অর্থশাস্ত্র ০৯

কৌটিলীয অর্থশাস্ত্রং – ০৯

Book |
Chapt | শক্তিদেশকালবলাবলজ্ঞানং – যাত্রাকালাঃ
09.1.01 বিজিগীষুরাত্মনঃ পরস্য চ বলাবলং শক্তিদেশকালযাত্রাকালবলসমুদ্দানকালপশ্চাত্কোপক্ষযব্যযলাভাপদাং জ্ঞাত্বা বিশিষ্টবলো যাযাত্, অন্যথাঽঽসীত
09.1.02 উত্সাহপ্রভাবযোরুত্সাহঃ শ্রেযান্
09.1.03 স্বযং হি রাজা শূরো বলবান্ অরোগঃ কৃতাস্ত্রো দণ্ডদ্বিতীযোঽপি শক্তঃ প্রভাববন্তং রাজানং জেতুম্
09.1.04 অল্পোঽপি চাস্য দণ্ডঃ তেজসা কৃত্যকরো ভবতি
09.1.05 নিরুত্সাহঃ তু প্রভাববান্ রাজা বিক্রমাভিপন্নো নশ্যতি ইত্যাচার্যাঃ
09.1.06 ন ইতি কৌটিল্যঃ
09.1.07 প্রভাববান্ উত্সাহবন্তং রাজানং প্রভাবেনাতিসন্ধত্তে তদ্বিশিষ্টং অন্যং রাজানং আবাহ্য ভৃত্বা ক্রীত্বা প্রবীরপুরুষান্
09.1.08 প্রভূতপ্রভাবহযহস্তিরথ উপকরণসম্পন্নশ্চাস্য দণ্ডঃ সর্বত্রাপ্রতিহতশ্চরতি
09.1.09 উত্সাহবতশ্চ প্রভাববন্তো জিত্বা ক্রীত্বা চ স্ত্রিযো বালাঃ পঙ্গবোঽন্ধাশ্চ পৃথিবীং জিগ্যুরিতি
09.1.10 প্রভাবমন্ত্রযোঃ প্রভাবঃ শ্রেযান্
09.1.11 মন্ত্রশক্তিসম্পন্নো হি বন্ধ্যবুদ্ধিরপ্রভাবো ভবতি
09.1.12 মন্ত্রকর্ম চাস্য নিশ্চিতং অপ্রভাবো গর্ভধান্যং অবৃষ্টিরিব উপহন্তি ইত্যাচার্যাঃ
09.1.13 ন ইতি কৌটিল্যঃ
09.1.14 মন্ত্রশক্তিঃ শ্রেযসী
09.1.15 প্রজ্ঞাশাস্ত্রচক্ষুর্হি রাজাঽল্পেনাপি প্রযত্নেন মন্ত্রং আধাতুং শক্তঃ পরান্ উত্সাহপ্রভাববতশ্চ সামাদিভির্যোগ উপনিষদ্ভ্যাং চাতিসন্ধাতুম্
09.1.16 এবং উত্সাহপ্রভাবমন্ত্রশক্তীনাং উত্তর উত্তরাধিকোঽতিসন্ধত্তে
09.1.17 দেশঃ পৃথিবী
09.1.18 তস্যাং হিমবত্সমুদ্রান্তরং উদীচীনং যোজনসহস্রপরিমাণং তির্যক্ চক্রবর্তিক্ষেত্রম্
09.1.19 তত্রারণ্যো গ্রাম্যঃ পর্বত ঔদকো ভৌমঃ সমো বিষম ইতি বিশেষাঃ
09.1.20 তেষু যথাস্ববলবৃদ্ধিকরং কর্ম প্রযুঞ্জীত
09.1.21 যত্রাত্মনঃ সৈন্যব্যাযামানাং ভূমিঃ, অভূমিঃ পরস্য, স উত্তমো দেশঃ, বিপরীতোঽধমঃ, সাধারণো মধ্যমঃ
09.1.22 কালঃ শীত উষ্ণবর্ষাত্মা
09.1.23 তস্য রাত্রিরহঃ পক্ষো মাস ঋতুরযনং সংবত্সরো যুগং ইতি বিশেষাঃ
09.1.24 তেষু যথাস্ববলবৃদ্ধিকরং কর্মপ্রযুঞ্জীত
09.1.25 যত্রাত্মনঃ সৈন্যব্যাযামানাং ঋতুঃ অনৃতুঃ পরস্য, স উত্তমঃ কালঃ, বিপরীতোঽধমঃ, সাধারণো মধ্যমঃ
09.1.26 শক্তিদেশকালানাং তু শক্তিঃ শ্রেযসী ইত্যাচার্যাঃ
09.1.27 শক্তিমান্ হি নিম্নস্থলবতো দেশস্য শীত উষ্ণবর্ষবতশ্চ কালস্য শক্তঃ প্রতীকারে ভবতি
09.1.28 দেশঃ শ্রেযান্ ইত্যেকে
09.1.29 স্থলগতো হি শ্বা নক্রং বিকর্ষতি, নিম্নগতো নক্রঃ শ্বানম্ ইতি
09.1.30 কালঃ শ্রেযান্ ইত্যেকে
09.1.31 দিবা কাকঃ কৌশিকং হন্তি, রাত্রৌ কৌশিকঃ কাকম্ ইতি
09.1.32 ন ইতি কৌটিল্যঃ
09.1.33 পরস্পরসাধকা হি শক্তিদেশকালাঃ
09.1.34 তৈরভ্যুচ্চিতঃ তৃতীযং চতুর্থং বা দণ্ডস্যাংশং মূলে পার্ষ্ণ্যাং প্রত্যন্তাটবীষু চ রক্ষা বিধায কার্যসাধনসহং কোশদণ্ডং চাদায ক্ষীণপুরাণভক্তং অগৃহীতনবভক্তং অসংস্কৃতদুর্গমমিত্রং বার্ষিকং চাস্য সস্যং হৈমনং চ মুষ্টিং উপহন্তুং মার্গশীর্ষীং যাত্রাং যাযাত্
09.1.35 হৈমানং চাস্য সস্যং বাসন্তিকং চ মুষ্টিং উপহন্তুং চৈত্রীং যাত্রাং যাযাত্
09.1.36 ক্ষীণকৃণকাষ্ঠ উদকং অসংস্কৃতদুর্গমমিত্রং বাসন্তিকং চাস্য সস্যং বার্ষিকীং চ মুষ্টিং উপহন্তুং জ্যেষ্ঠামূলীযাং যাত্রাং যাযাত্
09.1.37 অত্যুষ্ণং অল্পযবস ইন্ধন উদকং বা দেশং হেমন্তে যাযাত্
09.1.38 তুষারদুর্দিনং অগাধনিম্নপ্রাযং গহনতৃণবৃক্ষং বা দেশং গ্রীষ্মে যাযাত্
09.1.39 স্বসৈন্যব্যাযামযোগ্যং পরস্যাযোগ্যং বর্ষতি যাযাত্
09.1.40 মার্গশীর্ষীং তৈষীং চান্তরেণ দীর্ঘকালাং যাত্রাং যাযাত্, চৈত্রীং বৈশাখীং চান্তরেণ মধ্যমকালাং, জ্যেষ্ঠামূলীযাং আষাঢীং চান্তরেণ হ্রস্বকালাং, উপোষিষ্যন্ ব্যসনে চতুর্থীম্
09.1.41 ব্যসনাভিযানং বিগৃহ্যযানে ব্যাখ্যাতম্
09.1.42 প্রাযশশ্চাচার্যাঃ পরব্যসনে যাতব্যম্ ইত্যুপদিশন্তি
09.1.43 শক্ত্য্.উদযে যাতব্যং অনৈকান্ন্তিকত্বাদ্ ব্যসনানাং ইতি কৌটিল্যঃ
09.1.44 যদা বা প্রযাতঃ কর্শযিতুং উচ্ছেতুং বা শক্নুযাদ্ অমিত্রং তদা যাযাত্
09.1.45 অত্যুষ্ণ উপক্ষীণে কালে হস্তিবলপ্রাযো যাযাত্
09.1.46 হস্তিনো হ্যন্তঃস্বেদাঃ কুষ্ঠিনো ভবন্তি
09.1.47 অনবগাহমানাঃ তোযং অপিবন্তশ্চান্তর্ঽবক্ষারাচ্চান্ধীভবন্তি
09.1.48 তস্মাত্ প্রভূত উদকে দেশে বর্ষতি চ হস্তিবলপ্রাযো যাযাত্
09.1.49 বিপর্যযে খর উষ্ট্রাশ্ববলপ্রাযো দেশং অল্পবর্ষপঙ্কম্
09.1.50 বর্ষতি মরুপ্রাযং চতুর্ঽঙ্গবলো যাযাত্
09.1.51 সমবিষমনিম্নস্থলহ্রস্বদীর্ঘবশেন বাঽধ্বনো যাত্রাং বিভজেত্
09.1.52ab সর্বা বা হ্রস্বকালাঃ স্যুর্যাতব্যাঃ কার্যলাঘবাত্ |
09.1.52chd দীর্ঘাঃ কার্যগুরুত্বাদ্ বা বর্ষাবাসঃ পরত্র চ ( ইতি)

Chapt | বল উপাদানকালাঃ -সম্নাহগুণাঃ -প্রতিবলকর্ম
09.2.01 মৌলভৃতকশ্রেণীমিত্রামিত্রাটবীবলানাং সমুদ্দানকালাঃ
09.2.02 মূলরক্ষণাদ্ অতিরিক্তং মৌলবলং, অত্যাবাপযুক্তা বা মৌলা মূলে বিকুর্বীরন্, বহুলানুরক্তমৌলবলঃ সারবলো বা প্রতিযোদ্ধা, ব্যাযামেন যোদ্ধব্যং, প্রকৃষ্টেঽধ্বনি কালে বা ক্ষযব্যযসহত্বান্ মৌলানাং, বহুলানুরক্তসম্পাতে চ যাতব্যস্য উপজাপভযাদ্ অন্যসৈন্যানাং ভৃতাদীনাং অবিশ্বাসে, বলক্ষযে বা সর্বসৈন্যানাং – ইতি মৌলবলকালঃ
09.2.03 প্রভূতং মে ভৃতবলং অল্পং চ মৌলবলম্ণ্ পরস্যাল্পং বিরক্তং বা মৌলবলং, ফল্গুপ্রাযং অসারং বা ভৃতসৈন্যম্ণ্ মন্ত্রেণ যোদ্ধব্যং অল্পব্যাযামেনণ্ হ্রস্বো দেশঃ কালো বা তনুক্ষযব্যযহ্ণ্ অল্পাবাপং শান্ত উপজাপং বিশ্বস্তং বা মে সৈন্যম্ণ্ পরস্যাল্পঃ প্রসারো হন্তব্যহ্ণ্ – ইতি ভৃতবলকালঃ
09.2.04 প্রভূতং মে শ্রেণীবলং, শক্যং মূলে যাত্রাযাং চাধাতুম্ণ্ হ্রস্বঃ প্রবাসঃ, শ্রেণীবলপ্রাযঃ প্রতিযোদ্ধা মন্ত্রব্যাযামাভ্যাং প্রতিযোদ্ধুকামঃ, দণ্ডবলব্যবহারঃ – ইতি শ্রেণীবলকালঃ
09.2.05 প্রভূতং মে মিত্রবলং শক্যং মূলে যাত্রাযাং চাধাতুম্ণ্ অল্পঃ প্রবাসো মন্ত্রযুদ্ধাচ্চ ভূযো ব্যাযামযুদ্ধম্ণ্ মিত্রবলেন বা পূর্বং অটবীং নগরস্থানং আসারং বা যোধযিত্বা পশ্চাত্ স্ববলেন যোদ্ধযিষ্যামিণ্ মিত্রসাধারণং বা মে কার্যম্ণ্ মিত্রাযত্তা বা মে কার্যসিদ্ধিহ্ণ্ আসন্নং অনুগ্রাহ্যং বা মে মিত্রম্ণ্ অত্যাবাপং বাঽস্য সাদযিষ্যামি – ইতি মিত্রবলকালঃ
09.2.06 প্রভূতং মে শত্রুবলং, শত্রুবলেন যোধযিষ্যামি নগরস্থানং অটবীং বা, তত্র মে শ্ববরাহযোঃ কলহে চণ্ডালস্য ইবান্যতরসিদ্ধির্ভবিষ্যতিণ্ আসারাণাং অটবীনাং বা কণ্টকমর্দনং এতত্ করিষ্যামিণ্ – অত্যুপচিতং বা কোপভযান্নিত্যং আসন্নং অরিবলং বাসযেদ্, অন্যত্রাভ্যন্তরকোপশঙ্কাযাঃ – শত্রুযুদ্ধাবরযুদ্ধকালশ্চ – ইত্যমিত্রবলকালঃ
09.2.07 তেনাটবীবলকালো ব্যাখ্যাতঃ
09.2.08 মার্গাদেশিকং, পরভূমিযোগ্যং, অরিযুদ্ধপ্রতিলোমং, অটবীবলপ্রাযঃ শত্রুর্বা, বিল্বং বিল্বেন হন্যতাম্ণ্ অল্পঃ প্রসারো হন্তব্যঃ – ইত্যটবীবলকালঃ
09.2.09 সৈন্যং অনেকং অনেকস্থং উক্তং অনুক্তং বা বিলোপার্থং যদ্ উত্তিষ্ঠতি তদ্ ঔত্সাহিকং – অভক্তবেতনং বিলোপবিষ্টিপ্রতাপকরং ভেদ্যং পরেষাং, অভেদ্যং তুল্যদেশজাতিশিল্পপ্রাযং সংহতং মহত্ ইতি বল উপাদানকালাহ্
09.2.10 তেষাং কুপ্যভৃতং অমিত্রাটবীবলং বিলোপভৃতং বা কুর্যাত্
09.2.11 অমিত্রস্য বা বলকালে প্রত্যুত্পন্নে শত্রুবলং অবগৃহ্ণীযাত্, অন্যত্র বা প্রেষযেত্, অফলং বা কুর্যাত্, বিক্ষিপ্তং বা বাসযেত্, কালে বাঽতিক্রান্তে বিসৃজেত্
09.2.12 পরস্য চ এতদ্ বলসমুদ্দানং বিঘাতযেত্, আত্মনঃ সম্পাদযেত্
09.2.13 পূর্বং পূর্বং চ এষাং শ্রেযঃ সম্নাহযিতুম্
09.2.14 তদ্ভাবভাবিত্বান্নিত্যসত্কারানুগমাচ্চ মৌলবলং ভৃতবলাত্শ্রেযঃ
09.2.15 নিত্যানন্তরং ক্ষিপ্র উত্থাযি বশ্যং ব ভৃতবলং শ্রেণীবলাত্শ্রেযঃ
09.2.16 জানপদং একার্থ উপগতং তুল্যসঙ্ঘর্ষামর্ষসিদ্ধিলাভং চ শ্রেণীবলং মিত্রবলাত্শ্রেযঃ
09.2.17 অপরিমিতদেশকালং একার্থ উপগমাচ্চ মিত্রবলং অমিত্রবলাত্শ্রেযঃ
09.2.18 আর্যাধিষ্ঠিতং অমিত্রবলং অটবীবলাত্শ্রেযঃ
09.2.19 তদ্ উভযং বিলোপার্থম্
09.2.20 অবিলোপে ব্যসনে চ তাভ্যাং অহিভযং স্যাত্
09.2.21 ব্রাহ্মণক্ষত্রিযবৈশ্যশূদ্রসৈন্যানাং তেজঃপ্রাধান্যাত্ পূর্বং পূর্বং শ্রেযঃ সম্নাহযিতুম্ ইত্যাচার্যাঃ
09.2.22 ন ইতি কৌটিল্যঃ
09.2.23 প্রণিপাতেন ব্রাহ্মণবলং পরোঽভিহারযেত্
09.2.24 প্রহরণবিদ্যাবিনীতং তু ক্ষত্রিযবলং শ্রেযঃ, বহুলসারং বা বৈশ্যশূদ্রবলং ইতি
09.2.25 তস্মাদ্ এবম্বলঃ পরঃ, তস্য এতত্ প্রতিবলং ইতি বলসমুদ্দানং কুর্যাত্
09.2.26 হস্তিযন্ত্রশকটগর্ভকুন্তপ্রাসহাটকবেণুশল্যবদ্ হস্তিবলস্য প্রতিবলম্
09.2.27 তদ্ এব পাষাণলগুডাবরণাঙ্কুশকচগ্রহণীপ্রাযং রথবলস্য প্রতিবলম্
09.2.28 তদ্ এবাশ্বানাং প্রতিবলং, বর্মিণো বা হস্তিনোঽশ্বা বা বর্মিণঃ
09.2.29 কবচিনো রথা আবরণিনঃ পত্তযশ্চ চতুর্ঽঙ্গবলস্য প্রতিবলম্
09.2.30ab এবং বলসমুদ্দানং পরসৈন্যনিবারণম্ |
09.2.30chd বিভবেন স্বসৈন্যানাং কুর্যাদ্ অঙ্গবিকল্পশঃ ( ইতি)

Chapt | পশ্চাত্কোপচিন্তা – বাহ্যাভ্যন্তরপ্রকৃতিকোপপ্রতীকারঃ
09.3.01 অল্পঃ পশ্চাত্কোপো মহান্ পুরস্তাল্লাভ ইতি অল্পঃ পশ্চাত্কোপো গরীযান্
09.3.02 অল্পং পশ্চাত্কোপং প্রযাতস্স্য দূষ্যামিত্রাটবিকা হি সর্বতঃ সমেধযন্তি, প্রকৃতিকোপো বা
09.3.03 লব্ধং অপি চ মহান্তং পুরস্তাল্লাহং এবম্ভূতে ভৃত্যমিত্রক্ষযব্যযা গ্রসন্তে
09.3.04 তস্মাত্ সহস্র একীযঃ পুরস্তাল্লাভস্যাযোগঃ শত একীযো বা পশ্চাত্কোপ ইতি ন যাযাত্
09.3.05 সূচীমুখা হ্যনর্থা ইতি লোকপ্রবাদঃ
09.3.06 পশ্চাত্কোপে সামদানভেদদণ্ডান্ প্রযুঞ্জীত
09.3.07 পুরস্তাল্লাভে সেনাপতিং কুমারং বা দণ্ডচারিণং কুর্বীত
09.3.08 বলবান্ বা রাজা পশ্চাত্কোপাবগ্রহসমর্থঃ পুরস্তাল্লাভং আদাতুং যাযাত্
09.3.09 অভ্যন্তরকোপশঙ্কাযাং শঙ্কিতান্ আদায যাযাত্, বাহ্যকোপশঙ্কাযাং বা পুত্রদারং এষাম্
09.3.10 অভ্যন্তরাবগ্রহং কৃত্বা শূন্যপালং অনেকবলবর্গং অনেকমুখ্যং চ স্থাপযিত্বা যাযাত্, ন বা যাযাত্
09.3.11 অভ্যন্তরকোপো বাহ্যকোপাত্ পাপীযান্ ইত্যুক্তং পুরস্তাত্
09.3.12 মন্ত্রপুরোহিতসেনাপতিযুবরাজানাং অন্যতমকোপোঽভ্যন্তরকোপঃ
09.3.13 তং আত্মদোষত্যাগেন পরশক্ত্য্ঽপরাধবশেন বা সাধযেত্
09.3.14 মহাঽপরাধেঽপি পুরোহিতে সম্রোধনং অবস্রাবণং বা সিদ্ধিঃ, যুবরাজে সম্রোধনং নিগ্রহো বা গুণবত্যন্যস্মিন্ সতি পুত্রে
09.3.15 পুত্রং ভ্রাতরং অন্যং বা কুল্যং রাজগ্রাহিণং উত্সাহেন সাধযেত্, উত্সাহাব্ভাবে গৃহীতানুবর্তনসন্ধিকর্মভ্যাং অরিসন্ধানভযাত্
09.3.16 অন্যেভ্যঃ তদ্বিধেভ্যো বা ভূমিদানৈর্বিশ্বাসযেদ্ এনম্
09.3.17 তদ্বিশিষ্টং স্বযঙ্গ্রাহং দণ্ডং বা প্রেষযেত্, সামন্তাটবিকান্ বা, তৈর্বিগৃহীতং অতিসন্দধ্যাত্
09.3.18 অপরুদ্ধাদানং পারগ্রামিকং বা যোগং আতিষ্ঠেত্
09.3.19 এতেন মন্ত্রসেনাপতী ব্যাখ্যাতৌ
09.3.20 মন্ত্র্য্ঽঅদিবর্জানাং অন্তর্ঽমাত্যানাং অন্যতমকোপোঽন্তর্ঽমাত্যকোপঃ
09.3.21 তত্রাপি যথাঽর্হং উপাযান্ প্রযুঞ্জীত
09.3.22 রাষ্ট্রমুখ্যান্তপালাটবিকদণ্ড উপনতানাং অন্যতমকোপো বাহ্যকোপঃ
09.3.23 তং অন্যোন্যেনাবগ্রাহযেত্
09.3.24 অতিদুর্গপ্রতিষ্টব্ধং বা সামন্তাটবিকতত্কুলীনাপরুদ্ধানাং অন্যতমেনাবগ্রাহযেত্
09.3.25 মিত্রেণ উপগ্রাহযেদ্ বা যথা নামিত্রং গচ্ছেত্
09.3.26 অমিত্রাদ্ বা সত্ত্রী ভেদযেদ্ এনং – অযং ত্বা যোগপুরুষং মন্যমানো ভর্তর্যেব বিক্রমযিষ্যতি, অবাপ্তার্থো দণ্ডচারিণং অমিত্রাটবিকেষু কৃচ্ছ্রে বা প্রযাসে যোক্ষ্যতি, বিপুত্রদারং অন্তে বা বাসযিষ্যতি
09.3.27 প্রতিহতবিক্রমং ত্বাং ভর্তর্য্পণ্যং করিষ্যতি, ত্বযা বা সন্ধিং কৃত্বা ভর্তারং এব প্রসাদযিষ্যতি
09.3.28 মিত্রং উপকৃষ্টং বাঽস্য গচ্ছ ইতি
09.3.29 প্রতিপন্নং ইষ্টাভিপ্রাযৈঃ পূজযেত্
09.3.30 অপ্রতিপন্নস্য সংশ্রযং ভেদযেদ্ অসৌ তে যোগপুরুষঃ প্রণিহিতঃ ইতি
09.3.31 সত্ত্রী চ এনং অভিত্যক্তশাসনৈর্ঘাতযেত্, গূঢপুরুষৈর্বা
09.3.32 সহপ্রস্থাযিনো বাঽস্য প্রবীরপুরুষান্ যথাঽভিপ্রাযকরণেনাবাহযেত্
09.3.33 তেন প্রণিহিতান্ সত্ত্রী ব্রূযাত্
09.3.34 ইতি সিদ্ধিঃ
09.3.35 পরস্য চ এনান্ কোপান্ উত্থাপযেত্, আত্মনশ্চ শমযেত্
09.3.36 যঃ কোপং কর্তুং শমযিতুং বা শক্তঃ তত্র উপজাপঃ কার্যঃ
09.3.37 যঃ সত্যসন্ধঃ শক্তঃ কর্মণি ফলাবাপ্তৌ চানুগ্রহীতুং বিনিপাতে চ ত্রাতুং তত্র প্রতিজাপঃ কার্যঃ, তর্কযিতব্যশ্চ কল্যাণবুদ্ধিরুতাহো শঠ ইতি
09.3.38 শঠো হি বাহ্যোঽভ্যন্তরং এবং উপজপতি – ভর্তারং চেদ্দ্ হত্বা মাং প্রতিপাদযিষ্যতি শত্রুবধো ভূমিলাভশ্চ মে দ্বিবিধো লাভো ভবিষ্যতি, অথ বা শত্রুরেনং আহনিষ্যতি ইতি হতবন্ধুপক্ষঃ তুল্যদোষদণ্ডেন উদ্বিগ্নশ্চ মে ভূযান্ অকৃত্যপক্ষো ভবিষ্যতি, তদ্বিধে বাঽন্যস্মিন্ন্ অপি শঙ্কিতো ভবিষ্যতি, অন্যং অন্যং চাস্য মুখ্যং অভিত্যক্তশাসনেন ঘাতযিষ্যামি ইতি
09.3.39 অভ্যন্তরো বা শঠো বাহ্যং এবং উপজপতি – কোশং অস্য হরিষ্যামি, দণ্ডং বাঽস্য হনিষ্যামি, দুষ্টং বা ভর্তারং অনেন ঘাতযিষ্যামি, প্রতিপন্নং বাহ্যং অমিত্রাটবিকেষু বিক্রমযিষ্যামি চক্রং অস্য সজ্যতাং, বৈরং অস্য প্রসজ্যতাং, ততঃ স্বাধীনো মে ভবিষ্যতি, ততো ভর্তারং এব প্রসাদযিষ্যামি, স্বযং বা রাজ্যং গ্রহীষ্যামিণ্ বদ্ধ্বা বা বাহ্যভূমিং ভর্তৃভূমিং চ উভযং অবাপ্স্যামি, বিরুদ্ধং বাঽঽবাহযিত্বা বাহ্যং বিশ্বস্তং ঘাতযিষ্যামি, শূন্যং বাঽস্য মূলং হরিষ্যামি ইতি
09.3.40 কল্যাণবুদ্ধিঃ তু সহজীব্যর্থং উপজপতি
09.3.41 কল্যাণবুদ্ধিনা সন্দধীত, শঠং তথা ইতি প্রতিগৃহ্যাতিসন্দধ্যাত্ – ইতি
09.3.42ab এবং উপলভ্য – পরে পরেভ্যঃ স্বে স্বেভ্যঃ স্বে পরেভ্যঃ স্বতঃ পরে |
09.3.42chd রক্ষ্যাঃ স্বেভ্যঃ পরেভ্যশ্চ নিত্যং আত্মা বিপশ্চিতা ( ইতি)

Chapt | ক্ষযব্যযলাভবিপরিমর্শঃ
09.4.01 যুগ্যপুরুষাপচযঃ ক্ষযঃ
09.4.02 হিরণ্যধান্যাপচযো ব্যযঃ
09.4.03 তাভ্যাং বহুগুণবিশিষ্টে লাভে যাযাত্
09.4.04 আদেযঃ প্রত্যাদেযঃ প্রসাদকঃ প্রকোপকো হ্রস্বকালঃ তনুক্ষযোঽল্পব্যযো মহান্ বৃদ্ধ্য্.উদযঃ কল্যো ধর্ম্যঃ পুরোগশ্চ ইতি লাভসম্পত্
09.4.05 সুপ্রাপ্যানুপাল্যঃ পরেষাং অপ্রত্যাদেয ইত্যাদেযঃ
09.4.06 বিপর্যযে প্রত্যাদেযঃ
09.4.07 তং আদদানঃ তত্রস্থো বা বিনাশং প্রাপ্নোতি
09.4.08 যদি বা পশ্যেত্ প্রত্যাদেযং আদায কোশদণ্ডনিচযরক্ষাবিধানান্যবস্রাবযিষ্যামি, খনিদ্রব্যহস্তিবনসেতুবন্ধবণিক্পথান্ উদ্ধৃতসারান্ করিষ্যামি, প্রকৃতীরস্য কর্শযিষ্যামি, অপবাহযিষ্যামি, আযোগেনারাধযিষ্যামি বা, তাঃ পরং প্রতিযোগেন কোপযিষ্যতি, প্রতিপক্ষে বাঽস্য পণ্যং এনং করিষ্যামি, মিত্রং অপরুদ্ধং বাঽস্য প্রতিপাদযিষ্যামি, মিত্রস্য স্বস্য বা দেশস্য পীডাং অত্রস্থঃ তস্করেভ্যঃ পরেভ্যশ্চ প্রতিকরিষ্যামি, মিত্রং আশ্রযং বাঽস্য বৈগুণ্যং গ্রাহযিষ্যামি, তদ্ অমিত্রবিরক্তং তত্কুলীনং প্রতিপত্স্যতে, সত্কৃত্য বাঽস্মৈ ভূমিং দাস্যামি ইতি সংহিতসমুত্থিতং মিত্রং মে চিরায ভবিষ্যতি ইতি প্রত্যাদেযং অপি লাভং আদদীত
09.4.09 ইত্যাদেযপ্রত্যাদেযৌ ব্যাখ্যাতৌ
09.4.10 অধার্মিকাদ্ ধার্মিকস্য লাভো লভ্যমানঃ স্বেষাং পরেষাং চ প্রসাদকো ভবতি
09.4.11 বিপরীতঃ প্রকোপক ইতি
09.4.12 মন্ত্রিণাং উপদেশাল্লাভোঽলভ্যমানঃ কোপকো ভবতি অযং অস্মাভিঃ ক্ষযব্যযৌ গ্রাহিতঃ ইতি
09.4.13 দূষ্যমন্ত্রিণাং অনাদরাল্লাভো লভ্যমানঃ কোপকো ভবতি সিদ্ধার্থোঽযং অস্মান্ বিনাশযিষ্যতি ইতি
09.4.14 বিপরীতঃ প্রসাদকঃ
09.4.15 ইতি প্রসাদককোপকৌ ব্যাখ্যাতৌ
09.4.16 গমনমাত্রসাধ্যত্বাদ্ হ্রস্বকালঃ
09.4.17 মন্ত্রসাধ্যত্বাত্ তনুক্ষযঃ
09.4.18 ভক্তমাত্রব্যযত্বাদ্ অল্পব্যযঃ
09.4.19 তদাত্ববৈপুল্যান্ মহান্
09.4.20 অর্থানুবন্ধকত্বাদ্ বৃদ্ধ্য্.উদযঃ
09.4.21 নিরাবাধকত্বাত্ কল্যঃ
09.4.22 প্রশস্ত উপাদানাদ্ ধর্ম্যঃ
09.4.23 সামবাযিকানাং অনির্বন্ধগামিত্বাত্ পুরোগঃ – ইতি
09.4.24 তুল্যে লাভে দেশকালৌ শক্ত্য্.উপাযৌ প্রিযাপ্রিযৌ জবাজবৌ সামীপ্যবিপ্রকর্ষৌ তদাত্বানুবন্ধৌ সারত্বসাতত্যে বাহুল্যবাহুগুণ্যে চ বিমৃশ্য বহুগুণযুক্তং লাভং আদদীত
09.4.25 লাভবিঘ্নাঃ – কামঃ কোপঃ সাধ্বসং কারুণ্যং হ্রীরনার্যভাবো মানঃ সানুক্রোশতা পরলোকাপেক্ষা ধার্মিকত্বং অত্যাগিত্বং দৈন্যং অসূযা হস্তগতাবমানো দৌরাত্ম্যং অবিশ্বাসো ভযং অপ্রতীকারঃ শীত উষ্ণবর্ষাণাং আক্ষম্যং মঙ্গলতিথিনক্ষত্র ইষ্টিত্বং ইতি
09.4.26ab নক্ষত্রং অতি পৃচ্ছন্তং বালং অর্থোঽতিবর্ততে |
09.4.26chd অর্থো হ্যর্থস্য নক্ষত্রং কিং করিষ্যন্তি তারকাঃ
09.4.27ab নাধনাঃ প্রাপ্নুবন্ত্যর্থান্নরা যত্নশতৈরপি |
09.4.27chd অর্থৈরর্থা প্রবধ্যন্তে গজাঃ প্রজিগজৈরিব ( ইতি)

Chapt | বাহ্যাভ্যন্তরাশ্চাপদঃ
09.5.01 সন্ধ্য্ঽঅদীনাং অযথা উদ্দেশাবস্থাপনং অপনযঃ
09.5.02 তস্মাদ্ আপদঃ সম্ভবন্তি
09.5.03 বাহ্য উত্পত্তিরভ্যন্তরপ্রতিজাপা, অভ্যন্তর উত্পত্তির্বাহ্যপ্রতিজাপা, বাহ্য উত্পত্তির্বাহ্যপ্রতিজাপা, অভ্যন্তর উত্পত্তিরভ্যন্তরপ্রতিজাপা – ইত্যাপদঃ
09.5.04 যত্র বাহ্যা অভ্যন্তরানুপজপন্তি, অভ্যন্তরা বা বাহ্যান্, তত্র উভযযোগে প্রতিজপতঃ সিদ্ধির্বিশেষবতী
09.5.05 সুব্যাজা হি প্রতিজপিতারো ভবন্তি, ন উপজপিতারঃ
09.5.06 তেষু প্রশান্তেষু নান্যান্শক্নুযুরুপজপিতুং উপজপিতারঃ
09.5.07 কৃচ্ছ্র উপজাপা হি বাহ্যানাং অভ্যন্তরাঃ তেষাং ইতরে বা
09.5.08 মহতশ্চ প্রযত্নস্য বধঃ পরেষাং, অর্থানুবন্ধশ্চাত্মন ইতি
09.5.09 অভ্যন্তরেষু প্রতিজপত্সু সামদানে প্রযুঞ্জীত
09.5.10 স্থানমানকর্ম সান্ত্বম্
09.5.11 অনুগ্রহপরিহারৌ কর্মস্বাযোগো বা দানম্
09.5.12 বাহ্যেষু প্রতিজপত্সু ভেদদণ্ডৌ প্রযুঞ্জীত
09.5.13 সত্ত্রিণো মিত্রব্যঞ্জনা বা বাহ্যানাং চারং এষাং ব্রূযুঃ অযং বো রাজা দূষ্যব্যঞ্জনৈরতিসন্ধাতুকামঃ, বুধ্যধ্বম্ ইতি
09.5.14 দূষ্যেষু বা দূষ্যব্যঞ্জনাঃ প্রণিহিতা দূষ্যান্ বাহ্যৈর্ভেদযেযুঃ, বাহ্যান্ বা দূষ্যৈঃ
09.5.15 দূষ্যান্ অনুপ্রবিষ্টা বা তীক্ষ্ণাঃ শস্ত্ররসাভ্যাং হন্যুঃ
09.5.16 আহূয বা বাহ্যান্ ঘাতযেযুঃ
09.5.17 যত্র বাহ্যা বাহ্যান্ উপজপন্তি, অভ্যন্তরান্ অভ্যন্তরা বা, তত্র একান্তযোগ উপজপিতুঃ সিদ্ধির্বিশেষবতী
09.5.18 দোষশুদ্ধৌ হি দূষ্যা ন বিদ্যন্তে
09.5.19 দূষ্যশুদ্ধৌ হি দোষঃ পুনরন্যান্ দূষযতি
09.5.20 তস্মাদ্ বাহ্যেষু উপজপত্সু ভেদদণ্ডৌ প্রযুঞ্জীত
09.5.21 সত্ত্রিণো মিত্রব্যঞ্জনা বা ব্রূযুঃ অযং বো রাজা স্বযং আদাতুকামঃ, বিগৃহীতাঃ স্থানেন রাজ্ঞা, বুধ্যধ্বম্ ইতি
09.5.22 প্রতিজপিতুর্বা দূতদণ্ডান্ অনুপ্রবিষ্টাঃ তীক্ষ্ণাঃ শস্ত্ররসাদিভিরেষাং ছিদ্রেষু প্রহরেযুঃ
09.5.23 ততঃ সত্ত্রিণঃ প্রতিজপিতারং অভিশংসেযুঃ
09.5.24 অভ্যন্তরান্ অভ্যন্তরেষু উপজপত্সু যথাঽর্হং উপাযং প্রযুঞ্জীত
09.5.25 তুষ্টলিঙ্গং অতুষ্টং বিপরীতং বা সাম প্রযুঞ্জীত
09.5.26 শৌচসামর্থ্যাপদেশেন ব্যসনাভ্যুদযাবেক্ষণেন বা প্রতিপূজনং ইতি দানম্
09.5.27 মিত্রব্যঞ্জনো বা ব্রূযাদ্ এতান্ চিত্তজ্ঞানার্থং উপধাস্যতি বো রাজা, তদ্ অস্যাখ্যাতব্যং ইতি
09.5.28 পরস্পরাদ্ বা ভেদযেদ্ এনান্ অসৌ চাসৌ চ বো রাজন্যেবং উপজপতি – ইতি ভেদঃ
09.5.29 দাণ্ডকর্মিকবচ্চ দণ্ডঃ
09.5.30 এতাসাং চতসৃণাং আপদাং অভ্যন্তরাং এব পূর্বং সাধযেত্
09.5.31 অহিভযাদ্ অভ্যন্তরকোপো বাহ্যকোপাত্ পাপীযান্ ইত্যুক্তং পুরস্তাদ্
09.5.32ab পূর্বাং পূর্বাং বিজানীযাল্লঘ্বীং আপদং আপদাম্ |
09.5.32chd উত্থিতাং বলবদ্ভ্যো বা গুর্বীং লঘ্বীং বিপর্যযে ( ইতি)

Chapt | দূষ্যশত্রুসম্যুক্তাঃ
09.6.01 দূষ্যেভ্যঃ শত্রুভ্যশ্চ দ্বিবিধা শুদ্ধা
09.6.02 দূষ্যশুদ্ধাযাং পৌরেষু জানপদেষু বা দণ্ডবর্জান্ উপাযান্ প্রযুঞ্জীত
09.6.03 দণ্ডো হি মহাজনে ক্ষেপ্তুং অশক্যঃ
09.6.04 ক্ষিপ্তো বা তং চার্থং ন কুর্যাত্, অন্যং চানর্থং উত্পাদযেত্
09.6.05 মুখ্যেষু ত্বেষাং দাণ্ডকর্মিকবচ্চেষ্টেত
09.6.06 শত্রুশুদ্ধাযাং যতঃ শত্রুঃ প্রধানঃ কার্যো বা ততঃ সামাদিভিঃ সিদ্ধিং লিপ্সেত
09.6.07 স্বামিন্যাযত্তা প্রধানসিদ্ধিঃ, মন্ত্রিষ্বাযত্তাঽঽযত্তসিদ্ধিঃ, উভযাযত্তা প্রধানাযত্তসিদ্ধিঃ
09.6.08 দূষ্যাদূষ্যাণাং আমিশ্রিতত্বাদ্ আমিশ্রা
09.6.09 আমিশ্রাযাং অদূষ্যতঃ সিদ্ধিঃ
09.6.10 আলম্বনাভাবে হ্যালম্বিতা ন বিদ্যন্তে
09.6.11 মিত্রামিত্রাণাং একীভাবাত্ পরমিশ্রা
09.6.12 পরমিশ্রাযাং মিত্রতঃ সিদ্ধিঃ
09.6.13 সুকরো হি মিত্রেণ সন্ধিঃ, নামিত্রেণ ইতি
09.6.14 মিত্রং চেন্ন সন্ধিং ইচ্ছেদ্ অভীক্ষ্ণং উপজপেত্
09.6.15 ততঃ সত্ত্রিভিরমিত্রাদ্ ভেদযিত্বা মিত্রং লভেত
09.6.16 মিত্রসঙ্ঘস্য বা যোঽন্তস্থাযী তং লভেত
09.6.17 অন্তস্থাযিনি লব্ধে মধ্যস্থাযিনো ভিদ্যন্তে
09.6.18 মধ্যস্থাযিনং বা লভেত
09.6.19 মধ্যস্থাযিনি লব্ধে নান্তস্থাযিনঃ সংহন্যন্তে
09.6.20 যথা চ এষাং আশ্রযভেদঃ তান্ উপাযান্ প্রযুঞ্জীত
09.6.21 ধার্মিকং জাতিকুলশ্রুতবৃত্তস্তবেন সম্বন্ধেন পূর্বেষাং ত্রৈকাল্য উপকারান্ অপকারাভ্যাং বা সান্ত্বযেত্
09.6.22 নিবৃত্ত উত্সাহং বিগ্রহশ্রান্তং প্রতিহত উপাযং ক্ষযব্যযাভ্যাং প্রবাসেন চ উপতপ্তং শৌচেনান্যং লিপ্সমানং অন্যস্মাদ্ বা শঙ্কমানং মৈত্রীপ্রধানং বা কল্যাণবুদ্ধিং সাম্না সাধযেত্
09.6.23 লুব্ধং ক্ষীণং বা তপস্বিমুখ্যাবস্থাপনাপূর্বং দানেন সাধযেত্
09.6.24 তত্ পঞ্চবিধং – দেযবিসর্গো গৃহীতানুবর্তনং আত্তপ্রতিদানং স্বদ্রব্যদানং অপূর্বং পরস্বেষু স্বযঙ্গ্রাহদানং চ
09.6.25 ইতি দানকর্ম
09.6.26 পরস্পরদ্বেষবৈরভূমিহরণশঙ্কিতং অতোঽন্যতমেন ভেদযেত্
09.6.27 ভীরুং বা প্রতিঘাতেন কৃতসন্ধিরেষ ত্বযি কর্মকরিষ্যতি, মিত্রং অস্য নিসৃষ্টং, সন্ধৌ বা নাভ্যন্তরঃ ইতি
09.6.28 যস্য বা স্বদেশাদ্ অন্যদেশাদ্ বা পণ্যানি পণ্যাগারতযাঽঽগচ্ছেযুঃ তানি অস্য যাতব্যাল্লব্ধানি ইতি সত্ত্রিণশ্চারযেযুঃ
09.6.29 বহুলীভূতে শাসনং অভিত্যক্তেন প্রেষযেত্ এতত্ তে পণ্যং পণ্যাগারং বা মযা তে প্রেষিতং, সামবাযিকেষু বিক্রমস্ব, অপগচ্ছ বা, ততঃ পণশেষং অবাপ্স্যসি ইতি
09.6.30 ততঃ সত্ত্রিণঃ পরেষু গ্রাহযেযুঃ এতদ্ অরিপ্রদত্তম্ ইতি
09.6.31 শত্রুপ্রখ্যাতং বা পণ্যং অবিজ্ঞাতং বিজিগীষুং গচ্ছেত্
09.6.32 তদ্ অস্য বৈদেহকব্যঞ্জনাঃ শত্রুমুখ্যেষু বিক্রীণীরন্
09.6.33 ততঃ সত্ত্রিণঃ পরেষু গ্রাহযেযুঃ এতত্ পণ্যং অরিপ্রদত্তম্ ইতি
09.6.34 মহাঽপরাধান্ অর্থমানাভ্যাং উপগৃহ্য বা শস্ত্ররসাগ্নিভিরমিত্রে প্রণিদধ্যাত্
09.6.35 অথ একং অমাত্যং নিষ্পাতযেত্
09.6.36 তস্য পুত্রদারং উপগৃহ্য রাত্রৌ হতং ইতি খ্যাপযেত্
09.6.37 অথামাত্যঃ শত্রোঃ তান্ এক একশঃ প্ররূপযেত্
09.6.38 তে চেদ্ যথা উক্তং কুর্যুর্ন চ এনান্ গ্রাহযেত্
09.6.39 অশক্তিমতো বা গ্রাহযেত্
09.6.40 আপ্তভাব উপগতো মুখ্যাদ্ অস্যাত্মানং রক্ষণীযং কথযেত্
09.6.41 অথামিত্রশাসনং মুখ্য উপঘাতায প্রেষিতং উভযবেতনো গ্রাহযেত্
09.6.42 উত্সাহশক্তিমতো বা প্রেষযেত্ অমুষ্য রাজ্যং গৃহাণ, যথাঽস্থিতো নঃ সন্ধিঃ ইতি
09.6.43 ততঃ সত্ত্রিণঃ পরেষু গ্রাহযেযুঃ
09.6.44 একস্য স্কন্ধাবারং বীবধং আসারং বা ঘাতযেযুঃ
09.6.45 ইতরেষু মৈত্রীং ব্রুবাণাঃ ত্বং এতেষাং ঘাতযিতব্যঃ ইত্যুপজপেযুঃ
09.6.46 যস্য বা প্রবীরপুরুষো হস্তী হযো বা ম্রিযেত গূঢপুরুষৈর্হন্যেত হ্রিযেত বা সত্ত্রিণঃ পরস্পর উপহতং ব্রূযুঃ
09.6.47 ততঃ শাসনং অভিশস্তস্য প্রেষযেত্ ভূযঃ কুরু ততঃ পণশীষং অবাপ্স্যসি ইতি
09.6.48 তদ্ উভযবেতনা গ্রাহযেযুঃ
09.6.49 ভিন্নেষ্বন্যতমং লভেত
09.6.50 তেন সেনাপতিকুমারদণ্ডচারিণো ব্যাখ্যাতাঃ
09.6.51 সান্ধিকং চ ভেদং প্রযুঞ্জীত
09.6.52 ইতি ভেদকর্ম
09.6.53 তীক্ষ্ণং উত্সাহিনং ব্যসনিনং স্থিতশত্রুং বা গূঢপুরুষাঃ শস্ত্রাগ্নিরসাদিভিঃ সাধযেযুঃ, সৌকর্যতো বা তেষাং অন্যতমঃ
09.6.54 তীক্ষ্ণো হ্যেকঃ শস্ত্ররসাগ্নিভিঃ সাধযেত্
09.6.55 অযং সর্বসন্দোহকর্ম বিশিষ্টং বা করোতি
09.6.56 ইত্যুপাযচতুর্বর্গঃ
09.6.57 পূর্বঃ পূর্বশ্চাস্য লঘিষ্ঠঃ
09.6.58 সান্ত্বং একগুণম্
09.6.59 দানং দ্বিগুণং সান্ত্বপূর্বম্
09.6.60 ভেদঃ ত্রিগুণঃ সান্ত্বদানপূর্বঃ
09.6.61 দণ্ডশ্চতুর্গুণঃ সান্ত্বদানভেদপূর্বঃ
09.6.62 ইত্যভিযুঞ্জানেষু উক্তম্
09.6.63 স্বভূমিষ্ঠেষু তু ত এব উপাযাঃ
09.6.64 বিশেষঃ তু
09.6.65 স্বভূমিষ্ঠানাং অন্যতমস্য পণ্যাগারৈরভিজ্ঞাতান্ দূতমুখ্যান্ অভীক্ষ্ণং প্রেষযেত্
09.6.66 ত এনং সন্ধৌ পরহিংসাযাং বা যোজযেযুঃ
09.6.67 অপ্রতিপদ্যমানং কৃতো নঃ সন্ধিঃ ইত্যাবেদযেযুঃ
09.6.68 তং ইতরেষাং উভযবেতনাঃ সঙ্ক্রামযেযুঃ অযং বো রাজা দুষ্টঃ ইতি
09.6.69 যস্য বা যস্মাদ্ ভযং বৈরং দ্বেষো বা তং তস্মাদ্ ভেদযেযুঃ অযং তে শত্রুণা সন্ধত্তে, পুরা ত্বাং অতিসন্ধত্তে, ক্ষিপ্রতরং সন্ধীযস্ব, নিগ্রহে চাস্য প্রযতস্ব ইতি
09.6.70 আবাহবিবাহাভ্যাং বা কৃত্বা সম্যোগং অসম্যুক্তান্ ভেদযেত্
09.6.71 সামন্তাটবিকতত্কুলীনাপরুদ্ধৈশ্চ এষাং রাজ্যানি ঘাতযেত্, সার্থব্রজাটবীর্বা, দণ্ডং বাঽভিসৃতম্
09.6.72 পরস্পরাপাশ্রযাশ্চ এষাং জাতিসঙ্ঘাশ্ছিদ্রেষু প্রহরেযুঃ, গূঢাশ্চাগ্নিরসশস্ত্রেণ
09.6.73ab বীতংসগিলবচ্চারীন্ যোগৈরাচরিতৈঃ শঠঃ |
09.6.73chd ঘাতযেত্ পরমিশ্রাযাং বিশ্বাসেনামিষেণ চ ( ইতি)

Chapt | অর্থানর্থসংশযযুক্তাঃ – তাসাং উপাযবিকল্পজাঃ সিদ্ধযঃ
09.7.01 কামাদিরুত্সেকঃ স্বাঃ প্রকৃতীঃ কোপযতি, অপনযো বাহ্যাঃ
09.7.02 তদ্ উভযং আসুরী বৃত্তিঃ
09.7.03 স্বজনবিকারঃ কোপঃ
09.7.04 পরবৃদ্ধিহেতুষু আপদ্ঽর্থোঽনর্থঃ সংশয ইতি
09.7.05 যোঽর্থঃ শত্রুবৃদ্ধিং অপ্রাপ্তঃ করোতি, প্রাপ্তঃ প্রত্যাদেযঃ পরেষাং ভবতি, প্রাপ্যমাণো বা ক্ষযব্যয উদযো ভবতি, স ভবত্যাপদ্ঽর্থঃ
09.7.06 যথা সামন্তানাং আমিষভূতঃ সামন্তব্যসনজো লাভঃ, শত্রুপ্রার্থিতো বা স্বভাবাধিগম্যো লাভঃ, পশ্চাত্ কোপেন পার্ষ্ণিগ্রাহেণ বা বিগৃহীতঃ পুরস্তাল্লাভঃ, মিত্র উচ্ছেদেন সন্ধিব্যতিক্রমেণ বা মণ্ডলবিরুদ্ধো লাভঃ ইত্যাপদ্ঽর্থঃ
09.7.07 স্বতঃ পরতো বা ভয উত্পত্তিরিত্যনর্থঃ
09.7.08 তযোঃ অর্থো ন বা ইতি, অনর্থো ন বা ইতি, অর্থোঽনর্থ ইতি, অনর্থোঽর্থ ইতি সংশযঃ
09.7.09 শত্রুমিত্রং উত্সাহযিতুং অর্থো ন বা ইতি সংশযঃ
09.7.10 শত্রুবলং অর্থমানাভ্যাং আবাহযিতুং অনর্থো ন বা ইতি সংশযঃ
09.7.11 বলবত্সামন্তাং ভূমিং আদাতুং অর্থোঽনর্থ ইতি সংশযঃ
09.7.12 জাযসা সম্ভূযযানং অনর্থোঽর্থ ইতি সংশযঃ
09.7.13 তেষাং অর্থসংশযং উপগচ্ছেত্
09.7.14 অর্থোঽর্থানুবন্ধঃ, অর্থো নিরনুবন্ধঃ, অর্থোঽনর্থানুবন্ধঃ, অনর্থোঽর্থানুবন্ধঃ, অনর্থো নিরনুবন্ধঃ, অনর্থোঽনর্থানুবন্ধঃ ইত্যনুবন্ধষড্বর্গঃ
09.7.15 শত্রুং উত্পাট্য পার্ষ্ণিগ্রাহাদানং অর্থোঽনর্থানুবন্ধঃ
09.7.16 উদাসীনস্য দণ্ডানুগ্রহঃ ফলেন অর্থো নিরনুবন্ধঃ
09.7.17 পরস্যান্তর্.উচ্ছেদনং অর্থোঽনর্থানুবন্ধঃ
09.7.18 শত্রুপ্রতিবেশস্যানুগ্রহঃ কোশদণ্ডাভ্যাং অনর্থোঽনর্থানুবন্ধঃ
09.7.19 হীনশক্তিং উত্সাহ্য নিবৃত্তিরনর্থো নিরনুবন্ধঃ
09.7.20 জ্যাযাংসং উত্থাপ্য নিবৃত্তিরনর্থোঽনর্থানুবন্ধঃ
09.7.21 তেষাং পূর্বঃ পূর্বঃ শ্রেযান্ উপসম্প্রাপ্তুম্
09.7.22 ইতি কার্যাবস্থাপনম্
09.7.23 সমন্ততো যুগপদ্ঽর্থ উত্পত্তিঃ সমন্ততোঽর্থাপদ্ ভবতি
09.7.24 সা এব পার্ষ্ণিগ্রাহবিগৃহীতা সমন্ততোঽর্থসংশযাপদ্ ভবতি
09.7.25 তযোর্মিত্রাক্রন্দ উপগ্রহাত্ সিদ্ধিঃ
09.7.26 সমন্ততঃ শত্রুভ্যো ভয উত্পত্তিঃ সমন্ত্তোঽনর্থাপদ্ ভবতি
09.7.27 সা এব মিত্রবিগৃহীতা সমন্ততোঽনর্থসংশযাপদ্ ভবতি
09.7.28 তযোশ্চলামিত্রাক্রন্দ উপগ্রহাত্ সিদ্ধিঃ, পরমিশ্রাপ্রতীকারো বা
09.7.29 ইতো লাভ ইতরতো লাভ ইত্যুভযতোঽর্থাপদ্ ভবতি
09.7.30 তস্যাং সমন্ততোঽর্থাযাং চ লাভগুণযুক্তং অর্থং আদাতুং যাযাত্
09.7.31 তুল্যে লাভগুণে প্রধানং আসন্নং অনতিপাতিনং ঊনো বা যেন ভবেত্ তং আদাতুং যাযাত্
09.7.32 ইতোঽনর্থ ইতরতোঽনর্থ ইত্যুভযতোঽনর্থাপত্
09.7.33 তস্যাং সমন্ততোঽনর্থাযাং চ মিত্রেভ্যঃ সিদ্ধিং লিপ্সেত
09.7.34 মিত্রাভাবে প্রকৃতীনাং লঘীযস্য একতোঽনর্থাং সাধযেত্, উভযতোঽনর্থাং জ্যাযস্যা, সমন্ততোঽনর্থাং মূলেন প্রতিকুর্যাত্
09.7.35 অশক্যে সর্বং উত্সৃজ্যাপগচ্ছেত্
09.7.36 দৃষ্টা হি জীবতঃ পুনর্ঽঅবৃত্তির্যথা সুযাত্রা উদযনাভ্যাম্
09.7.37 ইতো লাভ ইতরতো রাজ্যাভিমর্শ ইত্যুভযতোঽর্থানর্থাপদ্ ভবতি
09.7.38 তস্যাং অনর্থসাধকো যোঽর্থঃ তং আদাতুং যাযাত্
09.7.39 অন্যথা হি রাজ্যাভিমর্শং বারযেত্
09.7.40 এতযা সমন্ততোঽর্থানর্থাপদ্ ব্যাখ্যাতা
09.7.41 ইতোঽনর্থ ইতরতোঽর্থসংশয ইত্যুভযতোঽনর্থার্থসংশযা
09.7.42 তস্যাং পূর্বং অনর্থং সাধযেত্, তত্সিদ্ধাবর্থসংশযম্
09.7.43 এতযা সমন্ততোঽনর্থার্থসংশযা ব্যাখ্যাতা
09.7.44 ইতোঽর্থ ইতরতোঽনর্থসংশয ইত্যুভযতোঽর্থানর্থসংশযাপদ্
09.7.45 এতযা সমন্ততোঽর্থানর্থসংশযা ব্যাখ্যাতা
09.7.46 তস্যাং পূর্বাং পূর্বাং প্রকৃতীনাং অনর্থসংশযান্ মোক্ষযিতুং যতেত
09.7.47 শ্রেযো হি মিত্রং অনর্থসংশযে তিষ্ঠন্ন দণ্ডঃ, দণ্ডো বা ন কোশ ইতি
09.7.48 সমগ্রমোক্ষণাভাবে প্রকৃতীনাং অবযবান্ মোক্ষযিতুং যতেত
09.7.49 তত্র পুরুষপ্রকৃতীনাং বহুলং অনুরক্তং বা তীক্ষ্ণলুব্ধবর্জং, দ্রব্যপ্রকৃতীনাং সারং মহা উপকারং বা
09.7.50 সন্ধিনাঽঽসনেন দ্বৈধীভাবেন বা লঘূনি, বিপর্যযৈর্গুরূণি
09.7.51 ক্ষযস্থানবৃদ্ধীনাং চ উত্তর উত্তরং লিপ্সেত
09.7.52 প্রাতিলোম্যেন বা ক্ষযাদীনাং আযত্যাং বিশেষং পশ্যেত্
09.7.53 ইতি দেশাবস্থাপনম্
09.7.54 এতেন যাত্রাঽঽদিমধ্যান্তেষ্বর্থানর্থসংশযানাং উপসম্প্রাপ্তির্ব্যাখ্যাতা
09.7.55 নিরন্তরযোগিত্বাচ্চার্থানর্থসংশযানাং যাত্রাঽঽদাবর্থঃ শ্রেযান্ উপসম্প্রাপ্তুং পার্ষ্ণিগ্রাহাসারপ্রতিঘাতে ক্ষযব্যযপ্রবাসপ্রত্যাদেযে মূলরক্ষণেষু চ ভবতি
09.7.56 তথাঽনর্থঃ সংশযো বা স্বভূমিষ্ঠস্য বিষহ্যো ভবতি
09.7.57 এতেন যাত্রামধ্যেঽর্থানর্থসংশযানাং উপসম্প্রাপ্তির্ব্যাখ্যাতা
09.7.58 যাত্রাঽন্তে তু কর্শনীযং উচ্ছেদনীযং বা কর্শযিত্বা উচ্ছিদ্য বাঽর্থঃ শ্রেযান্ উপসম্প্রাপ্তুং নানর্থঃ সংশযো বা পরাবাধভযাত্
09.7.59 সামবাযিকানাং অপুরোগস্য তু যাত্রামধ্যান্তগোঽনর্থঃ সংশযো বা শ্রেযান্ উপসম্প্রাপ্তুং অনির্বন্ধগামিত্বাত্
09.7.60 অর্থো ধর্মঃ কাম ইত্যর্থত্রিবর্গঃ
09.7.61 তস্য পূর্বঃ পূর্বঃ শ্রেযান্ উপসম্প্রাপ্তুম্
09.7.62 অনর্থোঽধর্মঃ শোক ইত্যনর্থত্রিবর্গঃ
09.7.63 তস্য পূর্বঃ পূর্বঃ শ্রেযান্ প্রতিকর্তুম্
09.7.64 অর্থোঽনর্থ ইতি, ধর্মোঽধর্ম ইতি, কামঃ শোক ইতি সংশযত্রিবর্গঃ
09.7.65 তস্য উত্তরপক্ষসিদ্ধৌ পূর্বপক্ষঃ শ্রেযান্ উপসম্প্রাপ্তুম্
09.7.66 ইতি কালাবস্থাপনম্
09.7.67 ইত্যাপদঃ – তাসাং সিদ্ধিঃ
09.7.68 পুত্রভ্রাতৃবন্ধুষু সামদানাভ্যাং সিদ্ধিরনুরূপা, পৌরজানপদদণ্ডমুখ্যেষু দানভেদাভ্যাং, সামন্তাটবিকেষু ভেদদণ্ডাভ্যাম্
09.7.69 এষাঽনুলোমা, বিপর্যযে প্রতিলোমা
09.7.70 মিত্রামিত্রেষু ব্যামিশ্রা সিদ্ধিঃ
09.7.71 পরস্পরসাধকা হ্যুপাযাঃ
09.7.72 শত্রোঃ শঙ্কিতামাত্যেষু সান্ত্বং প্রযুক্তং শেষপ্রযোগং নিবর্তযতি, দূষ্যামাত্যেষু দানং, সঙ্ঘাতেষু ভেদঃ, শক্তিমত্সু দণ্ড ইতি
09.7.73 গুরুলাঘবযোগাচ্চাপদাং নিযোগবিকল্পসমুচ্চযা ভবন্তি
09.7.74 অনেন এব উপাযেন নান্যেন ইতি নিযোগঃ
09.7.75 অনেন বাঽন্যেন বা ইতি বিকল্পঃ
09.7.76 অনেনান্যেন চ ইতি সমুচ্চযঃ
09.7.77 তেষাং একযোগাশ্চত্বারঃ ত্রিযোগাশ্চ, দ্বিযোগাঃ ষট্, একশ্চতুর্যোগঃ
09.7.78 ইতি পঞ্চদশ উপাযাঃ
09.7.79 তাবন্তঃ প্রতিলোমাঃ
09.7.80 তেষাং একেন উপাযেন সিদ্ধিরেকসিদ্ধিঃ, দ্বাভ্যাং দ্বিসিদ্ধিঃ, ত্রিভিঃ ত্রিসিদ্ধিঃ, চতুর্ভিশ্চতুঃসিদ্ধিরিতি
09.7.81 ধর্মমূলত্বাত্ কামফলত্বাচ্চার্থস্য ধর্মার্থকামানুবন্ধা যাঽর্থস্য সিদ্ধিঃ সা সর্বার্থসিদ্ধিঃ
09.7.82 দৈবাদ্ অগ্নিরুদকং ব্যাধিঃ প্রমারো বিদ্রবো দুর্ভিক্ষং আসুরী সৃষ্টিরিত্যাপদঃ
09.7.83 তাসাং দৈবতব্রাহ্মণর্পণিপাততঃ সিদ্ধিঃ
09.7.84ab অতিবৃষ্টিরবৃষ্টির্বা সৃষ্টির্বা যাঽঽসুরী ভবেত্ |
09.7.84chd তস্যাং আথর্বণং কর্ম সিদ্ধারম্ভাশ্চ সিদ্ধযঃ ( ইতি)