নাট্যশাস্ত্রম্ অধ্যায় ০৪

.. নাট্যশাস্ত্রম্ অধ্যায় ৪ ..
.. শ্রীরস্তু ..
ভরতমুনিপ্রণীতং নাট্যশাস্ত্রম্

অথ চতুর্থোঽধ্যায়ঃ .

এবং তু পূজনং কৃৎবা ময়া প্রোক্তঃ পিতামহঃ .
আজ্ঞাপয় প্রভো ক্ষিপ্রং কঃ প্রয়োগঃ প্রয়ুজ্যতাম্ .. ১..
ততোঽস্ম্যুক্তো ভগবতা যোজয়ামৃতমন্থনম্ .
এতদুৎসাহজননং সুরপ্রীতিকরং তথা .. ২..
যোঽযং সমবকারস্তু ধর্মকামার্থসাধকঃ .
ময়া প্রাগ্গ্রথিতো বিদ্বন্স প্রয়োগঃ প্রয়ুজ্যতাম্ .. ৩..
তস্মিন্সমবকারে তু প্রয়ুক্তে দেবদানবাঃ .
হৃষ্টাঃ সমভবন্সর্বে কর্মভাবানুদর্শনাৎ .. ৪..
কস্যচিৎবথ কালস্য মামাহাম্বুজসম্ভবঃ
নাট্যং সন্দর্শয়ামোঽদ্য ত্রিনেত্রায় মহাত্মনে .. ৫..
ততঃ সার্ধং সুরৈর্গৎবা বৃষভাঙ্কনিবেশনম্ .
সমভ্যর্চ্য শিবং পশ্চাদুবাচেদং পিতামহঃ .. ৬..
ময়া সমবাকরস্তু যোঽযং সৃষ্টঃ সুরোত্তম .
শ্রবণে দর্শনে চাস্য প্রসাদং কর্তুমর্হসি .. ৭..
পশ্যাম ইতি দেবেশো দ্রুহিণং বাক্যমব্রবীৎ .
ততো মামাহ ভগবান্ সজ্জো ভব মহামতে .. ৮..
ততো হিমবতঃ পৃষ্ঠে নানানাগসমাকুলে .
বহুভূতগণাকীর্ণে রম্যকন্দরনির্জ়্হরে .. ৯..
পূর্বরঙ্গঃ কৃতঃ পূর্বং তত্রায়ং দ্বিজসত্তমাঃ .
তথা ত্রিপুরদাহশ্চ ডিমসংজ্ঞঃ প্রয়োজিতঃ .. ১০..
ততো ভূতগণা হৃষ্টাঃ কর্নভাবানুকীর্তনাৎ .
মহাদেবশ্চ সুপ্রীতঃ পিতামহমথাব্রবীৎ .. ১১..
অহো নাট্যমিদং সম্যক্ ৎবয়া সৃষ্টং মহামতে .
যশস্যং চ শুভার্থং চ পুণ্যং বুদ্ধিবিবর্ধনম্ .. ১২..
ময়াপীদং স্মৃতং নৃত্যং সন্ধ্যাকালেষু নৃত্যতা .
নানাকরণসংযুক্তৈরঙ্গহারৈর্বিভূষিতম্ .. ১৩..
পূর্বরঙ্গবিধাবস্মিংস্ত্বয়া সম্যক্প্রয়োজ্যতাম্ .
বর্ধমানকয়োগেষু গীতেষ্বাসারিতেষু চ .. ১৪..
মহাগীতেষু চৈবার্থান্সম্যগেবাভিনেষ্যসি .
যশ্চায়ং পূর্বরঙ্গস্তু ৎবয়া শুদ্ধঃ প্রয়োজিতঃ .. ১৫..
এভির্বিমিশ্রিতশ্চায়ং চিত্রো নাম ভবিষ্যতি .
শ্রুৎবা মহেশ্বরবচঃ প্রত্যুক্তস্তু স্বয়ংভুবা .. ১৬..
প্রয়োগমঙ্গহারাণামাচক্ষ্ব সুরসত্তম .
ততস্তণ্ডুং সমাহূয় প্রোক্তবান্ ভুবনেশ্বরঃ .. ১৭..
প্রয়োগমঙ্গহারাণামাচক্ষ্ব ভরতায় বৈ .
ততো যে তণ্ডুনা প্রোক্তাস্ত্বঙ্গহারা মহাত্মনা.. ১৮..
তান্বঃ করণসংযুক্তান্ব্যাখ্যাস্যামি সরেচকান্ .
স্থিরহস্তোঽঙ্গহারস্তু তথা পর্যস্তকঃ স্মৃতঃ .. ১৯..
সূচিবিদ্ধস্তথা চৈব হ্যপবিদ্ধস্তথৈব চ .
আক্ষিপ্তকোঽথ বিজ্ঞেয়স্তথা চোদ্ধট্টিতঃ স্মৃতঃ .. ২০..
বিষ্কম্ভশ্চৈব সম্প্রোক্তস্তথা চৈবাপরাজিতঃ .
বিষ্কম্ভাপসৃতশ্চৈঅব মত্তাক্রীডস্তথৈব চ .. ২১..
স্বস্তিকো রেচিতশ্চৈব পার্শ্বস্বস্তিক এব চ .
বৃশ্চিকাপসৃতঃ প্রোক্তো ভ্রমরশ্চ তথাপরঃ .. ২২..
মত্তস্খলিতকশ্চৈব মদাদ্বিলসিতস্তথা .
গতিমণ্ডলকো জ্ঞেয়ঃ পরিচ্ছিন্নস্তথৈব চ .. ২৩..
পরিবৃত্তচিতোঽথ স্যাত্তথা বৈশাখরেচিতঃ .
পরাবৃত্তোঽথ বিজ্ঞেয়স্তথা চৈবাপ্যলাতকঃ .. ২৪..
পার্শ্বচ্ছেদোঽথ সম্প্রোক্তো বিদ্যুদ্ভ্রান্তস্তথৈব চ .
ঊরূদ্বৃত্তস্তথা চৈব স্যাদালীঢস্তথৈব চ .. ২৫..
রেচিতশ্চাপি বিজ্ঞেয়স্তথৈবাচ্ছুরিতঃ স্মৃতঃ .
আক্ষিপ্তরেচিতশ্চৈব সম্ভ্রান্তশ্চ তথাপরঃ .. ২৬..
অপসর্পস্তু বিজ্ঞেয়স্তথা চার্ধনিকুট্টকঃ .
দ্বাত্রিংশদেতে সম্প্রোক্তা অঙ্গহারাস্তু নামতঃ .. ২৭..
এতেষাং তু প্রবক্ষ্যামি প্রয়োগং করণাশ্রয়ম্ .
হস্তপাদপ্রচারশ্চ যথা যোজ্যঃ প্রয়োক্তৃভিঃ .. ২৮..
অঙ্গহারেষু বক্ষ্যামি করণেষু চ বৈ দ্বিজাঃ .
সর্বেষামঙ্গহারাণাং নিষ্পত্তিঃ করণৈর্যতঃ .. ২৯..
তান্যতঃ সম্প্রবক্ষ্যামি নামতঃ কর্মতস্তথা .
হস্তপাদসমায়োগো নৃত্যস্য করণং ভবেৎ .. ৩০..
দ্বে নৃত্তকরণে চৈব ভবতো নৃত্তমাতৃকা .
দ্বাভ্যাং ত্রিভিশ্চতুর্ভির্বাপ্যঙ্গহারস্তু মাতৃভিঃ .. ৩১..
ত্রিভিঃ কলাপকং চৈব চতুর্ভিঃ ষণ্ডকং ভবেৎ .
পঞ্চৈব করণানি স্যুঃ সঙ্ঘাতক ইতি স্মৃতঃ .. ৩২..
ষড্ভির্বা সপ্তভির্বাপি অষ্টভির্নবভিস্তথা .
করণৈরিহ সংযুক্তা অঙ্গহারাঃ প্রকীর্তাঃ .. ৩৩..
এতেষামেব বক্ষ্যামি হস্তপাদবিকল্পনম্ .
তলপুষ্পপুটং পূর্বং বর্তিতং বলিতোরু চ .. ৩৪..
অপবিদ্ধং সমনখং লীনং স্বস্তিকরেচিতম্ .
মণ্ডলস্বস্তিকং চৈব নিকুট্টকমথাপি চ .. ৩৫..
তথৈবার্ধনিকুট্টং চ কটিচ্ছিন্নং তথৈব চ .
অর্ধরেচিতকং চৈব বক্ষঃস্বস্তিকমেব চ .. ৩৬..
উন্মত্তং স্বস্তিকং চৈব পৃষ্ঠস্বস্তিকমেব চ .
দিক্স্বস্তিকমলাতং চ তথৈব চ কটীসমম্ .. ৩৭..
আক্ষিপ্তরেচিতং চৈব বিক্ষিপ্তাক্ষিপ্তকং তথা .
অর্ধস্বস্তিকমুদ্দিষ্টমঞ্চিতং চ তথাপরম্ .. ৩৮..
ভুজঙ্গত্রাসিতং প্রোক্তমূর্ধ্বজানু তথৈব চ .
নিকুঞ্চিতং চ মত্তল্লি ৎবর্ধমত্তল্লি চৈব হি .. ৩৯..
স্যাদ্রেচকনিক্কুট্টং চ তথা পাদাপবিদ্ধকম্ .
বলিতং ঘূর্ণিতং চৈব ললিতং চ তথাপরম্ .. ৪০..
দণ্ডপক্ষং তথা চৈব ভুজঙ্গত্রস্তরেচিতম্ .
নূপুরং চৈব সম্প্রোক্তং তথা বৈশাখরেচিতম্ .. ৪১..
ভ্রমরং চতুরং চৈব ভুজঙ্গাঞ্চিতমেব চ .
দণ্ডরেচিতকং চৈব তথা বৃশ্চিককুট্টিতম্ ..৪২..
কটিভ্রান্তং তথা চৈব লতাবৃশ্চিকমেব চ .
ছিন্নং চ করণং প্রোক্তং তথা বৃশ্চিকরেচিতম্ .. ৪৩..
বৃশ্চিকং ব্যংসিতং চৈব তথা পার্শ্বনিকুট্টকম্ .
ললাটতিলকং ক্রান্তং কুঞ্চিতং চক্রমণ্ডলম্ .. ৪৪..
উরোমণ্ডলমাক্ষিপ্তং তথা তলবিলাসিতম্ .
অর্গলং চাথ বিক্ষিপ্তমাবৃত্তং দোলপাদকম্ .. ৪৫..
বিবৃত্তং বিনিবৃত্তং চ পার্শ্বক্রান্তং নিশুম্ভিতম্ .
বিদ্যুত্ভ্রান্তমতিক্রান্তং বিবর্তিতকমেব চ .. ৪৬..
গজক্রীডিতকং চৈব তলসংস্ফোটিতং তথা .
গরুডপ্লুতকং চৈব গণ্ডসূচি তথাপরম্ .. ৪৭..
পরিবৃত্তং সমুদ্দিষ্টং পার্শ্বজানু তথৈব চ .
গৃধ্রাবলীনকং চৈব সন্নতং সূচ্যথাপি চ .. ৪৮..
অর্ধসূচীতি করণং সূচিবিদ্ধং তথৈব চ .
অপক্রান্তং চ সম্প্রোক্তং ময়ূরললিতং তথা .. ৪৯..
সর্পিতং দণ্ডপাদং চ হরিণপ্লুতমেব চ .
প্রেঙ্খোলিতং নিতম্বং চ স্খলিতং করিহস্তকম্ .. ৫০..
প্রসর্পিতকমুদ্দিষ্টং সিংহবিক্রীডতং তথা .
সিংহাকর্ষিতমুদ্বৃত্তং তথোপসৃতমেব চ .. ৫১..
তলসংঘট্টিতং চৈব জনিতং চাবহিত্থকম্ .
নিবেশমেলকাক্রীডমূরূদ্বৃত্তং তথৈব চ .. ৫২..
মদস্খলিতকং চৈব বিষ্ণুক্রান্তমথাপি চ .
সম্ভ্রান্তমথ বিষ্কম্ভমুদ্ঘট্টিতমথাপি চ .. ৫৩..
বৃষভক্রীডিতং চৈব লোলিতং চ তথাপরম্ .
নাগাপসর্পিতং চৈব শকটাস্যং তথৈব চ .. ৫৪..
গঙ্গাবতরণং চৈবেত্যুক্তমষ্টাধিকং শতম্ .
অষ্টোত্তরশতং হ্যেতৎকরণানাং ময়োদিতম্ .. ৫৫..
নৃত্যে যুদ্ধে নিয়ুদ্ধে চ তথ গতিপরিক্রমে .
গতিপ্রচারে বক্ষ্যামি যুদ্ধচারীবিকল্পনম্ .. ৫৬..
যত্র তত্রাপি সংযোজ্যমাচার্যৈর্নাট্যশক্তিনঃ .
প্রায়েণ করণে কার্যো বামো বক্ষঃস্থিতঃ করঃ .. ৫৭..
চরণস্যানুগশ্চাপি দক্ষিণস্তু ভবেৎকরঃ .
হস্তপাদপ্রচারন্তু কটিপার্শ্বোরুসংযুতম্ .. ৫৮..
উরঃপৃষ্ঠোদরোপেতং বক্ষ্যমাণং নিবোধত .
যানি স্থানানি যাশ্চার্যো নৃত্যহস্তাস্তথৈব চ .. ৫৯..
সা মাতৃকেতি বিজ্ঞেয়া তদ্যোগাৎকরণং ভবেৎ .
কটী কর্ণসমা যত্র কোর্পরাংসশিরস্তথা .. ৬০..
সমুন্নতমুরশ্চৈব সৌষ্ঠবং নাম তদ্ভবেৎ .
বামে পুষ্পপুটঃ পার্শ্বে পাদোঽগ্রতলসঞ্চরঃ .. ৬১..
তথা চ সন্নতং পার্শ্বং তলপুষ্পপুটং ভবেৎ .
কুঞ্চিতৌ মণিবন্ধে তু ব্যাবৃত্তপরিবর্তিতৌ .. ৬২..
হস্তৌ নিপতিতৌ চোর্বোর্বর্তিতং করণং তু তৎ .
শুকতুণ্ডৌ যদা হস্তৌ ব্যাবৃত্তপরিবর্তিতৌ .. ৬৩..
উরূ চ বলিতৌ যস্মিন্বলিতোরুকমুচ্যতে .
আবর্ত্য শুকতুণ্ডাখ্যমূরুপৃষ্ঠে নিপাতয়েৎ .. ৬৪..
বামহতশ্চ বক্ষঃস্থোঽপ্যপবিদ্ধং তু তদ্ভবেৎ .
শ্লিষ্টৌ সমনখৌ পদৌ করৌ চাপি প্রলিম্বিতৌ .. ৬৫..
দেহঃ স্বাভাবিকো যত্র ভবেৎসমনখং তু তৎ .
পতাকাঞ্জলি বক্ষঃস্থং প্রসারিতশিরোধরম্ .. ৬৬..
নিহঞ্চিতাংসকূটং চ তল্লিনং করণং স্মৃতম্ .
স্বস্তিকৌ রেচিতাবিদ্ধৌ বিশ্লিষ্টৌ কটিসংশ্রিতৌ .. ৬৭..
যত্র তৎকরণং জ্ঞেয়ং বুধৈঃ স্বস্তিকরেচিতম্ .
স্বস্তিকৌ তু করৌ কৃৎবা প্রাঙ্গমুখোর্ধ্বতলৌ সমৌ .. ৬৮..
তথা চ মণ্ডলং স্থানং মণ্ডলস্বস্তিকং তু তৎ .
নিকুট্টিতৌ যদা হস্তৌ স্ববাহুশিরসোঽন্তরে .. ৬৯..
পাদৌ নিকুট্টিতৌ চৈব জ্ঞেয়ং তত্তু নিকুট্টকম্ .
অঞ্চিতৌ বাহুশিরসি হস্তস্ত্বভিমুখাঙ্গুলিঃ .. ৭০..
নিকুঞ্চিতার্ধয়োগেন ভবেদর্থনিকুট্টকম্ .
পর্যায়শঃ কটিশ্ছিন্না বাহ্বোঃ শিরসি পল্লবৌ .. ৭১..
পুনঃপুনশ্চ করণং কটিচ্ছিনং তু তদ্ভবেৎ .
অপবিদ্ধকরঃ সূচ্যা পাদশ্চৈব নিকুট্টিতঃ .. ৭২..
সংন্নতং যত্র পার্শ্বং চ তদ্ভবেঅর্ধরেচিতম্ .
স্বস্তিকৌ চরণৌ যত্র করৌ বক্ষসি রেচিতৌ .. ৭৩..
নিকুঞ্চিতং তথা বক্ষো বক্ষস্স্বস্তিকমেব তৎ .
আঞ্চিতেন তু পাদেন রেচিতৌ তু করৌ যদা .. ৭৪..
উন্মতং করণং তত্তু বিজ্ঞেয়ং নৃত্যকোবিদৈঃ .
হস্তাভ্যামথ পাদাভ্যাং ভবতঃ স্বস্তিকৌ যদা .. ৭৫..
তৎস্বস্তিকমিতি প্রোক্তং করণং করণার্থিভিঃ .
বিক্ষিপ্তাক্ষিপ্তবাহুভ্যাং স্বস্তিকৌ চরণৌ যদা .. ৭৬..
অপক্রান্তার্ধসূচিভ্যাং তৎপৃষ্ঠস্বস্তিকং ভবেৎ .
পার্শ্বয়োরগ্রতশ্চৈব যত্র শ্লিষ্টঃ করো ভবেৎ .. ৭৭..
স্বস্তিকৌ হস্তপাদাভ্যাং তদ্দিক্স্বস্তিকমুচ্যতে .
অলাতং চরণং কৃৎবা ব্যংসয়েদ্দক্ষিণং করম্ .. ৭৮..
ঊর্ধ্বজানুক্রমং কুর্যাদলাতকমিতি স্মৃতম্ .
স্বস্তিকাপসৃতঃ পাদঃ করৌ নাভিকটিস্থিতৌ .. ৭৯..
পার্শ্বমুদ্বাহিতং চৈব করণং তৎকটীসমম্ .
হস্তৌ হৃদি ভবেদ্বামঃ সব্যশ্চাক্ষিপ্তরেচিতঃ ..৮০..
রেচিতশ্চাপবিদ্ধশ্চ তৎস্যাদাক্ষিপ্তরেচিতম্ .
বিক্ষিপ্তং হস্তপাদং চ তসৈবাক্ষেপণং পুনঃ .. ৮১..
যত্র তৎকরণং জ্ঞেয়ং বিক্ষিপ্তাক্ষিপ্তপ্তকং দ্বিজাঃ .
স্বস্তিকৌ চরণৌ কৃৎবা করিহস্তং চ দক্ষিণম্ .. ৮২..
বক্ষস্থানে তথা বামমর্ধস্বস্তিকমাদিশেৎ .
ব্যাবৃত্তপরিবৃত্তস্তু স এব তু করো যদা .. ৮৩..
অঞ্চিতো নাসিকাগ্রে তু তদঞ্চিতমুদাহৃতম্ .
কুঞ্চিতং পাদমুৎক্ষিপ্য ত্র্যশ্রমূরুং বিবর্তয়েৎ .. ৮৪..
কটিজানুবিবর্তাচ্চ ভুজঙ্গত্রাসিতং ভবেৎ .
কুঞ্চিতং পাদমুৎক্ষিপ্য জনুস্তনসমং ন্যসেৎ .. ৮৫..
প্রয়োগবশগৌ হস্তাবূর্ধ্বজানু প্রকীর্তিতম্ .
বৃশ্চিকং চরণং কৃৎবা করং পার্শ্বে নিকুঞ্চয়েৎ .. ৮৬..
নাসাগ্রে দক্ষিণং চৈব জ্ঞেয়ং তত্তু নিকুঞ্চিতম্ .
বামদক্ষিণপাদাভ্যাং ঘূর্ণমানোপসর্পণৈঃ ..৮৭..
উদ্বেষ্টিতাপবিদ্ধৈশ্চ হস্তৈর্মত্তল্ল্যুদাহৃতম্ .
স্স্খলিতাপসৃতৌ পাদৌ বামহস্তশ্চ রেচিতঃ .. ৮৮..
সব্যহস্তঃ কটিস্থঃ স্যাদর্ধমত্তল্লি তৎস্মৃতম্ .
রেচিতো দক্ষিণো হস্তঃ পাদঃ সব্যো নিকুট্টিতঃ .. ৮৯..
দোলা চৈব ভবেদ্বামস্তদ্রেচিতনিকুট্টিতম্ .
কার্যৌ নাভিতটে হস্তৌ প্রাঙ্মুখৌ খটকামুখৌ .. ৯০..
সূচীবিদ্ধাবপক্রান্তৌ পাদৌ পাদাপবিদ্ধকে .
অপবিদ্ধো ভবেদ্ধস্তঃ সূচীপাদস্তথৈঅব চ .. ৯১..
তথা ত্রিকং বিবৃত্তং চ বলিতং নাম তদ্ভবেৎ .
বর্তিতাঘূর্ণিতঃ সব্যো হস্তো বামশ্চ দোলিতঃ .. ৯২..
স্বস্তিকাপসৃতঃ পাদঃ করণং ঘূর্ণিতং তু তৎ .
করিহস্তো ভবেদ্বামো দক্ষিণশ্চ বিবর্তিতঃ .. ৯৩..
বহুশঃ কুট্টিতঃ পদো জ্ঞেয়ং তল্ললিতং বুধৈঃ .
ঊর্ধ্বজানুং বিধায়াথ তস্যোপরি লতাং ন্যসেৎ .. ৯৪..
দণ্ড্পক্ষং তৎপ্রোক্তং কর্ণং নৃত্যবেদিভিঃ .
ভুজঞ্গত্রাসিতং কৃৎবা যত্রোভাবপি রেচিতৌ .. ৯৫..
বামপার্শ্বস্থ্তৌ হস্তৌ ভুজঙ্গত্রস্তরেচিতম্ .
ত্রিকং সুবলিতং কৃৎবা লতারেচিতকৌ করৌ .. ৯৬..
নূপুর্শ্চ তথা পাদঃ করণে নূপুরে ন্যসেৎ .
রেচিতৌ হস্তপাদৌ চ কটী গ্রীবা চ রেচিতা .. ৯৭..
বৈশাখস্থানকেনৈতদ্ভবেবৈশাখরেচিতম্ .
আক্ষিপ্তঃ স্বস্তিকঃ পাদঃ করৌ চোদ্বেষ্টিতৌ তথা .. ৯৮..
ত্রিকস্য বলনাচ্চৈব জ্ঞেয়ং ভ্রমরকং তু তৎ .
অঞ্চিতঃ স্যাৎকরো বামঃ সব্যশ্চতুর এব তু .. ৯৯..
দক্ষিণঃ কুট্টিতঃ পাদশ্চতুরং তৎপ্রকীর্তিতম্ .
ভুজঙ্গত্রাসিতঃ পাদো দক্ষিণো রেচিতঃ করঃ .. ১০০..
লতাখ্যশ্চ করো বামো ভুজঙ্গাঞ্চিতকং ভবেৎ .
বিক্ষিপ্তং হস্তপাদং তু সমন্তাদ্যত্র দণ্ডবৎ .. ১০১..
রেচ্যতে তদ্ধি করণং জ্ঞেয়ং দণ্ডকরেচিতম্ .
বৃশ্চিকং চরণং কৃৎবা দ্বাবপ্যথ নিকুট্টিতৌ .. ১০২..
বিধাতব্যৌ করৌ তত্তু জ্ঞেয়ং বৃশ্চিককুট্টিতম্ .
সূচিং কৃৎবাপবিদ্ধং চ দক্ষিণং চরণং ন্যসেৎ .. ১০৩..
রেচিতা চ কটির্যত্র কটিভ্রান্তং তদুচ্যতে .
অঞ্চিতঃ পৃষ্ঠতঃ পাদঃ কুঞ্চিতোর্ধ্বতলাঙ্গুলিঃ .. ১০৪..
লতাখ্যশ্চ করো বামস্তল্লতাবৃশ্চিকং ভবেৎ .
অলপদ্মঃ কটীদেশে ছিন্না পর্যায়শঃ কটী .. ১০৫..
বৈশাখস্থানকেনেহ তচ্ছিন্নং করণং ভবেৎ .
বৃশ্চিকং চরণং কৃৎবা স্বস্তিকৌ চ করবুভৌ .. ১০৬..
রেচিতৌ বিপ্রকীর্ণৌ চ করৌ বৃশ্চিকরেচিতম্ .
বাহুশীর্ষাঞ্চিতৌ হস্তৌ পাদঃ পৃষ্ঠাঞ্চিতস্তথা .. ১০৭..
দূরসন্নতপৃষ্ঠং চ বৃশ্চিকং তৎপ্রকীর্তিতম্ .
আলীঢং স্থানকং যত্র করৌ বক্ষসি রেচিতৌ .. ১০৮..
ঊর্ধ্বাধো বিপ্রকীর্ণৌ চ ব্যংসিতং করণং তু তৎ .
হস্তৌ তু স্বস্তিকৌ পার্শ্বে তথা পাদো নিকুট্টিতঃ .. ১০৯..
যত্র তৎকরণং জ্ঞেয়ং বুধৈঃ পার্শ্বনিকুট্টিতম্ .
বৃশ্চিকং চরণং কৃৎবা পাদস্যাঙ্গুষ্ঠকেন তু .. ১১০..
ললাটে তিলকং কুর্যাল্ললাটতিলকং তু তৎ .
পৃষ্ঠতঃ কুঞ্চিতং কৃৎবা ব্যতিক্রান্তক্রমং ততঃ .. ১১১..
আক্ষিপ্তৌ চ করৌ কার্যৌ ক্রান্তকে করণে দ্বিজাঃ .
আদ্যঃ পাদো নতঃ কার্যঃ সব্যহস্তশ্চ কুঞ্চিতঃ .. ১১২..
উত্তানো বামপার্শ্বস্থস্তৎকুঞ্চিতমুদাহৃতম্ .
প্রলম্বিতাভ্যাং বাহুভ্যাং যদ্গাত্রেণানতেন চ .. ১১৩..
অভ্যন্তরাপবিদ্ধঃ স্যাত্তজ্জ্ঞেয়ং চক্রমণ্ডলম্ .
স্বস্তিকাপসৃতৌ পাদাবপবিদ্ধক্রমৌ যদা .. ১১৪..
উরোমণ্ডলকৌ হস্তাবুরোমণ্ডলিকস্তু তৎ .
আক্ষিপ্তং হস্তপাদং চ ক্রিয়তে যত্র বেগতঃ .. ১১৫..
আক্ষিওতং নাম করণং বিজ্ঞেয়ং তৎদ্বিজোত্তমাঃ .
ঊর্ধ্বাঙ্গুলিতলঃ পাদঃ পার্শ্বেনোর্ধ্বং প্রসারিতঃ .. ১১৬..
প্রকুর্যাদঞ্চিততলৌ হস্তৌ তলবিলাসিতে .
পৃষ্ঠতঃ প্রসৃতঃ পাদৌ দ্বৌ তালাবর্ধমেব চ .. ১১৭..
তস্যেব চানুগো হস্তঃ পুরতস্ত্বর্গলং তু তৎ .
বিক্ষিপ্তং হস্তপাদং চ পৃষ্ঠতঃ পার্শ্বতোঽপি বা .. ১১৮..
একমার্গগতং যত্র তদ্বিক্ষিপ্তমুদাহৃতম্ .
প্রসার্য কুঞ্চিতং পাদং পুনরাবর্তয়েৎ দ্রুতম্ .. ১১৯..
প্রয়োগবশগৌ হস্তৌ তদাবর্তমুদাহৃতম্ .
কুঞ্চিতং পাদমুৎক্ষিপ্য পার্শ্বাৎপার্শ্বং তু ডোলয়েৎ .. ১২০..
প্রয়োগবশগৌ হস্তৌ ডোলাপাদং তদুচ্যতে .
আক্ষিপ্তং হস্তপাদং চ ত্রিকং চৈব বিবর্তয়েৎ .. ১২১..
রেচিতৌ চ তথা হস্তৌ বিবৃত্তে করণে দ্বিজাঃ .
সূচীবিদ্ধং বিধায়াথ ত্রিকং তু বিনিবর্তয়েৎ .. ১২২..
করৌ চ রেচিতৌ কার্যৌ বিনিবৃত্তে দ্বিজোত্তমঃ .
পার্শ্বক্রান্তক্রমং কৃৎবা পুরস্তাদথ পাতয়েৎ .. ১২৩..
প্রয়োগবশগৌ হস্তৌ পার্শ্বক্রান্তং তদুচ্যতে .
পৃষ্ঠতঃ কুঞ্চিতঃ পাদৌ বক্ষশ্চৈব সমুন্নতম্ .. ১২৪..
তিলকে চ করঃ স্থাপ্যস্তন্নিস্তম্ভিতমুচ্যতে .
পৃষ্ঠতো বলিতং পাদং শিরোঘৃষ্টং প্রসারয়েৎ .. ১২৫..
সর্বতো মণ্ডলাবিদ্ধং বিদ্যুদ্ভ্রান্তং তদুচ্যতে .
অতিক্রান্তক্রমং কৃৎবা পুরস্তাৎসংপ্রসারয়েৎ .. ১২৬..
প্রয়োগবশগৌ হস্তাবতিক্রান্তে প্রকীর্তিতৌ .
আক্ষিপ্তং হস্তপাদং চ ত্রিকং চৈব বিবর্তিতম্ .. ১২৭..
দ্বিতীয়ো রেচিতো হস্তো বিবর্তিতকমেব তৎ .
কর্ণেঽঞ্চিতঃ করো বামো লতাহস্তশ্চ দক্ষিণঃ .. ১২৮..
দোলাপাদস্তথা চৈব গজক্রীডিতকং ভবেৎ .
দ্রুতমুৎক্ষিপ্য চরণং পুরস্তাদথ পাঅতয়েৎ .. ১২৯..
তলসংস্ফোটিতৌ হস্তৌ তলসংস্ফোটিতে মতৌ .
পৃষ্ঠপ্রসারিতঃ পাদঃ লতারেচিতকৌ করৌ .. ১৩০..
সমুন্নতং শিরশ্চৈব গরুডপ্লুতকং ভবেৎ .
সূচিপাদো নতং পার্শ্বমেকো বক্ষঃস্থিতঃ করঃ .. ১৩১..
দ্বিতীয়শ্চাঞ্চিতো গণ্ডে গণ্ডসূচী তদুচ্যতে ,
ঊর্ধ্বাপবেষ্টিতৌ হস্তৌ সূচীপাদো বিবর্তিতঃ .. ১৩২..
পরিবৃত্তত্রিকং চৈব পরিবৃত্তং তদুচ্যতে .
একঃ সমস্থিতঃ পাদ ঊরুপৃষ্ঠে স্থিতোঽপরঃ .. ১৩৩..
মুষ্টিহস্তশ্চ বক্ষঃস্থঃ পার্শ্বজানু তদুচ্যতে .
পৃষ্ঠপ্রসারিতঃ পাদঃ কিঞ্চিতঞ্চিত জানুকঃ .. ১৩৪..
যত্র প্রসারিতো বাহূ তৎস্যাৎ গৃধ্রাবলীনকম্ .
উৎপ্লুত্য চরণৌ কার্যাবগ্রতঃ স্বস্তিকস্থিতৌ .. ১৩৫..
সন্নতৌ চ তথা হস্তৌ সন্নতং তদুদাহৃতম্ .
কুঞ্চিতং পাদমুৎক্ষিপ্য কুর্যাদগ্রস্থিতং ভুবি .. ১৩৬..
প্রয়োগবশগৌ হস্তৌ সা সূচী পরিকীর্তিতা .
অলপদ্মঃ শিরোহস্তঃ সূচীপাদশ্চ দক্ষিণঃ .. ১৩৭..
যত্র তৎকরণং জ্ঞেঅয়মর্ধসূচীতি নামতঃ .
পাদসূচ্যা যদা পাদো দ্বিতীয়স্তু প্রবিধ্যতে .. ১৩৮..
কটিবক্ষঃস্থিতৌ হস্তৌ সূচীবিধং তদুচ্যতে .
কৃৎবোরুবলিতং পাদমপক্রান্তক্রমং ন্যসেৎ .. ১৩৯..
প্রয়োগবশগৌ হস্তবপক্রান্তং তদুচ্যতে .
বৃশ্চিকং চরণং কৃৎবা রেচিতৌ চ তথা করৌ .. ১৪০..
তথা ত্রিকং বিবৃত্তং চ ময়ূরললিতং ভবেৎ .
অঞ্চিতাপসৃতৌ পাদৌ শিরশ্চ পরিবাহিতম্ .. ১৪১..
রেচিতৌ চ তথা হস্তৌ তৎসর্পিতমুদাহৃতম্ .
নূপুরং চরণং কৃৎবা দণ্ডপাদং প্রসারয়েৎ .. ১৪২..
ক্ষিপ্রাবিদ্ধকরং চৈব দণ্ডপাদং তদুচ্যতে .
অতিক্রান্তক্রমং কৃৎবা সমুৎপ্লুত্য নিপাতয়েৎ .. ১৪৩..
জঙ্ঘাঞ্চিতোপরি ক্ষিপ্তা তদ্বিদ্যাদ্ধরিণপ্লুতম্ .(see the cluster ঁNghaa. A new ligature may be added to represent this cluster)
ডোলাপাদক্রমং কৃৎবা সমুৎপ্লুত্য নিপাতয়েৎ ..১৪৪..
পরিবৃত্তত্রিকং চৈব তৎপ্রেঙ্খোলিতমুচ্যতে .
ভুজাবূর্ধ্ববিনিষ্ক্রান্তৌ হস্তৌ চাভি ( ধো )মুখাঙ্গুলী .. ১৪৫..
বদ্ধা চারী তথ চৈব নিতম্বে করণে ভবেৎ .
দোলাপাদক্রমং কৃৎবা হস্তৌ তদনুগাবুভৌঅ .. ১৪৬..
রেচিতৌ ঘূর্ণিতৌ বাপি স্খলিতং করণং ভবেৎ .
একো বক্ষঃস্থিতো হস্তঃ প্রোদ্বেষ্টিততলোঽপরঃ .. ১৪৭..
অঞ্চিতশ্চরণশ্চৈব প্রয়োজ্যঃ করিহস্তকে .
একস্তু রেচিতো হস্তো লতাখ্যস্তু তথা পরঃ .. ১৪৮..
প্রসর্পিততলৌ পাদৌ প্রসর্পিতকমেব তৎ .
অলাতং চ পুরঃকৃৎবা দ্বিতীয়ং চ দ্রুতক্রমম্ .. ১৪৯..
হস্তৌ পাদানুগৌ চাপি সিংহবিক্রীডিতে স্মৃতৌ .
পৃষ্ঠপ্রসর্পিতঃ পাদস্তথা হস্তৌ নিকুঞ্চিতৌ .. ১৫০..
পুনস্তথৈব কর্তব্যৌ সিংহাকর্ষ্তকে দ্বিজাঃ .
আক্ষিপ্তহস্তমাক্ষিপ্তদেহমাক্ষিপ্তপাদকম্ .. ১৫১..
অদ্বৃত্তগাত্রমিত্যেতদুদ্বৃতাং করণং স্মৃতম্ .
আক্ষিপ্তচরণশ্চৈকো হস্তৌ তস্যৈব চানুগৌ .. ১৫২..
আনতং চ তথ গাত্রং তয়োপসৃতকং ভবেৎ
দোলাপাদক্রমং কৃৎবা তলসঙ্ঘট্টিতৌ করৌ .. ১৫৩..
রেচয়েচ্চ করং বামং তলসঙ্ঘট্টিতে সদা .
একো বক্ষঃস্থিতো হস্তো দ্ব্তীয়শ্চ প্রলম্বিতঃ .. ১৫৪..
তলাগ্রসংস্থিতঃ পাদো জনিতে করণে ভবেৎ .
জনিতং করণং কৃৎবা হস্তৌ চাভিমুখাঙ্গুলী .. ১৫৫..
শনৈর্নিপতিতো চৈব জ্ঞেয়ং তদবহিত্থকম্ .
করৌ বক্ষঃস্থিতৌ কার্যাবুরৌ নির্ভুগ্নমেব চ .. ১৫৬..
মণ্ডলস্থানকং চৈব নিবেশং করণং তু তৎ .
তলসঞ্চরপাদাভ্যামুৎপ্লুত্য পতনং ভবেৎ ..১৫৭..
সংনতং বলিতং গাত্রমেলকাক্রীডিতং তু তৎ .
করমাবৃত্তকরণমূরুপৃষ্ঠেঽঞ্চিতং ন্যসেৎ .. ১৫৮..
জঙ্ঘাঞ্চিতা তথোদ্বৃত্তা হ্যূরূদ্বৃত্তং তু তদ্ভবেৎ .
করৌ প্রলম্বিতৌ কার্যো শিরশ্চ পরিবাহিতম্ .. ১৫৯..
পাদৌ চ বলিতাবিধ্দৌঅ মদস্খলিতকে দ্বিজাঃ .
পুরঃ প্রসারিতঃ পাদঃ কুঞ্চিতো গগনোন্মুখঃ .. ১৬০..
করৌ চ রেচিতৌ যত্র বিষ্ণুক্রান্তং তদুচ্যতে .
করমাবর্তিতং কৃৎবা হ্যূরুপৃষ্ঠে নিকুঞ্চয়েৎ ..১৬১..
ঊরুশ্চৈব তথাবিদ্ধঃ সম্ভ্রান্তং করণং তু তৎ .
অপবিদ্ধঃ করঃ সূচ্যা পাদশ্চৈব নিকুট্টিতঃ .. ১৬২..
বক্ষঃস্থশ্চ করো বামো বিষ্কম্ভে করণে ভবেৎ .
পাদাবুদ্ধট্টিতৌ কার্যৌ তলসঙ্ঘট্টিতৌ করৌ .. ১৬৩..
নতশ্চ পার্শ্বং কর্তব্যং বুধৈরুদ্ধট্টিতে সদা .
প্রয়ুজ্যালাতকং পূর্বং হস্তৌ চাপি হি রেচয়েৎ .. ১৬৪..
কুঞ্চিতাবঞ্চিতৌ চৈব বৃষভক্রীডিতে সদা .
রেচিতাবঞ্চিতৌ হস্তৌ লোলিতং বর্তিতং শিরঃ .. ১৬৫..
উভয়োঃপার্শ্বয়োর্যত্র তল্লোলিতমুদাহৃতম্ .
স্বস্তিকাপসৃতৌ পাদৌ শিরশ্চ পরিবাহিতম্.. ১৬৬..
রেচিতৌ চ তথা হস্তৌ স্যাতাং নাগাপসর্পিতে .
নিষণ্ণাঙ্গস্তু চরণং প্রসার্য তলসঞ্চরম্ .. ১৬৭..
উদ্বাহিতমুরঃ কৃৎবা শকটাস্যং প্রয়োজয়েৎ .
ঊর্ধ্বাঙ্গুলিতলৌ পাদৌ ত্রিপতাকাবধোমুখৌ .. ১৬৮..
হস্তৌ শিরস্সন্নতং চ গঙ্গাবতরণং ৎবিতি .
যানি স্থানানি যাশ্চার্যো ব্যায়ামে কথিতানি তু .. ১৬৯..
পাদপ্রচারস্ত্বেষাং তু করণানাময়ং ভবেৎ .
যে চাপি নৃত্তহস্তাস্তু গদিতা নৃত্তকর্মণি .. ১৭০..
তেষাং সমাসতো যোগঃ করণেষু বিভাব্যতে .
প্রায়েণ করণে কার্যো বামো বক্ষঃস্থিতঃ করঃ .. ১৭১..
চরণশ্চানুগশ্চাপি দক্ষিণস্তু ভবেৎকরঃ .
চার্যশ্চৈব তু যাঃ প্রোক্তা নৃত্তহস্তাস্তথৈব চ .. ১৭২..
সা মাতৃকেতি বিজ্ঞেয়া তদ্ভেদাৎকরণানি তু .
অষ্টোত্তরশতং হ্যেতৎকরণানাং ময়োদিতম্ .. ১৭৩..
অতঃ পরং প্রবক্ষ্যামি হ্যঙ্গহারবিকল্পনম্ .
প্রসার্যোৎক্ষিপ্য চ করৌ সমপাদং প্রয়োজয়েৎ .. ১৭৪..
ব্যংসিতাপসৃতং সব্যং হস্তমূর্ধ্বং প্রসারয়েৎ .
প্রত্যালীঢং ততঃ কুর্যাৎ তথৈব চ নিকুট্টকম্ .. ১৭৫..
ঊরূদ্বৃত্তং ততঃ কুর্যাদক্ষিপ্তং স্বস্তিকং ততঃ .
নিতম্বং করি হস্তং চ কটিচ্ছিন্নং চ যোগতঃ .. ১৭৬..
স্থিরহস্তো ভবেদেষ ৎবঙ্গহারো হরপ্রিয়ঃ .
তলপুষ্পাপবিদ্ধে দ্বে বর্তিতং সংনিকুট্টিকম্ .. ১৭৭..
ঊরূদ্বৃত্তং তথাক্ষিপ্তমুরোমণ্ডলমেব চ .
নিতম্বং করিহস্তং চ কটিচ্ছিন্নং তথৈব চ .. ১৭৮..
এষ পর্যস্তকো নাম হ্যঙ্গহারো হরোদ্ভবঃ .
অলপল্লবসূচীং চ কৃৎবা বিক্ষিপ্তমেব চ ..১৭৯..
আবর্তিতং ততঃ কুর্যাত্তথৈঅব চ নিকুট্টকম্ .
ঊরূদ্বৃত্তং তথাক্ষিপ্তমুরোমণ্ডলমেব চ .. ১৮৯..
করিহস্তং কটিচ্ছিন্নং সূচীবিদ্ধো ভবেদয়ম্ .
অপবিদ্ধং তু করণং সূচীবিদ্ধং তথৈব চ .. ১৮১..
উদ্বেষ্টিতেন হস্তেন ত্রিকং তু পরিবর্তয়েৎ .
উরোমণ্ডলকৌ হস্তৌ কটিচ্ছিন্নং তথৈব চ .. ১৮২..
অপবিদ্ধোঽঙ্গহারাশ্চ বিজ্ঞেয়োঽযং প্রয়োক্তৃভিঃ .
করণং নূপুরং কৃৎবা বিক্ষিপ্তালাতকে পুনঃ .. ১৮৩..
পুনরাক্ষিপ্তকং কুর্যাদুরোমণ্ডলকং তথা .
নিতম্বং করিহস্তং চ কটিচ্ছিন্নং তথৈব চ .. ১৮৪..
আক্ষিপ্তকঃ স বিজ্ঞেয়ো হ্যঙ্গহারঃ প্রয়োক্তৃভিঃ .
উদ্বেষ্টিতাপবিদ্ধস্তু করঃ পাদো নিকুট্টিতঃ .. ১৮৫..
পুনস্তৈনৈব যোগেন বামপার্শ্বে ভবেদথ .
উরোমণ্ডলকৌ হস্তৌ নিতম্বং করিহস্তকম্ .. ১৮৬
কর্তব্যং সকটিচ্ছিন্নং নৃত্যে তূদ্ধট্টিতে সদা .
পর্যায়োদ্বেষ্টিতৌ হস্তৌ পাদৌ চৈব নিকুট্টিতৌ .. ১৮৭..
কুঞ্চিতাবঞ্চিতৌঅ চৈব হ্যূরূদ্বৃত্তং তথৈব চ .
চতুরশ্রং করং কৃৎবা পাদেন চ নিকুট্টকম্ .. ১৮৮..
ভুজঙ্গত্রাসিতং চৈব করং চোদ্বিষ্টিতং পুনঃ .
পরিচ্ছিন্নং চ কর্তব্যং ত্রিকং ভ্রমরকেণ তু .. ১৮৯..
করিহস্তং কটিচ্ছিন্নং বিষ্কম্ভে পরিকীর্তিতম্ .
দণ্ডপাদং করং চৈব বিক্ষিপ্যাক্ষিপ্য চৈব হি .. ১৯০..
ব্যংসিতং বামহস্তং চ সহ পাদেন সর্পয়েৎ .
নিকুট্টকদ্বয়ং কার্যমাক্ষিপ্তং মণ্ডলোরসি .. ১৯১..
করিহস্তং কটিচ্ছিন্নং কর্তব্যমপরাজিতে .
কুট্টিতং করণং কৃৎবা ভুজঙ্গত্রাসিতং তথা .. ১৯২..
রেচিতেন তু হস্তেন পতাকং হস্তমাদিশেৎ .
আক্ষিপ্তকং প্রয়ুঞ্জীত হ্যুরোমণ্ডলকং তথা .. ১৯৩..
লতাখ্যং সকটকচ্ছিন্নং বিষ্কম্ভাপসৃতে ভবেৎ .
ত্রিকং সুবলিতং কৃৎবা নূপুরং করণং তথা .. ১৯৪..
ভুজঙ্গত্রাসিতং সব্যং তথা বৈশাখরেচিতম্ .
আক্ষিপ্তকং ততঃ কৃৎবা পরিচ্ছিন্নং তথৈব চ .. ১৯৫..
বাহ্যভ্রমরকং কুর্যাদুরোমণ্ডলমেব চ .
নিতম্বং করিহস্তং চ কটিচ্ছিন্নং তথৈব চ .. ১৯৬..
মত্তাক্রীডো ভবেদেষ হ্যঙ্গহারো হরপ্রিয়ঃ .
রেচিতং হস্তপাদং চ কৃৎবা বৃশ্চিকমেব চ .. ১৯৭..
পুনস্তেনৈব যোগেন বৃশ্চিকং সম্প্রয়োজয়েৎ .
নিকুট্টকং তথা চৈব সব্যাসব্যকৃতং ক্রমাৎ ..১৯৮..
লতাখ্যঃ সকটিচ্ছেদো ভবেৎস্বস্তিকরেচিতে .
পার্শ্বে তু স্বস্তিকং বদ্ধ্বা কার্যং ৎবথ নিকুট্টকম্ .. ১৯৯..
দ্বিতীয়স্য চ পার্শ্বস্য বিধিঃ স্যাদ্যমেব হি .
ততশ্চ করমাবর্ত্য হ্যূরূপৃষ্ঠে নিপাতয়েৎ .. ২০০..
ঊরূদ্বৃত্তং ততঃ কুর্যাদাক্ষিপ্তং পুনরেব হি .
নিতম্বং করিহস্তং চ কটিচ্ছিন্নং তথৈব চ .. ২০১..
পার্শ্বস্বস্তিক ইত্যেষ হ্যঙ্গহারঃ প্রকীর্তিতঃ .
বৃশ্চিকং করণং কৃৎবা লতাখ্যং হস্তমেব চ .. ২০২..
তমেব চ করং ভূয়ো নাসাগ্রে সন্নিকুঞ্চয়েৎ .
তমেবোদ্বেষ্টিতং কৃৎবা নিতম্বং পরিবর্তয়েৎ .. ২০৩..
করিহস্তং কটিচ্ছিন্নং বৃশ্চিকাপসৃতে ভবেৎ .
কৃৎবা নূপুরপাদং তু তথাক্ষিপ্তকমেব চ .. ২০৪..
পরিচ্ছিন্নং চ কর্তব্যং সূচীপাদং তথৈব চ .
নিতম্বং করিহস্তং চাপ্যুরোমণ্ডলকং তথা .. ২০৫ ..
কটীচ্ছিন্নং ততশ্চৈব ভ্রমরঃ স তু সংজ্ঞিতঃ .
মতল্লিকরণং কৃৎবা করমাবর্ত্য দক্ষিণম্ .. ১০৬..
কপোলস্য প্রদেশে তু কার্যং সম্যঙ্নিকুঞ্চিতম্
অপবিদ্ধং দ্রুতং চৈব তলসংস্ফোটসংযুতম্ .. ২০৭..
করিহস্তং কটিচ্ছিন্নং মত্তস্খলিতকে ভবেৎ .
দোলৈঃ করৈঃ প্রচলিতৈঃ স্বস্তিকাপসৃতৈঃ পদৈঃ .. ২০৮..
অঞ্চিতৈর্বলিতৈর্হস্তৈস্তলসঙ্ঘট্টিতৈস্তথা .
নিকুট্টিতং চ কর্তব্যমূরূদ্বৃতং তথৈব চ .. ২০৯..
করিহস্তং কটিচ্ছিন্নং মদাদ্বিলসিতে ভবেৎ .
মণ্ডলং স্থানকং কৃৎবা তথা হস্তৌ চ রেচিতৌ .. ২১০..
উদ্ঘট্টিতেন পাদেন মত্তল্লিকরণং ভবেৎ .
আক্ষিপ্তং করণং চৈব হ্যুরোমণ্ডলমেব চ .. ২১১..
কটিচ্ছিন্নং তথা চৈব ভবেত্তু গতিমণ্ডলে .
সমপাদং প্রয়ুজ্যাথ পরিচ্ছিন্নং ৎবনন্তরম্ .. ২১২..
আবিদ্ধেন তু পাদেন বাহ্যভ্রমরকং তথা .
বামসূচ্যা ৎবতিক্রান্তং ভুজঙ্গত্রাসিতং তথা .. ২১৩..
করিহস্তং কটিচ্ছিন্নং পরিচ্ছিন্নে বিধীয়তে .
শিরসস্তূপরি স্থাপ্যৌ স্বস্তিঅকৌ বিচ্যুতৌ করৌ . ২১৪..
ততঃ সব্যং করং চাপি গাত্রমানম্য রেচয়েৎ .
পুনরুত্থাপয়েত্তত্র গাত্রমুন্নম্য রেচিতম্ .. ২১৫..
লতাখ্যৌ চ করৌ কৃৎবা বৃশ্চিকং সম্প্রয়োজয়েৎ .
রেচিতং করিহস্তং চ ভুজঙ্গত্রাসিতং তথা .. ২১৬..
আক্ষিপ্তকং প্রয়ুঞ্জীত স্বস্তিকং পাদমেব চ .
পরাঙ্গ্মুখবিধির্ভূয় এবমেব ভবেদিহ .. ২১৭..
করিহস্তং কটিচ্ছিন্নং পরিবৃত্তকরেচিতেএ .
রেচিতৌ সহ গাত্রেণ হ্যপবিদ্ধৌ করৌ যদা .. ২১৮..
পুনস্তেনৈব দেশেন গাত্রমুন্নম্য রেচয়েৎ .
কুর্যান্নূপুরপাদং চ ভুজঙ্গত্রাসিতং তথা .. ২১৯..
রেচিতং মণ্ডলং চৈব বাহুশীর্ষে নিকুঞ্চয়েৎ .
ঊরূদ্বৃত্তং তথাক্ষিপ্তমুরোমণ্ডলমেব চ .. ২২০..
করিহস্তং কটিচ্ছিন্নং কুর্যাদ্বৈশাখরেচিতে .
আদ্যং তু জনিতং কৃৎবা পাদমেকং প্রসারয়েৎ ..২২১..
তথৈবালাতকং কুর্যাৎ ত্রিকং তু পরিবর্তয়েৎ .
অঞ্চিতং বামহস্তং চ গণ্ডদেশে নিকুট্টয়েৎ .. ২২২..
কটিচ্ছিন্নং তথা চৈব পরাবৃত্তে প্রয়োজয়েৎ .
স্বস্তিকং করণং কৃৎবা ব্যংসিতৌ চ করৌ পুনঃ .. ২২৩..
অলাতকং প্রয়ুঞ্জীত হ্যূর্ধ্বজানু নিকুঞ্চিতম্ .
অর্ধসূচী চ বিক্ষিপ্তমুদ্বৃত্তাক্ষিপ্তকে তথা .. ২২৪..
করিহস্তং কটিচ্ছিন্নমঙ্গহারে হ্যলাতকে .
নিকুট্য বক্ষসি করাবূর্ধ্বজানু প্রয়োজয়েৎ .. ২২৫..
আক্ষিপ্তস্বস্তিকং কৃৎবা ত্রিকং তু পরিবর্তয়েৎ .
উরোমণ্ডলকৌ হস্তৌ নিতম্বং করিহস্তকম্ .. ২২৬..
কটিচ্ছিন্নং তথা চৈব পার্শ্বচ্ছেদে বিধীয়তে .
সূচীবামপদং দধ্যাদ্বিদ্যুদ্ভ্রান্তং চ দক্ষিণম্ .. ২২৭..
দক্ষিণেন পুনঃ সূচী বিদ্যুদ্ভ্রান্তং চ বামতঃ .
পরিচ্ছিন্নং তথা চৈব হ্যতিক্রান্তং চ বামকম্ .. ২২৮..
লতাখ্যং সকটিচ্ছিন্নং বিদ্যুদ্ভ্রান্তশ্চ স স্মৃতঃ .
কৃৎবা নূপুরপাদং তু সব্যবামৌ প্রলম্বিতৌ .. ২২৯..
করৌ পার্শ্বে ততস্তাভ্যাং বিক্ষিপ্তং সম্প্রয়োজয়েৎ .
তাভ্যাং সূচী তথা চৈব ত্রিকং তু পরিবর্তয়েৎ .. ২৩০..
লতাখ্যং সকটিচ্ছিন্নং কুর্তাদুদ্বৃত্তকে সদা .
আলীঢব্যংসিতৌ হস্তৌ বাহুশীর্ষে নিকুট্টয়েৎ .. ২৩১..
নূপুরশ্চরণো বামস্তথালাতশ্চ দক্ষিণঃ .
তেনৈবাক্ষিপ্তকং কুর্যাদুরোমণ্ডলকৌ করৌ ..২৩২..
করিহস্তং কটিচ্ছিন্নমালীঢে সম্প্রয়োজয়েৎ .
হস্তং তু রেচিতং কৃৎবা পার্শ্বমানস্য রেচয়েৎ .. ২৩৩..
পুনস্তেনৈব যোগেন গাত্রমানস্য রেচয়েৎ .
রেচিতং করণং কার্যমুরোমণ্ডলমেব চ .. ২৩৪..
কটিচ্ছিন্নং তু কর্তব্যমঙ্গহারে তু রেচিতে .
নূপুরং চরণং কৃৎবা ত্রিকং তু পরিবর্তয়েৎ ..২৩৫..
ব্যংসিতেন তু হস্তেন ত্রিকমেব বিবর্তয়েৎ .
বামং চালাতকং কৃৎবা সূচীমত্রৈব যোজয়েৎ ..২৩৬..
করিহস্তং কটিচ্ছিন্নং কুর্যাদাচ্ছুরিতে সদা .
রেচিতৌ স্বস্তিকৌ পাদৌ রেচিতৌ স্বস্তিকৌ করৌ .. ২৩৭..
কৃৎবা বিশ্লেষমেবং তু তেনৈব বিধিনা পুনঃ .
পুনরুৎক্ষেপণং চৈব রেচিতৈরেব কারয়েৎ .. ২৩৮..
উদ্বৃত্তাক্ষিপ্তকে চৈব হ্যুরোমণ্ডলমেব চ .
নিতম্বং করিহস্তং চ কটিচ্ছিন্নং তথৈব চ .. ২৩৯..
আক্ষিপ্তরেচিতো হ্যেষ করণানাং বিধিঃ স্মৃতঃ .
বিক্ষিপ্ত করণং কৃৎবা হস্তপাদং মুখাগমম্ .. ২৪০..
বামসূচিসহকৃতং বিক্ষিপেদ্বামকং করম্ .
বক্ষঃস্থানে ভবেৎসব্যো বলিতং ত্রিকমেব চ .. ২৪১..
নূপুরাক্ষিপ্তকে চৈব হ্যর্ধস্বস্তিকমেব চ .
নিতম্বং করিহস্তং চ হ্যুরোমণ্ডলকং তথা .. ২৪২..
কটিচ্ছিন্নং চ কর্তব্যং সম্ভ্রান্তে নৃত্তয়োক্তৃভিঃ .
অপক্রান্তক্রমং কৃৎবা ব্যংসিতং হস্তমেব চ .. ২৪৩..
কুর্যাদুদ্বেষ্টিতং চৈব হ্যর্ধসূচীং তথৈব চ .
বিক্ষিপ্তং সকটিচ্ছিন্নমুদ্বৃত্তাক্ষিপ্তকে তথা .. ২৪৪..
করিহস্তং কটিচ্ছিন্নং কর্তব্যমপসর্পিতে .
কৃৎবা নূপুরপাদং চ দ্রুতমাক্ষিপ্য চ ক্রমম্ .. ২৪৫..
পাদস্য চানুগৌ হস্তৌ ত্রিকং চ পরিবর্তয়েৎ .
নিকুট্য করপাদং চাপ্যুরোমণ্ডলকং পুনঃ .. ২৪৬..
করিহস্তং কটিচ্ছিন্নং কার্যমর্ধনিকুট্টকে .
দ্বাত্রিংশদেতে সম্প্রোক্তা হ্যঙ্গহারা দ্বিজোত্তমাঃ .. ২৪৭..
চতুরো রেচকাংশ্চাপি গদতো মে নিবোধত .
পাদরেচক একঃ স্যাৎ দ্বিতীয়ঃ কটিরেচকঃ .. ২৪৮..
কররেচকস্তৃতীয়স্তু চতুর্থঃ কণ্ঠরেচকঃ .
[রেচিতাখ্যঃ পৃথগ্ভাবে বলনে চাভিধীয়তে ..
উদ্বাহনাৎপৃথগ্ভাবাচ্চলনাচ্চাপি রেচকঃ .
পার্শ্বাৎপার্শ্বে তু গমনং স্খলিতৈশ্চলিতৈঃ পদৈঃ ..
বিবিধৈশ্চৈব পাদস্য পাদরেচক উচ্যতে .
ত্রিকস্যোদ্বর্তনং চৈব ছটীবলনমেব চ ..
তথাঽপসর্পণং চৈব কটিরেচক উচ্যতে .
উদ্বর্তনং পরিক্ষেপো বিক্ষেপঃ পরিবর্তনম্ ..
বিসর্পণং চ হস্তস্য হস্তরেচক উচ্যতে .
উদ্বাহনং সন্নমনং তথা পার্শ্বস্য সন্নতিঃ ..
ভ্রমণং চাপি বিজ্ঞেয়ো গ্রীবায়া রেচকো বুধৈঃ . ]
রেচকৈরঙ্গহারৈশ্চ নৃত্যন্তং বীক্ষ্য শঙ্করম্ .. ২৪৯..
সুকুমারপ্রয়োগেণ নৃত্যন্তীং চৈব পাঅর্বতীম্ .
মৃদঞ্গভেরীপটহৈর্ভাণ্ডডিণ্ডিমগোমুখৈঃ ..২৫০..
পণবৈর্দদুরৈশ্চৈব সর্বাতোদ্যৈঃ প্রবাদিতৈঃ .
দক্ষয়জ্ঞে বিনিহতে সন্ধ্যাকালে মহেশ্বরঃ .. ২৫১..
নানাঙ্গহারৈঃ প্রানৃত্যল্লয়তালবশানুগৈঅঃ .
পিণ্ডিবন্ধাংস্ততো দৃষ্ট্বা নন্দিভদ্রমুখা গণাঃ .. ২৫২..
চক্রুস্তে নাম পিণ্ডীনাং বন্ধমাসাং সলক্ষণম্ .
ঈশ্বরস্যেশ্বরী পিন্ডী নন্দিনশ্চাপি পট্টসী .. ২৫৩..
চণ্ডিকায়া ভবেৎপিণ্ডী তথা বৈ সিংহবাহিনী .
তার্ক্ষ্যপিণ্ডী ভবেদ্বিষ্ণোঃ পদ্মপিণ্ডী স্বয়ংভুবঃ .. ২৫৪..
শক্রস্যৈরাবতী পিণ্ডী ঝষপিণ্ডী তু মান্মথী .
শিখিপিণ্ডী কুমারস্য রূপপিণ্ডী ভবেচ্ছ্রিয়ঃ .. ২৫৫..
ধারাপিণ্ডী চ জাহ্নব্যাঃ পাশপিণ্ডী যমস্য চ ..
বারুণী চ নদীপিণ্ডী যাক্ষী স্যাদ্ধনদস্য তু .. ২৫৬..
হলপিণ্ডী বলস্যাপি সর্পপিণ্ডী তু ভোগিনাম্ .
গাণেশ্বরী মহাপিণ্ডী দক্ষয়জ্ঞবিমর্দিনী..২৫৭..
ত্রিশূলাকৃতিসংস্থানা রৌদ্রী স্যাদন্ধকদ্বিষঃ .
এবমন্যাস্বপি তথা দেবতাসু যথাক্রমম্ .. ২৫৮..
ধ্বজভূতাঃ প্রয়োক্তব্যাঃ পিণ্ডীবন্ধাঃ সুচিহ্নিতাঃ .
রেচকা অঙ্গহারাশ্চ পিণ্ডীবন্ধাতস্থৈব চ .. ২৫৯..
সৃষ্ট্বা ভগবতা দত্তাস্তণ্ডবে মুনয়ে তদা .
তেনাপি হি ততঃ সম্যগ্গানভাণ্ডসমন্বিতঃ .. ২৬০..
নৃত্তপ্রয়োগঃ সৃষ্টো যঃ স তাণ্ডব ইতি স্মৃতঃ .
ঋষয় ঊচুঃ –
যদা প্রাপ্ত্যর্থমর্থানাং তজ্জ্ঞৈরভিনয়ঃ কৃতঃ .. ২৬১..
কস্মানৃত্তং কৃতং হ্যেতৎকং স্বভাবমপেক্ষতে .
ন গীতকার্থসম্বদ্ধং ন চাপ্যর্থস্য ভাবকম্ .. ২৬২..
কস্মান্নৃত্তং কৃতং হ্যেতদ্গীতেষ্বাসারিতেষু চ .
ভরতঃ –
অত্রোচ্যতে ন খল্বর্থং কঞ্চিন্নৃত্তমপেক্ষতে .. ২৬৩..
কিং তু শোভাং প্রজনয়েদিতি নৃত্তং প্রবর্তিতম্ .
প্রায়েণ সর্বলোকস্য নৃত্তমিষ্টং স্বভাবতঃ .. ২৬৪..
মঙ্গলমিতি কৃৎবা চ নৃত্তমেতৎপ্রকীর্তিতম্ .
বিবাঅহপ্রসবাবাহপ্রমোদাভ্যুঅদয়াদিষু .. ২৬৫..
বিনোদকারণং চেতি নৃত্তমেতৎপ্রবর্তিতম্ .
অতশ্চৈব প্রতিক্ষেপাদ্ভূতসঙ্ঘৈঃ প্রবর্তিতাঃ.. ২৬৬..
যে গীতকাদৌ যুজ্যন্তে সম্যঙ্নৃত্তবিভাগকাঃ.
দেবেন চাপি সম্প্রোক্তস্তণ্ডুস্তাণ্ডবপূর্বকম্ .. ২৬৭..
গীতপ্রয়োগমাশ্রিত্য নৃত্তমেতৎপ্রবর্ত্যতাম্ .
প্রায়েণ তাণ্ডববিধির্দেবস্তুত্যাশ্রয়ো ভবেৎ ..২৬৮..
সুকুমারপ্রয়োগশ্চ শৃঙ্গাররসসম্ভবঃ .
তস্য তণ্ডুপ্রয়ুক্তস্য তাণ্ডবস্য বিধিক্রিয়াম্..২৬৯..
বর্ধমানকমাসাদ্য সম্প্রবক্ষ্যমি লক্ষণম্ .
কলানাং বৃদ্ধিমাসাদ্য হ্যক্ষরাণাং চ বর্ধনাৎ .. ২৭০..
লয়স্য বর্ধনাচ্চাপি বর্ধমানকমুচ্যতে .
কৃত্ত্বা কুতপবিন্যাসং যথাবদ্দ্বিজসত্তমাঃ .. ২৭১..
আসারিতপ্রয়োগস্তু ততঃ কার্যঃ প্রয়োক্তৃভিঃ .
তত্র তূপোহনং কৃত্ত্বা তন্ত্রীগানসমন্বিতম্ .. ২৭২..
কার্যঃ প্রবেশো নর্তক্যা ভাণ্ডবাদ্যসমন্বিতঃ .
বিশুদ্ধকরণায়াং তু জাত্যাং বাদ্যং প্রয়োজয়েৎ ..২৭৩..
গত্যা বাদ্যানুসারিণ্যা তস্যাশ্চারীং প্রয়োজয়েৎ .
বৈশাখস্থানকেনেহ সর্বরেচকচারিণী .. ২৭৪..
পুষ্পাঞ্জলিধরা ভূৎবা প্রবিশেদ্রঙ্গমণ্ডপম্ .
পুষ্পাঞ্জলিং বিসৃজ্যাথ রঙ্গপীঠং পরীত্য চ .. ২৭৫..
প্রণম্য দেবতাভ্যশ্চ ততোঽভিনয়মাচরেৎ .
যত্রাভিনেয়ং গীতং স্যাত্তত্র বাদ্যং ন যোজয়েৎ .. ২৭৬..
অঙ্গহারপ্রয়োগে তু ভাণ্ডবাদ্যং বিধীয়তে .
সমং রক্তং বিভক্তং চ স্ফুটং শুদ্ধপ্রহারজম্ ..২৭৭..
নৃত্তাঙ্গগ্রাহি বাদ্যজ্ঞৈর্বাদ্যং যোজ্যং তু তাণ্ডবে .
প্রয়ুজ্য গীতবাদ্যে তু নিষ্ক্রামেন্নর্তকী ততঃ .. ২৭৮..
অনেনৈব বিধানেন প্রবিশন্ত্যপরাঃ পৃথক্ .
অন্যাশ্চানুক্রমেণাথ পিণ্ডীং বধ্নন্তি যাঃ স্ত্রিয়ঃ .. ২৭৯..
তাবৎপর্যস্তকঃ কার্যো যাবৎপিণ্ডী ন বধ্যতে .
পিণ্ডীং বদ্ধ্বা ততঃ সর্বা নিষ্ক্রামেয়ুঃ স্ত্রিয়স্তু তাঃ .. ২৮০..
পিণ্ডীবন্ধেষু বাদ্যং তু কর্তব্যমিহ বাদকৈঅঃ .
পর্যস্তকপ্রমাণেন চিত্রৌঘকরণান্বিতম্ .. ২৮১..
তত্রোপবাহনং ভূয়ঃ কার্যং পূর্ববদেব হি .
ততশ্চাসারিতং ভূয়ো গায়নং তু প্রয়োজয়েৎ .. ২৮২..
পূর্বেণৈব বিধানেন প্রবিশেচ্চাপি নর্তকী .
গীতকার্থং ৎবভিনয়েদ্ দ্বিতীয়াসারিতস্য তু .. ২৮৩..
তদেব চ পুনর্বস্তু নৃত্তেনাপি প্রদর্শয়েৎ .
আসারিতে সমাপ্তে তু নিষ্ক্রামেন্নর্তকী ততঃ .. ২৮৪..
পূর্ববৎপ্রবিশন্ত্যন্যাঃ প্রয়োগঃ স্যাৎস এব হি .
এবং পদে পদে কার্যো বিধিরাসারিতস্য তু .. ২৮৫..
ভাণ্ডবাদ্যকৃতে চৈব তথা গানকৃতেঽপি চ .
একা তু প্রথমং যোজ্যা দ্বে দ্বিতীয়ং তথৈব চ .. ২৮৬..
তিস্রো বস্তু তৃতীয়ং তু চতস্রস্তু চতুর্থকম্ .
পিণ্ডীনাং বিধয়শ্চৈব চৎবারঃ সম্প্রকীর্তিতাঃ .. ২৮৭..
পিণ্ডী শৃঙ্খলিকা চৈব লতাবন্ধোঽথ ভেদ্যকঃ .
পিণ্ডীবন্ধস্তু পিণ্ডৎবাদ্গুল্মঃ শৃঙ্খলিকা ভবেৎ .. ২৮৮..
জালোপনদ্ধা চ লতা সনৃত্তো ভেদ্যকঃ স্মৃতঃ .
পিণ্ডীবন্ধঃ কনিষ্ঠে তু শৃঙ্খলা তু লয়ান্তরে .. ২৮৯..
মধ্যমে চ লতাবন্ধো জ্যেষ্ঠে চৈবাথ ভেদ্যকঃ .
পিণ্ডীনাং বিবিধা যোনির্যন্ত্রং ভদ্রাসনং তথা .. ২৯০..
শিক্ষায়োগস্তথা চৈব প্রয়োক্তব্যঃ প্রয়োক্তৃভিঃ .
এবং প্রয়োগঃ কর্তব্যো বর্ধমানে তপোধনাঃ .. ২৯১..
গীতানাং ছন্দকানাং চ ভূয়ো বক্ষ্যাম্যহং বিধিম্ .
যানি বস্তুনিবদ্ধানি যানি চাঙ্গিকৃতানি তু .. ২৯২..
গীতানি তেষাং বক্ষ্যামি প্রয়োগং নৃত্তবাদ্যয়োঃ .
তত্রাবতরণং কার্যং নর্তক্যাঃ সার্বভাণ্ডিকম্ .. ২৯৩..
ক্ষেপপ্রতিক্ষেপকৃতং ভাণ্ডোপোহনসংস্কৃতম্ .
প্রথমং ৎবভিনেয়ং স্যদ্গীতকে সর্ববস্তুকম্ .. ২৯৪
তদেব চ পুনর্বস্তু নৃত্তেএনাপি প্রদর্শেয়ৎ .
যো বিধিঃ পূর্বমুক্তস্তু নৃত্তাভিনয়বাদিতে .. ২৯৫..
আসারিতবিধৌ স স্যাদ্গীতানাং বস্তুকেষ্বপি .
এবং বস্তুনিবন্ধানাং গীতকানাং বিধিঃ স্মৃতঃ .. ২৯৬..
শৃণুতাঙ্গনিবদ্ধানাং গীতানামপি লক্ষণম্ .
য এব বস্তুকবিধির্নৃত্তাভিনয়বাদিতে .. ২৯৭..
তমেবাঙ্গনিবদ্ধেষু চ্ছন্দকেষ্বপি যোজয়েৎ .
বাদ্যং গুর্বক্ষরকৃতং তথাল্পাক্ষরমেব চ .. ২৯৮..
মুখে সোপোহনে কুর্যাদ্বর্ণানাং বিপ্রকর্ষতঃ .
যদা গীতিবশাদঙ্গং ভূয়ো ভূয়ো নিবর্ততে .. ২৯৯..
তত্রাদ্যমভিনেয়ং স্যাচ্ছেষং নৃত্তেন যোজয়েৎ .
যদা গীতিবশাদঙ্গং ভূয়ো ভূয়ো নিবর্ততে .. ৩০০..
ত্রিপাণিলয়সংযুক্তং তত্র বাদ্যং প্রয়োজয়েৎ .
যথা লয়স্তথা বাদ্যং কর্তব্যমিহ বাদকৈঃ .. ৩০১..
[ততং চানুগতং চাপি ওঘং চ করণান্বিতম্ .
স্থিরে তত্ত্বং (তং)প্রয়োক্তব্যং মধ্যে চানুগতং ভবেৎ ..
ভূয়শ্চৌঘঃ প্রয়োক্তব্যস্ত্বেষ বাদ্যগতো বিধিঃ .
ছন্দোগীতকমাসাদ্য ৎবঙ্গানি পরিবর্তয়েৎ ..
এষ কার্যো বিধির্নিত্যং নৃত্তাভিনয়বাদিতে .
যানি বস্তুনিবদ্ধানি তেষামন্তে গ্রহো ভবেৎ ..
অঙ্গানাং তু পরাবৃত্তাবাদাবেব গ্রহো মতঃ ..]
এবমেষ বিধিঃ কার্যো গীতেষ্বাসারিতেষ্বপি .
দেবস্তুত্যাশ্রয়ং হ্যেতৎসুকুমারং নিবোধত .. ৩০২..
স্ত্রীপুংসয়োস্তু সংলাপো যস্তু কামসমুদ্ভবঃ .
তজ্জ্ঞেয়ং সুকুমারং হি শৃঙ্গাররসসম্ভবম্ .. ৩০৩..
যস্যাং যস্যামবস্থায়াং নৃত্তং যোজ্যং প্রয়োক্তৃভিঃ .
তৎসর্বংং সংপ্রবক্ষ্যামি তচ্চ মে শৃণুত দ্বিজাঃ .. ৩০৪..
অঙ্গবস্তুনিবৃত্তৌ তু তথা বর্ণনিবৃত্তিষু .
তথা চাভুদয়স্থানে নৃত্তং তজ্জ্ঞঃ প্রয়োজয়েৎ .. ৩০৫..
যত্তু সংদৃশ্যতে কিঞ্চিদ্দম্পত্যোর্মদনাশ্রয়ম্ .
নৃত্তং তত্র প্রয়োক্তব্যং প্রহর্ষার্থগুণোদ্ভবম্ .. ৩০৬..
যত্র সন্নিহিতে কান্তে ঋতুকাঅলাদিদর্শনম্ .
গীতকার্থাভিসংবদ্ধং নৃত্তং তত্রাপি চেষ্যতে .. ৩০৭..
খণ্ডিঅতা বিপ্রলব্ধা বা কলহান্তরিতাপি বা .
যস্মিন্নঙ্গে তু যুবতির্ন নৃত্তং তত্র ন যোজয়েৎ ..৩০৮..
সখীপ্রবৃত্তে সংলাপে তথাঽসন্নিহিতে প্রিয়ে .
ন হি নৃত্তং প্রয়োক্তব্যং যস্যা ন প্রোষিতঃ প্রিয়ঃ .. ৩০৯..
[দূত্যাশ্রয়ং যদা তু স্যাদৃতুকালাদি দর্শনম্ .
ঔৎসুক্যচিন্তাসংবদ্ধং ন নৃত্তং তত্র যোজয়েৎ ..]
যস্মিন্নঙ্গে প্রসাদং তু গৃহ্নীয়ান্নায়িকা ক্রমাৎ .
ততঃপ্রভৃতি নৃত্তং তু শেষেষ্বঙ্গেষু যোজয়েৎ .. ৩১০..
দেবস্তুত্যাশ্রয়কৃতং যদঙ্গং তু ভবেদথ .
মাহেশ্বরৈরঙ্গহারৈরুদ্ধতৈস্তৎপ্রয়োজয়েৎ ..৩১১..
যত্তু শৃঙ্গারসংবদ্ধং গানং স্ত্রীপুরুষাশ্রয়ম্ .
দেবীকৃতৈরঙ্গহারৈর্ললিতৈস্তৎপ্রয়োজয়েৎ .. ৩১২..
চতুষ্পদা নর্কুটকে খঞ্জকে পরিগীতকে .
বিধানং সম্প্রবক্ষ্যামি ভাণ্ডবাদ্যবিধিং প্রতি .. ৩১৩..
খঞ্জনর্কুটসংযুক্তা ভস্বেদ্যা তু চতুষ্পদা .
পাদান্তে সন্নিপাতে তু তস্যা ভাণ্ডগ্রহো ভবেৎ .. ৩১৪..
যা ধ্রুবা ছন্দসা যক্তা সমপাদা সমাক্ষরা .
তস্যাঃ পাদাবসানে তু প্রদেশিন্যা গ্রহো ভবেৎ ..৩১৫..
কৃৎবৈকং পরিবর্তং তু গানস্যাভিনয়স্য চ .
পুনঃ পাদনিবৃত্তিং তু ভাণ্ডবাদ্যেন যোজয়েৎ ..৩১৬..
অঁঙ্গবস্তুনিবৃতৌ তু বর্ণান্তরনিবৃত্তিষু .
তথোপস্থাপনে চৈব ভাণ্ডবাদ্যং প্রয়োজয়েৎ .. ৩১৭..
যেঽপি চান্তরমার্গাস্স্যুঃ তন্ত্রিবাক্করণৈঃ কৃতাঃ .
তেষু সূচী প্রয়োক্তব্যা ভাণ্ডেন সহ তাণ্ডবে .. ৩১৮
মহেশ্বরস্য চরিতং য ইদং সম্প্রয়োজয়েৎ
সর্বপাপবিশুদ্ধাত্মা শিবলোকং স গচ্ছতি .. ৩১৯..
এবমেষ বিধিঃ সৃ(র্দৃ)ষ্টস্তাণ্ডবস্য প্রয়োগতঃ .
ভূয়ঃ কিং কথ্যতামন্যন্নাট্যবেদবিধিং প্রতি .. ৩২০..

ইতি ভারতীয়ে নাট্যশাস্ত্রে তাণ্ডবলক্ষণং নাম চতুর্থোঽধ্যায়ঃ ..