নাট্যশাস্ত্রম্ অধ্যায় ০৮

.. নাট্যশাস্ত্রম্ অধ্যায় ৮ ..
.. শ্রীরস্তু ..
ভরতমুনিপ্রণীতং নাট্যশাস্ত্রম্
অষ্টমোঽধ্যায়ঃ

ঋষয়ঃ ঊচুঃ .
ভাবানাং চ রসাআং চ সমুত্থানং যথাক্রমম্ .
ৎবৎপ্রসাদাচ্ছ্রুতং সর্বমিচ্ছামো বেদিতুং পুনঃ ..১..
নাট্যে কতিবিধঃ কার্যঃ তজ্জ্ঞৈরভিনয়ক্রমঃ .
কতং বাভিনয়ো হ্যেষ কতিভেদস্তু কীর্তিতঃ .. ২..
সর্বমেতদ্যথাতত্ত্বং কথয়স্ব মহামুনে .
যো যথাভিনয়ো যস্মিন্ যোক্তব্যঃ সিদ্ধিমিচ্ছতা .. ৩..
তেষাং তু বচনং শ্রুৎবা মুনীনাং ভরতো মুনিঃ .
প্রত্যুবাচ পুনর্বাক্যং চতুরোঽভিনয়ান্ প্রতি .. ৪..
অহং বঃ কথয়িষ্যামি নিখিলেন তপোধনাঃ .
যস্মাদভিনয়ো হ্যেষ বিধিবৎ সমুদাহৃতম্ .. ৫..
যদুক্তং চৎবারোঽভিনয় ইতি তান্ বর্ণয়িষ্যামঃ . অত্রাহ –অভিনয় ইতি কস্মাৎ . অত্রোচ্যতে –অভীত্যুপসর্গঃ ণীঞ্ ইতি প্রাপণার্থকো ধাতুঃ . অস্যাভিনীত্যেবং ব্যবস্থিতস্য এরজিত্যচ্প্রত্যত্যয়ান্তস্যাভিনয় ইত্যেবং রূপং সিদ্ধম্ . এতচ্চ ধাৎবর্থানুবচনেনাবধার্যং ভবতি .
অত্র শ্লোকৌ —
অভিপূর্বস্তু ণীঞ্ ধাতুরাভিমুখ্যার্থনির্ণয়ে .
যস্মাৎপদার্থান্নয়তি তস্মাদভিনয়ঃ স্মৃতঃ .. ৬..
বিভাবয়তি যস্মাচ্চ নানার্থান্ হি প্রয়োগতঃ .
শাখাঙ্গোপাঙ্গসংযুক্তস্তস্মাদভিনয়ঃ স্মৃতঃ .. ৭..
চতুর্বিধশ্চৈব ভবেন্নাট্যস্যাভিনয়ো দ্বিজাঃ .
অনেকভেদবাহূয়ং নাট্যং হ্যস্মিন্ প্রতিষ্ঠিতম্ .. ৮..
আঙ্গিকো বাঅচিকশ্চৈব হ্যাহার্যঃ সাত্ত্বিকস্তথা .
জ্ঞেয়স্ত্বভিনয়ো বিপ্রাঃ চতুর্ধা পরিকল্পিতঃ .. ৯..
সাত্ত্বিকঃ পূর্বমুক্তস্তু ভাবৈশ্চ সহিতো ময়া .
অঙ্গাভিনয়মেবাদৌ গদতো মে নিবোধত .. ১০..
ত্রিবিধস্ত্বাঙ্গিকো দ্য্নেয়ঃ শারীরো মুখজস্তথা .
তথা চেষ্টাকৃতশ্চৈব শাখাঙ্গোপাঙ্গসংযুতঃ .. ১১..
শিরোহস্তকটীদক্ষঃ পার্শ্বপাদসমন্বিতঃ .
অঙ্গপ্রত্যঙ্গসংযুক্তঃ ষডঙ্গো নাট্যসংগ্রহঃ .. ১২..
তস্য শিরোহস্তোরঃপার্শ্বকটীপাদতঃ ষডঙ্গানি .
নেত্রভ্রূনাসাধরকপোলচিবুকান্যুপাঙ্গানি .. ১৩..
অস্য শাখা চ নৃত্তং চ তথৈবাঙ্কুর এব চ .
বস্তূন্যভিনয়স্যেহ বিজ্ঞেয়ানি প্রয়োক্তৃভিঃ .. ১৪..
আঙ্গিকস্তু ভবেচ্ছাখা হ্যঙ্কুরঃ সূচনা ভবেৎ .
অঙ্গহারবিনিষ্পন্নং নৃত্তং তু করণাশ্রয়ম্ .. ১৫..
মুখজেঽভিনয়ে বিপ্রা!নানাভাবরসাশ্রয়ে .
শিরসঃ প্রথমং কর্ম গদতো মে নিবোধত .. ১৬..
আকম্পিতং কম্পিতং চ ধূতং বিধুতমেব চ .
পরিবাহিতমাধূতমবধূতং তথাঞ্চিতম্ .. ১৭..
নিহঞ্চিতং পরাবৃত্তমুৎক্ষিপ্তং চাপ্যধোগতম্ .
লোলিতং চৈব বিজ্ঞেয়ং ত্রয়োদশবিধং শিরঃ .. ১৮..
শনৈরাকম্পনাদূর্ধ্বমধশ্চাকম্পিতং ভবেৎ .
দ্রুতং তদেব বহুশঃ কম্পিতং কম্পিতং শিরঃ .. ১৯..
ঋজুস্থিতস্য চোর্ধ্বাধঃ ক্ষেপাদাকম্পিতং ভবেৎ .
বহুশশ্চলিতং যচ্চ তৎকম্পিতমিহোচ্যতে .. ২০..
সংজ্ঞোপদেশপৃচ্ছাসু স্বভাবাভাষণে তথা .
নির্দেশাবাহনে চৈব ভবেদাকম্পিতং শিরঃ .. ২১..
রোষে বিতর্কে বিজ্ঞানে প্রতিজ্ঞানেঽথ তর্জনে .
প্রশ্নাতিশয়বাক্যেষু শিরঃ কম্পিতমিষ্যতে .. ২২..
শিরসো রেচনং যত্তু শনৈস্তদ্ ধুতমিষ্যতে .
দ্রুতমারেচনাদেতদ্বিধুতং তু ভবেচ্ছিরঃ..২৩..
অনীপ্সিতে বিষাদে চ বিস্ময়ে প্রত্যয়ং তথা .
পার্শ্বাবলোকনে শূন্যে প্রতিষেধে ধুতং শিরঃ .. ২৪..
শীতগ্রস্তে ভয়ার্তে চ ত্রাসিতে জ্বরিতে তথা .
পীতমাত্রে তথা মদ্যে বিধুতং তু ভবেচ্ছিরঃ .. ২৫..
পর্যায়শঃ পার্শ্বগতং শিরঃ স্যাৎ পরিবাহিতম্ .
আধূতমুচ্যতে তির্যক্ সকৃদুদ্বাহিতং তু যৎ .. ২৬..
সাধনে বিস্ময়ে হর্ষে স্মিতে চামর্ষিতে তথা .
বিচারে বিহৃতে চৈব লীলায়াং পরিবাহিতম্ .. ২৭..
গর্বেচ্ছাদর্শনে চৈব পার্শ্বস্থোর্ধ্বনিরীক্ষণে
আধুতং তু শিরো জ্ঞেয়মাত্মসম্ভাবনাদিষু .. ২৮..
যদধঃ সকৃদাক্ষিপ্তমবধূতং তু তচ্ছিরঃ .
সন্দেশাবাহনালাপসংজ্ঞাদিষু নদিষ্যতে .. ২৯..
কিঞ্চিৎ পার্শ্বনতগ্রীবং শিরো বিজ্ঞেয়মঞ্চিতম্ .
ব্যাধিতে মূর্ছিতে মত্তে চিন্তায়াং হনুধারণম্ .. ৩০..
উৎক্ষিপাংসাবসক্তং যৎকুঞ্চিতভ্রূলতং শিরঃ .
নিহঞ্চিতং তু বিজ্ঞেয়ং স্ত্রীণামেতৎ প্রয়োজয়েৎ .. ৩১..
গর্বে মানে বিলাসে চ বিব্বোকে কিলকিঞ্চিতে .
মোট্টায়িতে কুট্টমিতে স্তম্ভমানে নিহঞ্চিতম্ .. ৩২..
পরাবৃত্তানুকরণাৎ পরাবৃত্তমিহোচ্যতে .
তৎ স্যান্মুখাপহরণে পৃষ্ঠতঃ প্রেক্ষণাদিষু .. ৩৩..
উৎক্ষিপ্তং চাপি বিজ্ঞেয়মুন্মুখাবস্থিতং শিরঃ .
প্রাংশুদিব্যাস্ত্রয়োগেষু স্যাদুৎক্ষিপ্তং প্রয়োগতঃ .. ৩৪..
অধোমুখং স্থিতং চাপি বুধাঃ প্রাহুরধোগতম্ .
লজ্জায়াং চ প্রণামে চ দুঃখে চাধোগতং শিরঃ .. ৩৫..
সর্বতো ভ্রমণাচ্চৈব শিরঃ স্যাৎ পরিলোলিতম্ .
মূর্চ্ছাব্যাধিমদাবেশগ্রহনিদ্রাদিষু স্মৃতম্ ..৩৬..
ঋজুস্বভাবসংস্থানং প্রাকৃতং তু স্বভাবজম্ .
মংগল্যাধ্যয়নধ্যানস্বভাবজয়কর্মসু .. ৩৭..
এভ্যোঽন্যে বহবো ভেদা লোকাভিনয়সংশ্রিতাঃ .
তে চ লোকস্বভাবেন প্রয়োক্তব্যা প্রয়োক্তৃভিঃ .. ৩৮..
ত্রয়োদশবিধং হ্যেতচ্ছিরঃকর্ম ময়োদিতম্ .
অতঃ পরং প্রবক্ষ্যামি দৃষ্টীনামিহ লক্ষণম্ .. ৩৯..
কান্তা ভয়ানকা হাস্যা করুণা চাদ্ভুতা তথা .
রৌদ্রো বীরা চ বীভৎসা বিজ্ঞেয়া রসদৃষ্টয়ঃ .. ৪০..
স্নিগ্ধা হৃষ্টা চ দীনা চ ক্রুদ্ধা দৃপ্তা ভয়ান্বিতা .
জুগুপ্সিতা বিস্মিতা চ স্থায়িভাবেষু দৃষ্টয়ঃ .. ৪১..
শূন্যা চ মলিনা চৈব শ্রান্তা লজ্জান্বিতা তথা .
গ্লানা চ শঙ্কিতা চৈব বিষণ্ণা মুকুলা তথা .. ৪২..
কুঞ্চিতা চাভিতপ্তা চ জিহ্মা সললিতা তথা .
বিতর্কিতার্ধমুকুলা বিভ্রান্তা বিলুপ্তা তথা .. ৪৩..
আকেকরা বিকোশা চ ত্রস্তা চ মদিরা তথা .
ষট্ত্রিংশদ্ দৃষ্টয়ো হ্যেতা তাসু নাট্যং প্রতিষ্ঠিতম্ .. ৪৪..
অস্য দৃষ্টিবিধানস্য নানাভাবরসাশ্রয়ম্ .
লক্ষণং সম্প্রবক্ষ্যমি যথাকর্ম প্রয়োগতঃ .. ৪৫..
হর্ষপ্রসাদজনিতা কান্তাত্যর্থং সমন্যথা .
সভ্রূক্ষেপকটাক্ষা চ শৃঙ্গারে দৃষ্টিরিক্ষ্যতে .. ৪৬..
প্রোদ্বৃত্তনিষ্টব্ধপুটা স্ফুরদুদ্বৃত্ততারকা .
দৃষ্টির্ভয়ানাকাত্যর্থং ভীতা জ্ঞেয়া ভয়ানকে .. ৪৭..
ক্রমাদাকুঞ্চিতপুটা বিভ্রান্তাকুলতারকা .
হাস্যা দৃষ্টিস্তু কর্তব্যা কুহকাভিনয়ং প্রতি .. ৪৮..
পতিতোর্ধ্বপুটা সাস্রা মন্যুমন্থরতারকা .
নাসাগ্রানুগতা দৃষ্টিঃ করুণা করুণে রসে .. ৪৯..
যা ৎবাকুঞ্চিতপক্ষ্মাগ্রা সাশ্চর্যোদ্ধত্ততারকা .
সৌম্যা বিকসিতান্তা চ সাদ্ভুতা দৃষ্টিরদ্ভুতে.. ৫০
ক্রূরা রূক্ষারুণোদ্বৃতনিষ্টব্ধপুটতারকা .
ভ্রুকুটীকুটিলা দৃষ্টিঃ রৌদ্রে রৌদ্রী রসা স্মৃতা .. ৫১..
দীপ্তা বিকসিতা ক্ষুব্ধা গম্ভীরা সমতারকা .
উৎফুল্লমধ্যা দৃষ্টিস্তু বীরা বীররসাশ্রয়া .. ৫২..
নিকুঞ্চিতপুটাপাঙ্গা ঘূর্ণোপপ্লুততারকা .
সংশ্লিষ্টস্থিরপক্ষ্মা চ বীভৎসা দৃষ্টিরিষ্যতে .. ৫৩..
নাসাগ্রসক্তা নিমিষা তথাধোভাগচারিণী .
আকেকরপুটা শান্তে শান্তা দৃষ্টির্ভবেদসৌ .. ৫৪..
রসজা দৃষ্টয়ো হ্যেতা বিজ্ঞেয়া লক্ষণান্বিতা .
অতঃ পরং প্রবক্ষ্যামি স্থায়িভাবসমাশ্রয়াঃ .. ৫৫..
ব্যাকোশমধ্যা মধুরা স্থিততারাভিলাষিণী .
সানন্দাশ্রুপ্লুতা দৃষ্টিঃ স্নিগ্ধেয়ং রতিভাবজা .. ৫৬..
চলা হসিতগর্ভা চ বিশত্তারানিমেষিণী .
কিঞ্চিদাকুঞ্চিতা দৃষ্টিঃ হৃষ্টা হাসে প্রকীর্তিতা .. ৫৭..
অবস্রস্তোত্তরপুটা কিঞ্চিৎসরংব্ধতারকা .
মন্দসঞ্চারিণী দীনা সা শোকে দৃষ্টিরিষ্যতে .. ৫৮..
রূক্ষা স্থিরোদ্ধতপুটা নিষ্টব্ধোদ্ধৃত্ততারকা .
কুটিলা ভ্রুকুটির্দৃষ্টিঃ ক্রুদ্ধা ক্রোধে বিধীয়তে .. ৫৯..
সংস্থিতে তার্কে যস্যাঃ স্থিতা বিকসিতা তথা .
সত্ত্বমুদ্গিরতী দৃপ্তা দৃষ্টিরুৎসাহসংভবা .. ৬০..
বিস্ফারিতোভয়পুটা ভয়কম্পিততারকা .
নিষ্ক্রান্তমধ্যা দৃষ্টিস্তু ভয়ভাবে ভয়ান্বিতা .. ৬১..
সংকোচিতপুটাধ্যামা দৃষ্টির্মীলিততারকা .
পক্ষ্মোদ্দেশাৎ সমুদ্বিগ্না জুগুপ্সায়াং জুগুপ্সিতা .. ৬২..
ভৃশমুদ্বৃত্ততারা চ নষ্টোভয়পুটান্বিতা .
সমা বিকসিতা দৃষ্টির্বিস্মিতা বিস্ময়ে স্মৃতা .. ৬৩..
স্থায়িভাবাশ্রয়া হ্যেতা বিজ্ঞেয়াঃ দৃষ্টয়ো বুধৈঃ .
সংচারিণীনাং দৃষ্টীনাং সম্প্রবক্ষ্যামি লক্ষণম্ .. ৬৪..
সমতারা সমপুটা নিষ্কম্পা শূন্যদর্শনা .
বাহ্যার্থাগ্রাহিণী ধ্যামা শূন্যা দৃষ্টিঃ প্রকীর্তিতা .. ৬৫..
প্রস্পন্দমানপক্ষ্মাগ্রা নাত্যর্থমুকুলৈঃ পুটৈঃ .
মলিনান্তা চ মলিনা দৃষ্টির্বিস্মিততারকা .. ৬৬..
শ্রমপ্রম্লাপিতপুটা ক্ষামা কুঞ্চিতলোচনা .
সন্না পতিততারা চ শ্রান্তা দৃষ্টিঃ প্রকীর্তিতা .. ৬৭..
কিঞ্চিদঞ্চিতপক্ষ্মাগ্রা পতিতোর্ধ্বপুটা হ্রিয়া .
ত্রপাধোগততারা চ দৃষ্টির্লজ্জান্বিতা তু সা .. ৬৮..
ম্লানভ্রুপুটপক্ষ্মা যা শিথিলা মন্দচারিণী .
ক্রমপ্রবৃষ্টতারা চ গ্লানা দৃষ্টিস্তু সা স্মৃতা..৬৯..
কিঞ্চিচ্চলা স্থিরা কিঞ্চিদুদ্গতা তির্যগায়তা .
গূঢা চকিততারা চ শঙ্কিতা দৃষ্টিরিষ্যতে..৭০..
বিষাদবিস্তীর্ণপুটা পর্যস্তান্তা নিমেষিণী .
কিঞ্চিন্নিষ্টব্ধতারা চ কার্যা দৃষ্টীর্বিষাদিনী .. ৭১..
স্ফুরদাশ্লিষ্টপক্ষ্মাগ্রা মুকুলোর্ধ্বপুটাঞ্চিতা .
সুখোন্মীলিততারা চ মুকুলা দৃষ্টিরিষ্যতে..৭২..
আনিকুঞ্চিতপক্ষ্মাগ্রা পুটৈরাকুঞ্চিতৈস্তথা .
সংনিকুঞ্চিততারা চ কুঞ্চিতা দৃষ্টিরিষ্যতে .. ৭৩..
মন্দায়মানতারা যা পুটৈঃ প্রচলিতৈস্তথা .
সন্তাপোপপ্লুতা দৃষ্টিরভিতপ্তা তু সব্যথা .. ৭৪..
লম্বিতাকুঞ্চিতপুটা শনৈস্তির্যঙ্ নিরীক্ষিণী .
নিগূঢা গূঢতারা চ জিহ্মা দৃষ্টিরুদাহৃতা .. ৭৫..
মধুরাকুঞ্চিতান্তা চ সভ্রূক্ষেপা চ সস্মিতা .
সমমন্যবিকারা চ দৃষ্টিঃ সা ললিতা স্মৃতা .. ৭৬..
বিতর্কোদ্বর্তিতপুটা তথৈবোৎফুল্লতারকা .
অধোগতবিচারা চ দৃষ্টিরেষা বিতর্কিতা..৭৭..
অর্ধব্যাকোশপক্ষ্মা চ হ্লাদার্ধমুকুলৈঃ পুটৈঃ .
স্মিতার্শমুকুলা দৃষ্টিঃ কিঞ্চিল্লুলিততারকা .. ৭৮..
অনবস্থিততারা চ বিভ্রান্তাকুলদর্শনা .
বিস্তীর্ণোৎফুল্লমধ্যা চ বিভ্রান্তা দৃষ্টিরুচ্যতে .. ৭৯..
পুটৌ প্রস্ফুরিতৌ যস্য নিষ্টব্ধৌ পতিতৌ পুনঃ .
বিলুপ্তোদ্বৃত্ততারা চ দৃষ্টিরেষা তু বিপ্লুতা .. ৮০..
আকুঞ্চিতপুটাপাঙ্গা সঙ্গতার্ধনিমেষিণী .
মুহুর্ব্যাবৃত্ততারা চ দৃষ্টিরাকেকরা স্মৃতা .. ৮১..
বিকোশিতোভয়পুটা প্রোৎফুল্লা চানিমেষিণী .
অনবস্থিতসঞ্চারা বিকোশা দৃষ্টিরুচ্যতে .. ৮২..
ত্রাসোদ্বৃত্তপুটা যা তু তথোৎকম্পিততারকা .
সন্ত্রাসোৎফুল্লমধ্যা চ ত্রস্তা দৃষ্টিরুদাহৃতা .. ৮৩..
আঘুর্ণমানমধ্যা যা ক্ষামান্তাঞ্চিতলোচনা .
দৃষ্টির্বিকসিতাপাঙ্গা মদিরা তরুণে মদে .. ৮৪..
কিঞ্চিদাকুঁচিতপুটা হ্যনবস্থিততারকা .
তথা চলিতপক্ষ্মা চ দৃষ্টির্মধ্যমদে ভবেৎ .. ৮৫..
সনিমেষানিমেষা চ কিঞ্চিদ্ দর্শিততারকা .
অধোভাগচরী দৃষ্টিরধমে তু মদে স্মৃতা .. ৮৬..
ইত্যেবং লক্ষিতা হ্যেতা ষটত্রিংশদ্ দৃষ্টয়ো ময়া .
রসজা সহজাশ্চাসাং বিনিয়োগং নিবোধত .. ৮৭..
রসজাস্স্তু রসেষ্বেব স্থায়িষু স্থায়িদৃষ্টয়ঃ .
শৃণুত ব্যভিচারিণ্যঃ সঞ্চারিষু যথাস্থিতাঃ .. ৮৮..
শূন্যা দৃষ্টিস্তু চিন্তায়াং স্তম্ভে চাপি প্রকীর্তিতা .
নির্বেদে চাপি মলিনা বৈবর্ণ্যে চ বিধীয়তে .. ৮৯..
শ্রান্তা শ্রমার্তে স্বেদে চ লজায়াং ললিতা তথা .
অপস্মারে তথা ব্যাধৌ গ্লান্যাং গ্লানা বিধীয়তে .. ৯০..
শঙ্কায়াং শঙ্কিতা জ্ঞেয়া বিষাদার্থে বিষাদিনী .
নিদ্রাস্বপ্নসুখার্থেষু মুকুলা দৃষ্টিরিষ্যতে .. ৯১..
কুঞ্চিতাসূয়িতানিষ্টদুষ্প্রেক্ষাক্ষিব্যথাষু চ .
অভিতপ্তা চ নির্বেদে হ্যভিঘাতাভিতাপয়োঃ .. ৯২..
জিহ্মা দৃষ্টিরসূয়ায়াং জডতালস্যয়োস্তথা .
ধৃতৌ হর্ষে সললিতা স্মৃতৌ তর্কে চ তর্কিতা .. ৯৩..
আল্হাদিষ্বর্ধমুকুলা গন্ধস্পর্শসুখাদিষু .
বিভ্রান্তা দৃষ্টিরাবেগে সম্ভ্রমে বিভ্রমে তথা .. ৯৪..
বিলুপ্তা চপলোন্মাদদুঃখার্তিমরণাদিষু .
আকেকরা দুরালোকে বিচ্ছেদপ্রেঅক্ষিতেষু চ .. ৯৫..
বিবোধগর্বামর্শৌগ্র্যমতিষু স্যাদ্বিকোশিতা .
ত্রস্তা ত্রাসে ভবেদ্ দৃষ্টির্মদিরা চ মদেষ্বিতি .. ৯৬..
ষটত্রিংশদ্ দৃষ্টয়ো হ্যেতা যথাবৎ সমুদাহৃতাঃ .
রসজানাং তু দৃষ্টীনাং ভাবজানাং তথৈঅব চ .. ৯৭..
তারাপুটভ্রুবাং কর্ম গদতো মে নিবোধত .
ভ্রমণং বলনং পাতশ্চলনং সম্প্রবেশনম্ .. ৯৮..
বিবর্তনং সমুদ্বৃত্তং নিষ্ক্রামঃ প্রাকৃতং তথা .
পুটান্তর্মণ্ডলাবৃত্তিস্তারয়োর্ভ্রমণং স্মৃতম্ .. ৯৯..
বলনং গমনং ত্র্যস্রং পাতনং স্রস্ততা তথা .
চলনং কম্পনং জ্ঞেয়ং প্রবেশোঽন্তঃপ্রবেশনম্ .. ১০০..
বিবর্তনং কটাক্ষস্তু সমুদ্বৃত্তং সমুন্নতিঃ .
নিষ্ক্রামো নির্গমঃ প্রোক্তঃ প্রাকৃতং তু স্বভাবজম্ .. ১০১..
অথৈষাং রসভাবেষু বিনিয়োগং নিবোধত .
ভ্রমণং চলনোদ্বৃত্তে নিষ্ক্রামো বীররৌদ্রয়োঃ .. ১০২..
নিষ্ক্রামণং সংবলনং কর্তব্যং তু ভয়ানকে .
হাস্যবীভৎসয়োশ্চাপি প্রবেশনমিহেষ্যতে .. ১০৩..
পাতনং করুণে কার্যং নিষ্ক্রামণমথাদ্ভুতে .
প্রাকৃতং শেষভাবেষু শৃঙ্গারে চ বিবর্তিতম্ .. ১০৪..
স্বভাবসিদ্ধমেবৈতৎ কর্মং লোকক্রিয়াশ্রয়ম্ .
এবং রসেষু ভাবেষু তারাকর্মাণি যোজয়েৎ .. ১০৫..
অথাঽত্রৈব প্রবক্ষ্যামি প্রকারন্ দর্শনস্য তু .
সমং সাচয়্নুবৃত্তে চ হ্যালোকিতবিলোকিতে .. ১০৬..
প্রলোকিতোল্লোকিতে চাপ্যবলোকিতমেব চ .
সমতারং চ সৌম্যং চ যদ্দৃষ্টং তৎ সমং স্মৃতম্ .. ১০৭..
পক্ষ্মান্তরগততারং চ ত্র্যস্রং সাচীকৃতং তু তৎ .
রূপনির্বর্ণনা যুক্তমনুবৃত্তমিতি স্মৃতম্ .. ১০৮..
সহসা দর্শনং যৎ স্যাত্তদালোকিতমুচ্যতে .
বিলোকিতং পৃষ্টতস্তু পার্শ্বাভ্যাং তু প্রলোকিতম্ .. ১০৯..
ঊর্ধ্বমুল্লোকিতং জ্ঞেয়মবলোকিতমপ্যধঃ .
ইত্যেষু দর্শনবিধিঃ সর্বভাবরসাশ্রয়ঃ .. ১১০..
তারাকৃতোঽস্যানুগতং পুটকর্ম নিবোধত .
উন্মেষশ্চ নিমেষশ্চ প্রসৃতং কুঞ্চিতং সমম্ .. ১১১..
বিবর্তিতং স স্ফুরিতং পিহিতং সবিতাডিতম্ .
বিশ্লেষঃ পুটয়োর্যস্তু স তূন্মেষঃ প্রকীর্তিতঃ .. ১১২..
সমাগমো নিমেষঃ স্যাদায়ামঃ প্রসৃতং ভবেৎ .
আকুঁচিতং কুঞ্চিতং স্যাৎ সমং স্বাভাবিকং স্মৃতম্ .. ১১৩..
বিবর্তিতং সমুদ্বৃত্তং স্ফুরিতং স্পন্দিতং তথা .
স্থগিতং পিহিতং প্রোক্তমাহতং তু বিতাডিতম্ .. ১১৪..
অথৈষং রসভাবেষু বিনিয়োগং নিবোধত .
ক্রোধে বিবর্তিতং কার্যো নিমেষোন্মেষণৈঃ সহ .. ১১৫..
বিস্ময়ার্থেষু হর্ষে চ বীরে চ প্রসৃতং স্মৃতম্ .
অনিষ্টদর্শনে গন্ধে রসে স্পর্শে চ কুঞ্চিতম্ .. ১১৬..
শৃঙ্গারে চ সমং কার্যমীর্ষ্যাসু স্ফুরিতং তথা .
সুপ্তমূর্চ্ছিতবাতোষ্ণধূমবর্ষাঞ্জনার্তিষু .. ১১৭..
নেত্ররোগে চ পিহিতমভিঘাতে বিতাডিতম্ .
ইত্যেবং রসভাবেষু তারকাপুটয়োর্বিধিঃ .. ১১৮..
কার্যানুগতমস্যৈব ভ্রুবোঃ কর্ম নিবোধত .
উৎক্ষেপঃ পাতনশ্চৈব ভ্রুকুটী চতুরং ভ্রুবোঃ ..১১৯..
কুঞ্চিতং রেচিতং চৈব সহজং চেতি সপ্তধা .
ভ্রুবোরুন্নতিরুৎক্ষেপঃ সমমেকৈকশোঽপি বা..১২০..
অনেনৈব ক্রমেণৈব পাতনং স্যাদধোমুখম্ .
ভ্রুবোর্মূলসমুৎক্ষেপাৎ ভ্রুকুটী পরিকীর্তিতা .. ১২১..
চতুরং কিঁচিদুচ্ছ্বাসান্মধুরায়তয়া ভ্রুবোঃ .
একস্যা উভয়োর্বাপি মৃদুভঙ্গস্তু কুঞ্চিতম্ .. ১২২..
একস্যা এব ললিতাদুৎক্ষেপাদ্রেচিতং ভ্রুবঃ .
সহজাতং তু সহজং কর্ম স্বাভাবিকং স্মৃতম্ .. ১২৩..
অথৈষাং সম্প্রবক্ষ্যামি রসভাবপ্রয়োজনম্ .
কোপে বিতর্কে হেলায়াং লীলাদৌ সহজে তথা .. ১২৪..
শ্রবণে দর্শনে চৈব ভ্রুবমেকাং সমুৎক্ষিপেৎ .
উৎক্ষেপো বিস্ময়ে হর্ষে রোষে চৈঅব দ্বয়োরপি .. ১২৫..
আসূয়িতজুগুপ্সায়াং হাস্যে ঘ্রাণে চ পাতনম্ .
ক্রোধস্থানেষু দীপ্তেষু যোজয়েৎ ভ্রুকুটিং বুধঃ .. ১২৬..
শৃঙ্গারে ললিতে সৌম্যে সুখে স্পর্শে প্রবোধনে .
এবং বিধেষু ভাবেষু চতুরং তু প্রয়োজয়েৎ .. ১২৭..
স্ত্রীপুরুষয়োশ্চ সংলাপে নানাবস্থান্তরাত্মকে .
মোট্টায়িতে কুট্টমিতে বিলাসে কিলকিঞ্চিতে .. ১২৮..
নিকুঞ্চিতং তু কর্তব্যং নৃত্তে যোজ্যং তু রেচিতম্ .
অনাবিদ্ধেষু ভাবেষু বিদ্যাৎ স্বাভাবিকং বুধঃ..১২৯..
ইত্যেবং তু ভ্রুবঃ প্রোক্তং নাসাকর্ম নিবোধত .
নতা মন্দা বিকৃষ্টা চ সোচ্ছ্বাসা চ বিকূণিতা .. ১৩০..
স্বাভাবিকা চেতি বুধৈঃ ষড্বিধা নাসিকা স্মৃতা .
নতা মুহুঃশ্লিষ্টপুটা মন্দা তু নিভৃতা স্মৃতা .. ১৩১..
বিকৃষ্টোৎফুল্লিতপুটা সোচ্ছ্বাসা কৃষ্টমারুতা .
বিকূণিতা সংকুচিতা সমা স্বাভাবিকা স্মৃতা .. ১৩২..
নাসিকালক্ষণং হ্যেতৎ বিনিয়োগং নিবোধত .
মদোৎকম্পসমায়ুক্তে নারীণামনুরোধনে .. ১৩৩..
নিঃশ্বাসে চ নতা কার্যা নাসিকা নাট্যয়োক্তৃভিঃ .
বিচ্ছিন্নমন্দরুদিতে সোচ্ছ্বাসে চ নতা স্মৃতা .. ১৩৪..
নির্বেগৌৎসুক্যচিন্তাসু মন্দা শোকে চ যোজয়েৎ .
তীব্রগন্ধে বিকৃষ্টাং তৌ রৌদ্রে বীরে তথৈব চ .. ১৩৫..
ইষ্টঘ্রাণে তথোচ্ছ্বাসে দীর্ঘোচ্ছ্বাসাং প্রয়োজয়েৎ .
বিকূণিতা চ কর্তব্যা জুগুপ্সায়ামসূয়াদিষু .. ১৩৬..
কার্যা শেষু ভাবেষু তজ্ঞৈঃ স্বাভাবিকা তথা .
ক্ষামং ফুল্লং চ ঘূর্ণং চ কম্পিতং কুঞ্চিতং সমম্ .. ১৩৭..
ষড্বিধং গণ্ডমুদ্দিষ্টং তস্য লক্ষণমুচ্যতে .
ক্ষামং চাবনতং জ্ঞেয়ং ফুল্লং বিকসিতং ভবেৎ .. ১৩৮..
বিততং ঘূর্ণমত্রোক্তং কম্পিতং স্ফুরিতং ভবেৎ .
স্যাৎ কুঞ্চিতং সংকুঞ্চিতং সমং প্রাকৃতমুচ্যতে .. ১৩৯..
গণ্ডয়োর্লক্ষণং প্রোক্তং বিনিয়োগং নিবোধত .
ক্ষামং দুঃখেষু কর্তব্যং প্রহর্ষে ফুল্লমেব চ .. ১৪০..
পূর্ণমুৎসাহগর্বেষু রোমহর্ষেষু কম্পিতম্ .
কুঞ্চিতং চ সরোমাঞ্চং স্পর্শে শীতে ভয়ে জ্বরে.. ১৪১..
প্রাকৃতং শেষভাবেষু গণ্ডকর্ম ভবেদিতি .
বিবর্তনং কম্পনং চ বিসর্গো বিনিগূহনম্..১৪২..
সন্দষ্টকং সমুদ্গং চ ষট্ কর্মাণ্যধরস্য তু .
বিকূণিতং বিবর্তস্তু বেপনং কম্পনং স্মৃতম্ .. ১৪৩..
বিনিষ্ক্রামো বিসর্গস্তু প্রবেশো বিনিগূহনম্ .
সন্দষ্টকং দ্বিজৈঅর্দষ্টং সমুদ্গঃ সহজোন্নতি .. ১৪৪..
ইত্যোষ্ঠলক্ষণং প্রোক্তং বিনিয়োগং নিবোধত .
অসূয়াবেদনাবজ্ঞাভয়াদিষু বিবর্তনম্ .. ১৪৫..
কম্পনং বেপনং শীতভয়রোষজবাদিষু .
স্ত্রীঅণাং বিলাসে বিব্বোকে বিসর্গো রঞ্জনে তথা .. ১৪৬..
বিনিগূহনমায়াসে সন্দষ্টং ক্রোধকর্মসু .
সমুদ্গস্ত্বনুকম্পায়াং চুম্বনে চাভিনন্দনে ..১৪৭..
ইত্যোষ্ঠকর্মাণ্যুক্তানি চিবুকস্য নিবোধত .
কুট্টনং খণ্ডনং ছিন্নং চুক্কিতং লেহনং সমম্ .. ১৪৮..
দষ্টং চ দন্তক্রিয়য়া চিবুকং ৎবিহ লক্ষ্যতে .
কুট্টনং দন্তসংঘর্ষঃ সংস্ফোটঃ খণ্ডনং মুহুঃ .. ১৪৯..
ছিন্নং তু গাঢসংশ্লেষশ্চুক্কিতং দূরবিচ্যুতিঃ .
লেহনং জিহ্বয়া লেহঃ কিঞ্চিৎ শ্লেষঃ সমং ভবেৎ ..১৫০..
দন্তৈর্দষ্টেঽধরে দষ্টমিত্যেষাং বিনিয়োজনম্ .
ভয়শীতজ্বরক্রোধগ্রস্তানাং কুট্টনং ভবেৎ .. ১৫১.. জপাধ্যয়নসংলাপভক্ষ্যয়োগে চ খণ্ডনম্ .
ছিন্নং ব্যাধৌ ভয়ে শীতে ব্যায়ামে রুদিতে মৃতে .. ১৫২..
জৃম্ভণে চুক্কিতং কার্যং তথা লেহ্যে চ লেহনম্ .
সমং স্বভাবভাবেষু সন্দষ্টং ক্রোধকর্মসু .. ১৫৩..
ইতি দন্তোষ্ঠজিহ্বানাং করণাচ্চিবুকক্রিয়া .
বিধুতং বিনিবৃত্তং চ নির্ভুগ্নং ভুগ্নমেব চ .. ১৫৪..
বিবৃতং চ তথোদ্বাহি কর্মাণ্যত্রাস্যজানি তু .
ব্যাবৃত্তং বিনিবৃত্তং স্যাদ্বিধুতং তির্যগায়তম্.. ১৫৫..
অবাঙ্মুখৎবং নির্ভুগ্নং ব্যাভুগ্নং কিঞ্চিদায়তম্ .
বিশ্লিষ্টোষ্ঠং চ বিবৃতমুদ্বাহ্যুৎক্ষিপ্তমেব চ .. ১৫৬..
বিনিবৃত্তমসূয়ায়ামীর্ষ্যাক্রোধকৃতেন চ .
অবজ্ঞাবিবৃতাদৌ চ স্ত্রীণা কার্যা প্রয়োক্তৃভিঃ .. ১৫৭..
বিধুতং বারণে চৈব নৈবমিত্যেবমাদিষু .
নির্ভুগ্নং চাপি বিজ্ঞেয়ং গম্ভীরালোকনাদিষু .. ১৫৮..
ভুগ্নং লজান্বিতে যোজ্যং যতীনাং তু স্বভাবজম্ .
নির্বেদৌৎসুক্যচিন্তাসু নয়ে চ বিনিমন্ত্রণে .. ১৫৯..
বিবৃত্তং চাপি বিজ্ঞেয়ং হাস্যশোকভয়াদিষু .
স্ত্রীণামুদ্বাহি লীলায়াং গর্বে গচ্ছত্যনাদরে ..১৬০..
এব নামেতি কার্যং চ কোপবাক্যে বিচক্ষণৈঃ .
সমং সাচ্যনুবৃত্তাদি যচ্চ দৃষ্টিবিকল্পিতম্ .. ১৬১..
তজ্জ্ঞৈস্তেনানুসারেণ কার্যং তদনুগং মুখম্ .
অথাতো মুখরাগস্তু চতুর্ধা পরিকীর্তিতঃ .. ১৬২..
স্বাভাবিকঃ প্রসন্নশ্চ রক্তঃ শ্যামোঽর্থসংশ্রয়ঃ .
স্বাভাবিকস্তু কর্তব্যঃ স্বভাবাভিনয়াশ্রয়ঃ .. ১৬৩..
মধ্যস্থাদিষু ভাবেষু মুখরাগঃ প্রয়োক্তৃভিঃ .
প্রসন্নস্ত্বদ্ভুতে কার্যো হাস্যশৃঙ্গারয়োস্তথা .. ১৬৪..
বীররৌদ্রমদাদ্যেষু রক্তঃ স্যাৎ করুণে তথা .
ভয়ানকে সবীভৎসে শ্যামং সঞ্জায়তে মুখম্ .. ১৬৫৫..
এবং ভাবরসার্থেষু মুখরাগং প্রয়োজয়েৎ .
শাখাঙ্গোপাঙ্গসংযুক্তঃ কৃতোঽপ্যভিনয়ঃ শুভঃ .. ১৬৬..
মুখরাগবিহীনস্তু নৈব শোভান্বিতো ভবেৎ .
শরীরাভিনয়োঽল্পোঽপি মুখরাগসম্ন্বিতঃ .. ১৬৭..
দ্বিগুণাং লভতে শোভাং রাত্রাবিব নিশাকরঃ .
নয়নাভিনয়োঽপি স্যান্নানাভাবরসাস্ফুটঃ .. ১৬৮..
মুখরাগান্বিতো যস্মান্নাট্যমত্র প্রতিষ্ঠিতম্ .
যথা নেত্রং প্রসর্পেত মুখভূদৃষ্টিসংযুতম্ .. ১৬৯..
তথা ভাবরসোপেতং মুখরাগং প্রয়োজয়েৎ .
ইত্যেবং মুখরাগস্তু প্রোক্তো ভাবরসাশ্রয়ঃ .. ১৭০..
অতঃ পরং প্রবক্ষ্যামি গ্রীবাকর্মাণি বৈ দ্বিজাঃ !.
সমা নতোন্নতা ত্র্যস্রা রেচিতা কুঞ্চিতাঞ্চিতা .. ১৭১..
বলিতা চ নিবৃত্তা চ গ্রীবা নববিধার্থতঃ .
সমা স্বাভাবিকী ধ্যানস্বভাজপকর্মসু .. ১৭২..
নতা নতাস্যালঙ্কারবন্ধে কণ্ঠাবলম্বনে ,
উন্নতাভ্যুন্নতমুখী গ্রীবা চোর্ধ্বনিবেশনে .. ১৭৩..
ত্র্যস্রা পার্শ্বগতা জ্ঞেয়া স্কন্ধভারেঽতি দুঃখিতে .
রেচিতা বিধুতভ্রান্তা হাবে মথনৃত্তয়োঃ .. ১৭৪..
কুঞ্চিতাকুঞ্চিতে মূর্ধ্নি ধারিতে গলরক্ষণে .
অঞ্চিতাপসৃতোদ্বন্ধকেশকর্ষোর্ধ্বদর্শনে .. ১৭৫..
পার্শ্বোন্মুখী স্যাদ্বলিতা গ্রীবাভেদৈশ্চ বীক্ষণে .
নিবৃতাভিমুখীভূতা স্বস্থানাভিমুখাদিষু .. ১৭৬..
ইত্যাদি লোকভাবার্থা গ্রীবাভঙ্গৈরনেকধা .
গ্রীবাকর্মাণি সর্বাণি শিরঃ কর্মানুগানি হি ..১৭৭..
শিরসঃ কর্মণঃ কর্ম গ্রীবায়াঃ সম্প্রবর্ততে .
ইত্যেতল্লক্ষণং প্রোক্তং শীর্ষোপাঙ্গসমাশ্রয়ম্ .
অঙ্গকর্মাণি শেষাণি গদতো মে নিবোধত .. ১৭৯..

ইতি ভারতীয়ে নাট্যশাশ্ত্রে উপাঙ্গবিধানং নাম অষ্টমোঽধ্যায়ঃ .