বৃহত্সংহিতা – অধ্যায় ৫১-৬০

অধ্যায ৫১ পিটকলক্ষণাধ্যাযঃ

৫১.১ সিতরক্তপীতকৃষ্ণা বিপ্রাদীনাং ক্রমেণ পিটকা যে .
৫১.১ তে ক্রমশঃ প্রোক্তফালা বর্ণানাং নাগ্রজাতানাং ( অগ্রজাদীনাং) .. ..
৫১.২ সুস্নিগ্ধব্যক্তশোভাঃ শিরসি ধনচযং মূর্ধ্নি সৌভাগ্যমারাদ্
৫১.২ দৌর্ভাগ্যং ভ্রূযুগোত্থাঃ প্রিযজনঘটনামাশু দুঃশীলতাং চ .
৫১.২ তন্মধ্যোত্থাশ্চ শোকং নযনপুটগতা নেত্রযোঃ ইষ্টদৃষ্টিং
৫১.২ প্রব্রজ্যাং শংখদেশেঽশ্রুজলনিপতনস্থানগা রান্তি চিন্তাং ( স্থানগাশ্চ অতিচিন্তাং) .. ..
৫১.৩ ঘ্রাণাগণ্ডে বসনসুতদাশ্চওষ্ঠযোঃ অন্নলাভং
৫১.৩ কুর্যুঃ তদ্বগিবুকতলগা ভূরি বিত্তং ললাটে .
৫১.৩ হন্বোঃ এবং গলকৃঅপদা ভূষণানি অন্নপানে
৫১.৩ শ্রোত্রে ষড্ভূতণ ( ষড্ভূষণ) গণমপি জ্ঞানমাত্মস্বরূপম্ .. ..
৫১.৪ শিরঃসন্ধিগ্রীবাহৃদযকুচপার্শ্বৌরসি গতা
৫১.৪ অযোঘাতং ঘাতং সুততনযলাভং শুচমপি .
৫১.৪ প্রিযপ্রাপ্তিং স্কন্ধেঽপি অটনমথ ভিক্ষার্থমসকৃদ্
৫১.৪ বিনাশং কক্ষোত্থা বিদধতি ধনানাং বহুমুখং ( বহুসুখং) .. ..
৫১.৫ দুঃখশত্রুনিচযস্য বিনাশং ( বিঘাতং) পৃষ্ঠবাহুযুগজা রচযন্তি .
৫১.৫ সংযমং চ মণিবন্ধনজাতা ভূষণাদ্যমুপবাহুযুগোত্থাঃ .. ..
৫১.৬ ধনাপ্তিং সৌভাগ্যং শুচমপি করাংগুল্যুদরগাঃ
৫১.৬ সুপানান্নং নাভৌ তদধ ইহ চৌরৈঃ ধনহৃতিম্ .
৫১.৬ ধনং ধান্যং বস্তৌ যুবতিমথ মেঢ্রে সুতনযান্
৫১.৬ ধনং সৌভাগ্যং বা গুদবৃষণজাতা বিদধতি .. ..
৫১.৭ ঊর্বোঃ যানানাংগনালাভং জান্বোঃ শত্রুজনাত্ ক্ষতিম্ .
৫১.৭ শস্ত্রেণ জংঘযোঃ গুল্ফেঽধ্ববন্ধক্লেশদাযিনঃ .. ..
৫১.৮ স্ফিক্পার্ষ্ণিপাদজাতা ধননাশাগম্যগমনমধ্বানম্ .. ..
৫১.৮ বন্ধনমগ্গুলিনিচযেঽগ্গুষ্ঠে চ জ্ঞাতিলোকতঃ পূজাম্ .. ..
৫১.৯ উত্পাতগণ্ডপিটকা দক্ষিণতো বামতঃ ত্বভীঘাতাঃ .
৫১.৯ ধন্যা ভবন্তি পুংসাং তদ্বিপরীতাশ্চ ( তু) নারীণাম্ .. ..
৫১.১০ ইতি পিটকবিভাগঃ প্রোক্ত আমূর্ধতোঽযং
৫১.১০ ব্রণতিলকবিভাগোঽপি এবমেব প্রকল্প্যঃ .
৫১.১০ ভবতি মশকলক্ষ্মাবর্তজন্মাপি তদ্বন্
৫১.১০ নিগদিতফলকারি প্রাণিনাং দেহসংস্থম্ .. ..

অধ্যায ৫২ বাস্তুবিদ্যা

৫২.১ বাস্তুজ্ঞানমথাতঃ কমলভবান্ মুনিপরংপরাযাতম্ .
৫২.১ ক্রিযতেঽধুনা মযা ইদম্ বিদগ্ধসাংবত্সরপ্রীত্যৈ .. ..
৫২.২ কিমপি কিল ভূতমভবদ্ রুন্ধানং রোদসী শরীরেণ .
৫২.২ তদমরগণেন সহসা বিনিগৃহ্যাধোমুখং ন্যস্তম্ .. ..
৫২.৩ যত্র চ যেন গৃহীতং বিবুধেনাধিষ্ঠিতঃ স তত্রৈব .
৫২.৩ তদমরমযং বিধাতা বাস্তুনরং কল্পযামাস .. ..
৫২.৪ উত্তমমষ্টাভ্যধিকং হস্তশতং নৃপগৃহং পৃথুত্বেন .
৫২.৪ অষ্টাষ্তোনানি এবং পংচ সপাদানি দৈর্ঘ্যেণ .. ..
৫২.৫ ষড্ভিঃ ষড্ভিঃ হীনা সেনাপতিসদ্মনাং চতুঃষষ্টিঃ .
৫২.৫ এবং পংচ গৃহাণি ( পংচ এবং বিস্তারাত্) ষড্ভাগসমন্বিতা দৈর্ঘ্যম্ .. ..
৫২.৬ ষষ্টিশ্চতুর্ভিঃ হীনা ( চতুর্বিহীনা) বেশ্মানি পংচ সচিবস্য .
৫২.৬ স্বাষ্টাংশযুতো দৈর্ঘ্যং তদর্ধতো রাজমহিষীণাম্ .. ..
৫২.৭ ষড্ভিঃ ষড্ভিশ্চৈবং যুবরাজস্যাপবর্জিতা অশীতিঃ .
৫২.৭ ত্র্যংশান্বিতা চ দৈর্ঘ্যং পংচ তদর্ধৈঃ তদনুজনানাম্ .. ..
৫২.৮ নৃপসচিবান্তরতুল্যং সামন্তপ্রবররাজপুরুষাণাম্ .
৫২.৮ নৃপযুবরাজবিশেষঃ কংচুকিবেশ্যাকলাজ্ঞানাম্ .. ..
৫২.৯ অধ্যক্ষাধিকৃতানাং সর্বেষাং ( সর্বেষামেব) কোশরতিতুল্যম্ .
৫২.৯ যুবরাজমন্ত্রিবিবরং কর্মান্তাধ্যক্ষদূতানাম্ .. ..
৫২.১০ চত্বারিংশদ্ধীনা চতুশ্চতুর্ভিঃ তু পংচ যাবদিতি .
৫২.১০ ষড্ভাগযুতা দৈর্ঘ্যং দৈবজ্ঞপুরোধসোঃ ভিষজঃ .. ..
৫২.১১ বাস্তুনি যো বিস্তারঃ স এব চৌচ্ছ্রাযনিশ্চযঃ শুভদঃ .
৫২.১১ শালৈকেষু গৃহেষ্বপি বিস্তারাদ্ দ্বিগুণিতং দৈর্ঘ্যম্ .. ..
৫২.১২ চাতুর্বর্ণ্যব্যাসো দ্বাত্রিংশত্ সা ( স্যাত্) চতুশ্চতুর্হীনা .
৫২.১২ আডোডশাদিতি পরং ন্যূনতরমতীব হীনানাম্ .. ..
৫২.১৩ সদশাংশং বিপ্রাণাং ক্ষত্রস্যাষ্টাংশসংযুতং দৈর্ঘ্যম্ .
৫২.১৩ ষড্ভাগযুতং বৈশ্যস্য ভবতি শূদ্রস্য পাদযুতম্ .. ..
৫২.১৪ নৃপসেনাপতিগৃহযোঃ অন্তরমানেন কোশরতিভবনে .
৫২.১৪ সেনাপতিচাতুর্বর্ণ্যবিবরতো রাজপুরুষাণাম্ .. ..
৫২.১৫ অথ পারশ ( পারস) বাদীনাং স্বমানসংযোগদলসমং ভবনম্ .
৫২.১৫ হীনাধিকং স্বমানাদশুভকরং বাস্তু সর্বেষাম্ .. ..
৫২.১৬ পশ্বাশ্রমিণামমিতং ধান্যাযুধবহ্নিরতিগৃহাণাং চ .
৫২.১৬ নৈচ্ছন্তি শাস্ত্রকারা হস্তশতাদুচ্ছ্রিতং পরতঃ .. ..
৫২.১৭ সেনাপতিনৃপতীনাং সপ্ততিসহিতে দ্বিধাকৃতে ব্যাসে .
৫২.১৭ শালা চতুর্দশহৃতে পংচত্রিংশদ্ধৃতেঽলিন্দঃ .. ..
৫২.১৮ হস্তদ্বাত্রিংশাদিষু চতুশ্চতুস্ত্রিত্রিকত্রিকাঃ শালাঃ .
৫২.১৮ সপ্তদশত্রিতযতিথিত্রযোদশকৃতাংগুলাভ্যধিকাঃ .. ..
৫২.১৯ ত্রিত্রিদ্বিদ্বিদ্বিসমাঃ ক্ষযক্রমাদংগুলানি চৈতেষাম্ .
৫২.১৯ ব্যেকা বিংশতিঃ অষ্টৌ বিংশতিঃ অষ্টাদশ ত্রিতযম্ .. ..
৫২.২০ শালাত্রিভাগতুল্যা কর্তব্যা বীথিকা বহির্ভবনাত্ .
৫২.২০ যদ্যগ্রতো ভবতি সা সোষ্ণীষং নাম তদ্বাস্তু .. ..
৫২.২১ সাযাশ্রযমিতি পশ্চাত্ সাবষ্টংভং তু পার্শ্বসংস্থিতযা .
৫২.২১ সুস্থিতমিতি চ সমন্তাত্শাস্ত্রজ্ঞৈঃ পূজিতাঃ সর্বাঃ .. ..
৫২.২২ বিস্তারষোডশাংশঃ সচতুর্হস্তো ভবেদ্ গৃহৌচ্ছ্রাযঃ .
৫২.২২ দ্বাদশভাগেনোনো ভূমৌ ভূমৌ সমস্তানাম্ .. ..
৫২.২৩ ব্যাসাত্ ষোডশভাগঃ সর্বেষাং সদ্মনাং ভবতি ভিত্তিঃ .
৫২.২৩ পক্বৈষ্টকাকৃতানাং দারুকৃতানাং তু ন বিকল্পঃ ( সবিকল্পঃ, ন বিকল্পঃ) .. ..
৫২.২৪ একাদশভাগযুতঃ সসপ্ততিঃ নৃপবলেশযোঃ ব্যাসঃ .
৫২.২৪ উচ্ছ্রাযো অংগুলতুল্যো দ্বারস্যার্ধেন বিষ্কংভঃ .. ..
৫২.২৫ বিপ্রাদীনাং ব্যাসাত্ পংচাংশোঽষ্টাদশাংগুলসমেতঃ .
৫২.২৫ সাষ্টাংশো বিষ্কংভো দ্বারস্য ত্রিগুণ উচ্ছ্রাযঃ .. ..
৫২.২৬ উচ্ছ্রাযহস্তসংখ্যাপরিমাণানি অংগুলানি বাহুল্যম্ .
৫২.২৬ শাখাদ্বযেঽপি কার্যং সার্ধং তত্ স্যাদুদুংবরযোঃ .. ..
৫২.২৭ উচ্ছ্রাযাত্ সপ্তগুণাদশীতিভাগঃ পৃথুত্বমেতেষাম্ .
৫২.২৭ নবগুণিতেঽশীত্যংশঃ স্তংভস্য দশাংশহীনোঽগ্রে .. ..
৫২.২৮ সমচতুরস্রো ( সমচতুরশ্রো) রুচকো বজ্রোঽষ্টাস্রিঃ ( অষ্টাশ্রিঃ) দ্বিবজ্রকো দ্বিগুণঃ .
৫২.২৮ দ্বাত্রিংশতা তু মধ্যে প্রলীনকো বৃত্ত ইতি বৃত্তঃ .. ..
৫২.২৯ স্তংভং বিভজ্য নবধা বহনং ভাগো ঘটোঽস্য ভাগোঽন্যঃ .
৫২.২৯ পদ্মং তথা উত্তরোষ্ঠং কুর্যাদ্ ভাগেন ভাগেন .. ..
৫২.৩০ স্তংভসমং বাহুল্যং ভারতুলানামুপর্যুপর্যাসাম্ .
৫২.৩০ ভবতি তুলা উপতুলানামূনং পাদেন পাদেন .. ..
৫২.৩১ অপ্রতিষিদ্ধালিন্দং সমন্ততো বাস্তু সর্বতোভদ্রম্ .
৫২.৩১ নৃপবিবুধসমূহানাং কার্যং দ্বারৈশ্চতুর্ভিঃ অপি .. ..
৫২.৩২ নন্দ্যাবর্তমলিন্দৈঃ শালাকুড্যাত্ প্রদক্ষিণান্তগতৈঃ .
৫২.৩২ দ্বারং পশ্চিমমস্মিন্ বিহায শেষাণি কার্যাণি .. ..
৫২.৩৩ দ্বারালিন্দোঽন্তগতঃ প্রদক্ষিণোঽন্যঃ শুভঃ ততশ্চান্যঃ .
৫২.৩৩ তস্মিংশ ( তদ্বদ্) চ বর্ধমানে দ্বারং তু ন দক্ষিণং কার্যম্ .. ..
৫২.৩৪ অপরোঽন্তগতোঽলিন্দঃ প্রাগন্তগতৌ তদুত্থিতৌ চান্যৌ .
৫২.৩৪ তদবধিবিধৃতঃ ( বিবৃতঃ) চান্যঃ প্রাগ্দ্বারং স্বস্তিকে শুভদং ( ঽশুভদং) .. ..
৫২.৩৫ প্রাক্পশ্চিমাবলিন্দাবন্তগতৌ তদবধিস্থিতৌ শেষৌ .
৫২.৩৫ রুচকে দ্বারং ন শুভদমুত্তরতোঽন্যানি শস্তানি .. ..
৫২.৩৬ শ্রেষ্ঠং নন্দ্যাবর্তং সর্বেষাং বর্ধমানসংজ্ঞং চ .
৫২.৩৬ স্বস্তিকরুচকে মধ্যে শেষং শুভদং নৃপাদীনাম্ .. ..
৫২.৩৭ উত্তরশালাহীনং হিরণ্যনাভং ত্রিশালকং ধন্যম্ .
৫২.৩৭ প্রাক্ষালযা বিযুক্তং সুক্ষেত্রং বৃদ্ধিদং বাস্তু .. ..
৫২.৩৮ যাম্যাহীনং চুল্লী ত্রিশালকং বিত্তনাশকরমেতত্ .
৫২.৩৮ পক্ষঘ্নমপরযা বর্জিতং সুতধ্বংসবৈরকরম্ .. ..
৫২.৩৯ সিদ্ধার্থমপরযাম্যে যমসূর্যং পশ্চিমোত্তরে শালে .
৫২.৩৯ দণ্ডাখ্যমুদক্পূর্বে বাতাখ্যং প্রাগ্যুতা যাম্যা .. ..
৫২.৪০ পূর্বাপরে তু শালে গৃহচুল্লী দক্ষিণোত্তরে কাচম্ .
৫২.৪০ সিদ্ধার্থেঽর্থাবাপ্তিঃ যমসূর্যে গৃহপতেঃ মৃত্যুঃ .. ..
৫২.৪১ দণ্ডবধো দণ্ডাখ্যে কলহৌদ্বেগঃ সদৈব বাতাখ্যে .
৫২.৪১ বিত্তবিনাশশ্চুল্ল্যাং জ্ঞাতিবিরোধঃ স্মৃতঃ কাচে .. ..
৫২.৪২ একাশীতিবিভাগে দশ দশ পূর্বোত্তরাযতা রেখাঃ .
৫২.৪২ অন্তঃ ত্রযোদশ সুরা দ্বাত্রিংশদ্বাহ্যকোষ্ঠস্থাঃ .. ..
৫২.৪৩ শিখিপর্জন্যজযন্তেন্দ্রসূর্যসত্যা ভৃশোঽন্তরিক্ষশ্চ .
৫২.৪৩ ঐশান্যাদি ( ঐশান্যাদ্যাঃ) ক্রমশো দক্ষিণপূর্বেঽনিলঃ কোণে .. ..
৫২.৪৪ পূষা বিতথবৃহত্ক্ষতযমগন্ধর্বাখ্যভৃংগরাজমৃগাঃ .
৫২.৪৪ পিতৃদৌবারিকসুগ্রীবকুসুমদন্তাংবুপত্যসুরাঃ .. ..
৫২.৪৫ শোষোঽথ পাপযক্ষ্মা রোগঃ কোণে ততোঽহিমুখ্যৌ চ .
৫২.৪৫ ভল্লাটসোমভুজগাঃ ততোঽদিতিঃ দিতিঃ ইতি ক্রমশঃ .. ..
৫২.৪৬ মধ্যে ব্রহ্মা নবকোষ্ঠকাধিপোঽস্যার্যমা স্থিতঃ প্রাচ্যাম্ .
৫২.৪৬ একান্তরাত্ প্রদক্ষিণমস্মাত্ সবিতা বিবস্বাংশ্চ .. ..
৫২.৪৭ বিবুধাধিপতিঃ তস্মান্ মিত্রোঽন্যো রাজযক্ষ্মনামা চ .
৫২.৪৭ পৃথিবী ( পৃথ্বী) ধরাপবত্সাবিত্যেতে ব্রহ্মণহ্ পরিধৌ .. ..
৫২.৪৮ আপো নামৈশানে কোণে হৌতাশনে চ সাবিত্রঃ .
৫২.৪৮ জয ইতি চ নৈরৃতে রুদ্র আনিলেঽভ্যন্তরপদেষু .. ..
৫২.৪৯ আপঃ তথাপবত্সঃ পর্জন্যোঽগ্নিঃ দিতিশ্চ বর্গোঽযম্ .
৫২.৪৯ এবং কোণে কোণে পদিকাঃ স্যুঃ পংচ পংচ সুরাঃ .. ..
৫২.৫০ বাহ্যা দ্বিপদাঃ শেষাঃ তে বিবুধা বিংশতি সমাখ্যাতাঃ .
৫২.৫০ শেষাশ্চত্বারোঽন্যে ত্রিপদা দিক্ষ্বর্যমাদ্যাঃ তে .. ..
৫২.৫১ পূর্বোত্তরদিগ্মূর্ধা পুরুষোঽযমবান্মুখোঽস্য শিরসি শিখী .
৫২.৫১ আপো মুখে স্তনেঽস্যার্যমা হ্যুরস্যাপবত্সশ্চ .. ..
৫২.৫২ পর্জন্যাদ্যা বাহ্যা দৃক্ষ্রবণৌরঃস্থলাংসগা দেবাঃ .
৫২.৫২ সত্যাদ্যাঃ পংচ ভুজে হস্তে সবিতা চ সাবিত্রঃ ( সসাবিত্রঃ) .. ..
৫২.৫৩ বিতথো বৃহত্ক্ষতযুতঃ পার্শ্বে জঠরে স্থিতো বিবস্বাংশ্চ .
৫২.৫৩ ঊরূ জানু চ জংঘে স্ফিগ্ ইতি যমাদ্যৈঃ পরিগৃহীতাঃ .. ..
৫২.৫৪ এতে দক্ষিণপার্শ্বে স্থানেষ্বেবং চ বামপার্শ্বস্থাঃ .
৫২.৫৪ মেঢ্রে শক্রজযন্তৌ হৃদযে ব্রহ্মা পিতা অংঘ্রিগতঃ ( অংগ্রিগতঃ) .. ..
৫২.৫৫ অষ্টাষ্টকপদমথবা কৃত্বা রেখাশ্চ কোণগাঃ তির্যক্ .
৫২.৫৫ ব্রহ্মা চতুষ্পদোঽস্মিন্ন্ অর্ধপদা ব্রহ্মকোণস্থাঃ .. ..
৫২.৫৬ অষ্তৌ চ বহিষ্কোণেষ্বর্ধপদাঃ তদুভযস্থিতাঃ সার্ধাঃ .
৫২.৫৬ উক্তেভ্যো যে শেষাঃ তে দ্বিপদা বিংশতিঃ তে হি ( চ) .. ..
৫২.৫৭ সংপাতা বংশানাং মধ্যানি সমানি যানি চ পদানাম্ .
৫২.৫৭ মর্মাণি তানি বিন্দ্যান্ ন তানি পরিপীডযেত্ ( বিন্দ্যান্ন্ অপরিপীডযেত্) প্রাজ্ণঃ .. ..
৫২.৫৮ তানি অশুচিভাণ্ডকীলস্তংভাদ্যৈঃ পীডিতানি শল্যৈশ্চ .
৫২.৫৮ গৃহভর্তুঃ তত্তুল্যে পীডামংগে প্রযচ্ছন্তি .. ..
৫২.৫৯ কণ্ডূযতে যদংগং গৃহভর্তুঃ ( গৃহপতিনা) যত্র বা অমরাহুত্যাম্ .
৫২.৫৯ অশুভং ভবেন্ নিমিত্তং বিকৃতেঃ বা অগ্নেঃ সশল্যং তত্ .. ..
৫২.৬০ ধনহানিঃ দারুমযে পশুপীডা রুগ্ভযানি চাস্থিকৃতে .
৫৩.৬০ লোহমযে শস্ত্রভযং কপালকেশেষু মৃত্যুঃ স্যাত্ .. ..
৫৩.৬১ অগ্গারে স্তেনভযং ভস্মনি চ বিনির্দিশেত্ সদাগ্নিভযম্ .
৫৩.৬১ শল্যং হি মর্মসংস্থং সুবর্ণরজতাদৃতেঽত্যশুভম্ .. ..
৫৩.৬২ মর্মণ্যমর্মগো বা রুণদ্ধ্যর্থাগমং তুষসমূহঃ) .
৫২.৬০ অপি নাগদন্তকো মর্মসংস্থিতো দোষকৃদ্ ভবতি .. ..
৫২.৬১ রোগাদ্ বাযুং পিতৃতো হুতাশনং শোষসূত্রমপি বিতথাত্ .
৫২.৬১ মুখ্যাদ্ ভৃশং জযন্তাগ ভৃংগমদিতেশ্চ সুগ্রীবম্ .. ..
৫২.৬২ তত্সংপাতা নব যে তানি অতিমর্মাণি সংপ্রদিষ্টানি .
৫২.৬২ যশ্চ পদস্যাষ্টাংশঃ তত্ প্রোক্তং মর্মপরিমাণম্ .. ..
৫২.৬৩ পদহস্তসংখ্যযা সম্মিতানি বংশো অংগুলানি বিস্তীর্ণঃ .
৫২.৬৩ বংশব্যাসোঽধ্যর্ধঃ শিরাপ্রমাণং বিনির্দিষ্টম্ .. ..
৫২.৬৪ সুখমিচ্ছন্ ব্রহ্মাণং যত্নাদ্ রক্ষেদ্ গৃহী গৃহান্তঃস্থং ( গৃতান্তস্থং) .
৫২.৬৪ উচ্ছিষ্টাদ্যুপঘাতাদ্ গৃহপতিরুপতপ্যতে তস্মিন্ .. ..
৫২.৬৫ দক্ষিণভুজেন হীনে বাস্তুনরেঽর্থক্ষযো অংগনাদাদোষাঃ ( অংগনাদোষাঃ) .
৫২.৬৫ বামেঽর্থধান্যহানিঃ শিরসি গুণৈঃ হীযতে সর্বৈঃ .. ..
৫২.৬৬ স্ত্রীদোষাঃ সুতমরণং প্রেষ্যত্বং চাপি চরণবৈকল্যে .
৫২.৬৬ অবিকলপুরুষে বসতাং মানার্থযুতানি সৌখ্যানি .. ..
৫২.৬৭ গৃহনগরগ্রামেষু চ সর্বত্রৈবং প্রতিষ্ঠিতা দেবাঃ .
৫২.৬৭ তেষু চ যথানুরূপং বর্ণা বিপ্রাদযো বাস্যাঃ .
৫২.৬৮ বাসগৃহাণি চ বিন্দ্যাদ্ বিপ্রাদীনামুদগ্দিগাদ্যানি .
৫২.৬৮ বিশতাং চ যথা ভবনং ভবন্তি তানি এব দক্ষিণতঃ .. ..
৫২.৬৯ নবগুণসূত্রবিভক্তানি অষ্টগুণেনাথবা চতুঃষষ্টেঃ .
৫২.৬৯ দ্বারাণি যানি তেষামনলাদীনাং ফলোপনযঃ .. ..
৫২.৭০ অনিলভযং স্ত্রীজননং ( স্ত্রীজন্ম) প্রভূতঘনতা নরেন্দ্রবাল্লভ্যম্ .
৫২.৭০ ক্রোধপরতানৃতত্বং ক্রৌর্যং চৌর্যং চ পূর্বেণ .. ..
৫২.৭১ অল্পসুতত্বং প্রৈষ্যং নীচত্বং ভক্ষ্যপানসুতবিঋদ্ধিঃ .
৫২.৭১ রৌদ্রং কৃতঘ্নমধনং সুতবীর্যঘ্নং চ যাম্যেন .. ..
৫২.৭২ সুতপীডা রিপুবৃদ্ধিঃ ন সুতধনাপ্তিঃ ( ধনস্তাপ্তিঃ) সুতার্থফলসংপত্ .
৫২.৭২ ধনসংপন্ নৃপতিভযং ধনক্ষযো রোগ ইত্যপরে .. ..
৫২.৭৩ বধবন্ধো রিপুবৃদ্ধিঃ সুতধনলাভঃ ( ধনসুতলাভঃ) সমস্তগুণসংপত্ .
৫২.৭৩ পুত্রধনাপ্তিঃ বৈরং সুতেন দোষাঃ স্ত্রিযা নৈঃস্বম্ .. ..
৫২.৭৪ মার্গতরুকোণকূপস্তংভভ্রমবিদ্ধমশুব্ভদং দ্বারম্ .
৫২.৭৪ উচ্ছ্রাযাদ্ দ্বিগুণমিতাং ত্যক্ত্বা ভূমিং ন দোষায .. ..
৫২.৭৫ রথ্যাবিদ্ধং দ্বারং নাশায কুমারদোষদং তরুণা .
৫২.৭৫ পংকদ্বারে শোকো ব্যযোঽংবুনিঃস্রাবিণি ( অংবুনি শ্রাবিণি) প্রোক্তঃ .. ..
৫২.৭৬ কূপেনাপস্মারো ভবতি বিনাশশ্চ দেবতাবিদ্ধে .
৫২.৭৬ স্তংভেন স্ত্রীদোষাঃ কুলনাশো ব্রাহ্মণাভিমুখে ( ব্রাহ্মণোঽভিমুখে) .. ..
৫২.৭৭ উন্মাদঃ স্বযমুদ্ঘাটিতেঽথ পিহিতে স্বযং কুলবিনাশঃ .
৫২.৭৭ মানাধিকে নৃপভযং দস্যুভযং ব্যসনমেব নীচে চ ( ব্যসনদং নীচং) .. ..
৫২.৭৮ দ্বারং দ্বারস্যৌপরি যত্তন্ ন শিবায সংকটং যচ্চ .
৫২.৭৮ আব্যাত্তং ক্ষুদ্ভযদং কুব্জং কুলনাশনং ভবতি .. ..
৫২.৭৯ পীডাকরমতিপীডিতমন্তর্বিনতং ভবেদভাবায .
৫২.৭৯ বাহ্যবিনতে প্রবাসো দিগ্ভ্রান্তে দস্যুভিঃ পীডা .. ..
৫২.৮০ মূলদ্বারং নান্যৈঃ দ্বারৈঃ অভিসন্দধীত রূপঋদ্ধ্যা .
৫২.৮০ ঘটফলপত্রপ্রমথাদিভিশ্চ তন্মংগলৈশ্চিনুযাত্ .. ..
৫২.৮১ ঐশান্যাদিষু কোণেষু সংস্থিতা বাহ্যতো গৃহস্যৈতাঃ .
৫২.৮১ চরকী বিদারিনামা অথ পূতনা রাক্ষসী চেতি .. ..
৫২.৮২ পুরভবনগ্রামাণাং যে কোণাঃ তেষু নিবসতাং দোষাঃ .
৫২.৮২ শ্বপচাদযোঽন্ত্যজাত্যাঃ তেষ্বেব বিবৃদ্ধিমাযান্তি .. ..
৫২.৮৩ যাম্যাদিষ্বশুভফলা জাতাঃ তরবঃ প্রদক্ষিণেনৈতে .
৫২.৮৩ উদগাদিষু প্রশস্তাঃ প্লক্ষবটৌদুংবরাশ্বত্থা ( উদুংবরাক্ষ্বত্থাঃ) .. ..
৫২.৮৪ আসন্নাঃ কণ্ঠকিনো রিপুভযদাঃ ক্ষীরিণোঽর্থনাশায .
৫২.৮৪ ফলিনঃ প্রজাক্ষযকরা দারূণি অপি বর্জযেদেষাম্ .. ..
৫২.৮৫ ছিন্দ্যাদ্ যদি ন তরূংশ্তান্ তদন্তরে পূজিতান্ বপেদন্যত্ ( অন্যান্) .
৫২.৮৫ পুন্নাগাশোকারিষ্টবকুলপনসান্ শমীশালৌ .. ..
৫২.৮৬ শস্তৌষধিদ্রুমলতা মধুরা সুগন্ধা
৫২.৮৬ স্নিগ্ধা সমা ন সুষিরা চ মহী নরাণাম্ .
৫২.৮৬ অপ্যধ্বনি শ্রমবিনোদমুপাগতানাং
৫২.৮৬ ধত্তে শ্রিযং কিমুত শাশ্বতমন্দিরেষু .. ..
৫২.৮৭ সচিবালযেঽর্থনাশো ধূর্তগৃহে সুতবধঃ সমীপস্থে .
৫২.৮৭ উদ্বেগো দেবকুলে চতুষ্পদে ( চতুষ্পথে) ভবতি চাকীর্তিঃ .. ..
৫২.৮৮ চৈত্যে ভযং গ্রহকৃতং বল্মীকশ্বভ্রসংকুলে বিপদঃ .
৫২.৮৮ গর্তাযাং তু পিপাসা কূর্মাকারে ধনবিনাশঃ .. ..
৫২.৮৯ উদগাদিপ্লবমিষ্টং বিপ্রাদীনাং প্রদক্ষিণেনৈব .
৫২.৮৯ বিপ্রঃ সর্বত্র বসেদনুবর্ণমথৈষ্টমন্যেষাম্ .. ..
৫২.৯০ গৃহমধ্যে হস্তমিতং খাত্বা পরিপূরিতং পুনঃ শ্বভ্রম্ .
৫২.৯০ যদ্যূনমনিষ্টং তত্ সমে সমং ধন্যমধিকং যত্ .. ..
৫২.৯১ শ্বভ্রমথবা অংবুপূর্ণং পদশতমিত্বাগতস্য যদি নোনম্ .
৫২.৯১ তদ্ধন্যং যচ্চ ভবেত্ পলানি অপামাঢকং চতুঃষষ্টিঃ .. ..
৫২.৯২ আমে বা মৃত্পাত্রে শ্বভ্রস্থে দীপবর্তিঃ অভ্যধিকম্ .
৫২.৯২ জ্বলতি দিশি যস্য শস্তা সা ভূমিঃ তস্য বর্ণস্য .. ..
৫২.৯৩ শ্বভ্রোষিতং ন কুসুমং যস্য ( যস্মিন্) প্রম্লাযতেঽনুবর্ণসমম্ .
৫২.৯৩ তত্তস্য ভবতি শুভদং যস্য চ যস্মিন্ মনো রমতে .. ..
৫২.৯৪ সিতরক্তপীতকৃষ্ণা বিপ্রাদীনাং প্রশস্যতে ভূমিঃ .
৫২.৯৪ গন্ধশ্চ ভবতি যস্যাং ( যস্যা) ঘৃতরুধিরান্নাদ্যমদ্যসমঃ .. ..
৫২.৯৫ কুশযুক্তা শরবহুলা দূর্বাকাশাবৃতা ক্রেমেণ মহী .
৫২.৯৫ হ্যনুবর্ণং ( অনুবর্ণং) বৃদ্ধিকরী মধুরকষাযাম্লকটুকা চ .. ..
৫২.৯৬ কৃষ্টাং প্ররূঢবীজাং গোঽধ্যুষিতাং ব্রাহ্মণৈঃ প্রশস্তাং চ .
৫২.৯৬ গত্বা মহীং গৃহপতিঃ কালে সাংবত্সরোদ্দিষ্টে .. ..
৫২.৯৭ ভক্ষ্যৈঃ নানাকারৈঃ দধ্যক্ষতসুরভিকুসুমধূপৈশ্চ .
৫২.৯৭ দৈবতপূজাং কৃত্বা স্থপতীন্ অভ্যর্চ্য বিপ্রাংশ্চ .. ..
৫২.৯৮ বিপ্রঃ স্পৃষ্ট্বা শীর্ষং বক্ষশ্চ ক্ষত্রিযো বিশাশ্চ ঊরূ .
৫২.৯৮ শূদ্রঃ পাদৌ স্পৃষ্ট্বা কুর্যাদ্ রেখাং গৃহারংভে .. ..
৫২.৯৯ অংগুষ্ঠকেন কুর্যান্ মধ্যাংগুল্যাঽথবা প্রদেশিন্যা .
৫২.৯৯ কনকমণিরজতমুক্তাদধিকফলকুসুমাক্ষতৈশ্চ শুভম্ .. ..
৫২.১০০ শস্ত্রেণ শস্ত্রমৃত্যুঃ বন্ধো লোহেন ভস্মনাগ্নিভযম্ .
৫২.১০০ তস্করভযং তৃণেন চ কাষ্ঠৌল্লিখিতা চ রাজভযম্ .. ..
৫২.১০১ বক্রা পাদালিখিতা শত্রুভযক্লেশদা বিরূপা চ .
৫২.১০১ চর্মাংগারাস্থিকৃতা দন্তেন চ ভর্তুঃ ( কর্তুঃ) অশিবায .. ..
৫২.১০২ বৈরমপসব্যলিখিতা প্রদক্ষিণং সংপদো বিনির্দেশ্যাঃ .
৫২.১০২ বাচঃ পরুষা নিষ্ঠীবিতং ক্ষুতং চাশুভং কথিতম্ .. ..
৫২.১০৩ অর্ধনিচিতং কৃতং বা প্রবিশন্ স্থপতিঃ গৃহে নিমিত্তানি .
৫২.১০৩ অবলোকযেদ্ গৃহপতিঃ ক্ব সংস্থিতঃ স্পৃশতি কিং চাংগম্ .. ..
৫২.১০৪ রবিদীপ্তে যদি শকুনিঃ তস্মিন্ কালে বিরৌতি পরুষরবং ( পরুষরবঃ) .
৫২.১০৪ সংস্পৃষ্টাংগসমানং তস্মিন্ দেশেঽস্থি নির্দেশ্যম্ .. ..
৫২.১০৫ শকুনসমযেঽথ্বাঽন্যে হস্ত্যশ্বশ্বাদযোঽনুবাশন্তে .
৫২.১০৫ তত্প্রভবমস্থি তস্মিং তদংগসংভূতমেবৈতি .. ..
৫২.১০৬ সূত্রে প্রসার্যমাণে গর্দভরাবোঽস্থিশল্যমাচষ্টে .
৫২.১০৬ শ্বশৃগাললংঘিতে বা সূত্রে শল্যং বিনির্দেশ্যম্ .. ..
৫২.১০৭ দিশি শান্তাযাং শকুনিঃ ( শকুনো) মধুরবিরাবী যদা তদা বাচ্যঃ .
৫২.১০৭ অর্থঃ তস্মিন্ স্থানে গৃহেশ্বরাধিষ্ঠিতে অংগে বা .. ..
৫২.১০৮ সূত্রচ্ছেদে মৃত্যুঃ কীলে চাবান্মুখে মহগঃ ( মহান্ রোগঃ) .
৫২.১০৮ গৃহনাথস্থপতীনাং স্মৃতিলোপে মৃত্যুঃ আদেশ্যঃ .. ..
৫২.১০৯ স্কন্ধাগ্যুতে শিরোরুক্ কুলোপসর্গোঽপবর্জিতে কুংভে .
৫২.১০৯ ভগ্নেঽপি চ কর্মিবধশ্চ্যুতে করাদ্ গৃহপতেঃ মৃত্যুঃ .. ..
৫২.১১০ দক্ষিণপূর্বে কোণে কৃত্বা পূজাং শিলাং ন্যসেত্ প্রথমং ( প্রথমাং) .
৫২.১১০ শেষাঃ প্রদক্ষিণেন স্তংভাশ্চৈবং সমুত্থাপ্য ( সমুত্থাপ্যাঃ) .. ..
৫২.১১১ ছত্রস্রগংবরযুতঃ কৃতধূপবিলেপনঃ সমুত্থাপ্যঃ .
৫২.১১১ স্তংভঃ তথৈব কার্যো দ্বারোচ্ছ্রাযঃ প্রযত্নেন .. ..
৫২.১১২ বিহগাদিভিঃ অবলীনৈঃ আকংপিতপতিতদুঃস্থিতৈশ্চ তথা ( ফলং) .
৫২.১১২ শক্রধ্বজসদৃশফলং তদেব তস্মিন্ ( সদৃশং তস্মিংশ্চ শুভং) বিনির্দিষ্টম্ .. ..
৫২.১১৩ প্রাগুত্তরৌন্নতে ধনসুতক্ষযঃ সুতবধশ্চ দুর্গন্ধে .
৫২.১১৩ বক্রে ব্ন্ধুবিনাশো ন সন্তি গর্ভাশ্চ দিন্মূঢে .. ..
৫২.১১৪ ইচ্ছেদ্ যদি গৃহবৃদ্ধিং ততঃ সমন্তাদ্ বিবর্ধযেত্ তুল্যম্ .
৫২.১১৪ একৌদ্দেশে দোষঃ প্রাগ্ অথবাঽপি উত্তরে কুর্যাত্ .. ..
৫২.১১৫ প্রাগ্ ভবতি মিত্রবৈরং মৃত্যুভযং দক্ষিণেন যদি বৃদ্ধিঃ .
৫২.১১৫ অর্থবিনাশঃ পশ্চাদুদগ্বিবৃদ্ধিঃ ( উদগ্বিবৃদ্ধৌ) মনস্তাপঃ .. ..
৫২.১১৬ ঐশান্যাং দেবহৃহং মহানসং যদি চাপি কার্যমাগ্নেয্যাম্ .
৫২.১১৬ নৈরৃত্যাং ভাণ্ডৌপস্করোঽর্থধান্যানি মারুত্যাম্ .. ..
৫২.১১৭ প্রাচ্যাদিস্থে সলিলে সুতহানিঃ শিখিভযং রিপুভযং চ .
৫২.১১৭ স্ত্রীকলহঃ স্ত্রীদৌষ্ট্যং নৈঃস্ব্যং বিত্তাত্মজবিবৃদ্ধিঃ .. ..
৫২.১১৮ খগনিলযভগ্নসংশুষ্কদগ্ধদেবালযশ্মশানস্থান্ .
৫২.১১৮ ক্ষীরতরুধববিভীতকনিংবারণিবর্জিতান্ ছিন্দ্যাত্ ( বর্জিতাংশ্চ্ছিন্দ্যাত্) .. ..
৫২.১১৯ রাত্রৌ কৃতবলিপূজং প্রদক্ষিণং ছেদযেদ্ দিবা বৃক্ষম্ .
৫২.১১৯ ধন্যমুদক্প্রাক্পততং ন গ্রাহ্যোঽতোঽন্যথা পতিতঃ .. ..
৫২.১২০ ছেদো যদ্যবিকারী ততঃ শুভং দারু তদ্গৃহৌপযিকম্ .
৫২.১২০ পীতে তু মণ্ডলে নির্দিশেত্ তরোঃ মধ্যগাং গোধাম্ .. ..
৫২.১২১ মঞ্জিষ্ঠাভে ভেকো নীলে সর্পঃ তথাঽরুণে সরটঃ .
৫২.১২১ মুদ্গাভেঽশ্মা কপিলে তু মূষকোঽংভশ্চ খড্গাভে .. ..
৫২.১২২ ধান্যগোগুরুহুতাশসুরাণাং ন স্বপেদুপরি নাপ্যনুবংশম্ .
৫২.১২২ নৌত্তরাপরশিরা ন চ নগ্নো নৈব চার্দ্রচরণঃ শ্রিযমিচ্ছন্ .. ..
৫২.১২৩ ভূরিপুষ্পবিকরং ( নিকরং) সতোরণং তোযপূর্ণকলশৌপশোভিতম্ .
৫২.১২৩ ধূপগন্ধবলিপূজিতামরং ব্রাহ্মণধ্বনিযুতং বিশেদ্ গৃহম্ .. ..

অধ্যায ৫৩ দকার্গলাধ্যাযঃ

৫৩.১ ধর্ম্যং যশস্যং চ বদাম্যতোঽহং দকার্গলং ( দগার্গলং) যেন জলোপলব্ধিঃ .
৫৩.১ পুংসাং যথাংগেষু শিরাঃ তথৈব ক্ষিতাবপি প্রোন্নতনিম্নসংস্থাঃ .. ..
৫৩.২ একেন বর্ণেন রসেন চাংভশ্চ্যুতং নভস্তো বসুধাবিশেষাত্ .
৫৩.২ নানারসত্বং বহুবর্ণতাং চ গতং পরীক্ষ্যং ক্ষিতিতুল্যমেব .. ..
৫৩.৩ পুরুহূতানলযমনিরৃতিবরুণপবনেন্দুশংকরা দেবাঃ .
৫৩.৩ বিজ্ঞাতব্যাঃ ক্রমশঃ প্রাচ্যাদ্যানাং দিশাং পতযঃ .. ..
৫৩.৪ দিক্পতিসংজ্ঞা চ শিরা নবমী মধ্যে মহাশিরানাম্নী .
৫৩.৪ এতাভ্যোঽন্যাঃ শতশো বিনিঃসৃতা নামভিঃ প্রথিতাঃ .. ..
৫৩.৫ পাতালাদূর্ধ্বশিরা শুভা ( ঊর্ধ্বশিরাঃ শুভাঃ) চতুর্দিক্ষু সংস্থিতা যাশ্চ .
৫৩.৫ কোণদিগুত্থা ন শুভাঃ শিরানিমিত্তানি অতো বক্ষ্যে .. ..
৫৩.৬ যদি বেতসোঽংবুরহিতে দেশে হস্তৈঃ ত্রিভিঃ ততঃ পশ্চাত্ .
৫৩.৬ সার্ধে পুরুষে তোযং বহতি শিরা পশ্চিমা তত্র .. ..
৫৩.৭ চিহ্নমপি চার্ধপুরুষে মণ্ডূকঃ পাণ্ডুরোঽথ মৃত্ পীতা .
৫৩.৭ পুটভেদকশ্চ তস্মিন্ পাষাণো ভবতি তোযমধঃ .. ..
৫৩.৮ জংব্বাশ্চৌদগ্ ধস্তৈঃ ত্রিভিঃ শিরাধো নরদ্বযে পূর্বা .
৫৩.৮ মৃল্লোহগন্ধিকা পাণ্ডুরা চ ( অথ) পুরুষেঽত্র মণ্ডূকঃ .. ..
৫৩.৯ জংবূবৃক্ষস্য প্রাগ্ বল্মীকো যদি ভবেত্ সমীপস্থঃ .
৫৩.৯ তস্মাদ্ দক্ষিণপার্শ্বে সলিলং পুরুষদ্বযে স্বাদু .. ..
৫৩.১০ অর্ধপুরুষে চ মত্স্যঃ পারাবতসন্নিভশ্চ পাষাণঃ .
৫৩.১০ মৃদ্ ভবতি চাত্র নীলা দীর্ঘং কালং চ বহু তোযম্ .. ..
৫৩.১১ পশ্চাদুদুংবরস্য ত্রিভিঃ এব করৈঃ নরদ্বযে সার্ধে .
৫৩.১১ পুরুষে সিতোঽহিরশ্মাঞ্জনৌপংপ্ঽধঃ শিরা সুজলা .. ..
৫৩.১২ উদগ্ অর্জুনস্য দৃশ্যো বল্মীকো যদি ততোঽর্জুনাদ্ ধস্তৈঃ .
৫৩.১২ ত্রিভিঃ অংবু ভবতি পুরুষৈঃ ত্রিভিঃ অর্ধসমন্বিতৈঃ পশ্চাত্ .. ..
৫৩.১৩ শ্বেতা গোধার্ধনরে পুরুষে মৃদ্ ধূসরা ততঃ কৃষ্ণা .
৫৩.১৩ পীতা সিতা সসিকতা ততো জলং নির্দিশেদমিতম্ .. ..
৫৩.১৪ বল্মীকৌপচিতাযাং নির্গুণ্ড্যাং দক্ষিণেন কথিতকরৈঃ .
৫৩.১৪ পুরুষদ্বযে সপাদে স্বাদু জলং ভবতি চাশোষ্যম্ .. ..
৫৩.১৫ রোহিতমত্স্যোঽর্ধনরে মৃত্ কপিলা পাণ্ডুরা ততঃ পরতঃ .
৫৩.১৫ সিকতা সশর্করাঽথ ক্রমেণ পরতো ভবত্যংভঃ .. ..
৫৩.১৬ পূর্বেণ যদি বদর্যা বল্মীকো দৃশ্যতে জলং পশ্চাত্ .
৫৩.১৬ পুরুষৈঃ ত্রিভিঃ আদেশ্যং শ্বেতা গৃহগোধিকার্ধনরে .. ..
৫৩.১৭ সপলাশা বদরী চেদ্ দিশ্যপরস্যাং ততো জলং ভবতি .
৫৩.১৭ পুরুষত্রযে সপাদে পুরুষেঽত্র চ দুণ্ডুভঃ ( দুণ্ডুভিঃ) চিহ্নম্ .. ..
৫৩.১৮ বিল্ব ( বিল্ব) উদুংবরযোগে বিহায হস্তত্রযং তু যাম্যেন .
৫৩.১৮ পুরুষৈঃ ত্রিভিঃ অংবু ভবেত্ কৃষ্ণোঽর্ধনরে চ মণ্ডূকঃ .. ..
৫৩.১৯ কাকৌদুংবরিকাযাং বল্মীকো দৃশ্যতে শিরা তস্মিন্ .
৫৩.১৯ পুরুষত্রযে সপাদে পশ্চিমদিক্স্থা বহতি সা চ .. ..
৫৩.২০ আপাণ্ডুপীতিকা মৃদ্গোরসবর্ণশ্চ ভবতি পাষাণঃ .
৫৩.২০ পুরুষার্ধে কুমুদনিভো দৃষ্টিপথং মূষকো যাতি .. ..
৫৩.২১ জলপরিহীনে দেশে বৃক্ষঃ কংপিল্লকো যদা দৃশ্যঃ .
৫৩.২১ প্রাচ্যাং হস্তত্রিতযে বহতি শিরা দক্ষিণা প্রথমম্ .. ..
৫৩.২২ মৃন্নীলোত্পলবর্ণা কাপোতা দৃশ্যতে ততঃ ( চৈব দৃশ্যতে) তস্মিন্ .
৫৩.২২ হস্তে ঽজগন্ধকো মত্স্যকঃ ( ঽজগন্ধিমত্স্যো ভবতি) পযোঽল্পং চ সক্ষারম্ .. ..
৫৩.২৩ শোণাকতরোঃ অপরোত্তরে শিরা দ্বৌ করাবতিক্রম্য .
৫৩.২৩ কুমুদা নাম শিরা সা পুরুষত্রযবাহিনী ভবতি .. ..
৫৩.২৪ আসন্নো বল্মীকো দক্ষিণপার্শ্বে বিভীতকস্য যদি .
৫৩.২৪ অধ্যর্ধে ভবতি ( তস্য) শিরা পুরুষে জ্ঞেযা দিশি প্রাচ্যাম্ .. ..
৫৩.২৫ তস্যৈব পশ্চিমাযাং দিশি বল্মীকো যদা ভবেদ্ ধস্তে .
৫৩.২৫ তত্রৌদগ্ ভবতি শিরা চতুর্ভিঃ অর্ধাধিকৈঃ পুরুষৈঃ .. ..
৫৩.২৬ শ্বেতো বিশ্বংভরকঃ প্রথমে পুরুষে তু কুংকুমাভোঽশ্মা .
৫৩.২৬ অপরস্যাং দিশি চ শিরা নশ্যতি বর্ষত্রযেঽতীতে .. ..
৫৩.২৭ সকুশঃ সিত ( সকুশাসিত) ঐশান্যাং বল্মীকো যত্র কোবিদারস্য .
৫৩.২৭ মধ্যে তযোঃ নরৈঃ অর্ধপংচমৈঃ তোযমক্ষোভ্যম্ .. ..
৫৩.২৮ প্রথমে পুরুষে ভুজগঃ কমলোদরসন্নিভো মহী রক্তা .
৫৩.২৮ কুরুবিন্দঃ পাষাণশ্চিহ্নানি এতানি বাচ্যানি .. ..
৫৩.২৯ যদি ভবতি সপ্তপর্ণো বল্মীকবৃতঃ তদুত্তরে তোযম্ .
৫৩.২৯ বাচ্যং পুরুষৈঃ পংচভিঃ অত্রাপি ভবন্তি চিহ্নানি .. ..
৫৩.৩০ পুরুষার্ধে মণ্ডূকো হরিতো হরিতালসন্নিভা ভূশ্চ .
৫৩.৩০ পাষাণোঽভ্রনিকাশঃ সৌম্যা চ শিরা শুভাংবুবহা .. ..
৫৩.৩১ সর্বেষাং বৃক্ষাণামধঃ স্থিতো দর্দুরো যদা দৃশ্যঃ .
৫৩.৩১ তস্মাদ্ ধস্তে তোযং চতুর্ভিঃ অর্ধাধিকৈঃ পুরুষৈঃ .. ..
৫৩.৩২ পুরুষে তু ভবতি নকুলো নীলো মৃত্পীতিকা ততঃ শ্বেতা .
৫৩.৩২ দর্দুরসমানরূপঃ পাষাণো দৃশ্যতে চাত্র .. ..
৫৩.৩৩ যদ্যহিনিলযো দৃশ্যো দক্ষিণতঃ সংস্থিতঃ করঞ্জস্য .
৫৩.৩৩ হস্তদ্বযে তু যাম্যে পুরুষত্রিতযে শিরা সার্ধে .. ..
৫৩.৩৪ কচ্ছপকঃ পুরুষার্ধে প্রথমং চৌদ্ভিদ্যতে শিরা পূর্বা .
৫৩.৩৪ উদগ্ অন্যা স্বাদুজলা হরিতোঽশ্মাধঃ ততঃ তোযম্ .. ..
৫৩.৩৫ উত্তরতশ্চ মধূকাদহিনিলযঃ পশ্চিমে তরোঃ তোযম্ .
৫৩.৩৫ পরিহৃত্য পংচ হস্তান্ অর্ধাষ্টমপৌরুষান্ ( পৌরুষে) প্রথমম্ .. ..
৫৩.৩৬ অহিরাজঃ পুরুষেঽস্মিন্ ধূম্রা ধাত্রী কুলুত্থ ( কুলত্ত) বর্ণোঽশ্মা .
৫৩.৩৬ মাহেন্দ্রী ভবতি শিরা বহতি সফেনং সদা তোযম্ .. ..
৫৩.৩৭ বল্মীকঃ স্নিগ্ধো দক্ষিণেন তিলকস্য সকুশদূর্বশ্চেত্ .
৫৩.৩৭ পুরুষৈঃ পংচভিঃ অংভো দিশি বারুণ্যাং শিরা পূর্বা .. ..
৫৩.৩৮ সর্পাবাসঃ পশ্চাদ্ যদা কদংবস্য দক্ষিণেন জলম্ .
৫৩.৩৮ পরতো হস্তত্রিতযাত্ ষড্ভিঃ পুরুষৈঃ তুরীযোনৈঃ .. ..
৫৩.৩৯ কৌবেরী চাত্র শিরা বহতি জলং লোহগন্ধি চাক্ষোভ্যম্ .
৫৩.৩৯ কনকনিভো মণ্ডূকো নরমাত্রে মৃত্তিকা পীতা .. ..
৫৩.৪০ বল্মীকসংবৃতো যদি তালো বা ভবতি নালিকেরো বা .
৫৩.৪০ পশ্চাত্ ষড্ভিঃ হস্তৈঃ নরৈশ্চতুর্ভিঃ শিরা যাম্যা .. ..
৫৩.৪১ যাম্যেন কপিত্থস্যাহিসংশ্রযশ্চেদুদগ্ জলং বাচ্যম্ .
৫৩.৪১ সপ্ত পরিত্যজ্য করান্ খাত্বা পুরুষান্ জলং পংচ .. ..
৫৩.৪২ কর্বুরকোঽহিঃ পুরুষে কৃষ্ণা মৃত্ পুটভিদপি চ পাষাণঃ .
৫৩.৪২ শ্বেতা মৃত্ পশ্চিমতঃ শিরা ততশ্চৌত্তরা ভবতি .. ..
৫৩.৪৩ অশ্মন্তকস্য বামে বদরী বা দৃশ্যতেঽহিনিলযো বা .
৫৩.৪৩ ষড্ভিরুদক্ তস্য করৈঃ সার্ধে পুরুষত্রযে তোযম্ .
৫৩.৪৪ কূর্মঃ প্রথমে পুরুষে পাষাণো ধূসরঃ সসিকতা মৃত্ .
৫৩.৪৪ আদৌ চ শিরা ( শিরা চ) যাম্যা পূর্বোত্তরতো দ্বিতীযা চ .. ..
৫৩.৪৫ বামেন হরিদ্রতরোঃ বল্মীকশ্চেজ্জলং ভবতি পূর্বে ( চেত্ ততো জলং) .
৫৩.৪৫ হস্তত্রিতযে সত্র্যংশৈঃ পুংভিঃ ( পুরুষৈঃ সত্র্যংশৈঃ) পংচভিঃ ভবতি .. ..
৫৩.৪৬ নীলো ভুজগঃ পুরুষে মৃত্ পীতা মরকতৌপমশ্চাশ্মা .
৫৩.৪৬ কৃষ্ণা ভূঃ প্রথমং বারুণী শিরা দক্ষিণেনান্যা .. ..
৫৩.৪৭ জলপরিহীনে দেশে দৃশ্যন্তেঽনূপজানি চেন্ নিমিতানি ( চিহ্নানি) .
৫৩.৪৭ বীরণদূর্বা মৃদবশ্চ যত্র তস্মিন্ জলং পুরুষে .. ..
৫৩.৪৮ ভার্ংগী ত্রিবৃতা দন্তী সূকরপাদী চ লক্ষ্মণা চৈব .
৫৩.৪৮ নবমালিকা চ হস্তদ্বযেঽংবু যাম্যে ত্রিভিঃ পুরুষৈঃ .. ..
৫৩.৪৯ স্নিগ্ধাঃ প্রলংবশাখা বামনবিকট ( বিট) দ্রুমাঃ সমীপজলাঃ .
৫৩.৪৯ সুষিরা জর্জরপত্রা রূক্ষাশ্চ জলেন সন্ত্যক্তাঃ .. ..
৫৩.৫০ তিলকাম্রাতকবরুণকভল্লাতকবিল্ব ( বিল্ব) তিন্দুকাংকোলাঃ ( অগ্কোল্লাঃ) .
৫৩.৫০ পিণ্ডারশিরীষাঞ্জনপরূষকা বঞ্জুলোঽতিবলা ( বঞ্জুরাতিবলা) .. ..
৫৩.৫১ এতে যদি সুস্নিগ্ধা বল্মীকৈঃ পরিবৃতাঃ ততঃ তোযম্ .
৫৩.৫১ হস্তৈঃ ত্রিভিরুত্তরতশ্চতুর্ভিঃ অর্ধেন চ নরেণ ( নরস্য) .. ..
৫৩.৫২ অতৃণে সতৃণা যস্মিন্ সতৃণে তৃণবর্জিতা মহী যত্র .
৫৩.৫২ তস্মিন্ শিরা প্রদিষ্টা বক্তব্যং বা ধনং চাস্মিন্ .. ..
৫৩.৫৩ কণ্টক্যকণ্টকানাং ব্যত্যাসেঽংভঃ ত্রিভিঃ করৈঃ পশ্চাত্ .
৫৩.৫৩ খাত্বা পুরুষত্রিতযং ত্রিভাগযুক্তং ধনং বা স্যাত্ .. ..
৫৩.৫৪ নদতি মহী গংভীরং যস্মিংশ্চরণাহতা জলং তস্মিন্ .
৫৩.৫৪ সার্ধৈঃ ত্রিভিঃ মনুষ্যৈঃ কৌবেরী তত্র চ শিরা স্যাত্ .. ..
৫৩.৫৫ বৃক্ষস্যৈকা শাখা যদি বিনতা ভবতি পাণ্ডুরা বা স্যাত্ .
৫৩.৫৫ বিজ্ঞাতব্যং শাখাতলে জলং ত্রিপুরুষং খাত্বা .. ..
৫৩.৫৬ ফলকুসুমবিকারো যস্য তস্য পূর্বে শিরা ত্রিভিঃ হস্তৈঃ .
৫৩.৫৬ ভবতি পুরুষৈশ্চতুর্ভিঃ পাষাণোঽধঃ ক্ষিতিঃ পীতা .. ..
৫৩.৫৭ যদি কণ্টকারিকা কণ্টকৈঃ বিনা দৃশ্যতে সিতৈঃ কুসুমৈঃ .
৫৩.৫৭ তস্যাঃ তলেঽংবু বাচ্যং ত্রিভিঃ নরৈঃ অর্ধপুরুষে চ .. ..
৫৩.৫৮ খর্জূরী দ্বিশিরস্কা যত্র ভবেজ্জলবিবর্জিতে দেশে .
৫৩.৫৮ তস্যাঃ পশ্চিমভাগে নির্দেশ্যং ত্রিপুরুষৈঃ ( ত্রিপুরুষে) বারি .. ..
৫৩.৫৯ যদি ভবতি কর্ণিকারঃ সিতকুসুমঃ স্যাত্ পলাশবৃক্ষো বা .
৫৩.৫৯ সব্যেন তত্র হস্তদ্বযেঽংবু পুরুষদ্বযে ( পুরুষত্রযে) ভবতি .. ..
৫৩.৬০ যস্যাম্ ঊষ্মা ( ঊষ্মা যস্যাং) ধাত্র্যাং ধূমো বা তত্র বারি নরযুগলে ( নরযুগ্মে) .
৫৩.৬০ নির্দেষ্টব্যা চ শিরা মহতা তোযপ্রবাহেণ .. ..
৫৩.৬১ যস্মিন্ ক্ষেত্রোদ্দেশে জাতং সস্যং বিনাশমুপযাতি .
৫৩.৬১ স্নিগ্ধমতিপাণ্ডুরং বা মহাশিরা নরযুগে তত্র .. ..
৫৩.৬২ মরুদেশে ভবতি শিরা যথা তথাতঃ পরং প্রবক্ষ্যামি .
৫৩.৬২ গ্রীবা করভাণামিব ভূতলসংস্থাঃ শিরা যান্তি .. ..
৫৩.৬৩ পূর্বোত্তরেণ পীলোঃ যদি বল্মীকো জলং ভবতি পশ্চাত্ .
৫৩.৬৩ উত্তরগমনা চ শিরা বিজ্ঞেযা পংচভিঃ পুরুষৈঃ .. ..
৫৩.৬৪ চিহ্নং দর্দুর আদৌ মৃত্ কপিলা তত্পরং ( মৃত্কপিলাতঃ পরং) ভবেদ্ ধরিতা .
৫৩.৬৪ ভবতি চ পুরুষে অধৌ ঽশ্মা তস্য তলে ঽংভো বিনির্দেষ্যং ( বারি নির্দেচ্যং) .. ..
৫৩.৬৫ পীলোঃ এব প্রাচ্যাং বল্মীকোঽতোঽর্ধপংচমৈঃ হস্তৈঃ .
৫৩.৬৫ দিশি যাম্যাযাং তোযং বক্তব্যং সপ্তভিঃ পুরুষৈঃ .. ..
৫৩.৬৬ প্রথমে পুরুষে ভুজগঃ সিতাসিতো হস্তমাত্রমূর্তিশ্চ .
৫৩.৬৬ দক্ষিণতো বহতি শিরা সক্ষারং ভূরি পানীযম্ .. ..
৫৩.৬৭ উত্তরতশ্চ করীরস্যাহিগৃহং ( করীরাদহিনিলযে) দক্ষিণে জলং স্বাদু .
৫৩.৬৭ দশভিঃ পুরুষৈঃ জ্ঞেযম্ পুর্ষে পীতোঽত্র মণ্ডূকঃ .. ..
৫৩.৬৮ রোহীতকস্য পশ্চাদহিবাসশ্চেত্ ত্রিভিঃ করৈঃ যাম্যে .
৫৩.৬৮ দ্বাদশ পুরুষান্ খাত্বা সক্ষারা পশ্চিমেন শিরা .. ..
৫৩.৬৯ ইন্দ্রতরোঃ বল্মীকঃ প্রাগ্ দৃশ্যঃ পশ্চিমে শিরা হস্তে .
৫৩.৬৯ খাত্বা চতুর্দশ নরান্ কপিলা গোধা নরে প্রথমে .. ..
৫৩.৭০ যদি বা সুবর্ণনাম্নঃ তরোঃ ভবেদ্ বামতো ভুজংগগৃহম্ .
৫৩.৭০ হস্তদ্বযে তু যাম্যে পংচদশনরাবসানেঽংবু .. ..
৫৩.৭১ ক্ষারং পযোঽত্র নকুলোঽর্ধমানবে তাম্রসন্নিভশ্চাশ্মা .
৫৩.৭১ রক্তা চ ভবতি বসুধা বহতি শিরা দক্ষিণা তত্র .. ..
৫৩.৭২ বদরীরোহিতবৃক্ষৌ সংপৃক্তৌ চেদ্ বিনাপি বল্মীকম্ .
৫৩.৭২ হস্তত্রযেঽংবু পশ্চাত্ ষোডশভিঃ মানবৈঃ ভবতি .. ..
৫৩.৭৩ সুরসং জলমাদৌ দক্ষিণা শিরা বহতি চৌত্তনেণান্যা .
৫৩.৭৩ পিষ্টনিভঃ পাষাণো মৃত্ শ্বেতা বৃশ্চিকোঽর্ধনরে .. ..
৫৩.৭৪ সকরীরা চেদ্ বদরী ত্রিভিঃ করৈঃ পশ্চিমেন তত্রাংভঃ .
৫৩.৭৪ অষ্টাদশভিঃ পুরুষৈঃ অশানী বহুজলা চ শিরা .. ..
৫৩.৭৫ পীলুসমেতা বদরী হস্তত্রযসম্মিতে দিশি প্রাচ্যাম্ .. ..
৫৩.৭৫ বিংশত্যা পুরুষাণামশোষ্যমংভোঽত্র সক্ষারম্ .. ..
৫৩.৭৬ ককুভকরীরাবেকত্র সংযুতৌ যত্র ককুভবিল্বৌ ( বিল্বৌ) বা .
৫৩.৭৬ হস্তদ্বযেঽংবু পশ্চান্ নরৈঃ ভবেত্ পংচবিংশত্যা .. ..
৫৩.৭৭ বল্মীকমূর্ধনি যদা দূর্বা চ কুশাশ্চ পাণ্ডুরাঃ সন্তি .
৫৩.৭৭ কূপো মধ্যে দেযো জলমত্র নরৈকবিংশত্যা .. ..
৫৩.৭৮ ভূমিঃ কদংবকযুতা ( ভূমী কদংবকযুতা, ভূমীকদংবকযুতা) বল্মীকে যত্র দৃশ্যতে দূর্বা .
৫৩.৭৮ হস্তদ্বযেন ( হস্তত্রযেন) যাম্যে নরৈঃ জলং পংচবিংশত্যা .. ..
৫৩.৭৯ বল্মীকত্রযমধ্যে রোহীতকপাদপো যদা ভবতি .
৫৩.৭৯ নানাবৃক্ষৈঃ সহিতঃ ত্রিভিঃ জলং তত্র বক্তব্যম্ .. ..
৫৩.৮০ হস্তচতুষ্কে মধ্যাত্ ষোডশভিশ্চাংগুলৈরুদগ্ বারি .
৫৩.৮০ চত্বারিংশত্ পুরুষান্ খাত্বা ঽশ্মাঽধঃ ( অশ্মাতঃ) শিরা ভবতি .. ..
৫৩.৮১ গ্রন্থিপ্রচুরা যস্মিন্ শমী ভবেদুত্তরেণ বল্মীকঃ .
৫৩.৮১ পশ্চাত্ পংচকরান্তে শতার্ধসংখ্যৈঃ নরৈঃ সলিলম্ .. ..
৫৩.৮২ একস্থাঃ পংচ যদা বল্মীকা মধ্যমো ভবেত্শ্বেতঃ .
৫৩.৮২ তস্মিন্ শিরা প্রদিষ্টা নরষষ্ট্যা পংচবর্জিতযা .. ..
৫৩.৮৩ সপলাশা যত্র শমী পশ্চিমভাগেঽংবু মানবৈঃ ষষ্ট্যা .
৫৩.৮৩ অর্ধনরেঽহিঃ প্রথমং সবালুকা পীতমৃত্ পরতঃ .. ..
৫৩.৮৪ বল্মীকেন পরিবৃতঃ শ্বেতো রোহীতকো ভবেদ্ যস্মিন্ .
৫৩.৮৪ পূর্বেণ হস্তমাত্রে সপ্তত্যা মানবৈঃ অংবু .. ..
৫৩.৮৫ শ্বেতা কণ্টকবহুলা যত্র শমী দক্ষিণেন তত্র পযঃ .
৫৩.৮৫ নরপংচকসংযুতযা সপ্তত্যাহিঃ নরার্ধে চ .. ..
৫৩.৮৬ মরুদেশে যচ্চিহ্নং ন জাংগলে তৈঃ জলং বিনির্দেশ্যম্ .
৫৩.৮৬ জংবূবেতসপূর্বৈঃ ( পূর্বে) যে পুরুষাঃ তে মরৌ দ্বিগুণাঃ .. ..
৫৩.৮৭ জংবূঃ ত্রিবৃতা মৌর্বী ( মূর্বা) শিশুমারী সারিবা শিবা শ্যামা .
৫৩.৮৭ বীরুধযো বারাহী জ্যোতিষ্মতী গরুডবেগা চ ( চ গরুডবেগা) .. ..
৫৩.৮৮ সূকরিকমাষপর্ণীব্যাঘ্রপদাশ্চৈতি যদ্যহেঃ নিলযে .
৫৩.৮৮ বল্মীকাদুত্তরতঃ ত্রিভিঃ করৈঃ ত্রিপুরুষে তোযম্ .. ..
৫৩.৮৯ এতদনূপে বাচ্যং জাংগলভূমৌ তু পংচভিঃ পুরুষৈঃ .
৫৩.৮৯ এতৈঃ এব নিমিত্তৈঃ মরুদেশে সপ্তভিঃ কথযেত্ .. ..
৫৩.৯০ একনিভা যত্র মহী তৃণতরুবল্মীকগুল্মপরিহীনা .
৫৩.৯০ তস্যাং যত্র বিকারো ভবতি ধরিত্র্যাং জলং তত্র .. ..
৫৩.৯১ যত্র স্নিগ্ধা নিম্না সবালুকা সানুনাদিনী বা স্যাত্ .
৫৩.৯১ তত্র অর্ধপংচকৈঃ ( অর্ধপংচমৈঃ) বারি মানবৈঃ পংচভিঃ যদি বা .. ..
৫৩.৯২ স্নিগ্ধতরূণাং যাম্যে নরৈশ্চতুর্ভিঃ জলং প্রভূতং চ .
৫৩.৯২ তরুগহনেঽপি হি বিকৃতো যঃ তস্মাত্ তদ্বদেব বদেত্ .. ..
৫৩.৯৩ নমতে যত্র ধরিত্রী সার্ধে পুরুষেঽংবু জাংগলানূপে .
৫৩.৯৩ কীটা বা যত্র বিনালযেন বহবোঽংবু তত্রাপি .. ..
৫৩.৯৪ উষ্ণা শীতা চ মহী শীতোষ্ণাংভঃ ত্রিভিঃ নরৈঃ সার্ধৈঃ .
৫৩.৯৪ ইন্দ্রধনুঃ মত্স্যো বা বল্মীকো বা চতুর্হস্তাত্ .. ..
৫৩.৯৫ বল্মীকানাং পংক্ত্যাং যদ্যেকোঽভ্যুচ্ছ্রিতঃ শিরা তদধঃ .
৫৩.৯৫ শুষ্যতি ন রোহতে বা সস্যং যস্যাং চ তত্রাংভঃ .. ..
৫৩.৯৬ ন্যগ্রোধপলাশৌদুংবরৈঃ সমেতৈঃ ত্রিভিঃ জলং তদধঃ .
৫৩.৯৬ বটপিপ্পলসমবাযে তদ্বদ্ বাচ্যং শিরা চৌদক্ .. ..
৫৩.৯৭ আগ্নেযে যদি কোণে গ্রামস্য পুরস্য বা ভবেত্ ( ভবতি) কূপঃ .
৫৩.৯৭ নিত্যং স করোতি ভযং দাহং চ সমানুষং প্রাযঃ .. ..
৫৩.৯৮ নৈরৃতকোণে বালক্ষযং চ বনিতাভযং ( বনিতাভযং) চ বাযব্যে .
৫৩.৯৮ দিক্ত্রযমেতত্ ত্যক্ত্বা শেষাসু শুভাবহাঃ কূপাঃ .. ..
৫৩.৯৯ সারস্বতেন মুনিনা দকার্গকং ( দগারগলং) যত্ ক্র্তং তদবলোক্য .
৫৩.৯৯ আর্যাভিঃ কৃতমেতদ্ বৃত্তৈঃ অপি মানবং বক্ষ্যে .. ..
৫৩.১০০ স্নিগ্ধা যতঃ পাদপগুল্মবল্ল্যো
৫৩.১০০ নিশ্ছিদ্রপত্রাশ্চ ততঃ শিরাস্তি .
৫৩.১০০ পদ্মক্ষুরৌশীরকুলাঃ সগুণ্ড্রাঃ
৫৩.১০০ কাশাঃ কুশা বা নলিকা নলো বা .. ..
৫৩.১০১ খর্জূরজংবূ অর্জুনবেতসাঃ স্যুঃ
৫৩.১০১ ক্ষীরান্বিতা বা দ্রুমগুল্মবল্ল্যঃ .
৫৩.১০১ ছত্রৈভনগাঃ শতপত্রনীপাঃ
৫৩.১০১ স্যুঃ নক্তমালাশ্চ সসিন্দুবারাঃ .. ..
৫৩.১০২ বিভীতকো বা মদযন্তিকা বা
৫৩.১০২ যত্রাস্তি তস্মিন্ পুরুষত্রযেঽংভঃ .
৫৩.১০২ স্যাত্ পর্বতস্যৌপরি পর্বতোঽন্যঃ
৫৩.১০২ তত্রাপি মূলে পুরুষত্রযেঽংভঃ .. ..
৫৩.১০৩ যা মৌঞ্জিকৈঃ ( মৌঞ্জকৈঃ) কাশকুশৈশ্চ যুক্তা
৫৩.১০৩ নীলা চ মৃদ্যত্র সশর্করা চ .
৫৩.১০৩ তস্যাং প্রভূতং সুরসং চ তোযং
৫৩.১০৩ কৃষ্ণাথবা যত্র চ রক্তমৃদ্ বা .. ..
৫৩.১০৪ সশর্করা তাম্রমহী কষাযং
৫৩.১০৪ ক্ষারং ধরিত্রী কপিলা করোতি .
৫৩.১০৪ আপাণ্ডুরাযাং লবণং প্রদিষ্টং
৫৩.১০৪ মৃষ্টং ( মিষ্টং) পযো নীলবসুন্ধরাযাম্ .. ..
৫৩.১০৫ শাকাশ্বকর্ণার্জুনবিল্ব ( বিল্ব) সর্জাঃ
৫৩.১০৫ শ্রীপর্ণ্যরিষ্টাধবশিংশপাশ্চ .
৫৩.১০৫ ছিদ্রৈশ্চ পত্রৈঃ ( পর্ণৈঃ) দ্রুমগুল্মবল্ল্যো
৫৩.১০৫ রূক্ষাশ্চ দূরেঽংবু নিবেদযন্তি .. ..
৫৩.১০৬ সূর্যাগ্নিভস্মৌষ্ট্রখরানুবর্ণা
৫৩.১০৬ যা নির্জলা সা বসুধা প্রদিষ্টা .
৫৩.১০৬ রক্তাংকুরাঃ ক্ষীরযুতাঃ করীরা
৫৩.১০৬ রক্তা ধরা চেজ্জলমশ্মনোঽধঃ .. ..
৫৩.১০৭ বৈদূর্যমুদ্গ ( বৈডূর্যমুড্গ) অংবুদমেচকাভা
৫৩.১০৭ পাকৌন্মুখৌদুংবরসন্নিভা বা .
৫৩.১০৭ ভংগ ( ভৃগ্গ) অঞ্জনাভা কপিলাথবা যা
৫৩.১০৭ জ্ঞেযা শিলা ভূরিসমীপতোযা .. ..
৫৩.১০৮ পারাবত ( পরাবত) ক্ষৌদ্রঘৃতৌপমা যা ( বা)
৫৩.১০৮ ক্ষৌমস্য বস্ত্রস্য চ তুল্যবর্ণা .
৫৩.১০৮ যা সোমবল্ল্যাশ্চ সমানরূপা
৫৩.১০৮ সাপ্যাশু তোযং কুরুতেঽক্ষযং চ .. ..
৫৩.১০৯ তাম্রৈঃ সমেতা পৃষতৈঃ বিচিত্রৈঃ
৫৩.১০৯ আপাণ্ডুভস্মৌষ্ট্রখরানুরূপা .
৫৩.১০৯ ভৃংগৌপমাংগুষ্ঠিকপুষ্পিকা বা
৫৩.১০৯ সূর্যাগ্নিবর্ণা চ শিলা বিতোযা .. ..
৫৩.১১০ চন্দ্রাতপস্ফটিকমৌক্তিকহেমরূপা
৫৩.১১০ যাশ্চেন্দ্রনীলমণিহিংগুলুকাঞ্জনাভাঃ .
৫৩.১১০ সূর্যোদযাংশুহরিতালনিভাশ্চ যাঃ স্যুঃ
৫৩.১১০ তাঃ শোভনা মুনিবচোঽত্র চ বৃত্তমেতত্ .. ..
৫৩.১১১ এতা হ্যভেদ্যাশ্চ শিলাঃ শিবাশ্চ
৫৩.১১১ যক্ষৈশ্চ নাগৈশ্চ সদাভিজুষ্টাঃ .
৫৩.১১১ যেষাং চ রাষ্ট্রেষু ভবন্তি রাজ্ণাং
৫৩.১১১ তেষামবৃষ্টিঃ ন ভবেত্ কদাচিত্ .. ..
৫৩.১১২ ভেদং যদা নৈতি শিলা তদানীং
৫৩.১১২ পলাশকাষ্ঠৈঃ সহ তিন্দুকানাম্ .
৫৩.১১২ প্রজ্বালযিত্বানলমগ্নিবর্ণা
৫৩.১১২ সুধাংবুসিক্তা প্রবিদারমেতি .. ..
৫৩.১১৩ তোযং শ্রিতং ( শৃতং) মোক্ষকভস্মনা বা
৫৩.১১৩ যত্ সপ্তকৃত্বঃ পরিষেচনং তত্ .
৫৩.১১৩ কার্যং শরক্ষারযুতং শিলাযাঃ
৫৩.১১৩ প্রস্ফোটনং বহ্নিবিতাপিতাযাঃ .. ..
৫৩.১১৪ তক্রকাঞ্জিকসুরাঃ সকুলত্থা
৫৩.১১৪ যোজিতানি বদরাণি চ তস্মিন্ .
৫৩.১১৪ সপ্তরাত্রমুষিতানি অভিতপ্তাং
৫৩.১১৪ দারযন্তি হি শিলাং পরিষেকৈঃ .. ..
৫৩.১১৫ নৈংবং পত্রং ত্বক্ চ নালং তিলানাং
৫৩.১১৫ সাপামার্গং তিন্দুকং স্যাদ্ গুডূচী .
৫৩.১১৫ গোমূত্রেণ স্রাবিতঃ ক্ষার এষাং
৫৩.১১৫ ষট্কৃত্বোঽতঃ তাপিতো ভিদ্যতেঽশ্মা .. ..
৫৩.১১৬ আর্কং পযো হুডুবিষাণমষীসমেতং
৫৩.১১৬ পারাবতাখুশকৃতা চ যুতঃ প্রলেপঃ .
৫৩.১১৬ টংকস্য তৈলমথিতস্য ততোঽস্য পানং
৫৩.১১৬ পশ্চাত্শিতস্য ন শিলাসু ভবেদ্ বিঘাতঃ .. ..
৫৩.১১৭ ক্ষারে কদল্যা মথিতেন যুক্তে ( যক্তে)
৫৩.১১৭ দিনোষিতে পাযিতমাযসং যত্ .
৫৩.১১৭ সম্যক্ শিতং ( ছিতং) চাশ্মনি নৈতি ভংগং
৫৩.১১৭ ন চান্যলোহেষ্বপি তস্য কৌণ্ঠ্যম্ .. ..
৫৩.১১৮ পালী প্রাগপরাযতাংবু সুচিরং ধত্তে ন যাম্যোত্তরা
৫৩.১১৮ কল্লোলৈঃ অবদারমেতি মরুতা সা প্রাযশঃ প্রেরিতৈঃ .
৫৩.১১৮ তাং চেদিচ্ছতি সারদারুভিঃ অপাং সংপাতমাবারযেত্ .
৫৩.১১৮ পাষাণাদিভিঃ এব বা প্রতিচযং ক্ষুণ্ণং ( ক্ষুন্নং) দ্বিপাশ্বাদিভিঃ .. ..
৫৩.১১৯ ককুভবটাম্রপ্লক্ষকদংবৈঃ সনিচুলজংবূবেতসনীপৈঃ .
৫৩.১১৯ কুরবক ( কুরবাক) তালাশোকমধূকৈঃ বকুলবিমিশ্রৈশ্চাবৃএততীরাম্ .. ..
৫৩.১২০ দ্বারং চ নৈর্বাহিকমেকদেশে
৫৩.১২০ কার্যং শিলাসংচিতবারিমার্গম্ .
৫৩.১২০ কোশস্থিতং নির্বিবরং কপাটং
৫৩.১২০ কৃত্বা ততঃ পাংশুভিঃ আবপেত্ তম্ .. ..
৫৩.১২১ অঞ্জনমুস্তৌশীরৈঃ সরাজকোশাতকামলকচূর্ণৈঃ .
৫৩.১২১ কতকফলসমাযুক্তৈঃ যোগঃ কূপে প্রদাতব্যঃ .. ..
৫৩.১২২ কলুষং কটকং ( কতুকং) লবণং বিরসং
৫৩.১২২ সলিলং যদি বা শুভগন্ধি ভবেত্ .
৫৩.১২২ তদনেন ভবত্যমলং সুরসং
৫৩.১২২ সুসুগন্ধি গুণৈঃ অপরৈশ্চ যুতম্ .. ..
৫৩.১২৩ হস্তো মঘানুরাধাপুষ্যধনিষ্ঠৌত্তরাণি রোহিণ্যঃ .
৫৩.১২৩ শতভিষগ্ ইত্যারংভে কূপানাং শস্যতে ভগণঃ .. ..
৫৩.১২৪ কৃত্বা বরুণস্য বলিং বটবেতসকীলকং শিরাস্থানে .
৫৩.১২৪ কুসুমৈঃ গন্ধৈঃ ধূপৈঃ সংপূজ্য নিধাপযেত্ প্রথমম্ .. ..
/এঅত্নুম্( ৫৪.১২৫অব্ মেঘোদ্ভবং প্রথমমেব মযা প্রদিষ্টং জ্যেষ্ঠামতীত্য বলদেবমতাদি দৃষ্ট্বা .
৫৪.১২৫ ভৌমং দগার্গলমিদং কথিতং দ্বিতীযং সম্যগ্বরাহমিহিরেণ মুনিপ্রসাদাত্ .. ..)

অধ্যায ৫৪ বৃক্ষাযুর্বেদাধ্যাযঃ

৫৪.১ প্রান্তচ্ছাযাবিনির্মুক্তা ন মনোজ্ঞা জলাশযাঃ .
৫৪.১ যস্মাদতো জলপ্রান্তেষ্বারামান্ বিনিবেশযেত্ .. ..
৫৪.২ মৃদ্বী ভূঃ সর্ববৃক্ষাণাং হিতা তস্যাম্ তিলান্ বপেত্ .
৫৪.২ পুষ্পিতাং তাংশ্চ মৃদ্নীযাত্ ( গৃহ্ণীযাত্) কর্মএতত্ প্রথমং ভুবঃ ( ভুবি) .. ..
৫৪.৩ অরিষ্টাশোকপুন্নাগশিরীষাঃ সপ্রিযংগবঃ .
৫৪.৩ মংগল্যাঃ পূর্বমারামে রোপণীযা গৃহেষু বা .. ..
৫৪.৪ পনসাশোককদলীজংবূলকুচদাডিমাঃ .
৫৪.৪ দ্রাক্ষাপালীবতাশ্চএব বীজপূরাতিমুক্তকাঃ .. ..
৫৪.৫ এতে দ্রুমাঃ কাণ্ডরোপ্যা ( কাণ্ডারোপ্যা) গোমযেন প্রলেপিতাঃ .
৫৪.৫ মূলোচ্ছেদেঽথবা স্কন্ধে রোপণীযাঃ পরং ততঃ ( প্রযত্নতঃ) .. ..
৫৪.৬ অজাতশাখান্ শিশিরে জাতশাখান্ হিমাগমে .
৫৪.৬ বর্ষাগমে চ সুস্কন্ধান্ যথাদিক্স্থান্ প্ররোপযেত্ ( যথাদিক্ প্রতিরোপযেত্) .. ..
৫৪.৭ ঘৃতৌশীরতিলক্ষৌদ্রবিডংগক্ষীরগোমযৈঃ .
৫৪.৭ আমূলস্কন্ধলিপ্তানাং সংক্রামণবিরোপণম্ .. ..
৫৪.৮ শুচিঃ ভূত্বা তরোঃ পূজাং কৃত্বা স্নানানুলেপনৈঃ .
৫৪.৮ রোপযেদ্ রোপিতশ্চৈব পত্রৈঃ তৈঃ এব জাযতে .. ..
৫৪.৯ সাযং প্রাতশ্চ ঘর্মঋতৌ ( ঘর্মান্তে) শীতকালে দিনান্তরে .
৫৪.৯ বর্ষাসু চ ভুবঃ শোষে সেক্তব্যা রোপিতা দ্রুমাঃ .. ..
৫৪.১০ জংবূবেতসবানীরকদংবৌদুংবরার্জুনাঃ .
৫৪.১০ বীজপূরকমৃদ্বীকালকুচাশ্চ সদাডিমাঃ .. ..
৫৪.১১ বঞ্জুলো নক্তমালশ্চ তিলকঃ পনসঃ তথা .
৫৪.১১ তিমিরোঽম্রাতকশ্চৈতি ( চৈব) ষোডশানূপজাঃ স্মৃতাঃ .. ..
৫৪.১২ উত্তমং বিংশতিঃ হস্তা মধ্যমং ষোডশান্তরম্ .
৫৪.১২ স্থানাত্ স্থানান্তরং কার্যং বৃক্ষাণাং দ্বাদশাবরম্ .. ..
৫৪.১৩ অভ্যাসজাতাঃ তরবঃ সংস্পৃশন্তঃ পরস্পরম্ .
৫৪.১৩ মিশ্রৈঃ মূলৈশ্চ ন ফলং সম্যগ্ যচ্ছন্তি পীডিতাঃ .. ..
৫৪.১৪ শীতবাতাতপৈ রোগো জাযতে পাণ্ডুপত্রতা .
৫৪.১৪ অবৃদ্ধিশ্চ প্রবালানাং শাখাশোষো রসস্রুতিঃ .. ..
৫৪.১৫ চিকিত্সিতমথএতেষাং শস্ত্রেণাদৌ বিশোধনম্ .
৫৪.১৫ বিডংগঘৃতপংকাতান্ সেচযেত্ ক্ষীরবারিণা .. ..
৫৪.১৬ ফলনাশে কুলত্থৈশ্চ মাষৈঃ মুদ্গৈঃ তিলৈঃ যবৈঃ .
৫৪.১৬ শৃতশীতপযঃসেকঃ ফলপুষ্পসমৃদ্ধযে ( অভিবৃদ্ধযে) .. ..
৫৪.১৭ অবিকাজশকৃচ্চূর্ণস্যাঢকে দ্বে তিলাঢকম্ .
৫৪.১৭ সক্তুপ্রস্থো জলদ্রোণো গোমাংসতুলযা সহ .. ..
৫৪.১৮ সপ্তরাত্রৌষিতৈঃ এতৈঃ সেকঃ কার্যো বনস্পতেঃ .
৫৪.১৮ বল্মীগুল্মলতানাং চ ফলপুষ্পায সর্বদা .. ..
৫৪.১৯ বাসরাণি দশ দুগ্ধভাবিতং
৫৪.১৯ বীজমাজ্যযুতহস্তযোজিতম্ .
৫৪.১৯ গোমযেন বহুশো বিরূক্ষিতং
৫৪.১৯ ক্রৌডমার্গপিশিতৈশ্চ ধূপিতম্ .. ..
৫৪.২০ মাংস ( মত্স্য) সূকরবসাসমন্বিতং রোপিতং চ পরিকর্মিতাবনৌ .
৫৪.২০ ক্ষীরসংযুতজলাবসেচিতং জাযতে কুসুমযুক্তমেব তত্ .. ..
৫৪.২১ তিন্তিডীত্যপি করোতি বল্লরীং ব্রীহিমাষতিলচূর্ণসক্তুভিঃ .
৫৪.২১ পূতিমাংসসহিতৈশ্চ সেচিতা ধূপিতা চ সততং হরিদ্রযা .. ..
৫৪.২২ কপিত্থবল্লীকরণায মূলান্য্-
৫৪.২২ আস্ফোতধাত্রীধববাসিকানাম্ .
৫৪.২২ পলাশিনী বেতসসূর্যবল্লী ( বল্লী)
৫৪.২২ শ্যামাতিমুক্তৈঃ সহিতাষ্টমূলী .. ..
৫৪.২৩ ক্ষারে শৃতে চাপ্যনযা সুশীতে
৫৪.২৩ তালা ( নালা) শতং স্থাপ্য কপিত্থবীজম্ .
৫৪.২৩ দিনে দিনে শোষিতমর্কপাদৈঃ
৫৪.২৩ মাসং বিধিঃ ত্বেষ ততোঽধিরোপ্যম্ .. ..
৫৪.২৪ হস্তাযতং তদ্দ্বিগুণং গভীরং
৫৪.২৪ খাত্বাবটং প্রোক্তজলাবপূর্ণম্ .
৫৪.২৪ শুষ্কং প্রদগ্ধং মধুসর্পিষা তত্
৫৪.২৪ প্রলেপযেদ্ ভস্মসমন্বিতন ( সমন্বিতেন) .. ..
৫৪.২৫ চূর্ণীকৃতৈঃ মাষতিলৈঃ যবৈশ্চ
৫৪.২৫ প্রপূরযেদ্ মৃত্তিকযান্তরস্থৈঃ .
৫৪.২৫ মত্স্যামিষাংভঃ ( অংভঃ) সহিতং চ হন্যাদ্
৫৪.২৫ যাবদ্ ঘনত্বং সমুপাগতং তত্ .. ..
৫৪.২৬ উপ্তং চ বীজং চতুরংগুলাধো
৫৪.২৬ মত্স্যাংভসা মাংসজলৈশ্চ সিক্তম্ .
৫৪.২৬ বল্লী ভবত্যাশু শুভপ্রবালা
৫৪.২৬ বিস্মাপনী মণ্ডপমাবৃণোতি .. ..
৫৪.২৭ শতশো অংকোল ( অগ্কোল্ল) সংভূতফলকল্কেন ভাবিতম্ .
৫৪.২৭ এতত্ তৈলেন বা বীজং শ্লৈষ্মাতক ( শ্লেষ্মাতক) ফেন বা .. ..
৫৪.২৮ বাপিতং করকৌন্মিশ্রমৃদি তত্ক্ষণজন্মকম্ .
৫৪.২৮ ফলভারান্বিতা শাখা ভবতীতি কিমদ্ভুতম্ .. ..
৫৪.২৯ শ্লেষ্মাতকস্য বীজানি নিষ্কুলীকৃত্য ভাবযেত্ প্রাজ্ঞঃ .
৫৪.২৯ অংকোল ( অগ্কোল্ল) বিজ্জলাদ্ভিশ্ছাযাযাং সপ্তকৃত্বা ( সপ্তকৃত্ব্) এবম্ .. ..
৫৪.৩০ মাহিষগোমযঘৃষ্টানি অস্য করীষে চ তানি নিক্ষিপ্য .
৫৪.৩০ করকাজলমৃদ্যোগে ন্যুপ্তানি অহ্না ফলকরাণি .. ..
৫৪.৩১ ধ্রুবমৃদুমূলবিশাখা গুরুভং শ্রবণঃ তথাশ্বিনী হস্তঃ ( হস্তং) .
৫৪.৩১ উক্তানি দিব্যদৃগ্ভিঃ পাদপসংরোপণে ভানি .. ..

অধ্যায ৫৫ প্রাসাদলক্ষণাধ্যাযঃ

৫৫.১ কৃত্বা প্রভূতং সলিলমারামান্ বিনিবেশ্য চ .
৫৫.১ দেবতাযতনং কুর্যাদ্ যশোধর্মাভিবৃদ্ধযে .. ..
৫৫.২ ইষ্টাপূর্তেন লভ্যন্তে যে লোকাঃ তান্ বুভূষতা .
৫৫.২ দেবানামালযঃ কার্যো দ্বযমপি অত্র দৃশ্যতে .. ..
৫৫.৩ সলিলৌদ্যানযুক্তেষু কৃতেষ্বকৃতেষু চ .
৫৫.৩ স্থানেষ্বেতেষু সান্নিধ্যমুপগচ্ছন্তি দেবতাঃ .. ..
৫৫.৪ সরঃসু নলিনীছত্রনিরস্তরবিরশ্মিষু .
৫৫.৪ হংসাংসাক্ষিপ্তকহ্লারবীথী ( বীচী, বীথী) বিমলবারিষু .. ..
৫৫.৫ হংসকারণ্ডবক্রৌংচচক্রবাকবিরাবিষু .
৫৫.৫ পর্যন্তনিচুলচ্ছাযাবিশ্রান্তজলচারিষু .. ..
৫৫.৬ ক্রৌংচকাংচীকলাপাশ্চ কলহংসকলস্বরাঃ ( স্বনাঃ) .
৫৫.৬ নদ্যঃ তোযাংশুকা যত্র শফরীকৃতমেখলাঃ .. ..
৫৫.৭ ফুল্লতীরদ্রুমৌত্তংসাঃ সংগমশ্রোণিমণ্ডলাঃ .
৫৫.৭ পুলিনাভ্যুন্নতৌরস্যা হংসবাসাঃ ( হংসহাসাঃ) চ নিম্নগাঃ .. ..
৫৫.৮ বনৌপান্তনদীশৈলনির্ঝরৌপান্তভূমিষু .
৫৫.৮ রমন্তে দেবতা নিত্যং পুরেষূদ্যানবত্সু চ .. ..
৫৫.৯ ভূমযো ব্রাহ্মণাদীনাং যাঃ প্রোক্তা বাস্তুকর্মণি .
৫৫.৯ তা এব তেষাং শস্যন্তে দেবতাযতনেষ্বপি .. ..
৫৫.১০ চতুঃষষ্টিপদং কার্যং দেবতাযতনং সদা .
৫৫.১০ দ্বারং চ মধ্যমং তস্মিন্ ( তত্র) সমদিক্স্থং প্রশস্যতে .. ..
৫৫.১১ যো বিস্তারো ভবেদ্ যস্য দ্বিগুণা তত্সমুন্নতিঃ .
৫৫.১১ উচ্ছ্রাযাদ্ যঃ তৃতীযাংশঃ তেন তুল্যা কটিঃ স্মৃতা ( কটিঃ ভবেত্) .. ..
৫৫.১২ বিস্তারার্ধং ভবেদ্ গর্ভো ভিত্তযোঽন্যাঃ সমন্ততঃ .
৫৫.১২ গর্ভপাদেন বিস্তীর্ণং দ্বারং দ্বিগুণমুচ্ছ্রিতম্ .. ..
৫৫.১৩ উচ্ছ্রাযাত্ পাদবিস্তীর্ণা শাখা তদ্বদুদুংবরঃ .
৫৫.১৩ বিস্তারপাদপ্রতিমং বাহুল্যং শাখযোঃ স্মৃতম্ .. ..
৫৫.১৪ ত্রিপংচসপ্তনবভিঃ শাখাভিঃ তত্ প্রশস্যতে .
৫৫.১৪ অধঃ শাখাচতুর্ভাগে প্রতীহারৌ নিবেশযেত্ .. ..
৫৫.১৫ শেষং মংগল্যবিহগৈঃ শ্রীবৃক্ষৈঃ স্বস্তিকৈঃ ( শ্রীবৃক্ষস্বস্তিকৈঃ) ঘটৈঃ .
৫৫.১৫ মিথুনৈঃ পত্রবল্লীভিঃ প্রমথৈশ্চৌপশোভযেত্ .. ..
৫৫.১৬ দ্বারমানাষ্টভাগোনা প্রতিমা স্যাত্ সপিণ্ডিকা .
৫৫.১৬ দ্বৌ ভাগৌ প্রতিমা তত্র তৃতীযাংশশ্চ পিণ্ডিকা .. ..
৫৫.১৭ মেরুমন্দরকৈলাসবিমানচ্ছন্দনন্দনাঃ .
৫৫.১৭ সমুদ্গপদ্মগরুডনন্দিবর্ধনকুঞ্জরাঃ .. ..
৫৫.১৮ গুহরাজো বৃষো হংসঃ সর্বতোভদ্রকো ঘটঃ .
৫৫.১৮ সিংহো বৃত্তশ্চতুষ্কোণঃ ষোডশাষ্টাশ্রযঃ তথা .. ..
৫৫.১৯ ইত্যেতে বিংশতিঃ প্রোক্তাঃ প্রাসাদাঃ সংজ্ঞযা মযা .
৫৫.১৯ যথোক্তানুক্রমেণৈব লক্ষণানি বদাম্যতঃ .. ..
৫৫.২০ তত্র ষডশ্রিঃ মেরুঃ দ্বাদশভৌমো বিচিত্রকুহরশ্চ .
৫৫.২০ দ্বারৈঃ যুতশ্চতুর্ভিঃ দ্বাত্রিংশদ্ধস্তবিস্তীর্ণঃ .. ..
৫৫.২১ ত্রিংশদ্ধস্তাযামো দশভৌমো মন্দরঃ শিখরযুক্তঃ .
৫৫.২১ কৈলাসোঽপি শিখরবান্ অষ্টাবিংশোঽষ্টভৌমশ্চ .. ..
৫৫.২২ জালগবাক্ষকযুক্তো বিমানসংজ্ঞঃ ত্রিসপ্তকাযামঃ .
৫৫.২২ নন্দন ইতি ষড্ভৌমো দ্বাত্রিংশঃ ষোডশাণ্ডযুক্তঃ .. ..
৫৫.২৩ বৃত্তঃ সমুদ্গনামা পদ্মঃ পদ্মাকৃতিঃ শযা অষ্টৌ ( শযানাষ্টৌ) .
৫৫.২৩ শৃংগেণৈকেন ভবেদেকৈব চ ভূমিকা তস্য .. ..
৫৫.২৪ গরুডাকৃতিশ্চ গরুডো নন্দীতি চ ষট্চতুষ্কবিস্তীর্ণঃ .
৫৫.২৪ কার্যঃ তু ( চ) সপ্তভৌমো বিভূষিতোঽণ্ডৈঃ তু ( চ) বিংশত্যা .. ..
৫৫.২৫ কুঞ্জর ইতি গজপৃষ্ঠঃ ষোডশহস্তঃ সমন্ততো মূলাত্ .
৫৫.২৫ গুহরাজঃ ষোডশকঃ ত্রিচন্দ্রশালা ভবেদ্ বলভী .. ..
৫৫.২৬ বৃষ একভূমিশৃংগো দ্বাদশহস্তঃ সমন্ততো বৃত্তঃ .
৫৫.২৬ হংসো হংসাকারো ঘটোঽষ্টহস্তঃ কলশরূপঃ .. ..
৫৫.২৭ দ্বারৈঃ যুতশ্চতুর্ভিঃ বহুশিখরো ভবতি সর্বতোভদ্রঃ .
৫৫.২৭ বহুরুচিরচন্দ্রশালঃ ষড্বিংশঃ পংচভৌমশ্চ .. ..
৫৫.২৮ সিংহঃ সিংহাক্রান্তো দ্বাদশকোণোঽষ্টহস্তবিস্তীর্ণঃ .
৫৫.২৮ চত্বারোঽঞ্জনরূপাঃ পংচাণ্ডযুতঃ তু চতুরস্রঃ ( চতুরশ্রঃ) .. ..
৫৫.২৯ ভূমিকাংগুলমানেন মযস্যাষ্টোত্তরং শতম্ .
৫৫.২৯ সার্ধং হস্তত্রযং চৈব কথিতং বিশ্বকর্মণা .. ..
৫৫.৩০ প্রাহুঃ স্থপতযশ্চাত্র মতমেকং বিপশ্চিতঃ .
৫৫.৩০ কপোতপালিসংযুক্তা ন্যূনা গচ্ছন্তি তুল্যতাম্ .. ..
৫৫.৩১ প্রাসাদলক্ষণমিদম্ কথিতং সমাসাদ্
৫৫.৩১ গর্গেণ যদ্ বিরচিতং তদিহাস্তি সর্বম্ .
৫৫.৩১ মনুআদিভিঃ বিরচিতানি পৃথূনি যানি
৫৫.৩১ তত্সংস্পৃশন্ ( তত্সস্মৃতিং) প্রতি মযাত্র কৃতোঽধিকারঃ .. ..

অধ্যায ৫৬ বজ্রলেপলক্ষণাধ্যাযঃ

৫৬.১ আমং তিন্দুকমামং কপিত্থকং পুষ্পমপি চ শাল্মল্যাঃ .
৫৬.১ বীজানি শল্লকীনাং ধন্বনবল্কো বচা চৈতি .. ..
৫৬.২ এতৈঃ সলিলদ্রোণঃ ক্বাথযিতব্যোঽষ্টভাগশেষশ্চ .
৫৬.২ অবতার্যোঽস্য চ কল্কো দ্রব্যৈঃ এতৈঃ সমনুযোজ্যঃ .. ..
৫৬.৩ শ্রীবাসকরসগুগ্গুলুভল্লাতককুন্দুরূকসর্জরসৈঃ .
৫৬.৩ অতসীবিল্বৈশ্চ যুতঃ কল্কোঽযং বজ্রলেপাখ্যঃ .. ..
৫৬.৪ প্রাসাদহর্ম্যবলভীলিংগপ্রতিমাসু কুড্যকূপেষু .
৫৬.৪ সন্তপ্তো দাতব্যো বর্ষসহস্রাযুতস্থাযী .. ..
৫৬.৫ লাক্ষাকুন্দুরুগুগ্গুলুগৃহধূমকপিত্থবিল্বমধ্যানি .
৫৬.৫ নাগফলনিংব ( বলাফল) তিন্দুকমদনফলমধূকমঞ্জিষ্ঠাঃ .. ..
৫৬.৬ সর্জরসরসামলকানি চৈতি কল্কঃ কৃতো দ্বিতীযোঽযম্ .
৫৬.৬ বজ্রাখ্যঃ প্রথমগুণৈঃ অযমপি তেষ্বেব কার্যেষু .. ..
৫৬.৭ গোমহিষাজবিষাণৈঃ খররোম্ণা মহিষচর্মগব্যৈশ্চ .
৫৬.৭ নিংবকপিত্থরসৈঃ সহ বজ্রতলো ( বজ্রতরো) নাম কল্কোঽন্যঃ .. ..
৫৬.৮ অষ্টৌ সীসকভাগাঃ কাংসস্য দ্বৌ তু রীতিকাভাগঃ .
৫৬.৮ মযকথিতো যোগোঽযং বিজ্ঞেযো বজ্রসংঘাতঃ .. ..

অধ্যায ৫৭ প্রতিমালক্ষণাধ্যাযঃ .

৫৭.১ জালান্তরগে ভানৌ যদণুতরং দর্শনং রজো যাতি .
৫৭.১ তদ্ বিন্দ্যাত্ পরমাণুং প্রথমং তদ্ধি প্রমাণানাম্ .. ..
৫৭.২ পরমাণুরজো বালাগ্র ( বালাগ্র) লিক্ষযূকং ( যূকা) যবো অংগুলং চৈতি .
৫৭.২ অষ্টগুণানি যথোত্তরমংগুলমেকং ভবতি সংখ্যা ( মাত্রা) .. ..
৫৭.৩ দেবাগারদ্বারস্যাষ্টাংশোনস্য যঃ তৃতীযোঽংশঃ .
৫৭.৩ তত্পিণ্ডিকাপ্রমাণং প্রতিমা তদ্দ্বিগুণপরিমাণা .. ..
৫৭.৪ স্বৈঃ অংগুলপ্রমাণৈঃ দ্বাদশ বীস্তীর্ণং ( বিস্তীর্ণং) আযতং চ মুখম্ .
৫৭.৪ নগ্নজিতা তু চতুর্দশ দৈর্ঘ্যেণ দ্রাবিডং কথিতম্ .. ..
৫৭.৫ নাসাললাটচিবুকগ্রীবাশ্চতুরাংগুলাঃ তথা কর্ণৌ .
৫৭.৫ দ্বে অংগুলে চ হনুনী ( হনুকে) চিবুকং চ দ্ব্যংগুলং বিততং ( বিস্তৃতং) .. ..
৫৭.৬ অষ্টাংগুলং ললাটং বিস্তারাদ্ দ্ব্যংগুলাত্ পরে শংখৌ .
৫৭.৬ চতুরংগুলৌ তু শংখৌ কর্ণৌ তু দ্ব্যংগুলৌ ( দ্ব্যগ্গুলং) পৃথুলৌ .. ..
৫৭.৭ কর্ণোপান্তঃ কার্যোঽর্ধপংচমে ভ্রূসমেন সূত্রেণ .
৫৭.৭ কর্ণস্রোতঃ সুকুমারকম্ চ নেত্র ( নযন) প্রবন্ধসমম্ .. ..
৫৭.৮ চতুরংগুলং বসিষ্ঠঃ কথযতি নেত্রান্তকর্ণযোঃ বিবরম্ .
৫৭.৮ অধরো অংগুলপ্রমাণঃ তস্যার্ধেনোত্ত্রোষ্ঠশ্চ .. ..
৫৭.৯ অর্ধাংগুলা তু গোচ্ছা বক্ত্রং চতুরংগুলাযতং কার্যম্ .
৫৭.৯ বিপুলং তু সার্ধমংগুলম্ অব্যাত্তং ত্র্যংগুলং ( অধ্যাত্তত্ত্র্যগ্গুলং) ব্যাত্তম্ .. ..
৫৭.১০ দ্ব্যংগুলতুল্যৌ নাসাপুটৌ চ নাসা পুটাগ্রতো জ্ঞেযা .
৫৭.১০ স্যাদ্ দ্ব্যংগুলমুচ্ছ্রাযশ্চতুরংগুলমন্তরং চাক্ষ্ণোঃ .. ..
৫৭.১১ দ্ব্যংগুলমিতোঽক্ষিকোশো দ্বে নেত্রে তত্ত্রিভাগিকা তারা .
৫৭.১১ দৃক্তারা পংচাংশো নেত্রবিকাশো অংগুলং ভবতি .. ..
৫৭.১২ পর্যন্তাত্ পর্যন্তং দশ ভ্রুবোঽর্ধাংগুলং ভ্রুবোঃ লেখা .
৫৭.১২ ভ্রূমধ্যং দ্ব্যংগুলকং ভূঃ ধৈর্ঘ্যেণাংগুলচতুষ্কম্ .. ..
৫৭.১৩ কার্যা তু কেশরেখা ভ্রূবন্ধসমাংগুলার্ধবিস্তীর্ণা .
৫৭.১৩ নেত্রান্তে করবীরকমুপন্যসেদনুগুলপ্রমিতম্ .. ..
৫৭.১৪ দ্বাত্রিংশত্ পরিণাহাগতুর্দশাযামতো অংগুলানি শিরঃ .
৫৭.১৪ দ্বাদশ তু চিত্রকর্মণি দৃশ্যন্তে বিংশতিঃ অদৃশ্যাঃ .. ..
৫৭.১৫ আস্যং সকেশনিচযং ষোডশ দৈর্ঘ্যেণ নগ্নিজিত্ ( নগ্নজিত্) প্রোক্তম্ .
৫৭.১৫ গ্রীবা দশ বিস্তীর্ণা পরিণাহাদ্ বিংশতিঃ সৈকা .. ..
৫৭.১৬ কণ্ঠাদ্ দ্বাদশ হৃদযং হৃদযান্ নাভী ( নাভিঃ) চ তত্প্রমাণেন .
৫৭.১৬ নাভীমধ্যাদ্ মেঢ্রান্তরং চ তত্তুল্যমেবোক্তম্ .. ..
৫৭.১৭ ঊরূ চাংগুলমানৈশ্চতুর্যুতা বিংশতিঃ তথা জংঘে .
৫৭.১৭ জানুকপিচ্ছে চতুরংগুলে চ পাদৌ চ তত্তুল্যৌ .. ..
৫৭.১৮ দ্বাদশদীর্ঘৌ ষট্ পৃথুতযা চ পাদৌ ত্রিকাযতাংগুষ্ঠৌ .
৫৭.১৮ পংচাংগুলপরিণাহৌ প্রদেশিনী ত্র্যংগুলং দীর্ঘা .. ..
৫৭.১৯ অষ্টান্ংশাংশোনাঃ শেষাংগুল্যঃ ( শেষাগ্গুলযঃ) ক্রমেণ কর্তব্যাঃ .
৫৭.১৯ সচতুর্থভাগমংগুলমুত্সেধো অংগুষ্ঠকস্যৌক্তঃ .. ..
৫৭.২০ অংগুষ্ঠনখঃ কথিতঃ চতুর্থভাগোনমংগুলং তজ্ঞৈঃ .
৫৭.২০ শেষনখানামর্ধাংগুলং ক্রমাত্ কিংচিদূনং বা .. ..
৫৭.২১ জংঘাগ্রে পরিণাহশ্চতুর্দশোক্তঃ তু বিস্তরাত্ ( বিস্তরঃ) পংচ .
৫৭.২১ মধ্যে তু সপ্ত বিপুলা পরিণাহাত্ ত্রিগুণিতাঃ সপ্ত .. ..
৫৭.২২ অষ্টৌ তু জানুমধ্যে বৈপুল্যং ত্র্যষ্টকং তু পরিণাহঃ .
৫৭.২২ বিপুলৌ চতুর্দশ ঊরূ মধ্যে দ্বিগুণশ্চ তত্পরিধিঃ .. ..
৫৭.২৩ কটিঃ অষ্টাদশ বিপুলা চত্বারিংশগতুর্যুতা পরিধৌ .
৫৭.২৩ অংগুলমেকং নাভী ( নাভিঃ) বেধেন তথা প্রমাণেন .. ..
৫৭.২৪ চত্বারিংশদ্দ্বিযুতা নাভীমধ্যেন মধ্যপরিণাহঃ .
৫৭.২৪ স্তনযোঃ ষোডশ চান্তরমূর্ধ্বং কক্ষ্যে ( কক্ষে) ষডংগুলিকে .. ..
৫৭.২৫ অষ্টাবংসৌ দ্বাদশ বাহূ কার্যৌ ( কার্যাবষ্টাবংসৌ দ্বাদশ বাহূ) তথা প্রবাহূ চ .
৫৭.২৫ বাহূ ষড্বিস্তীর্ণৌ ( ষড্বিস্তির্ণৌ) প্রতিবাহূ ত্বংগুলচতুষ্কম্ .. ..
৫৭.২৬ ষোডশ বাহূ মূলে পরিণাহাদ্ দ্বাদশাগ্রহস্তে চ .
৫৭.২৬ বিস্তারেণ করতলং ষডংগুলং সপ্ত দৈর্ঘ্যেণ .. ..
৫৭.২৭ পংচাংগুলানি মধ্যা প্রদেশিনী মধ্যপর্বদলহীনা .
৫৭.২৭ অনযা তুল্যা চানামিকা কনিষ্ঠা তু পর্বোনা .. ..
৫৭.২৮ পর্বদ্বযমংগুষ্ঠঃ শেষাংগুল্যঃ ( শেষাগ্গুলযঃ) ত্রিভিঃ ত্রিভিঃ কার্যাঃ .
৫৭.২৮ নখপরিমাণং কার্যং সর্বাসাম্ পর্বণোঽর্ধেন .. ..
৫৭.২৯ দেশানুরূপভূষণবেষালংকারমূর্তিভিঃ কার্যা .
৫৭.২৯ প্রতিমা লক্ষণযুক্তা সন্নিহিতা বৃদ্ধিদা ভবতি .. ..
৫৭.৩০ দশরথতনযো রামো বলিশ্চ বৈরোচনিঃ শতং বিংশম্ .
৫৭.৩০ দ্বাদশহান্যা শেষাঃ প্রবরসমন্যূনপরিমাণাঃ .. ..
( বিষ্ণু)
৫৭.৩১ কার্যোঽষ্টভুজো ভগবাংশ্চতুর্ভুজো দ্বিভুজ এব বা বিষ্ণুঃ .
৫৭.৩১ শ্রীবত্সাংকিতবক্ষাঃ কৌস্তুভমণিভূষিতোরস্কঃ .. ..
৫৭.৩২ অতসীকুসুমশ্যামঃ পীতাংবরনিবসনঃ প্রসন্নমুখঃ .
৫৭.৩২ কুণ্ডলকিরীটধারী পীনগলৌরঃস্থলাংসভুজঃ .. ..
৫৭.৩৩ খড্গগদাশরপাণিঃ দক্ষিণতঃ শান্তিদশ্চতুর্থকরঃ .
৫৭.৩৩ বামকরেষু চ কার্মুকখেটকচক্রাণি শংখশ্চ .. ..
৫৭.৩৪ অথ চ চতুর্ভুজমিচ্ছতি শান্তিদ একো গদাধরশ্চান্যঃ .
৫৭.৩৪ দক্ষিণপার্শ্বে ত্ব ( হি) এবং বামে শংখশ্চ চক্রং চ .. ..
৫৭.৩৫ দ্বিভুজস্য তু শান্তিকরো দক্ষিণহস্তোঽপরশ্চ শংখধরঃ .
৫৭.৩৫ এবং বিষ্ণোঃ প্রতিমা কর্তব্যা ভূতিমিচ্ছদ্ভিঃ .. ..
( হলধর)
৫৭.৩৬ বলদেবো হলপাণিঃ মদবিভ্রমলোচনশ্চ কর্তব্যঃ .
৫৭.৩৬ বিভ্রত্ ( বিভ্রত্) কুণ্ডকমেকং শংখেন্দুমৃণালগৌরতনুঃ ( বপুঃ) .. ..
৫৭.৩৭ একানংশা কার্যা দেবী বলদেবকৃষ্ণযোঃ মধ্যে .
৫৭.৩৭ কটিসংস্থিতবামকরা সরোজমিতরেণ চৌদ্বহতী .. ..
৫৭.৩৮ কার্যা চতুর্ভুজা যা বামকরাভ্যাং সপুস্তকং কমলম্ .
৫৭.৩৮ দ্বাভ্যাং দক্ষিণপার্শ্বে বরমর্থিষ্বক্ষসূত্রং চ .. ..
৫৭.৩৯ বামো ঽথবাষ্টভুজাযাঃ ( বামেষ্বষ্টভুজাযাঃ) কমণ্ডলুশ্চাপমংবুজং শাস্ত্রম্ .
৫৭.৩৯ বরশরদর্পণযুক্তাঃ সব্যভুজাঃ সাক্ষসূত্রাশ্চ .. ..
৫৭.৪০ শাংবশ্চ গদাহস্তঃ প্রদ্যুম্নশ্চাপভৃত্ সুরূপশ্চ .
৫৭.৪০ অনযোঃ স্ত্রিযৌ চ কার্যে খেটকনিস্ত্রিংশধারিণ্যৌ .. ..
( ব্রহ্মা অন্দ্ কুমার)
৫৭.৪১ ব্রহ্মা কমণ্ডলুকরশ্চতুর্মুখঃ পণ্কজাসনস্থশ্চ .
৫৭.৪১ স্কন্দঃ কুমাররূপঃ শক্তিধরো বর্হিকেতুশ্চ .. ..
( ইন্দ্র)
৫৭.৪২ শুক্লচতুর্বিষাণো দ্বিপো মহেন্দ্রস্য বজ্রপাণিত্বম্ .
৫৭.৪২ তির্যগ্ ললাটসংস্থং তৃতীযমপি লোচনং চিহ্নম্ .. ..
( মহেশ্বর)
৫৭.৪৩ শংভোঃ শিরসীন্দুকলা বৃষধ্বজোঽক্ষি চ তৃতীযমপি চ ঊর্ধ্বম্ .
৫৭.৪৩ শূলং ধনুঃ পিনাকং বামার্ধে বা গিরিসুতার্ধম্ .. ..
( বুধ)
৫৭.৪৪ পদ্মাংকিতকরচরণঃ প্রসন্নমূর্তিঃ সুনীচকেশশ্চ .
৫৭.৪৪ পদ্মাসনৌপবিষ্টঃ পিতা ইব জগতো ভবতি ( ভবেত্) বুদ্ধঃ .. ..
( অর্হত্)
৫৭.৪৫ আজানুলংববাহুঃ শ্রীবত্সাংকঃ প্রশান্তমূর্তিশ্চ .
৫৭.৪৫ দিগ্বাসাঃ তরুণো রূপবাংশ্চ কার্যোঽর্হতাং দেবঃ .. ..
( ভাস্কর)
৫৭.৪৬ নাসাললাটজংঘ ঊরুগণ্ডবক্ষাংসি চৌন্নতানি রবেঃ .
৫৭.৪৬ কুর্যাদুদীচ্যবেষং গূঢং পাদাদুরো যাবত্ .. ..
৫৭.৪৭ বিভ্রাণঃ স্বকররুহে বাহুভ্যাং ( পাণিভ্যাং) পংকজে মুকুটধারী .
৫৭.৪৭ কুণ্ডলভূষিতবদনঃ প্রলংবহারো বিযদ্গ ( বিযগ্গ) বৃতঃ .. ..
৫৭.৪৮ কমলৌদরদ্যুতিমুখঃ কংচুকগুপ্তঃ স্মিতপ্রসন্নমুখঃ .
৫৭.৪৮ রত্নৌজ্জ্বলপ্রভামণ্ডলশ্চ কর্তুঃ শুভকরোঽর্কঃ .. ..
৫৭.৪৯ সৌম্যা তু হস্তমাত্রা বদুদা হস্তদ্বযোচ্ছ্রিতা প্রতিমা .
৫৭.৪৯ ক্ষেমসুভিক্ষায ভবেত্ ত্রিচতুর্হস্তপ্রমাণা যা .. ..
৫৭.৫০ নৃপভযমত্যংগাযাং হীনাংগাযামকল্যতা কর্তুঃ .
৫৭.৫০ শাতৌদার্যাং ক্ষুদ্ভযমর্থবিনাশঃ কৃশাংগুলাযাং ( কৃশাযাং চ) .. ..
৫৭.৫১ মরণং তু সক্ষতাযাং শস্ত্রনিপাতেন নির্দিশেত্ কর্তুঃ .
৫৭.৫১ বামাবনতা পত্নীং দক্ষিণবিনতা হিনস্ত্যাযুঃ .. ..
৫৭.৫২ অন্ধত্বমূর্ধ্বদৃষ্ট্যা করোতি চিন্তামধোমুখী দৃষ্টিঃ .
৫৭.৫২ সর্বপ্রতিমাস্বেবং শুভাশুভং ভাস্করোক্তসমম্ .. ..
৫৭.৫৩ লিংগস্য বৃত্তপরধিং দৈর্ঘ্যেণাসূত্র্য তত্ ত্রিধা বিভজেত্ .
৫৭.৫৩ মূলে তগতুরস্রং ( চতুরশ্রং) মধ্যে ত্বষ্টাশ্রিং বৃত্তমতঃ .. ..
৫৭.৫৪ চতুরস্রং ( চতুরশ্রং) অবনিখাতে মধ্যং কার্যং তু পিণ্ডিকাশ্বভ্রে .
৫৭.৫৪ দৃশ্যৌচ্ছ্রাযেণ সমা সমন্ততঃ পিণ্ডিকা ( পিণ্ডকা) শ্বভ্রাত্ .. ..
৫৭.৫৫ কৃশদীর্ঘং দেশঘ্নং পার্শ্ববিহীনং পুরস্য নাশয .
৫৭.৫৫ যস্য ক্ষতং ভবেদ্ মস্তকে বিনাশায তল্লিংগম্ .. ..
৫৭.৫৬ মাতৃগণঃ কর্তব্যঃ স্বনামদেবানুরূপকৃতচিহ্নঃ .
৫৭.৫৬ রেবন্তোঽশ্বারূঢো মৃগযাক্রীডাদিপরিবারঃ .. ..
( যম, বরুণ, কুবের)
৫৭.৫৭ দণ্ডী যমো মহিষগো হংসারূঢশ্চ পাশভৃদ্ বরুনঃ .
৫৭.৫৭ নরবাহনঃ কুবেরো বামকিরীটী বৃহত্কুক্ষিঃ .. ..
( ৫৮.৫৮অব্ প্রমথাধিপো গজমুখঃ প্রলংবজঠরঃ কুঠারধারী স্যাত্ .
৫৮.৫৮ একবিষাণো বিভ্রন্মূলককন্দং সুনীলদলকন্দম্ .. ..)

অধ্যায ৫৮ বনসংপ্রবেশাধ্যাযঃ

৫৮.১ কর্তুঃ অনুকূলদিবসে দৈবজ্ঞবিশোধিতে শুভনিমিত্তে .
৫৮.১ মংগলশকুনৈঃ প্রাস্থানিকৈশ্চ বনসংপ্রবেশঃ স্যাত্ .. ..
৫৮.২ পিতৃবনমার্গসুরালযবল্মীকৌদ্যানতাপসাশ্রমজাঃ .
৫৮.২ চৈত্যসরিত্সংগমসংভবাশ্চ ঘটতোযসিক্তাশ্চ .. ..
৫৮.৩ কুব্জানুজাতবল্লীনিপীডিতা বজ্রমারুতোপহতাঃ .
৫৮.৩ স্বপতিতহস্তিনিপীডিতশুষ্কাগ্নিপ্লুষ্টমধুনিলযাঃ .. ..
৫৮.৪ তরবো বর্জযিতব্যাঃ শুভদাঃ স্যুঃ স্নিগ্ধপত্রকুসুমফলাঃ .
৫৮.৪ অভিমতবৃক্ষং গত্বা কুর্যাত্ পূজাং সবলিপুষ্পাম্ .. ..
৫৮.৫ সুরদারুচন্দনশমীমধূকতরবঃ শুভা দ্বিজাতীনাম্ .
৫৮.৫ ক্ষত্রস্যারিষ্টাশ্বত্থখদিরবিল্বা বিবৃদ্ধিকরাঃ .. ..
৫৮.৬ বৈশ্যানাং জীবকখদিরসিন্ধুকস্যন্দনাঃ ( স্পন্দনাঃ) চ শুভফলদাঃ .
৫৮.৬ তিন্দুককেসরসর্জার্জুনাম্রশালাশ্চ শূদ্রাণাম্ .. ..
৫৮.৭ লিংগং বা প্রতিমা বা দ্রুমবত্ স্থাপ্যা যথা দিশং যস্মাত্ .
৫৮.৭ তস্মাগিহ্নযিতব্যা দিশো দ্রুমস্য ঊর্ধ্বমথবাধঃ .
৫৮.৮ পরমান্নমোদকৌদনদধিপললৌল্লোপিকাদিভিঃ ভক্ষ্যৈঃ .
৫৮.৮ মদ্যৈঃ কুসুমৈঃ ধূপরি গন্ধৈশ্চ তরুং সমভ্যর্চ্য .. ..
৫৮.৯ সুরপিতৃপিশাচরাক্ষসভুজগাসুরগণবিনাযকাদ্যানাম্ .
৫৮.৯ কৃত্বা রাত্রৌ পূজাং বৃক্ষং সংস্পৃশ্য চ ব্রূযাত্ .. ..
( মন্ত্র)
৫৮.১০ অর্চার্থমমুকস্য ত্বং দেবস্য পরিকল্পিতঃ .
৫৮.১০ নমঃ তে বৃক্ষ পূজেযং বিধিবত্ সংপ্রগৃহ্যতাম্ .. ..
৫৮.১১ যানীহ ভূতানি বসন্তি তানি
৫৮.১১ বলিং গৃহীত্বা বিধিবত্ প্রযুক্তম্ .
৫৮.১১ অন্যত্র বাসং পরিকল্প্যন্তু
৫৮.১১ ক্ষমন্তু তানি অদ্য নমোঽস্তু তেভ্যঃ .. ..
৫৮.১২ বৃক্ষং প্রভাতে সলিলেন সিক্ত্বা
৫৮.১২ পূর্বোত্তরস্যাং দিশি সন্নিকৃত্য .
৫৮.১২ মধ্বাজ্যদিগ্ধেন ( লিপ্তেন) কুঠারকেণ
৫৮.১২ প্রদক্ষিণং শেষমতো নিহন্যাত্ ( ঽভিহন্যাত্) .. ..
৫৮.১৩ পূর্বেণ পূর্বোত্তরতোঽথবা উদক্
৫৮.১৩ পতেদ্ যদা বৃদ্ধিকরঃ তদা স্যাত্ .
৫৮.১৩ আগ্নেযকোণাত্ ক্রমশোঽগ্নিদাহ-
৫৮.১৩ রুগ্রাগ ( ক্ষুদ্রোগ) রোগাঃ তুরগক্ষযশ্চ .. ..
৫৮.১৪ যন্ নৌক্তমস্মিন্ বনসংপ্রবেশে
৫৮.১৪ নিপাতবিচ্ছেদনবৃক্ষগর্ভাঃ .
৫৮.১৪ ইন্দ্রধ্বজে বাস্তুনি চ প্রদিষ্টাঃ
৫৮.১৪ পূর্বং মযা তেঽত্র তথৈব যোজ্যাঃ .. ..

অধ্যায ৫৯ প্রতিমাপ্রতিষ্ঠাপনাধ্যাযঃ

৫৯.১ দিশি যাম্যাযাং ( সৌম্যাযাং) কুর্যাদধিবাসনমণ্ডপং বুধঃ প্রাগ্ বা .
৫৯.১ তোরণচতুষ্টযযুতং শস্তদ্রুমপল্লবচ্ছন্নম্ .. ..
৫৯.২ পূর্বে ভাগে চিত্রাঃ স্রজঃ পতাকাশ্চ মণ্ডপস্যৌক্তাঃ .
৫৯.২ আগ্নেয্যাংদিশি রক্তাঃ কৃষ্ণাঃ স্যুঃ যাম্যনৈরৃত্যোঃ ( নৈরৃতযোঃ) .. ..
৫৯.৩ শ্বেতা দিশ্যপরস্যাম্ বাযব্যাযাং তু পাণ্ডুরা এব .
৫৯.৩ চিত্রাশ্চৌত্তরপার্শ্বে পীতাঃ পূর্বোত্তরে কার্যাঃ ( কোণে) .. ..
৫৯.৪ আযুঃশ্রীবলজযদা দারুমযী মৃণ্মযী ( মৃন্মযী) তথা প্রতিমা .
৫৯.৪ লোকহিতায মণিমযী সৌবর্ণী পুষ্টিদা ভবতি .. ..
৫৯.৫ রজতমযী কীর্তিকরী প্রজাবিবৃদ্ধিং করোতি তাম্রমযী .
৫৯.৫ ভূলাভং তু মহান্তং শৈলী প্রতিমাথবা লিংগম্ .. ..
৫৯.৬ শংখূপহতা প্রতিমা প্রধানপুরুষং কুলং চ ঘাতযতি .
৫৯.৬ শ্বভ্রোপহতা রোগান্ উপদ্রবাংশ্চ ক্ষযং ( অক্ষযান্) কুরুতে .. ..
৫৯.৭ মণ্ডপমধ্যে স্থণ্ডিলমুপলিপ্যাস্তীর্য সিকতযাথ কুশৈঃ .
৫৯.৭ ভদ্রাসনকৃতশীর্ষৌপধানপাদাং ন্যসেত্ প্রতিমাম্ .. ..
৫৯.৮ প্লক্ষাশ্বত্থৌদুংবরশিরীষবটসংভবৈঃ কষাযজলৈঃ .
৫৯.৮ মংগল্যসংজ্ঞিতাভিঃ সর্বৌষধিভিঃ কুশাদ্যাভিঃ .. ..
৫৯.৯ দ্বিপবৃষভৌদ্ধত ( উদ্ধৃত) পর্বতবল্মীকসরিত্সমাগমতটেষু .
৫৯.৯ পদ্মসরঃসু চ মৃদ্ভিঃ সপংচগব্যৈশ্চ তীর্থজলৈঃ .. ..
৫৯.১০ পূর্বশিরস্কাং স্নাতাং সুবর্ণরত্নাংবুভিশ্চ সসুগন্ধৈঃ .
৫৯.১০ নানাতূর্যনিনাদৈঃ পুণ্যাহৈঃ বেদনির্ঘোষৈঃ .. ..
৫৯.১১ এন্দ্র্যাং দিশীন্দ্রলিংগা মন্ত্রাঃ প্রাগ্দক্ষিণেঽগ্নিলিংগাশ্চ .
৫৯.১১ বক্তব্যা ( জপ্তব্যা) দ্বিজমুখ্যৈঃ পূজ্যাঃ তে দক্ষিণাভিশ্চ .. ..
৫৯.১২ যো দেবঃ সংস্থাপ্যঃ তন্মন্ত্রৈশ্চানলং দ্বিজো জুহুযাত্ .
৫৯.১২ অগ্নিনিমিত্তানি মযা প্রোক্তানীন্দ্রধ্বজৌত্থানে ( উচ্ছ্রাযে) .. ..
৫৯.১৩ ধূমাকুলোঽপসব্যো মুহুর্মুহুঃ বিফুলিংগকৃন্ ন শুভঃ .
৫৯.১৩ হোতুঃ স্মৃতিলোপো বা প্রসর্পণং চাশুভং প্রোক্তম্ .. ..
৫৯.১৪ স্নাতামভুক্তবস্ত্রাং স্বলংকৃতাং পূজিতাম্ কুসুমগন্ধৈঃ .
৫৯.১৪ প্রতিমাং স্বাস্তীর্ণাযাম্ শয্যাযাম্ স্থাপকঃ কুর্যাত্ .. ..
৫৯.১৫ সুপ্তাং সগীতনৃত্যৈঃ জাগরণৈঃ ( সুনৃত্যগীতৈঃ জাগরকৈঃ) সম্যগ্ এবমধিবাস্য .
৫৯.১৫ দৈবজ্ঞসংপ্রদিষ্টে কালে সংস্থাপনং কুর্যাত্ .. ..
৫৯.১৬ অভ্যর্চ্য কুসুমবস্ত্রানুলেপনৈঃ শংখতূর্যনির্ঘোষৈঃ .
৫৯.১৬ প্রাদক্ষিণ্যেন নযেদাযতনস্য প্রযতনেন .. ..
৫৯.১৭ কৃত্বা বলিং প্রভূতং সংপূজ্য ব্রাহ্মণাংশ্চ সভ্যাংশ্চ .
৫৯.১৭ দত্ত্বা হিরণ্যশকলং বিনিক্ষিপেত্ পিণ্ডিকাশ্বভ্রে .
৫৯.১৮ স্থাপকদৈবজ্ঞদ্বিজসভ্যস্থপতীন্ বিশেষতোঽভ্যর্চ্য .
৫৯.১৮ কল্যাণানাং ভাগী ভবতীহ পরত্র চ স্বর্গী .. ..
৫৯.১৯ বিষ্ণোঃ ভাগবতান্ মগাংশ্চ সবিতুঃ শংভোঃ সভস্মদ্বিজান্
৫৯.১৯ মাতীণামপি মণ্ডলক্রমবিদো ( মাতৃমণ্ডলবিদো) বিপ্রান্ বিদুঃ ব্রহ্মণঃ .
৫৯.১৯ শাক্যান্ সর্বহিতস্য শান্তমনসো নগ্নান্ জিনানাং বিদুঃ
৫৯.১৯ যে যং দেবমুপাশ্রিতাঃ স্ববিধিনা তৈঃ তস্য কার্যা ক্রিযা .. ..
৫৯.২০ উদগযনে সিতপক্ষে শিশিরগভস্তৌ চ জীববর্গস্থে .
৫৯.২০ লগ্নে স্থিরে স্থিরাংশে সৌম্যৈঃ ধীধর্মকেন্দ্রগতৈঃ .. ..
৫৯.২১ পাপৈরুপচযসংস্থৈঃ ধ্রুবমৃদুহরিতিষ্যবাযুদেবেষু .
৫৯.২১ বিকুজে দিনেঽনুকূলে দেবানাং স্থাপনং শস্তম্ .. ..
৫৯.২২ সামান্যমিদং সমাসতো লোকানাং হিতদং মযা কৃতম্ .
৫৯.২২ অধিবাসনসন্নিবেশনে সাবিত্রে পৃথগ্ এব বিস্তরাত্ .. ..

অধ্যায ৬০ গোলক্ষণাধ্যাযঃ

৬০.১ পরাশরঃ প্রাহ বৃহদ্রথায
৬০.১ গোলক্ষণং যত্ ক্রিযতে ততোঽযম্ .
৬০.১ মযা সমাসঃ শুভলক্ষণাঃ তাঃ
৬০.১ সর্বাঃ তথাঽপি আগমতোঽভিধাস্যে .. ..
৬০.২ সাস্র আবিলরূক্ষাক্ষ্যো মূষকনযনাশ্ন শুভদা গাবঃ .
৬০.২ প্রচলচ্চিপিটবিষাণাঃ করটাঃ খরসদৃশবর্ণাঃ ( বর্নাঃ) চ .. ..
৬০.৩ দশসপ্তচতুর্দন্ত্যঃ প্রলংবমুণ্ডাননা বিনতপৃষ্ঠ্যঃ ( পৃষ্ঠাঃ) .
৬০.৩ হ্রস্বস্থূলগ্রীবা যবমধ্যা দারিতখুরাশ্চ .. ..
৬০.৪ শ্যাবাতিদীর্ঘজিহ্বা গুল্ফৈঃ অতিতনুভিঃ অতিবৃহদ্ভিঃ বা .
৬০.৪ অতিককুদাঃ কৃশদেহা নৈষ্টা হীনাধিকাংগ্যশ্চ .. ..
৬০.৫ বৃষভোঽপি এবং স্থূলাতিলংববৃষণঃ শিরাততক্রোডঃ .
৬০.৫ স্থূলশিরাচিতগণ্ডঃ ত্রিস্থানং মেহতে যশ্চ .. ..
৬০.৬ মার্জারাক্ষঃ কপিলঃ করটো বা ন শুভদো দ্বিজস্যৈব ( দ্বিজস্যেষ্টঃ) .
৬০.৬ কৃষ্ণোষ্ঠতালুজিহ্বঃ শ্বসনো যূথস্য ঘাতকরঃ .. ..
৬০.৭ স্থূলশকৃন্মণিশৃংগঃ সিতোদরঃ কৃষ্ণসারবর্ণশ্চ .
৬০.৭ গৃহজাতোঽপি ত্যাজ্যো যূথবিনাশাবহো বৃষভঃ .. ..
৬০.৮ শ্যামকপুষ্পচিতাংগো ভস্মারুণসন্নিভো বিডালাক্ষঃ .
৬০.৮ বিপ্রাণামপি ন শুভং করোতি বৃষভঃ পরিগৃহীতঃ .. ..
৬০.৯ যে চৌদ্ধরন্তি পাদান্ পংকাদিব যোজিতাঃ কৃশগ্রীবাঃ .
৬০.৯ কাতরনযনা হীনাশ্চ পৃষ্ঠতঃ তে ন ভারসহাঃ .. ..
৬০.১০ মৃদুসংহততাম্রোষ্ঠাঃ তনুস্ফিজঃ তাম্রতালুজিহ্বাশ্চ .
৬০.১০ হ্রস্বতনু ( তনুহ্রস্বো) উচ্চশ্রবণাঃ সুকুক্ষযঃ স্পৃষ্ট ( স্পষ্ট) জংঘাশ্চ .. ..
৬০.১১ আতাম্রসংহতখুরা ব্যূঢৌরস্কা বৃহত্ককুদযুক্তাঃ .
৬০.১১ স্নিগ্ধশ্লক্ষ্ণতনুত্বগ্রোমাণঃ তাম্রতনুশৃংগাঃ .. ..
৬০.১২ তনুভূস্পৃগ্বালধযো রক্তান্তবিলোচনা মহোচ্ছ্বাসাঃ .
৬০.১২ সিংহস্কন্ধাঃ তন্বল্পকংবলাঃ পূজিতাঃ সুগমাঃ ( সুগতাঃ) .. ..
৬০.১৩ বামাবর্তৈঃ বামে দক্ষিণপার্শ্বে চ দক্ষিণাবর্তৈঃ .
৬০.১৩ শুভদা ভবন্ত্যনডুহো জংঘাভিশ্চএণকনিভাভিঃ .. ..
৬০.১৪ বৈদূর্য ( বৈডূর্য) মল্লিকাবুদ্বুদেক্ষণাঃ স্থূলনেত্রপক্ষ্মাণঃ ( বর্মাণঃ) .
৬০.১৪ পার্ষ্ণিভিঃ অস্ফুটিতাভিঃ শস্তাঃ সর্বে চ ( অপি) ভারসহাঃ .. ..
৬০.১৫ ঘ্রাণোদ্দেশে সবলিঃ মার্জারমুখঃ সিতশ্চ দক্ষিণতঃ .
৬০.১৫ কমলোত্পললাক্ষাভঃ সুবালধিঃ বাজিতুল্যজবঃ .. ..
৬০.১৬ লংবৈঃ বৃষণৈঃ মেষোদরশ্চ সংক্ষিপ্তবংক্ষণ ( ক্ষণা) ক্রোডঃ .
৬০.১৬ জ্ঞেযো ভারাধ্বসহো জবেঽশ্বতুল্যশ্চ শস্তফলঃ .. ..
৬০.১৭ সিতবর্ণঃ পিংগাক্ষঃ তাম্রবিষাণেক্ষণো মহাবক্ত্রঃ .
৬০.১৭ হংসো নাম শুভফলো যূথস্য বিবর্ধনঃ প্রোক্তঃ .. ..
৬০.১৮ ভূস্পৃগ্বালধিঃ আতাম্রবিষাণো ( বগ্ক্ষণো) রক্তদৃক্ ককুদ্মাংশ ( ককুদ্মী) চ .
৬০.১৮ কল্মাষশ্চ স্বামিনমচিরাত্ কুরুতে পতিং লক্ষ্ম্যাঃ .. ..
৬০.১৯ যো বা সিতৈকচরণৈঃ ( সিতৈকচরণো) যথেষ্টবর্ণশ্চ সোঽপি শুভফলকৃত্ ( শস্তফলঃ) .
৬০.১৯ মিশ্রফলোঽপি গ্রাহ্যো যদি নএকান্ত প্রশস্তোঽস্তি .. ..