বৃহত্সংহিতা – অধ্যায় ২১-৩০

অধ্যায ২১ গর্ভলক্ষণাধ্যাযঃ

২১.১ অন্নং জগতঃ প্রাণাঃ প্রাবৃট্কালস্য চান্নমাযত্তম্ .
২১.১ যস্মাদতঃ পরীক্ষ্যঃ প্রাবৃট্কালঃ প্রযত্নেন .. ..
২১.২ তল্লক্ষণানি মুনিভিঃ যানি নিবদ্ধানি তানি দৃষ্ট্বা ইদম্ .
২১.২ ক্রিযতে গর্গপরাশরকাশ্যপবজ্রাদি ( বাত্স্যাদি) রচিতানি .. ..
২১.৩ দৈববিদবিহিতচিত্তো দ্যুনিশং যো গর্ভলক্ষণে ভবতি .
২১.৩ তস্য মুনেঃ ইব বাণী ন ভবতি মিথ্যাংবুনির্দেশে .. ..
২১.৪ কিং বাতঃ পরমন্যত্শাস্ত্রজ্যাযো ( শাস্ত্রং জ্যাযো) ঽস্তি যদ্ বিদিত্বা এব .
২১.৪ প্রধ্বংসিনি অপি কালে ত্রিকালদর্শী কলৌ ভবতি .. ..
২১.৫ কেচিদ্ বদন্তি কার্তিক ( কার্ত্তিক) শুক্লান্তমতীত্য গর্ভদিবসাঃ স্যুঃ .
২১.৫ ন চ ( তু) তন্মতং বহূনাং গর্গাদীনাং মতং বক্ষ্যে .. ..
২১.৬ মার্গশিরঃসিত ( মার্গশিরশুক্ল) পক্ষপ্রতিপত্প্রভৃতি ক্ষপাকরেঽষাঢাম্ .
২১.৬ পূর্বাং বা সমুপগতে গর্ভাণাং লক্ষণম্ জ্ঞেযম্ .. ..
২১.৭ যন্নক্ষত্রমুপগতে গর্ভশ্চন্দ্রে ভবেত্ স চন্দ্রবশাত্ .
২১.৭ পংচনবতে দিনশতে তত্রৈব প্রসবমাযাতি .. ..
২১.৮ সিতপক্ষভবাঃ কৃষ্ণে শুক্লে কৃষ্ণা দ্যুসংভবা রাত্রৌ .
২১.৮ নক্তংপ্রভবাশ্চাহনি সন্ধ্যাজাতাশ্চ সন্ধ্যাযাম্ .. ..
২১.৯ মৃগশীর্ষাদ্যা গর্ভা মন্দফলাঃ পৌষশুক্লজাতাশ্চ .
২১.৯ পৌষস্য কৃষ্ণপক্ষেণ নির্দিশেত্শ্রাবণস্য সিতম্ .. ..
২১.১০ মাঘসিতোত্থা গর্ভাঃ শ্রাবণকৃষ্ণে প্রসূতিমাযান্তি .
২১.১০ মাঘস্য কৃষ্ণপক্ষেণ নির্দিশেদ্ ভাদ্রপদশুক্লম্ .. ..
২১.১১ ফাল্গুনশুক্লসমুত্থা ভাদ্রপদস্যাসিতে বিনির্দেশ্যাঃ .
২১.১১ তস্যৈব কৃষ্ণপক্ষোদ্ভবাঃ তু যে তেঽশ্বযুক্ষুক্লে .. ..
২১.১২ চৈত্রসিতপক্ষজাতাঃ কৃষ্ণেঽশ্বযুজস্য বারিদা গর্ভাঃ .
২১.১২ চৈত্রাসিতসংভূতাঃ কার্তিকশুক্লে ( কার্ত্তিকশুক্লে) ঽভিবর্ষন্তি .. ..
২১.১৩ পূর্বোদ্ভূতাঃ পশ্চাদপরোত্থাঃ প্রাগ্ ভবন্তি জীমূতাঃ .
২১.১৩ শেষাস্বপি দিক্ষ্বেবং বিপর্যযো ভবতি বাযোশ্চ .. ..
২১.১৪ হ্লাদিমৃদূদক্ষিবশক্রদিগ্ভবো মারুতো বিযদ্বিমলম্ .
২১.১৪ স্নিগ্ধসিতবহুলপরিবেষপরিবৃতৌ হিমমযখার্কৌ ( মযূখার্কৌ) .. ..
২১.১৫ পৃথুবহুলস্নিগ্ধঘনং ঘনসূচীক্ষুরকলোহিতাভ্রযুতম্ .
২১.১৫ কাকাণ্ডমেচকাভং বিযদ্বিশুদ্ধেন্দুনক্ষত্রম্ .. ..
২১.১৬ সুরচাপমন্দ্রগর্জিতবিদ্যুত্প্রতিসূর্যকা ( সূর্যকাঃ) শুভা সন্ধ্যা .
২১.১৬ শশিশিবশক্রাশাস্থাঃ শান্তরবাঃ পক্ষিমৃগসংঘাঃ .. ..
২১.১৭ বিপুলাঃ প্রদক্ষিণচরাঃ স্নিগ্ধমযূখা গ্রহা নিরুপসর্গাঃ .
২১.১৭ তরবশ্চ নিরুপসৃষ্টাংকুরা নরচতুষ্পদা হৃষ্টাঃ .. ..
২১.১৮ গর্ভাণাং পুষ্টিকরাঃ সর্বেষামেব যোঽত্র তু বিশেষঃ .
২১.১৮ স্বর্তুস্বভাবজনিতো গর্ভবিবৃদ্ধ্যৈ ( বিবৃদ্ধৌ) তমভিধাস্যে .. ..
২১.১৯ পৌষে সমার্গশীর্ষে সন্ধ্যারাগোঽংবুদাঃ সপরিবেষাঃ .
২১.১৯ নাত্যর্থং মৃগশীর্ষে শীতং পৌষেঽতিহিমপাতঃ .. ..
২১.২০ মাঘে প্রবলো বাযুঃ তুষারকলুষদ্যুতী রবিশশাংকৌ .
২১.২০ অতিশীতং সঘনস্য চ ভানোঃ অস্তোদযৌ ধন্যৌ .. ..
২১.২১ ফাল্গুনমাসে রূক্ষশ্চণ্ডঃ পবনোঽভ্রসংপ্লবাঃ স্নিগ্ধাঃ .
২১.২১ পরিবেষাশ্চাসকলাঃ কপিলঃ তাম্রো রবিশ্চ শুভঃ .. ..
২১.২২ পবনঘনবৃষ্টিযুক্তাশ্চৈত্রে গর্ভাঃ শুভাঃ সপরিবেষাঃ .
২১.২২ ঘনপবনসলিলবিদ্যুত্স্তনিতৈশ্চ হিতায বৈশাখে .. ..
২১.২৩ মুক্তারজতনিকাশাস্তমালনীলোত্পলাঞ্জনাভাসঃ .
২১.২৩ জলচরসত্ত্বাকারা গ্রভেষু ঘনাঃ প্রভূতজলাঃ .. ..
২১.২৪ তীব্রদিবাকরকিরণাভিতাপিতা মন্দমারুতা জলদাঃ .
২১.২৪ রুষিতা ইব ধারাভিঃ বিসৃজন্ত্যংভঃ প্রস্বকালে .. ..
২১.২৫ গর্ভৌপঘাতলিংগানি উল্কাশনিপাংশুপাতদিগ্দাহঃ .
২১.২৫ ক্ষিতিকংপখপুরকীলককেতুগ্রহযুদ্ধনির্ঘাতাঃ .. ..
২১.২৬ রুধিরাদিবৃষ্টিবৈকৃতপরিঘেন্দ্রধনূংষি দর্শনং রাহোঃ .
২১.২৬ ইত্যুত্পাতৈঃ এতৈঃ ত্রিবিধৈশ্চান্যৈঃ হতো গর্ভঃ .. ..
২১.২৭ স্বর্তুস্বভাবজনিতৈঃ সামান্যৈঃ যৈশ্চ লক্ষণৈঃ বৃদ্ধিঃ .
২১.২৭ গর্ভাণাম্ বিপরীতৈঃ তৈঃ এব বিপর্যযো ভবতি .. ..
২১.২৮ ভদ্রপদাদ্বযবিশ্বাংবুদেব ( দৈব) পৈতামহেষ্বথ ঋক্ষেষু .
২১.২৮ সর্বেষ্বৃতুষু বিবৃদ্ধো গর্ভো বহুতোযদো ভবতি .. ..
২১.২৯ শতভিষগাশ্লেষার্দ্রাস্বাতিমঘাসংযুতঃ শুভো গর্ভঃ .
২১.২৯ পুষ্ণাতি বহূন্ দিবসান্ হন্ত্যুত্পাতৈঃ হতঃ ত্রিবিধৈঃ .. ..
২১.৩০ মৃগমাসাদিষ্বষ্টৌ ষট্ ষোডশ বিংশতিশ্চতুর্যুক্তা .
২১.৩০ বিংশতিঃ অথ দিবসত্রযমেকতমঋক্ষেণ পংচভ্যঃ .. ..
২১.৩১( ২১.৩৫অব্) পংচনিমিত্তৈঃ শতযোজনং তদর্ধার্ধমেকহান্যাঽতঃ .
২১.৩১( ২১.৩৫য্দ্) বর্ষতি পংচনিমিত্তাদ্ ( পংচসমন্তাদ্) রূপেণৈকেন যো গর্ভঃ .. ..
২১.৩২( ২১.৩৬অব্) দ্রোণঃ পংচনিমিত্তে গর্ভে ত্রীণি আঢকানি পবনেন .
২১.৩২( ২১.৩৬য্দ্) ষড্ বিদ্যুতা নবাভ্রৈঃ স্তনিতেন দ্বাদশ প্রসবে .. ..
২১.৩৩ ক্রূরগ্রহসংযুক্তে করকাশনিমত্স্যবর্ষদা গর্ভাঃ .
২১.৩৩ শশিনি রবৌ বা শুভসংযুতঈক্ষিতে ভূরিবৃষ্টিকরাঃ .. ..
২১.৩৪ গ্রভসমযেঽতিবৃষ্টিঃ গর্ভাভাবায নির্নিমিত্তকৃতা .
২১.৩৪ দ্রোণাষ্টাংশেঽভ্যধিকে বৃষ্টে গর্ভঃ স্রুতো ভবতি .. ..
২১.৩৫ গর্ভঃ পুষ্টঃ প্রসবে গ্রহোপঘাতাদিভিঃ যদি ন বৃষ্টঃ .
২১.৩৫ আত্মীযগর্ভসমযে করকামিশ্রং দদাত্যংভঃ .. ..
২১.৩৬ কাঠিন্যং যাতি যথা চিরকালধৃতং পযঃ পযস্বিন্যাঃ .
২১.৩৬ কালাতীতং তদ্বত্ সলিলং কাঠিন্যমুপযাতি .. ..
২১.৩৭ পবনসলিলবিদ্যুদ্গর্জিতা অভ্রান্বিতো যঃ
২১.৩৭ স ভবতি বহুতোযঃ পংচরূপাভ্যুপেতঃ .
২১.৩৭ বিসৃজতি যদি তোযং গর্ভকালেঽতিভূরি
২১.৩৭ প্রসবসমযমিত্বা শীকরাংভঃ করোতি .. ..

অধ্যায ২২ গর্ভধারণাধ্যাযঃ

২২.১ জ্যৈষ্ঠসিতেঽষ্টম্যাদ্যশ্চত্বারো বাযুধারণা দিবসাঃ .
২২.১ মৃদুশুভপবনাঃ শস্তাঃ স্নিগ্ধঘনস্থগিতগগনাশ্চ .. ..
২২.২ তত্রৈব স্বাত্যাদ্যে বৃষ্টে ভচতুষ্টযে ক্রমাত্মাসাঃ .
২২.২ শ্রাবণপূর্বা জ্ঞেযাঃ পরিস্রুতা ধারণাঃ তাঃ স্যুঃ .
২২.৩ যদি তা স্যুঃ একরূপাঃ শুভাঃ ততঃ সান্তরাঃ তু ন শিবায .
২২.৩ তস্করভযদাশ্চৌক্তাঃ ( প্রোক্তাঃ) শ্লোকাশ্চাপ্যত্র বাসিষ্ঠাঃ .. ..
২২.৪ সবিদ্যুতঃ সপৃষতঃ সপাংশূত্করমারুতাঃ .
২২.৪ সার্কচন্দ্রপরিচ্ছন্না ধারণাঃ শুভধারণাঃ .. ..
২২.৫ যদা তু বিদ্যুতঃ শ্রেষ্ঠাঃ শুভাশাঃ ( শুভাশা) প্রত্যুপস্থিতাঃ .
২২.৫ তদাপি সর্বসস্যানাং বৃদ্ধিং ব্রূযাদ্ বিচক্ষণঃ .. ..
২২.৬ সপাংশুবর্ষাঃ সাপশ্চ শুভা বালক্রিযা অপি .
২২.৬ পক্ষিণাম্ সুস্বরা বাচঃ ক্রীডা পাংশুজলাদিষু .. ..
২২.৭ রবিচন্দ্রপরীবেষাঃ স্নিগ্ধা নাত্যন্তদূষিতাঃ .
২২.৭ বৃষ্টিঃ তদাপি বিজ্ঞেযা সর্বসস্যার্থসাধিকা ( অভিবৃদ্ধযে) .. ..
২২.৮ মেঘাঃ স্নিগ্ধাঃ সংহতাশ্চ প্রদক্ষিণগতিক্রিযাঃ .
২২.৮ তদা স্যান্ মহতী বৃষ্টিঃ সর্বসস্যাভিবৃদ্ধযে ( অর্থসাধিকা) .. ..

অধ্যায ২৩ প্রবর্ষণাধ্যাযঃ

২৩.১ জ্যৈষ্ঠ্যাং সমতীতাযাং পূর্বাষাঢাদিসংপ্রবৃষ্টেন .
২৩.১ শুভমশুভং বা বাচ্যং পরিমাণং চাংভসঃ তজ্ঞৈঃ .. ..
২৩.২ হস্তবিশালং কুণ্ডকমধিকৃত্যাংবুপ্রমাণনির্দেশঃ .
২৩.২ পংচাশত্ পলমাঢকমনেন মিনুযাজ্জলং পতিতম্ .. ..
২৩.৩ যেন ধরিত্রী মুদ্রা জনিতা বা বিন্দবঃ ত্র্ণাগ্রেষু .
২৩.৩ বৃষ্টেন তেন বাচ্যং পরিমাণং বারিণঃ প্রথমম্ .. ..
২৩.৪ কেচিদ্ যথাভিবৃষ্টং দশযোজনমণ্ডলং বদন্ত্যন্যে .
২৩.৪ গর্গবসিষ্ঠপরাশরমতমেতদ্ দ্বাদশান্ ন পরম্ .. ..
২৩.৫ যেষু চ ভেষ্বভিবৃষ্টং ভূযঃ তেষ্বেব বর্ষতি প্রাযঃ .
২৩.৫ যদি নাপ্যাদিষু বৃষ্টং সর্বেষু তদা ত্বনাবৃষ্টিঃ .. ..
২৩.৬ হস্তাপ্যসৌম্যচিত্রাপৌষ্ণধনিষ্ঠাসু ষোডশ দ্রোণাঃ .
২৩.৬ শতভিষগেন্দ্রস্বাতিষু চত্বারঃ কৃত্তিকাসু দশ .. ..
২৩.৭ শ্রবণে মঘানুরাধাভরণীমূলেষু দশ চতুর্যুক্তাঃ .
২৩.৭ ফল্গুন্যাং পংচকৃতিঃ পুনর্বসৌ বিংশতিঃ দ্রোণাঃ .. ..
২৩.৮ এন্দ্রাগ্ন্যাখ্যে ( এন্দ্রাগ্নাখ্যে) বৈশ্বে চ বিংশতিঃ সার্পভে দশ ত্র্যধিকাঃ .
২৩.৮ আহির্বুধ্ন্যার্যম্ণপ্রজাপত্যেষু পংচকৃতিঃ .
২৩.৯ পংচদশাজে পুষ্যে চ কীর্তিতা বাজিভে দশ দ্বৌ চ .
২৩.৯ রৌদ্রেঽষ্টাদশ কথিতা দ্রোণা নিরুপদ্রবেষ্বেতে ( এষু) .. ..
২৩.১০ রবিরবিসুতকেতুপীডিতে ভে ক্ষিতিতনযত্রিবিধাদ্ ভূতাহতে চ .
২৩.১০ ভবতি চ ( হি) ন শিবং ন চাপি বৃষ্টিঃ শুভসহিতে নিরুপদ্রবে শিবং চ .. ..

অধ্যায ২৪ রোহিণীযোগাধ্যাযঃ

২৪.১ কনকশিলাচযবিবরজতরুকুসুমাসংগিমধুকরানুরুতে .
২৪.১ বহুবিহগকলহসুরযুবতিগীতমন্দ্রস্বনোপবনে .. ..
২৪.২ সুরনিলযশিখরিশিখরে বৃহস্পতিঃ নারদায যান্ আহ .
২৪.২ গর্গপরাশরকাশ্যপমযাশ্চ যান্ শিষ্যসংঘেভ্যঃ .. ..
২৪.৩ তান্ অবলোক্য যথাবত্ প্রাজাপত্যেন্দুসংপ্রযোগার্থান্ .
২৪.৩ অল্প ( স্বল্প) গ্রন্থেনাহং তান্ এবাভ্যুদ্যতো বক্তুম্ .. ..
২৪.৪ প্রাজেশমাষাঢতমিস্রপক্ষে ক্ষপাকরেণোপগতং সমীক্ষ্য .
২৪.৪ বক্তব্যমিষ্টং জগতোঽশুভং বা শাস্ত্রোপদেশাদ্ গ্রহচিন্তকেন .. ..
২৪.৫ যোগো যথানাগত এব বাচ্যঃ স ধিষ্ণ্যযোগঃ করণে মযোক্তঃ .
২৪.৫ চন্দ্রপ্রমাণদ্যুতিবর্ণমার্গৈরুত্পাতবাতৈশ্চ ফলং নিগদ্যং ( নিগাদ্যং) .. ..
২৪.৬ পুরাদুদগ্ যত্ ( যত্) পুরতোঽপি বা স্থলং
২৪.৬ ত্র্যহোষিতঃ তত্র হুতাশতত্পরঃ .
২৪.৬ গ্রহান্ সনক্ষত্রগণান্ সমালিখেত্
২৪.৬ সধূপপুষ্পৈঃ বলিভিশ্চ পূজযেত্ .. ..
২৪.৭ সরত্নতোযৌষধিভিশ্চতুর্দিশং
২৪.৭ তরুপ্রবালাপিহিতৈঃ সুপূজিতৈঃ .
২৪.৭ অকালমূলৈঃ কলশৈঃ অলংকৃতং
২৪.৭ কুশাস্তৃতং স্থণ্ডিলমাবসেদ্ দ্বিজঃ .. ..
২৪.৮ আলভ্য মন্ত্রেণ মহাব্রতেন
২৪.৮ বীজানি সর্বাণি নিধায কুংভে .
২৪.৮ প্লাব্যানি চামীকরদর্ভতোযৈঃ
২৪.৮ হোমো মরুদ্বারুণসোম ( সোম্য) মন্ত্রৈঃ .. ..
২৪.৯ শ্লক্ষ্ণাং পতাকামসিতাং বিদধ্যাদ্
২৪.৯ দণ্ডপ্রমাণাং ত্রিগুণোচ্ছ্রিতাং চ .
২৪.৯ আদৌ কৃতে দিগ্গ্রহণে নভস্বান্
২৪.৯ গ্রাহ্যঃ তযা যোগগতে শশাংকে .. ..
২৪.১০ তত্রার্ধমাসাঃ প্রহরৈঃ বিকল্প্যা
২৪.১০ বর্ষানিমিত্তং দিবসাঃ তদংশৈঃ .
২৪.১০ সব্যেন গচ্ছন্ শুভদঃ সদৈব
২৪.১০ যস্মিন্ প্রতিষ্ঠা বলবান্ স বাযুঃ .. ..
২৪.১১ বৃত্তে তু যোগে অংকুরিতানি যানি
২৪.১১ সন্তীহ বীজানি ধৃতানি কুংভে .
২৪.১১ যেষাং তু যোঽংশো অংকুরিতঃ তদংশঃ
২৪.১১ তেষাং বিবৃদ্ধিং সমুপৈতি নান্যঃ .. ..
২৪.১২ শান্তপক্ষিমৃগরাবিতা দিশো নির্মলং বিযদনিন্দিতোঽনিলঃ .
২৪.১২ শস্যতে শশিনি রোহিণীগতে ( রোহিণীযতে) মেঘমারুতফলানি বচ্ম্যতঃ .. ..
২৪.১৩ ক্বচিদসিতসিতৈঃ সিতৈঃ ক্বচিগ
২৪.১৩ ক্বচিদসিতৈঃ ভুজগৈঃ ইবাংবুবাহৈঃ .
২৪.১৩ বলিতজঠরপৃষ্ঠমাত্রদৃশ্যৈঃ
২৪.১৩ স্ফুরিততডিদ্রসনৈর্বৃতং বিশালৈঃ .. ..
২৪.১৪ বিকসিতকমলৌদরাবদাতৈঃ
২৪.১৪ অরুণকরদ্যুতিরঞ্জিতৌপকণ্ঠৈঃ .
২৪.১৪ ছুরিতমিব বিযদ্ঘনৈঃ বিচিত্রৈঃ
২৪.১৪ মধুকরকুংকুমকিংশুকাবদাতৈঃ .. ..
২৪.১৫ অসিতঘননিরুদ্ধমেব বা
২৪.১৫ চলিততডিত্সুরচাপচিত্রিতম্ .
২৪.১৫ দ্বিপমহিষকুলাকুলীকৃতং
২৪.১৫ বনমিব দাবপরীতমংবরম্ .. ..
২৪.১৬ অথবাঞ্জনশৈলশিলানিচযপ্রতিরূপধরৈঃ স্থগিতং গগনম্ .
২৪.১৬ হিমমৌক্তিকশংখশশাংককরদ্যুতিহারিভিঃ অংবুধরৈঃ অথবা .. ..
২৪.১৭ তডিদ্ধৈমকক্ষ্যৈঃ বলাকাগ্রদন্তৈঃ
২৪.১৭ স্রবদ্বারিদানৈশ্চলত্প্রান্তহস্তৈঃ .
২৪.১৭ বিচিত্রেন্দ্রচাপধ্বজৌচ্ছ্রাযশোভৈঃ
২৪.১৭ তমালালিনীলৈঃ বৃতং চাব্দনাগৈঃ .. ..
২৪.১৮ সন্ধ্যানুরক্তে নভসি স্থিতানাম্
২৪.১৮ ইন্দীবরশ্যামরুচাং ঘনানাম্ .
২৪.১৮ বৃন্দানি পীতাংবরবেষ্টিতস্য
২৪.১৮ কান্তিং হরেশ্চোরযতাং যদা বা .. ..
২৪.১৯ সশিখিচাতকদর্দুরনিঃস্বনৈঃ
২৪.১৯ যদি বিমিশ্রিতমন্দ্রপটুস্বনাঃ .
২৪.১৯ খমবতত্য দিগন্তবিলংবিনঃ .
২৪.১৯ সলিলদাঃ সলিলৌঘমুচঃ ক্ষিতৌ .. ..
২৪.২০ নিগদিতরূপৈঃ জলধরজালৈঃ
২৪.২০ ত্র্যহমবরুদ্ধং দ্ব্যহমথবাহঃ .
২৪.২০ যদি বিযদেবং ভবতি সুভিক্ষং
২৪.২০ মুদিতজনা চ প্রচুরজলা ভূঃ .. ..
২৪.২১ রূক্ষৈঃ অল্পৈঃ মারুতাক্ষিপ্তদেহৈঃ
২৪.২১ উষ্ট্রধ্বাংক্ষপ্রেতশাখামৃগাভৈঃ .
২৪.২১ অন্যেষাং বা নিন্দিতানাং স্বরূপৈঃ ( সরূপৈঃ)
২৪.২১ মূকৈশ্চাব্দৈঃ নো শিবং নাপি বৃষ্টিঃ .. ..
২৪.২২ বিগতঘনে বা বিযতি বিবস্বান্
২৪.২২ অমৃদুমযূখঃ সলিলকৃদেবম্ .
২৪.২২ সর ইব ফুল্লং নিশি কুমুদাঢ্যং
২৪.২২ খমুডুবিশুদ্ধং যদি চ সুবৃষ্ট্যৈ .. ..
২৪.২৩ পূর্বোদ্ভূতৈঃ সস্যনিষ্পত্তিঃ অব্দৈঃ
২৪.২৩ আগ্নেযাশাসংভবৈঃ অগ্নিকোপঃ .
২৪.২৩ যাম্যে সস্যং ক্ষীযতে নৈরৃতেঽর্ধং ( অর্ঘং অর্ধং)
২৪.২৩ পশ্চাজ্জাতৈঃ শোভনা বৃষ্টিঃ অব্দৈঃ .. ..
২৪.২৪ বাযব্যোত্থৈঃ বাতবৃষ্টিঃ ক্বচিগ
২৪.২৪ পুষ্টা বৃষ্টিঃ সৌম্যকাষ্ঠাসমুত্থৈঃ .
২৪.২৪ শ্রেষ্ঠং সস্যং স্থাণুদিক্সংপ্রবৃদ্ধৈঃ
২৪.২৪ বাযুশ্চৈবং দিক্ষু ধত্তে ফলানি .. ..
২৪.২৫ উল্কানিপাতাঃ তডিতোঽশনিশ্চ
২৪.২৫ দিগ্দাহনির্ঘাতমহীপ্রকংপাঃ .
২৪.২৫ নাদা মৃগাণাং সপতত্রিণাং চ
২৪.২৫ গ্রাহ্যা যথৈব অংবুধরাঃ তথৈব .. ..
২৪.২৬ নামাংকিতৈঃ তৈরুদগাদিকুংভৈঃ
২৪.২৬ প্রদক্ষিণং শ্রাবণমাসপূর্বৈঃ
২৪.২৬ পূর্ণৈঃ স মাসঃ সলিলস্য দাতা
২৪.২৬ স্রুতৈঃ ( স্রুতঃ) অবৃষ্টিঃ পরিকল্প্যমূনৈঃ .. ..
২৪.২৭ অন্যৈশ্চ কুংভৈঃ নৃপনামচিহ্নৈঃ
২৪.২৭ দেশাংকিতৈশ্চাপ্যপরৈঃ তথৈব
২৪.২৭ ভগ্নৈঃ স্রুতৈঃ ন্যূনজলৈঃ সুপূর্ণৈঃ
২৪.২৭ ভাগ্যানি বাচ্যানি যথানুরূপম্ .. ..
২৪.২৮ দূরগো নিকটগোঽথবা শশী
২৪.২৮ দক্ষিণে পথি যথা তথা স্থিতঃ .
২৪.২৮ রোহিণীং যদি যুনক্তি সর্বথা
২৪.২৮ কষ্টমেব জগতো বিনির্দিশেত্ .. ..
২৪.২৯ স্পৃশন্ন্ উদগ্ যাতি যদা শশাংকঃ
২৪.২৯ তদা সুবৃষ্টিঃ বহুলৌপসর্গা .
২৪.২৯ অসংস্পৃশন্ যোগমুদক্সমেতঃ
২৪.২৯ করোতি বৃষ্টিং বিপুলাং শিবং চ .. ..
২৪.৩০ রোহিণীশকটমধ্যসংস্থিতে
২৪.৩০ চন্দ্রমস্যশরণীকৃতা জনাঃ .
২৪.৩০ ক্বাপি যান্তি শিশুযাচিতাশনাঃ
২৪.৩০ সূর্যতপ্তপিঠরাংবুপাযিনঃ .. ..
২৪.৩১ উদিতং যদি শীতদীধিতিং
২৪.৩১ প্রথমং পৃষ্ঠত এতি রোহিণী .
২৪.৩১ শুভমেব তদা স্মরাতুরাঃ
২৪.৩১ প্রমদাঃ কামবশেন ( কামিবশে চ) সংস্থিতাঃ .. ..
২৪.৩২ অনুগচ্ছতি পৃষ্টতঃ শশী
২৪.৩২ যদি কামী বনিতামিব প্রিযাম্ .
২৪.৩২ মকরধ্বজবাণখেদিতাঃ
২৪.৩২ প্রমদানাং বশগাঃ তদা নরাঃ .. ..
২৪.৩৩ আগ্নেয্যাং দিশি চন্দ্রমা যদি ভবেত্ তত্রৌপসর্গো মহান্
২৪.৩৩ নৈরৃত্যাং সমুপদ্রুতানি নিধনং সস্যানি যান্তীতিভিঃ .
২৪.৩৩ প্রাজেশানিলদিক্স্থিতে হিমকরে সস্যস্য মধ্যশ্চযো
২৪.৩৩ যাতে স্থাণুদিশং গুণাঃ সুবহবঃ সস্যার্ঘবৃষ্ট্যাদযঃ ( বৃদ্ধ্যাদযঃ) .. ..
২৪.৩৪ তাডযেদ্ যদি চ যোগতারকামাবৃণোতি বপুষা যদাপি বা .
২৪.৩৪ তাডনে ভযমুশন্তি দারুণং ছাদনে নৃপবধো ( নৃপবধো) অংগনাকৃতঃ .. ..
২৪.৩৫ গোপ্রবেশসমযেগ্রতো বৃষো যাতি কৃষ্ণপশুঃ এব বা পুরঃ .
২৪.৩৫ ভূরি বারি শবলে তু মধ্যমং নো সিতেঽংবুপরিকল্পনাপরৈঃ .. ..
২৪.৩৬ দৃশ্যতে ন যদি রোহিণীযুতশ্চন্দ্রমা নভসি তোযদাবৃতে .
২৪.৩৬ রুগ্ভযং মহদুপস্থিতং তদা ভূশ্চ ভূরিজলসস্যসংযুতা .. ..

অধ্যায ২৫ স্বাতিযোগাধ্যাযঃ

২৫.১ যদ্ রোহিণীযোগফলং তদেব স্বাতাবষাঢাসহিতে চ চন্দ্রে .
২৫.১ আষাঢশুক্লে নিখিলং বিচিন্ত্যং যোঽস্মিন্ বিশেষঃ তমহং প্রবক্ষ্যে .. ..
২৫.২ স্বাতৌ নিশাংশে প্রথমেঽভিবৃষ্টে
২৫.২ সস্যানি সর্বাণি উপযান্তি বৃদ্ধিম্ .
২৫.২ ভাগে দ্বিতীযে তিলমুদ্গমাষা
২৫.২ গ্রৈষ্মং তৃতীযেঽস্তি ন শারদানি .. ..
২৫.৩ বৃষ্টেঽহ্নিভাগে প্রথমে সুবৃষ্টিঃ তদ্বদ্ দ্বিতীযে তু সকীটসর্পা .
২৫.৩ বৃষ্টিঃ তু মধ্যাপরভাগবৃষ্টে নিশ্ছিদ্রবৃষ্টিঃ দ্যুনিশং প্রবৃষ্টে .. ..
২৫.৪ সমমুত্তরেণ তারা চিত্রাযাঃ কীর্ত্যতে হ্যপাংবত্সঃ .
২৫.৪ তস্যাসন্নে চন্দ্রে স্বাতেঃ যোগঃ শিবো ভবতি .. ..
২৫.৫ সপ্তম্যাং স্বাতিযোগে যদি পততি হিমং মাঘমাসান্ধকারে
২৫.৫ বাযুঃ বা চণ্ডবেগঃ সজলজলধরো বাপি গর্জত্যজস্রম্ .
২৫.৫ বিদ্যুন্মালাকুলং বা যদি ভবতি নভো নষ্টচন্দ্রার্কতারং
২৫.৫ বিজ্ঞেযা প্রাবৃড্ এষা মুদিতজনপদা সর্বসস্যৈরুপেতা .. ..
২৫.৬ তথৈব ফাল্গুনে চৈত্রে বৈশাখস্যাসিতেঽপি বা .
২৫.৬ স্বাতিযোগং বিজানীযাদাষাঢে চ বিশেষতঃ .. ..

অধ্যায ২৬ আষাঢীযোগাধ্যাযঃ

২৬.১ আষাঢ্যাং সমতুলিতাধিবাসিতানাম্
২৬.১ অন্যেদ্যুঃ যদধিকতামুপৈতি বীজম্ .
২৬.১ তদ্বৃদ্ধিঃ ভবতি ন জাযতে যদূনং
২৬.১ মন্ত্রোঽস্মিন্ ভবতি তুলাভিমন্ত্রণায .. ..

( মন্ত্র)

২৬.২ স্তোতব্যা মন্ত্রযোগেন সত্যা দেবী সরস্বতী .
২৬.২ দর্শযিষ্যসি যত্সত্যং সত্যে সত্যব্রতা হ্যসি .. ..
২৬.৩ যেন সত্যেন চন্দ্রার্কৌ গ্রহা জ্যোতির্গণাঃ তথা .
২৬.৩ উত্তিষ্ঠন্তীহ পূর্বেণ পশ্চাদস্তং ব্রজন্তি চ .. ..
২৬.৪ যত্সত্যং সর্ববেদেষু যত্সত্যং ব্রহ্মবাদিষু .
২৬.৪ যত্সত্যং ত্রিষু লোকেষু তত্সত্যমিহ দৃশ্যতাম্ .. ..
২৬.৫ ব্রহ্মণো দুহিতাসি ত্বমাদিত্যৈতি প্রকীর্তিতা .
২৬.৫ কাশ্যপী গোত্রতশ্চৈব নামতো বিশ্রুতা তুলা .. ..
২৬.৬ ক্ষৌমং চতুঃসূত্রকসন্নিবদ্ধং
২৬.৬ ষডংগুলং শিক্যকবস্ত্রমস্যাঃ .
২৬.৬ সূত্রপ্রমাণম্ চ দশাংগুলানি
২৬.৬ ষড্ এব কক্ষ্যো ( কক্ষো) ভযশিক্যমধ্যে .. ..
২৬.৭ যাম্যে শিক্যে কাংচনং সন্নিবেশ্যং
২৬.৭ শেষদ্রব্যাণি উত্তরেঽংবূনি চৈব ( চৈবং) .
২৬.৭ তোযৈঃ কৌপ্যৈঃ সেন্ধবৈঃ ( স্যন্দিভিঃ) সারসৈশ্চ
২৬.৭ বৃষ্টিঃ ( বর্.বৃদ্ধিঃ) হীনা মধ্যমা চোত্তমা চ .. ..
২৬.৮ দন্তৈঃ নাগা গোহযাদ্যাশ্চ লোম্না
২৬.৮ হেম্না ভূপাঃ শিক্থকেন দ্বিজাদ্যাঃ .
২৬.৮ তদ্বদ্ দেশা বর্ষমাসা দিশশ্চ
২৬.৮ শেষদ্রব্যাণি আত্মরূপস্থিতানি .. ..
২৬.৯ হৈমী প্রধানা রজতেন মধ্যা তযোঃ অলাভে খদিরেণ কার্যা .
২৬.৯ বিদ্ধঃ পুমান্ যেন শরেণ সা বা তুলা প্রমাণেন ভবেদ্ বিতস্তিঃ .. ..
২৬.১০ হীনস্য নাশোঽভ্যধিকস্য বৃদ্ধিঃ তুল্যেন তুল্যং তুলিতং তুলাযাম্ .
২৬.১০ এতত্তুলাকোশরহস্যমুক্তং প্রাজেশযোগেঽপি নরো বিদধ্যাত্ .. ..
২৬.১১ স্বাতাবষাঢাস্বথ রোহিণীষু
২৬.১১ পাপগ্রহা যোগগতা ন শস্তাঃ .
২৬.১১ গ্রাহ্যং তু যোগদ্বযমপি উপোষ্য
২৬.১১ যদাধিমাসো দ্বিগুণীকরোতি .. ..
২৬.১২ ত্রযোঽপি যোগাঃ সদৃশাঃ ফলেন
২৬.১২ যদা তদা বাচ্যমসংশযেন .
২৬.১২ বিপর্যযে যত্ত্বিহ রোহিণীজং
২৬.১২ ফলং তদেবাভ্যধিকং নিগদ্যম্ .. ..
২৬.১৩ নিষ্পত্তিঃ অগ্নিকোপো বৃষ্টিঃ মন্দাথ মধ্যমা শ্রেষ্ঠা .
২৬.১৩ বহুজলপবনা পুষ্টা শুভা চ পূর্বাদিভিঃ পবনৈঃ .. ..
২৬.১৪ বৃত্তাযামাষাঢ্যাম্ কৃষ্ণচতুর্থ্যামজৈকপাদর্ক্ষে .
২৬.১৪ যদি বর্ষতি পর্জন্যঃ প্রাবৃট্ শস্তা ন চেন্ ন ততঃ .. ..
২৬.১৫ আষাঢ্যাম্ পৌর্ণমাস্যাং তু যদ্যৈশানোঽনিলো ভবেত্ .
২৬.১৫ অস্তং গচ্ছতি তীক্ষ্ণাংশৌ সস্যসংপত্তিরুত্তমা .. ..

অধ্যায ২৭ বাতচক্রাধ্যাযঃ

২৭.১ আষাঢপৌর্ণমাস্যাং তু যদ্যৈশানোঽনিলো ভবেত্ .
২৭.১ অস্তং গচ্ছতি তীক্ষ্ণাংশৌ সস্য সংপত্তিরুত্তমা .. ..
২৭.২ পূর্বঃ পূর্বসমুদ্রবীচিশিখরপ্রস্ফালনাঘূর্ণিতশ্
২৭.২ চন্দ্রার্কাংশুসটাকলাপকলিতো ( সটাভিঘাতকলিতো) বাযুঃ যদাকাশতঃ .
২৭.২ নৈকান্তস্থিতনীলমেঘপটলা ( পটলাং) শারদ্যসংবর্ধিতা ( সংবর্ধিতাং)
২৭.২ বাসন্তৌত্কটসস্যমণ্ডিততলা সর্বা মহী শোভতে ( তলাং বিদ্যাত্ তদা মেদিনীং) .. ..
২৭.৩ যদা বহ্নৌ ( অগ্নেযো) বাযুঃ বহতি গগনে খণ্ডিততনুঃ ( মলযশিখরাস্ফালনপটুঃ)
২৭.৩ প্লবত্যস্মিন্ যোগে ভগবতি পতংগে প্রবসতি .
২৭.৩ তদা নিত্যোদ্দীপ্তা জ্বলনশিখরালিংগিততলা
২৭.৩ স্বগাত্রৌচ্ছ্বাসৈঃ ( উষ্মোচ্ছাসৈঃ) বমতি বসুধা ভস্মনিকরম্ .. ..
২৭.৪ তালীপত্রলতাবিতানতরুভিঃ শাখামৃগান্নর্তযন্
২৭.৪ যোগেঽস্মিন্ প্লবতি ধ্বনিঃ সপরুষো ( ধ্বনন্সুপরুষো) বাযুঃ যদা দক্ষিণঃ .
২৭.৪ তদ্বদ্ যোগসমুত্থিতঃ তু ( সর্বোদ্যোগসমুন্নতাশ্চ) গজবত্তালাংকুশৈঃ ঘট্টিতাঃ
২৭.৪ কীনাশা ইব মন্দবারিকণিকা ( কণিকান্) মুংচন্তি মেঘাঃ তদা .. ..
২৭.৫ সূক্ষ্মৈলালবলীলবংগনিচযান্ ব্যাঘূর্ণযন্ সাগরে
২৭.৫ ভানোঃ অস্তমযে প্লবত্যবিরতো বাযুঃ যদা নৈরৃতঃ
২৭.৫ ক্ষুত্তৃষ্ণাবৃত ( তৃষ্ণামৃত) মানুষাস্থিশকলপ্রস্তারভারচ্ছদা
২৭.৫ মত্তা প্রেতবধূরিবোগ্রচপলা ভূমিঃ তদা লক্ষ্যতে .. ..
২৭.৬ যদা রেণূত্পাতৈঃ প্রবিচলসটাটোপচপলঃ ( প্রবিকটসটাটোপচপলঃ)
২৭.৬ প্রবাতঃ পশ্চাগেদ্ ( পশ্চার্ধে) দিনকরকরাপাতসমযে .
২৭.৬ তদা সস্যোপেতা প্রবরনিকরাবদ্ধসমরা ( প্রবরনৃব্রাবদ্ধসমরা)
২৭.৬ ক্ষিতিঃ স্থানস্থানেষ্ব ( ধরা স্থানে স্থানেষ্ব্) অবিরতবসামাংসরুধিরা .. ..
২৭.৭ আষাঢীপর্বকালে যদি কিরণপতেঃ অস্তকালোপপত্তৌ
২৭.৭ বাযব্যো বৃদ্ধবেগঃ পবনঘনবপুঃ পন্নগার্দ্ধানুকারি ( প্লবতি ধনরিপুঃ পন্নগাদানুকারী) .
২৭.৭ জানীযাদ্ বারিধারাপ্রমুদিতমুদিতামুক্ত ( মুদিতাং মুক্ত) মণ্ডূককণ্ঠাং
২৭.৭ সস্যৌদ্ভাসএকচিহ্নাং সুখবহুলতযা ভাগ্যসেনামিবৌর্বীম্ .. ..
২৭.৮ মেরুগ্রস্তমরীচিমণ্ডলতলে গ্রীষ্মাবসানে রবৌ
২৭.৮ বাত্যামোদিকদংবগন্ধসুরভিঃ বাযুঃ যদা চোত্তরঃ .
২৭.৮ বিদ্যুদ্ভ্রান্তিসমস্তকান্তিকলনা মত্তাঃ তদা তোযদা
২৭.৮ উন্মত্তা ইব নষ্টচন্দ্রকিরণাং গাং পূরযন্ত্যংবুভিঃ .. ..
২৭.৯ বৃত্তাযামাষাঢ্যাং কৃষ্ণচতুর্থ্যামজৈকপাদর্ক্ষে
( ঐশানো যদি শীতলোঽমরগণৈঃ সংসেব্যমানো ভবেত্) .
২৭.৯ যদি বর্ষতি পর্জন্যঃ প্রাবৃত্ শস্তা ন চেন্ ন তদা
( পুন্নাগাগুরুপারিজাতসুরভির্বাযুঃ প্রচণ্ডধ্বনিঃ .. ..
২৭.১০ নষ্টচন্দ্রার্ককিরনং নষ্টতারং ন চেন্ নভঃ ( আপূর্ণোদকযৌবনা বসুমতী সংপন্নসস্যাকুলা) .
২৭.১০ ন তাং ভদ্রপদাং মন্যে যত্র দেবো ন বর্ষতি
( ধর্মিষ্ঠাঃ প্রণতারযো নৃপতযো রক্ষন্তি বর্ণাং তদা) .. ..

অধ্যায ২৮ সদ্যোবর্ষণাধ্যাযঃ

২৮.১ বর্ষাপ্রশ্নে সলিলনিলযং রাশিমাশ্রিত্য চন্দ্রো
২৮.১ লগ্নং যাতো ভবতি যদি বা কেন্দ্রগঃ শুক্লপক্ষে .
২৮.১ সৌম্যৈঃ দৃষ্টঃ প্রচুরমুদকং পাপদৃষ্টোঽল্পমংভঃ
২৮.১ প্রাবৃট্কালে সৃজতি ন চিরাত্চন্দ্রবদ্ ভার্গবোঽপি .. ..
২৮.২ আর্দ্রং দ্রব্যং স্পৃশতি যদি বা বারি তত্সংজ্ঞকং বা
২৮.২ তোযাসন্নো ভবতি যদি বা তোযকার্যৌন্মুখো বা .
২৮.২ প্রষ্টা বাচ্যঃ সলিলমচিরাদস্তি নিঃসংশযেন
২৮.২ পৃচ্ছাকালে সলিলমিতি বা শ্রূযতে যত্র শব্দঃ .. ..
২৮.৩ উদযশিখরিসংস্থো দুর্নিরীক্ষ্যোঽতিদীপ্ত্যা
২৮.৩ দ্রুতকনকনিকাশঃ স্নিগ্ধবৈদূর্যকান্তিঃ .
২৮.৩ তদহনি কুরুতেঽংভঃ তোযকালে বিবস্বান্
২৮.৩ প্রতপতি যদি চৌচ্চৈঃ খং গতোঽতীব তীক্ষ্ণম্ .. ..
২৮.৪ বিরসমুদকং গোনেত্রাভং বিযদ্বিমলা দিশো
২৮.৪ লবণবিকৃতিঃ কাকাণ্ডাভং যদা চ ভবেত্নভঃ .
২৮.৪ পবনবিগমঃ পোপ্লূযন্তে ঝষাঃ স্থলগামিনো
২৮.৪ রসনমসকৃত্মণ্ডূকানাং জলাগমহেতবঃ .. ..
২৮.৫ মার্জারো ভৃশমবনিং নখৈঃ লিক্খন্তো ( লিখন্তে)
২৮.৫ লোহানাং মলনিচযঃ সবিস্রগন্ধঃ .
২৮.৫ রথ্যাযাং শিশুরচিতাঃ ( শিশুনিচিতাঃ) চ সেতুবন্ধাঃ .
২৮.৫ সংপ্রাপ্তং জলমচিরাত্নিবেদযন্তি .. ..
২৮.৬ গিরযোঽঞ্জনচূর্ণসন্নিভা ( অঞ্জনপুঞ্জসন্নিভা) যদি বা বাষ্পনিরুদ্ধকন্দরাঃ .
২৮.৬ কৃকবাকুবিলোচনৌপমাঃ পরিবেষাঃ শশিনশ্চ বৃষ্টিদাঃ .. ..
২৮.৭ বিনা উপঘাতেন পিপীলিকানাম্
২৮.৭ অণ্ডৌপসংক্রান্তিঃ অহিব্যবাযঃ .
২৮.৭ দ্রুমাবরোহঃ ( দ্রুমাধিরোহঃ) চ ভুজংগমানাং
২৮.৭ বৃষ্টেঃ নিমিত্তানি গবাং প্লুতং চ .. ..
২৮.৮ তরুশিখরওপগতাঃ কৃকলাসা
২৮.৮ গগনতলস্থিতদৃষ্টিনিপাতাঃ .
২৮.৮ যদি চ গবাং রবিবীক্ষণমূর্ধ্বং
২৮.৮ নিপততি বারি তদা ন চিরেণ .. ..
২৮.৯ নৈচ্ছন্তি বিনির্গমং গৃহাদ্ ধুন্বন্তি শ্রবণান্ খুরান্ অপি .
২৮.৯ পশবঃ পশুবগ কুক্কুরা ( কুর্কুরা) যদ্যংভঃ পততীতি নির্দিশেত্ .. ..
২৮.১০ যদা স্থিতা গৃহপটলেষু কুক্কুরা ( কুর্কুরা)
২৮.১০ রুদন্তি ( ভবন্তি) বা যদি বিততং বিযত্মুখাঃ ( দিবোন্মুখাঃ) .
২৮.১০ দিবা তডিদ্ যদি চ পিনাকিদিগ্ভবা
২৮.১০ তদা ক্ষমা ভবতি সমৈব বারিণা ( স আতোবারোংআ) .. ..
২৮.১১ শুককপোতবিলোচনসন্নিভো
২৮.১১ মধুনিভশ্চ যদা হিমদীধিতিঃ .
২৮.১১ প্রতিশশী চ যদা দিবি রাজতে
২৮.১১ পততি বারি তদা ন চিরেণ চ ( চিরাদ্ দিবঃ) .. ..
২৮.১২ স্তনিতং নিশি বিদ্যুতো দিবা
২৮.১২ রুধিরনিভা যদি দণ্ডবত্স্থিতাঃ .
২৮.১২ পবনঃ পুরতশ্চ শীতলো
২৮.১২ যদি সলিলস্য তদাআগমো ভবেত্ .. ..
২৮.১৩ বল্লীনাং গগনতলৌন্মুখাঃ প্রবালাঃ
২৮.১৩ স্নাযন্তে যদি জলপাংশুভিঃ বিহংগাঃ .
২৮.১৩ সেবন্তে যদি চ সরীসৃপাঃ তৃণাগ্রাণ্য্-
২৮.১৩ আসন্নো ভবতি তদা জলস্য পাতঃ .
২৮.১৪ মযূরশুকচাষচাতকসমানবর্ণা যদা
২৮.১৪ জপাকুসুমপংকজদ্যুতিমুষশ্চ সন্ধ্যাঘনাঃ .
২৮.১৪ জলোর্মিনগনক্রকচ্ছপবরাহমীনোপমাঃ
২৮.১৪ প্রভূতপুটসংচযা ন তু চিরেণ যচ্ছন্ত্যপঃ .. ..
২৮.১৫ পর্যন্তেষু সুধাশশাংকধবলা মধ্যেঽঞ্জনালিত্বিষঃ
২৮.১৫ স্নিগ্ধা নৈকপুটাঃ ক্ষরজ্জলকণাঃ সোপানবিচ্ছেদিনঃ .
২৮.১৫ মাহেন্দ্রীপ্রভবাঃ প্রযান্ত্যপরতঃ প্রাগ্ বা অংবুপাশৌদ্ভবা
২৮.১৫ যে তে বারিমুচঃ ত্যজন্তি ন চিরাদংভঃ প্রভূতং ভুবি .. ..
২৮.১৬ শক্রচাপপরিঘপ্রতিসূর্যা রোহিতোঽথ তডিতঃ পরিবেষঃ .
২৮.১৬ উদ্গমাস্তমযে যদি ভানোঃ আদিশেত্ প্রচুরমংবু তদাশু .. ..
২৮.১৭ যদি তিত্তিরপত্রনিভং গগনং
২৮.১৭ মুদিতাঃ প্রবদন্তি চ পক্ষিগণাঃ .
২৮.১৭ উদযাস্তমযে সবিতুঃ দ্যুনিশং
২৮.১৭ বিসৃজন্তি ঘনা ন চিরেণ জলম্ .. ..
২৮.১৮ যদ্যমোঘকিরণাঃ সহস্রগোঃ
২৮.১৮ অস্তভূধরকরা ইবৌচ্ছ্রিতাঃ .
২৮.১৮ ভূমং চ রসতে যদাংবুদঃ
২৮.১৮ তন্মহদ্ ভবতি বৃষ্টিলক্ষণং .. ..
২৮.১৯ প্রাবৃষি শীতকরো ভৃগুপুত্রাত্ সপ্তমরাশিগতঃ শুভদৃষ্টঃ .
২৮.১৯ সূর্যসুতান্ নবপংচমগো বা সপ্তমগশ্চ জলাআগমনায .. ..
২৮.২০ প্রাযো গ্রহাণামুদযাস্তকালে সমাগমে মণ্ডলসংক্রমে চ .
২৮.২০ পক্ষক্ষযে তীক্ষ্ণকরাযনান্তে বৃষ্টিঃ গতেঽর্কে নিযমেন চার্দ্রাম্ .. ..
২৮.২১ সমাগমে পততি জলং জ্ঞশুক্রযোঃ জ্ঞজীবযোঃ গুরুসিতযোশ্চ সংগমে .
২৮.২১ যমারযোঃ পবনহুতাশজং ভযং হ্যদৃষ্টযোঃ অসহিতযোশ্চ সদ্গ্রহৈঃ .. ..
২৮.২২ অগ্রতঃ পৃষ্ঠতো বাপি গ্রহাঃ সূর্যাবলংবিনঃ .
২৮.২২ যদা তদা প্রকুর্বন্তি মহীমেকার্ণবামিব .. ..
২৮.২৩ প্রবিশতি যদি খদ্যোতো জলদসমীপেষু রজনীষু .
২৮.২৩ কেদারপূরমধিকং বর্ষতি দেবঃ তদা ন চিরাত্ .. ..
২৮.২৪ বর্ষত্যপি রটতি যদা গোমাযুশ্চ প্রদোষবেলাযাম্ .
২৮.২৪ সপ্তাহং দুর্দিনমপি তদা পযো নাত্র সন্দেহঃ .. ..

অধ্যায ২৯ কুসুমলতাধ্যাযঃ

২৯.১ ফলকুসুমসংপ্রবৃদ্ধিং বনস্পতীনাং বিলোক্য বিজ্ঞেযম্ .
২৯.১ সুলভত্বং দ্রব্যাণাং নিষ্পত্তিশ্চাপি সস্যানাম্ .. ..
২৯.২ শালেন কলমশালী রক্তাশোকেন রক্তশালিশ্চ .
২৯.২ পাণ্ডূকঃ ক্ষীরিকযা নীলাশোকেন সূকরকঃ .. ..
২৯.৩ ন্যগ্রোধেন তু যবকঃ তিন্দুকবৃদ্ধ্যা চ ষষ্টিকো ভবতি .
২৯.৩ অশ্বত্থেন জ্ঞেযা নিষ্পত্তিঃ সর্বসস্যানাম্ .. ..
২৯.৪ জংবূভিঃ তিলমাষাঃ শিরীষবৃদ্ধ্যা চ কংগুনিষ্পত্তিঃ .
২৯.৪ গোধূমাশ্চ মধূকৈঃ যববৃদ্ধিঃ সপ্তপর্ণেন .. ..
২৯.৫ অতিমুক্তককুন্দাভ্যাং কর্পাসং সর্ষপান্ বদেদশনৈঃ .
২৯.৫ বদরীভিশ্চ কুলত্থাংশ্চিরবিল্বেন ( চিরবিল্বেন) আদিশেত্মুদ্গান্ .. ..
২৯.৬ অতসী বেতসপুষ্পৈঃ পলাশকুসুমৈশ্চ কোদ্রবা জ্ঞেযাঃ .
২৯.৬ তিলকেন শংখমৌক্তিকরজতানি অথ চৈংগুদেন শণাঃ ( শণঃ) .. ..
২৯.৭ কিরণশ্চ হস্তিকর্ণৈঃ আদেশ্যা বাজিনোঽশ্বকর্ণেন .
২৯.৭ গাবশ্চ পাটলাভিঃ কদলীভিঃ অজাবিকং ভবতি .. ..
২৯.৮ চংপককুসুমৈঃ কনকং বিদ্রুমসংপগ বন্ধুজীবেন .
২৯.৮ কুরবক ( কুরুবক) বৃদ্ধ্যা বজ্রং বৈদূর্যং নিন্দিকাবর্তৈঃ .. ..
২৯.৯ বিন্দ্যাগ সিন্ধুবারেণ মৌক্তিকং কারুকাঃ ( কুংকুমং) কুসুংভেন .
২৯.৯ রক্তোত্পলেন রাজা মন্ত্রী নীলোত্পলেনোক্তঃ .. ..
২৯.১০ শ্রেষ্ঠী সুবর্ণপুষ্পাত্ ( পুষ্পৈঃ) পদ্মৈঃ বিপ্রাঃ পুরোহিতাঃ কুমুদৈঃ .
২৯.১০ সৌগন্ধিকেন বলপতিঃ অর্কেণ হিরণ্যপরিবৃদ্ধিঃ .. ..
২৯.১১ আম্রৈঃ ক্ষেমং ভল্লাতকৈঃ ভযং পীলুভিঃ তথারোগ্যম্ .
২৯.১১ খদিরশমীভ্যাং দুর্ভিক্ষমর্জুনৈঃ শোভনা বৃষ্টিঃ .. ..
২৯.১২ পিচুমন্দনাগকুসুমৈঃ সুভিক্ষমথ মারুতঃ কপিত্থেন .
২৯.১২ নিচুলেনাবৃষ্টিভযং ব্যাধিভযং ভবতি কুটজেন .. ..
২৯.১৩ দূর্বাকুশকুসুমাভ্যামিক্ষুঃ বহ্নিশ্চ কোবিদারেণ .
২৯.১৩ শ্যামালতাভিবৃদ্ধ্যা বন্ধক্যো বৃদ্ধিমাযান্তি .. ..
২৯.১৪ যস্মিন্ কালে ( দেশে) স্নিগ্ধনিশ্ছিদ্রপত্রাঃ
২৯.১৪ সংদৃশ্যন্তে বৃক্ষগুল্মা লতাশ্চ .
২৯.১৪ তস্মিন্ বৃষ্টিঃ শোভনা সপ্রদিষ্টা
২৯.১৪ রূক্ষৈশ্ছিদ্রৈঃ অল্পমংভঃ প্রদিষ্টম্ .. ..

অধ্যায ৩০ সন্ধ্যালক্ষণাধ্যাযঃ

৩০.১ অর্ধাস্তমিতানুদিতাত্ সূর্যাদস্পষ্টভং নভো যাবত্ .
৩০.১ তাবত্ সন্ধ্যাকালশ্চিহ্নৈঃ এতৈঃ ফলং চাস্মিন্ .. ..
৩০.২ মৃগশকুনি ( শকুন) পবনপরিবেষপরিধিপরিঘাভ্রবৃক্ষসুরচাপৈঃ .
৩০.২ গন্ধর্বনগররবিকরদণ্ডরজঃ স্নেহবর্ণৈশ্চ .. ..
৩০.৩ ভৈরবমুচ্চৈঃ বিরুবন্ মৃগোঽসকৃদ্ গ্রামঘাতমাচষ্টে .
৩০.৩ রবিদীপ্তো দক্ষিণতো মহাস্বনঃ সৈন্যঘাতকরঃ .. ..
৩০.৪ অপসব্যে সংগ্রামঃ সব্যে সেনাসমাগমঃ শান্তে .
৩০.৪ মৃগচক্রে পবনে বা সন্ধ্যাযাং মিশ্রগে বৃষ্টিঃ .. ..
৩০.৫ দীপ্তমৃগাণ্ডজবিরুতা প্রাক্ সন্ধ্যা দেশনাশমাখ্যাতি .
৩০.৫ দক্ষিণদিক্স্থৈঃ বিরুতা গ্রহণায পুরস্য দীপ্তাস্যৈঃ .. ..
৩০.৬ গৃহতরুতোরণমথনে সপাংশুলোষ্টৌত্করেঽনিলে প্রবলে .
৩০.৬ ভৈরবরাবে রূক্ষে খগপাতিনি চাশুভা সন্ধ্যা .. ..
৩০.৭ মন্দপবনাবঘট্টিতচলিতপলাশদ্রুমা বিপবনা বা .
৩০.৭ মধুরস্বরশান্তবিহংগমৃগরুতা পূজিতা সন্ধ্যা .. ..
৩০.৮ সন্ধ্যাকালে স্নিগ্ধা দণ্ডতডিত্মত্স্যপরিধিপরিবেষাঃ .
৩০.৮ সুরপতিচাপৈরাবতরবিকিরণাশ্চাশু বৃষ্টিকরঃ .. ..
৩০.৯ বিচ্ছিন্নবিষমবিধ্বস্তবিকৃতকুটিলাপসব্যপরিবৃত্তাঃ .
৩০.৯ তনুহ্রস্ববিকলকলুষাশ্চ বিগ্রহাবৃষ্টিদাঃ কিরণাঃ .. ..
৩০.১০ উদ্দ্যোতিনঃ প্রসন্না ঋজবো দীর্ঘাঃ প্রদক্ষিণাবর্তাঃ .
৩০.১০ কিরণাঃ শিবায জগতো বিতমস্কে নভসি ভানুমতঃ .. ..
৩০.১১ শুক্লাঃ করা দিনকৃতো দিবাদিমধ্যান্তগামিনঃ স্নিগ্ধাঃ .
৩০.১১ অব্যুচ্ছিন্না ঋজবো বৃষ্টিকরাঃ তে ত্ব ( হি) অমোঘাখ্যাঃ .. ..
৩০.১২ কল্মাষবভ্রুকপিলা বিচিত্রমাঞ্জিষ্ঠহরিতশবলাভাঃ .
৩০.১২ ত্রিদিবানুবন্ধিনোঽবৃষ্টযেঽল্পভযদাঃ তু সপ্তাহাত্ .. ..
৩০.১৩ তাম্রা বলপতিমৃত্যুং পীতারুণসন্নিভাশ্চ তদ্ ব্যসনম্ .
৩০.১৩ হরিতাঃ পশুসস্যবধং ধূমসবর্ণা গবাং নাশম্ .. ..
৩০.১৪ মাঞ্জিষ্টাভাঃ শস্ত্রাগ্নিসংভ্রমং বভ্রবঃ পবনবৃষ্টিম্ .
৩০.১৪ ভস্মসদৃশাঃ ত্ববৃষ্টিং তনুভাবং শবলকল্মাষাঃ .. ..
৩০.১৫ বন্ধূকপুষ্পাঞ্জনচূর্ণসন্নিভং
৩০.১৫ সান্ধ্যং রজোঽভ্যেতি যদা দিবাকরম্ .
৩০.১৫ লোকাঃ তদা রোগশতৈঃ নিপীড্যতে
৩০.১৫ শুক্লং রজো লোকবিবৃদ্ধিশান্তযে .. ..
৩০.১৬ রবিকিরণজলদমরুতাং সংঘাতো দণ্ডবত্ স্থিতো দণ্ডঃ .
৩০.১৬ স বিদিক্স্থিতো নৃপাণামশুভো দিক্ষু দ্বিজাদীনাম্দ্বিজাতীনাং) .. ..
৩০.১৭ শস্ত্রভযাতংককরো দৃষ্টঃ প্রান্মধ্যসন্ধিষু দিনস্য .
৩০.১৭ শুক্লাদ্যো বিপ্রাদীন্ যদভিমুখঃ তাং নিহন্তি দিশম্ .. ..
৩০.১৮ দধিসদৃশাগ্রো নীলো ভানুচ্ছাদী খমধ্যগোভ্রতরুঃ .
৩০.১৮ পীতচ্ছুরিতাশ্চ ঘনা ঘনমূলা ভূরিবৃষ্টিকরাঃ .. ..
৩০.১৯ অনুলোমগেঽভ্রবৃক্ষে শমং গতে যাযিনো নৃপস্য বধঃ .
৩০.১৯ বালতরুপ্রতিরূপিণি যুবরাজামাত্যযোঃ মৃত্যুঃ .. ..
৩০.২০ কুবলযবৈদূর্যাংবুজকিঞ্জল্কাভা প্রভঞ্জনৌন্মুক্তা .
৩০.২০ সন্ধ্যা করোতি বৃষ্টিং রবিকিরণৌদ্ভাসিতা সদ্যঃ .. ..
৩০.২১ অশুভাকৃতিঘনগন্ধর্বনগরনীহারধূমপাংশুযুতা ( পাংশুধূমযুতা) .
৩০.২১ প্রাবৃষি করোত্যবগ্রহমন্যতৌ শস্ত্রকোপকরী .. ..
৩০.২২ শিশিরাদিষু বর্ণাঃ শোণপীতসিতচিত্রপদ্মরুধিরনিভাঃ .
৩০.২২ প্রকৃতিভবাঃ সন্ধ্যাযাং স্বর্তৌ শস্তা বিকৃতিঃ অন্যা .. ..
৩০.২৩ আযুধভৃন্ নররূপং ছিন্নাভ্রং পরভযায রবিগামি .
৩০.২৩ সিতখপুরেঽর্কাক্রান্তে পুরলাভো ভেদনে নাশঃ .. ..
৩০.২৪ সিতসিতান্তঘনাবরণং রবেঃ
৩০.২৪ ভবতি বৃষ্টিকরং যদি সব্যতঃ .
৩০.২৪ যদি চ বীরণগুল্মনিভৈঃ ঘনৈঃ
৩০.২৪ দিবসভর্তুঃ অদীপ্তদিগুদ্ভবৈঃ .. ..
৩০.২৫ নৃপবিপত্তিকরঃ পরিঘঃ সিতঃ ক্ষতজতুল্যবপুঃ বলকোপকৃত্ .
৩০.২৫ কনকরূপধরো বলবৃদ্ধিদঃ সবিতুরুদ্গমকালসমুত্থিতঃ .. ..
৩০.২৬ উভযপার্শ্বগতৌ পরিধী রবেঃ
৩০.২৬ প্রচুরতোযকরৌ ( কৃতৌ) বপুষান্বিতৌ .
৩০.২৬ অথ স মস্তককুপ্পরিচারিণঃ
৩০.২৬ পরিধযোঽস্তি কণোঽপি ন বারিণঃ .. ..
৩০.২৭ ধ্বজাতপত্রপর্বতদ্বিপাশ্বরূপধারিণঃ .
৩০.২৭ জযায সন্ধ্যযোঃ ঘনা রণায রক্তসন্নিভাঃ .. ..
৩০.২৮ পলালধূমসংচযস্থিতৌপমা বলাহকাঃ .
৩০.২৮ বলান্যরূক্ষমূর্তযো বিবর্ধযন্তি ভূভৃতাম্ .. ..
৩০.২৯ বিলংবিনো দ্রুমৌপমাঃ খরারুণপ্রকাশিনঃ .
৩০.২৯ ঘনাঃ শিবায সন্ধ্যযোঃ পুরৌপমাঃ শুভাবহাঃ .. ..
৩০.৩০ দীপ্তবিহংগশিবামৃগঘুষ্টা দণ্ডরজঃপরিঘাদিযুতা চ .
৩০.৩০ প্রত্যহমর্কবিকারযুতা বা দেশনরেশসুভিক্ষবধায .. ..
৩০.৩১ প্রাচী তত্ক্ষণমেব নক্তমপরা সন্ধ্যা ত্র্যহাদ্ বা ফলং
৩০.৩১ সপ্তাহাত্ পরিবেষরেণুপরিঘাঃ কুর্বন্তি সদ্যো ন চেত্ .
৩০.৩১ তদ্বত্ সূর্যকরেন্দ্রকার্মুকতডিত্প্রত্যর্কমেঘানিলাঃ
৩০.৩১ তস্মিন্ন্ এব দিনেঽষ্টমেঽথ বিহগাঃ সপ্তাহপাকা মৃগাঃ .. ..
৩০.৩২ একং দীপ্ত্যা যোজনং ভাতি সন্ধ্যা
৩০.৩২ বিদ্যুদ্ভাসা ষট্ প্রকাশীকরোতি .
৩০.৩২ পংচাব্দানাং গর্জিতং যাতি শব্দো
৩০.৩২ নাস্তীযত্তা কেচিদ্ ( কাচিদ্) উল্কানিপাতে .. ..
৩০.৩৩ প্রত্যর্কসংজ্ঞঃ পরিধিঃ তু তস্য
৩০.৩৩ ত্রিযোজনাভঃ ( ত্রিযোজনা ভা) পরিঘস্য পংচ .
৩০.৩৩ ষট্পংচদৃশ্যং পরিবেষচক্রং
৩০.৩৩ দশামরেশস্য ধনুঃ বিভাতি .. ..