বৃহত্সংহিতা – অধ্যায় ১১-২০

অধ্যায ১১ কেতুচারাধ্যাযঃ

১১.১ গার্গীযং শিখিচারং পারাশরমসিতদেবলকৃতং চ .
১১.১ অন্যাংশ্চ বহূন্ দৃষ্ট্বা ক্রিযতেঽযমনাকুলশ্চারঃ .. ..
১১.২ দর্শনমস্তমযো বা ন গণিতবিধিনাস্য শক্যতে জ্ঞাতুম্ .
১১.২ দিব্যান্তরিক্ষভৌমাঃ ত্রিবিধাঃ স্যুঃ কেতবো যস্মাত্ .. ..
১১.৩ অহুতাশেঽনলরূপং যস্মিং তত্কেতুরূপমেবোক্তম্ .
১১.৩ খদ্যোতপিশাচালযমণিরত্নাদীন্ পরিত্যজ্য .. ..
১১.৪ ধ্বজশস্ত্রভবনতরুতুরগকুঞ্জরাদ্যেষ্বথান্তরিক্ষাঃ তে .
১১.৪ দিব্যা নক্ষত্রস্থা ভৌমাঃ স্যুঃ অতোঽন্যথা শিখিনঃ .. ..
১১.৫ শতমেকাধিকমেকে সহস্রমপরে বদন্তি কেতূনাম্ .
১১.৫ বহুরূপমেকমেব প্রাহ মুনিঃ নারদঃ কেতুম্ .. ..
১১.৬ যদ্যেকো যদি বহবঃ কিমনেন ফলং তু সর্বথা বাচ্যম্ .
১১.৬ উদযাস্তমযৈঃ স্থানৈঃ স্পর্শৈঃ অধূমনৈঃ বর্ণৈঃ .
১১.৭ যাবন্ত্যহানি দৃশ্যো মাসাঃ তাবন্ত এব ফলপাকঃ .
১১.৭ মাসৈঃ অব্দাংশ্চ বদেত্ প্রথমাত্ পক্ষত্রযাত্ পরতঃ .. ..
১১.৮ হ্রস্বঃ তনুঃ প্রসন্নঃ স্নিগ্ধঃ ত্বৃজুঃ অচিরসংস্থিতঃ শুক্লঃ .
১১.৮ উদিতোঽথবাভিবৃষ্টঃ ( বাপ্যভিদৃষ্টঃ) সুভিক্ষসৌখ্যাবহঃ কেতুঃ .. ..
১১.৯ উক্তবিপরীতরূপো ন শুভকরো ধূমকেতুরুত্পন্নঃ .
১১.৯ ইন্দ্রাযুধানুকারী বিশেষতো দ্বিত্রিচূলো বা .. ..
১১.১০ হারমণিহেমরূপাঃ কিরণাখ্যাঃ পংচবিংশতিঃ সশিখাঃ .
১১.১০ প্রাগপরদিশোঃ দৃশ্যা নৃপতিবিরোধাবহা রবিজাঃ .. ..
১১.১১ শুকদহনবন্ধুজীবকলাক্ষাক্ষতজোপমা হুতাশসুতাঃ .
১১.১১ আগ্নেয্যাং দৃশ্যন্তে তাবন্তঃ তেঽপি শিখিভযদাঃ .. ..
১১.১২ বক্রশিখা মৃত্যুসুতা রূক্ষাঃ কৃষ্ণাশ্চ তেঽপি তাবন্তঃ .
১১.১২ দৃশ্যন্তে যাম্যাযাং জনমরকাবেদিনঃ তে চ .. ..
১১.১৩ দর্পণবৃত্তাকারা বিশিখাঃ কিরণান্বিতা ধরাতনযাঃ .
১১.১৩ ক্ষুদ্ভযদা দ্বাবিংশতিঃ ঐশান্যামংবুতৈলনিভাঃ .. ..
১১.১৪ শশিকিরণরজতহিমকুদকুমুন্দকুসুমোপমাঃ সুতাঃ শশিনঃ .
১১.১৪ উত্তরতো দৃশ্যন্তে ত্রযঃ সুভিক্ষাবহাঃ শিখিনঃ .. ..
১১.১৫ ব্রহ্মসুত এক এব ত্রিশিখো বর্ণৈঃ ত্রিভিঃ যুগান্তকরঃ .
১১.১৫ অনিযতদিক্সংপ্রভবো বিজ্ঞেযো ব্রহ্মদণ্ডাখ্যঃ .. ..
১১.১৬ শতমভিহিতমেকসমেতমেতদেকেন বিরহিতানি অস্মাত্ .
১১.১৬ কথযিষ্যে কেতূনাং শতানি নব লক্ষণৈঃ স্পষ্টৈঃ .. ..
১১.১৭ সৌম্যৈশান্যোরুদযং শুক্রসুতা যান্তি চতুরশীত্যাখ্যাঃ .
১১.১৭ বিপুলসিততারকাঃ তে স্নিগ্ধাশ্চ ভবন্তি তীব্রফলাঃ .. ..
১১.১৮ স্নিগ্ধাঃ প্রভাসমেতা দ্বিশিখাঃ ষষ্টিঃ শনৈশ্চরাংগরুহাঃ .
১১.১৮ অতিকষ্টফলা দৃশ্যাঃ সর্বত্রৈতে কনকসংজ্ঞাঃ .. ..
১১.১৯ বিকচা নাম গুরুসুতাঃ সিতএকতারাঃ শিখাপরিত্যক্তাঃ .
১১.১৯ ষষ্টিঃ পংচভিঃ অধিকা স্নিগ্ধা যাম্যাশ্রিতাঃ পাপাঃ .. ..
১১.২০ নাতিব্যক্তাঃ সূক্ষ্মা দীর্ঘাঃ শুক্লা যথেষ্টদিক্প্রভবাঃ .
১১.২০ বুধজাঃ তস্করসংজ্ঞাঃ পাপফলাঃ ত্বেকপংচাশত্ .. ..
১১.২১ ক্ষতজানলানুরূপাঃ ত্রিচূলতারাঃ কুজাত্মজাঃ ষষ্টিঃ .
১১.২১ নাম্না চ কৌংকুমাঃ তে সৌম্যাশাসংস্থিতাঃ পাপাঃ .. ..
১১.২২ ত্রিংশত্যধিকা রাহোঃ তে তামসকীলকা ইতি খ্যাতাঃ .
১১.২২ রবিশশিগা দৃশ্যন্তে তেষাং ফলমর্কচারোক্তম্ .. ..
১১.২৩ বিংশত্যধিকমন্যত্শতমগ্নেঃ বিশ্বরূপসংজ্ঞানাম্ .
১১.২৩ তীব্রানলভযদানাং জ্বালামালাকুলতনূনাম্ .. ..
১১.২৪ শ্যামারুণা বিতারাশ্চামররূপা বিকীর্ণদীধিতযঃ .
১১.২৪ অরুণাখ্যা বাযোঃ সপ্তসপ্ততিঃ পাপদাঃ পরুষাঃ .. ..
১১.২৫ তারাপুঞ্জনিকাশা গণকা নাম প্রজাপতেঃ অষ্টৌ .
১১.২৫ দ্বে চ শতে চতুরধিকে চতুরস্রা ( চতুরশ্রা) ব্রহ্মসন্তানাঃ .. ..
১১.২৬ কংকা নাম বরুণজা দ্বাত্রিংশদ্বংশগুল্মসংস্থানাঃ .
১১.২৬ শশিবত্প্রভাসমেতাঃ তীব্রফলাঃ কেতবঃ প্রোক্তাঃ .. ..
১১.২৭ ষণ্ণবতিঃ কালসুতাঃ কবন্ধসংজ্ঞাঃ কবন্ধসংস্থানাঃ .
১১.২৭ পুণ্ড্রা ( চণ্ডা) ভযপ্রদাঃ স্যুঃ বিরূপতারাশ্চ তে শিখিনঃ .. ..
১১.২৮ শুক্রবিপুলএকতারা নব বিদিশাং কেতবঃ সমুত্পন্নাঃ .
১১.২৮ এবং কেতুসহস্রং বিশেষমেষামতো বক্ষ্যে .. ..
১১.২৯ উদগাযতো মহান্ স্নিগ্ধমূর্তিঃ অপরোদযী বসাকেতুঃ .
১১.২৯ সদ্যঃ করোতি মরকং সুভিক্ষমপি উত্তমং কুরুতে .. ..
১১.৩০ তল্লক্ষণোঽস্থিকেতুঃ স তু রূক্ষঃ ক্ষুদ্ভযাবহঃ প্রোক্তঃ .
১১.৩০ স্নিগ্ধঃ তাদৃক্ প্রাচ্যাং শস্ত্রাখ্যো ডমরমরকায .. ..
১১.৩১ দৃশ্যোঽমাবাস্যাযাং কপালকেতুঃ সধূম্ররশ্মিশিখঃ .
১১.৩১ প্রান্নভসোঽর্ধবিচারী ক্ষুত্মরকাবৃষ্টিরোগকরঃ .. ..
১১.৩২ প্রাগ্ বৈশ্বানর ( বশ্বানর, বৈস্বানর) মার্গে শূলাগ্রঃ শ্যাবরূক্ষতাম্রার্চিঃ .
১১.৩২ নভসস্ত্রিভাগগামী রৌদ্র ইতি কপালতুল্যফলঃ .. ..
১১.৩৩ অপরস্যাং চলকেতুঃ শিখযা যাম্যাগ্রযাংগুলৌচ্ছ্রিতযা .
১১.৩৩ গচ্ছেদ্ যথা যথোদক্ তথা তথা দৈর্ঘ্যমাযাতি .. ..
১১.৩৪ সপ্তমুনীন্ সংস্পৃশ্য ধ্রুবমভিজিতমেব চ প্রতিনিবৃত্তঃ .
১১.৩৪ নভসোঽর্ধমাত্রমিত্বা যাম্যেনাস্তম্ সমুপযাতি .. ..
১১.৩৫ হন্যাত্ প্রযাগকূলাদ্ যাবদবন্তীং চ পুষ্করারণ্যং ( পুষ্করাণ্যং) .
১১.৩৫ উদগ্ অপি চ দেবিকামপি ভূযিষ্ঠং মধ্যদেশাখ্যম্ .. ..
১১.৩৬ অন্যান্ অপি স দেশান্ ক্বচিত্ ক্বচিদ্ ধন্তি রোগদুর্ভিক্ষৈঃ .
১১.৩৬ দশ মাসান্ ফলপাকোঽস্য কৈশ্চিদষ্টাদশ প্রোক্তঃ .. ..
১১.৩৭ প্রাগর্ধরাত্রদৃশ্যো যাম্যাগ্রঃ শ্বেতকেতুঃ অন্যশ্চ .
১১.৩৭ ক ইতি যুগাকৃতিঃ অপরে যুগপত্তৌ সপ্তদিনদৃশ্যৌ .. ..
১১.৩৮ স্নিগ্ধৌ সুভিক্ষশিবদাবথাধিকং দৃশ্যতে কনামা যঃ .
১১.৩৮ দশ বর্ষাণি উপতাপং জনযতি শস্ত্রপ্রকোপকৃতম্ .. ..
১১.৩৯ শ্বেত ইতি জটাকারো রূক্ষঃ শ্যাবো বিযত্ত্রিভাগগতঃ .
১১.৩৯ বিনিবর্ততেঽপসব্যং ত্রিভাগশেষাঃ প্রজাঃ কুরুতে .. ..
১১.৪০ আধূম্রযা তু শিখযা দর্শনমাযাতি কৃত্তিকাসংস্থঃ .
১১.৪০ জ্ঞেযঃ স রশ্মিকেতুঃ শ্বেতসমানং ফলং ধত্তে .. ..
১১.৪১ ধ্রুবকেতুঃ অনিযতগতিপ্রমাণবর্ণাকৃতিঃ ভবতি বিষ্বক্ .
১১.৪১ দিব্যান্তরিক্ষভৌমো ভবত্যযং স্নিগ্ধ ইষ্টফলঃ .. ..
১১.৪২ সেনাংগেষু নৃপাণাং গৃহতরুশৈলেষু চাপি দেশানাম্ .
১১.৪২ গৃহিণামুপস্করেষু চ বিনাশিনাং দর্শনং যাতি .. ..
১১.৪৩ কুমুদ ইতি কুমুদকান্তিঃ বারুণ্যাং প্রাক্ষিখো নিশামেকাম্ .
১১.৪৩ দৃষ্টঃ সুভিক্ষমতুলং দশ কিল বর্ষাণি স করোতি .. ..
১১.৪৪ সকৃদেকযামদৃশ্যঃ সুসূক্ষ্মতারোঽপরেণ মণিকেতুঃ .
১১.৪৪ ঋজ্বী শিখাস্য শুক্লা স্তনোদ্গতা ক্ষীরধারেব .. ..
১১.৪৫ উদযন্ন্ এব সুভিক্ষং চতুরো মাসান্ করোত্যসৌ সার্ধান্ .
১১.৪৫ প্রাদুর্ভাবং প্রাযঃ করোতি চ ক্ষুদ্রজন্তূনাম্ .. ..
১১.৪৬ জলকেতুঃ অপি চ পশ্চাত্ স্নিগ্ধঃ শিখযাপরেণ চৌন্নতযা .
১১.৪৬ নব মাসান্ স সুভিক্ষং করোতি শান্তিং চ লোকস্য .. ..
১১.৪৭ ভবকেতুঃ একরাত্রং দৃশ্যঃ প্রাক্ সূক্ষ্মতারকঃ স্নিগ্ধঃ .
১১.৪৭ হরিলাংগুলৌপমযা প্রদক্ষিণাবর্তযা শিখযা .. ..
১১.৪৮ যাবত এব মুহূর্তান্ দর্শনমাযাতি নির্দিশেত্মাসান্ .
১১.৪৮ তাবদতুলং সুভিক্ষং রূক্ষে প্রাণান্তিকান্ রোগান্ .. ..
১১.৪৯ অপরেণ পদ্মকেতুঃ মৃণালগৌরো ভবেন্ নিশামেকাম্ .
১১.৪৯ সপ্ত করোতি সুভিক্ষং বর্ষাণি অতিহর্ষযুক্তানি .. ..
১১.৫০ আবর্ত ইতি নিশার্ধে সব্যশিখোঽরুণনিভোঽপরে স্নিগ্ধঃ .
১১.৫০ যাবত্ ক্ষণান্ স দৃশ্যঃ তাবন্ মাসান্ সুভিক্ষকরঃ .. ..
১১.৫১ পশ্চাত্ সন্ধ্যাকালে সংবর্তো নাম ধূম্রতাম্রশিখঃ .
১১.৫১ আক্রম্য বিযত্ত্র্যংশং শূলাগ্রাবস্থিতো রৌদ্রঃ .. ..
১১.৫২ যাবত এব মুহূর্তান্ দৃশ্যো বর্ষাণি হন্তি তাবন্তি .
১১.৫২ ভূপান্ শস্ত্রনিপাতৈরুদযর্ক্ষং চাপি পীডযতি .. ..
১১.৫৩ যে শস্তাঃ তান্ হিত্বা কেতুভিঃ আধূপিতে ( আধূমিতে) ঽথবা স্পৃষ্টে .
১১.৫৩ নক্ষত্রে ভবতি বধো যেষাং রাজ্ঞাং প্রবক্ষ্যে তান্ .. ..
১১.৫৪ অশ্বিন্যামশ্মকপং ভরণীষু কিরাতপার্থিবং হন্যাত্ .
১১.৫৪ বহুলাসু কলিংগেশং রোহিণ্যাং শূরসেনপতিম্ .. ..
১১.৫৫ ঔশীনরমপি সৌম্যে জলজাজীবাধিপং তথার্দ্রাসু .
১১.৫৫ আদিত্যেঽশ্মকনাথান্ ( নাথং) পুষ্যে মঘধাধিপং হন্তি .. ..
১১.৫৬ অসিকেশং ভৌজংগে পিত্র্যে অংগং পাণ্ড্যনাথমপি ভাগ্যে .
১১.৫৬ ঔজ্জযিনিক ( ঔজ্জযনিক) মার্যম্ণে সাবিত্রে দণ্ডকাধিপতিম্ .. ..
১১.৫৭ চিত্রাসু কুরুক্ষেত্রাধিপস্য মরণং সমাদিশেত্ তজ্ঞঃ .
১১.৫৭ কাশ্মীরককাংবোজৌ নৃপতী প্রাভঞ্জনে ন স্তঃ .. ..
১১.৫৮ ইক্ষ্বাকুরলকনাথঃ ( নাথৌ, নাথো) চ হন্যতে যদি ভবেদ্ বিশাখাসু .
১১.৫৮ মৈত্রে পুণ্ড্রাধিপতিঃ জ্যেষ্ঠাসু চ ( জ্যেষ্ঠাস্বথ) সার্বভৌমবধঃ .. ..
১১.৫৯ মূলেঽন্ধ্রমদ্রকপতী জলদেবে কাশিপো মরণমেতি .
১১.৫৯ যৌধেযকার্জুনাযনশিবিচৈদ্যান্ বৈশ্বদেবে চ .. ..
১১.৬০ হন্যাত্ কৈকযনাথং পাংচনদং সিংহলাধিপং বাংগম্ .
১১.৬০ নৈমিষনৃপং কিরাতং শ্রবণাদিষু ষট্স্বিমান্ ক্রমশঃ .. ..
১১.৬১ উল্কাভিতাডিতশিখঃ শিখী শিবঃ শিবতরোঽতিদৃষ্তো ( অভিবৃষ্টো) যঃ .
১১.৬১ অশুভঃ স এব চোলাবগাণসিতহূণচীনানাম্ .. ..
১১.৬২ নম্রা যতঃ শিখিশিখাভিসৃতা যতো বা
১১.৬২ ঋক্ষং চ যত্ স্পৃশতি তত্ কথিতাংশ্চ দেশান্ .
১১.৬২ দিব্যপ্রভাবনিহতান্ স যথা গরুত্মান্
১১.৬২ ভুংক্তে গতো নরপতিঃ পরভোগিভোগান্ .. ..

অধ্যায ১২ অগস্ত্যচারাধ্যাযঃ

১২.১ সমুদ্রোঽন্তঃ শৈলৈঃ মকরনখরোত্খাতশিখরৈঃ
১২.১ কৃতঃ তোযোচ্ছিত্ত্যা সপদি সুতরাং যেন রুচিরঃ .
১২.১ পতন্ মুক্তামিশ্রৈঃ প্রবরমণিরত্নাংবুনিবহৈঃ
১২.১ সুরান্ প্রত্যাদেষ্টুং মিত ( সিত) মুকুটরত্নান্ ইব পুরা .. ..
১২.২ যেন চাংবুহরণেঽপি বিদ্রুমৈঃ ভূধরৈঃ সমণিরত্নবিদ্রুমৈঃ .
১২.২ নির্গতৈঃ তদুরগৈশ্চ রাজিতঃ সাগরোঽধিকতরং বিরাজিতঃ .. ..
১২.৩ প্রস্ফুরত্তিমিজলেভজিহ্মগঃ ক্ষিপ্তরত্ননিকরো মহোদধিঃ .
১২.৩ আপদাং পদগতোঽপি যাপিতো যেন পীতসলিলোঽমরশ্রিযম্ .. ..
১২.৪ প্রচলত্তিমিশুক্তিজশংখচিতঃ সলিলেঽপহৃতেঽপি পতিঃ সরিতাম্ .
১২.৪ সতরংগসিতোত্পলহংসভৃতঃ সরসঃ শরদীব বিভর্তি রুচিং ( রুচং) .. ..
১২.৫ তিমিসিতাংবুধরং মণিতারকং স্ফটিকচন্দ্রমনংবুশরদ্দ্যুতিঃ .
১২.৫ ফণিফণোপলরশ্মিশিখিগ্রহং কুটিলগেশবিযগ চকার যঃ .. ..
১২.৬ দিনকররথমার্গবিচ্ছিত্তযেঽভ্যুদ্যতং যচ্
চলত্শৃংগমুদ্ভ্রান্তবিদ্যাধরাংসাবসক্তপ্রিযাব্যগ্রদত্তাংকদেহাবলংবাংবরাত্য্-
( রাভি) উচ্ছ্রিতোদ্ধূযমানধ্বজৈঃ শোভিতম্ .
১২.৬ করিকটমদমিশ্ররক্তাবলেহানুবাসানুসারিদ্বিরেফাবলীনোত্তমাংগৈঃ
কৃতান্ বাণপুষ্পৈঃ ইবোত্তংসকান্ ধারযদ্ভিঃ মৃগেন্দ্রৈঃ
সনাথীকৃতান্তর্দরীনির্ঝরম্ .
১২.৬ গগনতলমিবোল্লিখন্তং প্রবৃদ্ধৈঃ
গজাকৃষ্টফুল্লদ্রুমত্রাসবিভ্রান্তমত্তদ্বিরেফাবলীহৃষ্ট ( গীত) মন্দ্রস্বনৈঃ
শৈলকূটৈঃ তরক্ষর্ক্ষশার্দূলশাখামৃগাধ্যাসিতৈঃ .
১২.৬ রহসি মদনসক্তযা রেবযা কান্তযেবোপগূঢং সুরাধ্যাসিতোদ্যানম্
অংভোঽশনানন্নমূলানিলাহারবিপ্রান্বিতং বিন্ধ্যমস্তংভযদ্ যশ্চ
তস্যোদযঃ শ্রূযতাম্ .. ..
১২.৭ উদযে চ মুনেঃ অগস্ত্যনাম্নঃ কুসমাযোগমলপ্রদূষিতানি .
১২.৭ হৃদযানি সতামিব স্বভাবাত্ পুনঃ অংবূনি ভবন্তি নির্মলানি .. ..
১২.৮ পার্শ্বদ্বযাধিষ্ঠিতচক্রবাকামাপুষ্ণতী সস্বনহংসপংক্তিম্ .
১২.৮ তাংবূলরক্তোত্কষিতাগ্রদন্তী বিভাতি যোষা ইব শরত্ ( সরিত্) সহাসা .. ..
১২.৯ ইন্দীবরাসন্নসিতোত্পলান্বিতা শরদ্ ( সরিত্) ভ্রমত্ষট্পদপংক্তিভূষিতা .
১২.৯ সভ্রূলতাক্ষেপকটাক্ষবীক্ষণা বিদগ্ধযোষা ইব বিভাতি
সস্মরা .. ..
১২.১০ ইন্দোঃ পযোদবিগমোপহিতাং বিভূতিং
১২.১০ দ্রষ্টুং তরংগবলযা কুমুদং নিশাসু .
১২.১০ উন্মীলযত্যলিনিলীনদলং সুপক্ষ্ম
১২.১০ বাপী বিলোচনমিবাসিততারকান্তম্ .. ..
১২.১১ নানাবিচিত্রাংবুজহংসকোককারণ্ডবাপূর্ণতডাগহস্তা .
১২.১১ রত্নৈঃ প্রভূতৈঃ কুসুমৈঃ ফলৈশ্চ ভূর্যচ্ছতীবার্ঘমগস্ত্যনাম্নে .. ..
১২.১২ সলিলমমরপাজ্ঞযা উজ্ঝিতং যদ্ ধনপরিবেষ্টিতমূর্তিভিঃ ভুজংগৈঃ .
১২.১২ ফণিজনিতবিষাগ্নিসংপ্রদুষ্টং ভবতি শিবং তদগস্ত্যদর্শনেন .. ..
১২.১৩ স্মরণাদপি পাপমপাকুরুতে কিমুত স্তুতিভিঃ বরুণাংগরুহঃ .
১২.১৩ মুনিভিঃ কথিতোঽস্য যথার্ঘবিধিঃ কথযামি তথৈব নরেন্দ্রহিতম্ .. ..
১২.১৪ সংখ্যাবিধানাত্ প্রতিদেশমস্য বিজ্ঞায সন্দর্শনমাদিশেজ্ঞঃ .
১২.১৪ তগৌজ্জযিন্যাং ( উজ্জযন্যাং) অগতস্য কন্যাং ভাগৈঃ স্বরাখ্যৈঃ স্ফুটভাস্করস্য .. ..
১২.১৫ ঈষত্প্রভিন্নেঽরুণরশ্মিজালৈঃ নৈশেঽন্ধকারে দিশি দক্ষিণস্যাম্ .
১২.১৫ সাংবত্সরাবেদিতদিগ্বিভাগে ভূপোঽর্ঘমুর্ব্যাং প্রযতঃ প্রযচ্ছেত্ .. ..
১২.১৬ কালোদ্ভবৈঃ সুরভিভিঃ কুসুমৈঃ ফলৈশ্চ
১২.১৬ রত্নৈশ্চ সাগরভবৈঃ কনকাংবরৈশ্চ .
১২.১৬ ধেন্বা বৃষেণ পরমান্নযুতৈশ্চ ভক্ষ্যৈঃ
১২.১৬ দধ্যক্ষতৈঃ সুরভিধূপবিলেপনৈশ্চ .. ..
১২.১৭ নরপতিঃ ইমমর্ঘং শ্রদ্দধানো দধানঃ
১২.১৭ প্রবিগতগদদোষো নির্জিতারাতিপক্ষঃ .
১২.১৭ ভবতি যদি চ দদ্যাত্ সপ্ত বর্ষাণি সম্যগ্
১২.১৭ জলনিধিরশনাযাঃ ( রসনাযাঃ) স্বামিতাং যাতি ভূমেঃ .. ..
১২.১৮ দ্বিজো যথালাভমুপাহৃতার্ঘঃ প্রাপ্নোতি বেদান্ প্রমদাশ্চ পুত্রান্ .
১২.১৮ বৈশ্যশ্চ গাং ভূরি ধনং চ শূদ্রো রোগক্ষযং ধর্মফলং চ সর্বে .. ..
১২.১৯ রোগান্ করোতি পরুষঃ কপিলঃ ত্ববৃষ্টিং
১২.১৯ ধূম্রো গবামশুভকৃত্ স্ফুরণো ভযায
১২.১৯ মাঞ্জিষ্ঠরাগসদৃশঃ ক্ষুধমাহবাংশ্চ
১২.১৯ কুর্যাদণুশ্চ পুররোধমগস্ত্যনামা .. ..
১২.২০ শাতকুংভসদৃশঃ স্ফটিকাভঃ তর্পযন্ন্ ইব মহীং কিরণাগ্রৈঃ ( কিরণৌঘৈঃ) .
১২.২০ দৃশ্যতে যদি তদা ( ততঃ) প্রচুরান্না ভূঃ ভবত্যভযরোগজনাঢ্যা .. ..
১২.২১ উল্কযা বিনিহতঃ শিখিনা বা ক্ষুদ্ভযং মরকমেব বিধত্তে ( ধত্তে) .
১২.২১ দৃশ্যতে স কিল হস্তগতেঽর্কে রোহিণীমুপগতেঽস্তমুপৈতি .. ..

অধ্যায ১৩ সপ্তর্ষিচারাধ্যাযঃ

১৩.১ সৈকাবলীব রাজতি সসিতোত্পলমালিনী সহাসেব .
১৩.১ নাথবতীব চ দিগ্ যৈঃ কৌবেরী সপ্তভিঃ মুনিভিঃ .. ..
১৩.২ ধ্রুবনাযকোপদেশান্ নরিনর্তী ( নর্ত্তী) বোত্তরা ভ্রমদ্ভিশ্চ .
১৩.২ যৈশ্চারমহং তেষাং কথযিষ্যে বৃদ্ধগর্গমতাত্ .. ..
১৩.৩ আসন্ মঘাসু মুনযঃ শাসতি পৃথ্বীং যুধিষ্ঠিরে নৃপতৌ .
১৩.৩ ষড্দ্বিকপংচদ্বিযুতঃ শককালঃ তস্য রাজ্ঞশ্চ .. ..
১৩.৪ একৈকস্মিন্ন্ ঋক্ষে শতং শতং তে চরন্তি বর্ষাণাম্ .
১৩.৪ প্রাগুদযতোঽপি অবিবরাদ্ র্জূন্ নযতি তত্র সংযুক্তাঃ
( প্রাগুত্তরতশ্চ এতে সদা উদযন্তে সসাধ্বীকাঃ) .. ..
১৩.৫ পূর্বে ভাগে ভগবান্ মরীচিঃ অপরে স্থিতো বসিষ্ঠোঽস্মাত্ .
১৩.৫ তস্যাংগিরাঃ ততোঽত্রিঃ তস্যাসন্নঃ পুলস্ত্যশ্চ .. ..
১৩.৬ পুলহঃ ক্রতুঃ ইতি ভগান্ আসন্না অনুক্রমেণ পূর্বাদ্যাত্ ( পূর্বাদ্যাঃ) .
১৩.৬ তত্র বসিষ্ঠং মুনিবরমুপাশ্রিতারুন্ধতী সাধ্বী .. ..
১৩.৭ উল্কাশনিধূমাদ্যৈঃ হতা বিবর্ণা বিরশ্মযো হ্রস্বাঃ .
১৩.৭ হন্যুঃ স্বং স্বং বর্গং বিপুলাঃ স্নিগ্ধাশ্চ তদ্বৃদ্ধ্যৈ .. ..
১৩.৮ গন্ধর্বদেবদানবমন্ত্রৌষধিসিদ্ধযক্ষনাগানাম্ .
১৩.৮ পীডাকারো মরীচিঃ জ্ঞেযো বিদ্যাধরাণাং চ .. ..
১৩.৯ শকযবনদরদপারতকাংবোজাং তাপসান্ বনোপেতান্ .
১৩.৯ হন্তি বসিষ্ঠোঽভিহতো বিবৃদ্ধিদো রশ্মিসংপন্নঃ .. ..
১৩.১০ অংগিরসো জ্ঞানযুতা ধীমন্তো ব্রাহ্মণাশ্চ নির্দিষ্টাঃ .
১৩.১০ অত্রেঃ কান্তারভবা জলজানি অংভোনিধিঃ সরিতঃ .. ..
১৩.১১ রক্ষঃপিশাচদানবদৈত্যভুজংগাঃ স্মৃতাঃ পুলস্ত্যস্য .
১৩.১১ পুলহস্য তু মূলফলং ক্রতোঃ তু যজ্ঞাঃ সযজ্ঞভৃতঃ .. ..

অধ্যায ১৪ নক্ষত্রকূর্মাধ্যাযঃ

১৪.১ নক্ষত্রত্রযবর্গৈঃ আগ্নেযাদ্যৈঃ ব্যবস্থিতৈঃ নবধা .
১৪.১ ভারতবর্ষে মধ্য ( মধ্যাত্) প্রাগাদিবিভাজিতা দেশাঃ .. ..
১৪.২ ভদ্রারিমেদমাণ্ডব্যসাল্বনীপোজ্জিহানসংখ্যাতাঃ .
১৪.২ মরুবত্সঘোষযামুনসারস্বতমত্স্যমাধ্যমিকাঃ .. ..
১৪.৩ মাথুরকোপজ্যোতিষধর্মারণ্যানি শূরসেনাশ্চ .
১৪.৩ গৌরগ্রীবোদ্দেহিকপাণ্ডুগুডাশ্বত্থপাংচালাঃ .. ..
১৪.৪ সাকেতকংককুরুকালকোটিকুকুরাশ্চ পারিযাত্রনগঃ .
১৪.৪ ঔদুংবরকাপিষ্টলগজাহ্বযাশ্চেতি মধ্যমিদম্ .. ..
১৪.৫ অথ পূর্বস্যামঞ্জনবৃষভধ্বজপদ্মমাল্যবদ্গিরযঃ .
১৪.৫ ব্যাঘ্রমুখসুহ্মকর্বটচান্দ্রপুরাঃ শূর্পকর্ণাশ্চ .. ..
১৪.৬ খসমগধশিবিরগিরিমিথিলসমতটোড্রাশ্ববদনদন্তুরকাঃ .
১৪.৬ প্রাগ্জ্যোতিষলৌহিত্যক্ষীরোদসমুদ্রপুরুষাদাঃ .. ..
১৪.৭ উদযগিরিভদ্রগৌডকপৌণ্ড্রোত্কলকাশিমেকলাংবষ্ঠাঃ .
১৪.৭ একপদতাম্রলিপ্ত ( তামলিপিত) ককোশলকা বর্ধমানাশ্চ .. ..
১৪.৮ আগ্নেয্যাং দিশি কোশলকলিংগবংগোপবংগজঠরাংগাঃ .
১৪.৮ শৌলিকবিদর্ভবত্সান্ধ্রচেদিকাশ্চ ঊর্ধ্বকণ্ঠাশ্চ .. ..
১৪.৯ বৃষনালিকেরচর্মদ্বীপা বিন্ধ্যান্তবাসিনঃ ত্রিপুরী .
১৪.৯ শ্মশ্রুধরহেমকুড্য ( কূট্য) ব্যালগ্রীবা মহাগ্রীবাঃ .. ..
১৪.১০ কিষ্কিন্ধকণ্টকস্থলনিষাদরাষ্ট্রাণি পুরিকদাশার্ণাঃ .
১৪.১০ সহ নগ্নপর্ণশবরৈঃ আশ্লেষাদ্যে ত্রিকে দেশাঃ .. ..
১৪.১১ অথ দক্ষিণেন লংকাকালাজিনসৌরিকীর্ণতালিকটাঃ .
১৪.১১ গিরিনগরমলযদর্দুরমহেন্দ্রমালিন্দ্যভরুকচ্ছাঃ .. ..
১৪.১২ কংকটকংকণ ( টংকণ) বনবাসিশিবিকফণিকারকোংকণাভীরাঃ .
১৪.১২ আকরবেণাবর্তক ( বন্তক) দশপুরগোনর্দকেরলকাঃ .. ..
১৪.১৩ কর্ণাটমহাটবিচিত্রকূটনাসিক্যকোল্লগিরিচোলাঃ .
১৪.১৩ ক্রৌংচদ্বীপজটাধরকাবের্যো রিষ্যমূকশ্চ .. ..
১৪.১৪ বৈদূর্যশংখমুক্তাত্রিবারিচরধর্মপট্টনদ্বীপাঃ .
১৪.১৪ গণরাজ্যকৃষ্ণবেল্লূরপিশিকশূর্পাদ্রিকুসুমনগাঃ .. ..
১৪.১৫ তুংববনকার্মণয ( মণেয) কযাম্যোদধিতাপসাশ্রমা ঋষিকাঃ .
১৪.১৫ কাংচীমরুচীপট্টনচের্যার্যকসিংহলা ঋষভাঃ .. ..
১৪.১৬ বলদেবপট্টনং দণ্ডকাবনতিমিংগিলাশনা ভদ্রাঃ .
১৪.১৬ কচ্ছোঽথ কুঞ্জরদরী সতাম্রপর্ণীতি বিজ্ঞেযাঃ .. ..
১৪.১৭ নৈরৃত্যাং দিশি দেশাঃ পহ্লবকাংবোজসিন্ধুসৌবীরাঃ .
১৪.১৭ বডবামুখারবাংবষ্ঠকপিলনারীমুখানর্তাঃ .. ..
১৪.১৮ ফেণগিরিযবনমার্গর ( মাকর) কর্ণপ্রাবেযপারশবশূদ্রাঃ .
১৪.১৮ বর্বরকিরাতখণ্ডক্রব্যাদা ( ক্রব্যাশ্যা) ভীরচংচূকাঃ .. ..
১৪.১৯ হেমগিরিসিন্ধুকালকরৈবতকসুরাষ্ট্রবাদরদ্রবিডাঃ .
১৪.১৯ স্বাত্যাদ্যে ভত্রিতযে জ্ঞেযশ্চ মহার্ণবোঽত্রৈব .. ..
১৪.২০ অপরস্যাং মণিমান্ মেঘবান্ বনৌঘঃ ক্ষুরার্পণোঽস্তগিরিঃ .
১৪.২০ অপরান্তকশান্তিকহৈহযপ্রশস্তাদ্রিবোক্কাণাঃ .. ..
১৪.২১ পংচনদরমঠপারততারক্ষিতিজৃংগবৈশ্যকনকশকাঃ .
১৪.২১ নির্মর্যাদা ম্লেচ্ছা যে পশ্চিমদিক্স্থিতাঃ তে চ .. ..
১৪.২২ দিশি পশ্চিমোত্তরস্যাং মাণ্ডব্যতুষার ( তুখার) তালহলমদ্রাঃ .
১৪.২২ অশ্মককুলূতহলডাঃ ( হডঃ) স্ত্রীরাজ্যনৃসিংহবনখস্থাঃ .. ..
১৪.২৩ বেণুমতী ফল্গুলুকা গুলুহা মরুকুচ্চচর্মরংগাখ্যাঃ .
১৪.২৩ একবিলোচনশূলিকদীর্ঘগ্রীবাস্যকেশাশ্চ .. ..
১৪.২৪ উত্তরতঃ কৈলাসো হিমবান্ বসুমান্ গিরিঃ ধনুষ্মাংশ্চ .
১৪.২৪ ক্রৌংচো মেরুঃ কুরবঃ তথোত্তরাঃ ক্ষুদ্রমীনাশ্চ .. ..
১৪.২৫ কৈকযবসাতিযামুনভোগপ্রস্থার্জুনাযনাগ্নীধ্রাঃ .
১৪.২৫ আদর্শান্তঃ ( আদর্শান্ত) দ্বীপিত্রিগর্ততুরগ আননাঃ শ্বমুখাঃ ( আননাশ্বমুখাঃ) .. ..
১৪.২৬ কেশধরচিপিটনাসিকদাসেরকবাটধানশরধানাঃ .
১৪.২৬ তক্ষশিলপুষ্কলাবতকৈলাবতকণ্ঠধানাশ্চ .. ..
১৪.২৭ অংবরমদ্রকমালবপৌরবকচ্ছারদণ্ডপিংগলকাঃ .
১৪.২৭ মাণহলহূণকোহলশীতকমাণ্ডব্যভূতপুরাঃ .. ..
১৪.২৮ গান্ধারযশোবতিহেমতালরাজন্যখচরগব্যাশ্চ .
১৪.২৮ যৌধেযদাসমেযাঃ শ্যামাকাঃ ক্ষেমধূর্তাশ্চ .. ..
১৪.২৯ ঐশান্যাং মেরুকনষ্টরাজ্যপশুপালকীরকাশ্মীরাঃ .
১৪.২৯ অভিসারদরদতংগণকুলূতসৈরিন্ধ্র ( ইন্ধ) বনরাষ্ট্রাঃ .. ..
১৪.৩০ ব্রহ্মপুরদার্বডামরবনরাজ্যকিরাতচীনকৌণিন্দাঃ .
১৪.৩০ ভল্লাঃ পটোল ( ভল্লাপলোল) জটাসুরকুনটখস ( কুনঠখষ) ঘোষকুচিকাখ্যাঃ .. ..
১৪.৩১ একচরণানুবিদ্ধাঃ ( অনুবিশ্বাঃ) সুবর্ণভূর্বসুধনং ( বনং) দিবিষ্ঠাশ্চ .
১৪.৩১ পৌরবচীরনিবাসি ( নিবাসন) ত্রিনেত্রমুঞ্জাদ্রিগান্ধর্বাঃ ( গন্ধর্বাঃ) .. ..
১৪.৩২ বর্গৈঃ আগ্নেযাদ্যৈঃ ক্রূরগ্রহপীডিতৈঃ ক্রমেণ নৃপাঃ .
১৪.৩২ পাংচালো মাগধিকঃ কালিংগশ্চ ক্ষযং যান্তি .. ..
১৪.৩৩ আবন্তোঽথানর্তো মৃত্যুং চাযাতি সিন্ধুসৌবীরঃ .
১৪.৩৩ রাজা চ হারহৌরো মদ্রেশোঽন্যশ্চ কৌণিন্দঃ .. ..

অধ্যায ১৫ নক্ষত্রব্যূহাধ্যাযঃ

১৫.১ আগ্নেযে সিতকুসুমাহিতাগ্নিমন্ত্রজ্ঞসূত্রভাষ্যজ্ঞাঃ .
১৫.১ আকরিকনাপিতদ্বিজঘটকারপুরোহিতাব্দজ্ঞাঃ .. ..
১৫.২ রোহিণ্যাং সুব্রতপণ্যভূপধনিযোগযুক্তশাকটিকাঃ .
১৫.২ গোবৃষজলচরকর্ষকশিলোচ্চযৈশ্বর্যসংপন্নাঃ .. ..
১৫.৩ মৃগশিরসি সুরভিবস্ত্রাব্জকুসুমফলরত্নবনচরবিহংগাঃ .
১৫.৩ মৃগসোমপীথিগান্ধর্বকামুকা লেখহারাশ্চ .. ..
১৫.৪ রৌদ্রে বধবন্ধানৃতপরদারস্তেযশাঠ্যভেদরতাঃ .
১৫.৪ তুষধান্যতীক্ষ্ণমন্ত্রাভিচারবেতালকর্মজ্ঞাঃ .. ..
১৫.৫ আদিত্যে সত্যৌদার্যশৌচকুলরূপধীযশোঽর্থযুতাঃ .
১৫.৫ উত্তমধান্যং বণিজঃ সেবাভিরতাঃ সশিল্পিজনাঃ .. ..
১৫.৬ পুষ্যে যবগোধূমাঃ শালীক্ষুবনানি মন্ত্রিণো ভূপাঃ .
১৫.৬ সলিলোপজীবিনঃ সাধবশ্চ যজ্ঞেষ্টিসক্তাশ্চ .. ..
১৫.৭ অহিদেবে কৃত্রিমকন্দমূলফলকীটপন্নগবিষাণি .
১৫.৭ পরধনহরণাভিরতাঃ তুষধান্যং সর্বভিষজশ্চ .. ..
১৫.৮ পিত্র্যে ধনধান্যাঢ্যাঃ কোষ্ঠাগারাণি পর্বতাশ্রযিণঃ .
১৫.৮ পিতৃভক্তবণিক্ষূরাঃ ক্রব্যাদাঃ স্ত্রীদ্বিষো মনুজাঃ .. ..
১৫.৯ প্রাক্ফল্গুনীষু নটযুবতিসুভগগান্ধর্বশিল্পিপণ্যানি .
১৫.৯ কর্পাসলবণমক্ষিক ( মাক্ষিক) তৈলানি কুমারকাশ্চাপি .. ..
১৫.১০ আর্যম্ণে মার্দবশৌচবিনযপাখণ্ডি ( পাষণ্ডি) দানশাস্ত্ররতাঃ .
১৫.১০ শোভনধান্যমহাধনকর্মানুরতাঃ সমনুজেন্দ্রাঃ .. ..
১৫.১১ হস্তে তস্করকুঞ্জররথিকমহামাত্রশিল্পিপণ্যানি .
১৫.১১ তুষধান্যং শ্রুতযুক্তা বণিজঃ তেজোযুতাশ্চাত্র .. ..
১৫.১২ ত্বাষ্ট্রে ভূষণমণিরাগলেখ্যগান্ধর্বগন্ধযুক্তিজ্ঞাঃ .
১৫.১২ গণিতপটুতন্তুবাযাঃ শালাক্যা রাজধান্যানি .. ..
১৫.১৩ স্বাতৌ খগমৃগতুরগা বণিজো ধান্যানি বাতবহুলানি .
১৫.১৩ অস্থিরসৌহৃদলঘুসত্ত্বতাপসাঃ পণ্যকুশলাশ্চ .. ..
১৫.১৪ ইন্দ্রাগ্নিদৈবতে রক্তপুষ্পফলশাখিনঃ সতিলমুদ্গাঃ .
১৫.১৪ কর্পাসমাষচণকাঃ পুরন্দরহুতাশভক্তাশ্চ .. ..
১৫.১৫ মৈত্রে শৌর্যসমেতা গণনাযকসাধুগোষ্ঠিযানরতাঃ .
১৫.১৫ যে সাধবশ্চ লোকে সর্বং চ শরত্সমুত্পন্নম্ .. ..
১৫.১৬ পৌরন্দরেঽতিশূরাঃ কুলবিত্তযশোঽন্বিতাঃ পরস্বহৃতঃ .
১৫.১৬ বিজিগীষবো নরেন্দ্রাঃ সেনানাং চাপি নেতারঃ .. ..
১৫.১৭ মূলে ভেষজভিষজো গণমুখ্যাঃ কুসুমমূলফলবার্তাঃ ( বার্ত্তাঃ) .
১৫.১৭ বীজানি অতিধনযুক্তাঃ ফলমূলৈঃ যে চ বর্তন্তে .. ..
১৫.১৮ আপ্যে মৃদবো জলমার্গগামিনঃ সত্যশৌচধনযুক্তাঃ .
১৫.১৮ সেতুকরবারিজীবকফলকুসুমানি অংবুজাতানি .. ..
১৫.১৯ বিশ্বেশ্বরে মহামাত্রমল্লকরিতুরগদেবতাসক্তাঃ ( ভক্তাঃ) .
১৫.১৯ স্থাবরযোধা ভোগান্বিতাশ্চ যে তেজসা ( চৌজসা) যুক্তাঃ .. ..
১৫.২০ শ্রবণে মাযাপটবো নিত্যোদ্যুক্তাশ্চ কর্মসু সমর্থাঃ .
১৫.২০ উত্সাহিনঃ সধর্মা ভাগবতাঃ সত্যবচনাশ্চ .. ..
১৫.২১ বসুভে মানোন্মুক্তাঃ ক্লীবা ( ক্লীবাঃ) চলসৌহৃদাঃ স্ত্রিযাং দ্বেষ্যাঃ ( দ্বষ্যাঃ, দ্বেষ্যাঃ) .
১৫.২১ দানাভিরতা বহুবিত্তসংযুতাঃ শমপরাশ্চ নরাঃ .. ..
১৫.২২ বরুণেশে পাশিকমত্স্যবন্ধজলজানি জলচরাজীবাঃ .
১৫.২২ সৌকরিকরজকশৌণ্ডিকশাকুনিকাশ্চাপি বর্গেঽস্মিন্ .. ..
১৫.২৩ আজে তস্করপশুপালহিংস্রকীনাশনীচশঠচেষ্টাঃ .
১৫.২৩ ধর্মব্রতৈঃ বিরহিতা নিযুদ্ধকুশলাশ্চ যে মনুজাঃ .. ..
১৫.২৪ আহির্বুধ্ন্যে ( আহির্বুধ্ন্যু) বিপ্রাঃ ক্রতুদানতপোযুতা মহাবিভবাঃ .
১৫.২৪ আশ্রমিণঃ পাখণ্ডা ( পাষণ্ডা) নরেশ্বরাঃ সারধান্যং চ .. ..
১৫.২৫ পৌষ্ণে সলিলজফলকুসুমলবণমণিশংখমৌক্তিকাব্জানি .
১৫.২৫ সুরভিকুসুমানি গন্ধা বণিজো নৌকর্ণধারাশ্চ .. ..
১৫.২৬ অশ্বিন্যামশ্বহরাঃ সেনাপতিবৈদ্যসেবকাঃ তুরগাঃ .
১৫.২৬ তুরগারোহা বণিজো ( তুরগারোহাশ্চ বনিগ্) রূপোপেতাঃ তুরগরক্ষাঃ .. ..
১৫.২৭ যাম্যেঽসৃক্পিশিতভুজঃ ক্রূরা বধবন্ধতাডনাসক্তাঃ .
১৫.২৭ তুষধান্যং নীচকুলোদ্ভবা বিহীনাশ্চ সত্ত্বেন .. ..
১৫.২৮ পূর্বাত্রযং সানলমগ্রজানাং রাজ্ঞাং তু পুষ্যেণ সহোত্তরাণি .
১৫.২৮ সপৌষ্ণমৈত্রং পিতৃদৈবতং চ প্রজাপতেঃ ভং চ কৃষীবলানাম্ .. ..
১৫.২৯ আদিত্যহস্তাভিজিদাশ্বিনানি বণিগ্জনানাং প্রবদন্তি তানি ( ভানি) .
১৫.২৯ মূলত্রিনেত্রানিলবারুণানি ভানি উগ্রজাতেঃ প্রভবিষ্ণুতাযাঃ ( তাযাং) .. ..
১৫.৩০ সৌম্যেন্দ্রচিত্রাবসুদৈবতানি সেবাজনস্বাম্যমুপাগতানি .
১৫.৩০ সার্পং বিশাখা শ্রবণো ভরণ্যশ্চণ্ডালজাতেঃ অভিনির্দিশন্তি ( ইতি নির্দশন্তি) .. ..
১৫.৩১ রবিরবিসুতভোগমাগতং ক্ষিতিসুতভেদনবক্রদূষিতম্ .
১৫.৩১ গ্রহণগতমথৌল্কযা হতং নিযতমুষাকরপীডিতং চ যত্ .. ..
১৫.৩২ তদুপহতমিতি প্রচক্ষতে প্রকৃতিবিপর্যযযাতমেব বা .
১৫.৩২ নিগদিতপরিবর্গদূষণং কথিতবিপর্যযগং সমুঋদ্ধযে .. ..

অধ্যায ১৬ গ্রহভক্তিযোগাধ্যাযঃ

১৬.১ প্রান্ নর্মদার্ধশোণৌড্রবংগসুহ্মাঃ কলিংগবাহ্লীকাঃ .
১৬.১ শকযবনমাধশবরপ্রাগ্জ্যোতিষচীনকাংবোজাঃ .. ..
১৬.২ মেকলকিরাতবিটকা বহিরন্তঃশৈলজাঃ পুলিন্দাশ্চ .
১৬.২ দ্রবিডানাং প্রাগর্ধং দক্ষিণকূলং চ যমুনাযাঃ .. ..
১৬.৩ চংপৌদুংবরকৌশাংবিচেদিবিন্ধ্যাটবীকলিংগাশ্চ .
১৬.৩ পুণ্ড্রা গোলাংগূলশ্রীপর্বতবর্ধমানানি ( মানাশ্চ) .. ..
১৬.৪ ইক্ষুমতীত্যথ তস্করপারতকান্তারগোবীজানাম্ .
১৬.৪ তুষধান্যকটুকতরুকনকদহনবিষসমরশূরাণাম্ .. ..
১৬.৫ ভেষজভিষক্চতুষ্পদকৃষিকরনৃপহিংস্রযাযিচৌরাণাম্ .
১৬.৫ ব্যালারণ্যযশোযুততীক্ষ্ণাণাং ভাস্করঃ স্বামী .. ..
১৬.৬ গিরিসলিলদুর্গকোশলভরুকচ্ছসমুদ্ররোমকতুষারাঃ ( খারাঃ) .
১৬.৬ বনবাসিতংগণহলস্ত্রীরাজ্যমহার্ণবদ্বীপাঃ .. ..
১৬.৭ মধুররসকুসুমফলসলিললবণমণিশংখমৌক্তিকাব্জানাম্ .
১৬.৭ শালিযবৌষধিগোধূমসোমপাক্রন্দবিপ্রাণাম্ .. ..
১৬.৮ সিতসুভগতুরগরতিকরযুবতিচমূনাথভোজ্যবস্ত্রাণাম্ .
১৬.৮ শৃংগিনিশাচরকার্ষকযজ্ঞবিদাং চাধিপশ্চন্দ্রঃ .. ..
১৬.৯ শোণস্য নর্মদাযা ভীমরথাযাশ্চ পশ্চিমার্ধস্থাঃ .
১৬.৯ নির্বিন্ধ্যা বেত্রবতী সিপ্রা গোদাবরী বেণা .. ..
১৬.১০ মন্দাকিনী পযোষ্ণী মহানদী সিন্ধুমালতীপারাঃ .
১৬.১০ উত্তরপাণ্ড্যমহেন্দ্রাদ্রিবিন্ধ্যমলযোপগাশ্চোলাঃ .. ..
১৬.১১ দ্রবিডবিদেহান্ধ্রাশ্মকভাসাপর ( পুর) কৌংকণাঃ সমন্ত্রিষিকাঃ .
১৬.১১ কুন্তলকেরলদণ্ডককান্তিপুরম্লেচ্ছসংকরিণঃ ( সংকরজাঃ) .. ..
( নাসিক্যভোগবর্ধনবিরাটবিন্ধ্যাদ্রিপার্শ্বগা দেশাঃ .
যে চ পিবন্তি সুতোযাং তাপীং যে চ অপি গোমতীসলিলম্ ..)
১৬.১২ নাগরকৃষিকরপারতহুতাশনাজীবিশস্ত্রবার্তানাং ( বার্ত্তানাং) .
১৬.১২ আটবিকদুর্গকর্বটবধিক ( বধক) নৃশংসাবলিপ্তানাম্ .. ..
১৬.১৩ নরপতিকুমারকুঞ্জরদাংভিকডিংভাভিঘাতপশুপানাম্ .
১৬.১৩ রক্তফলকুসুমবিদ্রুমচমূপগুডমদ্যতীক্ষ্ণানাম্ .. ..
১৬.১৪ কোশভবনাগ্নিহোত্রিকধাত্বাকরশাক্যভিক্ষুচৌরাণাম্ .
১৬.১৪ শঠদীর্ঘবৈরবহ্বাশিনাং চ বসুধাসুতোঽধিপতিঃ .. ..
১৬.১৫ লোহিত্যঃ সিন্ধুনদঃ সরযূর্গাংভীরিকা রথাখ্যা চ .
১৬.১৫ গংগাকৌশিক্যাদ্যাঃ সরিতো বৈদেহকাংবোজাঃ .. ..
১৬.১৬ মথুরাযাঃ পূর্বার্ধং হিমবদ্গোমন্তচিত্রকূটস্থাঃ .
১৬.১৬ সৌরাষ্ট্রসেতুজলমার্গপণ্যবিলপর্বতাশ্রযিণঃ .. ..
১৬.১৭ উদপানযন্ত্রগান্ধর্বলেখ্যমণিরাগগন্ধযুক্তিবিদঃ .
১৬.১৭ আলেখ্যশব্দগণিতপ্রসাধকাযুষ্যশিল্পজ্ঞাঃ .. ..
১৬.১৮ চরপুরুষকুহকজীবকশিশুকবিশঠসূচকাভিচাররতাঃ .
১৬.১৮ দূতনপুংসকহাস্যজ্ঞভূততন্ত্রেন্দ্রজাজজ্ঞাঃ .. ..
১৬.১৯ আরক্ষকনটনর্তকঘৃততৈলস্নেহবীজতিক্তানি .
১৬.১৯ ব্রতচারিরসাযনকুশলবেসরাশ্চন্দ্রপুত্রস্য .. ..
১৬.২০ সিন্ধুনদপূর্বভাগো মথুরাপশ্চার্ধভরতসৌবীরাঃ .
১৬.২০ স্রুঘ্নৌদীচ্য ( নোদীচ্য) বিপাশাসরিত্শতদ্রূ রমঠশাল্বাঃ ( সাল্বাঃ) .. ..
১৬.২১ ত্রৈগর্তপৌরবাংব ( বাংব) ষ্ঠপারতা বাটধানযৌধেযাঃ .
১৬.২১ সারস্বতার্জুনাযনমত্স্যার্ধগ্রামরাষ্ট্রাণি .. ..
১৬.২২ হস্ত্যশ্বপুরোহিতভূপমন্ত্রিমাংগল্যপৌষ্টিকাসক্তাঃ .
১৬.২২ কারুণ্যসত্যশৌচব্রতবিদ্যাদানধর্মযুতাঃ .. ..
১৬.২৩ পৌরমহাধনশব্দার্থবেদবিদুষোঽভিচারনীতিজ্ঞাঃ .
১৬.২৩ মনুজেশ্বরোপকরণম্ ছত্রধ্বজচামরাদ্যং চ .. ..
১৬.২৪ শৈলেযকু ( ক) ষ্ঠমাংসীতগরসরসেন্ধবানি বল্লীজম্ .
১৬.২৪ মধুররসমধূচ্ছিষ্টানি চোরকশ্চেতি জীবস্য .. ..
১৬.২৫ তক্ষশিলমর্তিকাবত ( মার্তিকাবত) বহুগিরিগান্ধারপুষ্কলাবতকাঃ .
১৬.২৫ প্রস্থলমালবকৈকযদাশার্ণৌশীনরাঃ শিবযঃ .. ..
১৬.২৬ যে চ পিবন্তি বিতস্তামিরাবতীং চন্দ্রভাগসরিতং চ .
১৬.২৬ রথরজতাকরকুঞ্জরতুরগমহামাত্রধনযুক্তাঃ .. ..
১৬.২৭ সুরভিকুসুমানুলেপনমণিবজ্রবিভূষণাংবুরুহশয্যাঃ .
১৬.২৭ বরতরুণযুবতিকামোপকরণমৃষ্টান্নমধুরভুজঃ .. ..
১৬.২৮ উদ্যানসলিলকামুকযশঃসুখৌদার্যরূপসংপন্নাঃ .
১৬.২৮ বিদ্বদমাত্যবণিগ্জনঘটকৃচ্চিত্রাণ্ডজাঃ ত্রিফলাঃ .. ..
১৬.২৯ কৌশেযপট্টকংবলপত্রৌর্ণিকরোধ্রপত্রচোচানি .
১৬.২৯ জাতীফলাগুরুবচাপিপ্পল্যশ্চন্দনং চ ভৃগোঃ .. ..
১৬.৩০ আনর্তার্বুদপুষ্করসৌরাষ্ট্রাভীরশূদ্ররৈবতকাঃ .
১৬.৩০ নষ্টা যস্মিন্ দেশে সরস্বতী পশ্চিমো দেশঃ .
১৬.৩১ কুরুভূমিজাঃ প্রভাসং বিদিশা বেদস্মৃতী মহীতটজাঃ .
১৬.৩১ খলমলিননীচতৈলিকবিহীনসত্ত্বৌপহতপুংস্ত্বাঃ .. ..
১৬.৩২ বান্ধন ( বন্ধন) শাকুনিকাশুচিকৈবর্তবিরূপবৃদ্ধসৌকরিকাঃ .
১৬.৩২ গণপূজ্যস্খলিতব্রতশবরপুলিন্দার্থপরিহীনাঃ .
১৬.৩৩ কটুতিক্তরসাযনবিধবযোষিতো ভুজগতস্করমহিষ্যঃ .
১৬.৩৩ খরকরভচণকবাতল ( বাতুল) নিষ্পাবাশ্চার্কপুত্রস্য .. ..
১৬.৩৪ গিরিশিখরকন্দরদরীবিনিবিষ্টা ম্লেচ্ছজাতযঃ শূদ্রাঃ .
১৬.৩৪ গোমাযুভক্ষশূলিকবোক্কাণাশ্বমুখবিকলাংগাঃ .
১৬.৩৫ কুলপাংসনহিংস্রকৃতঘ্নচৌরনিঃসত্যশৌচদানাশ্চ .
১৬.৩৫ খরচরনিযুদ্ধবিত্তীব্ররোষগর্ত্তাশ্রযা ( ভাশযা) নীচাঃ .. ..
১৬.৩৬ উপহতদাংভিকরাক্ষসনিদ্রাবহুলাশ্চ জন্তবঃ সর্বে .
১৬.৩৬ ধর্মেণ চ সংত্যক্তা মাষতিলাশ্চার্কশশিশত্রোঃ .. ..
১৬.৩৭ গিরিদুর্গপহ্লবশ্বেতহূণচোলাবগাণমরুচীনাঃ .
১৬.৩৭ প্রত্যন্তধনিমহেচ্ছব্যবসাযপরাক্রমোপেতাঃ .. ..
১৬.৩৮ পরদারবিবাদরতাঃ পররন্ধ্রকুতূহলা মদোত্সিক্তাঃ .
১৬.৩৮ মূর্খাধার্মিকবিজিগীষবশ্চ কেতোঃ সমাখ্যাতাঃ .. ..
১৬.৩৯ উদযসমযে যঃ স্নিগ্ধাংশুঃ মহান্ প্রকৃতিস্থিতো
১৬.৩৯ যদি চ ন হতো নির্ঘাতৌল্কারজোগ্রহমর্দনৈঃ .
১৬.৩৯ স্বভবনগতঃ স্বোচ্চপ্রাপ্তঃ শুভগ্রহবীক্ষিতঃ .
১৬.৩৯ স ভবতি শিবঃ তেষাং যেষাং প্রভুঃ পরিকীর্তিতঃ .. ..
১৬.৪০ অভিহিতবিপরীতলক্ষণে ( লক্ষনৈঃ) ক্ষযমুপগচ্ছতি তত্পরিগ্রহঃ .
১৬.৪০ ডমরভযগদাতুরা জনা নরপতযশ্চ ভবন্তি দুঃখিতাঃ .. ..
১৬.৪১ যদি ন রিপুকৃতং ভযং নৃপাণাং স্বসুতকৃতং নিযমাদমাত্যজং বা .
১৬.৪১ ভবতি জনপদস্য চাপ্যবৃষ্ট্যা গমনমপূর্বপুরাদ্রিনিম্নগাসু .. ..

অধ্যায ১৭ গ্রহযুদ্ধাধ্যাযঃ .

১৭.১ যুদ্ধং যথা যদা বা ভবিষ্যং ( ভবিষ্যদ্) আদিশ্যতে ত্রিকালজ্ঞৈঃ .
১৭.১ তদ্বিজ্ঞানং করণে মযা কৃতং সূর্যসিদ্ধান্তে ( সিদ্ধান্তাত্) .. ..
১৭.২ বিযতি চরতাং গ্রহাণামুপর্যুপর্যাত্মমার্গসংস্থানাম্ .
১৭.২ অতিদূরাদ্ দৃগ্বিষযে সমতামিব সংপ্রযাতানাম্ .. ..
১৭.৩ আসন্নক্রমযোগাদ্ ভেদৌল্লেখাংশুমর্দনাসব্যৈঃ ( সব্যঃ) .
১৭.৩ যুদ্ধং চতুষ্প্রকারং পরাশরাদ্যৈঃ মুনিভিরুক্তম্ .. ..
১৭.৪ ভেদে বৃষ্টিবিনাশো ভেদঃ সুহৃদাং মহাকুলানাং চ .
১৭.৪ উল্লেখে শস্ত্রভযং মন্ত্রিবিরোধঃ প্রিযান্নত্বম্ .. ..
১৭.৫ অংশুবিরোধে যুদ্ধানি ভূভৃতাং শস্ত্ররুক্ক্ষুদবমর্দাঃ .
১৭.৫ যুদ্ধে চাপ্যপসব্যে ভবন্তি যুদ্ধানি ভূপানাম্ .. ..
১৭.৬ রবিঃ আক্রন্দো মধ্যে পৌরঃ পূর্বেঽপরে স্থিতো যাযী .
১৭.৬ পৌরা বুধগুরুরবিজা নিত্যং শীতাংশুঃ আক্রন্দঃ ( আক্রন্দ্রঃ) .. ..
১৭.৭ কেতুকুজরাহুশুক্রা যাযিন এতে হতা ঘ্নন্তি ( গ্রহা হন্যুঃ) .
১৭.৭ আক্রন্দযাযিপৌরান্ জযিনো জযদাঃ ( জযদা) স্ববর্গস্য .. ..
১৭.৮ পৌরে পৌরেণ হতে পৌরাঃ পৌরান্ নৃপান্ বিনিঘ্নন্তি .
১৭.৮ এবং যায্যাক্রন্দা ( যায্যাক্রন্দৌ) নাগরযাযিগ্রহাশ্চৈব .. ..
১৭.৯ দক্ষিণদিক্স্থঃ পরুষো বেপথুঃ অপ্রাপ্য সন্নিবৃত্তোঽণুঃ .
১৭.৯ অধিরূঢো বিকৃতো নিষ্প্রভো বিবর্ণশ্চ যঃ স জিতঃ .. ..
১৭.১০ উক্তবিপরীতলক্ষণসংপন্নো জযগতো বিনির্দেশ্যঃ ( বিনির্দিষ্টঃ) .
১৭.১০ বিপুলঃ স্নিগ্ধো দ্যুতিমান্ দক্ষিণদিক্স্থোঽপি জযযুক্তঃ .. ..
১৭.১১ দ্বাবপি মযূখযুক্তৌ বিপুলৌ স্নিগ্ধৌ সমাগমে ভবতঃ .
১৭.১১ তত্র অন্যোন্যং প্রীতিঃ ( অন্যোন্যপ্রীতিঃ) বিপরীতাবাত্মপক্ষঘ্নৌ .. ..
১৭.১২ যুদ্ধং সমাগমো বা যদ্যব্যক্তৌ স্বলক্ষণৈঃ ( তু লক্ষণৈঃ) ভবতঃ .
১৭.১২ ভুবি ভূভৃতামপি তথা ফলমব্যক্তং বিনির্দেশ্যম্ .. ..
১৭.১৩ গুরুণা জিতেঽবনিসুতে বাহ্লীকা যাযিনোঽগ্নিবার্তাশ্চ ( অগ্নিবার্ত্তাশ্চ) .
১৭.১৩ শশিজেন শূরসেনাঃ কলিংগশাল্বাঃ ( সাল্বাঃ) চ পীড্যন্তে .. ..
১৭.১৪ সৌরেণারে বিজিতে জযন্তি পৌরাঃ প্রজাশ্চ সীদন্তি .
১৭.১৪ কোষ্ঠাগার ( কোষ্ঠাগার) ম্লেচ্ছক্ষত্রিযতাপশ্চ শুক্রজিতে .. ..
১৭.১৫ ভৌমেন হতে শশিজে বৃক্ষসরিত্তাপসাশ্মকনরেন্দ্রাঃ .
১৭.১৫ উত্তরদিক্স্থাঃ ক্রতুদীক্ষিতাশ্চ সন্তাপমাযান্তি .. ..
১৭.১৬ গুরুণা জিতে বুধে ( বুধে জিতে) ম্লেচ্ছশূদ্রচৌরার্থযুক্তপৌরজনাঃ .
১৭.১৬ ত্রৈগর্তপার্বতীযাঃ পীড্যন্তে কংপতে চ মহী .. ..
১৭.১৭ রবিজেন বুধে ধ্বস্তে নাবিকযোধাব্জসধনগর্ভিণ্যঃ .
১৭.১৭ ভৃগুণা জিতেঽগ্নিকোপঃ সস্যাংবুদযাযিবিধ্বংসঃ .. ..
১৭.১৮ জীবে শুক্রাভিহতে কুলূতগান্ধারকৈকযা মদ্রাঃ .
১৭.১৮ শাল্বা ( সাল্বা) বত্সা বংগা গাবঃ সস্যানি পীড্যন্তে ( নশ্যন্তি) .. ..
১৭.১৯ ভৌমেন হতে জীবে মধ্যো দেশো নরেশ্বরা গাবঃ .
১৭.১৯ সৌরেণ চার্জুনাযনবসাতিযৌধেযশিবিবিপ্রাঃ .. ..
১৭.২০ শশিতনযেনাপি জিতে বৃহস্পতৌ ম্লেচ্ছসত্যশস্ত্রভৃতঃ .
১৭.২০ উপযান্তি মধ্যদেশশ্চ সংক্ষযং যগ ভক্তিফলম্ .. ..
১৭.২১ শুক্রে বৃহস্পতিজিতে ( হতে) যাযী শ্রেষ্ঠো বিনাশমুপযাতি .
১৭.২১ ব্রহ্মক্ষত্রবিরোধঃ সলিলং চ ন বাসবঃ ত্যজতি .. ..
১৭.২২ কোশলকলিংগবংগা বত্সা মত্স্যাশ্চ মধ্যদেশযুতাঃ .
১৭.২২ মহতীং ব্রজন্তি পীডাং নপুংসকাঃ শূরসেনাশ্চ .. ..
১৭.২৩ কুজবিজিতে ভৃগুতনযে বলমুখ্যবধো নরেন্দ্রসংগ্রামাঃ .
১৭.২৩ সৌম্যেন পার্বতীযাঃ ক্ষীরবিনাশোঽল্পবৃষ্টিশ্চ .. ..
১৭.২৪ রবিজেন সিতে বিজিতে গুণমুখ্যাঃ ( গণমুখ্যাঃ) শস্ত্রজীবিনঃ ক্ষত্রম্ .
১৭.২৪ জলজাশ্চ নিপীড্যন্তে সামান্যং ভক্তিফলমন্যত্ .. ..
১৭.২৫ অসিতে সিতেন নিহতেঽর্ঘবৃদ্ধিঃ অহিবিহগমানিনাং পীডা .
১৭.২৫ ক্ষিতিজেন তংগণান্ধ্রৌড্রকাশিবাহ্লীকদেশানাম্ .. ..
১৭.২৬ সৌম্যেন পরাভূতে মন্দে অংগবণিগ্বিহংগপশুনাগাঃ .
১৭.২৬ সন্তাপ্যন্তে গুরুণা স্ত্রীবহুলা মহিষকশকাশ্চ .. ..
১৭.২৭ অযং বিশেষোঽভিহিতো হতানাং কুজজ্ঞবাগীশসিতাসিতানাম্ .
১৭.২৭ ফলং তু বাচ্যং গ্রহভক্তিতো ঽন্যদ্ যথা তথা ঘ্নন্তি হতাঃ স্বভক্তীঃ .. ..

অধ্যায ১৮ শশিগ্রহসমাগমাধ্যাযঃ

১৮.১ ভানাং যথাসংভবমুত্তরেণ যাতো গ্রহাণাং যদি বা শশাংকঃ .
১৮.১ প্রদক্ষিণং তত্শুভদং নৃপাণাং ( শুভকৃন্নরাণাং) যাম্যেন যাতো ন শিবঃ শশাংকঃ .. ..
১৮.২ চন্দ্রমা যদি কুজস্য যাত্যুদক্ পার্বতীযবলশালিনাং জযঃ .
১৮.২ ক্ষত্রিযাঃ প্রমুদিতাঃ সযাযিনো ভূরিধান্যমুদিতা বসুন্ধরা .. ..
১৮.৩ উত্তরতঃ স্বসুতস্য শশংকঃ পৌরজযায সুভিক্ষকরশ্চ .
১৮.৩ সস্যচযং কুরুতে জনহার্দিং কোশচযং চ নরাধিপতীনাম্ .. ..
১৮.৪ বৃহস্পতেরুত্তরগে শশাংকে পৌরদ্বিজক্ষত্রিযপণ্ডিতানাম্ .
১৮.৪ ধর্মস্য দেশস্য চ মধ্যমস্য বৃদ্ধিঃ সুভিক্ষং মুদিতাঃ প্রজাশ্চ .. ..
১৮.৫ ভার্গবস্য যদি যাত্যুদক্ শশী কোশযুক্তগজবাজিবৃদ্ধিদঃ .
১৮.৫ যাযিনাং চ বিজযো ধনুষ্মতাং সস্যসংপদপি চোত্তমা তদা .. ..
১৮.৬ রবিজস্য শশী প্রদক্ষিণং কুর্যাগেত্ পুরভূভৃতাং জযঃ .
১৮.৬ শকবাহ্লিকসিন্ধুপহ্লবা মুদভাজো ( মুদ্ভাজো) যবনৈঃ সমন্বিতাঃ .. ..
১৮.৭ যেষামুদগ্গচ্চ্ছতি ভগ্রহাণাং প্রালেযরশ্মিঃ নিরুপদ্রবশ্চ .
১৮.৭ তদ্দ্রব্যপৌরৈতরভক্তিদেশান্ পুষ্ণাতি যাম্যেন নিহন্তি তানি .. ..
১৮.৮ শশিনি ফলমুদক্স্থে ( উদকস্থে) যদ্ গ্রহস্যৌপদিষ্টং
১৮.৮ ভবতি তদপসব্যে সর্বমেব প্রতীপম্ .
১৮.৮ ইতি শশিসমবাযাঃ কীর্তিতা ( কীর্ত্তিতা) ভগ্রহাণাং
১৮.৮ ন খলু ভবতি যুদ্ধং সাকমিন্দোঃ গ্রহর্ক্ষৈঃ .. ..

অধ্যায ১৯ গ্রহবর্ষফলাধ্যাযঃ

১৯.১ সর্বত্র ভূঃ বিরলসস্যযুতা বনানি
১৯.১ দৈবাদ্ বিভক্ষযিষুদংষ্ট্রিসমাবৃতানি .
১৯.১ নদ্যঃ ( স্যন্দন্তি) চ নৈব হি ( চ) পযঃ প্রচুরং স্রবন্তি ( স্রবন্ত্যো)
১৯.১ রুগ্ভেষজানি ন তথাতিবলান্বিতানি .. ..
১৯.২ তীক্ষ্ণং তপত্যদিতিজঃ শিশিরেঽপি কালে
১৯.২ নাত্যংবুদা জলমুচোঽচলসন্নিকাশাঃ .
১৯.২ নষ্টপ্রভঋক্ষগণশীতকরং নভশ্চ
১৯.২ সীদন্তি তাপসকুলানি সগোকুলানি .. ..
১৯.৩ হস্ত্যশ্বপত্তিমদসহ্যবলৈরুপেতা
১৯.৩ বাণাসনাসিমুশলাতিশযাশ্চরন্তি .
১৯.৩ ঘ্নন্তো নৃপা যুধি নৃপানুচরৈশ্চ দেশান্
১৯.৩ সংবত্সরে দিনকরস্য দিনেঽথ মাসে .. ..
১৯.৪ ব্যাপ্তং নভঃ প্রচলিতাচলসন্নিকাশৈঃ
১৯.৪ ব্যালাঞ্জনালিগবলচ্ছবিভিঃ পযোদৈঃ .
১৯.৪ গাং পূরযদ্ভিঃ অখিলামমলাভিঃ অদ্ভিঃ
১৯.৪ উত্কণ্ঠিতেন ( উত্কণ্ঠকেন) গুরুণা ধ্বনিতেন চাশাঃ .. ..
১৯.৫ তোযানি পদ্মকুমুদৌত্পলবন্ত্যতীব
১৯.৫ ফুল্লদ্রুমাণি উপবনানি অলিনাদিতানি .
১৯.৫ গাবঃ প্রভূতপযসো নযনাভিরামা
১৯.৫ রামা রতৈঃ অবিরতং রমযন্তি রামান্ .. ..
১৯.৬ গোধূমশালিযবধান্যবরৈক্ষুবাটা
১৯.৬ ভূঃ পাল্যতে নৃপতিভিঃ নগরাকরাড্যা .
১৯.৬ চিত্যংকিতা ক্রতুবরেষ্টিবিঘুষ্টনাদা
১৯.৬ সংবত্সরে শিশিরগোরভিসংপ্রবৃত্তে .. ..
১৯.৭ বাতোদ্ধতশ্চরতি বহ্নিরতিপ্রচণ্ডো
১৯.৭ গ্রামান্ বনানি নগরাণি চ সন্দিধক্ষুঃ .
১৯.৭ হাহা ইতি দস্যুগণপাতহতা রটন্তি
১৯.৭ নিঃস্বীকৃতা বিপশবো ভুবি মর্ত্যসংঘাঃ .. ..
১৯.৮ অভ্যুন্নতা বিযতি সংহতমূর্তযোঽপি
১৯.৮ মুংচন্তি কুত্রচিদ্ ( ন ক্বচিদ্) অপঃ প্রচুরং পযোদাঃ .
১৯.৮ সীম্নি প্রজাতমপি শোষমুপৈতি সস্যং
১৯.৮ নিষ্পন্নমপি অবিনযাদপরে হরন্তি .. ..
১৯.৯ ভূপা ন সম্যগভিপালনসক্তচিত্তাঃ
১৯.৯ পিত্তোত্থরুক্প্রচুরতা ভুজগপ্রকোপঃ .
১৯.৯ এবংবিধৈরুপহৃতা ( উপহতা) ভবতি প্রজা ইযং
১৯.৯ সংবত্সরেঽবনিসুতস্য বিপন্নসস্যা .. ..
১৯.১০ মাযা ইন্দ্রজালকুহকাকরনাগরাণাং
১৯.১০ গান্ধর্বলেখ্যগণিতাস্ত্রবিদাং চ বৃদ্ধিঃ .
১৯.১০ পিপ্রীষযা নৃপতযোঽদ্ভুতদর্শনানি
১৯.১০ দিত্সন্তি তুষ্টিজননানি পরস্পরেভ্যঃ .. ..
১৯.১১ বার্তা ( বার্ত্তা) জগত্যবিতথা বিকলা ত্রযী চ
১৯.১১ সম্যক্ চরত্যপি মনোঃ ইব দণ্ডনীতিঃ .
১৯.১১ অধ্যক্ষর ( অধ্যক্ষরং) স্বভিনিবিষ্টধিযোঽপি ( অত্র) কেচিদ্
১৯.১১ আন্বীক্ষিকীষু চ পরং পদমীহমানাঃ .. ..
১৯.১২ হাস্যজ্ঞদূতকবিবালনপুংসকানাং
১৯.১২ যুক্তিজ্ঞসেতুজলপর্বতবাসিনাং চ .
১৯.১২ হার্দিং করোতি মৃগলাংছনজঃ স্বকেঽব্দে
১৯.১২ মাসেঽথবা প্রচুরতা ( প্রচুরতাং) ভুবি চাউষধীনাম্ .. ..
১৯.১৩ ধ্বনিরুচ্চরিতোঽধ্বরে দ্যুগামী
১৯.১৩ বিপুলো যজ্ঞমুষাং মনাংসি ভিন্দন্ .
১৯.১৩ বিচরত্যনিশং দ্বিজোত্তমানাং
১৯.১৩ হৃদযানন্দকরোঽধ্বরাংশভাজাম্ .. ..
১৯.১৪ ক্ষিতিরুত্তমসস্যবত্যনেকদ্বিপপত্ত্যশ্বধনোরুগোকুলাঢ্যা .
১৯.১৪ ক্ষিতিপৈঃ অভিপালনপ্রবৃদ্ধা দ্যুচরস্পর্ধিজনা তদা বিভাতি .. ..
১৯.১৫ বিবিধৈঃ বিযদুন্নতৈঃ পযোদৈঃ বৃতমুর্বীং পযসাভিতর্পযদ্ভিঃ .
১৯.১৫ সুররাজগুরোঃ শুভে তু ( অত্র) বর্ষে বহুসস্যা ক্ষিতিরুত্তমঋদ্ধিযুক্তা .. ..
১৯.১৬ শালীক্ষুমত্যপি ধরা ধরণীধরাভ
১৯.১৬ ধারাধরৌজ্ঝিতপযঃপরিপূর্ণবপ্রা .
১৯.১৬ শ্রীমত্সরোরুহততাংবুতডাগকীর্ণা
১৯.১৬ যোষা ইব ভাত্যভিনবাভরণৌজ্জ্বলাংগী .
১৯.১৭ ক্ষত্রং ক্ষিতৌ ক্ষপিতভূরিবলারিপক্ষম্
১৯.১৭ উদ্ঘুষ্টনৈকজযশব্দবিরাবিতাশম্ .
১৯.১৭ সংহৃষ্টশিষ্টজনদুষ্টবিনষ্টবর্গাং
১৯.১৭ গাং পালযন্ত্যবনিপা নগরাকরাঢ্যাম্ .. ..
১৯.১৮ পেপীযতে মধু মধৌ সহ কামিনীভিঃ
১৯.১৮ জেগীযতে শ্রবণহারি সবেণুবীণম্ .
১৯.১৮ বোভুজ্যতেঽতিথিসুহৃত্স্বজনৈঃ সহান্নম্
১৯.১৮ অব্দে সিতস্য মদনস্য জযাবঘোষহ্ .. ..
১৯.১৯ উদ্বৃত্তদস্যুগণভূরিরণাকুলানি
১৯.১৯ রাষ্ট্রাণি অনেকপশুবিত্তবিনাকৃতানি .
১৯.১৯ রোরূযমাণহতবন্ধুজনৈঃ জনৈশ্চ
১৯.১৯ রোগৌত্তমাকুলকুলানি বুভুক্ষযা চ .. ..
১৯.২০ বাতোদ্ধতাংবুধরবর্জিতমন্তরিক্ষম্
১৯.২০ আরুগ্ণনৈকবিটপং চ ধরাতলং দ্যৌঃ .
১৯.২০ নষ্টার্কচন্দ্রকিরণাতিরজোঽবনদ্ধা
১৯.২০ তোযাশযাশ্চ বিজলাঃ সরিতোঽপি তন্ব্যঃ .. ..
১৯.২১ জাতানি কুত্রচিদতোযতযা বিনাশম্
১৯.২১ ঋচ্ছন্তি পুষ্টিমপরাণি জলোক্ষিতানি .
১৯.২১ সস্যানি মন্দমভিবর্ষতি বৃত্রশত্রুঃ ( শত্রৌ)
১৯.২১ বর্ষে দিবাকরসুতস্য সদা প্রবৃত্তে .. ..
১৯.২২ অণুঃ অপটুমযূখো নীচগোঽন্যৈঃ জিতো বা
১৯.২২ ন সকলফলদাতা পুষ্টিদোঽতোঽন্যথা যঃ .
১৯.২২ যদশুভমশুভেঽব্দে মাসজং তস্য বৃদ্ধিঃ
১৯.২২ শুভফলমপি চৈবং যাপ্যমন্যোন্যতাযাম্ .. ..

অধ্যায ২০ গ্রহশৃংগাটকাধ্যাযঃ

২০.১ যস্যাং দিশি দৃশ্যন্তে বিশন্তি তারাগ্রহা রবিং সর্বে .
২০.১ ভবতি ভযং দিশি তস্যামাযুধকোপক্ষুধাতংকৈঃ .. ..
২০.২ চক্রধনুঃশৃংগাটকদণ্ডপুরপ্রাসবজ্রসংস্থানাঃ .
২০.২ ক্ষুদ্ ( ক্ষুদ) বৃষ্টিকরা লোকে সমরায চ মানবেন্দ্রাণাম্ .. ..
২০.৩ যস্মিন্ খাংশে দৃশ্যা গ্রহমালা দিনকরে দিনান্তগতে .
২০.৩ তত্রঽন্যো ভবতি নৃপঃ পরচক্রৌপদ্রবশ্চ মহান্ .. ..
২০.৪ তস্মিন্ন্ ( যস্মিন্ন্) ঋক্ষে কুর্যুঃ সমাগমং তজ্জনান্ গ্রহা হন্যুঃ .
২০.৪ অবিভেদিনঃ ( অবিভেদনাঃ) পরস্পরমমলমযূখাঃ শিবাঃ তেষাম্ .. ..
২০.৫ গ্রহসংবর্তসমাগমসম্মোহসমাজসন্নিপাতাখ্যাঃ .
২০.৫ কোশশ্চেত্যেতেষামভিধাস্যে লক্ষণং সফলং .. ..
২০.৬ একর্ক্ষে চত্বারঃ সহ পৌরৈঃ যাযিনোঽথবা পংচ .
২০.৬ সংবর্তো নাম ভবেত্শিখিরাহুযুতঃ স সম্মোহঃ .. ..
২০.৭ পৌরঃ পৌরসমেতো যাযী সহ যাযিনা সমাজাখ্যঃ .
২০.৭ যমজীবসংগমেঽন্যো যদ্যাগচ্ছেত্ তদা কোশঃ .. ..
২০.৮ উদিতঃ পশ্চাদেকঃ প্রাক্ চান্যো যদি স সন্নিপাতাখ্যঃ .
২০.৮ অবিকৃততনবঃ স্নিগ্ধা বিপুলাশ্চ সমাগমে ধন্যাঃ .. ..
২০.৯ সমৌ তু সংবর্তসমাগমাখ্যৌ সম্মোহকোশৌ ভযদৌ প্রজানাম্ .
২০.৯ সমাজসংজ্ঞো সুসমা প্রদিষ্টা ( সমাজ্ঞঃ সুসমঃ প্রদিষ্টো) বৈরপ্রকোপঃ খলু সন্নিপাতে .. ..