বৃহত্সংহিতা – অধ্যায় ৩১-৪০

অধ্যায ৩১ দিগ্দাহলক্ষণাধ্যাযঃ

৩১.১ দাহো দিশাং রাজভযায পীতো দেশস্য নাশায হুতাশবর্ণঃ .
৩১.১ যশ্চারুণঃ স্যাদপসব্যবাযুঃ সস্যস্য নাশং স করোতি দৃষ্টঃ .. ..
৩১.২ যোঽতীব দীপ্ত্যা কুরুতে প্রকাশং
৩১.২ ছাযামপি ব্যঞ্জযতেঽর্কবদ্ যঃ .
৩১.২ রাজ্ঞো মহদ্ বেদযতে ভযং স
৩১.২ শস্ত্রপ্রকোপং ক্ষতজানুরূপঃ .. ..
৩১.৩ প্রাক্ ক্ষত্রিযাণাং সনরেশ্বরাণাং
৩১.৩ প্রাগ্ দক্ষিণে শিল্পিকুমারপীডা .
৩১.৩ যাম্যে সহোগ্রৈঃ পুরুষৈঃ তু বৈশ্যা
৩১.৩ দূতাঃ পুনঃ ভূপ্রমদাশ্চ কোণে .. ..
৩১.৪ পশ্চাত্ তু শূদ্রাঃ কৃষিজীবিনশ্চ
৩১.৪ চৌরাঃ তুরংগৈঃ সহ বাযুদিক্স্থে
৩১.৪ পীডাং ব্রজন্ত্যুত্তরতশ্চ বিপ্রাঃ
৩১.৪ পাখণ্ডিনো ( পাষণ্ডিনো) বাণিজকাশ্চ শার্ব্যাম্ .. ..
৩১.৫ নভঃ প্রসন্নং বিমলানি ভানি
৩১.৫ প্রদক্ষিণং বাতি সদাগতিশ্চ .
৩১.৫ দিশাং চ দাহঃ কনকাবদাতো
৩১.৫ হিতায লোকস্য সপার্থিবস্য .. ..

অধ্যায ৩২ ভূকংপলক্ষণাধ্যাযঃ

৩২.১ ক্ষিতিকংপমাহুঃ একে বৃহদন্তর্জলনিবাসিসত্ত্বকৃতম্ .
৩২.১ ভূভারখিন্নদিগ্গজবিশ্রামসমুদ্ভবং চান্যে .. ..
৩২.২ অনিলোঽনিলেন নিহতঃ ক্ষিতৌ পতন্ সস্বনং করোত্যন্যে ( একে) .
৩২.২ কেচিত্ ত্বদৃষ্টকারিতমিদমন্যে প্রাহুঃ আচার্যাঃ .. ..
৩২.৩ গিরিভিঃ পুরা সপক্ষৈঃ বসুধা প্রপতদ্ভিরুত্পদ্ভিশ্চ .
৩২.৩ আকংপিতা পিতামহমাহামরসদসি সব্রীডম্ .. ..
৩২.৪ ভগবন্ নাম মমএতত্ত্বযা কৃতং যদচলৈতি তন্ ন তথা .
৩২.৪ ক্রিযতেঽচলৈশ্চলদ্ভিঃ শক্তাহং নাস্য খেদস্য .. ..
৩২.৫ তস্যাঃ সগদ্গদগিরং ( সগড্গদগিরং) কিংচিত্ স্ফুরিতাধরং বিনতমীষত্ .
৩২.৫ সাশ্রুবিলোচনমাননমালোক্য পিতামহঃ প্রাহ .. ..
৩২.৬ মন্যুং হরেন্দ্র ধাত্র্যাঃ ক্ষিপ কুলিশং শৈলপক্ষভংগায .
৩২.৬ শক্রঃ কৃতমিত্যুক্ত্বা মা ভৈঃ ইতি বসুমতীমাহ .. ..
৩২.৭ কিন্ত্বনিলদহনসুরপতিবরুণাঃ সদসত্ফলাববোধার্থম্ .
৩২.৭ প্রাগ্ দ্বিত্রিচতুর্ভাগেষু দিননিশোঃ কংপযিষ্যন্তি .. ..
৩২.৮ চত্বার্যার্যম্ণাদ্যানি আদিত্যং মৃগশিরোঽশ্বযুক্ চেতি .
৩২.৮ মণ্ডলমেতদ্ বাযব্যমস্য রূপাণি সপ্তাহাত্ .. ..
৩২.৯ ধূমাকুলীকৃতাশে নভসি নভস্বান্ রজঃ ক্ষিপন্ ভৌমম্ .
৩২.৯ বিরুজন্ দ্রুমাংশ্চ বিচরতি রবিঃ অপটুকরাবভাসী চ .. ..
৩২.১০ বাযব্যে ভূকংপে সস্যাংবুবনৌষধীক্ষযোঽভিহিতঃ .
৩২.১০ শ্বযথুশ্বাসৌন্মাদজ্বরকাসভবো ( ভবা) বণিক্পীডা .. ..
৩২.১১ রূপাযুধভৃদ্বৈদ্যাস্ত্রীকবিগান্ধর্বপণ্যশিল্পিজনাঃ .
৩২.১১ পীড্যন্তে সৌরাষ্ট্রককুরুমঘদশার্ণমত্স্যাশ্চ .. ..
৩২.১২ পুষ্যাগ্নেযবিশাখাভরণীপিত্র্যাজভাগ্যসংজ্ঞানি .
৩২.১২ বর্গো হৌতভুজোঽযং করোতি রূপাণি অথৈতানি .. ..
৩২.১৩ তারা উল্কাপাতাবৃতমাদীপ্তমিবাংবরং সদিগ্দাহম্ .
৩২.১৩ বিচরতি মরুত্সহাযঃ সপ্তার্চিঃ সপ্তদিবসান্তঃ .. ..
৩২.১৪ আগ্নেযেঽংবুদনাশঃ সলিলাশযসংক্ষযো নৃপতিবৈরম্ .
৩২.১৪ দদ্রূবিচর্চিকাজ্বরবিসর্পিকাঃ পাণ্ডুরোগশ্চ .. ..
৩২.১৫ দীপ্তৌজসঃ প্রচণ্ডাঃ পীড্যন্তে চাশ্মকাংগবাহ্লীকাঃ .
৩২.১৫ তংগণকলিংগবংগদ্রবিডাঃ শবরা অনেকবিধাঃ ( শবরাশ্চ নৈকবিধাঃ) .. ..
৩২.১৬ অভিজিত্শ্রবণধনিষ্ঠাপ্রাজাপত্যেন্দ্রবৈশ্বমৈত্রাণি .
৩২.১৬ সুরপতিমণ্ডলমেতদ্ ভবন্তি চাপ্যস্য রূপাণি ( চ অস্য স্বরূপাণি) .. ..
৩২.১৭ চলিতাচলবর্ষ্মাণো গংভীরবিরাবিণঃ তডিদ্বন্তঃ ( তডিত্বন্তঃ) .
৩২.১৭ গবলালিকুলাহিনিভা বিসৃজন্তি পযঃ পযোবাহাঃ .. ..
৩২.১৮ এন্দ্রং স্তুত ( শ্রুতি) কুলজাতিখ্যাতাবনিপালগণপবিধ্বংসি .
৩২.১৮ অতিসারগলগ্রহবদনরোগকৃচ্ছর্দিকোপায .. ..
৩২.১৯ কাশিযুগন্ধরপৌরবকিরাতকীরাভিসারহলমদ্রাঃ .
৩২.১৯ অর্বুদসুরাষ্ট্র ( সুবাস্তু) মালবপীডাকরমিষ্টবৃষ্টিকরম্ .. ..
৩২.২০ পৌষ্ণাপ্যার্দ্রাশ্লেষামূলাহির্বুধ্ন্যবরুণদেবানি .
৩২.২০ মণ্ডলমেতদ্ বারুণমস্যাপি ভবন্তি রূপাণি .. ..
৩২.২১ নীলোত্পলালিভিন্নাঞ্জনত্বিষো মধুররাবিণো বহুলাঃ .
৩২.২১ তডিদুদ্ভাসিতদেহা ধারাংকুর ( কুশ) বর্ষিণো জলদাঃ .. ..
৩২.২২ বারুণমর্ণবসরিদাশ্রিতঘ্নমতিবৃষ্টিদং বিগতবৈরম্ .
৩২.২২ গোনর্দচেদিকুকুরান্ কিরাতবৈদেহকান্ হন্তি .. ..
৩২.২৩ ষড্ভিঃ মাসৈঃ কংপো দ্বাভ্যাং পাকং চ যাতি নির্ঘাতঃ .
৩২.২৩ অন্যান্ অপি উত্পাতান্ জগুঃ অন্যে মণ্ডলৈঃ এতৈঃ .. ..
৩২.২৪ উল্কা হরিশ্চন্দ্রপুরং রজশ্চ নির্ঘাতভূকংপককুপ্প্রদাহাঃ .
৩২.২৪ বাতোঽতিচণ্ডো গ্রহণং রবীন্দ্বোঃ নক্ষত্রতারাগণবৈকৃতানি .. ..
৩২.২৫ ব্যভ্রে বৃষ্টিঃ বৈকৃতং বাতবৃষ্টিঃ ধূমোঽনগ্নেঃ বিস্ফুলিগ্গার্চিষো বা .
৩২.২৫ বন্যং সত্ত্বং গ্রামমধ্যে বিশেদ্বা রাত্রাবেন্দ্রং কার্মুকং দৃশ্যতে বা .. ..
৩২.২৬ সন্ধ্যাবিকারাঃ পরিবেষখণ্ডা নদ্যঃ প্রতীপা দিবি তূর্যনাদাঃ .
৩২.২৬ অন্যগ যত্স্যাত্ প্রকৃতেঃ প্রতীপং তন্মণ্ডলৈঃ এব ফলং নিগাদ্যম্ .. ..
৩২.২৪ হন্ত্যেন্দ্রো বাযব্যং বাযুশ্চাপ্যেন্দ্রমেবমন্যোন্যম্ .
৩২.২৪ বারুণহৌতভুজাবপি বেলানক্ষত্রজাঃ কংপাঃ .. ..
৩২.২৫ প্রথিতনরেশ্বরমরণব্যসনানি আগ্নেযবাযুমণ্ডলযোঃ .
৩২.২৫ ক্ষুদ্ভযমরকাবৃষ্টিভিরুপতাপ্যন্তে জনাশ্চ অপি .. ..
৩২.২৬ বারুণপৌরন্দরযোঃ সুভিক্ষশিববৃষ্টিহার্দযো লোকে .
৩২.২৬ গাবোঽতিভূরিপযসো নিবৃত্তবৈরাশ্চ ভূপালাঃ .. ..
৩২.২৭ পক্ষৈশ্চতুর্ভিঃ অনিলঃ ত্রিভিঃ অগ্নিঃ দেবরাট্ চ সপ্তাহাত্ .
৩২.২৭ সদ্যঃ ফলতি চ বরুণো যেষু ন কালোঽদ্ভুতেষূক্তঃ .. ..
৩২.২৮ চলযতি পবনঃ শতদ্বযং শতমনলো দশযোজনান্বিতম্ .
৩২.২৮ সলিলপতিঃ অশীতিসংযুতং কুলিশধরোঽভ্যধিকং চ ষষ্টিতঃ ( ষষ্টিকং) .. ..
৩২.২৯ ত্রিচত্রুথসপ্তমদিনে মাসে পক্ষে তথা ত্রিপক্ষে চে .
৩২.২৯ যদি ভবতি ভূমিকংপঃ প্রধাননৃপনাশনো ভবতি .. ..

অধ্যায ৩৩ উল্কালক্ষণাধ্যাযঃ

৩৩.১ দিবি ভুক্তশুভফলানাং পততাং রূপাণি যানি তানি উল্কাঃ .
৩৩.১ ধিষ্ণ্যৌল্কাশনিবিদ্যুত্তারা ইতি পংচধা ভিন্নাঃ .. ..
৩৩.২ উল্কা পক্ষেণ ফলং তদ্বদ্ ধিষ্ণ্যাশনিঃ ত্রিভিঃ পক্ষৈঃ .
৩৩.২ বিদ্যুদহোভিঃ ষড্ভিঃ তদ্বত্ তারা বিপাচযতি .. ..
৩৩.৩ তারা ফলপাদকরী ফলার্ধদাত্রী প্রকীর্তিতা ধিষ্ণ্যা .
৩৩.৩ তিস্রঃ সংপূর্ণফলা বিদ্যুদথৌল্কাশনিশ্চেতি .. ..
৩৩.৪ অশনিঃ স্বনেন মহতা নৃগজাশ্বমৃগাশ্মবেশ্মতরুপশুষু .
৩৩.৪ নিপততি বিদারযন্তী ধরাতলং চক্রসংস্থানা .. ..
৩৩.৫ বিদ্যুত্ সত্ত্বত্রাসং জনযন্তী তটতটস্বনা সহসা .
৩৩.৫ কুতিলবিশালা নিপততি জীবেন্ধনরাশিষু জ্বলিতা .. ..
৩৩.৬ ধিষ্ণ্যা কৃশাল্পপুচ্ছা ধনূংষি দশ দৃশ্যতেঽন্তরাভ্যধিকম্ .
৩৩.৬ জ্বলিতাংগারনিকাশা দ্বৌ হস্তৌ সা প্রমাণেন .. ..
৩৩.৭ তারা হস্তং দীর্ঘা শুক্লা তাম্রাব্জতন্তুরূপা বা .
৩৩.৭ তির্যগধশ্চ ঊর্ধ্বং বা যাতি বিযত্যুহ্যমানা ইব .. ..
৩৩.৮ উল্কা শিরসি বিশালা নিপতন্তী বর্ধতে প্রতনুপুচ্ছা .. ..
৩৩.৮ দীর্ঘা চ ভবতি ( ভবতি চ) পুরুষং ভেদা বহবো ভবত্যস্যাঃ .. ..
৩৩.৯ প্রেতপ্রহরণখরকরভনক্রকপিদংষ্ট্রিলাংগলমৃগাভাঃ .
৩৩.৯ গোধাহিধূমরূপাঃ পাপা যা চৌভযশিরস্কা .. ..
৩৩.১০ ধ্বজঝষগিরিকরি ( করিগিরি) কমলেন্দুতুরগসন্তপ্তরজতহংসাভাঃ .
৩৩.১০ শ্রীবৃক্ষ ( বত্স, শ্রীবৃক্ষ) বজ্রশংখস্বস্তিকরূপাঃ শিবসুভিক্ষাঃ .. ..
৩৩.১১ অংবরমধ্যাদ্ বহ্ব্যো নিপতন্ত্যো রাজরাষ্ট্রনাশায .
৩৩.১১ বংভ্রমতী গগনোপরি বিভ্রমমাখ্যাতি লোকস্য .. ..
৩৩.১২ সংস্পৃশতী চন্দ্রার্কৌ তদ্বিসৃতা বা সভূপ্রকংপা চ .
৩৩.১২ পরচক্রাগমনৃপবধদুর্ভিক্ষাবৃষ্টিভযজননী .. ..
৩৩.১৩ পৌরৈতরঘ্নমুল্কাপসব্যকরণং দিবাকরহিমাংশবোঃ .
৩৩.১৩ উল্কা শুভদা পুরতো দিবাকরবিনিঃসৃতা যাতুঃ .. ..
৩৩.১৪ শুক্লা রক্তা পীতা কৃষ্ণা চৌল্কা দ্বিজাদিবর্ণঘ্নী .
৩৩.১৪ ক্রমশশ্চৈতান্ হন্যুঃ মূর্ধৌরঃপার্শ্বপুচ্ছস্থাঃ .. ..
৩৩.১৫ উত্তরদিগাদিপতিতা বিপ্রাদীনামনিষ্টদা রূক্ষা .
৩৩.১৫ ঋজ্বী স্নিগ্ধাখণ্ডা নীচোপগতা চ তদ্বৃদ্ধ্যৈ .. ..
৩৩.১৬ শ্যাবারুণ ( শ্যামা বারুণ) নীলাসৃগ্দহনাসিতভস্মসন্নিভা রূক্ষা .
৩৩.১৬ সন্ধ্যাদিনজা বক্রা দলিতা চ পরাগমভযায .. ..
৩৩.১৭ নক্ষত্রগ্রহঘাতৈঃ ( ঘাতে) তদ্ভক্তীনাং ক্ষযায নির্দিষ্টা .
৩৩.১৭ উদযে ঘ্নতী রবীন্দূ পৌরৈতরমৃত্যবেঽস্তে বা .. ..
৩৩.১৮ ভাগ্যাদিত্যধনিষ্টামূলেষূল্কাহতেষু যুবতীনাম্ .
৩৩.১৮ বিপ্রক্ষত্রিযপীডা পুষ্যানিলবিষ্ণুদেবেষু .. ..
৩৩.১৯ ধ্রুবসৌম্যেষু নৃপাণামুগ্রেষু সদারুণেষু চৌরাণাম্ .
৩৩.১৯ ক্ষিপ্রেষু কলাবিদুষাং পীডা সাধারণে চ হতে .. ..
৩৩.২০ কুর্বন্ত্যেতাঃ পতিতা দেবপ্রতিমাসু রাজরাষ্ট্রভযম্ .
৩৩.২০ শক্রোপরি নৃপতীনাং গৃহেষু তত্স্বামিনাং পীডাম্ .. ..
৩৩.২১ আশাগ্রহৌপঘাতে তদ্দেশ্যানাং খলে কৃষিরতানাম্ .
৩৩.২১ চৈত্যতরৌ সংপতিতা সত্কৃতপীডাং করোত্যুল্কা .. ..
৩৩.২২ দ্বারি পুরস্য পুরক্ষযমথেন্দ্রকীলে জনক্ষযোঽভিহিতঃ .
৩৩.২২ ব্রহ্মাযতনে বিপ্রান্ বিনিহন্যাদ্ গোমিনো গোষ্ঠে .. ..
৩৩.২৩ ক্ষ্বেডাস্ফোটিতবাদিতগীতৌত্কুষ্টস্বনা ভবন্তি যদা .
৩৩.২৩ উল্কানিপাতসমযে ভযায রাষ্ট্রস্য সনৃপস্য .. ..
৩৩.২৪ যস্যাশ্চিরং তিষ্ঠতি খেঽনুষংগো
৩৩.২৪ দণ্ডাকৃতিঃ সা নৃপতেঃ ভযায .
৩৩.২৪ যা চৌহ্যতে তন্তুধৃতা ইব খস্থা
৩৩.২৪ যা বা মহেন্দ্রধ্বজতুল্যরূপা .. ..
৩৩.২৫ শ্রেষ্ঠিনঃ প্রতীপগা তির্যগা নৃপাংগনানাং ( নৃপাংগনাঃ) .
৩৩.২৫ হন্ত্যধোমুখী নৃপান্ ব্রাহ্মণান্ অথ ঊর্ধ্বগা .. ..
৩৩.২৬ বর্হি ( বর্হি) পুচ্ছরূপিণী লোকসংক্ষযাবহা .
৩৩.২৬ সর্পবত্ প্রসর্পতী ( প্রসর্পিণী) যোষিতামনিষ্টদা .. ..
৩৩.২৭ হন্তি মণ্ডলা পুরং ছত্রবত্ পুরোহিতম্ .
৩৩.২৭ বংশগুল্মবত্ স্থিতা রাষ্ট্রদোষকারিণী .. ..
৩৩.২৮ ব্যালসূকরৌপমা বিস্ফুলিংগমালিনী .
৩৩.২৮ খণ্ডশোঽথবা গতা সস্বনা চ পাপদা .. ..
৩৩.২৯ সুরপিতচাপপ্রতিমা রাজ্যং নভসি বিলীনা জলদান্ হন্তি .
৩৩.২৯ পবনবিলোমা কুটিলং যাতা ন ভবতি শস্তা বিনিবৃত্তা বা .. ..
৩৩.৩০ অভিভবতি যতঃ পুরং বলং বা ভবতি ভযং তত এব পার্থিবস্য .
৩৩.৩০ নিপততি চ যযা দিশা প্রদীপ্তা জযতি রিপূন্ অচিরাত্ তযা প্রযাতঃ .. ..

অধ্যায ৩৪ পরিবেষলক্ষণাধ্যাযঃ

৩৪.১ সম্মূর্চ্ছিতা রবীন্দ্বোঃ কিরণাঃ পবনেন মণ্ডলীভূতাঃ .
৩৪.১ নানাবর্ণাকৃতযঃ তন্বভ্রে ব্যোম্নি পরিবেষাঃ .. ..
৩৪.২ তে রক্তনীলপাণ্ডুরকাপোতাভ্রাভশবলহরিত ( হরি) শুক্লাঃ .
৩৪.২ ইন্দ্রযমবরুণনিরৃতিশ্বসনেশপিতামহাংবু ( অগ্নি) কৃতাঃ .. ..
৩৪.৩ ধনদঃ করোতি মেচকমন্যোন্যগুণাশ্রযেণ চাপ্যন্যে .
৩৪.৩ প্রবিলীযতে মুহুর্মুহুঃ অল্পফলঃ সোঽপি বাযুকৃতঃ .. ..
৩৪.৪ চাষশিখিরজততৈলক্ষীরজলাভঃ স্বকালসংভূতঃ .
৩৪.৪ অবিকলবৃত্তঃ স্নিগ্ধঃ পরিবেষঃ শিবসুভিক্ষকরঃ .. ..
৩৪.৫ সকলগগনানুচারী নৈকাভঃ ক্ষতজসন্নিভো রূক্ষঃ .
৩৪.৫ অসকলশকটশরাসনশৃংগাটকবত্ স্থিতঃ পাপঃ .. ..
৩৪.৬ শিখিগলসমেঽতিবর্ষ্ণে বহুবর্ণে নৃপবধো ভযং ধূম্রে .
৩৪.৬ হরিচাপনিভে যুদ্ধানি অশোককুসুমপ্রভে চাপি .. ..
৩৪.৭ বর্ণেনএকেন যদা বহুলঃ স্নিগ্ধঃ ক্ষুরাভ্রকাকীর্ণঃ .
৩৪.৭ স্বঋতৌ সদ্যো বর্ষং করোতি পীতশ্চ দীপ্তার্কঃ .. ..
৩৪.৮ দীপ্তমৃগবিহংগ ( বিহংগমৃগ) রুতঃ কলুষঃ সন্ধ্যাত্রযোত্থিতোঽতিমহান্ .
৩৪.৮ ভযকৃত্ তডিদুল্কাদ্যৈঃ হতো নৃপং হন্তি শস্ত্রেণ .. ..
৩৪.৯ প্রতিদিনমর্কহিমাংশ্বোঃ অহর্নিশং রক্তযোঃ নরেন্দ্রবধঃ .
৩৪.৯ পরিবিষ্টযোঃ অভীক্ষণং লগ্নাস্তময ( অস্তনভঃ) স্থযোঃ তদ্বত্ .. ..
৩৪.১০ সেনাপতেঃ ভযকরো দ্বিমণ্ডলো নাতিশস্ত্রকোপকরঃ .
৩৪.১০ ত্রিপ্রভৃতি শস্ত্রকোপং যুবরাজভযং নগররোধম্ .. ..
৩৪.১১ বৃষ্টিঃ ত্র্যহেণ মাসেন বিগ্রহো বা গ্রহেন্দুভনিরোধে .
৩৪.১১ হোরাজন্মাধিপযোঃ জন্মর্ক্ষে বাংশুভো ( বাশুভো) রাজ্ঞঃ .. ..
৩৪.১২ পরিবেষমণ্ডলগতো রবিতনযঃ ক্ষুদ্রধান্যনাশকরঃ .
৩৪.১২ জনযতি চ বাতবৃষ্টিং স্থাবরকৃষিকৃন্ নিহন্তা চ .. ..
৩৪.১৩ ভৌমে কুমারবলপতিসৈন্যানাং বিদ্রবোঽগ্নিশস্ত্রভযম্ .
৩৪.১৩ জীবে পরিবেষগতে পুরোহিতামাত্যনৃপপীডা .. ..
৩৪.১৪ মন্ত্রিস্থাবরলেখকপরিবৃদ্ধিশ্চন্দ্রজে সুবৃষ্টিশ্চ .
৩৪.১৪ শুক্রে যাযিক্ষত্রিযরাজ্ঞী ( রাজ্ঞাং) পীডা প্রিযং চান্নম্ .. ..
৩৪.১৫ ক্ষুদনলমৃত্যুনরাধিপশস্ত্রেভ্যো জাযতে ভযং কেতৌ .
৩৪.১৫ পরিবিষ্টে গর্ভভযং রাহৌ ব্যাধিঃ নৃপভযং চ .. ..
৩৪.১৬ যুদ্ধানি বিজানীযাত্ পরিবেষাভ্যন্তরে দ্বযোঃ গ্রহযোঃ .
৩৪.১৬ দিবসকৃতঃ শশিনো বা ক্ষুদবৃষ্টিভযং ত্রিষু প্রোক্তম্ .. ..
৩৪.১৭ যাতি চতুর্ষু নরেন্দ্রঃ সামাত্যপুরোহিতো বশং মৃত্যোঃ .
৩৪.১৭ প্রলযমিব বিদ্ধি জগতঃ পংচাদিষু মণ্ডলস্থেষু .. ..
৩৪.১৮ তারাগ্রহস্য কুর্যাত্ পৃথগ্ এব সমুত্থিতো নরেন্দ্রবধম্ .
৩৪.১৮ নক্ষত্রাণামথবা যদি কেতোঃ নৌদযো ভবতি .. ..
৩৪.১৯ বিপ্রক্ষত্রিযবিট্শূদ্রহা ভবেত্ প্রতিপদাদিষু ক্রমশঃ .
৩৪.১৯ শ্রেণীপুরকোশানাং পংচম্যাদিষ্বশুভকারী .. ..
৩৪.২০ যুবরাজস্যাষ্টম্যাং পরতঃ ত্রিষু পার্থিবস্য দোষকরঃ .. ..
৩৪.২০ পুররোধো দ্বাদশ্যাং সৈন্যক্ষোভঃ ত্রযোদশ্যাম্ .. ..
৩৪.২১ নরপতিপত্নীপীডাং পরিবেষোঽভ্যুত্থিতশ্চতুর্দশ্যাম্ .
৩৪.২১ কুর্যাত্ তু পংচদশ্যাং পীডাং মনুজাধিপস্যএব .. ..
৩৪.২২ নাগরকাণামভ্যন্তরস্থিতা যাযিনাং চ বাহ্যস্থা .
৩৪.২২ পরিবেষমধ্যরেখা বিজ্ঞেযাক্রন্দসারাণাম্ .. ..
৩৪.২৩ রক্তঃ শ্যামো রূক্ষশ্চ ভবতি যেষাং পরাজযঃ তেষাম্ .
৩৪.২৩ স্নিগ্ধঃ শ্বেতো দ্যুতিমান্ যেষাং ভাগো জযঃ তেষাম্ .. ..

অধ্যায ৩৫ ইন্দ্রাযুদ্ধলক্ষণাধ্যাযঃ

৩৫.১ সূর্যস্য বিবিধবর্ণাঃ পবনেন বিঘট্টিতাঃ করাঃ সাভ্রে .
৩৫.১ বিযতি ধনুঃসংস্থানা যে দৃশ্যন্তে তদিন্দ্রধনুঃ .. ..
৩৫.২ কেচিদনন্তকুলৌরগনিঃশ্বাসৌদ্ভূতমাহুঃ আচার্যাঃ .
৩৫.২ তদ্ যাযিনাং নৃপাণামভিমুখমজযাবহং ভবতি .. ..
৩৫.৩ অচ্ছিন্নমবনিগাঢং দ্যুতিমত্ স্নিগ্ধং ঘনং বিবিধবর্ণম্ .
৩৫.৩ দ্বিরুদিতমনুলোমং চ প্রশস্তমংভঃ প্রযচ্ছতি চ .. ..
৩৫.৪ বিদিগুদ্ভূতং দিক্স্বামিনাশনং ব্যভ্রজং মরককারি .
৩৫.৪ পাটলপীতকনীলৈঃ শস্ত্রাগ্নিক্ষুত্কৃতা দোষাঃ .. ..
৩৫.৫ জলমধ্যেঽনাবৃষ্টিঃ ভুবি সস্যবধঃ তরৌ শিতে ব্যাধিঃ .
৩৫.৫ বাল্মীকে ( বল্মীকে) শস্ত্রভযং নিশি সচিববধায ধনুঃ এন্দ্রম্ .. ..
৩৫.৬ বৃষ্টিং করোত্যবৃষ্ত্যাং বৃষ্টিং বৃষ্ট্যাং নিবারযত্যেন্দ্র্যাম্ .
৩৫.৬ পশ্চাত্ সদৈব বৃষ্টিং কুলিশভৃতশ্চাপমাচষ্টে .. ..
৩৫.৭ চাপং মঘোনঃ কুরুতে নিশাযাম্
৩৫.৭ আখণ্ডলাযাং দিশি ভূপপীডাম্ .
৩৫.৭ যাম্যাপরোদক্প্রভবং নিহন্যাত্
৩৫.৭ সেনাপতিং নাযকমন্ত্রিণৌ চ .. ..
৩৫.৮ নিশি সুরচাপং সিতবর্ণাদ্যং জনযতি পীডাং দ্বিজপূর্বাণাম্ .
৩৫.৮ ভবতি চ যস্যাং দিশি তদ্দেশ্যং নরপতিমুখ্যং নচিরাদ্ ধন্যাত্ .. ..

অধ্যায ৩৬ গন্ধর্বনগরলক্ষণাধ্যাযঃ

৩৬.১ উদগাদিপুরোহিতনৃপবলপতিযুবরাজদোষদং খপুরম্ .
৩৬.১ সিতরক্তপীতকৃষ্ণং বিপ্রাদীনামভাবায .. ..
৩৬.২ নাগরনৃপতিজযাবহমুদগ্বিদিক্স্থং বিবর্ণনাশায .
৩৬.২ শান্তাশাযাং দৃষ্টং সতোরণং নৃপতিবিজযায .. ..
৩৬.৩ সর্বদিগুত্থং সততোথিতং চ ভযদং নরেন্দ্ররাষ্ট্রাণাম্ .
৩৬.৩ চৌরাটবিকান্ হন্যাদ্ ধূমানলশক্রচাপাভম্ .. ..
৩৬.৪ গন্ধর্বনগরমুত্থিতমাপাণ্ডুরমশনিপাতবাতকরম্ .
৩৬.৪ দীপ্তে নরেন্দ্রমৃত্যুঃ বামেঽরিভযং জযঃ সব্যে .. ..
৩৬.৫ অনেকবর্ণাকৃতি খে প্রকাশতে পুরং পতাকাধ্বজতোরণান্বিতম্ .
৩৬.৫ যদা তদা নাগমনুষ্যবাজিনাং পিবত্যসৃগ্ ভূরি রণে বদুন্ধরা .. ..

অধ্যায ৩৭ প্রতিসূর্যলক্ষণাধ্যাযঃ

৩৭.১ প্রতিসূর্যকঃ প্রশস্তো দিবসকৃদৃতুবর্ণসপ্রভঃ স্নিগ্ধঃ .
৩৭.১ বৈদূর্যনিভঃ স্বচ্ছঃ শুক্লশ্চ ক্ষেমসৌভিক্ষঃ .. ..
৩৭.২ পীতো ব্যাধিং জনযত্যশোকরূপশ্চ শস্ত্রকোপায .
৩৭.২ প্রতিসূর্যাণাং মালা দস্যুভযাতংকনৃপহন্ত্রী .. ..
৩৭.৩ দিবসকৃতঃ প্রতিসূর্যো জলকৃদুরগ্দক্ষিণে স্থিতোঽনিলকৃট্ .
৩৭.৩ উভযস্থঃ সলিলভযং নৃপমুপরি নিহন্ত্যধো জনহা .. ..

অধ্যায ৩৮- ১ রজোলক্ষণং

৩৮.১ কথযন্তি পার্থিববধং রজসা ঘনতিমিরসঞ্চযনিভেন .
৩৮.১ অবিভাব্যমানগিরিপুরতরবঃ সর্বা দিশশ্ছন্নাঃ .. ..
৩৮.২ যস্যাম্ দিশি ধূমচযঃ প্রাক্ প্রভবতি নাশমেতি বা যস্যাম্ .
৩৮.২ আগচ্ছতি সপ্তাহাত্ তত্র এব ভযং ন সন্দেহঃ .. ..
৩৮.৩ শ্বেতে রজোঘনৌঘে পীডা স্যান্ মন্ত্রিজনপদানাং চ .
৩৮.৩ নচিরাত্ প্রকোপমুপযাতি শস্ত্রমতিসগ্কুলা সিদ্ধিঃ .. ..
৩৮.৪ অর্কোদযে বিজৃংভতি যদি দিনমেকং দিনদ্বযং বাপি .
৩৮.৪ স্থগযন্ন্ ইব গগনতলং ভযমত্যুগ্রং নিবেদযতি .. ..
৩৮.৫ অনবরতসঞ্চযবহং রজনীমেকাং প্রধাননৃপহন্তৃ .
৩৮.৫ ক্ষেমায চ শেষাণাং বিচক্ষণানাং নরেন্দ্রাণাম্ .. ..
৩৮.৬ রজনীদ্বযং বিসর্পতি যস্মিন্ রাষ্ট্রে রজোঘনং বহুলম্ .
৩৮.৬ পরচক্রস্য আগমনং তস্মিন্ন্ অপি সন্নিবোদ্ধব্যম্ .. ..
৩৮.৭ নিপততি রজনীত্রিতযং চতুষ্কমপি অন্নরসবিনাশায .
৩৮.৭ রাজ্ঞাং সৈন্যক্ষোভো রজসি ভবেত্ পঞ্চরাত্রভবে .. ..
৩৮.৮ কেত্বাদ্যুদযবিমুক্তং যদা রজো ভবতি তীব্রভযদাযি .
৩৮.৮ শিশিরাদন্যত্রর্তৌ ফলমবিকলমাহু আচার্যাঃ .. ..

অধ্যায ৩৮- ২ নির্ঘাতলক্ষণাধ্যাযঃ

৩৮.১ পবনঃ পবনাভিহতো গগনাদবনৌ যদা সমাপততি .
৩৮.১ ভবতি তদা নির্ঘাতঃ স চ পাপো দীপ্তবিহগরুতঃ .. ..
৩৮.২ অর্কোদযেঽধিকরণিকনৃপধনিযোধাংগনাবণিগ্বেশ্যাঃ .
৩৮.২ আপ্রহরাংশেঽজাবিকমুপহন্যাত্শূদ্রপৌরাংশ্চ .. ..
৩৮.৩ আমধ্যাহ্নাদ্ রাজোপসেবিনো ব্রাহ্মণাংশ্চ পীডযতি .
৩৮.৩ বৈশ্যজলদাং তৃতীযে চৌরান্ প্রহরে চতুর্থে তু .. ..
৩৮.৪ অস্তং যাতে নীচান্ প্রথমে যামে নিহন্তি সস্যানি .
৩৮.৪ রাত্রৌ দ্বিতীযযামে পিশাচসংঘান্ নিপীডযতি .. ..
৩৮.৫ তুরগকরিণঃ তৃতীযে বিনিহন্যাদ্ যাযিনশ্চতুর্থে চ .
৩৮.৫ ভৈরবজর্জরশব্দো যাতি যতঃ তাং দিশং হন্তি .. ..

অধ্যায ৩৯ সস্যজাতকাধ্যাযঃ

৩৯.১ বৃশ্চিকবৃষপ্রবেশে ভানোঃ যে বাদরাযণেনোক্তাঃ .
৩৯.১ গ্রীষ্মশরত্সস্যানাং সদসদ্যোগাঃ কৃতাঃ ত ইমে .. ..
৩৯.২ ভানোঃ অলিপ্রবেশে কেন্দ্রৈঃ তস্মাত্শুভগ্রহাক্রান্তৈঃ .
৩৯.২ বলবদ্ভিঃ সৌম্যৈঃ বা নিরীক্ষিতে ( নিরীক্ষিতৈঃ) গ্রৈষ্মিকবিবৃদ্ধিঃ .. ..
৩৯.৩ অষ্টমরাশিগতেঽর্কে গুরুশশিনোঃ কুংভসিংহসংস্থিতযোঃ ( স্থিতযোঃ) .
৩৯.৩ সিংহঘটসংস্থযোঃ বা নিষ্পত্তিঃ গ্রীষ্মসস্যস্য .. ..
৩৯.৪ অর্কাত্ সিতে দ্বিতীযে বুধেঽথবা যুগপদেব বা স্থিতযোঃ .
৩৯.৪ ব্যযগতযোঃ অপি তদ্বন্ নিষ্পত্তিঃ অতীব গুরুদৃষ্ট্যা .. ..
৩৯.৫ শুভমধ্যেঽলিনি সূর্যাদ্ গুরুশশিনোঃ সপ্তমে পরা সংপত্ .
৩৯.৫ অল্যাদিস্থে সবিতরি গুরৌ দ্বিতীযেঽর্ধনিষ্পত্তিঃ .. ..
৩৯.৬ লাভহিবুকার্থযুক্তৈঃ সূর্যাদলিগাত্ সিতেন্দুশশিপুত্রৈঃ .
৩৯.৬ সস্যস্য পরা সংপত্ কর্মণি জীবে গবাং চাগ্র্যা .. ..
৩৯.৭ কুংভে গুরুঃ গবি শশী সূর্যোঽলিমুখে কুজার্কজৌ মকরে .
৩৯.৭ নিষ্পত্তিঃ অস্তি মহতী পশ্চাত্ পরচক্রভযরোগম্ .. ..
৩৯.৮ মধ্যে পাপগ্রহযোঃ সূর্যঃ সস্যং বিনাশযত্যলিগঃ .
৩৯.৮ পাপঃ সপ্তমরাশৌ জাতং জাতং বিনাশযতি .. ..
৩৯.৯ অর্থস্থানে ক্রূরঃ সৌম্যৈঃ অনিরীক্ষিতঃ প্রথমজাতম্ .
৩৯.৯ সস্যং নিহন্তি পশ্চাদুপ্তং নিষ্পাদযেদ্ ব্যক্তম্ .. ..
৩৯.১০ জামিত্রকেন্দ্রসংস্থৌ ক্রূরৌ সূর্যস্য বৃশ্চিকস্থস্য .
৩৯.১০ সস্যবিপত্তিং কুরুতঃ সৌম্যৈঃ দৃষ্টৌ ন সর্বত্র .. ..
৩৯.১১ বৃশ্চিকসংস্থাদর্কাত্ সপ্তমষষ্ঠৌপগৌ যদা ক্রূরৌ .
৩৯.১১ ভবতি তদা নিষ্পত্তিঃ সস্যানামর্ঘপরিহানিঃ .. ..
৩৯.১২ বিধিনানেনৈব রবিঃ বৃষপ্রবেশে শরত্সমুত্থানাম্ .
৩৯.১২ বিজ্ঞেযঃ সস্যানাং নাশায শিবায বা তজ্ঞৈঃ .. ..
৩৯.১৩ ত্রিষু মেষাদিষু সূর্যঃ সৌম্যযুতো বীক্ষিতোঽপি বা বিচরন্ .
৩৯.১৩ গ্রৈষ্মিক ( গ্রষ্মিক) ধান্যং কুরুতে সমর্ঘং ( সমর্থং) অভযৌপযোগ্যং চ .. ..
৩৯.১৪ কার্মুকমৃগঘটসংস্থঃ শারদসস্যস্য ( শারদস্য) তদ্বদেব রবিঃ .
৩৯.১৪ সংগ্রহকালে জ্ঞেযো বিপর্যযঃ ক্রূরদৃগ্যোগাত্ ( যাগাত্) .. ..

অধ্যায ৪০ দ্রব্যনিশ্চযাধ্যাযঃ

৪০.১ যে যেষাং দ্রব্যাণামধিপতযো রাশযঃ সমুদ্দিষ্টাঃ .
৪০.১ মুনিভিঃ শুভাশুভার্থং তান্ আগমতঃ প্রবক্ষ্যামি .. ..
৪০.২ বস্ত্রাবিককুতুপানাং মসূরগোধূমরালকযবানাম্ .
৪০.২ স্থলসংভবৌষধীনাং কনকস্য চ কীর্তিতো মেষঃ .. ..
৪০.৩ গবি বস্ত্রকুসুমগোধূমশালিযবমহিষসুরভিতনযাঃ স্যুঃ .
৪০.৩ মিথুনেঽপি ধান্যশারদবল্লীশালূককর্পাসাঃ .. ..
৪০.৪ কর্কিণি কোদ্রবকদলীদূর্বাফলকন্দপত্রচোচানি .
৪০.৪ সিংহে তুষধান্যরসাঃ সিংহাদীনাং ত্বচঃ সগুডাঃ .. ..
৪০.৫ ষষ্ঠেঽতসীকলাযাঃ কুলত্থগোধূমমুদ্গনিষ্পাবাঃ .
৪০.৫ সপ্তমরাশৌ মাষা যবগোধূমাঃ সসর্ষপাশ্চৈব ( গোধূমাঃ সর্ষপাঃ সযবাঃ) .. ..
৪০.৬ অষ্টমরাশাবিক্ষুঃ সৈক্যং লোহানি অজাবিকং চাপি .
৪০.৬ নবমে তু তুরগলবণাংবরাস্ত্রতিলধান্যমূলানি .. ..
৪০.৭ মকরে তরুগুল্মাদ্যং সৈক্যৈক্ষুসুবর্ণকৃষ্ণলোহানি .
৪০.৭ কুংভে সলিলজফলকুসুমরত্নচিত্রাণি রূপাণি .. ..
৪০.৮ মীনে কপালসংভবরত্নানি অংবূদ্ভবানি বজ্রাণি .
৪০.৮ স্নেহাশ্চ নৈকরূপা ব্যাখ্যাতা মত্স্যজাতং চ .. ..
৪০.৯ রাশেশ্চতুর্দশার্থাযসপ্তনবপংচমস্থিতো জীবঃ .
৪০.৯ দ্ব্যেকাদশদশপংচাষ্টমেষু শশিজশ্চ বৃদ্ধিকরঃ .. ..
৪০.১০ ষট্সপ্তমগো হানিং বৃদ্ধিং শুক্রঃ করোতি শেষেষু .
৪০.১০ উপচযসংস্থাঃ ক্রূরাঃ শুভদাঃ শেষেষু হানিকরাঃ .. ..
৪০.১১ রাশেঃ যস্য ক্রূরাঃ পীডাস্থানেষু সংস্থিতা বলিনঃ .
৪০.১১ তত্প্রোক্তদ্রব্যাণাং মহার্ঘতা দুর্লভত্বং চ .. ..
৪০.১২ ইষ্টস্থানে সৌম্যা বলিনো যেষাং ভবন্তি রাশীনাম্ .
৪০.১২ তদ্দ্রব্যাণাং বৃদ্ধিঃ সামর্ঘ্যং বল্লভত্বং চ ( সামর্থযমদুর্লভত্বং চ) .. ..
৪০.১৩ গোচরপীডাযামপি রাশিঃ বলিভিঃ শুভগ্রহৈঃ দৃষ্টঃ .
৪০.১৩ পীডাং ন করোতি তথা ক্রূরৈঃ এবং বিপর্যাসঃ .. ..