্ছেত্
03.12.47 স এনং বন্ধনাগারগতো যাচেত
03.12.48 দানে শুচিঃ, অন্যথা নিক্ষেপং স্তেযদণ্ডং চ দদ্যাত্
03.12.49 অভিজ্ঞানেন চাস্য গৃহে জনং উভযং যাচেত
03.12.50 অন্যতর্তাদানে যথা উক্তং পুরস্তাত্
03.12.51 দ্রব্যভোগানাং আগমং চাস্যানুযুঞ্জীত, তস্য চার্থস্য ব্যবহার উপলিঙ্গনং, অভিযোক্তুশ্চার্থসামর্থ্যম্
03.12.52 এতেন মিথঃসমবাযো ব্যাখ্যাতঃ
03.12.53ab তস্মাত্ সাক্ষিমদ্ অচ্ছন্নং কুর্যাত্ সম্যগ্বিভাষিতম্ |
03.12.53chd স্বে পরে বা জনে কার্যং দেশকালাগ্রবর্ণতঃ ( ইতি)

Chapt | Law concerning slaves and labourers
03.13.01 উদরদাসবর্জং আর্যপ্রাণং অপ্রাপ্তব্যবহারং শূদ্রং বিক্রযাধানং নযতঃ স্বজনস্য দ্বাদশপণো দণ্ডঃ, বৈশ্যং দ্বিগুণঃ, ক্ষত্রিযং ত্রিগুণঃ, ব্রাহ্মণং চতুর্গুণঃ
03.13.02 পরজনস্য পূর্বমধ্যম উত্তমবধা দণ্ডাঃ, ক্রেতৃশ্রোতৄণাং চ
03.13.03 ম্লেচ্ছানাং অদোষঃ প্রজাং বিক্রেতুং আধাতুং বা
03.13.04 ন ত্বেবার্যস্য দাসভাবঃ
03.13.05 অথবাঽঽর্যং আধায কুলবন্ধন আর্যাণাং আপদি, নিষ্ক্রযং চাধিগম্য বালং সাহায্যদাতারং বা পূর্বং নিষ্ক্রীণীরন্
03.13.06 সকৃদ্ঽঅত্মাধাতা নিষ্পতিতঃ সীদেত্, দ্বিরন্যেনাহিতকঃ, সকৃদ্ উভৌ পরবিষযাভিমুখৌ
03.13.07 বিত্তাপহারিণো বা দাসস্যার্যভাবং অপহরতোঽর্ধদণ্ডঃ
03.13.08 নিষ্পতিতপ্রেতব্যসনিনাং আধাতা মূল্যং ভজেত
03.13.09 প্রেতবিণ্মূত্র উচ্ছিষ্টগ্রাহণং আহিতস্য নগ্নস্নাপনং দণ্ডপ্রেষণং অতিক্রমণং চ স্ত্রীণাং মূল্যনাশকরং, ধাত্রীপরিচারিকার্ধসীতিক উপচারিকাণাং চ মোক্ষকরম্
03.13.10 সিদ্ধং উপচারকস্যাভিপ্রজাতস্যাপক্রমণম্
03.13.11 ধাত্রীং আহিতিকাং বাঽকামাং স্ববশাং গচ্ছতঃ পূর্বঃ সাহসদণ্ডঃ, পরবশাং মধ্যমঃ
03.13.12 কন্যাং আহিতিকাং বা স্বযং অন্যেন বা দুষযতো মূল্যনাশঃ শুল্কং তদ্দ্বুগুণশ্চ দণ্ডঃ
03.13.13 আত্মবিক্রযিণঃ প্রজাং আর্যাং বিদ্যাত্
03.13.14 আত্মাধিগতং স্বামিকর্মাবিরুদ্ধং লভেত, পিত্র্যং চ দাযম্
03.13.15 মূল্যেন চার্যত্বং গচ্ছেত্
03.13.16 তেন উদরদাসাহিতকৌ ব্যাখ্যাতৌ
03.13.17 প্রক্ষেপানুরূপশ্চাস্য নিষ্ক্রযঃ
03.13.18 দণ্ডপ্রণীতঃ কর্মণা দণ্ডং উপনযেত্
03.13.19 আর্যপ্রাণো ধ্বজাহৃতঃ কর্মকালানুরূপেণ মূল্যার্ধেন বা বিমুচ্যেত
03.13.20 গৃহেজাতদাযাগতলব্ধক্রীতানাং অন্যতমং দাসং ঊনাষ্টবর্ষং বিবন্ধুং অকামং নীচে কর্মণি বিদেশে দাসীং বা সগর্ভাং অপ্রতিবিহিতগর্ভভর্মণ্যাং বিক্রযাধানং নযতঃ পূর্বঃ সাহসদণ্ডঃ, ক্রেতৃশ্রোতৄণাং চ
03.13.21 দাসং অনুরূপেণ নিষ্ক্রযেণার্যং অকুর্বতো দ্বাদশপণো দণ্ডঃ, সংরোধশ্চাকরণাত্
03.13.22 দাসদ্রব্যস্য জ্ঞাতযো দাযাদাঃ, তেষাং অভাবে স্বামী
03.13.23 স্বামিনঃ স্বস্যাং দাস্যাং জাতং সমাতৃকং অদাসং বিদ্যাত্
03.13.24 গৃহ্যা চেত্ কুটুম্বার্থচিন্তনী মাতা ভ্রাতা ভগিনী চাস্যা অদাসাঃ স্যুঃ
03.13.25 দাসং দাসীং বা নিষ্ক্রীয পুনর্বিক্রযাধানং নযতো দ্বাদশপণো দণ্ডঃ, অন্যত্র স্বযংবাদিভ্যঃ ইতি দাসকল্পঃ |
03.13.26 কর্মকরস্য কর্মসম্বন্ধং আসন্না বিদ্যুঃ
03.13.27 যথাসম্ভাষিতং বেতনং লভেত, কর্মকালানুরূপং অসম্ভাষিতবেতনঃ
03.13.28 কর্ষকঃ সস্যানাং গোপালকঃ সর্পিষাং বৈদেহকঃ পণ্যানাং আত্মনা ব্যবহৃতানাং দশভাগং অসম্ভাষিতবেতনো লভেত
03.13.29 সম্ভাষিতবেতনঃ তু যথাসম্ভাষিতম্
03.13.30 কারুশিল্পিকুশীলবচিকিত্সকবাগ্জীবনপরিচারকাদিরাশাকারিকবর্গঃ তু যথাঽন্যঃ তদ্বিধঃ কুর্যাদ্ যথা বা কুশলাঃ কল্পযেযুঃ তথা বেতনং লভেত
03.13.31 সাক্ষিপ্রত্যযং এব স্যাত্
03.13.32 সাক্ষিণাং অভাবে যতঃ কর্ম ততোঽনুযুঞ্জীত
03.13.33 বেতনাদানে দশবন্ধো দণ্ডঃ, ষট্পণো বা
03.13.34 অপব্যযমানে দ্বাদশপণো দণ্ডঃ, পঞ্চবন্ধো বা
03.13.35 নদীবেগজ্বালাস্তেনব্যাল উপরুদ্ধঃ সর্বস্বপুত্রদারাত্মদানেনার্তঃ ত্রাতারং আহূয নিষ্তীর্ণঃ কুশলপ্রদিষ্টং বেতনং দদ্যাত্
03.13.36 তেন সর্বত্রার্তদানানুশযা ব্যাখ্যাতাঃ
03.13.37ab লভেত পুংশ্চলী ভোগং সঙ্গমস্য উপলিঙ্গনাত্ |
03.13.37chd অতিযাচ্না তু জীযেত দৌর্মত্যাবিনযেন বা ( ইতি)

Chapt | Duties of servants
Undertaking in partnership
03.14.01 গৃহীত্বা বেতনং কর্মাকুর্বতো ভৃতকস্য দ্বাদশপণো দণ্ডঃ, সংরোধশ্চাকরণাত্
03.14.02 অশক্তঃ কুত্সিতে কর্মণি ব্যাধৌ ব্যসনে বাঽনুশযং লভেত, পরেণ বা কারযিতুম্
03.14.03 তস্যব্যযকর্মণা লভেত ভর্তা বা কারযিতুম্
03.14.04 নান্যঃ ত্বযা কারযিতব্যো, মযা বা নান্যস্য কর্তব্যম্ ইত্যবরোধে ভর্তুরকারযতো ভৃতকস্যাকুর্বতো বা দ্বাদশপণো দণ্ডঃ
03.14.05 কর্মনিষ্ঠাপনে ভর্তুরন্যত্র গৃহীতবেতনো নাসকামঃ কুর্যাত্
03.14.06 উপস্থিতং অকারযতঃ কৃতং এব বিদ্যাদ্ ইত্যাচার্যাঃ
03.14.07 ন ইতি কৌটিল্যঃ
03.14.08 কৃতস্য বেতনং নাকৃতস্যাস্তি
03.14.09 স চেদ্ অল্পং অপি কারযিত্বা ন কারযেত্ কৃতং এবাস্য বিদ্যাত্
03.14.10 দেশকালাতিপাতনেন কর্মণাং অন্যথাকরণে বা নাসকামঃ কৃতং অনুমন্যেত
03.14.11 সম্ভাষিতাদ্ অধিকক্রিযাযাং প্রযাসং ন মোঘং কুর্যাত্
03.14.12 তেন সঙ্ঘভৃতা ব্যাখ্যাতাঃ
03.14.13 তেষাং আধিঃ সপ্তরাত্রং আসীত
03.14.14 ততোঽন্যং উপস্থাপযেত্, কর্মনিষ্পাকং চ
03.14.15 ন চানিবেদ্য ভর্তুঃ সঙ্ঘঃ কঞ্চিত্ পরিহরেদ্ উপনযেদ্ বা
03.14.16 তস্যাতিক্রমে চতুর্বিংশতিপণো দণ্ডঃ
03.14.17 সঙ্ঘেন পরিহৃতস্যার্ধদণ্ডঃ ইতি ভৃতকাধিকারঃ ||
03.14.18 সঙ্ঘভৃতাঃ সম্ভূযসমুত্থাতারো বা যথাসম্ভাষিতং বেতনং সমং বা বিভজেরন্
03.14.19 কর্ষণবৈদেহকা বা সস্যপণ্যারম্ভপর্যবসানান্তরে সন্নস্য যথাকৃতস্য কর্মণঃ প্রত্যংশং দদ্যুঃ
03.14.20 পুরুষ উপস্থানে সমগ্রং অংশং দদ্যুঃ
03.14.21 সংসিদ্ধে তু উদ্ধৃতপণ্যে সন্নস্য তদানীং এব প্রত্যংশং দদ্যুঃ
03.14.22 সামান্যা হি পথিসিদ্ধিশ্চাসিদ্ধিশ্চ
03.14.23 প্রক্রান্তে তু কর্মণি স্বস্থস্যাপক্রামতো দ্বাদশপণো দণ্ডঃ
03.14.24 ন চ প্রাকাম্যং অপক্রমণে
03.14.25 চোরং ত্বভযপূর্বং কর্মণঃ প্রত্যংশেন গ্রাহযেদ্, দদ্যাত্ প্রত্যংশং অভযং চ
03.14.26 পুনঃস্তেযে প্রবাসনং, অন্যত্রগমনে চ
03.14.27 মহাঽপরাধে তু দূষ্যবদ্ আচরেত্
03.14.28 যাজকাঃ স্বাপ্রচারদ্রব্যবর্জং যথাসম্ভাষিতং বেতনং সমং বা বিভজেরন্
03.14.29 অগ্নিষ্টোমাদিষু চ ক্রতুষু দীক্ষণাদ্ ঊর্ধ্বং তৃতীযং অংশং, মধ্যম উপসদ ঊর্ধ্বং অর্ধং অংশং, সুত্যে প্রাতঃসবনাদ্ ঊর্ধ্বং পাদ ঊনং অংশম্
03.14.30 মাধ্যন্দিনাত্ সবনাদ্ ঊর্ধ্বং সমগ্রং অংশং লভেত
03.14.31 নীতা হি দক্ষিণা ভবন্তি
03.14.32 বৃহস্পতিসববর্জং প্রতিসবনং হি দক্ষিণা দীযন্তে
03.14.33 তেনাহর্গণদক্ষিণা ব্যাখ্যাতাঃ
03.14.34 সনানাং আদশাহোরাত্রাত্শেষভৃতাঃ কর্ম কুর্যুঃ, অন্যে বা স্বপ্রত্যযাঃ
03.14.35 কর্মণ্যসমাপ্তে তু যজমানঃ সীদেদ্, ঋত্বিজঃ কর্ম সমাপয্য দক্ষিণাং হরেযুঃ
03.14.36 অসমাপ্তে তু কর্মণি যাজ্যং যাজকং বা ত্যজতঃ পূর্বঃ সাহসদণ্ডঃ
03.14.37ab অনাহিতাগ্নিঃ শতগুরুযজ্বা চ সহস্রগুঃ |
03.14.37chd সুরাপো বৃষলীভর্তা ব্রহ্মহা গুরুতল্পগঃ
03.14.38ab অসত্প্রতিগ্রহে যুক্তঃ স্তেনঃ কুত্সিতযাজকঃ |
03.14.38chd অদোষঃ ত্যক্তুং অন্যোন্যং কর্মসঙ্করনিশ্চযাত্ ( ইতি)

Chapt | Rescission of sale and purchase
03.15.01 বিক্রীয পণ্যং অপ্রযচ্ছতো দ্বাদশপণো দণ্ডঃ, অন্যত্র দোষ উপনিপাতাবিষহ্যেভ্যঃ
03.15.02 পণ্যদোষো দোষঃ
03.15.03 রাজচোরাগ্ন্য্.উদকবাধ উপনিপাতঃ
03.15.04 বহুগুণহীনং আর্তকৃতং বাঽবিষহ্যম্
03.15.05 বৈদেহকানাং একরাত্রং অনুশযঃ, কর্ষকাণাং ত্রিরাত্রং, গোরক্ষকাণাং পঞ্চরাত্রম্
03.15.06 ব্যামিশ্রাণাং উত্তমানাং চ বর্ণানাং বৃত্তিবিক্রযে সপ্তরাত্রম্
03.15.07 আতিপাতিকানাং পণ্যানাং অন্যত্রাবিক্রেযম্ ইত্যবরোধেনানুশযো দেযঃ
03.15.08 তস্যাতিক্রমে চতুর্বিংশতিপণো দণ্ডঃ, পণ্যদশভাগো বা
03.15.09 ক্রীত্বা পণ্যং অপ্রতিগৃহ্ণতো দ্বাদশপণো দণ্ডঃ, অন্যত্র দোষ উপনিপাতাবিষহ্যেভ্যঃ
03.15.10 সমানশ্চানুশযো বিক্রেতুরনুশযেন
03.15.11 বিবাহানাং তু ত্রযাণাং পূর্বেষাং বর্ণানাং পাণিগ্রহণাত্ সিদ্ধং উপাবর্তনং, শূদ্রাণাং চ প্রকর্মণঃ
03.15.12 বৃত্তপাণিগ্রহণযোরপি দোষং ঔপশাযিকং দৃষ্ট্বা সিদ্ধং উপাবর্তনম্
03.15.13 ন ত্বেবাভিপ্রজাতযোঃ
03.15.14 কন্যাদোষং ঔপশাযিকং অনাখ্যায প্রযচ্ছতঃ কন্যাং ষণ্ঁঅবতির্দণ্ডঃ, শুল্কস্ত্রীধনপ্রতিদানং চ
03.15.15 বরযিতুর্বা বরদোষং অনাখ্যায বিন্দতো দ্বিগুণঃ, শুল্কস্ত্রীধননাশশ্চ
03.15.16 দ্বিপদচতুষ্পদানাং তু কুণ্ঠব্যাধিতাশুচীনাং উত্সাহস্বাস্থ্যশুচীনাং আখ্যানে দ্বাদশপণো দণ্ডঃ
03.15.17 আত্রিপক্ষাদ্ ইতি চতুষ্পদানাং উপাবর্তনং, আসংবত্সরাদ্ ইতি মনুষ্যাণাম্
03.15.18 তাবতা হি কালেন শক্যং শৌচাশৌচে জ্ঞাতুম্
03.15.19ab দাতা প্রতিগ্রহীতা চ স্যাতাং ন উপহতৌ যথা |
03.15.19chd দানে ক্রযে বাঽনুশযং তথা কুর্যুঃ সভাসদঃ ( ইতি)

Chapt | Non-conveyance of gifts
sale without ownership
Relation of ownership
03.16.01 দত্তস্যাপ্রদানং ঋণাদানেন ব্যাখ্যাতম্
03.16.02 দত্তং অব্যবহার্যং একত্রানুশযে বর্তেত
03.16.03 সর্বস্বং পুত্রদারং আত্মানং বা প্রদাযানুশযিনঃ প্রযচ্ছেত্
03.16.04 ধর্মদানং অসাধুষু কর্মসু চাউপঘাতিকেষু বা, অর্থদানং অনুপকারিষ্বপকারিষু বা, কামদানং অনর্হেষু চ
03.16.05 যথা চ দাতা প্রতিগ্রহীতা চ ন উপহতৌ স্যাতাং তথাঽনুশযং কুশলাঃ কল্পযেযুঃ
03.16.06 দণ্ডভযাদ্ আক্রোশভযাদ্ অনর্থভযাদ্ বা ভযদানং প্রতিগৃহ্ণতঃ স্তেযদণ্ডঃ, প্রযচ্ছতশ্চ
03.16.07 রোষদানং পরহিংসাযাং, রাজ্ঞাং উপরি দর্পদানং চ
03.16.08 তত্র উত্তমো দণ্ডঃ
03.16.09 প্রাতিভাব্যং দণ্ডশুল্কশেষং আক্ষিকং সৌরিকং চ নাকামঃ পুত্রো দাযাদো বা রিক্থহরো দদ্যাত্ ইতি দত্তস্যানপাকর্ম |
03.16.10 অস্বামিবিক্রযঃ তু – নষ্টাপহৃতং আসাদ্য স্বামী ধর্মস্থেন গ্রাহযেত্
03.16.11 দেশকালাতিপত্তৌ বা স্বযং গৃহীত্বা উপহরেত্
03.16.12 ধর্মস্থশ্চ স্বামিনং অনুযুঞ্জীত কুতঃ তে লব্ধম্ ইতি
03.16.13 স চেদ্ আচারক্রমং দর্শযেত, ন বিক্রেতারং, তস্য দ্রব্যস্যাতিসর্গেণ মুচ্যেত
03.16.14 বিক্রেতা চেদ্ দৃশ্যেত, মূল্যং স্তেযদণ্ডং চ দদ্যাত্
03.16.15 স চেদ্ অপসারং অধিগচ্ছেদ্ অপসরেদ্ আঽপসারক্ষযাত্
03.16.16 ক্ষযে মূল্যং স্তেযদণ্ডং চ দদ্যাত্
03.16.17 নাষ্টিকশ্চ স্বকরণং কৃত্বা নষ্টপ্রত্যাহৃতং লভেত
03.16.18 স্বকরণাভাবে পঞ্চবন্ধো দণ্ডঃ
03.16.19 তচ্চ দ্রব্যং রাজধর্ম্যং স্যাত্
03.16.20 নষ্টাপহৃতং অনিবেদ্য উত্কর্ষতঃ স্বামিনঃ পূর্বঃ সাহসদণ্ডঃ
03.16.21 শুল্কস্থানে নষ্টাপহৃত উত্পন্নং তিষ্ঠেত্
03.16.22 ত্রিপক্ষাদ্ ঊর্ধ্বং অনভিসারং রাজা হরেত্, স্বামী বা স্বকরণেন
03.16.23 পঞ্চপণিকং দ্বিপদরূপস্য নিষ্ক্রযং দদ্যাত্, চতুষ্পণিকং একখুরস্য, দ্বিপণিকং গোমহিষস্য, পাদিকং ক্ষুদ্রপশূনাম্
03.16.24 রত্নসারফল্গুকুপ্যানাং পঞ্চকং শতং দদ্যাত্
03.16.25 পরচক্রাটবীহৃতং তু প্রত্যানীয রাজা যথাস্বং প্রযচ্ছেত্
03.16.26 চোরহৃতং অবিদ্যমানং স্বদ্রব্যেভ্যঃ প্রযচ্ছেত্, প্রত্যানেতুং অশক্তো বা
03.16.27 স্বযঙ্গ্রাহেণাহৃতং প্রত্যানীয তন্নিষ্ক্রযং বা প্রযচ্ছেত্
03.16.28 পরবিষযাদ্ বা বিক্রমেণানীতং যথাপ্রদিষ্টং রাজ্ঞা ভুঞ্জীত, অন্যত্রার্যপ্রাণেভ্যো দেবব্রাহ্মণতপস্বিদ্রব্যেভ্যশ্চ ইত্যস্বামিবিক্রযঃ |
03.16.29 স্বস্বামিসম্বন্ধঃ তু – ভোগানুবৃত্তিরুচ্ছিন্নদেশানাং যথাস্বং দ্রব্যাণাম্
03.16.30 যত্ স্বং দ্রব্যং অন্যৈর্ভুজ্যমানং দশ বর্ষাণ্যুপেক্ষেত, হীযেতাস্য, অন্যত্র বালবৃদ্ধব্যাধিতব্যসনিপ্রোষিতদেশত্যাগরাজ্যবিভ্রমেভ্যঃ
03.16.31 বিংশতিবর্ষ উপেক্ষিতং অনবসিতং বাস্তু নানুযুঞ্জীত
03.16.32 জ্ঞাতযঃ শ্রোত্রিযাঃ পাষণ্ডা বা রাজ্ঞাং অসংনিধৌ পরবাস্তুষু বিবসন্তো ন ভোগেন হরেযুঃ, উপনিধিং আধিং নিধিং নিক্ষেপং স্ত্রিযং সীমানং রাজশ্রোত্রিযদ্রব্যাণি চ
03.16.33 আশ্রমিণঃ পাষণ্ডা বা মহত্যবকাশে পরস্পরং অবাধমানা বসেযুঃ
03.16.34 অল্পাং বাধাং সহেরন্
03.16.35 পূর্বাগতো বা বাসপর্যাযং দদ্যাত্
03.16.36 অপ্রদাতা নিরস্যেত
03.16.37 বানপ্রস্থযতিব্রহ্মচারিণাং আচার্যশিষ্যধর্মভ্রাতৃসমানতীর্থ্যা রিক্থভাজঃ ক্রমেণ
03.16.38 বিবাদপদেষু চ এষাং যাবন্তঃ পণা দণ্ডাঃ তাবতী রাত্রীঃ ক্ষপণাভিষেকাগ্নিকার্যমহাকচ্ছবর্ধনানি রাজ্ঞশ্চরেযুঃ
03.16.39 অহিরণ্যসুবর্ণাঃ পাষঢাঃ সাধবঃ
03.16.40 তে যথাস্বং উপবাসব্রতৈরারাধযেযুঃ, অন্যত্র পারুষ্যস্তেযসাহসসঙ্গ্রহণেভ্যঃ
03.16.41 তেষু যথা উক্তা দণ্ডাঃ কার্যাঃ
03.16.42ab প্রব্রজ্যাসু বৃথাঽঽচারান্ রাজা দণ্ডেন বারযেত্ |
03.16.42chd ধর্মো হ্যধর্ম উপহতঃ শাস্তারং হন্ত্যুপেক্ষিতঃ ( ইতি)

Chapt | Forcible seizure
03.17.01 সাহসং অন্বযবত্ প্রসভকর্ম
03.17.02 নিরন্বযে স্তেযং, অপব্যযনে চ
03.17.03 রত্নসারফল্গুকুপ্যানাং সাহসে মূল্যসমো দণ্ডঃ ইতি মানবাঃ
03.17.04 মূল্যদ্বিগুণঃ ইত্যৌশনসাঃ
03.17.05 যথাঽপরাধ ইতি কৌটিল্যঃ
03.17.06 পুষ্পফলশাকমূলকন্দপক্বান্নচর্মবেণুমৃদ্ভাণ্ডাদীনাং ক্ষুদ্রকদ্রব্যাণাং দ্বাদ্শপণাবরশ্চতুর্বিংশতিপণপরো দণ্ডঃ
03.17.07 কালাযসকাষ্ঠরজ্জুদ্রব্যক্ষুদ্রপশুপটাদীনাং স্থূলকদ্রব্যাণাং চতুর্বিংশতিপণাবরোঽষ্টচত্বারিংশত্পণপরো দণ্ডঃ
03.17.08 তাম্রবৃত্তকংসকাচদন্তভাণ্ডাদীনাং স্থূলকদ্রব্যাণাং অষ্টচত্বারিংশত্পণাবরঃ ষণ্ঁঅবতিপরঃ পূর্বঃ সাহসদণ্ডঃ
03.17.09 মহাপশুমনুষ্যক্ষেত্রগৃহহিরণ্যসুবর্ণসূক্ষ্মবস্ত্রাদীনাং স্থূলকদ্রব্যাণাং দ্বিশতাবরঃ পঞ্চশতপরো মধ্যমঃ সাহসদণ্ডঃ
03.17.10 স্ত্রিযং পুরুষং বাঽভিষহ্য বধ্নতো বন্ধযতো বন্ধং বা মোক্ষযতঃ পঞ্চশতাবরঃ সহস্রপর উত্তমঃ সাহসদণ্ডঃ ইত্যাচার্যাঃ ||
03.17.11 যঃ সাহসং প্রতিপত্তা ইতি কারযতি স দ্বিগুণং দদ্যাত্
03.17.12 যাবদ্দ্ হিরণ্যং উপযোক্ষ্যতে তাবদ্ দাস্যামি ইতি স চতুর্গুণং দণ্ডং দদ্যাত্
03.17.13 যঃ এতাবদ্দ্ হিরণ্যং দাস্যামি ইতি প্রমাণং উদ্দিশ্য কারযতি স যথা উক্তং হিরণ্যং দণ্ডং চ দদ্যাত্ ইতি বার্হস্পত্যাঃ
03.17.14 স চেত্ কোপং মদং মোহং বাঽপদিশেদ্ যথা উক্তবদ্ দণ্ডং এনং কুর্যাদ্ ইতি কৌটিল্যঃ
03.17.15ab দণ্ডকর্মসু সর্বেষু রূপং অষ্টপণং শতম্ |
03.17.15chd শতাত্ পরেষু ব্যাজীং চ বিদ্যাত্ পঞ্চপণং শতম্
03.17.16ab প্রজানাং দোষবাহুল্যাদ্ রাজ্ঞাং বা ভাবদোষতঃ |
03.17.16chd রূপব্যাজ্যাবধর্মিষ্ঠে ধর্ম্যা তু প্রকৃতিঃ স্মৃতা ( ইতি)

Chapt | Verbal iJNjurয্
03.18.01 বাক্পারুষ্যং উপবাদঃ কুত্সনং অভিভর্ত্সনং ইতি
03.18.02 শরীরপ্রকৃতিশ্রুতবৃত্তিজনপদানাং শরীর উপবাদে কাণখঞ্জাদিভিঃ সত্যে ত্রিপণো দণ্ডঃ, মিথ্যা উপবাদে ষট্পণো দণ্ডঃ
03.18.03 শোভনাক্ষিমন্তঃ ইতি কাণখঞ্জাদীনাং স্তুতিনিন্দাযাং দ্বাদশপণো দণ্ডঃ
03.18.04 কুষ্ঠ উন্মাদক্লৈব্যাদিভিঃ কুত্সাযাং চ সত্যমিথ্যাস্তুতিনিন্দাসু দ্বাদশপণ উত্তরা দণ্ডাঃ তুল্যেষু
03.18.05 বিশিষ্টেষু দ্বিগুণাঃ, হীনেষ্বর্ধদণ্ডাঃ, পরস্ত্রীষু দ্বিগুণাঃ, প্রমাদমদমোহাদিভিরর্ধদণ্ডাঃ
03.18.06 কুষ্ঠ উন্মাদযোশ্চিকিত্সকাঃ সংনিকৃষ্টা পুমাংসশ্চ প্রমাণং, ক্লীবভাবে স্ত্রিযো মূত্রফেনোঽপ্সু বিষ্ঠানিমজ্জনং চ
03.18.07 প্রকৃত্য্.উপবাদে ব্রাহ্মণক্ষত্রিযবৈশ্যশূদ্রান্তাবসাযিনাং অপরেণ পূর্বস্য ত্রিপণ উত্তরা দণ্ডাঃ, পূর্বেণাপরস্য দ্বিপণাধরাঃ, কুব্রাহ্মণাদিভিশ্চ কুত্সাযাম্
03.18.08 তেন শ্রুত উপবাদো বাগ্জীবনানাং, কারুকুশীলবানাং বৃত্ত্য্.উপবাদঃ, প্রাজ্জূণকগান্ধারাদীনাং চ জনপদ উপবাদা ব্যাখ্যাতাঃ
03.18.09 যঃ পরং এবং ত্বাং করিষ্যামি ইতি করণেনাভিভর্ত্সযেদ্, অকরণে যঃ তস্য করণে দণ্ডঃ ততোঽর্ধদণ্ডং দদ্যাত্
03.18.10 অশক্তঃ কোপং মদং মোহং বাঽপদিশেদ্ দ্বাদশপণং দণ্ডং দদ্যাত্
03.18.11 জাতবৈরাশযঃ শক্তশ্চাপকর্তুং যাবজ্জীবিকাবস্থং দদ্যাত্
03.18.12ab স্বদেশগ্রামযোঃ পূর্বং মধ্যমং জাতিসঙ্ঘযোঃ |
03.18.12chd আক্রোশাদ্ দেবচৈত্যানাং উত্তমং দণ্ডং অর্হতি ( ইতি)

Chapt | Physical iJNjurয্
03.19.01 দণ্ডপারুষ্যং স্পর্শনং অবগূর্ণং প্রহতং ইতি
03.19.02 নাভেরধঃকাযং হস্তপঙ্কভস্মপাংসুভিরিতি স্পৃশতঃ ত্রিপণো দণ্ডঃ, তৈরেবামেধ্যৈঃ পাদষ্ঠীবিকাভ্যাং চ ষট্পণঃ, ছর্দিমূত্রপুরীষাদিভির্দ্বাদশপণঃ
03.19.03 নাভেরুপরি দ্বিগুণাঃ, শিরসি চতুর্গুণাঃ সমেষু
03.19.04 বিশিষ্টেষু দ্বিগুণাঃ, হীনেষ্বর্ধদণ্ডাঃ, পরস্ত্রীষু দ্বিগুণাঃ, প্রমাদমদমোহাদিভিরর্ধদণ্ডাঃ
03.19.05 পাদবস্ত্রহস্তকেশাবলম্বনেষু ষট্পণ উত্তরা দণ্ডাঃ
03.19.06 পীডনাবেষ্টনাঞ্চনপ্রকর্ষণাধ্যাসনেষু পূর্বঃ সাহসদণ্ডঃ
03.19.07 পাতযিত্বাঽপক্রামতোঽর্ধদণ্ডঃ
03.19.08 শূদ্রো যেনাঙ্গেন ব্রাহ্মণং অভিহন্যাত্ তদ্ অস্যচ্ছেদযেত্
03.19.09 অবগূর্ণে নিষ্ক্রযঃ, স্পর্শেঽর্ধদণ্ডঃ
03.19.10 তেন চণ্ডালাশুচযো ব্যাখ্যাতঃ
03.19.11 হস্তেনাবগূর্ণে ত্রিপণাবরো দ্বাদশপণপরো দণ্ডঃ, পাদেন দ্বিগুণঃ, দুঃখ উত্পাদনেন দ্রব্যেণ পূর্বঃ সাহসদণ্ডঃ, প্রাণাবাধিকেন মধ্যমঃ
03.19.12 কাষ্ঠলোষ্টপাষাণলোহদণ্ডরজ্জুদ্রব্যাণাং অন্যতমেন দুঃখং অশোণিতং উত্পাদযতশ্চতুর্বিংশতিপণো দণ্ডঃ, শোণিত উত্পাদনে দ্বিগুণঃ, অন্যত্র দুষ্টশোণিতাত্
03.19.13 মৃতকল্পং অশোণিতং ঘ্নতো হস্তপাদপারঞ্চিকং বা কুর্বতঃ পূর্বঃ সাহসদণ্ডঃ, পাণিপাদদন্তভঙ্গে কর্ণনাসাচ্ছেদনে ব্রণবিদারণে চ্চ, অন্যত্র দুষ্টব্রণেভ্যঃ
03.19.14 সক্থিগ্রীবাভঞ্জনে নেত্রভেদনে বা বাক্যচেষ্টাভোজন উপরোধেষু চ মধ্যমঃ সাহসদণ্ডঃ সমুত্থানব্যযশ্চ
03.19.15 বিপত্তৌ কণ্টকশোধনায নীযেত
03.19.16 মহাজনস্য একং ঘ্নতঃ প্রত্যেকং দ্বিগুণো দণ্ডঃ
03.19.17 পর্যুষিতঃ কলহোঽনুপ্রবেশো বা নাভিযোজ্যঃ ইত্যাচার্যাঃ
03.19.18 নাস্ত্যপকারিণো মোক্ষ ইতি কৌটিল্যঃ
03.19.19 কলহে পূর্বাগতো জযতি, অক্ষমমাণো হি প্রধাবতি ইত্যাচার্যাঃ
03.19.20 ন ইতি কৌটিল্যঃ
03.19.21 পূর্বং পশ্চাদ্ বাঽভিগতস্য সাক্ষিণঃ প্রমাণং, অসাক্ষিকে ঘাতঃ কলহ উপলিঙ্গনং বা
03.19.22 ঘাতাভিযোগং অপ্রতিব্রুবতঃ তদ্ অহরেব পশ্চাত্কারঃ
03.19.23 কলহে দ্রব্যং অপহরতো দশপণো দণ্ডঃ, ক্ষুদ্রকদ্রব্যহিংসাযাং তচ্চ তাবচ্চ দণ্ডঃ, স্থূলকদ্রব্যহিংসাযাং তচ্চ দ্বিগুণশ্চ দণ্ডঃ, বস্ত্রাভরণহিরণ্যসুবর্ণভাণ্ডহিংসাযাং তচ্চ পূর্বশ্চ সাহসদণ্ডঃ
03.19.24 পরকুড্যং অভিঘাতেন ক্ষোভযতঃ ত্রিপণো দণ্ডঃ, ছেদনভেদনে ষট্পণঃ, প্রতীকারশ্চ
03.19.25 দুঃখ উত্পাদনং দ্রব্যং অন্যবেশ্মনি প্রক্ষিপতো দ্বাদশপণো দণ্ডঃ, প্রাণাবাধিকং পূর্বঃ সাহসদণ্ডঃ
03.19.26 ক্ষুদ্রপশূনাং কাষ্ঠাদিভির্দুঃখ উত্পাদনে পণো দ্বিগুণো বা দণ্ডঃ, শোণিত উত্পাদনে দ্বিগুণঃ
03.19.27 মহাপশূনাং এতেষ্বেব স্থানেষ্ব্দ্বিগুণো দণ্ডঃ সমুত্থানব্যযশ্চ
03.19.28 পুর উপবনবনস্পতীনাং পুষ্পফলচ্ছাযাবতাং প্ররোহচ্ছেদনে ষট্পণঃ, ক্ষুদ্রশাখাচ্ছেদনে দ্বাদশপণঃ, পীনশাখাচ্চ্ছেদনে চতুর্বিংশতিপণঃ, স্কন্ধবধে পূর্বঃ সাহসদণ্ডঃ, সমুচ্ছিত্তৌ মধ্যমঃ
03.19.29 পুষ্পফলচ্ছাযাবদ্গুল্মলতাস্বর্ধদণ্ডাঃ, পুণ্যস্থানতপোবনশ্মশানদ্রুমেষু চ
03.19.30ab সীমবৃক্ষেষু চৈত্যেষু দ্রুমেষ্বালক্ষিতেষু চ |
03.19.30chd ত এব দ্বিগুণা দণ্ডাঃ কার্যা রাজবনেষু চ ( ইতি)

Chapt | Gambling and betting
Mischellaneous
03.20.01 দ্যূতাধ্যক্ষো দ্যূতং একমুখং কারযেত্
03.20.02 অন্যত্র দীব্যতো দ্বাদশপণো দণ্ডো গূঢাজীবিজ্ঞাপনার্থম্
03.20.03 দ্যূতাভিযোগে জেতুঃ পূর্বঃ সাহসদণ্ডঃ, পরাজিতস্য মধ্যমঃ
03.20.04 বালিশজাতীযো হ্যেষ জেতুকামঃ পরাজযং ন ক্ষমতে ইত্যাচার্যাঃ
03.20.05 ন ইত্য্কৌটিল্যঃ
03.20.06 পরাজিতশ্চেদ্ দ্বিগুণদণ্ডঃ ক্রিযেত ন কশ্চন রাজানং অভিসরিষ্যতি
03.20.07 প্রাযশো হি কিতবাঃ কূটদেবিনঃ
03.20.08 তেষাং অধ্যক্ষাঃ শুদ্ধাঃ কাকণীরক্ষাংশ্চ স্থাপযেযুঃ
03.20.09 কাকণ্য্ঽক্ষাণাং অন্য উপধানে দ্বাদশপণো দণ্ডঃ, কূটকর্মণি পূর্বঃ সাহসদণ্ডো জিতপ্রত্যাদানং, উপধৌ স্তেযদণ্ডশ্চ
03.20.10 জিতদ্রব্যাদ্ অধ্যক্ষঃ পঞ্চকং শতং আদদীত, কাকণ্য্ঽক্ষারালাশলাকাঽবক্রযং উদকভূমিকর্মক্রযং চ
03.20.11 দ্রব্যাণাং আধানং বিক্রযং চ কুর্যাত্
03.20.12 অক্ষভূমিহস্তদোষাণাং চাপ্রতিষেধনে দ্বিগুণো দণ্ডঃ
03.20.13 তেন সমাহ্বযো ব্যাখ্যাতঃ, অন্যত্র বিদ্যাশিল্পসমাহ্বযাত্ | ইতি
03.20.14 প্রকীর্ণকং তু – যাচিতকাবক্রীতকাহিতকনিক্ষেপকাণাং যথাদেশকালং অদানে, যামচ্ছাযাসমুপবেশসংস্থিতীনাং বা দেশকালাতিপাতনে, গুল্মতরদেযং ব্রাহ্মণং সাধযতঃ, প্রতিবেশানুবেশযোরুপরি নিমন্ত্রণে চ দ্বাদশপণো দণ্ডঃ
03.20.15 সন্দিষ্টং অর্থং অপ্রযচ্ছতো, ভ্রাতৃভার্যাং হস্তেন লঙ্ঘযতো, রূপাজীবাং অন্য উপরুদ্ধাং গচ্ছতঃ, পরবক্তব্যং পণ্যং ক্রীণানস্য, সমুদ্রং গৃহং উদ্ভিন্দতঃ, সামন্তচত্বারিংশত্কুল্যাবাধাং আচরতশ্চাষ্টচত্বারিংশত্পণো দণ্ডঃ
03.20.16 কুলনীবীগ্রাহকস্যাপব্যযনে, বিধবাং ছন্দবাসিনীং প্রসহ্যাধিচরতঃ, চণ্ডালস্যার্যাং স্পৃশতঃ, প্রত্যাসন্নং আপদ্যনভিধাবতো, নিষ্কারণং অভিধাবনং কুর্বতঃ, শাক্যাজীবকাদীন্ বৃষলপ্রব্রজিতান্ দেবপিতৃকার্যেষু ভোজযতঃ শত্যো দণ্ডঃ
03.20.17 শপথবাক্যানুযোগং অনিষৃষ্টং কুর্বতঃ, যুক্তকর্ম চাযুক্তস্য, ক্ষুদ্রপশুবৃষাণাং পুংস্ত্ব উপঘাতিনঃ, দাস্যা গর্ভং ঔষধেন পাতযতশ্চ পূর্বঃ সাহসদণ্ডঃ
03.20.18 পিতাপুত্রযোর্দম্পত্যোর্ভ্রাতৃভগিন্যোর্মাতুলভগিনেযযোঃ শিষ্যাচার্যযোর্বা পরস্পরং অপতিতং ত্যজতঃ, সার্থাভিপ্রযাতং গ্রামমধ্যে বা ত্যজতঃ পূর্বঃ সাহসদণ্ডঃ, কান্তারে মধ্যমঃ, তন্নিমিত্তং ভ্রেষযত উত্তমঃ, সহপ্রস্থাযিষ্বন্যেষ্বর্ধদণ্ডাঃ
03.20.19 পুরুষং অবন্ধনীযং বধ্নতো বন্ধযতো বন্ধং বা মোক্ষযতো, বালং অপ্রাপ্তব্যবহারং বধ্নতো বন্ধযতো বা সহস্রং দণ্ডঃ
03.20.20 পুরুষাপরাধবিশেষেণ দণ্ডবিশেষঃ কার্যঃ
03.20.21 তীর্থকরঃ তপস্বী ব্যাধিতঃ ক্ষুত্পিপাসাঽধ্বক্লান্তঃ তিরোজনপদো দণ্ডখেদী নিষ্কিঞ্চনশ্চানুগ্রাহ্যাঃ
03.20.22 দেবব্রাহ্মণতপস্বিস্ত্রীবালবৃদ্ধব্যাধিতানাং অনাথানাং অনভিসরতাং ধর্মস্থাঃ কার্যাণি কুর্যুঃ, ন চ দেশকালভোগচ্ছলেনাতিহরেযুঃ
03.20.23 পূজ্যা বিদ্যাবুদ্ধিপৌরুষাভিজনকর্মাতিশযতশ্চ পুরুষাঃ
03.20.24ab এবং কার্যাণি ধর্মস্থাঃ কুর্যুরচ্ছলদর্শিনঃ |
03.20.24chd সমাঃ সর্বেষু ভাবেষু বিশ্বাস্যা লোকসম্প্রিযাঃ ( ইতি)