বৃহত্সংহিতা – অধ্যায় ৯১-১০০

অধ্যায ৯১ গবেংগিতাধ্যাযঃ

৯১.১ গাবো দীনাঃ পার্থিবস্যাশিবায
৯১.১ পাদৈঃ ভূমিং কুট্টযন্ত্যশ্চ রোগান্ .
৯১.১ মৃত্যুং কুর্বন্ত্যশ্রুপূর্ণাযতাক্ষ্যঃ
৯১.১ পত্যুঃ ভীতাঃ তস্করান্ আরুবন্ত্যঃ .. ..
৯১.২ অকারণে ক্রোশতি চেদনর্থো ভযায রাত্রৌ বৃষভঃ শিবায .
৯১.২ ভৃশং নিরুদ্ধা যদি মক্ষিকাভিঃ তদাশু বৃষ্টিং সরমাত্মজৈঃ বা .. ..
৯১.৩ আগচ্ছন্ত্যো বেশ্ম বংভারবেণ
৯১.৩ সংসেবন্ত্যো গোষ্ঠবৃদ্ধ্যৈ গবাং গাঃ .
৯১.৩ আর্দ্রাংগ্যো বা হৃষ্টরোম্ণ্যঃ প্রহৃষ্টা
৯১.৩ ধন্যা গাবঃ স্যুঃ মহিষ্যোঽপি চৈবম্ .. ..

অধ্যায ৯২ অশ্বেংগিতাধ্যাযঃ

৯২.১ উত্সর্গান্ ন শুভদমাসনাত্ পরস্থং ( আসনাপরস্থং)
৯২.১ বামে চ জ্বলনমতোঽপরং প্রশস্তম্ .
৯২.১ সর্বাংগজ্বলনমবৃদ্ধিদং হযানাং
৯২.১ দ্বে বর্ষে দহনকণাশ্চ ধূপনং বা .. ..
৯২.২ অন্তঃপুরং নাশমুপৈতি মেঢ্রে
৯২.২ কোশঃ ক্ষযং যাত্যুদরে প্রদীপ্তে .
৯২.২ পাযৌ চ পুচ্ছে চ পরাজযঃ স্যাদ্
৯২.২ বক্ত্রৌত্তমাংগজ্বলনে জযশ্চ .. ..
৯২.৩ স্কন্ধাসনাংসজ্বলনং জযায
৯২.৩ বন্ধায পাদজ্বলনং প্রদিষ্টম্ .
৯২.৩ ললাটবক্ষো ঽক্ষিভুজে চ ( অক্ষিভুজেষু) ধূমঃ
৯২.৩ পরাভবায জ্বলনং জযায .. ..
৯২.৪ নাসাপুটপ্রোথশিরোঽশ্রুপাত-
৯২.৪ নেত্রে চ ( নেত্রেষু) রাত্রৌ জ্বলনং জযায .
৯২.৪ পলাশতাম্রাসিতকর্বুরাণাং
৯২.৪ নিত্যং শুকাভস্য সিতস্য চেষ্টম্ .. ..
৯২.৫ প্রদ্বেষো যবসাংভসাং প্রপতনং স্বেদো নিমিত্তাদ্ বিনা
৯২.৫ কংপো বা বদনাগ রক্তপতনং ধূমস্য বা সংভবঃ .
৯২.৫ অস্বপ্নশ্চ বিরোধিনাং ( বিরোধিতা) নিশি দিবা নিদ্রালসধ্যানতা .
৯২.৫ সাদোঽধোমুখতা বিচেষ্টিতমিদং নেষ্টং স্মৃতং বাজিনাম্ .. ..
৯২.৬ আরোহণমন্যবাজিনাং পর্যাণাদিযুতস্য বাজিনঃ .
৯২.৬ উপবাহ্যতুরংগমস্য বা কল্পস্যৈব বিপন্নশোভনা .. ..
৯২.৭ ক্রৌংচবদ্ রিপুবধায হ্রেষিতং ( হেষিতং)
৯২.৭ গ্রীবযা ত্বচলযা চ সৌন্মুখম্ .
৯২.৭ স্নিগ্ধমুচ্চমনুনাদি হৃষ্টবদ্-
৯২.৭ গ্রাসরুদ্ধবদনৈশ্চ বাজিভিঃ .. ..
৯২.৮ পূর্ণপাত্রদধিবিপ্রদেবতা
৯২.৮ গন্ধপুষ্পফলকাংচনাদি বা .
৯২.৮ দ্রব্যমিষ্টমথবা পরং ভবেদ্
৯২.৮ ধ্রেষতাং ( ধেষতাং) যদি সমীপতো জযঃ .. ..
৯২.৯ ভক্ষ্যপানখলিনাভিনন্দিনঃ
৯২.৯ পত্যুঃ ঔপযিকনন্দিনোঽথবা .
৯২.৯ সব্যপার্শ্বগতদৃষ্টযোঽথবা
৯২.৯ বাংছিতার্থফলদাঃ তুরংগমাঃ .. ..
৯২.১০ বামৈশ্চ পাদৈঃ অভিতাডযন্তো মহীং
৯২.১০ প্রবাসায ভবন্তি ভর্তুঃ .
৯২.১০ সন্ধ্যাসু দীপ্তামবলোকযন্তো
৯২.১০ হ্রেষন্তি ( হেষন্তি) চেদ্ বন্ধপরাজযায .. ..
৯২.১১ অতীব হ্রেষন্তি ( হেষন্তি) ) কিরন্তি বালান্
৯২.১১ নিদ্রারতাশ্চ প্রবদন্তি যাত্রাম্ .
৯২.১১ রোমত্যজো দীনখরস্বরাশ্চ
৯২.১১ পাংশূন্ গ্রসন্তশ্চ ভযায দ্ষৃটাঃ .. ..
৯২.১২ সমুদ্গবদ্ দক্ষিণপার্শ্বশাযিনঃ
৯২.১২ পদং সমুত্ক্ষিপ্য চ সক্ষিণং স্থিতাঃ .
৯২.১২ জযায শেষেষ্বপি বাহনেষ্বিদং
৯২.১২ ফলং যথাসংভবমাদিশেদ্ বুধঃ .. ..
৯২.১৩ আরোহতি ক্ষিতিপতৌ বিনযৌপপন্নো
৯২.১৩ যাত্রানুগোঽন্যতুরগং প্রতিহ্রেষতে ( প্রতিহেষতে) চ .
৯২.১৩ বক্ত্রেণ বা স্পৃশতি দক্ষিণমাত্মপার্শ্বং
৯২.১৩ যোঽশ্বঃ স ভর্তুঃ অচিরাত্ প্রচিনোতি লক্ষ্মীম্ .. ..
৯২.১৪ মুহুর্মুহুঃ মূত্রশকৃত্ করোতি
৯২.১৪ ন তাড্যমানোঽপি অনুলোমযাযী .
৯২.১৪ অকার্যভীতোঽশ্রুবিলোচনশ্চ
৯২.১৪ শিবং ( শুভং) ন ভর্তুঃ তুরগোঽভিধত্তে .. ..
৯২.১৫ উক্তমিদং হযচেষ্টিতমত ঊর্ধ্বং দন্তিনাং প্রবক্ষ্যামি .
৯২.১৫ তেষাং তু দন্তকল্পনভংগম্লানাদিচেষ্টাভিঃ .. ..

অধ্যায ৯৩ হস্তিচেষ্টিতাধ্যাযঃ

৯৩.১ দন্তস্য মূলপরিধিং দ্বিরাযতং প্রোহ্য কল্পযেত্শেষম্ .
৯৩.১ অধিকমনূপচরাণাং ন্যূনং গিরিচারিণাং কিংচিত্ .. ..
৯৩.২ শ্রীবৃক্ষ ( শ্রীবত্স) বর্ধমানচ্ছত্রধ্বজচামরানুরূপেষু .
৯৩.২ ছেদে দৃষ্টেষ্বারোগ্যবিজযধনবৃদ্ধিসৌখ্যানি .. ..
৯৩.৩ প্রহরণসদৃশেষু জযো নন্দ্যাবর্তে প্রনষ্টদেশাপ্তিঃ .
৯৩.৩ লোষ্ঠে তু লব্ধপূর্বস্য ভবতি দেশস্য সংপ্রাপ্তিঃ .. ..
৯৩.৪ স্ত্রীরূপেঽশ্ববিনাশো ভৃংগারেঽভ্যুত্থিতে সুতৌত্পত্তিঃ .
৯৩.৪ কুংভেন নিধিপ্রাপ্তিঃ যাত্রাবিঘ্নং চ দণ্ডেন .. ..
৯৩.৫ কৃকলাসকপিভুজংগেষ্বসুভিক্ষব্যাধযো রিপুবশিত্বং ( রিপুবশত্বং) .
৯৩.৫ গৃধ্রৌলূকধ্বাংক্ষশ্যেনাকারেষু জনমরকঃ .. ..
৯৩.৬ পাশেঽথবা কবন্ধে নৃপমৃত্যুঃ জনবিপত্ স্রুতে রক্তে .
৯৩.৬ কৃষ্ণে শ্যাবে রূক্ষে দুর্গন্ধে চাশুভং ভবতি .. ..
৯৩.৭ শুক্লঃ সমঃ সুগন্ধিঃ স্নিগ্ধশ্চ শুভাবহো ভবেঘেদঃ .
৯৩.৭ গলনম্লানফলানি চ দন্তস্য সমানি ভংগেন .. ..
৯৩.৮ মূলমধ্যদশনাগ্রসংস্থিতা
৯৩.৮ দেবদৈত্যমনুজাঃ ক্রমাত্ ততঃ .
৯৩.৮ স্ফীতমধ্যপরিপেলবং ফলং
৯৩.৮ শীঘ্রমধ্যচিরকালসংভবম্ .. ..
৯৩.৯ দন্তভংগফলমত্র দক্ষিণে ভূপদেশবলবিদ্রবপ্রদম্ .
৯৩.৯ বামতঃ সুতপুরোহিতে ভযান্ ( ভপান্) হন্তি সাটবিকদারনাযকান্ .. ..
৯৩.১০ আদিশেদুভযভংগদর্শনাত্ পার্থিবস্য সকলং কুলক্ষযম্ .
৯৩.১০ সৌম্যলগ্নতিথিভাদিভিঃ শুভং বর্ধতেঽশুভমতোঽন্যথা
বদেত্ ( ভবেত্) .. ..
৯৩.১১ ক্ষীরমৃষ্ট ( ক্ষীরবৃক্ষ) ফলপুষ্পপাদপেষ্বাপগাতটবিঘট্টিতেন বা .
৯৩.১১ বামমধ্যরদভংগখণ্ডনে ( খণ্ডনং) শত্রুনাশকৃদতোঽন্যথা পরম্ .. ..
৯৩.১২ স্খলিতগতিঃ অকস্মাত্ ত্রস্তকর্ণোঽতিদীনঃ
৯৩.১২ শ্বসিতি মৃদু সুদীর্ঘং ন্যস্তহস্তঃ পৃথিব্যাম্ .
৯৩.১২ দ্রুতমুক্লিতদৃষ্টিঃ স্বপ্নশীলো বিলোমো
৯৩.১২ ভযকৃদহিতভক্ষী নৈকশো ঽসৃক্ষকৃত্কৃত্ ( ঽসৃক্ ছকৃত্ চ) .. ..
৯৩.১৩ বল্মীকস্থাণুগুল্মক্ষুপতরুমথনঃ স্বেচ্ছযা হৃষ্টদৃষ্টিঃ
৯৩.১৩ যাযাদ্ যাত্রানুলোমং ত্বরিতপদগতিঃ বক্ত্রমুন্নাম্য চৌচ্চৈঃ .
৯৩.১৩ কক্ষ্যাসন্নাহকালে জনযতি চ মুহুঃ শীকরং বৃংহিতং বা
৯৩.১৩ তত্কালে ( তত্কালং) বা মদাপ্তিঃ জযকৃদথ রদং বেষ্টযন্ দক্ষিণং চ .. ..
৯৩.১৪ প্রবেশনং বারিণি বারণস্য
৯৩.১৪ গ্রহণে নাশায ভবেন্ নৃপস্য .
৯৩.১৪ গ্রাহং গৃহীত্বা উত্তরণং নৃপস্য ( দ্বিপস্য)
৯৩.১৪ তোযাত্ স্থলং বৃদ্ধিকরং নৃভর্তুঃ .. ..

অধ্যায ৯৪ বাযসবিরুতাধ্যাযঃ

৯৪.১ প্রাচ্যানাং দক্ষিণতঃ শুভদাঃ ( শুভদঃ) কাকাঃ করাযিকা বাংবামা) .
৯৪.১ বিপরীতমন্যদেশেষ্ববধিঃ লোকপ্রসিদ্ধ্যৈব .. ..
৯৪.২ বৈশাখে নিরুপহতে বৃক্ষে নীডঃ সুভিক্ষশিবদাতা .
৯৪.২ নিন্দিতকণ্টকিশুষ্কেষ্বসুভিক্ষভযানি তদ্দেশে .. ..
৯৪.৩ নীডে প্রাক্ শাখাযাং শরদি ভবেত্ প্রথমবৃষ্টিঃ অপরস্যাম্ .
৯৪.৩ যাম্যোত্তরযোঃ মধ্যাত্ ( মধ্যা) প্রধানবৃষ্টিঃ তরোরুপরি .. ..
৯৪.৪ শিখিদিশি মণ্ডলবৃষ্টিঃ নৈরৃত্যাং শারদস্য নিষ্পত্তিঃ .
৯৪.৪ পরিশেষযোঃ সুভিক্ষং মূষকসংপগ ( মূষকসংপত্ তু) বাযব্যে .. ..
৯৪.৫ শরদর্ভগুল্মবল্লীধান্যপ্রাসাদগেহনিম্নেষু .
৯৪.৫ শূন্যো ভবতি স দেশশ্চৌরানাবৃষ্টিরোগার্তঃ .. ..
৯৪.৬ দ্বিত্রিচতুঃশাবত্বং সুভিক্ষদং পংচভিঃ নৃপান্যত্বম্ .
৯৪.৬ অণ্ডাবকিরণমেকাণ্ডতাপ্রসূতিশ্চ ন শিবায .. ..
৯৪.৭ চৌরকবর্ণৈশ্চৌরাশ্চিত্রৈঃ মৃত্যুঃ সিতৈঃ তু বহ্নিভযম্ .
৯৪.৭ বিকলৈঃ দুর্ভিক্ষভযং কাকানাং নির্দিশেত্শিশুভিঃ .. ..
৯৪.৮ অনিমিত্তসংহতৈঃ গ্রামমধ্যগৈঃ ক্ষুদ্ভযং প্রবিরুবদ্ভিঃ ( প্রবাশদ্ভিঃ .
৯৪.৮ রোধশ্চক্রাকারৈঃ অভিঘাতো বর্গবর্গস্থৈঃ .. ..
৯৪.৯ অভযাশ্চ তুণ্ডপক্ষৈশ্চরণবিঘাতৈঃ জনান্ অভিভবন্তঃ .
৯৪.৯ কুর্বন্তি শত্রুবৃদ্ধিং নিশি বিচরন্তো জনবিনাশম্ .. ..
৯৪.১০ সব্যেন খে ভ্রমদ্ভিঃ স্বভযং বিপরীতমণ্ডলৈশ্চ পরাত্ .
৯৪.১০ অত্যাকুলং ভ্রমদ্ভিঃ বাতৌদ্ভ্রমো ভবতি কাকৈঃ .. ..
৯৪.১১ ঊর্ধ্বমুখাশ্চলপক্ষাঃ পথি ভযদাঃ ক্ষুদ্ভযায ধান্যমুষঃ .
৯৪.১১ সেনাংগস্থা যুদ্ধং পরিমোষং চান্যভৃতপক্ষাঃ .. ..
৯৪.১২ ভস্মাস্থিকেশপত্রাণি বিন্যসন্ পতিবধায শয্যাযাম্ .
৯৪.১২ মণিকুসুমাদ্যবহননে ( অবহনেন) সুতস্য জন্মাপ্যথাংগনাযাশ্
( জন্মাংগনাযাশ্চ) ( জন্মান্যথা) চ .. ..
৯৪.১৩ পূর্ণাননেঽর্থলাভঃ সিকতাধান্যার্দ্রমৃত্কুসুমপূর্বৈঃ .
৯৪.১৩ ভযদো জনসংবাসাদ্ যদি ভাণ্ডানি অপনযেত্ কাকঃ .. ..
৯৪.১৪ বাহনশস্ত্রৌপানত্ছত্রছাযাংগকুট্টনে মরণম্ .
৯৪.১৪ তত্পূজাযাং পূজা বিষ্ঠাকরণেঽন্নসংপ্রাপ্তিঃ .. ..
৯৪.১৫ যদ্দ্রব্যমুপনযেত্ তস্য লব্ধিঃ অপহরতি চেত্ প্রণাশঃ স্যাত্ .
৯৪.১৫ পীতদ্রব্যৈঃ ( পীতদ্রব্যে) কনকং বস্ত্রং কার্পাসিকৈঃ সিতৈঃ ( কার্পাসিকে সিতে) রূপ্যম্ .. ..
৯৪.১৬ সক্ষীরার্জুনবঞ্জুলকূলদ্বযপুলিনগা রুবন্তশ্চ .
৯৪.১৬ প্রাবৃষি বৃষ্টিং দুর্দিনমনৃতৌ স্নাতাশ্চ পাংশুজলৈঃ .. ..
৯৪.১৭ দারুণনাদঃ তরুকোটরোপগো বাযসো মহাভযদঃ .
৯৪.১৭ সলিলমবলোক্য বিরুবন্ বৃষ্টিকরোঽব্দানুরাবী চ .. ..
৯৪.১৮ দীপ্তৌদ্বিগ্নো বিটপে বিকুট্টযন্ বহ্নিকৃদ্ বিধুতপক্ষঃ .
৯৪.১৮ রক্তদ্রব্যং দগ্ধং তৃণকাষ্ঠং বা গৃহে বিদধত্ .. ..
৯৪.১৯ এন্দ্র্যাদিদিগ্ অবলোকী সূর্যাভিমুখো রুবন্ গৃহে গৃহিনঃ .
৯৪.১৯ রাজভযচোরবন্ধনকলহাঃ স্যুঃ পশুভযং চেতি .. ..
৯৪.২০ শান্তামেন্দ্রীমবলোকযন্ রুযাদ্ রাজপুরুষমিত্রাপ্তিঃ .
৯৪.২০ ভবতি চ সুবর্ণলব্ধিঃ শাল্যন্নগুডাশনাপ্তিশ্চ .. ..
৯৪.২১ আগ্নেয্যামনলাজীবিকযুবতিপ্রবরধাতুলাভশ্চ .
৯৪.২১ যাম্যে মাষকুলূত্থা ( কুলত্থা) ভোজ্যং গান্ধর্বিকৈঃ যোগঃ .. ..
৯৪.২২ নৈরৃত্যাং দূতাশ্বৌপকরণদধিতৈলপললভোজ্যাপ্তিঃ .
৯৪.২২ বারুণ্যাং মাংসসুরাসবধান্যসমুদ্ররত্নাপ্তিঃ .. ..
৯৪.২৩ মারুত্যাং শস্ত্রাযুধসরোজবল্লীফলাশনাপ্তিশ্চ .
৯৪.২৩ সৌম্যাযাং পরমান্নাশনং তুরংগাংবরপ্রাপ্তিঃ .. ..
৯৪.২৪ ঐশান্যাং সংপ্রাপ্তিঃ ঘৃতপূর্ণানাং ভবেদনডুহশ্চ .
৯৪.২৪ এবং ফলং গৃহপতেঃ গৃহপৃষ্ঠসমাশ্রিতে ভবতি .. ..
৯৪.২৫ গমনে কর্ণসমশ্চেত্ ক্ষেমায ন কার্যসিদ্ধযে ভবতি .. ..
৯৪.২৫ অভিমুখমুপৈতি যাতুঃ বিরুবন্ বিনিবর্তযেদ্ যাত্রাম্ .. ..
৯৪.২৬ বামে বাশিত্বাদৌ দক্ষিণপার্শ্বেঽনুবাশতে যাতুঃ .
৯৪.২৬ অর্থাপহারকারী তদ্বিপরীতোঽর্থসিদ্ধিকরঃ .. ..
৯৪.২৭ যদি বাম এব বিরুবন্ ( বিরুযাত্) মুহুর্মুহুঃ যাযিনোঽনুলোমগতিঃ .
৯৪.২৭ অর্থস্য ভবতি সিদ্ধ্যৈ প্রাচ্যানাং দক্ষিণশ্চৈবম্ .. ..
৯৪.২৮ বামঃ প্রতিলোমগতিঃ বিরুবন্ ( বাশন্) গমনস্য বিঘ্নকৃদ্ ভবতি .
৯৪.২৮ তত্রস্থস্যৈব ফলং কথযতি তদ্বাংছিতং গমনে .. ..
৯৪.২৯ দক্ষিণবিরুতং কৃত্বা বামে বিরুযাদ্ যথীপ্সিতাবাপ্তিঃ .
৯৪.২৯ প্রতিবাশ্য পুরো যাযাদ্ দ্রুতমত্যর্থাগমো ভবতি ( অগ্রে ঽর্থাগমোঽতিমহান্) .. ..
৯৪.৩০ প্রতিবাশ্য পৃষ্টঃঅতো দক্ষিণেন যাযাদ্ দ্রুতং ক্ষতজকারী ( ক্ষতজকর্তা) .
৯৪.৩০ একচরণোঽর্কমীক্ষন্ বিরুবংশ্চ পুরো রুধিরহেতুঃ .. ..
৯৪.৩১ দৃষ্ট্বার্কমেকপাদঃ তুণ্ডেন লিখেদ্ যদা স্বপিচ্ছানি .
৯৪.৩১ পুরতো জনস্য মহতো বধমভিধত্তে তদা বলিভুক্ .. ..
৯৪.৩২ সস্যোপেতে ক্ষেত্রে বিরুবতি শান্তে সসস্যভূলব্ধিঃ .
৯৪.৩২ আকুলচেষ্টো বিরুবন্ সীমান্তে ক্লেশকৃদ্ যাতুঃ .. ..
৯৪.৩৩ সুস্নিগ্ধপত্রপল্লবকুসুমফলানম্রসুরভিমধুরেষু .
৯৪.৩৩ সক্ষীরাব্রণসংস্থিতমনোজ্ঞবৃক্ষেষু চার্থসিদ্ধিকরঃ ( চার্থকরঃ) .. ..
৯৪.৩৪ নিষ্পন্নসস্যশাদ্ব ( শাড্ব, শাদ্ব) লভবনপ্রাসাদহর্ম্যহরিতেষু .
৯৪.৩৪ ধন্য ( ধান্য) উচ্ছ্রযমংগল্যেষু চৈব বিরুবন্ ধনাগমদঃ .. ..
৯৪.৩৫ গোপুচ্ছস্থে বল্মীকগেঽথবা দর্শনং ভুজংগস্য .
৯৪.৩৫ সদ্যো জ্বরো মহিষগে বিরুবতি গুল্মে ফলং স্বল্পম্ .. ..
৯৪.৩৬ কার্যস্য ব্যাঘাতঃ তৃণকূটে বামগেঽংবুসংস্থে ( অস্থিসংস্থে) বা .
৯৪.৩৬ ঊর্ধ্বাগ্নিপ্লুষ্টেঽশনিহতে চ কাকে বধো ভবতি .. ..
৯৪.৩৭ কণ্টকিমিশ্রে সৌম্যে সিদ্ধিঃ কার্যস্য ভবতি কলহশ্চ .
৯৪.৩৭ কণ্টকিনি ভবতি কলহো বল্লীপরিবেষ্টিতে বন্ধঃ .. ..
৯৪.৩৮ ছিন্নাগ্রে অংগচ্ছেদঃ কলহঃ শুষ্কদ্রুমস্থিতে ধ্বাংক্ষে .
৯৪.৩৮ পুরতশ্চ পৃষ্ঠতো বা গোমযসংস্থে ধনপ্রাপ্তিঃ .. ..
৯৪.৩৯ মৃতপুরুষাংগাবযবস্থিতোঽভিবিরুবন্ ( ঽভিবাশন্) করোতি মৃত্যুভযম্ .
৯৪.৩৯ ভঞ্জন্ন্ অস্থি চ চংচ্বা যদি বিরুবতি ( বাশতি) অস্থিভংগায .. ..
৯৪.৪০ রজ্জ্বস্থিকাষ্ঠকণ্টকিনিঃসারশিরোরুহাননে রুবতি .
৯৪.৪০ ভুজগগদদংষ্ট্রিতস্করশস্ত্রাগ্নিভযানি অনুক্রমশঃ .. ..
৯৪.৪১ সিতকুসুমাশুচিমাংসাননেঽর্থসিদ্ধিঃ যথেপ্সিতা যাতুঃ .
৯৪.৪১ পক্ষৌ ধুন্বন্ন্ ( ধুন্বন্ পক্ষাব্) ঊর্ধ্বাননে চ বিঘ্নং মুহুঃ ক্বণতি .. ..
৯৪.৪২ যদি শৃংখলাং বরত্রাং বল্লীং বা আদায বাশতে বন্ধঃ .
৯৪.৪২ পাষাণস্থে চ ভযং ক্লিষ্টাপূর্বাধ্বিকযুতিশ্চ .. ..
৯৪.৪৩ অন্যোন্যভক্ষসংক্রামিতাননে তুষ্টিরুত্তমা ভবতি .
৯৪.৪৩ বিজ্ঞেযঃ স্ত্রীলাভো দংপত্যোঃ বিরুবতোঃ ( বাশতোঃ) যুগপত্ .. ..
৯৪.৪৪ প্রমদাশিরৌপগতপূর্ণকুংভসংস্থে অংগনার্থসংপ্রাপ্তিঃ .
৯৪.৪৪ ঘটকুট্টনে সুতবিপদ্ঘটোপহদনেঽন্নসংপ্রাপ্তিঃ .. ..
৯৪.৪৫ স্কন্ধাবারাদীনাং নিবেশস্মযে রুবংশ্চলত্পক্ষঃ .
৯৪.৪৫ সূচযতেঽন্যত্স্থানং ( ঽন্যস্থানং) নিশ্চলপক্ষঃ তু ভযমাত্রম্ .. ..
৯৪.৪৬ প্রবিশদ্ভিঃ সৈন্যাদীন্ সগৃধ্রকংকৈঃ বিনামিষং ধ্বাংক্ষৈঃ .
৯৪.৪৬ অবিরুদ্ধৈঃ তৈঃ প্রীতিঃ দ্বিষতাং যুদ্ধং বিরুদ্ধৈশ্চ .. ..
৯৪.৪৭ বন্ধঃ সূকরসংস্থে পংকাক্তে সূকরে দ্বিকেঽর্থাপ্তিঃ .
৯৪.৪৭ ক্ষেমং খরোষ্ট্রসংস্থে কেচিত্ প্রাহুঃ বধং তু খরে .. ..
৯৪.৪৮ বাহনলাভোঽশ্বগতে বিরুবত্যনুযাযিনি ক্ষতজপাতঃ .
৯৪.৪৮ অন্যেঽপি অনুব্রজন্তো যাতারং কাকবদ্ বিহগাঃ .. ..
৯৪.৪৯ দ্বাত্রিংশত্ প্রবিভক্তে দিগ্চক্রে যদ্ যথা সমুদ্দিষ্টম্ .
৯৪.৪৯ তত্তত্ তথা বিধেযং গুণদোষফলং যিযাসূনাম্ .. ..
৯৪.৫০ কা ইতি কাকস্য রুতং স্বনিলযসংস্থস্য নিষ্ফলং প্রোক্তম্ .
৯৪.৫০ কব ইতি চাত্মপ্রীত্যৈ কৈতি রুতে স্নিগ্ধমিত্রাপ্তিশঃ .. ..
৯৪.৫১ করা ইতি কলহং কুরুকুরু চ হর্ষমথ কটকটৈতি দধিভক্তম্ .
৯৪.৫১ কেকে বিরুতং কুকু বা ধনলাভং যাযিনঃ প্রাহ .. ..
৯৪.৫২ খরেখরে পথিকাগমমাহ কখাখৈতি যাযিনো মৃত্যুম্ .
৯৪.৫২ গমনপ্রতিষেধিকমা কখলা ( আখলখল, আ খলখল) সদ্যোঽভিবর্ষায .. ..
৯৪.৫৩ কাকা ইতি বিঘাতঃ ( বিঘাতং) কাকটীতি চাহারদূষণং প্রাহ .
৯৪.৫৩ প্রীত্যাস্পদং কবকবৈতি বন্ধমেবং কগাকুঃ ইতি .. ..
৯৪.৫৪ করগৌ ( করকৌ) বিরুতে বর্ষং গুডবত্ ত্রাসায বডিতি বস্ত্রাপ্তিঃ .
৯৪.৫৪ কলযৈতি চ সংযোগঃ শূদ্রস্য ব্রাহ্মণৈঃ সাকম্ .. ..
৯৪.৫৫ কডিতি ( ফডিতি) ফলাপ্তিঃ ফলদা ( ফলবা)
৯৪.৫৫ হিদর্শনং টড্ডিতি ( টডিতি) প্রহারাঃ স্যুঃ .
৯৪.৫৫ স্ত্রীলাভঃ স্ত্রীতি রুতে
৯৪.৫৫ গডিতি গবাং পুডিতি পুষ্পাণাম্ .. ..
৯৪.৫৬ যুদ্ধায টাকুটাক্বিতি গুহু বহ্নিভযং কটেকটে কলহঃ .
৯৪.৫৬ টাকুলি চিণ্টিচি কেকেকৈতি পুরং চেতি দোষায .. ..
৯৪.৫৭ কাকদ্বযস্যাপি সমানমেতত্
৯৪.৫৭ ফলং যদুক্তং রুতচেষ্টিতাদ্যৈঃ .
৯৪.৫৭ পতত্রিণোঽন্যেঽপি যথৈব কাকো
৯৪.৫৭ বন্যাঃ শ্ববগৌপরিদংষ্ট্রিণো যে .. ..
৯৪.৫৮ স্থলসলিলচরাণাং ব্যত্যযো মেঘকালে
৯৪.৫৮ প্রচুরসলিলবৃষ্ট্যৈ শেষকালে ভযায .
৯৪.৫৮ মধু ভবননিলীনং তত্করোত্যাশু শূন্যং
৯৪.৫৮ মরণমপি চ নীলা ( নিলীনা) মক্ষিকা মূর্ধ্নি লীনা .. ..
৯৪.৫৯ বিনিক্ষিপন্ত্যঃ সলিলেঽণ্ডকানি
৯৪.৫৯ পিপীলিকা বৃষ্টিনিরোধমাহুঃ .
৯৪.৫৯ তরুং স্থলং ( তরুস্থলং, তরুং স্থলং) বাপি নযন্তি নিম্নাদ্
৯৪.৫৯ যদা তদা তাঃ কথযন্তি বৃষ্টিম্ .. ..
৯৪.৬০ কার্যং তু মূলশকুনেঽন্তরজে তদহ্নি
৯৪.৬০ বিন্দ্যাত্ ফলং নিযতমেবমিমে বিচিন্ত্যাঃ .
৯৪.৬০ প্রারংভযানসমযেষু তথা প্রবেশে
৯৪.৬০ গ্রাহ্যং ক্ষুতং ন শুভদং ক্বচিদপি উশন্তি .. ..
৯৪.৬১ শুভং দশাপাকমবিঘ্নসিদ্ধিং
৯৪.৬১ মূলাভিরক্ষামথবা সহাযান্ .
৯৪.৬১ দুষ্টস্য ( ইষ্টস্য) সংসিদ্ধিমনামযত্বং
৯৪.৬১ বদন্তি তে মানযিতুঃ নৃপস্য .. ..
৯৪.৬২ ক্রোশাদূর্ধ্বং শকুন ( শকুনি) বিরুতং নিষ্ফলং প্রাহুঃ একে
৯৪.৬২ তত্রানিষ্টে প্রথমশকুনে মানযেত্ পংচ ষট্ চ .
৯৪.৬২ প্রাণাযামান্ নৃপতিঃ অশুভে ষোডশৈব দ্বিতীযে
৯৪.৬২ প্রত্যাগচ্ছেত্ স্বভবনমতো যদ্যনিষ্টঃ তৃতীযঃ .. ..

অধ্যায ৯৫. শাকুনৌত্তরাধ্যাযঃ

৯৫.১ দিগ্দেশচেষ্টাস্বরবাসরঋক্ষমুহূর্তহোরাকরণৌদযাংশান্ .
৯৫.১ চরস্থিঃ ( চিরস্থির্, চরস্থিঃ) উন্মিশ্রবলাবলং চ বুদ্ধ্বা ফলানি প্রবদেদ্ রুতজ্ণঃ .. ..
৯৫.২ দ্বিবিধং কথযন্তি সংস্থিতানাম্
৯৫.২ আগামিস্থিরসংজ্ঞিতং চ কার্যম্ .
৯৫.২ নৃপদূতচরান্যদেশজাতান্য্-
৯৫.২ অভিঘাতঃ স্বজনাদি চাগমাখ্যম্ .. ..
৯৫.৩ উদ্বদ্ধসংগ্রহণভোজনচৌরবহ্নি-
৯৫.৩ বর্ষৌত্সবাত্মজবধাঃ কলহো ভযং চ .
৯৫.৩ বর্গঃ স্থিরোঽযমুদযেন্দুযুতে স্থিরঋক্ষে
৯৫.৩ বিদ্যাত্ স্থিরং চরগৃহে চ চরং যদুক্তম্ .. ..
৯৫.৪ স্থিরপ্রদেশৌপলমন্দিরেষু সুরালযে ভূজলসন্নিধৌ চ .
৯৫.৪ স্থিরাণি কার্যাণি চরাণি যানি চলপ্রদেশাদিষু চাগমায .. ..
৯৫.৫ আপ্যৌদযঋক্ষক্ষণদিগ্জলেষু
৯৫.৫ পক্ষাবসানেষু চ যে প্রদীপ্তাঃ .
৯৫.৫ সর্বেঽপি তে বৃষ্টিকরা রুবন্তঃ
৯৫.৫ শান্তোঽপি বৃষ্টিং কুরুতেঽংবুচারী .. ..
৯৫.৬ আগ্নেযদিগ্লগ্নমুহূর্তদেশেষ্ব্
৯৫.৬ অর্কপ্রদীপ্তোঽগ্নিভযায রৌতি .
৯৫.৬ বিষ্ট্যাং যমঋক্ষোদযকণ্টকেষু
৯৫.৬ নিষ্পত্রবল্লীষু চ দোষকৃত্ ( মোষকৃত্) স্যাত্ .. ..
৯৫.৭ গ্রাম্যঃ প্রদীপ্তঃ স্বরচেষ্টিতাভ্যাম্
৯৫.৭ উগ্রো রুবন্ কণ্টকিনি স্থিতশ্চ .
৯৫.৭ ভৌমঋক্ষলগ্নে যদি নৈরৃতীং চ
৯৫.৭ স্থিতোঽভিতশ্চেত্ কলহায দৃষ্টঃ .. ..
৯৫.৮ লগ্নেঽথবা ইন্দোঃ ভৃগুভাংশসংস্থে
৯৫.৮ বিদিক্স্থিতোঽধোবদনশ্চ রৌতি .
৯৫.৮ দীপ্তঃ স চেত্ সংগ্রহণং করোতি
৯৫.৮ যোন্যা তযা যা বিদিশি প্রদিষ্টা .. ..
৯৫.৯ পুংরাশিলগ্নে বিষমে তিথৌ চ
৯৫.৯ দিক্স্থঃ প্রদীপ্তঃ শুকুনো রনাখ্যঃ
৯৬.৯ বাচ্যং তদা সংগ্রহণং নরাণাং
৯৫.৯ মিশ্রে ভবেত্ পণ্ডকসংপ্রযোগঃ .. ..
৯৫.১০ এবং রবেঃ ক্ষেত্রনবাংশলগ্নে
৯৫.১০ লগ্নে স্থিতে বা স্বযমেব সূর্যে .
৯৫.১০ দীপ্তোঽভিধত্তে শকুনো বিরৌতি ( বিবাসং)
৯৫.১০ পুংসঃ প্রধানস্য হি কারণং তত্ .. ..
৯৫.১১ প্রারংভমাণেষু ( প্রারভ্যমাণেষু) চ সর্বকার্যেষ্বর্কান্বিতাদ্ ভাদ্ গণযেদ্ বিলগ্নম্ .
৯৫.১১ সংপ্তদ্ বিপগৈতি যথা ক্রমেণ সংপদ্ বিপচ্চৈতি ( বাপি) তথৈব বাচ্যং ( বাচ্যা) .. ..
৯৫.১২ কাণেনাক্ষ্ণা দক্ষিণেনৈতি সূর্যে
৯৫.১২ চন্দ্রে ল্গনাদ্ দ্বাদশে চৈতরেন .
৯৫.১২ লগ্নস্থেঽর্কে পাপদৃষ্টেঽন্ধ এব
৯৫.১২ কুব্জঃ স্বঋক্ষে শ্রোত্রহীনো জডো বা .. ..
৯৫.১৩ ক্রূরঃ ষষ্ঠে ক্রূরদৃষ্টো বিলগ্নাদ্
৯৫.১৩ যস্মিন্ রাশৌ তদ্গৃহাগ্গে ব্রণোঽস্য ( স্যাত্)
৯৫.১৩ এবং প্রোক্তং যন্মযা জন্মকালে চিহ্নং রূপং তত্ তদস্মিন্ বিচিন্ত্যম্ .. ..

( যবনেশ্বর)
৯৫.১ অতঃ পরং লোকনিরূপিতানি
৯৫.১ দ্রব্যেষু নানাক্ষরসংগ্রহাণি .
৯৫.১ ইষ্টপ্রণীতানি বিভাজিতানি
৯৫.১ নামানি কেন্দ্রক্রমশঃ প্রবক্ষ্যে .. ..
৯৫.২ লগ্নাংবুসংস্থাস্তনভঃস্থিতেষু
৯৫.২ ক্ষেত্রেষু যে লগ্নগতা গৃহাংশাঃ .
৯৫.২ তেভ্যোঽক্ষরাণি আত্মগৃহাশ্রযাণি
৯৫.২ বিন্দ্যাদ্ গ্রহাণাং স্বগণক্রমেণ .. ..
৯৫.৩ কবর্গপূর্বান্ কুজশুক্রচান্দ্রি-
৯৫.৩ জীবার্কজানাং প্রবদন্তি বর্গান্ .
৯৫.৩ যকারপূর্বাঃ শশিনো নিরুক্তা
৯৫.৩ বর্ণাঃ ত্বকারপ্রভবা রবেঃ স্যুঃ .. ..
৯৫.৪ দ্রেষ্কাণবৃদ্ধ্যা প্রবদন্তি নাম
৯৫.৪ ত্রিপংচসপ্তাক্ষরমোজরাশৌ .
৯৫.৪ যুগ্মে তু বিন্দ্যাদ্ দ্বিচতুষ্কষট্কং
৯৫.৪ নামাক্ষরাণি গ্রহদৃষ্টিবৃদ্ধ্যা .. ..
৯৫.৫ বর্গোত্তমে দ্ব্যক্ষরকং চরাংশে
৯৫.৫ স্থিরঋক্ষভাগে চতুরক্ষরং তত্ .
৯৫.৫ ওজেষু চৈভ্যো বিষমাক্ষরাণি
৯৫.৫ স্যুঃ দ্বিস্বভাবেষু তু রাশিবগ .. ..
৯৫.৬ দ্বিমূর্তিসংজ্ঞে তু বদেদ্ দ্বিনাম
৯৫.৬ সৌম্যঈক্ষিতে দ্বিপ্রকৃতৌ চ রাশৌ .
৯৫.৬ যাবান্ গণঃ স্বোদযগোঽংশকানাং
৯৫.৬ তাবান্ গ্রহঃ সংগ্রহকেঽক্ষরাণাম্ .. ..
৯৫.৭ সংযোগমাদৌ বহুলেষু বিন্দ্যাত্
৯৫.৭ কূটেষু সংযোগপরং বদন্তি .
৯৫.৭ স্বৌচ্চাংশকে দ্বিষ্কৃতম্ ঋক্ষযোগাদ্
৯৫.৭ গুর্বক্ষরং তদ্ভবনাংশকে স্যাত্ .. ..
৯৫.৮ মাত্রাদিযুক্ স্যাদ্ গ্রহযুক্ত্রিকোণে
৯৫.৮ দ্রেষ্কাণপর্যাযবদক্ষরেষু .
৯৫.৮ নভোবলেষূর্ধ্বমধোঽংবুজেষু
৯৫.৮ জ্ঞেযো বিসর্গঃ তু বলান্বিতেষু .. ..
৯৫.৯ শীর্ষোদযেষু ঊর্ধ্বমুশন্তি মাত্রাম্
৯৫.৯ অধশ্চ পৃষ্ঠোদযশব্দিতেষু .
৯৫.৯ তীর্যক্ চ বিন্দ্যাদুভযোদযে তাং
৯৫.৯ দীর্ঘেষু দীর্ঘামিতরেষু চান্যাম্ .. ..
৯৫.১০ প্রাগ্লগ্নতোযাস্তনভঃস্থিতেষু
৯৫.১০ ভেষ্বংশকেভ্যোঽক্ষরসংগ্রহঃ স্যাত্ .
৯৫.১০ ক্রূরোঽক্ষরং হন্তি চতুষ্টযস্থো
৯৫.১০ দৃষ্ট্যাপি মাত্রাং চ ত্রিকোণগো বা .. ..
৯৫.১১ শুভগ্রহঃ তু ঊর্জিতবীর্যভাগী
৯৫.১১ স্থানাংশতুল্যাক্ষরদঃ স চোক্তঃ .
৯৫.১১ পশ্যন্ স্থিতঃ কেন্দ্রত্রিকোণযোঃ বা
৯৫.১১ স্বৌচ্চেঽপি বর্ণদ্বযমাত্মভাগে .. ..
৯৫.১২ ক্ষেত্রেশ্বরে ক্ষীণবলেঽংশকে চ
৯৫.১২ মাত্রাক্ষরং নাশমুপৈতি তজ্জম্ .
৯৫.১২ অসংভবেঽপি উদ্ভবমেতি তস্মিন্
৯৫.১২ বর্গাদ্যমুচ্চাংশযুজীশদৃষ্টে .. ..
৯৫.১৩ কেন্দ্রে যথাস্থানবলপ্রকর্ষং
৯৫.১৩ ক্ষেত্রস্য তত্ক্ষেত্রপতেশ্চ বুদ্ধ্বা .
৯৫.১৩ কার্যোঽক্ষরাণামনুপূর্বযোগো
৯৫.১৩ মাত্রাদিসংযোগবিকল্পনা চ .. ..
৯৫.১৪ তত্রাদিরাশ্যাদিচতুর্বিলগ্নম্
৯৫.১৪ আদ্যংশকাদিক্রমপর্যাযেণ .
৯৫.১৪ গ্রহাংশকেভ্যঃ স্বগণাক্ষরাণাম্
৯৫.১৪ অন্বর্থনে প্রাপ্তিঃ ইযং বিধার্যা .. ..
৯৫.১৫ মেষ ককারো হিবুকে যকারঃ
৯৫.১৫ তুলে চকারো মকরে পকারঃ .
৯৫.১৫ মেষে ছকারো হিবুকেঽপি অকারঃ
৯৫.১৫ তুলে খকারো মকরে ফকারঃ .. ..
৯৫.১৬ মেষে টকারো হিবুকে ঠকারঃ
৯৫.১৬ তুলে তকারো মকরে থকারঃ .
৯৫.১৬ মেষে তু রেফা হিবুকে জকারঃ
৯৫.১৬ তুলে বকারো মকরে গকারঃ .. ..
৯৫.১৭ আকারমাদ্যেঽংবুগতে ঘকারম্
৯৫.১৭ অস্তে ভকারং মকরে ঝকারম্ .
৯৫.১৭ লগ্নে ডকারং হিবুকে দকারম্
৯৫.১৭ অস্তে ধকারং মকরে ঢকারম্ .. ..
৯৫.১৮ লগ্নে ঞকারো হিবুকে মকারঃ
৯৫.১৮ তুলে গকারো মকরে লকারঃ .
৯৫.১৮ লগ্নে ককারো হিবুকে পকারঃ
৯৫.১৮ তুলে চকারো মকরে ইকারঃ .. ..
৯৫.১৯ লগ্নে নকারো হিবুকে তকারঃ
৯৫.১৯ তুলে ণকারো মকরে টকারঃ .
৯৫.১৯ ইত্যেতদুক্তং চরসংজ্ঞকস্য বক্ষ্যে
৯৫.১৯ স্থিরাখ্যস্য চতুষ্টযস্য .. ..
৯৫.২০ বৃষে ফকারো হিবুকে খকারঃ
৯৫.২০ কীটে বকারো নৃঘটে ছকারঃ .
৯৫.২০ আদ্যাংশকেভ্যো মতিমান্ বিদধ্যাদ্
৯৫.২০ অনুক্রমেণ স্থিরসংজ্ঞকেষু .. ..
৯৫.২১ লগ্নে বকারো হিবুকে জকার
৯৫.২১ ঈকারমস্তেঽংবরগে গকারঃ .
৯৫.২১ বৃষে থকারো হিবুকে টকারঃ
৯৫.২১ কীটে ডকারো নৃঘটে দকারঃ .. ..
৯৫.২২ বৃষে ঘকারো হিবুকে শকারঃ
৯৫.২২ কীটে ঝকারো নৃঘটে ভকারঃ .
৯৫.২২ লগ্নে জকারো হিবুকে উকারঃ
৯৫.২২ কীটে গকারো নৃঘটে মকারঃ .. ..
৯৫.২৩ লগ্নে ঢকারোঽথ জলে ণকারশ্
৯৫.২৩ চাস্তে ধকারোঽংবরগে নকারঃ .
৯৫.২৩ বৃষে ষকারো হিবুকে চকারঃ
৯৫.২৩ কীটে পকারো নৃঘটে ককারঃ .. ..
৯৫.২৪ ঊকারমাহুঃ বৃষভে জলে খম্
৯৫.২৪ অস্তে ফকারো নৃঘটে ছকারঃ .
৯৫.২৪ অন্ত্যে বৃষে টম্ তমুশন্তি সিংহে
৯৫.২৪ থং সপ্তগে ঠং প্রবদন্তি কুংভে .. ..
৯৫.২৫ দ্বিমূর্তিসংজ্ঞে মিথুনে জকারাঃ
৯৫.২৫ ষষ্ঠে বকারঃ প্রথমাংশকে স্যাত্ .
৯৫.২৫ ধনুর্ধরেঽস্তোপগতে গকারো
৯৫.২৫ মীনদ্বযে চাংবরগে সকারঃ .. ..
৯৫.২৬ লগ্নে ঘকারো হিবুকে ভকারশ্
৯৫.২৬ চাস্তে ঝকারোঽংবরমধ্যগে ঈ .
৯৫.২৬ লগ্নে দকারো হিবুকে ধকারম্
৯৫.২৬ অস্তে ডকারং বিদুঃ অংবরে ঢম্ .. ..
৯৫.২৭ লগ্নে মকারো হিবুকে গকারশ্
৯৫.২৭ অস্তে হকারোঽংবরগে ঞকারঃ .
৯৫.২৭ লগ্নে পকারো জলগে চকার
৯৫.২৭ ঐকারমস্তেঽংবরগে ককারঃ .. ..
৯৫.২৮ প্রাগ্লগ্নে নং জলগে ণমাহুঃ
৯৫.২৮ অস্তং গতে টং নভসি স্থিতে তম্ .
৯৫.২৮ প্রাগ্লগ্নগে খং জলগে যমাহুঃ
৯৫.২৮ অস্তং গতে ছং নভসি স্থিতে ফম্ .. ..
৯৫.২৯ লগ্নে জমোকারমথাংবুসংস্থে
৯৫.২৯ গমস্তসংস্থে বিদুঃ অংবরে বম্ .
৯৫.২৯ ঠং লগ্নগেঽন্ত্যে হিবুকাশ্রিতে ডং
৯৫.২৯ থমস্তগে দং নভসি স্থিতে বৈ .. ..
৯৫.৩০ এবং বিকল্পোঽক্ষরসংগ্রহোঽযং
৯৫.৩০ নাম্নাং নিরুদ্দিষ্টবিধান উক্তঃ .
৯৫.৩০ সর্বেষু লগ্নেষু চ কেচিদেবম্
৯৫.৩০ ইচ্ছন্তি পূর্বোক্তবিধানবত্ তু .. ..
৯৫.৩১ কেন্দ্রাণি বা কেন্দ্রগতাংশকৈঃ স্বৈঃ
৯৫.৩১ পৃথক্ পৃথক্ সংগুণিতানি কৃত্বা .
৯৫.৩১ ত্রিকৃদ্বিভক্তং বিরুদক্ষরং তত্
৯৫.৩১ ক্ষেত্রেশ্বরস্যাংশপরিক্রমস্বম্ .. ..
৯৫.৩২ সংচিন্তিতপ্রার্থিতনির্গতেষু
৯৫.৩২ নষ্টক্ষতস্ত্রীঃ অতিভোজনেষু
৯৫.৩২ স্বপ্নর্ক্ষচিন্তাপুরুষাদিবর্গেষ্ব্
৯৫.৩২ এতেষু নামানি উপলক্ষযেত
৯৫.১৪ দ্ব্যক্ষরং চরগৃহাংশকোদযে
৯৫.১৪ নাম চাস্য চতুরক্ষরং স্থিরে .
৯৫.১৪ নামযুগ্মমপি চ দ্বিমূর্তিষু
৯৫.১৪ ত্র্যক্ষরং ভবতি চাস্য পংচভিঃ .. ..
৯৫.১৫ কাদ্যাঃ তু বর্গাঃ কুজশুক্রসৌম্য-
৯৫.১৫ জীবার্কজানাং ক্রমশঃ প্রদিষ্টাঃ .
৯৫.১৫ বর্ণাষ্টকং যাদি চ শীতরশ্মে
৯৫.১৫ রবেঃ অকারাত্ ক্রমশঃ স্বরাঃ স্যুঃ .. ..
৯৫.১৬ নামানি চাগ্ন্যংবুকুমারবিষ্ণু-
৯৫.১৬ শক্রেন্দ্রপত্নীচতুরাননানাম্ .
৯৫.১৬ তুল্যানি সূর্যাত্ ক্রমশো বিচিন্ত্য
৯৫.১৬ দ্বিত্র্যাদিবর্ণৈঃ ঘটযেত্ স্ববুদ্ধ্যা .. ..
৯৫.১৭ বযাংসি তেষাম্ স্তনপানবাল্য-
৯৫.১৭ ব্রতস্থিতা যৌবনমধ্যবৃদ্ধাঃ .
৯৫.১৭ অতীববৃদ্ধা ইতি চন্দ্রভৌম-
৯৫.১৭ জ্ঞশুক্রজীবার্কশনৈশ্চরাণাম্ .. ..

অধ্যায ৯৬ পাকাধ্যাযঃ

৯৬.১ পক্ষাদ্ ভানোঃ সোমস্য মাসিকো অংগারকস্য বক্ত্রোক্তঃ .
৯৬.১ আদর্শনাগ পাকো বুধস্য জীবস্য বর্ষেণ .. ..
৯৬.২ ষড্ভিঃ সিতস্য মাসৈঃ অব্দেন শনেঃ সুরদ্বিষোঽব্দার্ধাত্ .
৯৬.২ বর্ষাত্ সূর্যগ্রহণে সদ্যঃ স্যাত্ ত্বাষ্ট্রকীলকযোঃ .. ..
৯৬.৩ ত্রিভিঃ এব ধূমকেতোঃ মাসৈঃ শ্বেতস্য সপ্তরাত্রান্তে .
৯৬.৩ সপ্তাহাত্ পরিবেষেন্দ্রচাপসন্ধ্যাভ্রসূচীনাম্ .. ..
৯৬.৪ শীতোষ্ণবিপর্যাসঃ ফলপুষ্পমকালজং দিশাং দাহঃ .
৯৬.৪ স্থিরচরযোঃ অন্যত্বং প্রসূতিবিকৃতিশ্চ ষণ্মাসাত্ .. ..
৯৬.৫ অক্রিযমাণককরণং ভূকংপোঽনুত্সবো দুরিষ্টং চ .
৯৬.৫ শোষশ্চাশোষ্যাণাং স্রোতোঽন্যত্বং চ বর্ষার্ধাত্ .. ..
৯৬.৬ স্তংভকুসূলার্চানাং জল্পিতরুদিতপ্রকংপিতস্বেদাঃ .
৯৬.৬ মাসত্রযেণ কলহেন্দ্রচাপনির্ঘাতপাকাশ্চ .. ..
৯৬.৭ কীটাখুমক্ষিকোরগবাহুল্যং মৃগবিহংগবিরুতং চ .
৯৬.৭ লোষ্টস্য চাপ্সু তরণং ত্রিভিঃ এব বিপচ্যতে মাসৈঃ .. ..
৯৬.৮ প্রসবঃ শুনামরণ্যে বন্যানাং গ্রামসংপ্রবেশশ্চ .
৯৬.৮ মধুনিলযতোরণেন্দ্রধ্বজাশ্চ বর্ষাত্ সমধিকাদ্ বা .. ..
৯৬.৯ গোমাযুগৃধ্রসংঘা দশাহিকাঃ সদ্য এব তূর্যরবঃ .
৯৬.৯ আক্রুষ্টং পক্ষফলং বল্মীকো বিদরণং চ ভুবঃ .. ..
৯৬.১০ অহুতাশপ্রজ্বলনং ঘৃততৈলবসাদিবর্ষণং চাপি .
৯৬.১০ সদ্যঃ পরিপচ্যন্তে মাসেঽধ্যর্ধে চ জনবাদঃ .. ..
৯৬.১১ ছত্রচিতিযূপহুতবহবীজানাং সপ্তভিঃ ভবতি পক্ষৈঃ .
৯৬.১১ ছত্রস্য তোরণস্য চ কেচিন্ মাসাত্ ফলং প্রাহুঃ .. ..
৯৬.১২ অত্যন্তবিরুদ্ধানাং স্নেহঃ শব্দশ্চ বিযতি ভূতানাম্ .
৯৬.১২ মার্জারনকুলযোঃ মূষকেণ সংগশ্চ মাসেন .. ..
৯৬.১৩ গন্ধর্বপুরং মাসদ্ রসবৈকৃত্যং হিরণ্যবিকৃতিশ্চ .
৯৬.১৩ ধ্বজবেশ্মপাংশুধূমাকুলা দিশশ্চাপি মাসফলাঃ .. ..
৯৬.১৪ নবকৈকাষ্টদশকৈকষট্ত্রিকত্রিকসংখ্যমাসপাকানি .
৯৬.১৪ নক্ষত্রাণি অশ্বিনিপূর্বকাণি সদ্যঃ ফলাশ্লেষা .. ..
৯৬.১৫ পিত্র্যান্ মাসঃ ষট্ সট্ত্রযোঽর্ধমষ্টৌ চ ত্রিষডেকৈকাঃ .
৯৬.১৫ মাসচতুষ্কেঽষাঢে সদ্যঃ পাকাভিজিত্তারা .. ..
৯৬.১৬ সপ্তাষ্টাবধ্যর্ধং ত্রযঃ ত্রযঃ পংচ চৈব মাসাঃ স্যুঃ .
৯৬.১৬ শ্রবণাদীনাং পাকো নক্ষত্রাণাং যথাসংখ্যম্ .. ..
৯৬.১৭ নিগদিতসমযে ন দৃশ্যতে চেদ্
৯৬.১৭ অধিকতরং দ্বিগুণে প্রপচ্যতে তত্ .
৯৬.১৭ যদি ন কনকরত্নগোপ্রদানৈঃ
৯৬.১৭ উপশমিতং বিধিবদ্ দ্বিজৈশ্চ শান্ত্যা .. ..

অধ্যায ৯৭ নক্ষত্রকর্মগুণাধ্যাযঃ

৯৭.১ শিখিগুণরসেন্দ্রিযানলশশিবিষযগুণঋতুপংচবসুপক্ষাঃ .
৯৭.১ বিষযৈকচন্দ্রভূতার্ণবাগ্নিরুদ্রাশ্বিবসুদহনাঃ .. ..
৯৭.২ ভূতশতপক্ষবসবো দ্বাত্রিংশগেতি তারকামানম্ .
৯৭.২ ক্রমশোঽশ্বিন্যাদীনাং কালঃ তারাপ্রমাণেন .. ..
৯৭.৩ নক্ষত্রজমুদ্বাহে ফলমব্দৈঃ তারকামিতৈঃ সদসত্ .
৯৭.৩ দিবসৈঃ জ্বরস্য নাশো ব্যাধেঃ অন্যস্য বা বাচ্যঃ .. ..

( নক্ষত্রদেবতা)
৯৭.৪ অশ্বিযমদহনকমলজশশিশূলভৃদদিতিজীবফণিপিতরঃ .
৯৭.৪ যোন্যর্যমদিনকৃত্ত্বষ্টৃপবনশক্রাগ্নিমিত্রাশ্চ .. ..
৯৭.৫ শক্রো নিরৃতিঃ তোযং বিশ্বে ব্রহ্মা হরিঃ বসুঃ বরুণঃ .
৯৭.৫ অজপাদোঽহির্বুধ্ন্যঃ পূষা চেতীশ্বরা ভানাম্ .. ..
৯৭.৬ ত্রীণি উত্তরাণি তেভ্যো রোহিণ্যশ্চ ধ্রুবাণি তৈঃ কুর্যাত্ .
৯৭.৬ অভিষেকশান্তিতরুনগরধর্মবীজধ্রুবারংভান্ .. ..
৯৭.৭ মূলশিবশক্রভুজগাধিপানি তীক্ষ্ণানি তেষু সিদ্ধ্যন্তি .
৯৭.৭ অভিঘাতমন্ত্রবেতালবন্ধবধভেদসংবন্ধাঃ .. ..
৯৭.৮ উগ্রাণি পূর্বভরণীপিত্র্যাণি উত্সাদনাশশাঠ্যেষু .
৯৭.৮ যোজ্যানি বন্ধবিষদহনশস্ত্রঘাতাদিষু চ সিদ্ধ্যৈ .. ..
৯৭.৯ লঘু হস্তাশ্বিনপুষ্যাঃ পণ্যরতিজ্ঞানভূষণকলাসু .
৯৭.৯ শিল্পৌষধযানাদিষু সিদ্ধিকরাণি প্রদিষ্টানি .. ..
৯৭.১০ মৃদুবর্গো ( মৃদুবর্গঃ ত্ব্) ঽনূরাধাচিত্রাপৌষ্ণেন্দবানি মিত্রার্থে .
৯৭.১০ সুরতবিধিবস্ত্রভূষণমংগলগীতেষু চ হিতানি .. ..
৯৭.১১ হৌতভুজং সবিশাখং মৃদুতীক্ষ্ণম্ তদ্বিমিশ্রফলকারি .
৯৭.১১ শ্রবণত্রযমাদিত্যানিলে চ চরকর্মণি হিতানি .. ..
৯৭.১২ হস্তত্রযং মৃগশিরঃ শ্রবণত্রযং ( শ্রবনাত্ত্রযং) চ
৯৭.১২ পূষাশ্বিশক্রগুরুভানি পুনর্বসুশ্চ .
৯৭.১২ ক্ষৌরে তু কর্মণি হিতানি উদযে ক্ষণে বা
৯৭.১২ যুক্তানি চৌডুপতিনা শুভতারযা চ .. ..
৯৭.১৩ ন স্নাতমাত্রগমনৌন্মুখ ( উত্সুক) ভূষিতানাম্
৯৭.১৩ অভ্যক্তভুক্তরণকালনিরাসনানাম্ .
৯৭.১৩ সন্ধ্য্নিশাশনিকুজার্কতিথৌ ( নিশোঃ কুজযমার্কদিনে) চ রিক্তে
৯৭.১৩ ক্ষৌরং হিতং ন নবমেঽহ্নি ন চাপি বিষ্ট্যাম্ .. ..
৯৭.১৪ নৃপাজ্ঞযা ব্রাহ্মণসম্মতে চ বিবাহকালে মৃতসূতকে চ .
৯৭.১৪ বদ্ধস্য মোক্ষে ক্রতুদীক্ষণাসু সর্বেষু শস্তং ক্ষুরকর্ম ভেষু .. ..
৯৮.১৫ হস্তো মূলং শ্রবণা পুনর্বসুঃ মৃগশিরঃ তথা পুষ্যঃ .
৯৮.১৫ পুংসঞ্জ্ঞিতেষু কার্যেষ্বেতানি শুভানি ধিষ্ণ্যানি .. ..
৯৭.১৫ সাবিত্রপৌষ্ণানিলমৈত্রতিষ্যত্বাষ্ট্রে তথা চৌডুগণাধিপঋক্ষে .
৯৭.১৫ সংস্কারদীক্ষাব্রতমেখলাদি কুর্যাদ্ গুরৌ শুক্রবুধেন্দুযুক্তে .. ..
৯৮.১৭ লাভে তৃতীযে চ শুভৈঃ সমেতে পাপৈঃ বিহীনে শুভরাশিলগ্নে .
৯৮.১৭ বেধ্যৌ তু কর্ণৌ ত্রিদশেজ্যলগ্নে তিষ্যেন্দুচিত্রাহরিরেবতীষু .. ..
৯৭.১৬ শুদ্ধৈঃ দ্বাদশকেন্দ্রনৈধনগৃহৈঃ পাপৈঃ ত্রিষষ্ঠাযগৈঃ .
৯৭.১৬ লগ্নে কেন্দ্রগতেঽথবা সুরগুরৌ দৈত্যেন্দ্রপূজ্যেঽপি বা .. ..
৯৭.১৬ সর্বারংভফলপ্রসিদ্ধিরুদযে রাশৌ চ কর্তুঃ শুভে
৯৭.১৬ সগ্রাম্যস্থিরভোদযে চ ভবনং কার্যং প্রবেশোঽপি বা .. ..

অধ্যায ৯৮ তিথিকর্মগুণাধ্যাযঃ

৯৮.১ কমলজবিধাতৃহরিযমশশাংকষড্বক্ত্রশক্রবসুভুজগাঃ .
৯৮.১ ধর্মেশসবিতৃমন্মথকলযো বিশ্বে চ তিথিপতযঃ .. ..
৯৮.২ পিতরোঽমাবস্যাযাং সংজ্ঞাসদৃশাশ্চ তৈঃ ক্রিযাঃ কার্যাঃ .
৯৮.২ নন্দা ভদ্রা বিজযা রিক্তা পূর্ণা চ তাঃ ত্রিবিধাঃ .. ..
৯৮.৩ যত্ কার্যং নক্ষত্রে তদ্দৈবত্যাসু তিথিষু তত্ কার্যম্ .
৯৮.৩ করণমুহূর্তেষ্বপি তত্ সিদ্ধিকরং দেবতাসদৃশম্ .. ..

অধ্যায ৯৯ করণগুণাধ্যাযঃ

৯৯.১ বববালবকৌলব ( বববালবকৌলব) তৈতিলাখ্যগরবণিজবিষ্টিসংজ্ঞানাম্ .
৯৯.১ পতযঃ স্যুঃ ইন্দ্রকমলজমিত্রার্যমভূশ্রিযঃ সযমাঃ .. ..
৯৯.২ কৃষ্ণচতুর্দশ্যর্ধাদ্ ধুবাণি শকুনিশ্চতুষ্পদং নাগম্ .
৯৯.২ কিংস্তুঘ্নমিতি চ তেষাং কলিবৃষফণিমারুতাঃ পতযঃ .. ..
৯৯.৩ কুর্যাদ্ ববে ( ববে) শুভচরস্থিরপৌষ্টিকানি
৯৯.৩ ধর্মক্রিযাদ্বিজহিতানি চ বালব ( বালব) আখ্যে .
৯৯.৩ সংপ্রীতিমিত্রবরণানি চ কৌলবে ( কৌলবে) স্যুঃ
৯৯.৩ সৌভাগ্যসংশ্রযগৃহাণি চ তৈতিলাখ্যে .. ..
৯৯.৪ কৃষিবীজগৃহাশ্রযজানি গরে
৯৯.৪ বণিজি ধুবকার্যবণিগ্যুতযঃ .
৯৯.৪ ন হি বিষ্টিকৃতং বিদধাতি শুভং
৯৯.৪ পরঘাতবিষাদিষু সিদ্ধিকরম্ .. ..
৯৯.৫ কার্যং পৌষ্টিকমৌষধাদি শকুনৌ মূলানি মন্ত্রাঃ তথা .
৯৯.৫ গোকার্যাণি চতুষ্পদে দ্বিজপিতৃন্ উদ্দিশ্য রাজ্যানি চ
৯৯.৫ নাগে স্থাবরদারুণানি হরণং দৌর্ভাগ্যকর্মাণ্যতঃ
৯৯.৫ কিংস্তুঘ্নে শুভমিষ্টি ( ইষ্ট) পুষ্টিকরণং মংগল্যসিদ্ধিক্রিযাঃ .. ..
৯৯.৬ লাভে তৃইতীযে চ শুভৈঃ সমেতে পাপৈঃ বিহীনে শুভরাশিলগ্নে .
৯৯.৬ বেধ্যৌ চ কর্ণাবমরেজ্যলগ্নে পুষ্যেন্দুচিত্রাহরিপৌষ্ণভেষু .. ..
৯৯.৭ রোহিণ্যুত্তররেবতীমৃগশিরোমূলানুরাধামঘা-
৯৯.৭ হস্তস্বাতিষু ষষ্ঠতৌলিমিথুনেষূদ্যত্সু পাণিগ্রহঃ .
৯৯.৭ সপ্তাষ্টান্ত্যবহিঃশুভৈরুডুপতাবেকাদশদ্বিত্রিগে
৯৯.৭ ক্রূরৈঃ ত্র্যাযষডষ্টগৈঃ ন তু ভৃগৌ ষষ্ঠে কুজে চাষ্টমে .. ..
৯৯.৮ দংপত্যোঃ দ্বিনবাষ্টরাশিরহিতে চারানুকুলে রবৌ
৯৯.৮ চন্দ্রে চার্ককুজার্কিশুক্রবিযুতে মধ্যেঽথবা পাপযোঃ .
৯৯.৮ ত্যক্ত্বা চ ব্যতিপাতবৈধৃতি ( বৈধৃত) দিনং বিষ্টিং চ রিক্তাং তিথিং
৯৯.৮ ক্রূরাহাযনপৌষচৈত্র ( চৈত্রপৌষ) বিরহে লগ্নাংশকে মানুষে .. ..

অধ্যায ১০০ নক্ষত্রজাতকাধ্যাযঃ

১০০.১ প্রিযভূষণঃ স্বরূপঃ ( সুরূপঃ) সুভগো দক্ষোঽশ্বিনীষু মতিমাংশ্চ .
১০০.১ কৃতনিশ্চযসত্যারুগ্দক্ষঃ সুখিতশ্চ ভরণীষু .. ..
১০০.২ বহুভুক্ পরদাররতঃ তেজস্বী কৃত্তিকাসু বিখ্যাতঃ .
১০০.২ রোহিণ্যাং সত্যশুচিঃ প্রিযংবদঃ স্থিরঃ স্বরূপশ্চ ( স্থিরসুরূপশ্চ) .. ..
১০০.৩ চপলশ্চতুরো ভীরুঃ পটুরুত্সাহী ধনী মৃগে ভোগী .
১০০.৩ শঠগর্বিতচণ্ডকৃতঘনহিংস্রপাপশ্চ রৌদ্রর্ক্ষে .. ..
১০০.৪ দান্তঃ সুখী সুশীলো দুর্মেধা রোগভাক্ পিপাসুশ্চ .
১০০.৪ অল্পেন চ সন্তুষ্টঃ পুনর্বসৌ জাযতে মনুজঃ .. ..
১০০.৫ শান্তাত্মা সুভগঃ পণ্ডিতো ধনী ধর্মসংশ্রিতঃ পুষ্যে .
১০০.৫ শঠসর্বভক্ষক্ষ্য ( ভক্ষ) ( ভক্ষ্য) পাপঃ কৃতঘ্নধূর্তশ্চ ভৌজংগে .. ..
১০০.৬ বহুভৃত্যধনী ভোগী সুরপিতৃভক্তো মহোদ্যমঃ পিত্র্যে .
১০০.৬ প্রিযবাগ্ দাতা দ্যুতিমান্ অটনো নৃপসেবকো ভাগ্যে .. ..
১০০.৭ সুভগো বিদ্যাপ্তধনো ভোগী সুখভাগ্ দ্বিতীযফল্গুন্যাম্ .
১০০.৭ উত্সাহী ধৃষ্টঃ পানপোঽঘৃণী তস্করো হস্তে .. ..
১০০.৮ চিত্রাংবরমাল্যধরঃ সুলোচনাংগশ্চ চিত্রাযাং ( ভবতি চিত্রাযাং) .
১০০.৮ দন্তো বণিক্ তৃষালুঃ ( কৃপালুঃ) প্রিযবাগ্ ধর্মাশ্রিতঃ স্বাতৌ .. ..
১০০.৯ ঈর্ষুঃ ( ইর্ষ্যুঃ) লুব্ধো দ্যুতিমান্ বচনপটুঃ কলহকৃদ্ বিশাখাসু .. ..
১০০.৯ আঢ্যো বিদেশবাসী ক্ষুধালুঃ অটনোঽনুরাধাসু .. ..
১০০.১০ জ্যেষ্ঠাসু ন বহুমিত্রঃ সন্তুষ্টো ধর্মকৃত্ প্রচুরকোপঃ .
১০০.১০ মূলে মানী ধনবান্ সুখী ন হিংস্রঃ স্থিরো ভোগী .. ..
১০০.১১ ইষ্টানন্দকলত্রো বীরো দৃঢসৌহৃদশ্চ জলদেবে .
১০০.১১ বৈশ্বে বিনীতধার্মিকবহুমিত্রকৃতজ্ঞসুভগশ্চ .. ..
১০০.১২ শ্রীমান্ শ্রবণে শ্রুতবান্ উদারদারো ধনান্বিতঃ খ্যাতঃ .
১০০.১২ দাতাআঢ্যশূরগীতিপ্রিযো ধনিষ্ঠাসু ধনলুব্ধঃ .. ..
১০০.১৩ স্ফুটবাগ্ ব্যসনী রিপুহা সাহসিকঃ শতভিষক্সু দুর্গ্রাহ্যঃ .
১০০.১৩ ভদ্রপদাসূদ্বিগ্নঃ স্ত্রীজিতধনপটুঃ অদাতা চ .. ..
১০০.১৪ বক্তা সুখী প্রজাবান্ জিতশত্রুঃ ধার্মিকো দ্বিতীযাসু .. ..
১০০.১৪ সংপূর্ণাংগঃ সুভগঃ শূরঃ শুচিঃ অর্থবান্ পৌষ্ণে .. ..