বৃহত্সংহিতা – অধ্যায় ৪১-৫০

অধ্যায ৪১ অর্ঘকাণ্ডাধ্যাযঃ

৪১.১ অতিবৃষ্ট্যুল্কাদণ্ডান্ পরিবেষগ্রহণপরিধিপূর্বাংশ্চ .
৪১.১ দৃষ্ট্বা অমাবাস্যাযামুত্পাতান্ পৌণমাস্যাং ( পূর্ণমাস্যাং) চ .. ..
৪১.২ ব্রূযাদর্ঘবিশেষান্ প্রতিমাসং রাশিষু ক্রমাত্ সূর্যে .
৪১.২ অন্যতিথাবুত্পাতা যে তে ডমরার্তযে রাজ্ঞাম্ .. ..
৪১.৩ মেষৌপগতে সূর্যে গ্রীষ্মজধান্যস্য সংগ্রহং কৃত্বা ( কুর্যাত্) .
৪১.৩ বনমূলফলস্য বৃষে চতুর্থমাসে তযোঃ লাভঃ .. ..
৪১.৪ মিথুনস্থে সর্বরসান্ ধান্যানি চ সংগ্রহং সমুপনীয .
৪১.৪ ষষ্ঠে মাসে বিপুলং বিক্রেতা ( বিক্রীণন্) প্রাপ্নুযাল্লাভম্ .. ..
৪১.৫ কর্কিণি অর্কে মধুগন্ধতৈলঘৃতফাণিতানি বিনিধায .
৪১.৫ দ্বিগুণা দ্বিতীযমাসে লব্ধিঃ হীনাধিকে ছেদঃ .. ..
৪১.৬ সিংহে সুবর্ণমণিচর্মবর্মশস্ত্রাণি মৌক্তিকং রজতম্ .
৪১.৬ পংচমমাসে লব্ধিঃ বিক্রেতুঃ অতোঽন্যথা ছেদঃ .. ..
৪১.৭ কন্যাগতে দিনকরে চামরখরকরভবাজিনাং ক্রেতা .
৪১.৭ ষষ্ঠে মাসে দ্বিগুণং লাভমবাপ্নোতি বিক্রীণন্ .. ..
৪১.৮ তৌলিনি তান্তবভাণ্ডং মণিকংবলকাচপীতকুসুমানি .
৪১.৮ আদদ্যাদ্ ধান্যানি চ বর্ষার্ধাদ্ ( ষণ্মাসাদ্) দ্বিগুণিতা বৃদ্ধিঃ .. ..
৪১.৯ বৃশ্চিকসংস্থে সবিতরি ফলকন্দকমূলবিবিধরত্নানি .
৪১.৯ বর্ষদ্বযমুষিতানি দ্বিগুণং লাভং প্রযচ্ছন্তি .. ..
৪১.১০ চাপগতে গৃহ্ণীযাত্ কুংকুম ( কুংকম) শংখপ্রবালকাচানি .
৪১.১০ মুক্তাফলানি চা ততো বর্ষার্ধাদ্ দ্বিগুণতাং যান্তি .. ..
৪১.১১ মৃগঘটসংস্থে সবিতরি গৃহ্ণীযাল্ ( মৃগধটগে গৃহ্ণীযাদ্ দিবাকরে) লোহভাণ্ডধান্যানি .
৪১.১১ স্থিত্বা মাসং দদ্যাল্লাভার্থী দ্বিগুণমাপ্নোতি .. ..
৪১.১২ সবিতরি ঝষমুপযাতে মূলফলং কন্দভাণ্ডরত্নানি .
৪১.১২ সংস্থাপ্য বত্সরার্ধং লাভকমিষ্টং সমাপ্নোতি .. ..
৪১.১৩ রাশৌ রাশৌ যস্মিন্ শিশিরমযূখঃ সহস্রকিরণো বা .
৪১.১৩ যুক্তোঽধিমিত্রদৃষ্টঃ তত্রাযং লাভকো দিষ্টঃ .. ..
৪১.১৪ সবিতৃসহিতঃ সংপূর্ণো বা শুভৈঃ যুতবীক্ষিতঃ
৪১.১৪ শিশিরকিরণঃ সদ্যোঽর্ঘস্য প্রবৃদ্ধিকরঃ স্মৃতঃ .
৪১.১৪ অশুভসহিতঃ সন্দৃষ্টো বা হিনস্ত্যথবা রবিঃ
৪১.১৪ প্রতিগৃহগতান্ ভাবান্ বুদ্ধ্বা বদেত্ সদসত্ফলম্ .. ..

অধ্যায ৪২ ইন্দ্রধ্বজসংপদঃ

৪২.১ ব্রহ্মাণমূচুঃ অমরা ভগবন্ শক্তাঃ স্ম নাসুরান্ সমরে .
৪২.১ প্রতিযোধযিতুমতঃ ত্বাং শরণ্যশরণং সমুপযাতাঃ .. ..
৪২.২ দেবান্ উবাচ ভগবান্ ক্ষীরোদে কেশবঃ স বঃ কেতুম্ .
৪২.২ যং দাস্যতি তং দৃষ্ট্বা নাজৌ স্থাস্যন্তি বো দৈত্যাঃ .. ..
৪২.৩ লব্ধবরাঃ ক্ষীরোদং গত্বা তে তুষ্টুবুঃ সুরাঃ সেন্দ্রাঃ .
৪২.৩ শ্রীবত্সাংকং কৌস্তুভমণিকিরনৌদ্ভাসিতৌরস্কম্ .. ..
৪২.৪ শ্রীপতিমচিন্ত্যমসমং সমং ততঃ ( সমন্ততঃ) সর্বদেহিনাং সূক্ষ্মম্ .
৪২.৪ পরমাত্মানমনাদিং বিষ্ণুমবিজ্ঞাতপর্যন্তম্ .. ..
৪২.৫ তৈঃ সংস্তুতঃ স দেবঃ তুতোষ নারাযণো দদৌ চৈষাম্ .
৪২.৫ ধ্বজমসুরসুরবধূমুখকমলবনতুষারতীক্ষ্ণাংশুম্ .. ..
৪২.৬ তং বিষ্ণুতেজোভবমষ্টচক্রে রথে স্থিতং ভাস্বতি রত্নচিত্রে .
৪২.৬ দেদীপ্যমানং শরদীব সূর্যং ধ্বজং সমাসাদ্য মুমোদ শক্রঃ .. ..
৪২.৭ স কিংকিণীজালপরিষ্কৃতেন ( পরিস্কৃতেন) স্রক্ছত্রঘণ্টাপিটকান্বিতেন .
৪২.৭ সমুচ্ছ্রিতেনামররাড্ধ্বজেন নিন্যে বিনাশং সমরেঽরিসৈন্যম্ .. ..
৪২.৮ উপরিচরস্যামরপো বসোঃ দদৌ চেদিপস্য বেণুমযীম্ .
৪২.৮ যষ্টিং তাং স নরেন্দ্রো বিধিবত্ সংপূজযামাস .. ..
৪২.৯ প্রীতো মহেন মঘবা ( মঘবান্) প্রাহএবং যে নৃপাঃ করিষ্যন্তি .
৪২.৯ বসুবদ্বসুমন্তঃ তে ভুবি সিদ্ধাজ্ঞা ভবিষ্যন্তি .. ..
৪২.১০ মুদিতাঃ প্রজাশ্চ তেষাং ভযরোগবিবর্জিতাঃ প্রভূতান্নাঃ .
৪২.১০ ধ্বজএব চাভিধাস্যতি জগতি নিমিত্তৈঃ ফলং সদসত্ .. ..
৪২.১১ পূজা তস্য নরেন্দ্রৈঃ বলবৃদ্ধিজযার্থিভিঃ যথা পূর্বম্ .
৪২.১১ শক্রাজ্ঞযা প্রযুক্তা তামাগমতঃ প্রবক্ষ্যামি .. ..
৪২.১২ তস্য বিধানং শুভকরণদিবসনক্ষত্রমংগলমুহূর্তৈঃ .
৪২.১২ প্রাস্থানিকৈঃ বনমিযাদ্ দৈবজ্ঞঃ সূত্রধারশ্চ .. ..
৪২.১৩ উদ্যানদেবতালযপিতৃবনবল্মীকমার্গচিতিজাতাঃ .
৪২.১৩ কুব্জ ঊর্ধ্বশুষ্ককণ্টকিবল্লীবন্দাকযুক্তাশ্চ .. ..
৪২.১৪ বহুবিহগালযকোটরপবনানলপীডিতাশ্চ যে তরবঃ .
৪২.১৪ যে চ স্যুঃ স্ত্রীসংজ্ঞা ন তে শুভাঃ শক্রকেত্বর্থে .. ..
৪২.১৫ শ্রেষ্ঠোঽর্জুনোঽজকর্ণঃ ( অশ্বকমঃ) প্রিযকধবৌদুংবরাশ্চ পংচৈতে .
৪২.১৫ এতেষামেকতমং ( অন্যতমং) প্রশস্তমথবাপরং বৃক্ষম্ .. ..
৪২.১৬ গৌরাসিতক্ষিতিভবং সংপূজ্য যথাবিধি দ্বিজঃ পূর্বম্ .
৪২.১৬ বিজনে সমেত্য রাত্রৌ স্পৃষ্ট্বা ব্রূযাদিমং মন্ত্রম্ .. ..
৪২.১৭ যানীহ বৃক্ষে ভূতানি তেভ্যঃ স্বস্তি নমোঽস্তু বঃ .
৪২.১৭ উপহারং গৃহীত্বা ইমং ক্রিযতাং বাসপর্যযঃ .. ..
৪২.১৮ পার্থিবঃ ত্বাং বরযতে স্বস্তি তেঽস্তু নগোত্তম .
৪২.১৮ ধ্বজার্থং দেবরাজস্য পূজা ইযং প্রতিগৃহ্যতাম্ .. ..
৪২.১৯ ছিন্দ্যাত্ প্রভাতসমযে বৃক্ষমুদক্ প্রান্ মুখোঽপি বা ভূত্বা .
৪২.১৯ পরশোঃ জর্জরশব্দো নেষ্টঃ স্নিগ্ধো ঘনশ্চ হিতঃ .. ..
৪২.২০ নৃপজযদমবিধ্বস্তং পতনমনাকুংচিতং চ পূর্বোদক্ .
৪২.২০ অবিলগ্নং চান্যতরৌ বিপরীতমতঃ ত্যজেত্ পতিতম্ .. ..
৪২.২১ ছিত্ত্বাগ্রে চতুরংগুলমষ্টৌ মূলে জলে ক্ষিপেদ্ যষ্টিম্ .
৪২.২১ উদ্ধৃত্য পুরদ্বারং শকটেন নযেন্ মনুষ্যৈঃ বা .. ..
৪২.২২ অরভংগে বলভেদো নেম্যা নাশো বলস্য বিজ্ঞেযঃ .
৪২.২২ অর্থক্ষযোঽক্ষযভংগে তথাণিভংগে চ বর্দ্ধকিনঃ .. ..
৪২.২৩ ভাদ্রপদশুক্লপক্ষস্যাষ্টম্যাং নাগরৈঃ বৃতো রাজা .
৪২.২৩ দৈবজ্ঞসচিবকংচুকিবিপ্রপ্রমুখৈঃ সুবেষধরৈঃ .. ..
৪২.২৪ অহতাংবরসংবীতাং যষ্টিং পৌরন্দরীং পুরং পৌরৈঃ .
৪২.২৪ স্রগ্গন্ধধূপযুক্তাং প্রবেশযেত্শংখতূর্যরবৈঃ .. ..
৪২.২৫ রুচিরপতাকাতোরণবনমালালংকৃতং প্রহৃষ্টজনম্ .
৪২.২৫ সম্মার্জিতার্চিতপথং সুবেষগণিকাজনাকীর্ণম্ .. ..
৪২.২৬ অভ্যর্চিতাপণগৃহং প্রভূতপুণ্যাহবেদনির্ঘোষম্ .
৪২.২৬ নটনর্তকগেযজ্ঞৈঃ আকীর্ণচতুষ্পথং নগরম্ .. ..
৪২.২৭ তত্র পতাকাঃ শ্বেতা ভবন্তি বিজযায ( বিজযায ভবন্তি) রোগদাঃ পীতাঃ .
৪২.২৭ জযদাশ্চ চিত্ররূপা রক্তাঃ শস্ত্রপ্রকোপায .. ..
৪২.২৮ যষ্টিং প্রবেশযন্তীং নিপাতযন্তো ভযায নাগাদ্যাঃ .
৪২.২৮ বালানাং তলশব্দে সংগ্রামঃ সত্ত্বযুদ্ধে বা .. ..
৪২.২৯ সন্তক্ষ্য পুনঃ তক্ষা বিধিবদ্ যষ্টিং প্ররোপযেদ্ যন্ত্রে .
৪২.২৯ জাগরমেকাদশ্যাং নরেশ্বরঃ কারযেগাস্যাম্ .. ..
৪২.৩০ সিতবস্ত্রৌষ্ণীষধরঃ পুরোহিতঃ শাক্রবৈষ্ণবৈঃ মন্ত্রৈঃ .
৪২.৩০ জুহুযাদগ্নিং সাংবত্সরো নিমিত্তানি গৃহ্ণীযাত্ .. ..
৪২.৩১ ইষ্টদ্রব্যাকারঃ সুরভিঃ স্নিগ্ধো ঘনোঽনলোঽর্চিষ্মান্ .
৪২.৩১ শুভকৃদতোঽন্যোঽনিষ্টো ( নেষ্টো) যাত্রাযাং বিস্তরোঽভিহিতঃ .. ..
৪২.৩২ স্বাহাবসানসমযে স্বযমুজ্জ্বলার্চিঃ
৪২.৩২ স্নিগ্ধঃ প্রদক্ষিণশিখো হুতভুগ্ নৃপস্য .
৪২.৩২ গংগাদিবাকরসুতাজলচারুহারাং
৪২.৩২ ধাত্রীং সমুদ্ররশনাং ( সমুদ্ররসনাং) বশগাং করোতি .. ..
৪২.৩৩ চামীকরাশোককুরণ্টকাব্জ
৪২.৩৩ বৈদূর্যনীলোত্পলসন্নিভেঽগ্নৌ .
৪২.৩৩ ন ধ্বান্তমন্তর্ভবনেঽবকাশং
৪২.৩৩ করোতি রত্নাংশুহতং নৃপস্য .. ..
৪২.৩৪ যেষাং রথৌঘার্ণবমেঘদন্তিনাং
৪২.৩৪ সমস্বনোঽগ্নিঃ যদি বাপি দুন্দুভেঃ .
৪২.৩৪ তেষাং মদান্ধৈভঘটাবঘট্টিতা
৪২.৩৪ ভবন্তি যানে তিমিরোপমা দিশঃ .. ..
৪২.৩৫ ধ্বজকুংভহযৈভভূভৃতামনুরূপে বশমেতি ভূভৃতাম্ .
৪২.৩৫ উদযাস্তধরাধরাঽধরা হিমবদ্বিন্ধ্যপযোধরা ধরা .. ..
৪২.৩৬ দ্বিরদমদমহীসরোজলাজা ( জলাজৈঃ) ঘৃতমধুনা চ হুতাশনে সগন্ধে .
৪২.৩৬ প্রণতনৃপশিরোমণিপ্রভাভিঃ ভবতি পুরস্ছুরিতেব ভূঃ নৃপস্য .. ..
৪২.৩৭ উক্তং যদুত্তিষ্ঠতি শক্রকেতৌ শুভাশুভং সপ্তমরীচিরূপৈঃ .
৪২.৩৭ তজ্জন্মযজ্ঞগ্রহশান্তিযাত্রাবিবাহকালেষ্বপি চিন্তনীযম্ .. ..
৪২.৩৮ গুডপূপপাযসাদ্যৈঃ বিপ্রান্ অভ্যর্চ্য দক্ষিণাভিশ্চ .
৪২.৩৮ শ্রবণেন দ্বাদশ্যামুত্থাপ্যোঽন্যত্র বা শ্রবণাত্ .. ..
৪২.৩৯ শক্রকুমার্যঃ কার্যাঃ প্রাহ মনুঃ সপ্ত পংচ বা তজ্ঞৈঃ .
৪২.৩৯ নন্দৌপনন্দসংজ্ঞে পাদোনার্ধে ধ্বজোচ্ছ্রাযাত্ ( পাদেনার্ধেন চোচ্ছ্রাযাত্) .. ..
৪২.৪০ ষোডশভাগাভ্যধিকে জযবিজযে দ্বে বসুন্ধরে চান্যে .
৪২.৪০ অধিকা শক্রজনিত্রী মধ্যেঽষ্টাংশেন চৈতাসাম্ .. ..
৪২.৪১ প্রীতৈঃ কৃতানি বিবুধৈঃ যানি পুরা ভূষণানি সুরকেতোঃ .
৪২.৪১ তানি ক্রমেণ দদ্যাত্ পিটকানি বিচিত্ররূপাণি .. ..
৪২.৪২ রক্তাশোকনিকাশং চতুরস্রং ( চতুরশ্রং) বিশ্বকর্মণা প্রথমম্ .
৪২.৪২ রশনা ( রসনা) স্বযংভুবা শংকরেণ চানেকবর্ণগা দত্তা ( চানেকবর্ণধরী) .. ..
৪২.৪৩ অষ্টাশ্রি নীলরক্তং তৃতীযমিন্দ্রেণ ভূষণং দত্তম্ .
৪২.৪৩ অসিতং যমশ্চতুর্থং মসূরকং কান্তিমদযচ্ছত্ .. ..
৪২.৪৪ মঞ্জিষ্ঠাভং বরুণঃ ষডশ্রি তত্পংচমং জলোর্মিনিভম্ .
৪২.৪৪ মযূরং কেযূরং ষষ্ঠং বাযুঃ জলদনীলম্ .. ..
৪২.৪৫ স্কন্ধঃ স্বং কেযূরং সপ্তমমদদদ্ ধ্বজায বহুচিত্রম্ .
৪২.৪৫ অষ্টমমনলজ্বালাসংকাশং হব্যভুগ্বৃত্তং ( দত্তং) .. ..
৪২.৪৬ বৈদূর্যসদৃশমিন্দ্রো ( ইন্দুঃ) নবমং গ্রৈবেযকং দদাবন্যত্ .
৪২.৪৬ রথচক্রাভং দশমং সূর্যঃ ত্বষ্টা প্রভাযুক্তম্ .. ..
৪২.৪৭ একাদশমুদ্বংশং বিশ্বেদেবাঃ সরোজসংকাশম্ .
৪২.৪৭ দ্বাদশমপি চ নিবেশম্ ঋষযো ( নিবংশং মুনযো) নীলোত্পলাভাসম্ .. ..
৪২.৪৮ কিংচিদধঊর্ধ্বনির্মিতং ( নির্নতং) উপরি বিশালং ত্রযোদশং কেতোঃ .
৪২.৪৮ শিরসি বৃহস্পতিশুক্রৌ লাক্ষারসসন্নিভং দদতুঃ .. ..
৪২.৪৯ যদি যদ্ যেন বিভূষণং ( বিনির্মিতং) অমরেণ বিনির্মিতংবিভূষণং) ধ্বজস্যার্থে .
৪২.৪৯ তত্তত্ তদ্দৈবত্যং বিজ্ঞাতব্যং বিপশ্চিদ্ভিঃ .. ..
৪২.৫০ ধ্বজপরিমাণত্র্যংশঃ পরিধিঃ প্রথমস্য ভবতি পিটকস্য .
৪২.৫০ পরতঃ প্রথমাত্ প্রথমাদষ্টাংশাষ্টাংশহীনানি .. ..
৪২.৫১ কুর্যাদহনি চতুর্থে পূরণমিন্দ্রধ্বজস্য শাস্ত্রজ্ঞঃ .
৪২.৫১ মনুনা চাগমগীতান্ মন্ত্রান্ এতান্ পঠেন্ নিযতঃ .. ..
৪২.৫২ হরার্কবৈবস্বতশক্রসোমৈঃ ধনেশবৈশ্বানরপাশভৃদ্ভিঃ .
৪২.৫২ মহর্ষিসংঘৈঃ সদিগপ্সরোভিঃ শুক্রাংগিরঃস্কন্দমরুদ্গণৈশ্চ .. ..
৪২.৫৩ যথা ত্বমূর্জস্করণৈকরূপৈঃ সমর্চিতঃ ত্বাভরণৈরুদারৈঃ .
৪২.৫৩ তথেহ তানি আভরণানি যাগে ( দেব) শুভানি সংপ্রীতমনা গৃহাণ .. ..
৪২.৫৪ অজোঽব্যযঃ শাশ্বত একরূপো বিষ্ণুঃ বরাহঃ পুরুষঃ পুরাণঃ .
৪২.৫৪ ত্বমন্তকঃ সর্বহরঃ কৃশানুঃ সহস্রশীর্ষঃ ( শীর্শা) শতমন্যুঃ ঈড্যঃ .. ..
৪২.৫৫ কবিং সপ্তজিহ্বং ত্রাতারমিন্দ্রং স্ববিতারং ( অবিতারং) সুরেশম্ .
৪২.৫৫ হ্বযামি শক্রং বৃত্রহণং সুষেণমস্মাকং বীরা উত্তরা ( উত্তরে) ভবন্তু .. ..
৪২.৫৬ প্রপূরণে চোচ্ছ্রযণে প্রবেশে স্নানে তথা মাল্যবিধৌ বিসর্গে .
৪২.৫৬ পঠেদিমান্ নৃপতিঃ সোপবাসো মন্ত্রান্ শুভান্ পুরুহূতস্য কেতোঃ .. ..
৪২.৫৭ ক্ষত্রধ্বজাদর্শফলার্ধচন্দ্রৈঃ বিচিত্রমালাকদলীক্ষুদণ্ডৈঃ .
৪২.৫৭ সব্যালসিংহৈঃ পিটকৈঃ গবাক্ষৈঃ অলংকৃতং দিক্ষু চ লোকপালৈঃ .. ..
৪২.৫৮ অচ্ছিন্নরজ্জুং দৃঢকাষ্ঠমাতৃকং
৪২.৫৮ সুশ্লিষ্টযন্ত্রার্গলপাদতোরণম্ .
৪২.৫৮ উত্থাপযেল্লক্ষ্ম সহস্রচক্ষুষঃ
৪২.৫৮ সারদ্রুমাভগ্নকুমারিকান্বিতম্ .. ..
৪২.৫৯ অবিরতজনরাবং মংগলাশীঃপ্রণামৈঃ .
৪২.৫৯ পটুপটহমৃদংগৈঃ শংখভের্যাদিভিশ্চ .
৪২.৫৯ শ্রুতিবিহিতবচোভিঃ পাপঠদ্ভিশ্চ বিপ্রৈঃ
৪২.৫৯ অশুভবিহত ( রহিত) শব্দং কেতুমুত্থাপযেচ্ ( উত্থাপযীত) চ .. ..
৪২.৬০ ফলদধিঘৃতলাজাক্ষৌদ্রপুষ্পাগ্রহস্তৈঃ
৪২.৬০ প্রণিপতিতশিরোভিঃ তুষ্ট ( তুষ্টু) বদ্ভিশ্চ পৌরৈঃ .
৪২.৬০ বৃত ( ধৃত) মনিমিষভর্তুঃ কেতুমীশঃ প্রজানাম্
৪২.৬০ মরিনগরনতাগ্রং কারযেদ্ দ্বিড্বধায ( বধায) .. ..
৪২.৬১ নাতিদ্রুতং ন চ বিলংবিতমপ্রকংপম্
৪২.৬১ অধ্বস্তমাল্যপিটকাদিবিভূষণম্ চ .
৪২.৬১ উত্থানমিষ্টমশুভং যদতোঽন্যথা স্যাত্
৪২.৬১ তচ্ছান্তিভিঃ নরপতেঃ শমযেত্ পুরোধাঃ .. ..
৪২.৬২ ক্রব্যাদকৌশিককপোতককাককংকৈঃ
৪২.৬২ কেতুস্থিতৈঃ মহদুশন্তি ভযং নৃপস্য .
৪২.৬২ চাষেণ চাপি যুবরাজভযং বদন্তি
৪২.৬২ শ্যেনো বিলোচনভযং নিপতন্ করোতি .. ..
৪২.৬৩ ছত্রভংগপতনে নৃপমৃত্যুঃ
৪২.৬৩ তস্করান্ মধু করোতি নিলীনম্ .
৪২.৬৩ হন্তি চাপ্যথ পুরোহিতমুল্কা
৪২.৬৩ পার্থিবস্য মহিষীমশনিশ্চ .. ..
৪২.৬৪ রাজ্ঞীবিনাশং পতিতা পতাকা
৪২.৬৪ করোত্যবৃষ্টিং পিটকস্য পাতঃ .
৪২.৬৪ মধ্যাগ্রমূলেষু চ কেতুভংগো
৪২.৬৪ নিহন্তি মন্ত্রিক্ষিতিপালপৌরান্ .. ..
৪২.৬৫ ধূমাবৃতে শিখিভযং তমসা চ মোহো
৪২.৬৫ ব্যালৈশ্চ ভগ্নপতিতৈঃ ন ভবত্যমাত্যাঃ .
৪২.৬৫ গ্লাযন্ত্যুদক্প্রভৃতি চ ক্রমশো দ্বিজাদ্যান্ ( দ্বিজাদ্যা)
৪২.৬৫ ভংগে তু বন্ধকিবধঃ ( বধঃ) কথিতঃ কুমার্যাঃ .. ..
৪২.৬৬ রজ্জূত্সংগচ্ছেদনে বালপীডা
৪২.৬৬ রাজ্ঞো মাতুঃ পীডনং মাতৃকাযাঃ .
৪২.৬৬ যদ্যত্ কুর্যুশ্চারণা বালকা ( বালকাশ্চারণা) বা
৪২.৬৬ তত্তত্ তাদৃগ্ ভাবি পাপং শুভং বা .. ..
৪২.৬৭ দিনচতুষ্টযমুত্থিতমর্চিতং
৪২.৬৭ সমভিপূজ্য নৃপোঽহনি পংচমে .
৪২.৬৭ প্রকৃতিভিঃ সহ লক্ষ্ম বিসর্জযেদ্
৪২.৬৭ বলভিদঃ স্ববলাভিবিবৃদ্ধযে .. ..
৪২.৬৮ উপরিচরবসুপ্রবর্তিতং নৃপতিভিঃ অপি অনুসন্ততং কৃতম্ .
৪২.৬৮ বিধিমিমমনুমন্য পার্থিবো ন রিপুকৃতং ভযমাপ্নুযাদিতি .. ..

অধ্যায ৪৩ নীরাজনাধ্যাযঃ

৪৩.১ ভগবতি জলধরপক্ষ্মক্ষপাকরার্কেক্ষণে কমলনাভে .
৪৩.১ উন্মীলযতি তুরংগ ( তুরংগন) করিনরনীরাজনং কুর্যাত্ .. ..
৪৩.২ দ্বাদশ্যামষ্টম্যাং কার্তিক ( কার্ত্তিক) শুক্লস্য পংচদশ্যাং বা .
৪৩.২ আশ্বযুজে বা কুর্যান্ নীরাজনসংজ্ঞিতাং শান্তিম্ .. ..
৪৩.৩ নগরোত্তরপূর্বদিশি প্রশস্তভূমৌ প্রশস্তদারুমযম্ .
৪৩.৩ ষোডশহস্তোচ্ছ্রাযং দশবিপুলং তোরণং কার্যম্ .. ..
৪৩.৪ সর্জৌদুংবরককুভশাখাময ( শাখাককুভমযং) শান্তিসদ্ম কুশবহুলম্ .
৪৩.৪ বংশবিনির্মিতমত্স্যধ্বজচক্রালংকৃতদ্বারম্ .. ..
৪৩.৫ প্রতিসরযা তুরগাণাং ভল্লাতকশালিকুষ্ঠসিদ্ধার্থান্ .
৪৩.৫ কণ্ঠেষু নিবধ্নীযাত্ পুষ্ট্যর্থং শান্তিগৃহগাণাম্ .. ..
৪৩.৬ রবিবরুণবিশ্বদেবপ্রজেশপুরুহূতবৈষ্ণবৈঃ মন্ত্রৈঃ .
৪৩.৬ সপ্তাহং শান্তিগৃহে কুর্যাত্শান্তিং তুরংগাণাম্ .. ..
৪৩.৭ অভ্যর্চিতা ন পরুষং বক্তব্যা নাপি তাডনীযাঃ তে .
৪৩.৭ পুণ্যাহশংখতূর্যধ্বনিগীতরবৈঃ বিমুক্তভযাঃ .. ..
৪৩.৮ প্রাপ্তে অষ্টমেঽহ্নি কুর্যাদুদন্মুখং তোরণস্য দক্ষিণতঃ .
৪৩.৮ কুশচীরাবৃতমাশ্রমমগ্নিং পুরতোঽস্য বেদ্যাং চ .. ..
৪৩.৯ চন্দনকুষ্ঠসমংগাহরিতালমনঃশিলাপ্রিযংগুবচাঃ .
৪৩.৯ দন্ত্যমৃতাঞ্জনরজনীসুবর্ণপুষ্প্যগ্নিপুষ্পাগ্নি) মন্থাশ্চ .. ..
৪৩.১০ শ্বেতাং সপূর্ণকোশাং কটংভরাত্রাযমাণসহদেবীঃ .
৪৩.১০ নাগকুসুমং স্বগুপ্তাং শতাবরীং সোমরাজীং চ .. ..
৪৩.১১ কলশেষ্বেতাঃ ( এতান্) কৃত্বা সংভারান্ উপহরেদ্ বলিং ( বলিং) সম্যক্ .. ..
৪৩.১১ ভক্ষ্যৈঃ নানাকারৈঃ মধুপাযসযাবকপ্রচুরৈঃ .. ..
৪৩.১২ খদিরপলাশৌদুংবরকাশ্মর্যশ্বত্থনির্মিতাঃ সমিধঃ .
৪৩.১২ স্রুক্ কনকাদ্ রজতাদ্ বা কর্তব্যা ভূতিকামেন .. ..
৪৩.১৩ পূর্বাভিমুখঃ শ্রীমান্ বৈযাঘ্রে চর্মণি স্থিতো রাজা .
৪৩.১৩ তিষ্ঠেদনলসমীপে তুরগভিষগ্দৈববিত্সহিতঃ .. ..
৪৩.১৪ যাত্রাযাং যদভিহিতং গ্রহযজ্ঞবিধৌ মহেন্দ্রকেতৌ চ .
৪৩.১৪ বেদীপুরোহিতানললক্ষণমস্মিং তদবধার্যম্ .. ..
৪৩.১৫ লক্ষণযুক্তং তুরগং দ্বিরদবরং চৈব দীক্ষিতং স্নাতম্ .
৪৩.১৫ অহতসিতাংবরগন্ধস্রগ্ধূম ( ধূপা) অভ্যর্চিতং কৃত্বা .
৪৩.১৬ আশ্রমতোরণমূলং সমুপনযেত্ সান্ত্বযন্ শনৈঃ বাচা .
৪৩.১৬ বাদিত্রশংখপুণ্যাহনিঃস্বনাপূরিতদিগন্তম্ .. ..
৪৩.১৭ যদ্যানীতঃ তিষ্ঠেদ্ দক্ষিণচরণং হযঃ সমুত্ক্ষিপ্য .
৪৩.১৭ স জযতি তদা নরেন্দ্রঃ শত্রূন্ নচিরাদ্ ( অচিরাদ্) বিনা যত্নাত্ .. ..
৪৩.১৮ ত্রস্যন্ নৈষ্টো রাজ্ঞঃ পরিশেষং চেষ্টিতং দ্বিপহযানাম্ .
৪৩.১৮ যাত্রাযাং ব্যাখ্যাতং তদিহ বিচিন্ত্যং যথাযুক্তি .. ..
৪৩.১৯ পিণ্ডমভিমন্ত্র্য দদ্যাত্ পুরোহিতো বাজিনে স যদি জিঘ্রেত্ .
৪৩.১৯ অশ্নীযাদ্ বা জযকৃদ্ বিপরীতোঽতোঽন্যথাভিহিতঃ .. ..
৪৩.২০ কলশৌদকেষু শাখামাপ্লাব্যৌদুংবরীং স্পৃশেত্ তুরগান্ .
৪৩.২০ শান্তিকপৌষ্টিকমন্ত্রৈঃ এবং সেনাং সনৃপনাগাম্ .. ..
৪৩.২১ শান্তিং রাষ্ট্রবিবৃদ্ধ্যৈ কৃত্বা ভূযোঽভিচারকৈঃ মন্ত্রৈঃ .
৪৩.২১ মৃত্মযমরিং বিভিন্দ্যাত্শূলেনোরঃস্থলে বিপ্রঃ .. ..
৪৩.২২ খলিনং হযায দদ্যাদভিমন্ত্র্য পুরোহিতঃ ততো রাজা .
৪৩.২২ আরুহ্যৌদক্পূর্বাং যাযান্ নীরাজিতঃ সবলঃ .. ..
৪৩.২৩ মৃদংগশংখধ্বনিহৃষ্টকুঞ্জরস্রবন্মদামোদসুগন্ধমারুতঃ .
৪৩.২৩ শিরোমণিপ্রান্ত ( ব্রাত) চলত্ প্রভাচযৈঃ জ্বলন্ বিবিস্বান্ ইব তোযদাত্যযে .. ..
৪৩.২৪ হংসপংক্তিভিঃ ইতঃ ততোঽদ্রিরাট্ সংপতদ্ভিঃ ইব শুক্লচামরৈঃ .. ..
৪৩.২৪ মৃষ্টগন্ধপবনানুবাহিভিঃ ধূযমানরুচিরস্রগংবরঃ .
৪৩.২৫ নৈকবর্ণমণিবজ্রভূষিতৈঃ ভূষিতো মুকুটকুণ্ডলাংগদৈঃ .
৪৩.২৫ ভূরিরত্নকিরণানুরঞ্জিতঃ শক্রকার্মুকরুচিং ( রুচং) সমুদ্বহন্ .. ..
৪৩.২৬ উত্পতদ্ভিঃ ইব খং তুরংগমৈঃ দারযদ্ভিঃ ইব দন্তিভিঃ ধরাম্ .
৪৩.২৬ নির্জিতারিভিঃ ইবামরৈঃ নরৈঃ শক্রবত্ পরিবৃতো ব্রজেন্ নৃপঃ .. ..
৪৩.২৭ সবজ্রমুক্তাফলভূষণোঽথবা সিতস্রগুষ্ণীষবিলেপনাংবরঃ .
৪৩.২৭ ধৃতাতপত্রো গজপৃষ্ঠমাশ্রিতো ঘনোপরীবেন্দুতলে ভৃগোঃ সুতঃ .. ..
৪৩.২৮ সংপ্রহৃষ্টনরবাজিকুঞ্জরং নির্মলপ্রহরণাংশুভাসুরম্ .
৪৩.২৮ নির্বিকারমরিপক্ষভীষণং যস্য সৈন্যমচিরাত্ স গাং জযেত্ .. ..

অধ্যায ৪৪ খঞ্জনকলক্ষণাধ্যাযঃ

৪৪.১ খঞ্জনকো নামাযং যো বিহগঃ তস্য দর্শনে প্রথমে .
৪৪.১ প্রোক্তানি যানি মুনিভিঃ ফলানি তানি প্রবক্ষ্যামি .. ..
৪৪.২ স্থূলোঽভ্যুন্নতকণ্ঠঃ কৃষ্ণগলো ভদ্রকারকো ভদ্রঃ .
৪৪.২ আকণ্ঠমুখাত্ কৃষ্ণঃ সংপূর্ণঃ পূরযত্যাশাম্ .. ..
৪৪.৩ কৃষ্ণো গলেঽস্য বিন্দুঃ সিতকরটান্তঃ স রিক্তকৃদ্ রিক্তঃ .
৪৪.৩ পীতো গোপীত ইতি ক্লেশকরঃ খঞ্জনো দৃষ্টঃ .. ..
৪৪.৪ অথ মধুরসুরভিফলকুসুমতরুষু সলিলাশযেষু পুণ্যেষু .
৪৪.৪ করিতুরগভুজগমূর্ধ্নি প্রাসাদৌদ্যানহর্ম্যেষু .. ..
৪৪.৫ গোগোষ্ঠসত্সমাগমযজ্ঞৌত্সবপার্থিবদ্বিজসমীপে .
৪৪.৫ হস্তিতুরংগমশালাঘত্রধ্বজচামরাদ্যেষু .. ..
৪৪.৬ হেমসমীপসিতাংবরকমলোত্পলপূজিতৌপলিপ্তেষু .
৪৪.৬ দধিপাত্রধান্যকূটেষু চ শ্রিযং খঞ্জনঃ কুরুতে .. ..
৪৪.৭ পংকে স্বাদ্বন্নাপ্তিঃ গোরসসংপগ গোমযোপগতে .
৪৪.৭ শাদ্বলগে বস্ত্রাপ্তিঃ শকটস্থে দেশবিভ্রংশঃ .. ..
৪৪.৮ গৃহপটলেঽর্থভ্রংশো বধ্রে ( বধ্রে) বন্ধোঽশুচৌ ভবতি রোগঃ .
৪৪.৮ পৃষ্ঠে ত্বজাবিকানাং প্রিযসংগমমাবহত্যাশু .. ..
৪৪.৯ মহিষৌষ্ট্রগর্দভাস্থিশ্মশানগৃহকোণশর্করাট্ট ( অদ্রি) স্থঃ .
৪৪.৯ প্রাকারভস্মকেশেষু চাশুভো মরণরুগ্ভযদঃ .. ..
৪৪.১০ পক্ষৌ ধুন্বন্ ন শুভঃ শুভঃ পিবন্ বারি নিম্নগাসংস্থঃ .
৪৪.১০ সূর্যোদযে প্রশস্তো ( ঽথ শস্তো) নৈষ্টফলঃ খঞ্জনোঽস্তমযে .. ..
৪৪.১১ নীরাজনে নিবৃত্তে যযা দিশা খঞ্জনং নৃপো যান্তম্ .
৪৪.১১ পশ্যেত্ তযা গতস্য ক্ষিপ্রমরাতিঃ বশমুপৈতি .. ..
৪৪.১২ তস্মিন্ নিধিঃ ভবতি মৈথুনমেতি যস্মিন্
৪৪.১২ যস্মিং তু ছর্দযতি তত্র তলেঽস্তি কাচম্ .
৪৪.১২ অংগারমপি উপদিশন্তি পুরীষণেঽস্য
৪৪.১২ তত্কৌতুকাপনযনায খনেদ্ ধরিত্রীম্ .. ..
৪৪.১৩ মৃতবিকলবিভিন্নরোগিতঃ স্বতনুসমানফলপ্রদঃ খগঃ .
৪৪.১৩ ধনকৃদভিনিলীযমানকো বিযতি চ বন্ধুসমাগমপ্রদঃ .. ..
৪৪.১৪ নৃপতিঃ অপি শুভং শুভপ্রদেশে খগমবলোক্য মহীতলে বিদধ্যাত্ .
৪৪.১৪ সুরভিকুসুমধূপযুক্তমর্ঘং শুভমভিনন্দিং ( অভিনন্দিতং) এবমেতি বৃদ্ধিম্ .. ..
৪৪.১৫ অশুভমপি বিলোক্য খঞ্জনং দ্বিজগুরুসাধুসুরার্চনে রতঃ .
৪৪.১৫ ন নৃপতিঃ অশুভং সমাপ্নুযাত্ ( সমাপ্নুযান্) ন যদি দিনানি চ সপ্ত মাংসভুক্ .. ..
৪৪.১৬ আবর্ষাত্ প্রথমে দর্শনে ফলং প্রতিদিনং তু দিনশেষাত্ ( দিনশেষে) .
৪৪.১৬ দিক্স্থানমূর্তিলগ্নঋক্ষশান্তদীপ্তাদিভিশ্চৌহ্যম্ .. ..

অধ্যায ৪৫ উত্পাতাধ্যাযঃ

৪৫.১ যান্ অত্রেঃ ( অত্রি) উত্পাতান্ গর্গঃ প্রোবাচ তান্ অহং বক্ষ্যে .
৪৫.১ তেষাং সংক্ষেপোঽযং প্রকৃতেঃ অন্যত্বমুত্পাতঃ .. ..
৪৫.২ অপচারেণ নরাণামুপসর্গঃ পাপসংচযাদ্ ভবতি .
৪৫.২ সংসূচযন্তি দিব্যান্তরিক্ষভৌমাঃ ত উত্পাতাঃ ( তদুত্পাতাঃ) .. ..
৪৫.৩ মনুজানামপচারাদপরক্তা দেবতাঃ সৃজন্ত্যেতান্ .
৪৫.৩ তত্প্রতিঘাতায নৃপঃ শাংস্তিং রাষ্ট্রে প্রযুঞ্জীত .. ..
৪৫.৪ দিব্যং গ্রহঋক্ষবৈকৃতমুল্কানির্ঘাতপবনপরিবেষাঃ .
৪৫.৪ গন্ধর্বপুরপুরন্দরচাপাদি যদান্তরিক্ষং তত্ .. ..
৪৫.৫ ভৌমং চরস্থিরভবং তত্শান্তিভিঃ আহতং শমমুপৈতি .
৪৫.৫ নাভসমুপৈতি মৃদুতাং শাম্যতি নো দিব্যমিত্যেকে .. ..
৪৫.৬ দিব্যমপি শমমুপৈতি প্রভূতকনকান্নগোমহীদানৈঃ .
৪৫.৬ রুদ্রাযতনে ভূমৌ গোদোহাত্ কোটিহোমাগ .. ..
৪৫.৭ আত্মসুতকোশবাহনপুরদারপুরোহিতেষু লোকে চ ( লোকেষু) .
৪৫.৭ পাকমুপযাতি দৈবং পরিকল্পিতমষ্টধা নৃপতেঃ .. ..
৪৫.৮ অনিমিত্তভংগচলনস্বেদাশ্রুনিপাতজল্পনাদ্যানি .
৪৫.৮ লিংগার্চাযতনানাং নাশায নরেশদেশানাম্ .. ..
৪৫.৯ দৈবতযাত্রাশকটাক্ষচক্রযুগকেতুভংগপতনানি .
৪৫.৯ সংপর্যাসনসাদনসংগঃ ( সংগাঃ) চ ন দেশনৃপশুভদাঃ .. ..
৪৫.১০ ঋষিধর্মপিতৃব্রহ্মপ্রোদ্ভূতং বৈকৃতং দ্বিজাতীনাম্ .
৪৫.১০ যদ্ রুদ্রলোকপালোদ্ভবং পশূনামনিষ্টং তত্ .. ..
৪৫.১১ গুরুসিতশনৈশ্চরোত্থং পুরোধসাং বিষ্ণুজং চ লোকানাম্ .
৪৫.১১ স্কন্দবিশাখসমুত্থং মাণ্ডলিকানাং নরেন্দ্রাণাম্ .. ..
৪৫.১২ বেদব্যাসে মন্ত্রিণি বিনাযকে বৈকৃতং চমূনাথে .
৪৫.১২ ধাতরি সবিশ্বকর্মণি লোকাভাবায নির্দিষ্টম্ .. ..
৪৫.১৩ দেবকুমারকুমারীবনিতাপ্রেষ্যেষু বৈকৃতং যত্ স্যাত্ .
৪৫.১৩ তন্ নরপতেঃ কুমারককুমারিকাস্ত্রীপরিজনানাম্ .. ..
৪৫.১৪ রক্ষঃ পিশাচগৃহ্যকনাগানামেবং ( এতদ্) এব নির্দিষ্টং ( নির্দেশ্যং) .
৪৫.১৪ মাসৈশ্চাপ্যষ্টাভিঃ সর্বেষামেব ফলপাকঃ .. ..
৪৫.১৫ বুদ্ধ্বা দেববিকারং শুচিঃ পুরোধাঃ ত্র্যহৌষিতঃ স্নাতঃ .
৪৫.১৫ স্নানকুসুমানুলেপনবস্ত্রৈঃ অভ্যর্চযেত্ প্রতিমাম্ .. ..
৪৫.১৬ মধুপর্কেণ পুরোধা ভক্ষ্যৈঃ ( বক্ষৈঃ) বলিভিশ্চ বিধিবদুপতিষ্ঠেত্ .
৪৫.১৬ স্থালীপাকং জুহুযাদ্ বিধিবন্ মন্ত্রৈশ্চ তল্লিংগৈঃ .. ..
৪৫.১৭ ইতি বিবুধবিকারে শান্তযঃ সপ্তরাত্রং
৪৫.১৭ দ্বিজবিবুধগণার্চা গীতনৃত্যৌত্সবাশ্চ .
৪৫.১৭ বিধিবদবনিপালৈঃ যৈঃ প্রযুক্তা ন তেষাং
৪৫.১৭ ভবতি দুরিতপাকো দক্ষিণাভিশ্চ রুদ্ধঃ .. ..
৪৫.১৮ রাষ্ট্রে যস্যানগ্নিঃ প্রদীপ্যতে দীপ্যতে চ নেন্ধনবান্ .
৪৫.১৮ মনুজেশ্বরস্য পীডা তস্য চ রাষ্ট্রস্য বিজ্ঞেযা .. ..
৪৫.১৯ জলমাংসার্দ্রজ্বলনে নৃপতিবধঃ প্রহরণে রণো রৌদ্রঃ .
৪৫.১৯ সৈন্যগ্রামপুরেষু চ নাশো বহ্নেঃ ভযং কুরুতে .. ..
৪৫.২০ প্রাসাদভবনতোরণকেত্বাদিষ্বননলেন দিগ্ধেষু .
৪৫.২০ তডিতা বা ষণ্মাসাত্ পরচক্রস্যাগমো নিযমাত্ .. ..
৪৫.২১ ধূমোঽনগ্নিসমুত্থো রজস্তমশ্চাহ্নিজং মহাভযদম্ .
৪৫.২১ ব্যভ্রে নিশ্যুডুনাশো দর্শনমপি চাহ্নি দোষকরম্ .. ..
৪৫.২২ নগরচতুষ্পাদন্ড ( দান্ড) জমনুজানাং ভযকরং জ্বলনমাহুঃ .
৪৫.২২ ধূমাগ্নিবিস্ফুলিংগৈঃ শয্যাংবরকেশগৈঃ মৃত্যুঃ .. ..
৪৫.২৩ আযুধজ্বলনসর্পণস্বনাঃ ক্ষনির্গমনবেপনানি বা .
৪৫.২৩ বৈকৃতানি যদি বাযুধেঽপরাণি আশু রৌদ্ররণসংকুলং বদেত্ .. ..
৪৫.২৪ মন্ত্রৈঃ আগ্নেযৈঃ ( বাহ্নৈঃ) ক্ষীরবৃক্ষাত্ সমিদ্ভিঃ
৪৫.২৪ হোতব্যোঽগ্নিঃ সর্ষপৈঃ সর্পিষা চ .
৪৫.২৪ অগ্ন্যাদীনাং বৈকৃতে শান্তিঃ এবং
৪৫.২৪ দেযং চাস্মিন্ কাংচনং ব্রাহ্মণেভ্যঃ .. ..
৪৫.২৫ শাখাভংগেঽকস্মাদ্ বৃক্ষাণাং নির্দিশেদ্ রণোদ্যোগম্ .
৪৫.২৫ হসন দেশভ্রংশং রুদিতে চ ব্যাধিবাহুল্যম্ .. ..
৪৫.২৬ রাষ্ট্রবিভেদঃ ত্বনৃতৌ বালবধোঽতীব কুসুমিতে বালে .
৪৫.২৬ বৃক্ষাত্ ক্ষীরস্রাবে সর্বদ্রব্যক্ষযো ভবতি .. ..
৪৫.২৭ মদ্যে বাহননাশঃ সংগ্রামঃ শোণিতে মধুনি রোগঃ .
৪৫.২৭ স্নেহে দুর্ভিক্ষভযং মহদ্ভযং নিঃস্রুতে ( নিঃসৃতে) সলিলে .. ..
৪৫.২৮ শুষ্কবিরোহে বীর্যান্নসংক্ষযঃ শোষণে চ বিরুজানাম্ .
৪৫.২৮ পতিতানামুত্থানে স্বযং ভযং দৈবজনিতং চ .. ..
৪৫.২৯ পূজিতবৃক্ষে হ্যনৃতৌ কুসুমফলং নৃপবধায নির্দিষ্টম্ .
৪৫.২৯ ধূমঃ তস্মিন্ জ্বালাঽথবা ভবেন্ নৃপবধাযৈব .. ..
৪৫.৩০ সর্পত্সু তরুষু জল্পত্সু বাপি জনসংক্ষযো বিনির্দিষ্টঃ .
৪৫.৩০ বৃক্ষাণাং বৈকৃত্যে দশভিঃ মাসৈঃ ফলবিপাকঃ .. ..
৪৫.৩১ স্রগ্গন্ধধূপাংবরপূজিতস্য ছত্রং বিধাযোপরি পাদপস্য .
৪৫.৩১ কৃত্বা শিবং রুদ্রজপোঽত্র কার্যো রুদ্রেভ্য ইত্যত্র ষড্ এব হোমাঃ ( ষডংগহোমঃ) .. ..
৪৫.৩২ পাযসেন মধুনাপি ( মধুনা চ) ভোজযেদ্ ব্রাহ্মণান্ ঘৃতযুতেন ভূপতিঃ .
৪৫.৩২ মেদিনী নিগদিতাত্র দক্ষিণা বৈকৃতে তরুকৃতে হিতার্থিভিঃ .. ..
৪৫.৩৩ নালেঽব্জযবাদীনামেকস্মিন্ দ্বিত্রিসংভবো মরণম্ .
৪৫.৩৩ কথযতি তদধিপতীনাং যমলং জাতং চ কুসুমফলম্ .. ..
৪৫.৩৪ অতিবৃদ্ধিঃ সস্যানাং নানাফলকুসুমসংভবো ( ভবো) বৃক্ষে .
৪৫.৩৪ ভবতি হি যদ্যেকস্মিন্ পরচক্রস্যাগম্মো নিযমাত্ .. ..
৪৫.৩৫ অর্ধেন যদা তৈলং ভবতি তিলানামতৈলতা বা স্যাত্ .
৪৫.৩৫ অন্নস্য চ বৈরস্যং তদা তু বিন্দ্যাদ্ ভযং সুমহত্ .. ..
৪৫.৩৬ বিকৃতকুসুমং ফলম্ বা গ্রামাদথবা পুরাদ্ বহিঃ কার্যম্ .
৪৫.৩৬ সৌম্যোঽত্র চরুঃ কার্যো নির্বাপ্যো বা পশুঃ শান্ত্যৈ .. ..
৪৫.৩৭ সস্যে চ দৃষ্ট্বা বিকৃতিং প্রদেযং
৪৫.৩৭ তত্ক্ষেত্রমেব প্রথমং দ্বিজেভ্যঃ .
৪৫.৩৭ তস্যৈব মধ্যে চরুমত্র ভৌমং
৪৫.৩৭ কৃবা ন দোষং সমুপৈতি তজ্জং ( তজ্জান্) .. ..
৪৫.৩৮ দুর্ভিক্ষমনাবৃষ্টাবতিবৃষ্টৌ ( অনাবৃষ্ট্যামতিবৃষ্ট্যাং)
ক্ষুদ্ভযং পরভযং চ ( সপরচক্রং) .
৪৫.৩৮ রোগো হ্যনৃতুভবাযাং নৃপতিবধো ( নৃপবধো) ঽনভ্রজাতাযাম্ .. ..
৪৫.৩৯ শীতোষ্ণবিপর্যাসো ( বিপর্যাসে) নো সম্যগৃতুষু চ সংপ্রবৃত্তেষু .
৪৫.৩৯ ষণ্মাসাদ্ রাষ্ট্রভযং রোগভযং দৈবজনিতং চ .. ..
৪৫.৪০ অন্যঋতৌ সপ্তাহং প্রবন্ধবর্ষে প্রধাননৃপমরণম্ .
৪৫.৪০ রক্তে শস্ত্রোদ্যোগো মাংসাস্থিবসাদিভিঃ মরকঃ .. ..
৪৫.৪১ ধান্যহিরণ্যত্বক্ফলকুসুমাদ্যৈঃ বর্ষিতৈঃ ভযং বিন্দ্যাত্ .
৪৫.৪১ অংগারপাংশুবর্ষে বিনাশমাযাতি তন্নগরম্ .. ..
৪৫.৪২ উপলা বিনা জলধরৈঃ বিকৃতা বা প্রাণিনো যদা বৃষ্টাঃ .
৪৫.৪২ ছিদ্রং বাপ্যতিবৃষ্টৌ সস্যানামীতিসংজননম্ .. ..
৪৬.৪৩ ক্ষীরঘৃতক্ষৌদ্রাণাং দধ্নো রুধিরোষ্ণবারিণাং ( বারিণো) বর্ষে .
৪৬.৪৩ দেশবিনাশো জ্ঞেযোঽসৃগ্বর্ষে চ অপি নৃপযুদ্ধম্ .. ..
৪৫.৪৩ যদ্যমলেঽর্কে ছাযা ন দৃশ্যতে প্রতীপা বা .
৪৫.৪৩ দেশস্য তদা সুমহদ্ভযমাযাতং বিনির্দেশ্যম্ .. ..
৪৫.৪৪ ব্যভ্রে নভসীন্দ্রধনুর্দিবা যদা দৃশ্যতেঽথবা রাত্রৌ .
৪৫.৪৪ প্রাচ্যামপরস্যাং বা তদা ভবেত্ ক্ষুদ্ভ্যং সুমহত্ .. ..
৪৫.৪৫ সূর্যেন্দুপর্জন্যসমীরণানাং যাগঃ ( যোগঃ) স্মৃতো বৃষ্টিবিকারকালে .
৪৫.৪৫ ধান্যান্নগোকাংচনদক্ষিণাশ্চ দেযাঃ ততঃ শান্তিমুপৈতি পাপম্ .. ..
৪৫.৪৬ অপসর্পণং নদীনাম্ নগরাদচিরেণ শূন্যতাং কুরুতে .
৪৫.৪৬ শোষশ্চাশোষ্যাণামন্যেষাং বা হ্রদাদীনাম্ .. ..
৪৫.৪৭ স্নেহাসৃগ্মাংসবহাঃ সংকুলকলুষাঃ প্রতীপগাশ্চাপি .
৪৫.৪৭ পরচক্রস্যাগমনং নদ্যঃ কথযন্তি ষণ্মাসাত্ .. ..
৪৫.৪৮ জ্বালাধূমক্বাথারুদিতৌত্ক্রুষ্টানি চৈব কূপানাম্ .
৪৫.৪৮ গীতপ্রজল্পিতানি চ জনমরকাযৌপদিষ্টানি ( প্রদিষ্টানি) .. ..
৪৫.৪৯ সলিল ( তোয) উত্পত্তিঃ অখাতে গন্ধরসবিপর্যযে চ তোযানাম্ .
৪৫.৪৯ সলিলাশযবিকৃতৌ বা মহদ্ভযং তত্র শন্তিমিমাং ( ইযং) .. ..
৪৫.৫০ সলিলবিকারে কুর্যাত্ পূজাং বরুণস্য বারুণৈঃ মন্ত্রৈঃ .
৪৫.৫০ তৈঃ এব চ জপহোমং শমমেবং পাপমুপযাতি .. ..
৪৫.৫১ প্রসববিকারে স্ত্রীণাং দ্বিত্রিচতুষ্প্রভৃতিসংপ্রসূতৌ বা .
৪৫.৫১ হীনাতিরিক্তকালে চ দেশকুলসংক্ষযো ভবতি .. ..
৪৫.৫২ বডবা উষ্ট্রমহিষগোহস্তিনীষু যমলৌদ্ভবে রণমরণং ( মরণং) এষাম্ .
৪৫.৫২ ষণ্মাসাত্ সূতিফলং শান্তৌ শ্লোকৌ চ গর্গৌক্তৌ .. ..
৪৫.৫৩ নার্যঃ পরস্য বিষযে ত্যক্তব্যাঃ তা হিতার্থিনা .
৪৫.৫৩ তর্পযেগ দ্বিজান্ কামৈঃ শান্তিং চৈবাত্র কারযেত্ .. ..
৪৫.৫৪ চতুষ্পাদাঃ স্বযূথেভ্যঃ ত্যক্তব্যাঃ পরভূমিষু .
৪৫.৫৪ নগরং স্বামিনং যূথমন্যথা তু বিনাশযেত্ .. ..
৪৫.৫৫ পরযোনাবভিগমনং ভবতি তিরশ্চামসাধু ধেনূনাম্ .
৪৫.৫৫ উক্ষাণো বান্যোন্যং পিবতি শ্বা বা সুরভিপুত্রম্ .. ..
৪৫.৫৬ মাসত্রযেণ বিন্দ্যাত্ তস্মিন্ নিঃসংশযং পরাগমনম্ .
৪৫.৫৬ তত্প্রতিঘাতাযৈতৌ শ্লোকৌ গর্গেণ নির্দিষ্টৌ .. ..
৪৫.৫৭ ত্যাগো বিবাসনং দানং তত্তস্যাশু শুভং ভবেত্ .
৪৫.৫৭ তর্পযেদ্ ব্রাহ্মণাংশ্চাত্র জপহোমাংশ্চ কারযেত্ .. ..
৪৫.৫৮ স্থালীপাকেন ধাতারং পশুনা চ পুরোহিতঃ .
৪৫.৫৮ প্রাজাপত্যেন মন্ত্রেণ যজেদ্ বহ্বন্নদক্ষিণম্ .. ..
৪৫.৫৯ যানং বাহবিযুক্তং যদি গচ্ছেন্ ন ব্রজেগ বাহযুতম্ .
৪৫.৫৯ রাষ্ট্রভযং ভবতি তদা চক্রাণাং সাদভংগে চ .. ..
৪৫.৬০( ৪৬.৬১অব্) গীতরবতূর্যশব্দা নভসি যদা বা চরস্থিরান্যত্বম্ .
৪৫.৬০( ৪৬.৬১য্দ্) মৃত্যুঃ তদা গদা বা বিস্বতূর্যে ( বিস্বরতার্যে) পরাভিভবঃ .. ..
৪৫.৬১( ৪৬.৬২অব্) অনভিহততূর্যনাদঃ শব্দো বা তাডিতেষু যদি ন স্যাত্ .
৪৫.৬১( ৪৬.৬২ঐ) ব্যুত্পত্তৌ বা তেষাং পরাগমো নৃপতিমরণং বা .. ..
৪৫.৬২ গোলাংগলযোঃ সংগে দর্বীশূর্পাদ্যুপস্করবিকারে .
৪৫.৬২ ক্রোষ্টুকনাদে চ তথা শস্ত্রভযং মুনিবচশ্চেদম্ .. ..
৪৫.৬৩ বাযব্যেষ্বেষু ন্র্পতিঃ বাযুং শক্তুভিঃ অর্চযেত্ .
৪৫.৬৩ আবাযোঃ ইতি পংচর্চো জপ্তব্যাঃ ( জাপ্যাশ্চ) প্রযতৈঃ দ্বিজৈঃ .. ..
৪৫.৬৪ ব্রাহ্মণান্ পরমান্নেন দক্ষিণাভিশ্চ তর্পযেত্ .
৪৫.৬৪ বহ্বন্নদক্ষিণা হোমাঃ কর্তব্যাশ্চ প্রযত্নতঃ .. ..
৪৫.৬৫ পুরপক্ষিণো বনচরা বন্যা বা নির্ভযা বিশন্তি পুরম্ .
৪৫.৬৫ নক্তং বা দিবসচরাঃ ক্ষপাচরা বা চরন্ত্যহনি .. ..
৪৫.৬৬ সন্ধ্যাদ্বযেঽপি মণ্ডলমাবধ্নন্তো মৃগা বিহংগা বা .
৪৫.৬৬ দীপ্তাযাং দিশ্যথবা ক্রোশন্তঃ সংহতা ভযদাঃ .. ..
৪৫.৬৭ শ্যেনাঃ ( শ্বানঃ) প্ররুদন্ত ইব দ্বারে ক্রোশন্তি জংবুকা দীপ্তাঃ .
৪৫.৬৭ প্রবিশেন্ নরেন্দ্রভবনে কপোতকঃ কৌশিকো যদি বা .. ..
৪৫.৬৮ কুক্কুটরুতং প্রদোষে হেমন্তাদৌ চ কোকিলালাপাঃ .
৪৫.৬৮ প্রতিলোমমণ্ডলচরাঃ শ্যেনাদ্যাশ্চাংবরে ভযদাঃ .. ..
৪৫.৬৯ গৃহচৈত্যতোরণেষু দ্বারেষু চ পক্ষিসংঘসংপাতঃ ( সংপাতাঃ) .
৪৫.৬৯ মধুবল্মীকাংভোরুহসমুদ্ভবঃ ( সমুদ্ভবাঃ) চাপি নাশায .. ..
৪৫.৭০ শ্বভিঃ অস্থিশবাবযবপ্রবেশনং মন্দিরেষু মরকায .
৪৫.৭০ পশুশস্ত্রব্যাহারে নৃপমৃত্যুঃ মুনিবচশ্চেদম্ .. ..
৪৫.৭১ মৃগপক্ষিবিকারেষু কুর্যাদ্ ধীমান্ ( ধোমান্) সদক্ষিণান্ .
৪৫.৭১ দেবাঃ কপোত ইতি চ জপ্তব্যাঃ পংচভিঃ দ্বিজৈঃ .. ..
৪৫.৭২ সুদেবা ইতি চৈকেন দেযা গাবঃ সদক্ষিণাঃ ( চ দক্ষিণা) .
৪৫.৭২ জপেত্শাকুনসূক্তং বা মনো বেদশিরাংশি চ .. ..
৪৫.৭৩ শক্রধ্বজেন্দ্রকীলস্তংভদ্বারপ্রপাতভংগেষু .
৪৫.৭৩ তদ্বত্ কপাটতোরণকেতূনাং নরপতেঃ মরণম্ .. ..
৪৫.৭৪ সন্ধ্যাদ্বযস্য দীপ্তিঃ ধূমৌত্পত্তিশ্চ কাননেঽনগ্নৌ .
৪৫.৭৪ ছিদ্রাভাবে ভূমেঃ দরণং কংপশ্চ ভযকারী .. ..
৪৫.৭৫ পাখণ্ডাণাং ( পাষণ্ডাণাং) নাস্তিকানাং চ ভক্তঃ
৪৫.৭৫ সাধ্বাচারপ্রোজ্ঝিতঃ ক্রোধশীলঃ .
৪৫.৭৫ ঈর্ষ্যুঃ ক্রূরো বিগ্রহাসক্তচেতা
৪৫.৭৫ যস্মিন্ রাজা তস্য দেশস্য নাশঃ .. ..
৪৫.৭৬ প্রহর হর ছিন্ধি ভিন্ধীত্যাযুধকাষ্ঠাশ্মপাণযো বালাঃ .
৪৫.৭৬ নিগদন্তঃ প্রহরন্তে তত্রাপি ভযং ভবত্যাশু .. ..
৪৫.৭৭ অংগারগৈরিকাদ্যৈঃ বিকৃতপ্রেতাভিলেখনং যস্মিন্ .
৪৫.৭৭ নাযকচিত্রিতমথবা ক্ষযে ক্ষযং যাতি ন চিরেণ .. ..
৪৫.৭৮ লূতাপটাংগশবলং ন সন্ধ্যযোঃ পূজিতং কলহযুক্তম্ .
৪৫.৭৮ নিত্যৌচ্ছিষ্টস্ত্রীকং চ যদ্গৃহং তত্ক্ষযং যাতি .. ..
৪৫.৭৯ দৃষ্টেষু যাতুধানেষু নির্দিশেন্ মরকমাশু সংপ্রাপ্তম্ .
৪৫.৭৯ প্রতিঘাতাযৈতেষাং গর্গঃ শান্তিং চকারৈমাম্ .. ..
৪৫.৮০ মহাশান্ত্যোঽথ বলযো ভোজ্যানি সুমহান্তি চ .
৪৫.৮০ কারযেত মহেন্দ্রং চ মাহেন্দ্রীং ( মহেন্দ্রীভিঃ) চ সমর্চযেত্ .. ..
৪৫.৮১ নরপতিদেশবিনাশে কেতোরুদযেঽথবা গ্রহেঽর্কেন্দ্বোঃ .
৪৫.৮১ উত্পাতানাং প্রভবঃ স্বঋতুভবশ্চাপ্যদোষায .. ..
৪৫.৮২ যে চ ন দোষান্ জনযন্ত্যুত্পাতাঃ তান্ ঋতুস্বভাবকৃতান্ .
৪৫.৮২ ঋষিপুত্রকৃতৈঃ শ্লোকৈঃ বিদ্যাদেতৈঃ সমাসৌক্তৈঃ .. ..
৪৫.৮৩ বজ্রাশনিমহীকংপসন্ধ্যানির্ঘাতনিঃস্বনাঃ .
৪৫.৮৩ পরিবেষরজোধূমরক্তার্কাস্তময ( অস্তমন) উদযাঃ .. ..
৪৫.৮৪ দ্রুমেভ্যোঽন্নরসস্নেহবহুপুষ্পফলৌদ্গমাঃ .
৪৫.৮৪ গোপক্ষিমদবৃদ্ধিশ্চ শিবায মধুমাধবে .. ..
৪৫.৮৫ তারা উল্কাপাতকলুষং কপিলার্কেন্দুমণ্ডলম্ .
৪৫.৮৫ অনগ্নিজ্বলনস্ফোটধূমরেণ্বনিলাহতম্ .. ..
৪৫.৮৬ রক্তপদ্মারুণা ( অরুণং) সন্ধ্যা ( সন্ধ্যং) নভঃ ক্ষুব্ধার্ণবৌপমম্ .
৪৫.৮৬ সরিতাং চাংবুসংশোষং দৃষ্ট্বা গ্রীষ্মে শুভং বদেত্ .. ..
৪৫.৮৭ শক্রাযুধপরীবেষবিদ্যুত্শুষ্কবিরোহণম্ .
৪৫.৮৭ কংপৌদ্বর্তনবৈকৃত্যং রসনং দরণং ক্ষিতেঃ .. ..
৪৫.৮৮ সরোনদ্যুদপানানাং বৃদ্ধ্যূর্ধ্বতরণপ্লবাঃ .
৪৫.৮৮ সরণং চাদ্রিগেহানাং বর্ষাসু ন ভযাবহম্ .. ..
৪৫.৮৯ দিব্যস্ত্রীভূতগন্ধর্ববিমানাদ্ভুতদর্শনম্ .
৪৫.৮৯ গ্রহনক্ষত্রতারাণাং দর্শনং চ দিবাঽংবরে .. ..
৪৫.৯০ গীতবাদিত্রনির্ঘোষা বনপর্বতসানুষু .
৪৫.৯০ সস্যবৃদ্ধিঃ অপাং হানিঃ অপাপাঃ শরদি স্মৃতাঃ .. ..
৪৫.৯১ শীতানিলতুষারত্বং নর্দনং মৃগপক্ষিণাম্ .
৪৫.৯১ রক্ষোযক্ষাদিসত্ত্বানাং দর্শনং বাগ্ অমনুষী .. ..
৪৫.৯২ দিশো ধূমান্ধকারাশ্চ সনভোবনপর্বতাঃ .
৪৫.৯২ উচ্ছৈঃ সূর্যোদযাস্তৌ চ হেমন্তে শোভনাঃ স্মৃতাঃ .. ..
৪৫.৯৩ হিমপাতানিলোত্পাতা বিরূপাদ্ভুতদর্শনম্ .
৪৫.৯৩ কৃষ্ণাঞ্জনাভমাকাশং তারা উল্কাপাতপিঞ্জরম্ .. ..
৪৫.৯৪ চিত্রগর্ভোদ্ভবাঃ স্ত্রীষু গোঽজাশ্বমৃগপক্ষিষু .
৪৫.৯৪ পত্রাংকুরলতানাং চ বিকারাঃ শিশিরে শুভাঃ .. ..
৪৫.৯৫ ঋতুস্বভাবজা হ্যেতে দৃষ্টাঃ স্বঋতৌ শুভপ্রদাঃ .
৪৫.৯৫ ঋতোঃ অন্যত্র চৌত্পাতা দৃষ্টাঃ তে চাতিদারুণাঃ ( বৃশদারুনাঃ) .. ..
৪৫.৯৬ উন্মত্তানাং চ যা গাথাঃ শিশূনাং যগ ভাষিতং ( ভাষিতং চ যত্) .
৪৫.৯৬ স্ত্রিযো যগ প্রভাষন্তে তস্য নাস্তি ব্যতিক্রমঃ .. ..
৪৫.৯৭ পূর্বং চরতি দেবেষু পশ্চাগরতি ( গচ্ছতি) মানুষান্ .
৪৫.৯৭ নাচোদিতা বাগ্ বদতি সত্যা হ্যেষা সরস্বতী .. ..
৪৫.৯৮ উত্পাতান্ গণিতবিবর্জিতোঽপি বুদ্ধ্বা
৪৫.৯৮ বিখ্যাতো ভবতি নরেন্দ্রবল্লভশ্চ .
৪৫.৯৮ এতত্ তন্মুনিবচনং রহস্যমুক্তং
৪৫.৯৮ যজ্ঞাত্বা ভবতি নরঃ ত্রিকালদর্শী .. ..

অধ্যায ৪৬ মযূরচিত্রকাধ্যাযঃ

৪৬.১ দিব্যান্তরিক্ষাশ্রযমুক্তমাদৌ মযা ফলং শস্তমশোভনং চ .
৪৬.১ প্রাযেণ চারেষু সমাগমেষু যুদ্ধেষু মার্গাদিষু বিস্তরেণ .. ..
৪৬.২ ভূযো বরাহমিহিরস্য ন যুক্তমেতত্
৪৬.২ কর্তুং সমাসকৃদসবিতি তস্য দোষঃ .
৪৬.২ তজ্ঞৈঃ ন বাচ্যমিদমুক্তফলানুগীতি
৪৬.২ যদ্ বর্হি ( বর্হি) চিত্রকমিতি প্রথিতং বরাংগম্ .. ..
৪৬.৩ স্বরূপমেব তস্য তত্প্রকীর্তিতানুকীর্তনম্ .
৪৬.৩ ব্রবীম্যহং ন চেদিদং তথাঽপি মেঽত্র বাচ্যতা .. ..
৪৬.৪ উত্তরবীথিগতা দ্যুতিমন্তঃ ক্ষেমশুভিক্ষশিবায সমস্তাঃ .
৪৬.৪ দক্ষিণমার্গগতা দ্যুতিহীনাঃ ক্ষুদ্ভযতস্করমৃত্যুকরাঃ তে .. ..
৪৬.৫ কোষ্ঠাগারগতে ভৃগুপুত্রে পুষ্যস্থে চ গিরাম্ প্রভবিষ্ণৌ .
৪৬.৫ নির্বৈরাঃ ক্ষিতিপাঃ সুখভাজঃ সংহৃষ্টাশ্চ জনা গতরোগাঃ .. ..
৪৬.৬ পীডযন্তি যদি কৃত্তিকাং মঘাং রোহিণীং শ্রবমেন্দ্রমেব বা .
৪৬.৬ প্রোজ্ঝ্য সূর্যমপরে গ্রহাঃ তদা পশ্চিমা দিগ্ অনযেন পীড্যতে .. ..
৪৬.৭ প্রাচ্যাং চেদ্ ধ্বজবদবস্থিতা দিনান্তে
৪৬.৭ প্রাচ্যানাং ভবতি হি বিগ্রহো নৃপাণাম্ .
৪৬.৭ মধ্যে চেদ্ ভবতি হি মধ্যদেশপীঠা ( পীডা)
৪৬.৭ রূক্ষৈঃ তৈঃ ন তু রুচিমন্ ( রুচিরৈঃ) মযূখবদ্ভিঃ .. ..
৪৬.৮ দক্ষিণাং ককুভমাশ্রিতঃ ( আশ্রিতৈঃ) তু তৈঃ দক্ষিণাপথপযোমুচাং ক্ষযঃ .
৪৬.৮ হীনরূক্ষতনুভিশ্চ বিগ্রহঃ স্থূলদেহকিরণান্বিতৈঃ শুভম্ .. ..
৪৬.৯ উত্তরমার্গে স্পষ্টমযূখাঃ শান্তিকরাঃ তে তন্ নৃপতীনাম্ .
৪৬.৯ হ্রস্বশরীরা ভস্মসবর্ণা দোষকরাঃ স্যুঃ দেশনৃপাণাম্ .. ..
৪৬.১০ নক্ষত্রাণাং তারকাঃ সগ্রহাণাম্
৪৬.১০ ধূমজ্বালাবিস্ফুলিংগান্বিতাশ্চেত্ .
৪৬.১০ আলোকং বা নির্নিমিত্তং ন যান্তি
৪৬.১০ যাতি ধ্বংসং সর্বলোকঃ সভূপঃ .. ..
৪৬.১১ দিবি ভাতি যদা তুহিনাংশুযুগং
৪৬.১১ দ্বিজবৃদ্ধিঃ অতীব তদাশু শুভা .
৪৬.১১ তদনন্তরবর্ণরণোঽর্কযুগে
৪৬.১১ জগতঃ প্রলযঃ ত্রিচতুষ্প্রভৃতি .. ..
৪৬.১২ মুনীন্ অভিজিতং ধ্রুবং মঘবতশ্চ ভং সংস্পৃশন্
৪৬.১২ শিখী ঘনবিনাশকৃত্ কুশলকর্মহা শোকদঃ .
৪৬.১২ ভুজংগং ( ভুজংগভং) অথ সংস্পৃশেদ্ ভবতি বৃষ্টিনাশো ধ্রুবং
৪৬.১২ ক্ষযং ব্রজতি বিদ্রুতো জনপদশ্চ বালাকুলঃ .. ..
৪৬.১৩ প্রাগ্দ্বারেষু চরন্ রবিপুত্রো নক্ষত্রেষু করোতি চ বক্রম্ .
৪৬.১৩ দুর্ভিক্ষং কুরুতে মহদুগ্রং ( ভযমুগ্রং) মিত্রাণাং চ বিরোধমবৃষ্টিম্ .. ..
৪৬.১৪ রোহিণীশকটমর্কনন্দনো যদি ভিনত্তি রুধিরোঽথবা শিখী .
৪৬.১৪ কিং বদামি যদনিষ্টসাগরে জগদশেষমুঅপযাতি সংক্ষযম্ .. ..
৪৬.১৫ উদযতি সততং যদা শিখী চরতি ভচক্রমশেষমেব বা .
৪৬.১৫ অনুভবতি পুরাকৃতং তদা ফলমশুভং সচরাচরং জগত্ .. ..
৪৬.১৬ ধনুঃস্থাযী রূক্ষো রুধিরসদৃশঃ ক্ষুদ্ভযকরো
৪৬.১৬ বলোদ্যোগং চন্দ্রঃ ( চেন্দুঃ) কথযতি জযং জ্যাঽস্য চ যতঃ .
৪৬.১৬ গবাংঅবাক্) শৃংগো গোঘ্নো নিধনমপি সস্যস্য কুরুতে
৪৬.১৬ জ্বলন্ ধূমাযন্ বা নৃপতিমরণাযৈব ভবতি .. ..
৪৬.১৭ স্নিগ্ধঃ স্থূলঃ সমশৃংগো বিশালঃ তুংগশ্চৌদগ্বিচরন্ নাগবীথ্যাম্ .
৪৬.১৭ দৃষ্টঃ সৌম্যৈঃ অশুভৈঃ বিপ্রযুক্তো লোকানন্দং কুরুতেঽতীব চন্দ্রঃ .. ..
৪৬.১৮ পিত্র্যমৈত্রপুরুহূতবিশাখাত্বাষ্ট্রমেত্য চ যুনক্তি শশাংকঃ .
৪৬.১৮ দক্ষিণেন ন শুভঃ শুভকৃত্ ( শুভো হিতকৃত্) স্যাদ্ যদ্যুদক্ চরতি মধ্যগতো বা .. ..
৪৬.১৯ পরিঘ ইতি মেঘরেখা যা তির্যগ্ভাস্করোদযেঽস্তে বা .
৪৬.১৯ পরিধিঃ তু প্রতিসূর্যো দণ্ডঃ ত্বৃজুঃ ইন্দ্রচাপনিভঃ .. ..
৪৬.২০ উদযেঽস্তে বা ভানোঃ যে দীর্ঘা রশ্মযঃ ত্বমোঘাঃ তে .
৪৬.২০ সুরচাপখণ্ডম্ ঋজু যদ্রোহিতমৈরাবতং দীর্ঘম্ .. ..
৪৬.২১ অর্ধাস্তমযাত্ সন্ধ্যা ব্যক্তীভূতা ন তারকা যাবত্ .
৪৬.২১ তেজঃপরিহানিমুখাদ্ ভানোঃ অর্ধোদযো যাবত্ .. ..
৪৬.২২ তস্মিন্ সন্ধ্যাকালে চিহ্নৈঃ এতৈঃ শুভাশুভং বাচ্যম্ .
৪৬.২২ সর্বৈঃ এতৈঃ স্নিগ্ধৈঃ সদ্যো বর্ষং ভযং রূক্ষৈঃ .. ..
৪৬.২৩ অচ্ছিন্নঃ পরিঘো বিযগ বিমলং শ্যামা মযূখা রবেঃ
৪৬.২৩ স্নিগ্ধা দীধিতযঃ মিতং ( সিতং) সুরধনুর্বিদ্যুগ পূর্বোত্তরা .
৪৬.২৩ স্নিগ্ধো মেঘতরুঃ দিবাকরকরৈঃ আলিংগিতো বা যদা
৪৬.২৩ বৃষ্টিঃ স্যাদ্ যদি বাঽর্কমস্তসমযে মেঘো মহান্ ছাদযেত্ .. ..
৪৬.২৪ খণ্ডো বক্রঃ কৃষ্ণো হ্রস্বঃ কাকাদ্যৈঃ বা চিহ্নৈঃ বিদ্ধঃ .
৪৬.২৪ যস্মিন্ দেশে রূক্ষশ্চার্কঃ তত্রাভাবঃ প্রাযো রাজ্ঞঃ .. ..
৪৬.২৫ বাহিনীং সমুপযাতি পৃষ্ঠতো মাংসভুক্ খগগণো যুযুত্সতঃ .
৪৬.২৫ যস্য তস্য বলবিদ্রবো মহান্ অগ্রৈঃ তু বিজযো বিহংগমৈঃ .. ..
৪৬.২৬ ভানোরুদযে যদি বাস্তমযে গন্ধর্বপুরপ্রতিমা ধ্বজিনী .
৪৬.২৬ বিংবং নিরুণদ্ধি তদা নৃপতেঃ প্রাপ্তং সমরং সভযং প্রবদেত্ .. ..
৪৬.২৭ শস্তা শান্তিদ্বিজমৃগঘুষ্টা সন্ধ্যা স্নিগ্ধা মৃদুপবনা চ .
৪৬.২৭ পাংশুধ্বস্তা জনপদনাশং ধত্তে রূক্ষা রুধিরনিভা বা .. ..
৪৬.২৮ যদ্বিস্তরেণ কথিতং মুনিভিঃ তদস্মিন্
৪৬.২৮ সর্বং মযা নিগদিতং পুনরুক্তবর্জম্ .
৪৬.২৮ শ্রুত্বাঽপি কোকিলরুতং বলিভুগ্বিরৌতি
৪৬.২৮ যত্তত্ স্বভাবকৃতমস্য পিকং ন জেতুম্ .. ..

অধ্যায ৪৭ পুষ্যস্নানাধ্যাযঃ

৪৭.১ মূলং মনুজাধিপতিঃ প্রজাতরোঃ তদুপঘাতসংস্কারাত্ .
৪৭.১ অশুভং শুভং চ লোকে ভবতি যতোঽতো নৃপতিচিন্তা .. ..
৪৭.২ যা ব্যাখ্যাতা শান্তিঃ স্বযংভুবা সুরগুরোঃ মহেন্দ্রার্থে .
৪৭.২ তাং প্রাপ্য বৃদ্ধগর্গঃ প্রাহ যথা ভাগুরেঃ শৃণুত .. ..
৪৭.৩ পুষ্যস্নানং নৃপতেঃ কর্তব্যং দৈববিত্পুরোধাভ্যাম্ .
৪৭.৩ নাতঃ পরং পবিত্রং সর্বৌত্পাতান্তকরমস্তি .. ..
৪৭.৪ শ্লেষ্মাতকাক্ষকন্টকিকটুতিক্তবিগন্ধিপাদপবিহীনে .
৪৭.৪ কৌশিকগৃধ্রপ্রভৃতিভিঃ অনিষ্টবিহগৈঃ পরিত্যক্তে .. ..
৪৭.৫ তরুণতরুগুল্মবল্লীলতাপ্রতানান্বিতে ( বৃতে) বনোদ্দেশে .
৪৭.৫ নিরুপহতপত্রপল্ল্বমনোজ্ঞমধুরদ্রুমপ্রাযে .. ..
৪৭.৬ কৃকবাকুজীবজীবকশুকশিখিশতপত্রচাষহারীতৈঃ .
৪৭.৬ ক্রকরচকোরকপিঞ্জলবঞ্জুলপারাবতশ্রীকৈঃ .. ..
৪৭.৭ কুসুমরসপানমত্তদ্বিরেফপুংস্কোকিলাদিভিশ্চান্যৈঃ .
৪৭.৭ বিরুতে বনোপকণ্ঠে ক্ষেত্রাগারে শুচাবথবা .. ..
৪৭.৮ হৃদিনী ( হ্রদিনী) বিলাসিনীনাং জলখগনখবিক্ষতেষু রম্যেষু .
৪৭.৮ পুলিনজঘনেষু কুর্যাদ্ দৃক্মনসোঃ প্রীতিজননেষু .. ..
৪৭.৯ প্রোত্প্লুতহংসচ্ছত্রে কারণ্ডবকুররসারসোদ্গীতে .
৪৭.৯ ফুল্লেন্দীবরনযনে সরসি সহস্রাক্ষকান্তিধরে .. ..
৪৭.১০ প্রোত্ফুল্লকমলবদনাঃ কলহংসকল ( অদ্দ্.স্বন) প্রভাষিণ্যঃ .
৪৭.১০ প্রোত্তুংগকুড্মলকুচা যস্মিন্ নলিনীবিলাসিন্যঃ .. ..
৪৭.১১ কুর্যাদ্ গোরোমন্থজফেনলবশকৃত্খুরক্ষতৌপচিতে .
৪৭.১১ অচিরপ্রসূতহুংকৃতবল্গিতবত্সৌত্সবে গোষ্ঠে .. ..
৪৭.১২ অথবা সমুদ্রতীরে কুশলাগতরত্নপোত ( পোতরত্ন) সংবাধে .
৪৭.১২ ঘননিচুললীনজলচরসিতখগশবলীকৃতোপান্তে .. ..
৪৭.১৩ ক্ষমযা ক্রোধ ইব জিতঃ সিংহো মৃগ্যাভিভূযতে যেষু ( যত্র) .
৪৭.১৩ দত্তাভযখগমৃগশাবকেষু তেষ্বাশ্রমেষ্বথবা .. ..
৪৭.১৪ কাংচীকলাপনূপুরগুরুজঘনৌদ্বহনবিঘ্নিতপদাভিঃ .
৪৭.১৪ শ্রীমতি মৃগেক্ষণাভিঃ গৃহেঽন্যব্ভৃতবল্গুবচনাভিঃ .. ..
৪৭.১৫ পুণ্যেষ্বাযতনেষু চ তীর্থেষূদ্যানরম্যদেশেষু .
৪৭.১৫ পূর্বোদক্প্লবভূমৌ প্রদক্ষিণাংভোবহাযাং চ .. ..
৪৭.১৬ ভস্মাংগারাস্থ্যূষরতুষকেশশ্বভ্রকর্কটাবাসৈঃ .
৪৭.১৬ শ্বাবিধ ( শ্বাবিন্) মূষকবিবরৈঃ বল্মীকৈঃ যা চ সন্ত্যক্তা .. ..
৪৭.১৭ ধাত্রী ঘনা সুগন্ধা স্নিগ্ধা মধুরা সমা চ বিজযায .
৪৭.১৭ সেনাবাসেঽপি এবং যোজযিতব্যা যথাযোগম্ .. ..
৪৭.১৮ নিষ্ক্রম্য পুরান্ নক্তং দৈবজ্ঞামাত্যযাজকাঃ প্রাচ্যাম্ .
৪৭.১৮ কৌবের্যাং বা কৃত্বা বলিং দিশীশাধিপাযাং বা .. ..
৪৭.১৯ লাজাক্ষতদধিকুসুমৈঃ প্রযতঃ প্রণতঃ পুরোহিতঃ কুর্যাত্ .
৪৭.১৯ আবাহনমথ মন্ত্রঃ তস্মিন্ মুনিভিঃ সমুদ্দিষ্টঃ .. ..
( মন্ত্র ৪৭.২০- ২১)
৪৭.২০ আগচ্ছন্তু সুরাঃ সর্বে যেঽত্র পূজাভিলাষিণঃ .
৪৭.২০ দিশো নাগা দ্বিজাশ্চৈব যে চাপ্যন্যে ( চানেযপি) ঽংশভাগিনঃ .. ..
৪৭.২১ আবাহ্যএবম্ ততঃ সর্বান্ এবং ব্রূযাত্ পুরোহিতঃ .
৪৭.২১ শ্বঃ পূজাং প্রাপ্য যাস্যন্তি দত্ত্বা শান্তিং মহীপতেঃ .. ..
৪৭.২২ আবাহিতেষু কৃত্বা পূজাং তাং শর্বরীং বসেযুঃ তে .
৪৭.২২ সদসত্স্বপ্ননিমিত্তং যাত্রাযাং স্বপ্নবিধিরুক্তঃ .. ..
৪৭.২৩ অপরেঽহনি প্রভাতে সংভারান্ উপহরেদ্ যথোক্তগুণান্ .
৪৭.২৩ গত্বাঽবনিপ্রদেশে শ্লোকাশ্চাপ্যত্র মুনিগীতাঃ .. ..
৪৭.২৪ তস্মিন্ মণ্ডলমালিখ্য কল্পযেত্ তত্র মেদিনীম্ .
৪৭.২৪ নানারত্নাকরবতীং স্থানানি বিবিধানি চ .. ..
৪৭.২৫ পুরোহিতো যথাস্থানং নাগান্ যক্ষান্ সুরান্ পিতুন্ .
৪৭.২৫ গন্ধর্বাপ্সরসশ্চৈব মুনীন্ সিদ্ধাংশ্চ বিন্যসেত্ .. ..
৪৭.২৬ গ্রহাংশ্চ সর্ব ( সহ) নক্ষত্রৈ রুদ্রাংশ্চ সহ মাতৃভিঃ .
৪৭.২৬ স্কন্দং বিষ্ণুং বিশাখং চ লোকপালান্ সুরস্ত্রিযঃ .. ..
৪৭.২৭ বর্ণকৈঃ বিবিধৈঃ কৃত্বা হৃদ্যৈঃ গন্ধগুণান্বিতৈঃ .
৪৭.২৭ যথাস্বং পূজযেদ্ বিদ্বান্ গন্ধমাল্যানুলেপনৈঃ .. ..
৪৭.২৮ ভক্ষ্যৈঃ অন্নৈশ্চ বিবিধৈঃ ফলমূলামিষৈঃ তথা .
৪৭.২৮ পানৈশ্চ ( পানকৈঃ) বিবিধৈঃ হৃদ্যৈঃ সুরাক্ষীরাসবাদিভিঃ .. ..
৪৭.২৯ কথযাম্যতঃ পরমহং পূজামস্মিন্ যথাভিলিখিতানাম্ .
৪৭.২৯ গ্রহযজ্ঞে যঃ প্রোক্তো বিধিঃ গ্রহাণাং স কর্তব্যঃ .. ..
৪৭.৩০ মাংসওদনমদ্যৈঃ পিশাচদিতিতনযদানবাঃ পূজ্যাঃ .
৪৭.৩০ অভ্যঞ্জনাঞ্জনতিলৈঃ পিতরো মাংসওদনৈশ্চাপি .. ..
৪৭.৩১ সামযজুর্ভিঃ মুনযঃ ত্বৃগ্ভিঃ গন্ধৈশ্চ ধূপমাল্যযুতৈঃ .
৪৭.৩১ অশ্লেষকবর্ণৈঃ ত্রিমধুরেণ চাভ্যর্চযেদ্ নাগান্ .. ..
৪৭.৩২ ধূপূজ্যাহুতিমাল্যৈঃ বিবুধান্ রত্নঃ ( রত্নৈঃ) স্তুতিপ্রণামৈশ্চ .
৪৭.৩২ গন্ধর্বান্ অপ্সরসো গন্ধৈঃ মাল্যৈশ্চ সুসুগন্ধৈঃ .. ..
৪৭.৩৩ শেষাং তু সার্ববর্ণিকবলিভিঃ পূজাং ন্যসেগ সর্বেষাম্ .
৪৭.৩৩ প্রতিসরবস্ত্রপতাকাভূষণযজ্ঞোপবীতানি .. ..
৪৭.৩৪ মণ্ডলপশ্চিমভাগে কৃত্বাগ্নিং দক্ষিণেঽথবা বেদ্যাম্ .
৪৭.৩৪ আদদ্যাত্ সংভারান্ দর্ভান্ দীর্ঘান্ অগর্ভাংশ্চ .. ..
৪৭.৩৫ লাজাজ্যাক্ষতদধিমধুসিদ্ধার্থকগন্ধসুমনসো ধূপঃ ( ধুপান্) .
৪৭.৩৫ গোরোচনাঞ্জনতিলাঃ ( তিলান্) স্বর্তুজমধুরাণি চ ফলানি .. ..
৪৭.৩৬ সঘৃতস্য পাযসস্য চ তত্র শরাবাণি তৈশ্চ সংভারৈঃ .
৪৭.৩৬ পশ্চিমবেদ্যাং পূজাং কুর্যাত্ স্নানস্য সা বেদী .. ..
৪৭.৩৭ তস্যাঃ কোণেষু দৃঢান্ কলশান্ সিতসূত্রবেষ্টিতগ্রীবান্ .
৪৭.৩৭ সক্ষীরবৃক্ষপল্লবফলাপিধানান্ ব্যবস্থাপ্য .. ..
৪৭.৩৮ পুষ্যস্নানবিমিশ্রেণাপূর্ণান্ অংভসা সরত্নাংশ্চ .
৪৭.৩৮ পুষ্যস্নানদ্রব্যাণি আদদ্যাদ্ গর্গগীতানি .. ..
৪৭.৩৯ জ্যোতিষ্মতীং ত্রাযমাণামভযামপরাজিতাম্ .
৪৭.৩৯ জীবাং বিশ্বেশ্বরীং পাঠাং সমংগাং বিজযাং তথা .. ..
৪৭.৪০ সহাং চ সহদেবীং চ পূর্ণকোশাং শ্তাবরীম্ .
৪৭.৪০ অরিষ্টিকাং শিবাং ভদ্রাং তেষু কুংভেষু বিন্যসেত্ .. ..
৪৭.৪১ ব্রাহ্মীং ক্ষেমামজাং চৈব সর্ববীজানি কাংচনীং ( কাংচনং) .
৪৭.৪১ মংগল্যানি যথালাভং সর্বৌষধ্যো রসাঃ ( রসাং) তথা .. ..
৪৭.৪২ রত্নানি সর্বগন্ধাঃ ( সর্বগন্ধাংশ) চ বিল্বং চ সবিকংকতম্ .
৪৭.৪২ প্রশস্তনাম্ন্যশ্চৌষধ্যো হিরণ্যং মংগলানি চ .. ..
৪৭.৪৩ আদাবনডুহশ্চর্ম জরযা সংহৃতাযুষঃ .
৪৭.৪৩ প্রশস্তলক্ষণভৃতঃ প্রাচীনগ্রীবমাস্তরেত্ .. ..
৪৭.৪৪ ততো বৃষস্য যোধস্য চর্ম রোহিতমক্ষতম্ .
৪৭.৪৪ সিংহস্যাথ তৃতীযং স্যাদ্ ব্যাঘ্রস্য চ ততঃ পরম্ .. ..
৪৭.৪৫ চত্বার্যেতানি চর্মাণি তস্যাং বেদ্যামুপাস্তরেত্ .
৪৭.৪৫ শুভে মুহূর্তে সংপ্রাপ্তে পুষ্যযুক্তে নিশাকরে .. ..
৪৭.৪৬ ভদ্রাসনমেকতমেন কারিতং কনকরজততাম্রাণাম্ .
৪৭.৪৬ ক্ষীরতরুনির্মিতং বা বিন্যস্যং চর্মণামুপরি .. ..
৪৭.৪৭ ত্রিবিধঃ তস্যৌচ্ছ্রাযো হস্তঃ পাদাধিকোঽর্ধযুক্তশ্চ .
৪৭.৪৭ মাণ্দলিকানন্তরজিত্সমস্তরাজ্যার্থিনাং শুভদঃ .. ..
৪৭.৪৮ অন্তর্ধায হিরণ্যং তত্রৌপবিশেন্ নরেশ্বরঃ সুমনাঃ .
৪৭.৪৮ সচিবাপ্তপুরোহিতদৈবপৌরকল্যাণনামবৃতঃ .. ..
৪৭.৪৯ বন্দিজনপৌরবিপ্রৈঃ প্রঘুষ্ট ( বিপ্রপ্রঘুষ্ট) পুণ্যাহবেদনির্ঘোষৈঃ .
৪৭.৪৯ সমৃদংগশংখতূর্যৈঃ মংগলশব্দৈঃ হতানিষ্টঃ .. ..
৪৭.৫০ অহতক্ষৌমনিবসনং পুরোহিতঃ কংবলেন সংছাদ্য .
৪৭.৫০ কৃতবলিপূজং কলশৈঃ অভিষিংচেত্ সর্পিষা পূর্ণৈঃ .. ..
৪৭.৫১ অষ্টাবষ্টাবিংশতিঃ অষ্টশতং বাপি কলশপরিমাণম্ .
৪৭.৫১ অধিকেঽধিকে গুণোত্তরমযং চ মন্ত্রোঽত্র মুনিগীতঃ .. ..

( মন্ত্র)
৪৭.৫২ আজ্যং তেজঃ সমুদ্দিষ্টমাজ্যং পাপহরং পরম্ .
৪৭.৫২ আজ্যং সুরাণামাহার আজ্যে লোকাঃ প্রতিষ্ঠিতাঃ .. ..
৪৭.৫৩ ভৌমান্তরিক্ষং দিব্যং বা যত্ তে কল্মষং ( কল্বিষং) আগতম্ .
৪৭.৫৩ সর্বং তদাজ্যসংস্পর্শাত্ প্রণাশমুপগচ্ছতু .. ..
৪৭.৫৪ কংবলমপনীয ততঃ পুষ্যস্নানাংবুভিঃ সফলপুষ্পৈঃ .
৪৭.৫৪ অভিষিংচেন্ মনুজেন্দ্রং পুরোহিতোঽনেন মন্ত্রেণ .. ..

( মন্ত্র)
৪৭.৫৫ সুরাঃ ত্বামভিষিংচন্তু যে চ সিদ্ধাঃ পুরাতনাঃ .
৪৭.৫৫ ব্রহ্মা বিষ্ণুশ্চ রুদ্রঃ ( শংভুঃ) চ সাধ্যাশ্চ সমরুদ্গণাঃ .. ..
৪৭.৫৬ আদিত্যা বসবো রুদ্রা অশ্বিনৌ চ ভিষগ্বরৌ .
৪৭.৫৬ অদিতিঃ দেবমাতা চ স্বাহা সিদ্ধিঃ সরস্বতী .. ..
৪৭.৫৭ কীর্তিঃ লক্ষ্মীঃ ধৃতিঃ শ্রীশ্চ সিনীবালী কুহূঃ তথা .
৪৭.৫৭ দনুশ্চ সুরসা চৈব বিনতা কদ্রুঃ এব চ .. ..
৪৭.৫৮ দেবপত্ন্যশ্চ যা নোক্তা দেবমাতর এব চ .
৪৭.৫৮ সর্বাঃ ত্বামভিষিংচন্তু দিব্যাশ্চাপ্সরসাং গণাঃ .. ..
৪৭.৫৯ নক্ষত্রাণি মুহূর্তাশ্চ পক্ষাহোরাত্রসন্ধযঃ .
৪৭.৫৯ সংবত্সরা দিনেশাশ্চ কলাঃ কাষ্ঠাঃ ক্ষণা লবা .
৪৭.৬০( ৪৮.৬৯য্দ্) সর্বে ত্বামভিষিংচন্তু কালস্যাবযবাঃ শুভাঃ .
৪৭.৬০( ৪৮.৭০অব্) এতে চান্যে চ মুনযো বেদব্রতপরাযণাঃ .. ..
৪৭.৬১ সশিষ্যাঃ তেঽভিষিংচন্তু সদারাশ্চ তপোধনাঃ .
৪৭.৬১ বৈমানিকাঃ সুরগণা মনবঃ সাগরৈঃ সহ .. ..
৪৭.৬২ সরিতশ্চ মহাভাগা নাগাঃ কিংপুরুষাশ্তথা .
৪৭.৬২ বৈখানসা মহাভাগা দ্বিজা বৈহাযসাশ্চ যে .. ..
৪৭.৬৩ সপ্তর্ষযঃ সদারাশ্চ ধ্রুবস্থানানি যানি চ .
৪৭.৬৩ মরীচিঃ অত্রিঃ পুলহঃ পুলস্ত্যঃ ক্রতুঃ অংগিরাঃ .. ..
৪৭.৬৪ ভৃগুঃ সনত্কুমারশ্চ সনকোঽথ সনন্দনঃ .
৪৭.৬৪ সনাতনশ্চ দক্ষশ্চ জৈগীষব্যো ভগন্দরঃ .. ..
৪৭.৬৫ একতশ্চ দ্বিতশ্চৈব ত্রিতো জাবালিকশ্যপৌ .
৪৭.৬৫ দুর্বাসা দুর্বিনীতশ্চ কণ্বঃ কাত্যাযনঃ তথা .. ..
৪৭.৬৬ মার্কণ্ডেযো দীর্ঘতপাঃ শুনঃশেফো বিদূরথঃ .
৪৭.৬৬ ঊর্ধ্বঃ সংবর্তকশ্চৈব চ্যবনোঽত্রিঃ পরাশরঃ .. ..
৪৭.৬৭ দ্বৈপাযনো যবক্রীতো দেবরাজঃ সহানুজঃ .
৪৭.৬৭ পর্বতাঃ তরবো বল্ল্যঃ পুণ্যানি আযতনানি চ .. ..
৪৭.৬৮ প্রজাপতিঃ দিতিশ্চৈব গাবো বিশ্বস্য মাতরঃ .
৪৭.৬৮ বাহনানি চ দিব্যানি সর্বলোকাশ্চরাচরাঃ .. ..
৪৭.৬৯ অগ্নযঃ পিতরঃ তারা জীমূতাঃ খং দিশো জলম্ .
৪৭.৬৯ এতে চান্যে চ বহবঃ পুণ্যসংকীর্তনাঃ শুভৈঃ ( শুভাঃ) .. ..
৪৭.৭০ তোযৈঃ ত্বামভিষিংচন্তু সর্বোত্পাতনিবর্হণৈঃ .
৪৭.৭০ যথাভিষিক্তো মঘবান্ এতৈঃ মুদিতমনসৈঃ ( কল্যাণম্ তে প্রকুর্বন্তু আযুরারোগ্যমেব্ব চ) .. ..
৪৭.৭১ ইত্যেতৈশ্চান্যৈশ্চাপ্যথর্বকল্প আহিতৈঃ ( বিহিতৈঃ) সরুদ্রগণৈঃ .
৪৭.৭১ কৌষ্মাণ্ডমহারৌহিণকুবেরহৃদ্যৈঃ সমৃদ্ধ্যা চ .. ..
৪৭.৭২ আপোহিষ্ঠাতিসৃভিঃ হিরণ্যবর্ণা ইতি চতসৃভিঃ জপ্তম্ .
৪৭.৭২ কার্পাসিকবস্ত্রযুগং বিভৃযাত্ স্নাতো নরাধিপতিঃ .. ..
৪৭.৭৩ পুণ্যাহশংখশব্দৈঃ আচান্তোঽভ্যর্চ্য দেবগুরুবিপ্রান্ .
৪৭.৭৩ ছত্রধ্বজাযুধানি চ ততঃ স্বপূজাং প্রযুঞ্জীত .. ..
৪৭.৭৪ আযুষ্যং বর্চস্যং রাযস্পোষাভিঃ ঋগ্ভিঃ এতাভিঃ .
৪৭.৭৪ পরিজপ্তং বৈজযিকং নবং বিদধ্যাদলংকারম্ .. ..
৪৭.৭৫ গত্বা দ্বিতীযবেদীং সমুপবিশেগর্মণাং উপরি রাজা .
৪৭.৭৫ দেযানি চৈব চর্মাণি উপর্যুপর্যেবমেতানি .. ..
৪৭.৭৬ বৃষস্য বৃষদংশস্য রুরোশ্চ পৃষতস্য চ .
৪৭.৭৬ তেষামুপরি সিংহস্য ব্যাঘ্রস্য চ ততঃ পরম্ .. ..
৪৭.৭৭ মুখ্যস্থানে জুহুযাত্ পুরোহিতোঽগ্নিং সমিত্তিলঘৃতাদ্যৈঃ .
৪৭.৭৭ ত্রিনযনশক্রবৃহস্পতিনারাযণনিত্যগতিঋগ্ভিঃ .. ..
৪৭.৭৮ ইন্দ্রধ্বজনির্দিষ্টানি অগ্নিনিমিত্তানি দৈববিদ্ ব্রূযাত্ .
৪৭.৭৮ কৃত্বাঽশেষসমাপ্তিং পুরোহিতঃ প্রাঞ্জলিঃ ব্রূযাত্ .. ..
৪৭.৭৯ যান্তু দেবগণাঃ সর্বে পূজামাদায পার্থিবাত্ .
৪৭.৭৯ সিদ্ধিং দত্ত্বা তু বিপুলাংসুবিপুলাং) পুনঃ আগমনায চ ( বৈ) .. ..
৪৭.৮০ নৃপতিঃ অতো দৈবজ্ঞং পুরোহিতং চার্চযেদ্ ধনৈঃ বহুভিঃ .
৪৭.৮০ অন্যাংশ্চ দক্ষিণীযান্ যথোচিতং ( যথার্হতঃ) শ্রোত্রিযপ্রভৃতীন্ .. ..
৪৭.৮১ দত্ত্বাঽভযং প্রজানামাঘাতস্থানগান্ বিসৃজ্য পশূন্ .
৪৭.৮১ বধনমোক্ষং কুর্যাদভ্যনন্তরদোষকৃদ্বর্জম্ .. ..
৪৭.৮২ এতত্ প্রযুজ্যমানং প্রতিপুষ্যং সুখযশোঽর্থবৃদ্ধিকরম্ .
৪৭.৮২ পুষ্যাদ্ ( পুষ্যং) বিনার্ধফলদা পৌষী শান্তিঃ পরা ( পুরা) প্রোক্তা .. ..
৪৭.৮৩ রাষ্ট্রৌত্পাতৌপসর্গেষু রাহোঃ কেতোশ্চ দর্শনে .
৪৭.৮৩ গ্রহাবমর্দনে চৈব পুষ্যস্নানং সমাচরেত্ .. ..
৪৭.৮৪ নাস্তি লোকে স উত্পাতো যো হ্যনেন ন শাম্যতি .
৪৭.৮৪ মংগলং চাপরং নাস্তি যদস্মাদতিরিচ্যতে .. ..
৪৭.৮৫ অধিরাজ্যার্থিনো রাজ্ঞঃ পুত্রজন্ম চ কাংক্ষতঃ .
৪৭.৮৫ তত্পূর্বমভিষেকে চ বিধিঃ এষ প্রশস্যতে .. ..
৪৭.৮৬ মহেন্দ্রার্থমুবাচৈদম্ বৃহত্কীর্তিঃ বৃহস্পতিঃ .
৪৭.৮৬ স্নানমাযুষ্প্রজাবৃদ্ধিসৌভাগ্যকরণং পরম্ .. ..
৪৭.৮৭ অনেনৈব বিধানেন হস্ত্যশ্বং স্নাপযেত্ ততঃ ( স্নাপযীত যঃ) .
৪৭.৮৭ তস্যামযবিনির্মুক্তং পরাং সিদ্ধিমবাপ্নুযাত্ .. ..

অধ্যায ৪৮ পট্টলক্ষণাধ্যাযঃ

৪৮.১ বিস্তরশো নির্দিষ্টং পট্টাণাং লক্ষণং যদাচার্যৈঃ .
৪৮.১ তত্ সংক্ষেপঃ ক্রিযতে মযাঽত্র সকলার্থসংপন্নঃ .. ..
৪৮.২ পট্টঃ শুভদো রাজ্ণাং মধ্যেঽষ্টাবংগুলানি বিস্তীর্ণঃ .
৪৮.২ সপ্ত নরেন্দ্রমহিষ্যাঃ ষড্ যুবরাজস্য নির্দিষ্টঃ .. ..
৪৮.৩ চতুরংগুলবিস্তারঃ পট্টঃ সেনাপতেঃ ভবতি মধ্যে .
৪৮.৩ দ্বে চ প্রসাদপট্টঃ পংচৈতে কীর্তিতাঃ পট্টাঃ .. ..
৪৮.৪ সর্বে দ্বিগুণাযামা মধ্যাদর্ধেন পার্শ্ববিস্তীর্ণাঃ .
৪৮.৪ সর্বে চ শুদ্ধকাংচনবিনির্মিতাঃ শ্রেযসো বৃদ্ধ্যৈ .. ..
৪৮.৫ পংচশিখো ভূমিপতেঃ ত্রিশিখো যুবরাজপার্থিবমহিষ্যোঃ .
৪৮.৫ একশিখঃ সৈন্যপতেঃ প্রসাদপট্টো বিনা শিখযা .. ..
৪৮.৬ ক্রিযমাণং যদি পত্রং সুখেন বিস্তারমেতি পট্টস্য .
৪৮.৬ বৃদ্ধিজযৌ ভূমিপতেঃ তথা প্রজানাং চ সুখসংপত্ .. ..
৪৮.৭ জীবিতরাজ্যবিনাশং করোতি মধ্যে ব্রণঃ সমুত্পন্নঃ .
৪৮.৭ মধ্যে স্ফুটিতঃ ত্যাজ্যো বিঘ্নকরঃ পার্শ্বযোঃ স্ফুটিতঃ .. ..
৪৮.৮ অশুভনিমিত্তৌত্পত্তৌ শাস্ত্রজ্ঞঃ শান্তিমাদিশেদ্ রাজ্ঞঃ .
৪৮.৮ শস্তনিমিত্তঃ পট্টো নৃপরাষ্ট্রবিবৃদ্ধযে ভবতি .. ..

অধ্যায ৪৯ খড্গলক্ষণাধ্যাযঃ

৪৯.১ অংগুলশতার্ধমুত্তম ঊনঃ স্যাত্ পংচবিংশতিঃ ( পঞ্চবিংশতিং) খড্গঃ .
৪৯.১ অংগুলমানাজ্ঞেযো ব্রণোঽশুভো বিষমপর্বস্থঃ .. ..
৪৯.২ শ্রীবৃক্ষবর্ধমানাতপত্রশিবলিংগকুণ্ডলাব্জানাম্ .
৪৯.২ সদৃশা ব্রণাঃ প্রশস্তা ধ্বজাযুধস্বস্তিকানাং চ .. ..
৪৯.৩ কৃকলাসকাককংকক্রব্যাদকবন্ধবৃশ্চিকাকৃতযঃ .
৪৯.৩ খড্গে ব্রণা ন শুভদা বংশানুগতাঃ প্রভূতাশ্চ .. ..
৪৯.৪ স্ফুটিতো হ্রস্বঃ কুণ্ঠো বংশচ্ছিন্নো ন দৃগ্মনোঽনুগতঃ .
৪৯.৪ অস্বন ইতি চানিষ্টঃ প্রোক্তবিপর্যস্ত ইষ্টফলঃ .. ..
৪৯.৫ ক্বণিতং মরণাযৌক্তং পরাজযায প্রবর্তনং কোশাত্ .
৪৯.৫ স্বযমুদ্গীর্ণে যুদ্ধং জ্বলিতে বিজযো ভবতি খড্গে .. ..
৪৯.৬ নাকারণং বিবৃণুযান্ ন বিঘট্টযেগ
৪৯.৬ পশ্যেন্ ন তত্র বদনং ন বদেগ মূল্যম্ .
৪৯.৬ দেশং ন চাস্য কথযেত্ প্রতিমান্ আনযেন্ ন
৪৯.৬ নৈব স্পৃশেন্ নৃপতিঃ অপ্রযতোঽসিযষ্টিম্ .. ..
৪৯.৭ গোজিহ্বাসংস্থানো নীলোত্পলবংশপত্রসদৃশশ্চ .
৪৯.৭ করবীরপত্রশূলাগ্রমণ্ডলাগ্রাঃ প্রশস্তাঃ স্যুঃ .. ..
৪৯.৮ নিষ্পন্নো ন ছেদ্যো নিকষৈঃ কার্যঃ প্রমাণযুক্তঃ সঃ .
৪৯.৮ মূলে ম্রিযতে স্বামী জননী তস্যাগ্রতশ্ছিন্নে .. ..
৪৯.৯ যস্মিন্ ত্সরুপ্রদেশে ব্রণো ভবেত্ তদ্বদেব খড্গস্য .
৪৯.৯ বনিতানামিব তিলকো গুহ্যে বাচ্যো মুখে দৃষ্ট্বা .. ..
৪৯.১০ অথবা স্পৃশতি যদংগং প্রষ্টা নিস্ত্রিংশভৃত্ তদবধার্য .
৪৯.১০ কোশস্থস্যাদেশ্যো ব্রণোঽস্তি শাস্ত্রং বিদিত্বেদম্ .. ..
৪৯.১১ শিরসি স্পৃষ্টে প্রথমে অংগুলে দ্বিতীযে ললাটসংস্পর্শে .
৪৯.১১ ভ্রূমধ্যে চ তৃতীযে নেত্রে স্পৃষ্টে চত্রুথে চ .. ..
৪৯.১২ নাসৌষ্ঠ ( নাসোষ্ঠ) কপোলহনুশ্রবণগ্রীবাংসকে চ ( অংসকেষু) পংচাদ্যাঃ .
৪৯.১২ উরসি দ্বাদশসংস্থঃ ত্রযোদশে কক্ষযোঃ জ্ঞেযঃ .. ..
৪৯.১৩ স্তনহৃদযোদরকুক্ষিনাভৌ ( কুক্ষিনাভীষু) তু চতুর্দশাদযো জ্ঞেযাঃ .
৪৯.১৩ নাভিমূলে কঠ্যাং গুহ্যে চৈকোনবিংশতিতঃ .. ..
৪৯.১৪ ঊর্বোঃ দ্বাবিংশে স্যাদূর্বোঃ মধ্যে ব্রণঃ ত্রযোবিংশে .
৪৯.১৪ জানুনি চ চতুর্বিংশে জংঘাযাং পংচবিংশে চ .. ..
৪৯.১৫ জংঘামধ্যে গুল্ফে পার্ষ্ণ্যাং পাদে তদংগুলীষ্বপি চ .
৪৯.১৫ ষড্বিংশতিকাদ্ যাবত্ ত্রিংশদিতি মতেন গর্গস্য .. ..
৪৯.১৬ পুত্রমরণং ধনাপ্তিঃ ধনহানিঃ সংপদশ্চ বন্ধশ্চ .
৪৯.১৬ একাদ্যংগুলসংস্থৈঃ ব্রণৈঃ ফলং নির্দিশেত্ ক্রমশঃ .. ..
৪৯.১৭ সুতলাভঃ কলহো হস্তিলব্ধযঃ পুত্রমরণধনলাভৌ .
৪৯.১৭ ক্রমশো বিনাশবনিতাপ্তিচিত্তদুঃখানি ষট্প্রভৃতি .. ..
৪৯.১৮ লব্ধিঃ হানিঃ স্ত্রীলব্ধযো ( হানিস্ত্রীলব্ধযো) বধো বৃদ্ধিমরণপরিতোষাঃ .
৪৯.১৮ জ্ঞেযাশ্চতুর্দশাদিষু ধনহানিশ্চৈকবিংশে স্যাত্ .. ..
৪৯.১৯ বিত্তাপ্তিঃ অনির্বাণং ধনাগমো মৃত্যুসংপদোঽস্বত্বম্ .
৪৯.১৯ ঐশ্বর্যমৃত্যুরাজ্যানি চ ক্রমাত্ ত্রিংশদিতি যাবত্ .. ..
৪৯.২০ পরতো ন বিশেষফলং বিষমসমস্থাঃ তু পাপশুভফলদাঃ .
৪৯.২০ কৈশ্চিদফলাঃ প্রদিষ্টাঃ ত্রিংশত্পরতোঽগ্রমিতি যাবত্ .. ..
৪৯.২১ করবীরৌত্পলগজমদঘৃতকুংকুমকুন্দচংপকসগন্ধঃ .
৪৯.২১ শুভদোঽনিষ্টো গোমূত্রপংকমেদঃসদৃশগন্ধঃ .. ..
৪৯.২২ কূর্মবসাসৃক্ক্ষারোপমশ্চ ভযদুঃখদো ভবতি গন্ধঃ .
৪৯.২২ বৈদূর্যকনকবিদ্যুত্প্রভো জযারোগ্যবৃদ্ধিকরঃ .. ..
৪৯.২৩ ইদমৌশনসং চ শস্ত্রপানং
৪৯.২৩ রুধিরেণ শ্রিযমিচ্ছতঃ প্রদীপ্তাম্ .
৪৯.২৩ হবিষা গুণবত্সুতাভিলিপ্সোঃ
৪৯.২৩ সলিলেনাক্ষযমিচ্ছতশ্চ বিত্তম্ .. ..
৪৯.২৪ বডবৌষ্ট্রকরেণুদুগ্ধপানং
৪৯.২৪ যদি পাপেন সমীহতেঽর্থসিদ্ধিম্ .
৪৯.২৪ ঝষপিত্তমৃগাশ্ববস্তদুগ্ধৈঃ
৪৯.২৪ করিহস্তচ্ছিদযে সতালগর্ভৈঃ .. ..
৪৯.২৫ আর্কং পযো হুডুবিষাণমষীসমেতং
৪৯.২৫ পারাবতাখুশকৃতা চ যুতঃ ( যুতং) প্রলেপঃ .
৪৯.২৫ শস্ত্রস্য তৈলমথিতস্য ততোঽস্য পানং
৪৯.২৫ পশ্চাত্শিতস্য ন শিলাসু ভবেদ্ বিঘাতঃ .. ..
৪৯.২৬ ক্ষারে কদল্যা মথিতেন যুক্তে
৪৯.২৬ দিনৌষিতে পাযিতমাযসং যত্ .
৪৯.২৬ সম্যক্ শিতং চাশ্মনি নৈতি ভংগং
৪৯.২৬ ন চান্যলোহেষ্বপি তস্য কৌণ্ঠ্যম্ .. ..

অধ্যায ৫০ অংগবিদ্যাধ্যায

৫৯.১ দৈবজ্ঞেন শুভাশুভং দিগুদিতস্থানহৃতানীক্ষতা
৫০.১ বাচ্যং প্রষ্টৃনিজাপরাংগঘটনাং চালোক্য কালং ধিযা .
৫০.১ সর্বজ্ঞো হি চরাচরাত্মকতযা অসৌ সর্বদর্শো বিভুশ্
৫০.১ চেষ্টাব্যাহৃতিভিঃ শুভাশুভফলং সন্দর্শযত্যর্থিনাম্ .. ..
৫০.২ স্থানং পুষ্পসুহাসিভূরিফলভৃত্সুস্নিগ্ধকৃত্তিচ্ছদ্
৫০.২ সত্পক্ষিচ্যুতশস্তসংজ্ঞিততরুচ্ছাযৌপগূঢং সমম্ .
৫০.২ দেবঋষিদ্বিজসাধুসিদ্ধনিলযং সত্পুষ্পসস্যৌক্ষিতম্
৫০.২ সত্স্বাদূদকনির্মলত্বজনিতাহ্লাদং চ সচ্ছাদ্বলং ( সচ্ছাড্বলং) .. ..
৫০.৩ ছিন্নভিন্নকৃমিখাতকণ্টকিপ্লুষ্টরূক্ষকুটিলৈঃ ন সত্ কুজৈঃ .
৫০.৩ ক্রূরপক্ষিযুতনিন্দ্যনামভিঃ শুষ্কশীর্ণবহুপর্ণচর্মভিঃ ( বর্মভিঃ) .. ..
৫০.৪ শ্মশানশূন্যাযতনং চতুষ্পথং
৫০.৪ তথা অমনোজ্ঞং বিষমং সদোষরম্ .
৫০.৪ অবস্করাংগারকপালভস্মভিশ্
৫০.৪ চিতং তুষৈঃ শুষ্কতৃণৈঃ নশোভনম্ .. ..
৫০.৫ প্রব্রজিতনগ্ননাপিতরিপুবন্ধনসৌনিকৈঃ ( সূনিকৈঃ) তথা শ্বপচৈঃ .
৫০.৫ কিতবযতিপীডিতৈঃ যুতমাযুধমাধ্বীকবিক্রযৈঃ ন শুভম্ .. ..
( দিক্কাললক্ষণ)
৫০.৬ প্রাগুত্তরেশাশ্চ দিশঃ প্রশস্তাঃ
৫০.৬ প্রষ্টুঃ ন বায্বংবুযমাগ্নিরক্ষঃ .
৫০.৬ পূর্বাহ্নকালেঽস্তি শুভং ন রাত্রৌ
৫০.৬ সন্ধ্যাদ্বযে প্রশ্নকৃতোঽপরাহ্ণে .. ..
৫০.৭ যাত্রাবিধানে হি শুভাশুভং যত্
৫০.৭ প্রোক্তং নিমিত্তং তদিহাপি বাচ্যম্ .
৫০.৭ দৃষ্ট্বা পুরো বা জনতাহৃতং বা
৫০.৭ প্রষ্টুঃ স্থিতং পাণিতলেঽথ বস্ত্রে .. ..
( পুংসংজ্ঞকানি)
৫০.৮ অথাংগানি ঊরূ ওষ্ঠস্তনবৃষণপাদং চ দশনা
৫০.৮ ভুজৌ হস্তৌ গণ্ডৌ কচগলনখাংগুষ্ঠমপি যত্ .
৫০.৮ সশংখং কক্ষাংসং শ্রবণ ( লল্ষা সশ্রবংঅ) গুদসন্ধীতি পুরুষে
( স্ত্রীসংজ্ঞকানি)
৫০.৮ স্ত্রিযাং ভ্রূনাসাস্ফিগ্বলিকটিসুলেখাংগুলিচযম্ .. ..
৫০.৯ জিহ্বা গ্রীবা পিণ্ডিকে পার্ষ্ণিযুগ্মং
৫০.৯ জংঘে নাভিঃ কর্ণপালী কৃকাটী .
( নপুংসক)
৫০.৯ বক্ত্রং পৃষ্ঠং জত্রুজানুঅস্থিপার্শ্বং
৫০.৯ হৃত্তালুঅক্ষী মেহনৌরস্ত্রিকং চ .. ..
৫০.১০ নপুংসকাখ্যং চ শিরো ললাটমাশ্বাদ্যসংজ্ঞৈঃ অপরৈশ্চিরেণ .
৫০.১০ সিদ্ধিঃ ভবেজ্জাতু নপুংসকৈঃ নো রূক্ষক্ষতৈঃ ভগ্নকৃশৈশ্চ পূর্বৈঃ .. ..
৫০.১১ স্পৃষ্টে বা চালিতে বাপি পাদাংগুষ্ঠেঽক্ষিরুগ্ ভবেত্ .
৫০.১১ অংগুল্যাং দুহিতুঃ শোকং শিরোঘাতে নৃপাদ্ ভযম্ .. ..
৫০.১২ বিপ্রযোগমুরসি স্বগাত্রতঃ কর্পটাহৃতিঃ অনর্থদা ভবেত্ .
৫০.১২ স্যাত্ প্রিযাপ্তিঃ অভিগৃহ্য কর্পটং পৃচ্ছতশ্চরণপাদযোজিতুঃ .. ..
৫০.১৩ পাদাংগুষ্ঠেন বিলিখেদ্ ভূমিং ক্ষেত্রৌত্থচিন্তযা .
৫০.১৩ হস্তেন পাদৌ কণ্ডূযেত্ তস্য দাসীমযী ( দাসীমযা) চ সা .. ..
৫০.১৪ তালভূর্জপটদর্শনেঽংশুকং চিন্তযেত্ কচতুষাস্থিভস্মগম্ .
৫০.১৪ ব্যাধিঃ আশ্রযতি রজ্জুজালকং বল্কলং চ সমবেক্ষ্য বন্ধনম্ .. ..
৫০.১৫ পিপ্পলীমরিচশুণ্ঠিবারিদৈ রোধ্রকুষ্ঠবসনাংবুজীরকৈঃ .
৫০.১৫ গন্ধমাংসিশতপুষ্পযা বদেত্ পৃচ্ছতঃ তগরকেণ চিন্তযেত্ ( চিন্তনং) .. ..
৫০.১৬ স্ত্রীপুরুষদোষপীডিতসর্বার্থ ( অধ্ব) সুতার্থধান্ন্যতনযানাম্ .
৫০.১৬ দ্বিচতুষ্পদক্ষিতীনাং বিনাশতঃ কীর্তিতৈঃ দৃষ্টৈঃ .. ..
৫০.১৭ ন্যগ্রোধমধুকতিন্দুকজংবূপ্লক্ষাম্রবদর ( বদরি) জাতিফলৈঃ .
৫০.১৭ ধনকনকপুরুষলোহাংশুকরূপ্যাউদুংবরাপ্তিঃ ( উদুংবরাপ্তিঃ) অপি করগৈঃ .. ..
৫০.১৮ ধান্যপরিপূর্ণপাত্রং কুংভঃ পূর্ণঃ কুটুংববৃদ্ধিকরৌ .
৫০.১৮ গজগোশুনাং পুরীষং ধনযুবতিসুহৃদ্বিনাশকরম্ .. ..
৫০.১৯ পশুহস্তিমহিষপংকজরজতব্যাঘ্রৈঃ লভেত দন্দৃষ্টৈঃ .
৫০.১৯ অবিধননিবসনমলযজকৌশেযাভরণসংঘাতম্ .. ..
৫০.২০ পৃচ্ছা বৃদ্ধশ্রাবকসুপরিব্রাড্দর্শনে নৃভিঃ বিহিতা .
৫০.২০ মিত্রদ্যূতার্থভবা গণিকানৃপসূতিকার্থকৃতা .. ..
৫০.২১ শাক্যৌপাধ্যাযার্হত্ ( আর্হত) নির্গ্রন্থি ( নির্গ্রন্থ) নিমিত্তনিগমকৈবর্তৈঃ .
৫০.২১ চৌরচমূপতিবণিজাং দাসীযোধাপণস্থবধ্যানাম্ .. ..
৫০.২২ তাপসে শৌণ্ডিকে দৃষ্টে প্রোষিতং পশুপালনম্ .
৫০.২২ হৃদ্গতং প্রচ্ছকস্য ( পৃচ্ছকস্য) স্যাদুংছবৃটৌ বিপন্নতা .. ..
৫০.২৩ ইচ্ছামি প্রষ্টুং ভণ পশ্যত্বার্যঃ সমাদিশেত্যুক্তে .. ..
৫০.২৩ সংযোগকুটুংবৌত্থা লাভৈশ্বর্যৌদ্গতা চিন্তা .. ..
৫০.২৪ নির্দিশেতি গদিতে জযাধ্বজা ( জযাধ্বগা)
৫০.২৪ প্রত্যবেক্ষ্য মম চিন্তিতং বদ .
৫০.২৪ আশু সর্বজনমধ্যগং ত্বযা
৫০.২৪ দৃশ্যতামিতি চ বন্ধুচৌরজা .. ..
( চৌরবিজ্ঞান)
৫০.২৫ অন্তঃস্থে অংগে স্বজন উদিতো বাহ্যজে বাহ্য এব ( এবং)
৫০.২৫ পাদাংগুষ্ঠাংগুলিকলনযা দাসদাসীজনঃ স্যাত্ .
৫০.২৫ জংঘে প্রেষ্যো ভবতি ভগিনী নাভিতো হৃত্স্বভার্যা
৫০.২৫ পাণ্যংগুষ্ঠাংগুলিচযকৃতস্পর্শনে পুত্রকন্যে .. ..
৫০.২৬ মাতরং জঠরে মূর্ধ্নি গুরুং দক্ষিণবামকৌ .
৫০.২৬ বাহূ ভ্রাতা অথ তত্পত্নী স্পৃষ্ট্বৈবং চৌরমাদিশেত্ .. ..
( অপহৃতস্য লাভ)
৫০.২৭ অন্তরংগমবমুচ্য বাহ্যগস্পর্শনং যদি করোতি পৃচ্ছকঃ .
৫০.২৭ শ্লেষ্মমূত্রশকৃতঃ ত্যজন্ত্যথো ( ত্যজন্নধঃ) পাতযেত্ করতলস্থবস্তু চেত্ .. ..
৫০.২৮ ভৃশমবনামিতাংগপরিমোটনতোঽপি অথবা
৫০.২৮ জনধৃতরিক্তভাণ্ডমবলোক্য চ চৌরজনম্ .
৫০.২৮ হৃতপতিতক্ষতাস্মৃতবিনষ্টভগ্নগত
৫০.২৮ উন্মুষিতমৃতাদ্যনিষ্টরবতো লভতে ন হৃতম্ .. ..
( পীডার্তানাং মরণ)
৫০.২৯ নিগদিতমিদং যত্তত্ সর্বং তুষাস্থিবিষাদিকৈঃ
৫০.২৯ সহ মৃতিকরং পীডার্তানাং সমং রুদিতক্ষতৈঃ ( ক্ষুতৈঃ) .
( ভোজনজ্ঞান)
৫০.২৯ অবযবমপি স্পৃষ্ট্বা অন্তঃস্থং দৃঢং মরুদাহরেদ্
৫০.২৯ অতিবহু তদা ভুক্ত্বা অন্নং সংস্থিতঃ সুহিতো বদেত্ .. ..
৫০.৩০ ললাটস্পর্শনাত্শূকদর্শনাত্শালিজৌদনম্ .
৫০.৩০ উরঃস্পর্শাত্ ষষ্টিক আখ্যং ( অন্নং) গ্রীবাস্পর্শে চ যাবকম্ .. ..
৫০.৩১ কুক্ষিকুচজঠরজানুস্পর্শে মাষাঃ পযস্তিলযবাগ্বঃ .
৫০.৩১ আস্বাদযতে ( আস্বাদযতঃ) চওষ্ঠৌ লিহতে মধুরং রসং জ্ঞেযম্ .. ..
৫০.৩২ বিসৃক্কে ( বিস্পৃক্কে) স্ফোটযেজ্জিহ্বামাম্লে বক্ত্রং বিকূণযেত্ .
৫০.৩২ কটুকেঽথ কষাযেঽথ ( কটুতিক্তকষাযোষ্ণৈঃ) হিক্কেত্ ষ্ঠীবেগ সেন্ধবে .. ..
৫০.৩৩ শ্লেষ্মত্যাগে শুষ্কতিক্তং তদল্পং
৫০.৩৩ শ্রুত্বা ক্রব্যাদং বা প্রেক্ষ্য বা মাংসমিশ্রম্ .
৫০.৩৩ ভ্রূগণ্ডওষ্ঠস্পর্শনে শাকুনং তদ্
৫০.৩৩ ভুক্তং তেনেত্যুক্তমেতন্ নিমিত্তম্ .. ..
৫০.৩৪ মূর্ধগলকেশহনুশংখকর্ণজংঘং বস্তিং চ স্পৃষ্ট্বা .
৫০.৩৪ গজমহিষমেষশূকরগোশশমৃগমহিষ মাংসযুগ্ ভুক্তম্ .. ..
৫০.৩৫ দ্ষৃটে শ্রুতেঽপু অশকুনে গোধামত্স্যামিষং বদেদ্ ভুক্তম্ .
৫০.৩৫ গর্ভিণ্যা গর্ভস্য চ নিপতনমেবং প্রকল্পযেত্ প্রশ্নে .. ..
( গর্ভিণ্যা জন্ম)
৫০.৩৬ পুংস্ত্রীনপুংসকাখ্যে দৃষ্টেঽনুমিতে পুরঃস্থিতে স্পৃষ্টে .
৫০.৩৬ তজ্জন্ম ভবতি পানান্নপুষ্পফলদর্শনে চ শুভম্ .. ..
৫০.৩৭ অংগুষ্ঠেন ভ্রূদরং বাংগুলিং বা
৫০.৩৭ স্পৃষ্ট্বা পৃচ্ছেদ্ গর্ভচিন্তা তদা স্যাত্ .
৫০.৩৭ মধ আজ্যাদ্যৈঃ হেমরত্নপ্রবালৈঃ
৫০.৩৭ অগ্রস্থৈঃ বা মাতৃধাত্র্যাত্মজৈশ্চ .. ..
৫০.৩৮ গর্ভযুতা জঠরে করগে স্যাদ্
৫০.৩৮ দুষ্টনিমিত্তবশাত্ তদুদাসঃ .
৫০.৩৮ কর্ষতি তজ্জঠরং যদি পীঠ
৫০.৩৮ উত্পীডনতং করগে চ করেঽপি .. ..
৫০.৩৯ ঘ্রাণাযা দক্ষিণে দ্বারে স্পৃষ্টে মাসোত্তরং বদেত্ .
৫০.৩৯ বামেঽব্দৌ ( দ্বৌ) কর্ণ এবং মা দ্বিচতুর্ঘ্নঃ শ্রুতিস্তনে .. ..
৫০.৪০ বেণীমূলে ত্রীন্ সুতান্ কন্যকে দ্বে
৫০.৪০ কর্ণে পুত্রান্ পংচ হস্তে ত্রযং চ .
৫০.৪০ অংগুষ্ঠান্তে পংচকং চানুপূর্ব্যা
৫০.৪০ পাদাংগুষ্ঠে পার্ষ্ণিযুগ্মেঽপি কন্যাম্ .. ..
৫০.৪১ সব্যাসব্য ঊরুসংস্পর্শে সূতে কন্যাসুতদ্বযম্ .
৫০.৪১ স্পৃষ্টে ললাটমধ্যান্তে চতুস্ত্রিতনযা ভবেত্ .. ..
৫০.৪২ শিরোললাটভ্রূকর্ণগণ্ডং হনুরদা গলম্
৫০.৪২ সব্যাপসব্যস্কন্ধশ্চ হস্তৌ চিবুকনালকম্ .. ..
( গর্ভিণ্যাঃ কস্মিন্ নক্ষত্রে জন্তুঃ জন্ম)
৫০.৪৩ উরঃ কুচং দক্ষিণমপি অসব্যং
৫০.৪৩ হৃত্পার্শ্বমেবং জঠরং কটিশ্চ .
৫০.৪৩ স্ফিক্পাযুসন্ধি ঊরুযুগং চ জানূ
৫০.৪৩ জংঘেঽথ পাদাবিতি কৃত্তিকাদৌ .. ..
৫০.৪৪ ইতি নিগদিতমেতদ্ গাত্রসংস্পর্শলক্ষ্ম
৫০.৪৪ প্রকটমভিমতাপ্ত্যৈ বীক্ষ্য শাস্ত্রাণি সম্যক্ .
৫০.৪৪ বিপুলমতিরুদারো বেত্তি যঃ সর্বমেতন্
৫০.৪৪ নরপতিজনতাভিঃ পূজ্যতেঽসৌ সদৈব .. ..