নাট্যশাস্ত্রম্ অধ্যায় ২৭ সিদ্ধিব্যঞ্জকঃ

.. নাট্যশাস্ত্রম্ অধ্যায় ২৭ সিদ্ধিব্যঞ্জকঃ ..
.. শ্রীরস্তু ..
ভরতমুনিপ্রণীতং নাট্যশাস্ত্রম্
অথ সপ্তবিংশোঽধ্যাঅয়ঃ
সিদ্ধীনাং তু প্রবক্ষ্যামি লক্ষণং নাটকাশ্রয়ম্ .
যস্মাৎপ্রয়োগঃ সর্বোঽযং সিদ্ধ্যর্থংং সংপ্রদর্শিতঃ .. ১..
I will now tell the features of ঽachievementsঽ which are related to the
drama since every performance is presented for the ঽachievementsঽ. 1.
সিদ্ধিস্তু দ্বিবিধা জ্ঞেয়া বাঙ্মনোঙ্গসমুদ্ভবা .
দৈবী চ মানুষী চৈব নানাভাবসমুত্থিতা .. ২..
ঽachievmentsঽ are known to be two fold – arising out of speech and mind
and out of body. arising out of many emotions, it is also divine and human.
দশাঙ্গা মানুষী সিদ্ধীর্দৈবী তু দ্বিবিধা স্মৃতা .
নানাসত্ত্বাশ্রয়কৃতা বাঙ্নৈপথ্যশরীরজা .. ৩..
The human achievements have ten types and divine is known to be two fold.
It is based on various characters and born out of speech, drapery and body
(of the actor).
স্মিতাপহাসিনী হাসা সাধ্বহো কষ্টমেব চ .
প্রবদ্ধনাদা চ তথা সিদ্ধির্জ্ঞেয়াথ বাঙ্ময়ী .. ৪..
পুলকৈশ্চ সরোমাঞ্চৈরভ্যুত্থানৈস্তথৈব চ .
চেলদানাঙ্গুলিক্ষেপৈঃ শারীরী সিদ্ধিরিষ্যতে .. ৫..
কিঞ্চিচ্ছিষ্টো রসো হাস্যো নৃত্যদ্ভির্যত্র যুজ্যতে .
স্মিতেন স প্রতিগ্রাহ্যঃ প্রেক্ষকৈর্নিত্যমেব চ .. ৬..
কিঞ্চিদস্পষ্টহাস্যং যত্তথা বচনমেব চ .
অর্থহাস্যেন তদ্গ্রাহ্যং প্রেক্ষকৈর্নিত্যমেব হি .. ৭..
বিদূষকোচ্ছেদকৃতং ভবেচ্ছিল্পকৃতং চ যৎ .
অতিহাস্যেন তদ্গ্রাহ্যং প্রেক্ষকৈর্নিত্যমেব তু .. ৮..
অহোকারস্তথা কার্যো নৃণাং প্রকৃতিসংভবঃ .
যদ্ধর্মপদসংযুক্তং যথাতিশয়সংভবম্ .. ৯..
তত্র সাধ্বিতি যদ্বাক্যং প্রয়োক্তব্যং হি সাধকৈঃ .
বিস্ময়াবিষ্টভাবেষু প্রহর্ষার্থেষু চৈব হি .. ১০..
করুণেঽপি প্রয়োক্তব্যং কষ্টং শাস্ত্রকৃতেন তু .
প্রবদ্ধনাদা চ তথা বিস্ময়ার্থেষু নিত্যশঃ .. ১১..
সাধিক্ষেপেষু বাক্যেষু প্রস্পন্দিততনূরুহৈঃ .
কুতূহলোত্তরাবেধৈর্বহুমানেন সাধয়েৎ .. ১২..
দীপ্তপ্রদেশং যৎকার্যং ছেদ্যভেদ্যাহবাত্মকম্ .
সবিদ্রবমথোৎফুল্লং তথা যুদ্ধনিয়ুদ্ধজম্ .. ১৩..
প্রকম্পিতাংসশীর্ষঞ্চ সাশ্রং সোত্থানমেব চ .
তৎপ্রেক্ষকৈস্তু কুশলৈস্সাধ্যমেবং বিধানতঃ .. ১৪..
এবং সাধয়িতব্যৈষা তজ্জ্ঞৈঃ সিদ্ধিস্তু মানুষী .
দৈবিকীঞ্চ পুনঃ সিদ্ধিং সংপ্রবক্ষ্যামি তত্ত্বতঃ .. ১৫..
যা ভাবাতিশয়োপেতা সত্ত্বয়ুক্তা তথৈব চ .
সা প্রেক্ষকৈস্তু কর্তব্যা দৈবী সিদ্ধিঃ প্রয়োগতঃ .. ১৬..
ন শব্দো ন যত্র ন ক্ষোভো ন চোৎপাতনিদর্শনম্ .
সংপূর্ণতা চ রংগস্য দৈবী সিদ্ধিস্তু সা স্মৃতা .. ১৭..
দৈবী চ মানুষী চৈব সিদ্ধিরেষা ময়োদিতা .
অত ঊর্ধ্বং প্রবক্ষ্যামি ঘাতান্দৈবসমুত্থিতন্ .. ১৮..
দৈবাত্মপরসমুত্থা ত্রিবিধা ঘাতা বুধৈস্তু বিজ্ঞেয়া .
ঔৎপাতিকশ্চতুর্থঃ কদাচিদথ সংভবত্যেষু .. ১৯..
বাতাগ্নিবর্ষকুঞ্জরভুজঙ্গমণ্ডপনিপাতাঃ .
কীটব্যালপিপীলিকপশুপ্রবেশনাশ্চ দৈবককৃতা .. ২০..
ঘাতনতঃ পরমহং পরয়ুক্তান্ সংপ্রবক্ষ্যামি .
[বৈবর্ণ্যং চাচেষ্টং বিভ্রমিতৎবং স্মৃতিপ্রমোহশ্চ .. ২১..
অন্যবচনং চ কাব্যং তথাংগদোষো বিহস্তৎবম্ .
এতে ৎবাত্মসমুত্থা ঘাতা জ্ঞেয়া প্রয়োগজ্ঞৈঃ .. ২২..]
মাৎসর্যাদ্দ্বেষাদ্বা তৎপক্ষৎবাত্তথার্থভেদৎবাৎ .
এতে তু পরসমুত্থা জ্ঞেয়া ঘাতা বুধৈর্নিত্যম্ .. ২৩..
অতিহসিতরুদিতবিস্ফোটিতান্যথোৎকৃষ্টনালিকাপাতাঃ .
গোময়লোষ্টপিপীলিকাবিক্ষেপাশ্চারিসংভূতাঃ .. ২৪..
ঔৎপতিকাশ্চ ঘাতা মত্তোন্মত্তপ্রবেশলিঙ্গকৃতঃ .
পুনরাত্মসমুত্থা যে ঘাতাংস্তাংস্তান্ প্রবক্ষ্যামি .. ২৫..
বৈলক্ষণ্যমচেষ্টিতবিভূমিকৎবং স্মৃতিপ্রমোষশ্চ .
অন্যবচনং চ কাব্যং তথার্তনাদো বিহস্তৎবম্ .. ২৬..
অতিহসিতরুদিতবিস্বরপিপীলিকাকীটপশুবিরাবাশ্চ .
মুকুটাভরণনিপাতা পুষ্করজাঃ কাব্যদোষাশ্চ .. ২৭..
অতিহসিতরুদিতহসিতানি সিদ্ধৈর্ভাবস্য দূষকাণি স্যুঃ .
কীটপিপীলিকপাতা সিদ্ধিং সর্বাত্মনা ঘ্নান্ত .. ২৮..
বিবস্বরমজাততালং বর্ণস্বরসংপদা চ পরিহীণম্ .
অজ্ঞাতস্থানলয়ং স্বরগতমেবংবিধং হন্যাৎ .. ২৯..
মুকুটাভরণনিপাতঃ প্রবদ্ধনাদশ্চ নাশনো ভবতি .
পশুবিশসনং তথ অ স্যাদ্বহুবচনঘ্নং প্রয়োগেষু .. ৩০..
বিষমং মানবিহীনং বিমার্জনং চাকুলপ্রহারং চ .
অবিভক্তগ্রহমোক্ষং পুষ্করগতমীদৃশং হন্তি .. ৩১..
পুনরুক্তো হ্যসমাসো বিভক্তিভেদো বিসন্ধয়োঽপার্থঃ .
ত্রৈলিঙ্গজশ্চ দোষঃ প্রত্যক্ষপরোক্ষসংমোহাঃ .. ৩২..
ছন্দোবৃত্তত্যাগো গুরুলাঘবসঙ্করো যতের্ভেদঃ .
এতানি যথা স্থূলং ঘাতস্থানাঅনি কাব্যস্য .. ৩৩..
জ্ঞেয়ৌ তু কাব্যজাতৌ দ্বৌ ঘাতাবপ্রতিক্রিয়ৌ নিত্যম্ .
প্রকৃতিব্যসনসমুত্থঃ শেষোদকনালিকৎবম্ .. ৩৪..
অপ্রতিভাগং স্খলনং বিস্বরমুচ্চারণং চ কাব্যস্য .
অস্থানভূষণৎবং পতনং মুকুটস্য বিভ্রংশঃ .. ৩৫..
বাজিস্যন্দনকুঞ্জরখরোষ্ট্রশিবিকাবিমানয়ানানাম্ .
আরোহণাবতরণেষ্বনভিজ্ঞৎবং বিহস্ত্বম্ .. ৩৬..
প্রহরণকবচানামপ্যয়থাগ্রহণং বিধারণং চাপি .
অমুকুটভূষণয়োগশ্চিরপ্রবেশোঽথবা রঙ্গে .. ৩৭..
এভিঃ স্থানবিশেষৈর্ঘাতা লক্ষ্যাস্তু সূরিভিঃ কুশলৈঃ .
যূপাগ্নিচয়নদর্ভস্ত্রগ্ভাণ্ডপরিগ্রহান্মুক্ত্বা .. ৩৮..
সিদ্ধ্যা মিশ্রো ঘাতস্সর্বগতশ্চৈকদেশজো বাপি .
নাট্যকুশলৈঃ সলেখ্যা সিদ্ধির্বা স্যাদ্বিঘাতো বা .. ৩৯..
নালেখ্যো বহুদিনজঃ সর্বগতোঽব্যক্তলক্ষণবিশেষঃ .
যস্ত্বৈকদিবসজাতস্স প্রত্যবরোঽপি লেখ্যস্স্যাৎ .. ৪০..
জর্জরমোক্ষ্যস্যান্তে সিদ্ধের্মোক্ষস্তু নালিকায়াস্তু .
কর্তব্যস্ত্বিহ সততং নাট্যজ্ঞৈঃ প্রাশ্নিকৈর্বিধিনা .. ৪১..
দৈন্যে দীনৎবমায়ান্তি তে নাট্যে প্রেক্ষকাঃ স্মৃতাঃ .
যে তুষ্টৌ তুষ্টিমায়ান্তি শোকে শোকং ব্রজন্তি চ .. ৪২..
যোঽন্যস্য মহে মূর্ধো নাংদীশ্লোকং পঠেদ্ধি দেবস্য .
স্ববশেন পূর্বরঙ্গে সিদ্ধের্ঘাতঃ প্রয়োগস্য ..৪৩..
যো দেশভাবরহিতং ভাষাকাব্যং প্রয়োজয়েদ্বুদ্ধ্যা .
তস্যাপ্যভিলেখ্যঃ স্যাদ্ঘাতো দেশঃ প্রয়োগজ্ঞৈঃ .. ৪৪..
কঃ শক্তো নাট্যবিধৌ যথাবদুপপাদনং প্রয়োগস্য .
কর্তুং ব্যগ্রমনা বা যথাবদুক্তং পরিজ্ঞাতম্ .. ৪৫..
তস্মাদ্গম্ভীরার্থাঃ শব্দা যে লোকবেদসংসিদ্ধাঃ .
সর্বজনেন গ্রাহ্যা যোজ্যা নাটকে বিধিবৎ .. ৪৬..
ন চ কিঞ্চিদ্গুণহীনং দোষৈঃ পরিবর্জিতং ন চাকিঞ্চিৎ .
তস্মান্নাট্যপ্রকৃতৌ দোষা নাট্যার্থতো গ্রাহ্যা .. ৪৭..
ন চ নাদরস্তু কার্যো নটেন বাগঙ্গসত্ত্বনেপথ্যে .
রসভাবয়োশ্চ গীতেষ্বাতোদ্যে লোকয়ুক্ত্যাং চ .. ৪৮..
এবমেতত্তু বিজ্ঞেয়ং সিদ্ধীনাং লক্ষণং বুধৈঃ .
অত ঊর্ধ্বং প্রবক্ষ্যামি প্রাশ্নিকানাং তু লক্ষণম্ .. ৪৯..
চারিত্রাভিজনোপেতাঃ শান্তবৃত্তাঃ কৃতশ্রমাঃ .
যশোধর্মপরাশ্চৈব মধ্যস্থবয়সান্বিতাঃ .. ৫০..
ষডঙ্গনাট্যকুশলাঃ প্রবুদ্ধাঃ শুচয়ঃ সমাঃ .
চতুরাতোদ্যকুশলাঃ বৃত্তজ্ঞাস্তত্ত্বদর্শিনঃ .. ৫১..
দেশভাষাবিধানজ্ঞাঃ কলাশিল্পপ্রয়োজকাঃ ..
চতুর্থাভিনয়োপেতা রসভাববিকল্পকাঃ .. ৫২..
শব্দচ্ছন্দোবিধানজ্ঞা নানাশাস্ত্রবিচক্ষণাঃ .
এবং বিধাস্তু কর্তব্যাঃ প্রাশ্নিকা দশরূপকে .. ৫৩..
অব্যগ্রৈরিন্দ্রিয়ৈঃ শুদ্ধ ঊহাপোহবিশারদঃ .
ত্যক্তদোষোনুঅরাগী চ স নাট্যে প্রেক্ষকঃ স্মৃতঃ .. ৫৪..
ন চৈবেতে গুণাঃ সম্যক্ সর্বস্মিন্ প্রেক্ষকে স্মৃতাঃ .
বিজ্ঞেয়স্যাপ্রমেয়ৎবাৎসংকীর্ণানাং চ পার্ষদি .. ৫৫..
যদ্যস্য শিল্পং নেপথ্যং কর্মচেষ্টিতমেব বা .
তত্তথা তেন কার্যং তু স্বকর্মবিষয়ং প্রতি .. ৫৬..
নানাশীলাঃ প্রকৃতয়ঃ শীলে নাট্যং বিনির্মিতম্ .
উত্তমাধমমধ্যানাং বৃদ্ধবালিশয়োষিতাম্ .. ৫৭..
তুষ্যন্তি তরুণাঃ কামে বিদগ্ধাঃ সময়াৎবিতে .
অর্থেষ্বর্থপরাশ্চৈব মোক্ষে চাথ বিরাগিণঃ .. ৫৮..
শূরাস্তু বীররৌদ্রেষু নিয়ুদ্ধেষ্বাহবেষু চ .
ধর্মাখ্যানে পুরাণেষু বৃদ্ধাস্তুষ্যন্তি নিত্যশঃ .. ৫৯..
ন শক্যমধমৈর্জ্ঞাতুমুত্তমানাং বিচেষ্টিতম্ .
তত্ত্বভাবেষু সর্বেষু তুষ্যন্তি সততং বুধাঃ .. ৬০..
বালা মূর্খাঃ স্ত্রিয়শ্চৈব হাস্যনৈপথ্যয়োঃ সদা .
যস্তুষ্টো তুষ্টিমায়াতি শোকে শোকমুপৈতি চ .. ৬১..
ক্রুদ্ধঃ ক্রোধে ভয়ে ভীতঃ স শ্রেষ্ঠঃ প্রেক্ষকঃ স্মৃতঃ .
এবং ভাবানুকরণে যো যস্মিন্ প্রবিশেন্নরঃ .. ৬২..
স তত্র প্রেক্ষকো জ্ঞেয়ো গুণৈরেভিরলঙ্কৃতঃ .
এবং হি প্রেক্ষকা জ্ঞেয়াঃ প্রয়োগে দশরূপতঃ .. ৬৩..
সংঘর্ষে তু সমুৎপন্নে প্রাশ্নিকান্ সংনিবোধত .
যজ্ঞবিন্নর্তকশ্চৈব ছন্দোবিচ্ছব্দবিত্তথা .. ৬৪..
অস্ত্রবিচ্চিত্রকৃদ্বেশ্যা গন্ধর্বো রজসেবকঃ .
যজ্ঞবিদ্যজ্ঞয়োগে তু নর্তকোঽভিনয়ে স্মৃতঃ .. ৬৫..
ছন্দোবিদ্বৃত্তবন্ধেষু শব্দবিৎপাঠ্যবিস্তরে .
ইষ্বস্ত্রবিৎসৌষ্ঠবে তু নেপথ্যে চৈব চিত্রকৃৎ .. ৬৬..
কামোপচারে বেশ্যা চ গান্ধর্বঃ স্বরকর্মণি .
সেবকস্তূপচারে স্যাদেতে বৈ প্রাশ্নিকাঃ স্মৃতাঃ .. ৬৭..
এভির্দৃষ্টান্তসংযুক্তৈর্দোষা বাচ্যাস্তথা গুণাঃ .
অশাস্ত্রজ্ঞা বিবাদেষু যথা প্রকৃতিকর্মতঃ .. ৬৮..
অথৈতে প্রশ্নিকা জ্ঞেয়াঃ কথিতা যে ময়ানঘাঃ .
শাস্ত্রজ্ঞানাদ্যদা তু স্যাৎসংঘর্ষঃ শাস্ত্রসংশ্রয়ঃ .. ৬৯..
শাস্ত্রপ্রামাণনির্মাণৈর্ব্যবহারো ভবেত্তদা .
ভর্তৃনিয়োগাদন্যোঽন্যবিগ্রাৎস্পর্ধয়াপি ভরতানাম্ .. ৭০..
অর্থপতাকা হেতোস্সংঘর্ষো নাম সংভবতি .
তেষাং কার্যং ব্যবহারদর্শনং পক্ষপাতবিরহেণ .. ৭১..
কৃৎবা পণং পতাকাং ব্যবহারঃ স ভবিতব্যস্তু .
সর্বৈরনন্যমতিভিঃ সুখোপবিষ্টৈশ্চ শুদ্ধভাবৈশ্চ .. ৭২..
যৈর্লেখকগমকসহায়াস্সহ সিদ্ধিভির্ঘাতাঃ .
নাত্যাসনৈর্নদূরসংস্থিতৈঃ প্রেক্ষকৈস্তু ভবিতব্যম্ .. ৭৩..
তেষামাসনয়োগো দ্বাদশহস্তস্থিতঃ কার্যঃ .
যানি বিহিতানি পূর্বং সিদ্ধিস্থানানি তানি লক্ষ্যাণি .. ৭৪..
ঘাতাশ্চ লক্ষণীয়াঃ প্রয়োগতো নাট্যয়োগে তু .
দৈবাদ্ঘাতসমুত্থাঃ পরোত্থিতা বা বুধৈর্নবৈর্লেখ্যাঃ .. ৭৫..
ঘাতা নাট্যসমুত্থা হ্যাত্মসমুত্থাস্তু লেখ্যাঃ স্যুঃ .
ঘাতা যস্য ৎবল্পাঃ সংখ্যাতাঃ সিদ্ধয়শ্চ বহুলাঃ স্যুঃ .. ৭৬..
বিদিতং কৃৎবা রাজ্ঞস্তস্মৈ দেয়া পতাকা হি .
সিধ্যতিশয়াৎপতাকা সমসিদ্ধৌ পার্থিবাজ্ঞয়া দেয়া .. ৭৭..
অথ নরপতিঃ সমঃ স্যাদুভয়োরপি সা তদা দেয়া .
এবং বিধিজ্ঞৈর্যষ্টব্যো ব্যবহারঃ সমঞ্জসাম্ .. ৭৮..
স্বস্থচিত্তসুখাসিনৈঃ সুবিশিষ্টৈর্গুণার্থিভিঃ .
বিমৃশ্য প্রেক্ষকৈর্গ্রাহ্যং সর্বরাগপরাঙ্গমুখৈঃ .. ৭৯..
সাধন দূষণাভাসঃ প্রয়োগসময়াশ্রিতৈঃ .
সমৎবমঙ্গমাধুর্যং পাঠ্যং প্রকৃতয়ো রসাঃ .. ৮০..
বাদ্যং গানং সনেপথ্যমেতজ্জ্ঞেয়ং প্রয়ত্নতঃ .
গীতবাদিত্রতালেন কলান্তরকলাসু চ .. ৮১..
উঅদঙ্গং ক্রিয়তে নাট্যং সমন্তাৎ সমমুচ্যতে .
অঙ্গোপাঙ্গসমায়ুক্তং গীততাললয়ান্বিতম্ .. ৮২..
গানবাদ্যসমৎবং চ তদ্বুধৈঃ সমমুচ্যতে .
সনির্ভুগ্নমুরঃ কৃৎবা চতুরশ্রক্রুতৌ করৌ .. ৮৩..
গ্রীবাঞ্চিতা তথা কর্যা ৎবঙ্গমাধুর্যমেব চ .
পূর্ব্রোক্তানীহ শেষাণি যানি দ্রব্যাণি সাধকৈ হ্.. ৮৪..
বদ্যাদীনাং পুনর্বুপ্রা লক্ষণং সন্নিবোধত .
বাদ্যপ্রভৃতয়ো গানং বাদ্যমাণানি নির্দিশেৎ .. ৮৫..
যানি স্থানানি সিদ্ধীনাং তৈঃ সিদ্ধিং তু প্রকাশয়েৎ .
হর্ষাদঙ্গসমুদ্ভূতাং নানারসসমুত্থিতাম্ .. ৮৬..
বারকালাস্তু বিজ্ঞেয়া নাট্যজ্ঞৈর্বিবিধাশ্রয়াঃ .
দিবসৈশ্চৈব রাত্রিশ্চ তয়োর্বারান্ নিবোধত .. ৮৭..
পূর্বাহ্ণস্ত্বথ মধ্যাহ্নস্ত্বপরাহ্ণস্তথৈব চ .
দিবা সমুত্থা বিজ্ঞেয়া নাট্যবারাঃ প্রয়োগতঃ .. ৮৮..
প্রাদোষিকার্ধরাত্রিশ্চ তথা প্রাভাতিকোঽপরঃ .
নাট্যবারা ভবন্ত্যেতে রাত্রাবিত্যনুপূর্বশঃ .. ৮৯..
এতেষাং অত্র যদ্যোজ্যং নাট্যকার্যং রসাশ্রয়ম্ .
তদহং সংপ্রবক্ষ্যামি বারকালসমাশ্রয়ম্ .. ৯০..
যচ্ছ্রোত্ররমণীয়ং স্যাদ্ধর্মোত্থনকৃতং চ যৎ .
পূর্বাহ্ণে তৎপ্রয়োক্তব্যং শুদ্ধং বা বিকৃতং তথা .. ৯১..
সত্ত্বোত্থানগুণৈর্যুক্তং বাদ্যভূয়িষ্ঠমেব চ .
পুষ্কলং সত্ত্বয়ুক্তং চ অপরাহ্ণে প্রয়োজয়েৎ .. ৯২..
কৈশিকীবৃত্তিসংযুক্তং শৃঙ্গারসসংশ্রয়ম্ .
নৃত্যবাদিত্রগীতাঢ্যং প্রদোষে নাট্যমিষ্যতে .. ৯৩..
যন্নর্মহাস্যবহুলং করুণপ্রায়মেব চ .
প্রভাতকালে তৎকার্যং নাট্যং নিদ্রাবিনাশনম্ .. ৯৪..
অর্ধরাত্রে নিয়ুঞ্জীত সমধ্যাহ্নে তথৈব চ .
সন্ধ্যাভোজনকালে চ নাট্যং নৈব প্রয়োজয়েৎ .. ৯৫..
এবং কালং চ দেশং চ সমীক্ষ্য চ বলাবলম্ .
নিত্যং নাট্যং প্রয়ুঞ্জীত যথাভাবং যথারসম্ .. ৯৬..
অথব দেশকালৌ চ ন পরীক্ষ্যৌ প্রয়োক্তৃভিঃ
যথৈবাজ্ঞাপয়েদ্ভর্তা তদা যোজ্যমসংশয়ম্. . ৯৭..
তথা সমুদিআতাশ্চৈব বিজ্ঞেয়া নাটকাশ্রিতাঃ .
পাত্রং প্রয়োগমৃদ্ধিশ্চ বিজ্ঞেয়াস্তু ত্রয়ো গুণাঃ .. ৯৮..
বুদ্ধিমৎবং সুরূপৎবং লয়তালজ্ঞতা তথা .
রসভাবজ্ঞতা চৈব বয়স্স্থৎবং কুতূহলম্ .. ৯৯..
গ্রহণং ধারণং চৈব গাত্রাবৈকল্যমেব চ .
নিজসাধ্বসতোৎসাহ ইতি পাত্রগতো বিধিঃ .. ১০০..
সুবাদ্যতা সুগানৎবং সুপাঠ্যৎবং তথৈব চ .
শাস্ত্রকর্মসমায়োগঃ প্রয়োগ ইতি সংজ্ঞিতঃ .. ১০১..
শুচিভূষণতায়াং তু মাল্যাভরণবাসসাম্ .
বিচিত্ররচনা চৈব সমৃদ্ধিরিতি সংজ্ঞিতা .. ১০২..
যদা সমুদিতাঃ সর্বে একীভূতা ভবন্তি হি .
অলঙ্কারাঃ সকুতপা মন্তব্যো নাটকাশ্রয়াঃ .. ১০৩..
এতদুক্তং দ্বিজশ্রেষ্ঠাঃ সিদ্ধীনাং লক্ষণং ময়া .
অত ঊর্ধ্বং প্রবক্ষ্যাম্যাতোদ্যানাং বিকল্পনম্ .. ১০৪..
ইতি ভারতীয়ে নাট্যশাস্ত্রে সিদ্ধিব্যঞ্জকো
নাম সপ্তবিংশোঽধ্যায়ঃ ..