বৃহত্সংহিতা – অধ্যায় ১০১-১০৬ (শেষ)

অধ্যায ১০১ রাশিবিভাগাধ্যাযঃ

১০১.১ অশ্বিন্যোঽথ ভরণ্যো বহুলাপাদশ্চ কীর্ত্যতে মেষঃ .
১০১.১ বৃষভো বহুলাশেষং রোহিণ্যোঽর্ধম্ চ মৃগশিরসঃ .. ..
১০১.২ মৃগশিরো ঽর্ধং রৌদ্রং পুনর্বসোঃ ( পুনর্বসোঃ চ) অংশকত্রযং মিথুনঃ ( মিথুনং) .
১০১.২ পাদশ্চ পুনর্বসুতঃ তিষ্যঃ শ্লেষা ( পুনর্বসোঃ সতিষ্যোঽশ্লেষা) চ কর্কটকঃ .. ..
১০১.৩ সিংহোঽথ মঘা পূর্বা চ ফল্গুনী পাদ উত্তরাযাশ্চ .
১০১.৩ তত্পরিশেষং হস্তশ্চিত্রাদ্যর্ধং চ কন্যাখ্যঃ .. ..
১০১.৪ তৌলিনি চিত্রান্ত্যার্ধং স্বাতিঃ পাদত্রযং বিশাখাযাঃ .
১০১.৪ অলিনি বিশাখাপাদঃ তথানুরাধান্বিতা জ্যেষ্ঠা .. ..
১০১.৫ মূলমষাঢা পূর্বা প্রথমশ্চাপ্যুত্তরাংশকো ধন্বী .
১০১.৫ মকরঃ তত্পরিষেশং শ্রবণঃ পূর্বং ধনিষ্ঠার্ধম্ .. ..
১০১.৬ কুংভোঽন্ত্যধনিষ্ঠার্ধং শতভিষগংশত্রযং চ পূর্বাযাঃ .
১০১.৬ ভদ্রপদাযাঃ শেষং তথোত্তরা রেবতী চ ঝষঃ .. ..
১০১.৭ অশ্বিনীপিত্র্যমূলাদ্যা মেষসিংহহযাদযঃ .
১০১.৭ বিষমঋক্ষান্ নিবর্তন্তে পাদবৃদ্ধ্যা যথোত্তরম্ .. ..

অধ্যায ১০২ বিবাহপটলাধ্যাযঃ

১০২.১ মূর্তৌ করোতি দিনকৃদ্ বিধবাং কুজশ্চ
১০২.১ রাহুঃ বিপন্নতনযাং রবিজো দরিদ্রাম্ .
১০২.১ শুক্রঃ শশাংকতনযশ্চ গুরুশ্চ সাধ্বীম্
১০২.১ আযুঃক্ষযং প্রকুরুতেঽথ বিভাবরীশঃ .. ..
১০২.২ কুর্বন্তি ভাস্করশনৈশ্চররাহুভৌমা
১০২.২ দারিদ্র্যদুঃখমতুলং নিযতং দ্বিতীযে .
১০২.২ বিত্তেশ্বরীমবিধবাং গুরুশুক্রসৌম্যা
১০২.২ নারীং প্রভূততনযাং কুরুতে শশাংকঃ .. ..
১০২.৩ সূর্যেন্দুভৌমগুরুশুক্রবুধাঃ তৃতীযে
১০২.৩ কুর্যুঃ সদা বহুসুতাং ধনভাগিনীং চ .
১০২.৩ ব্যক্তাং ( ব্যক্তং) দিবাকরসুতঃ সুভগাং করোতি
১০২.৩ মৃত্যুং দদাতি নিযমাত্ খলু সৈংহিকেযঃ .. ..
১০২.৪ স্বল্পং পযঃ স্রবতি সূর্যসুতে চতুর্থে
১০২.৪ দৌর্ভাগ্যমুষ্ণকিরণঃ কুরুতে শশী চ .
১০২.৪ রাহুঃ সপত্ননং ( সপত্ন্যং) অপি চ ক্ষিতিজোঽল্পবিত্তং ( অল্পবিত্তাং)
১০২.৪ দদ্যাদ্ ভৃগুঃ সুরগুরুশ্চ বুধশ্চ সৌখ্যম্ .. ..
১০২.৫ নষ্টাত্মজাং রবিকুজৌ খলু পংচমস্থে ( পংচমস্থৌ)
১০২.৫ চন্দ্রাত্মজো বহুসুতা গুরুভার্গবৌ চ .
১০২.৫ রাহুঃ দদাতি মরণং শনিরুগ্ররোগং
১০২.৫ কন্যাবিনাশং ( প্রসূতিং) অচিরাত্ কুরুতে শশাংকঃ .. ..
১০২.৬ ষষ্ঠাশ্রিতাঃ শনিদিবাকররাহুজীবাঃ
১০২.৬ কুর্যুঃ কুজশ্চ সুভগাং শ্বশুরেষু ভক্তাম্ .
১০২.৬ চন্দ্রঃ করোতি বিধবামুশনা দরিদ্রাম্
১০২.৬ ঋদ্ধাং শশাংকতনযঃ কলহপ্রিযাং চ .. ..
১০২.৭ সৌরারজীববুধরাহুরবীন্দুশুক্রাঃ
১০২.৭ কুর্যুঃ প্রসহ্য খলু সপ্তমরাশিসংস্থাঃ .
১০২.৭ বৈধব্যবন্ধনবধক্ষযমর্থনাশ-
১০২.৭ ব্যাধিপ্রবাসমরণানি যথাক্রমেণ .. ..
১০২.৮ স্থানেঽষ্টমে গুরুবুধৌ নিযতং বিযোগং
১০২.৮ মৃত্যুং শশী ভৃগুসুতশ্চ তথৈব রাহুঃ .
১০২.৮ সূর্যঃ করোত্যবিধবাং সরুজাং ( সরুজং) মহীজঃ
১০২.৮ সূর্যাত্মজো ধনবতীং পিতবল্লভাং চ .. ..
১০২.৯ ধর্মে স্থিতা ভৃগুদিবাকরভূমিপুত্রা
১০২.৯ জীবশ্চ ধর্মনিরতাং শশিজঃ ত্বরোগাম্ .
১০২.৯ রাহুশ্চ সূর্যতনযশ্চ করোতি বন্ধ্যাং ( বন্ধ্যাং)
১০২.৯ কন্যাপ্রসূতিমটনাং ( অটনং) কুরুতে শশাংকঃ .. ..
১০২.১০ রাহুঃ নভঃস্থলগতো ( নভস্থলগতো) বিধবাং করোতি
১০২.১০ পাপে রতাং দিনকরশ্চ শনৈশ্চরশ্চ .
১০২.১০ মৃত্যুং কুজোঽর্থরহিতাং কুলটাং চ চন্দ্রঃ
১০২.১০ শেষা গ্রহা ধনবতীং সুভগাং চ কুর্যুঃ .. ..
১০২.১১ আযে রবিঃ বহুসুতাং সধনাং ( ধনিনীং) শশাংকঃ
১০২.১১ পুত্রান্বিতাং ক্ষিতিসুতো রবিজো ধনাঢ্যাম্ .
১০২.১১ আযুষ্মতীং সুরগুরুঃ শশিজঃ সমৃদ্ধাং
১০২.১১ রাহুঃ করোত্যবিধবাং ভৃগুঃ অর্থযুক্তাম্ .. ..
১০২.১২ অন্তে গুরুঃ ধনবতীং দিনকৃদ্ দরিদ্রাং
১০২.১২ চন্দ্রোধনব্যযকরীং কুলটাং চ রাহুঃ .
১০২.১২ সাধ্বীং ভৃগুঃ শশিসুতো বহুপুত্রপৌত্রাং
১০২.১২ পানপ্রসক্তহৃদযাম্ রবিজঃ কুজশ্চ .. ..
১০২.১৩ গোপৈঃ যষ্ট্যাহতানাং খুরপুটদলিতা যা তু ধূলিঃ দিনান্তে
১০২.১৩ সোদ্বাহে সুন্দরীণাং বিপুলধনসুতারোগ্যসৌভাগ্যকর্ত্রী .
১০২.১৩ তস্মিন্ কালে ন চঋক্ষং ন চ তিথিকরণং নৈব লগ্নং ন যোগঃ
১০২.১৩ খ্যাতঃ পুংসাং সুখার্থং শমযতি দুরিতানি উত্থিতং গোরজঃ তু .. ..

অধ্যায ১০৩ গ্রহগোচরাধ্যাযঃ

১০৩.১ প্রাযেণ সূত্রেণ বিনাকৃতানি প্রকাশরন্ধ্রাণি চিরন্তনানি .
১০৩.১ রত্নানি শাস্ত্রাণি চ যোজিতানি নবৈঃ গুণৈঃ ভূষযিতুং ক্ষমাণি .. ..
১০৩.২ প্রাযেণ গোচরো ব্যবহার্যোঽতঃ তত্ফলানি বক্ষ্যামি .
১০৩.২ নানাবৃত্তৈঃ আর্যা ( তন্নো) মুখচপলত্বং ক্ষমধ্বং নঃক্ষমন্ত্বার্যাঃ) .. ..
১০৩.৩ মাণ্ডব্যগিরং শ্রুত্বা ন মদীযা রোচতেঽথবা নৈবম্ .
১০৩.৩ সাধ্বী তথা ন পুংসাং প্রিযা যথা স্যাজ্জঘনচপলা .. ..
১০৩.৪ সূর্যঃ ষট্ত্রিদশস্থিতঃ ত্রিদশষট্সপ্তাদ্যগশ্চন্দ্রমা
১০৩.৪ জীবঃ সপ্তনবদ্বিপংচমগতো বক্রার্কজৌ ষট্ত্রিগৌ .
১০৩.৪ সৌম্যঃ ষড্দ্বিচতুর্দশাষ্টমগতঃ সূর্যে ( সর্বে) ঽপি উপান্তে শুভাঃ
১০৩.৪ শুক্রঃ সপ্তমষড্দশঋক্ষসহিতঃ শার্দূলবত্ ত্রাসকৃত্ .. ..
১০৩.৫ জন্মনি আযাসদোঽর্কঃ ক্ষপযতি বিভবান্ কোষ্ঠরোগাধ্বদাতা
১০৩.৫ বিত্তভ্রংশং দ্বিতীযে দিশতি চ ন সুখং বংচনাং দৃগ্রুজং চ .
১০৩.৫ স্থানপ্রাপ্তিং তৃতীযে ধননিচযমুদা কল্যকৃচ্চারিহর্তা ( হন্তা)
১০৩.৫ রোগান্ দত্তে ( ধত্তে) চতুর্থে জনযতি চ মুহুঃ স্রগ্ধরাভোগবিঘ্নম্ .. ..
১০৩.৬ পীডাঃ স্যুঃ পংচমস্থে সবিতরি বহুশো রোগারিজনিতাঃ
১০৩.৬ ষষ্ঠেঽর্কো হন্তি রোগান্ ক্ষপযতি চ রিপূন্ শোকাংশ্চ নুদতি .
১০৩.৬ অধ্বানং সপ্তমস্থো জঠরগদভযং দৈন্যং চ কুরুতে .
১০৩.৬ রুক্ত্রাসৌ ( রুক্কাসৌ) চাষ্টমস্থে ভবতি সুবদনা ন স্বাপি বনিতা .. ..
১০৩.৭ রবাবাপদ্দৈন্যং রুগ্ ইতি নবমে বিত্ত ( চিত্ত) চেষ্টাবিরোধো
১০৩.৭ জযং প্রাপ্নোত্যুগ্রং দশমগৃহগে কর্মসিদ্ধিং ক্রমেণ .
১০৩.৭ জযস্থানং ( জযং স্থানং) মানং বিভবমপি চৈকাদশে রোগনাশং
১০৩.৭ সুবৃত্তানাং চেষ্টা ভবতি সফলা দ্বাদশে নৈতরেষাম্ .. ..
১০৩.৮ শশী জন্মনি অন্নপ্রবরশযনাচ্ছাদনকরো
১০৩.৮ দ্বিতীযে মানার্থান্ ( মানার্থৌ) গ্লপযতি সবিঘ্নশ্চ ভবতি .
১০৩.৮ তৃতীযে বস্ত্রস্ত্রীধনবিজয ( নিচয) সৌখ্যানি লভতে
১০৩.৮ চতুর্থেঽবিশ্বাসঃ শিখরিণি ভুজংগেন সদৃশঃ .. ..
১০৩.৯ দৈন্যং ব্যাধিং শুচমপি শশী পংচমে মার্গবিঘ্নং
১০৩.৯ ষষ্ঠে বিত্তং জনযতি সুখং শত্রুরোগক্ষযং চ .
১০৩.৯ যানং মানং শযনমশনং সপ্তমে বিত্তলাভং
১০৩.৯ মন্দ আক্রান্তে ফণিনি হিমগৌ চ অষ্টমে ভীঃ ন কস্য .. ..
১০৩.১০ নবমগৃহগো বন্ধৌদ্বেগশ্রমৌদররোগকৃদ্
১০৩.১০ দশমভবনে চ আজ্ঞাকর্মপ্রসিদ্ধিকরঃ শশী .
১০৩.১০ উপচযসুহৃত্সংযোগার্থপ্রমোদমুপান্ত্যগো
১০৩.১০ বৃষভচরিতান্ দোষান্ অন্ত্যে ( অন্তে) করোতি চ ( হি) সব্যযান্ .. ..
১০৩.১১ কুজেঽভিঘাতঃ প্রথমে দ্বিতীযে নরেন্দ্রপীডা কলহারিদোষৈঃ .
১০৩.১১ ভৃশং চ পিত্তানলচৌররোগৈঃ ( রোগচৌরৈঃ) উপেন্দ্রবজ্রপ্রতিমোঽপি যঃ স্যাত্ .. ..
১০৩.১২ তৃতীযগশ্চৌরকুমারকেভ্যো
১০৩.১২ ভৌমঃ সকাশাত্ ফলমাদধাতি .
১০৩.১২ প্রদীপ্তিমাজ্ঞাং ধনমৌর্ণিকানি
১০৩.১২ ধাত্বাকর আখ্যানি কিল অপরাণি .. ..
১০৩.১৩ ভবতি ধরণিজে চতুর্থগে জ্বরজঠরগদাসৃগুদ্ভবঃ .
১০৩.১৩ কুপুরুষজনিতাগ সংগমাত্ প্রসভমপি করোতি চ অশুভম্ .. ..
১০৩.১৪ রিপুগদকোপভযানি পংচমে
১০৩.১৪ তনযকৃতাশ্চ শুচো মহীসুতে .
১০৩.১৪ দ্যুতিঃ অপি ন অস্য চিরং ভবেত্ স্থিরা
১০৩.১৪ শিরসি কপেঃ ইব মালতী যথা ( কৃতা) .. ..
১০৩.১৫ রিপুভযকলহৈঃ বিবর্জিতঃ সকনকবিদ্রুমতাম্রকামগঃ ( কাগমঃ) .
১০৩.১৫ রিপুভবনগতে মহীসুতে কিমপরবক্ত্রবিকারমীক্ষতে .. ..
১০৩.১৬ কলত্রকলহাক্ষিরুগ্জঠররোগকৃত্ সপ্তমে
১০৩.১৬ ক্ষরত্ক্ষতজরূক্ষিতঃ ক্ষপিত ( ক্ষযিত) বিত্তমানোঽষ্টমে .
১০৩.১৬ কুজে নবমসংস্থিতে পরিভবার্থনাশ আদিভিঃ
১০৩.১৬ বিলংবিতগতিঃ ভবত্যবলদেহধাতুক্লমৈঃ .. ..
১০৩.১৭ দশমগৃহগতে সমং মহীজে
১০৩.১৭ বিবিধধন আপ্তিরুপান্ত্যগে জযশ্চ .
১০৩.১৭ জনপদমুপরি স্থিতশ্চ ভুংক্তে
১০৩.১৭ বনমিব ষট্চরণঃ সুপুষ্পিতাগ্রম্ .. ..
১০৩.১৮ নানাব্যযৈঃ দ্বাদশগে মহীসুতে
১০৩.১৮ সন্তাপ্যতেঽনর্থশতৈশ্চ মানবঃ .
১০৩.১৮ স্ত্রীকোপপিত্তৈশ্চ সনেত্রবেদনৈঃ
১০৩.১৮ যোঽপি ইন্দ্রবংশাভিজনেন গর্বিতঃ .. ..
১০৩.১৯ দুষ্টবাক্যপিশুনাহিতভেদৈঃ বন্ধনৈঃ সকলহৈশ্চ হৃতস্বঃ .
১০৩.১৯ জন্মগে শশিসুতে পথি গচ্ছন্ স্বাগতেঽপি কুশলং ন শৃণোতি .. ..
১০৩.২০ পরিভবো ধনগতে ধনলব্ধিঃ সহজগে শশিসুতে হৃদয আপ্তিঃ ( সুহৃদাপ্তিঃ) .
১০৩.২০ নৃপতিশত্রুভযশংকিতচিতো ( চিত্তো) দ্রুতপদং ব্রজতি দুশ্চরিতৈঃ স্বৈঃ .. ..
১০৩.২১ চতুর্থগে স্বজনকুটুংববৃদ্ধযো
১০৩.২১ ধনাগমো ভবতি চ শীতরশ্মিজে .
১০৩.২১ সুতস্থিতে তনযকলত্রবিগ্রহো
১০৩.২১ নিষেবতে ন চ রুচিরামপি স্ত্রিযম্ .. ..
১০৩.২২ সৌভাগ্যং বিজযমথ উন্নতিং চ ষষ্ঠে
১০৩.২২ বৈবর্ণ্যং কলহমতীব সপ্তমে জ্ঞঃ .
১০৩.২২ মৃত্যুস্থে জযসুত ( সুতজয) বস্ত্রবিত্তলাভা
১০৩.২২ নৈপুণ্যং ভবতি মতিপ্রহর্ষণীযম্ .. ..
১০৩.২৩ বিঘ্নকরো নবমঃ শশিপুত্রঃ কর্মগতো রিপুহা ধনদশ্চ .
১০৩.২৩ সপ্রমদং শযনং চ বিধত্তে তদ্গৃহদো ঽথ কথাং স্তরণং চ ( কথাস্তরণং) .. ..
১০৩.২৪ ধনসুতসুখ ( সুখসুত) যোষিন্মিত্রবাহ ( বাহ্য) আপ্তিতুষ্টিঃ
১০৩.২৪ তুহিনকিরণপুত্রে লাভগে মৃষ্টবাক্যঃ .
১০৩.২৪ রিপুপরিভবরোগৈঃ পীডিতো দ্বাদশস্থে
১০৩.২৪ ন সহতি পরিভোক্তুং মালিনীযোগসৌখ্যম্ .. ..
১০৩.২৫ জীবে জন্মনি অপগতধনধীঃ
১০৩.২৫ স্থানভ্রষ্টো বহুকলহযুতঃ .
১০৩.২৫ প্রাপ্য অর্থেঽর্থান্ ব্যরিঃ অপি কুরুতে
১০৩.২৫ কান্তাআস্যাব্জে ভ্রমরবিলসিতম্ .. ..
১০৩.২৬ স্থানভ্রংশাত্ কার্যবিঘাতাগ তৃতীযে
১০৩.২৬ অনেকৈঃ ( নৈকৈঃ) ক্লেশৈঃ বন্ধুজনোত্থৈশ্চ চতুর্থে .
১০৩.২৬ জীবে শান্তিং পীডিতচিত্তশ্চ স বিন্দেদ্ ( বিন্দেন্)
১০৩.২৬ নৈব গ্রামে নাপি বনে মত্তমযূরে .. ..
১০৩.২৭ জনযতি চ তনযভবনমুপগতঃ
১০৩.২৭ পরিজনশুভসুতকরিতুরগবৃষান্ .
১০৩.২৭ সকনকপুরগৃহযুবতিবসনকৃন্
১০৩.২৭ মণিগুণনিকরকৃদপি বিবুধগুরুঃ .. ..
১০৩.২৮ ন সখীবদনং তিলকোজ্জ্বলং
১০৩.২৮ ন চ বনং ( ভবনং) শিখিকোকিলনাদিতম্ .
১০৩.২৮ হরিণপ্লুতশাববিচিত্রিতং
১০৩.২৮ রিপুগতে মনসঃ সুখদং গুরৌ .. ..
১০৩.২৯ ত্রিদশগুরুঃ শযনং রতিভোগং
১০৩.২৯ ধনমশনং কুসুমানি উপবাহ্যম্ .
১০৩.২৯ জনযতি সপ্তমরাশিমুপেতো
১০৩.২৯ ললিতপদাং চ গিরং ধিষণাং চ .. ..
১০৩.৩০ বন্ধং ব্যাধিম্ চাষ্টমে শোকমুগ্রং
১০৩.৩০ মার্গক্লেশং) ক্লেশান্ মৃত্যুতুল্যাংশ্চ রোগান্ .
১০৩.৩০ নৈপুণ্যাআজ্ঞাপুত্রকর্মার্থসিদ্ধিং
১০৩.৩০ ধর্মে জীবঃ শালিনীনাং চ লাভম্ .. ..
১০৩.৩১ স্থানকল্যধনহা দশঋক্ষগঃ
১০৩.৩১ তত্প্রদো ভবতি লাভগো গুরুঃ .
১০৩.৩১ দ্বাদশেঽধ্বনি বিলোমদুঃখভাগ্
১০৩.৩১ যাতি যদ্যপি নরো রথোদ্ধতঃ .. ..
১০৩.৩২ প্রথমগৃহৌপগো ভৃগুসুতঃ স্মরৌপকরণৈঃ
১০৩.৩২ সুরভিমনোজ্ঞগন্ধকুসুমাংবরৈরুপচযম্ .
১০৩.৩২ শযনগৃহাসনাশনযুতস্য চ অনুকুরুতে
১০৩.৩২ সমদবিলাসিনীমুখসরোজষট্চরণতাম্ .. ..
১০৩.৩৩ শুক্রে দ্বিতীযগৃহগে প্রসবার্থধান্য-
১০৩.৩৩ ভূপালসন্নত ( সন্নতি) কুটুংবহিতানি অবাপ্য .
১০৩.৩৩ সংসেবতে কুসুমরত্নবিভূষিতশ্চ
১০৩.৩৩ কামং বসন্ততিলকদ্যুতিমূর্ধজোঽপি .. ..
১০৩.৩৪ আজ্ঞা অর্থমানাস্পদভূতিবস্ত্রশত্রুক্ষযান্ দৈত্যগুরুঃ তৃতীযে .
১০৩.৩৪ দত্তে ( ধত্তে) চতুর্থশ্চ সুহৃত্সমাজং রুদ্রেন্দ্রবজ্রপ্রতিমাং চ শক্তিম্ .. ..
১০৩.৩৫ জনযতি শুক্রঃ পংচমসংস্থো গুরুপরিতোষং বন্ধুজনাপ্তিম্ .
১০৩.৩৫ সুতধনলব্ধিং মিত্রসহাযান্ অনবসিতত্বং চ অরিবলেষু .. ..
১০৩.৩৬ ষষ্ঠো ভৃগুঃ পরিভবরোগতাপদঃ
১০৩.৩৬ স্ত্রীহেতুকং জনযতি সপ্তমোঽশুভম্ .
১০৩.৩৬ যাতোঽষ্টমং ভবনপরিচ্ছদপ্রদো
১০৩.৩৬ লক্ষ্মীবতীমুপনযতি স্ত্রিযং চ সঃ .. ..
১০৩.৩৭ নবমে তু ধর্মবনিতাসুখভাগ্
১০৩.৩৭ ভৃগুজেঽর্থবস্ত্রনিচযশ্চ ভবেত্ .
১০৩.৩৭ দশমেঽবমানকলহান্ নিযমাত্
১০৩.৩৭ প্রমিতাক্ষরাণি অপি বদন্ লভতে .. ..
১০৩.৩৮ উপান্ত্যগো ভৃগো সুতঃ সুহৃদ্ধনান্নগন্ধদঃ .
১০৩.৩৮ ধনাংবর আগমোঽন্ত্যগঃ স্থিরঃ তু নাংবর আগমঃ .. ..
১০৩.৩৯ প্রথমে রবিজে বিষবহ্নিহতঃ স্বজনৈঃ বিযুতঃ কৃতবন্ধুবধঃ .
১০৩.৩৯ পরদেশমুপৈত্যসুহৃদ্ভবনো বিমুখার্থসুতোঽটকদীনমুখঃ .. ..
১০৩.৪০ চারবশাদ্ দ্বিতীযগৃহগে দিনকরতনযে
১০৩.৪০ রূপসুখাপবর্জিততনুঃ বিগতমদবলঃ .
১০৩.৪০ অন্যগুণৈঃ কৃতং বসুচযম্ তদপি খলু ভবত্য্-
১০৩.৪০ অংব্বিব বংশপত্রপতিতং ন বহু ন চ চিরম্ .. ..
১০৩.৪১ সূর্যসুতে তৃতীযগৃহগে ধনানি লভতে
১০৩.৪১ দাসপরিচ্ছদৌষ্ট্রমহিষা অশ্বকুঞ্জরখরান্ .
১০৩.৪১ সদ্মবিভূতিসৌখ্যমমিতং গদব্যুপরমং
১০৩.৪১ ভীরুঃ অপি প্রশাস্ত্যধিরিপূংশ্চ বীরললিতৈঃ .. ..
১০৩.৪২ চতুর্থং গৃহং সূর্যপুত্রেঽভ্যুপেতে
১০৩.৪২ সুহৃদ্বিত্তভার্য আদিভিঃ বিপ্রযুক্তঃ .
১০৩.৪২ ভবত্যস্য সর্বত্র চাসাধু দুষ্টং
১০৩.৪২ ভুজংগপ্রযাতানুকারং চ চিত্তম্ .. ..
১০৩.৪৩ সুতধনপরিহীণঃ পংচমস্থে
১০৩.৪৩ প্রচুরকলহযুক্তশ্চ অর্কপুত্রে .
১০৩.৪৩ বিনিহতরিপুরোগঃ ষষ্ঠযাতে
১০৩.৪৩ পিবতি চ বনিতাআস্যং শ্রীপুটোষ্ঠম্ .. ..
১০৩.৪৪ গচ্ছত্যধ্বানং সপ্তমে চ অষ্টমে চ
১০৩.৪৪ হীনঃ স্ত্রীপুত্রৈঃ সূর্যজে দীনচেষ্টঃ .
১০৩.৪৪ তদ্বদ্ ধর্মস্থে বৈরহৃদ্রোগবন্ধৈঃ
১০৩.৪৪ ধর্মোঽপি উচ্ছিদ্যেদ্ বৈশ্বদেবীক্রিযাদ্যঃ .. ..
১০৩.৪৫ কর্মপ্রাপ্তিঃ দশমেঽর্থক্ষযশ্চ
১০৩.৪৫ বিদ্যাকীর্ত্যোঃ পরিহানিশ্চ সৌরে .
১০৩.৪৫ তৈক্ষ্ণ্যং লাভে পরযোষার্থলাভঃ ( লাভা)
১০৩.৪৫ চ অন্ত্যে ( অন্তে) প্রাপ্নোত্যপি শোক ঊর্মিমালাম্ .. ..
১০৩.৪৬ অপি কালমপেক্ষ্য চ পাত্রং শুভকৃদ্ বিদধাত্যনুরূপম্ .
১০৩.৪৬ ন মধৌ বহু কং কুডবে বা ( চ) বিসৃজত্যপি মেঘবিতানঃ .. ..
১০৩.৪৭ রক্তৈঃ পুষ্পৈঃ গন্ধৈঃ তাম্রৈঃ কনকবৃষবকুলকুসুমৈঃ দিবাকরভূসুতৌ
১০৩.৪৭ ভক্ত্যা পূজ্যাবিন্দুঃ ধেন্বা সিতকুসুমরজতমধুরৈঃ সিতশ্চ মদপ্রদৈঃ .
১০৩.৪৭ কৃষ্ণদ্রব্যৈঃ সৌরিঃ সৌম্যো মণিরজততিলককুসুমৈঃ গুরুঃ পরিপীতকৈঃ
১০৩.৪৭ প্রীতৈঃ পীডা ন স্যাদুচ্চাদ্ যদি পততি বিশতি যদি বা ভুজংগবিজৃংভিতম্ .. ..
১০৩.৪৮ শমযৌদ্গতামশুভদৃষ্টিমপি বিবুধবিপ্রপূজযা .
১০৩.৪৮ শান্তিজপনিযমদানদমৈঃ সুজনাভিভাষণসমাগমৈঃ তথা .. ..
১০৩.৪৯ রবিভৌমৌ পূর্বার্ধে শশিসৌরৌ কথযতোঽন্ত্যগৌ রাশেঃ .
১০৩.৪৯ সদসল্লক্ষণমার্যগীত্যুপগীত্যোঃ যথাসংখ্যম্ .. ..
১০৩.৫০ আদৌ যাদৃক্ সৌম্যঃ পশ্চাদপি তাদৃশো ভবতি .
১০৩.৫০ উপগীতেঃ মাত্রাণাং গণবত্ সত্সংপ্রযোগো বা .. ..
১০৩.৫১ আর্যাণামপি কুরুতে বিনাশমন্তর্গুরুঃ বিষমসংস্থঃ .
১০৩.৫১ গণ ইব ষষ্ঠে দৃষ্টঃ স ( চ) সর্বলঘুতাং জনং ( গতো) নযতি .. ..
১০৩.৫২ অশুভনিরীক্ষিতঃ শুভফলো বলিনা বলবান্
১০৩.৫২ অশুভফলপ্রদশ্চ শুভদৃগ্বিষযোপগতঃ .
১০৩.৫২ অশুভশুভাবপি স্বফলযোঃ ব্রজতঃ সমতাম্
১০৩.৫২ ইদমপি গীতকং চ খলু নর্কুটকং চ যথা .. ..
১০৩.৫৩ নীচেঽরিভেঽস্তে চ অরিদৃষ্টস্য ( অরি) সর্বং বৃথা যত্ ( যথা) পরিকীর্তিতম্ .
১০৩.৫৩ পুরতোঽন্ধস্য ইব কামিন্যাঃ সবিলাসকটাক্ষনিরীক্ষণম্ .. ..
১০৩.৫৪ সূর্যসুতোঽর্কফলসমশ্চন্দ্রসুতশ্
১০৩.৫৪ ছন্দতঃ সমনুযাতি যথা .
১০৩.৫৪ স্কন্ধকমার্যগীতিঃ বৈতালীযং চ
১০৩.৫৪ মাগধী গাথাআর্যাম্ .. ..
১০৩.৫৫ সৌরোঽর্করশ্মিযোগাত্ ( রাগাত্) সবিকারো লব্ধবৃদ্ধিঃ অধিকতরম্ .
১০৩.৫৫ পিত্তবদাচরতি নৃণাং পথ্যকৃতাং ন তু তথাআর্যাণাম্ .. ..
১০৩.৫৬ যাদৃশেন গ্রহেণেন্দুঃ যুক্তঃ তাদৃগ্ ভবেত্ সোঽপি .
১০৩.৫৬ মনোবৃত্তিসমাযোগাদ্ বিকার ইব বক্ত্রস্য .. ..
১০৩.৫৭ পংচমং লঘু সর্বেষু ( সর্বপাদেষু) সপ্তমং দ্বিচতুর্থযোঃ .
১০৩.৫৭ যদ্বত্শ্লোকাক্ষরং তদ্বল্লঘুতাং যাতি দুঃস্থিতৈঃ .. ..
১০৩.৫৮ প্রকৃত্য অপি লঘুঃ যশ্চ বৃত্তবাহ্যে ব্যবস্থিতঃ .
১০৩.৫৮ স যাতি গুরুতাং লোকে যদা স্যুঃ সুস্থিতা গ্রহাঃ .. ..
১০৩.৫৯ প্রারব্ধমসুস্থিতৈঃ গ্রহৈঃ যত্ কর্ম আত্মবিবৃদ্ধযে বুধৈঃ ( ঽবুধৈঃ) .
১০৩.৫৯ বিনিহন্তি তদেব কর্ম তান্ বৈতালীযমিব অযথাকৃতম্ .. ..
১০৩.৬০ সৌস্থিত্যমবেক্ষ্য যো গ্রহেভ্যঃ কালে প্রক্রমণং করোতি রাজা .
১০৩.৬০ অণুনা অপি স পৌরুষেণ বৃত্ত্যৌ ( বৃত্তস্যৌ) পচ্ছন্দসিকস্য যাতি পারম্ .. ..
১০৩.৬১ ( ১) উপচযভবনৌপযাতস্য ভানোঃ দিনে কারযেদ্ –
ধেমতাম্রাশ্বকাষ্ঠাস্থিচর্মাউর্ণিকাদ্রিদ্রুমত্বগ্নখব্যালচৌর –
আযুধীযাটবীক্রূররাজোপসেবাভিষেকাউষধক্ষৌমপণ্যাদি-
গোপালকান্তারবৈদ্যাশ্মকূটাবদাতাভিবিখ্যাতশূর আহবশ্লাঘ্যযায্য –
( যাজ্যা) অগ্নিকর্মাণি ( কার্যাণি) সিদ্ধ্যন্তি লগ্নস্থিতে বা রবৌ .
১০৩.৬১ ( ২) শিশিরকিরণবাসরে তস্য ব অপি উদ্গমে কেন্দ্রসংস্থেঽথবা –
ভূষণং শংখমুক্তা অব্জরূপ্যাংবুযজ্ঞৈক্ষুভোজ্যাংগনাক্ষীর-
সুস্নিগ্ধবৃক্ষক্ষুপানূপধান্যদ্রবদ্রব্যবিপ্রাধ্বগীত –
( বিপ্রাশ্বশীত) ক্রিযাশৃংগিকৃষ্যাদিসেনাধিপ –
আক্রন্দভূপালসৌভাগ্যনক্তংচরশ্লৈষ্মিকদ্রব্যমাতুল্য ( মাতুংগ) –
পুষ্পাংবরারংভসিদ্ধিঃ ভবেত্ .. ..
১০৩.৬১ ( ৩) ক্ষিতিতনযদিনে প্রসিদ্ধ্যন্তি ( প্রসিধ্যন্তি) ধাত্বাকরাদীনি –
সর্বাণি কার্যাণি চামীকরাগ্নিপ্রবাল আযুধক্রৌর্যচৌর্যাভিঘাতাট-
বীদুর্গসেনাধিকারাঃ –
তথা রক্তপুষ্পদ্রুমা রক্তমন্যগ তিক্তং কটুদ্রব্যকূটাহিপাশার্জিতস্বাঃ –
কুমারা ভিষক্ষাক্যভিক্ষুক্ষপাবৃত্তিকোশেশ ( কৌশেয) শাঠ্যানি –
সিদ্ধ্যন্তি ( সিধ্যন্তি) দংভাঃ তথা .. ..
১০৩.৬১ ( ৪) হরতি ( হরিত, হরিত) মণিমহীসুগন্ধীনি বস্ত্রাণি সাধারণং –
নাটকং শাস্ত্রবিজ্ঞানকাব্যানি সর্বাঃ কলাযুক্তযো –
মন্ত্রধাতুক্রিযাবাদনৈপুণ্যপুণ্যব্রতাযোগদূতাঃ তথাঽঽযুষ্যমাযানৃতস্নানহ্রস্বাণি –
দীর্ঘাণি মধ্যানি চ ছন্দতঃ ( চ্ছন্দনঃ) চণ্ডবৃষ্টিপ্রযাতানুকারীণি –
কার্যাণি সিদ্ধ্যন্তি ( সিধ্যন্তি) সৌম্যস্য লগ্নেঽহ্নি বা .. ..
১০৩.৬২ সুরগুরুদিবসে কনকং রজতং তুরগাঃ করিণো বৃষভা –
ভিষগৌষধযঃ ( ওষধযঃ) .
১০৩.৬২ দ্বিজপিতৃসুরকার্যপুরঃস্থিতঘর্ম ( ধর্ম) নিবারণচামরভূষণভূপতযঃ .
১০৩.৬২ বিবুধভবনধর্মসমাশ্রযমংগলশাস্ত্রমনোজ্ঞবলপ্রদসত্যগিরঃ .
১০৩.৬২ ব্রতহবনধনানি চ সিদ্ধিকরাণি তথা রুচিরাণি চ বর্ণকদণ্ডকবত্ .. ..
১০৩.৬৩ ভৃগুসুতদিবসে চ চিত্রবস্ত্রবৃষ্যবেশ্যকামিনীবিলাসহাসযৌবনৌপভোগরম্যভূমযঃ .
১০৩.৬৩ স্ফটিকরজতমন্মথৌপচারবাহনৈক্ষুশারদ-
প্রকারগোবণিক্কৃষীবলৌষধাংবুজানি চ .
১০৩.৬৩ সবিতৃসুতদিনে চ কারযেন্ –
মহিষ্যজৌষ্ট্রকৃষ্ণলোহদাসবৃদ্ধনীচকর্মপক্ষিচৌরপাশিকান্ .
১০৩.৬৩ চ্যুতবিনযবিশীর্ণভাণ্ডহস্ত্যপেক্ষবিঘ্নকারণানি চ –
অন্যথা ন সাধযেত্ সমুদ্রগোঽপি অপাং কণম্ .. ..
১০৩.৬৪ বিপুলামপি বুদ্ধ্বা ছন্দোবিচিতিং ভবতি কার্যমেতাবত্ .
১০৩.৬৪ শ্রুতিসুখদবৃত্তসংগ্রহমিমমাহ বরাহমিহিরোঽতঃ .. ..

অধ্যায ১০৪ রূপসত্রাধ্যাযঃ

১০৪.১ পাদৌ মূলং জংঘে চ রোহিণী জানুনী তথাশ্বিন্যঃ .
১০৪.১ ঊরূ চ আষাঢদ্বযমথ গুহ্যং ফল্গুনীদ্বিতযং ( যুগ্মং) .. ..
১০৪.২ কটিঃ অপি চ কৃত্তিকা পার্শ্বযোশ্চ যমলা ভবন্তি ভদ্রপদাঃ .
১০৪.২ কুক্ষিস্থা রেবত্যো বিজ্ঞেযমুরোঽনুরাধা চ .. ..
১০৪.৩ পৃষ্ঠং বিদ্ধি ধনিষ্ঠাং ( ধনিষ্ঠা) ভুজৌ বিশাখা ( বিশাখাং) স্মৃতৌ করৌ হস্তঃ .. ..
১০৪.৩ অংগুল্যশ্চ পুনর্বসুঃ আশ্লেষাসংজ্ঞিতাশ্চ নখাঃ .. ..
১০৪.৪ গ্রীবা জ্যেষ্ঠা শ্রবণং শ্রবণৌ ( শ্রবণৌ শ্রবনঃ) পুষ্যো মুখং দ্বিজাঃ স্বাতিঃ .
১০৪.৪ হসিতং শতভিষগ্ অথ নাসিকা মঘা মৃগশিরো নেত্রে .. ..
১০৪.৫ চিত্রা ললাটসংস্থা শিরো ভরণ্যঃ শিরোরুহাশ্চার্দ্রা .
১০৪.৫ নক্ষত্রপুরুষকোঽযং কর্তব্যো রূপমিচ্ছদ্ভিঃ .. ..
১০৪.৬ চৈত্রস্য বহুলপক্ষে হ্যষ্টম্যাং মূলসংযুতে চন্দ্রে .
১০৪.৬ হ্যুপবাসঃ কর্তব্যো বিষ্ণুং সংপূজ্য ধিষ্ণ্যং চ .. ..
১০৪.৭ দদ্যাদ্ ব্রতে সমাপ্তে ঘৃতপূর্ণং ভাজনং সুবর্ণযুতম্ .
১০৪.৭ বিপ্রায কালবিদুষে সরত্নবস্ত্রং স্বশক্ত্যা চ .. ..
১০৪.৮ অন্নৈঃ ক্ষীরঘৃতৌত্কটৈঃ সহ গুডৈঃ বিপ্রান্ সমভ্যর্চযেদ্
১০৪.৮ দদ্যাত্ তেষু সুবর্ণ ( তথৈব) বস্ত্ররজতং লাবণ্যমিচ্ছন্ নরঃ .
১০৪.৮ পাদঋক্ষাত্ প্রভৃতি ক্রমাদুপবসন্ন্ অংগঋক্ষনামস্বপি
১০৪.৮ কুর্যাত্ কেশবপূজনং স্ববিধিনা ধিষ্ণ্যস্য পূজাং তথা .. ..
১০৪.৯ প্রলংববাহুঃ পৃথুপীনবক্ষাঃ ক্ষপাকরাস্যঃ সিতচারুদন্তঃ .
১০৪.৯ গজেন্দ্রগামী কমলাযতাক্ষঃ স্ত্রীচিত্তহারী স্মরতুল্যমূর্তিঃ .. ..
১০৪.১০ শরদমলপূর্ণচন্দ্রদ্যুতিসদৃশমুখী সরোজদলনেত্রা .
১০৪.১০ রুচিরদশনা সুকর্ণা ভ্রমরৌদরসন্নিভৈঃ কেশৈঃ .. ..
১০৪.১১ পুংস্কোকিলসমবাণী তাম্রোষ্টী ( তাম্রোষ্ঠী) পদ্মপত্রকরচরণা .
১০৪.১১ স্তনভারানতমধ্যা প্রদক্ষিণাবর্তযা নাভ্যা .. ..
১০৪.১২ কদলীকাণ্ডনিভ ঊরুঃ ( ঊরূঃ) সুশ্রোণী বরকুকুন্দরা সুভগা .
১০৪.১২ সুশ্লিষ্টাংগুলিপাদা ভবতি প্রমদা মনুষ্যশ্চ ( মনুষ্যো বা) .. ..
১০৪.১৩ যাবন্ নক্ষত্রমালা বিচরতি গগনে ভূষযন্তী ইহ ভাসা
১০৪.১৩ তাবন্ নক্ষত্রভূতো বিচরতি সহ তৈঃ ব্রহ্মণোঽহ্নোঽবশেষম্ .
১০৪.১৩ কল্পাদৌ চক্রবর্তী ভবতি হি মতিমাং তত্ক্ষযাগাপি ভূযঃ
১০৪.১৩ সংসারে জাযমানো ভবতি নরপতিঃ ব্রাহ্মণো বা ধনাঢ্যঃ .. ..
১০৪.১৪ মৃগশীর্ষাদ্যাঃ কেশবনারাযণমাধবাঃ সগোবিন্দাঃ .
১০৪.১৪ বিষ্ণুমধুসূদনাখ্যৌ ত্রিবিক্রমো বামনশ্চৈব .. ..
১০৪.১৫ শ্রীধরনামা তস্মাত্ সহৃষীকেশশ্চ পদ্মনাভশ্চ .
১০৪.১৫ দামোদর ইত্যেতে মাসাঃ প্রোক্তা যথাসংখ্যং .. ..
১০৪.১৬ মাসনামসমুপোষিতো নরো দ্বাদশীষু বিধিবত্ প্রকীর্তযন্ .
১০৪.১৬ কেশবম্ সমভিপূজ্য তত্পদং যাতি যত্র নহি জন্মজং ভযম্ .. ..

অধ্যায ১০৫ উপসংহারাধ্যাযঃ

১০৫.১ জ্যোতিঃশাস্ত্রসমুদ্রং প্রমথ্য মতিমন্দরাদ্রিণাঽথ মযা .
১০৫.১ লোকস্য আলোককরঃ শাস্ত্রশশাংকঃ সমুত্ক্ষিপ্তঃ .. ..
১০৫.২ পূর্বাচার্যগ্রন্থা নৌত্সৃষ্টাঃ কুর্বতা মযা শাস্ত্রম্ .
১০৫.২ তান্ অবলোক্যৈদং চ প্রযতধ্বং কামতঃ সুজনাঃ .. ..
১০৫.৩ অথবা কৃশং ( ভৃশং) অপি সুজনঃ প্রথযতি দোষার্ণবাদ্ গুণং দৃষ্ট্বা .
১০৫.৩ নীচঃ তদ্বিপরীতঃ প্রকৃতিঃ ইযং সাধ্বসাধূনাম্ .. ..
১০৫.৪ দুর্জনহুতাশতপ্তং কাব্যসুবর্ণং বিশুদ্ধিমাযাতি .
১০৫.৪ শ্রাবযিতব্যং তস্মাদ্ দুষ্টজনস্য প্রযত্নেন .. ..
১০৫.৫ গ্রন্থস্য যত্ প্রচরতোঽস্য বিনাশমেতি
১০৫.৫ লেখ্যাদ্ বহুশ্রুতমুখাধিগমক্রমেণ .
১০৫.৫ যদ্বা মযা কুকৃতমল্পমিহাকৃতং বা
১০৫.৫ কার্যং তদত্র বিদুষা পরিহৃত্য রাগম্ .. ..
১০৫.৬ দিনকরমুনিগুরুচরণপ্রণিপাতকৃতপ্রসাদমতিনা ইদম্ .
১০৫.৬ শাস্ত্রমুপসংগৃহীতং নমোঽস্তু পূর্বপ্রণেতৃভ্যঃ .. ..

অধ্যায ১০৬ শাস্ত্রানুক্রমণী

১০৬.১ শাস্ত্রৌপনযঃ পূর্বং সাংবত্সরসূত্রমর্কচারশ্চ .
১০৬.১ শশিরাহুভৌমবুধগুরুসিতমন্দশিখিগ্রহাণাং চ .. ..
১০৬.২ চারশ্চাগস্ত্যমুনেঃ সপ্তর্ষীণাং চ কূর্মযোগশ্চ .
১০৬.২ নক্ষত্রাণাং ব্যূহো গ্রহভক্তিঃ গ্রহবিমর্দশ্চ .. ..
১০৬.৩ গ্রহশশিযোগঃ সম্যগ্গ্রহবর্ষফলং গ্রহাণাং চ .
১০৬.৩ শৃংগাটসংস্থিতানাং মেঘানাং গর্ভলক্ষণং চৈব .. ..
১০৬.৪ ধারণবর্ষণরোহিণিবাযব্যাষাঢভদ্রপদ ( ভাদ্রপদ) যোগাঃ .
১০৬.৪ ক্ষণবৃষ্টিঃ কুসুমলতাঃ সন্ধ্যাচিহ্নং দিশাং দাহঃ .. ..
১০৬.৫ ভূকংপৌল্কাপরিবেষলক্ষণং শক্রচাপখপুরং চ .
১০৬.৫ প্রতিসূর্যো নির্ঘাতঃ সস্যদ্রব্যার্ঘকাণ্ডং চ .. ..
১০৬.৬ ইন্দ্রধ্বজনীরাজনখঞ্জনকৌত্পাতবর্হি ( বর্হি) চিত্রং চ .
১০৬.৬ পুষ্যাভিষেকপট্টপ্রমাণমসিলক্ষণং বাস্তু .. ..
১০৬.৭ উদক্ ( উদগ্) আর্গলমারামিকমমরালযলক্ষণং কুলিশলেপঃ .
১০৬.৭ প্রতিমা বনপ্রবেশঃ সুরভবনানাং প্রতিষ্ঠা চ .. ..
১০৬.৮ চিহ্নং গবামথ শুনাম্ কুক্কুটকূর্মাজপুরুষচিহ্নং চ .
১০৬.৮ পংচমনুষ্যবিভাগঃ স্ত্রীচিহ্নং বস্ত্রবিচ্ছেদঃ .. ..
১০৬.৯ চামরদণ্ডপরীক্ষা স্ত্রীস্তোত্রং চাপি সুভগকরণং চ .
১০৬.৯ কান্দর্পিকানুলেপনপুংস্ত্রিকাধ্যাযশযনবিধিঃ .. ..
১০৬.১০ বজ্রপরীক্ষা মৌক্তিকলক্ষণমথ পদ্মরাগমরকতযোঃ .
১০৬.১০ দীপস্য লক্ষণং দন্তধাবনং শাকুনং মিশ্রম্ .. ..
১০৬.১১ অন্তরচক্রং বিরুতং শ্বচেষ্টিতং বিরুতমথ শিবাযাশ্চ .. ..
১০৬.১১ চরিতং মৃগাশ্বকরিণাং বাযসবিদ্যোত্তরং চ ততঃ .. ..
১০৬.১২ পাকো নক্ষত্রগুণাঃ তিথিকরণগুণাঃ সধিষ্ণ্যজন্মগুণাঃ .
১০৬.১২ গোচরমথ ( গোচরঃ তথা) গ্রহাণাং কথিতো নক্ষত্রপুরুষশ্চ .. ..
১০৬.১৩ শতমিদমধ্যাযানামনুপরিপাটিক্রমাদনুক্রান্তম্ .
১০৬.১৩ অত্র শ্লোকসহস্রাণি আবদ্ধানি ঊনচত্বারি .. ..
১০৬.১৪ অত্রৈবান্তর্ভূতং পরিশেষং নিগদিতং চ যাত্রাযাম্ .
১০৬.১৪ বহ্বাশ্চর্যং জাতকমুক্তং করণং চ বহুচোদ্যম্ .. ..

.. ইতি বৃহত্সংহিতা..