বৃহত্সংহিতা – অধ্যায় ৬১-৭০

অধ্যায ৬১ শ্বলক্ষণাধ্যাযঃ

৬১.১ পাদাঃ পংচনখাঃ ত্রযোঽগ্রচরণঃ ষড্ভিঃ নখৈঃ দক্ষিণঃ
৬১.১ তাম্রওষ্ঠাগ্রনসো মৃগেশ্বরগতিঃ জিঘ্রন্ ভুবং যাতি চ .
৬১.১ লাংগূলং সসটং দৃগৃক্ষসদৃশী কর্ণৌ চ লংবৌ মৃদূ
৬১.১ যস্য স্যাত্ স করোতি পোষ্টুরচিরাত্ পুষ্টাং শ্রিযং শ্বা গৃহে .. ..
৬১.২ পাদে পাদে পংচ পংচাগ্রপাদে
৬১.২ বামে যস্যাঃ ষণ্নখা মল্লিকাক্ষ্যাঃ .
৬১.২ বক্রং পুচ্ছং পিংগলালংবকর্ণা
৬১.২ যা সা রাষ্ট্রং কুক্কুরী পাতি পুষ্টা ( পোষ্টুঃ) .. ..

অধ্যায ৬২ কুক্কুটলক্ষণাধ্যাযঃ

৬২.১ কুক্কুটঃ ত্বৃজুতনূরুহাংগুলিঃ তাম্রবক্ত্রনখচূলিকঃ সিতঃ .
৬২.১ রৌতি সুস্বরমুষাত্যযে চ যো বৃদ্ধিদঃ স নৃপরাষ্ট্রবাজিনাম্ .. ..
৬২.২ যবগ্রীবো যো বা বদরসদৃশো বাপি বিহগো
৬২.২ বৃহন্মূর্ধা বর্ণৈঃ ভবতি বহুভিশ্চ রুচিরঃ .
৬২.২ স শস্তঃ সংগ্রামে মধুমধুপবর্ণশ্চ জযকৃদ্
৬২.২ ন শস্তো যোঽতোঽন্যঃ কৃশতনুরবঃ খঞ্জচরণঃ .. ..
৬২.৩ কুক্কুটী চ মৃদুচারুভাষিণী স্নিগ্ধমূর্তিরুচিরাননেষণা .
৬২.৩ সা দদাতি সুচিরং মহীক্ষিতাং শ্রীযশোবিজযবীর্যসংপদঃ .. ..

অধ্যায ৬৩ কূর্মলক্ষণাধ্যাযঃ

৬৩.১ স্ফুটিকরজতবর্ণো নীলরাজীবিচিত্রঃ
৬৩.১ কলশসদৃশমূর্তিশ্চারুবংশশ্চ কূর্মঃ .
৬৩.১ অরুণসমবপুঃ বা সর্ষপাকারচিত্রঃ
৬৩.১ সকলনৃপমহত্ত্বং মন্দিরস্থঃ করোতি .. ..
৬৩.২ অঞ্জনভৃংগশ্যামতনুঃ বা বিন্দুবিচিত্রোঽব্যংগশরীরঃ .
৬৩.২ সর্পশিরা বা স্থূলগলো যঃ সোঽপি নৃপাণাং রাষ্ট্রবিবৃদ্ধ্যৈ .. ..
৬৩.৩ বৈডূর্যত্বিট্ স্থূলকণ্ঠঃ ত্রিকোণো
৬৩.৩ গূঢচ্ছিদ্রশ্চ ঊরু ( চারু) বংশশ্চ শস্তঃ .
৬৩.৩ ক্রীডাবাপ্যাং তোযপূর্ণে মণৌ বা
৬৩.৩ কার্যঃ কূর্মো মংগলার্থং নরেন্দ্রৈঃ .. ..

অধ্যায ৬৪ ছাগলক্ষণাধ্যাযঃ

৬৪.১ ছাগশুভাশুভলক্ষণমভিধাস্যে নবদশাষ্টদন্তাঃ তে .
৬৪.১ ধন্যাঃ স্থাপ্যা বেশ্মনি সন্ত্যাজ্যাঃ সপ্তদন্তা যে .. ..
৬৪.২ দক্ষিণপার্শ্বে মণ্ডলমসিতং শুক্লস্য শুভফলং ভবতি .
৬৪.২ ঋষ্যনিভকৃষ্ণলোহিতবর্ণানাং শ্বেতমতি ( অপি) শুভদম্ .. ..
৬৪.৩ স্তনবদবলংবতে যঃ কণ্ঠেঽজানাং মণিঃ স বিজ্ঞেযঃ .
৬৪.৩ একমণিঃ শুভফলকৃদ্ধন্যতমা দ্বিত্রমণযো ( দ্বিত্রিমণযো) যে .. ..
৬৪.৪ মুণ্ডাঃ সর্বে শুভদাঃ সর্বসিতাঃ সর্বকৃষ্ণদেহাশ্চ .
৬৪.৪ অর্ধাসিতাঃ সিতার্ধা ধন্যাঃ কপিলার্ধকৃষ্ণাশ্চ .. ..
৬৪.৫ বিচরতি যূথস্যাগ্রে প্রথমং চাংভোঽবগাহতে যোঽজঃ .
৬৪.৫ স শুভঃ সিতমূর্ধা বা মূর্ধনি বা কৃত্তিকা ( টিক্কিকা) যস্য .. ..
৬৪.৬ সপৃষতকণ্ঠশিরা বা তিলপিষ্টনিভশ্চ তাম্রদৃক্ শস্তঃ .
৬৪.৬ কৃষ্ণচরণঃ সিতো বা কৃষ্ণো বা শ্বেতচরণো যঃ .. ..
৬৪.৭ যঃ কৃষ্ণাণ্ডঃ শ্বেতো মধ্যে কৃষ্ণেন ভবতি পট্টেন .
৬৪.৭ যো বা চরতি সশব্দং মন্দং চ স শোভনচ্ছাগঃ .. ..
৬৪.৮ ঋষ্যশিরোরুহপাদো যো বা প্রাক্ পাণ্ডুরোঽপরে নীলঃ .
৬৪.৮ স ভবতি শুভকৃচ্ছাগঃ শ্লোকশ্চাপ্যত্র গর্গৌক্তঃ .. ..
৬৪.৯ কুট্টকঃ কুটিলশ্চৈব জটিলো বামনঃ তথা .
৬৪.৯ তে চত্বারঃ শ্রিযঃ পুত্রা নালক্ষ্মীকে বসন্তি তে .. ..
৬৪.১০ অথাপ্রশস্তাঃ খরতুল্যনাদাঃ
৬৪.১০ প্রদীপ্তপুচ্ছাঃ কুনখা বিবর্ণাঃ .
৬৪.১০ নিকৃত্তকর্ণা দ্বিপমস্তকাশ্চ
৬৪.১০ ভবন্তি যে চাসিততালুজিহ্বাঃ .. ..
৬৪.১১ বর্ণৈঃ প্রশস্তৈঃ মণিভিঃ প্রযুক্তা ( চ যুক্তা)
৬৪.১১ মুণ্ডাশ্চ যে তাম্রবিলোচনাশ্চ .
৬৪.১১ তে পূজিতা বেশ্মনি ( বেশ্মসু) মানবানাং
৬৪.১১ সৌখ্যানি কুর্বন্তি যশঃ শ্রিযং চ .. ..

অধ্যায ৬৫ অশ্বালক্ষণাধ্যাযঃ

৬৫.১ দীর্ঘগ্রীবাক্ষিকূটঃ ত্রিকহৃদযপৃথুঃ তাম্রতালু ওষ্ঠজিহ্বঃ
৬৫.১ সূক্ষ্মত্বক্কেশবালঃ সুশফগতিমুখো হ্রস্বকর্ণওষ্ঠপুচ্ছঃ .
৬৫.১ জংঘাজানূরুবৃত্তঃ সমসিতদশনশ্চারুসংস্থানরূপো
৬৫.১ বাজী সর্বাংগশুদ্ধো ভবতি নরপতেঃ শত্রুনাশায নিত্যম্ .. ..
৬৫.২ অশ্রুপাতহনুগণ্ডহৃদ্ ( হৃড্) গলপ্রোথশংখকটিবস্তিজানূনি .
৬৫.২ মুষ্কনাভিককুদে তথা গুদে সব্যকুক্ষিচরণে তথা ( চরণেষু চ) শুভাঃ .. ..
৬৫.৩ যে প্রপাণগলকর্ণসংস্থিতাঃ
৬৫.৩ পৃষ্ঠমধ্যনযনোপরি স্থিতাঃ .
৬৫.৩ ওষ্ঠসক্থিভুজকুক্ষিপার্শ্বগাঃ
৬৫.৩ তে ললাটসহিতাঃ সুশোভনাঃ .. ..
৬৫.৪ তেষাং প্রপাণ একো ললাটকেশেষু চ ধ্রুবাবর্তাঃ .
৬৫.৪ রন্ধ্রুপরন্ধ্রমূর্ধনি বক্ষসি চেতি স্মৃতৌ দ্বৌ দ্বৌ .. ..
৬৫.৫ ষষ্ভিঃ দন্তৈঃ সিতাভৈঃ ভবতি হযশিশুঃ তৈঃ কশাযৈঃ দ্বিবর্ষৈঃ
৬৫.৫ সন্দংশৈঃ মধ্যমন্ত্যৈঃ পতি ( পতিত) সমুদিতৈঃ ত্র্যব্ধি ( ত্র্যব্দ) পংচাব্দিকাশ্বঃ .
৬৫.৫ সন্দংশানুক্রমেণ ত্রিকপরিগণিতাঃ কালিকা পীতশুক্লাঃ
৬৫.৫ কাচা মক্ষীক ( মাক্ষীক) শংখাবটচলনমতো দন্তপাতং চ বিদ্ধি .. ..

অধ্যায ৬৬ হস্তিলক্ষণাধ্যাযঃ

৬৬.১ মধ্বাভদন্তাঃ সুবিভক্তদেহা
৬৬.১ ন চৌপদিগ্ধা ন ( দিগ্ধাশ্চ) কৃশাঃ ক্ষমাশ্চ .
৬৬.১ গাত্রৈঃ সমৈশ্চাপসমানবংশা
৬৬.১ বরাহতুল্যৈঃ জঘনৈশ্চ ভদ্রাঃ .. ..
৬৬.২ বক্ষোঽথ কক্ষাবলযঃ শ্লথাশ্চ
৬৬.২ লংবৌদরঃ ত্বগ্ বৃহতী গলশ্চ .
৬৬.২ স্থূলা চ কুক্ষিঃ সহ পেচকেন
৬৬.২ সৈংহী চ দৃগ্ মন্দমতংগজস্য .. ..
৬৬.৩ মৃগাঃ তু হ্রস্বাধরবালমেঢ্রাঃ
৬৬.৩ তন্বংঘ্রি ( তন্বংহ্রি) কণ্ঠদ্বিজহস্তকর্ণাঃ .
৬৬.৩ স্থূলেক্ষণাশ্চেতি যথোক্তচিহ্নৈঃ
৬৬.৩ সংকীর্ণনাগা ব্যতিমিশ্রচিহ্নাঃ .. ..
৬৬.৪ পংচৌন্নতিঃ সপ্ত মৃগস্য দৈর্ঘ্যম্
৬৬.৪ অষ্টৌ চ হস্তাঃ পরিণাহমানম্ .
৬৬.৪ একদ্বিবৃদ্ধাবথ মন্দভদ্রৌ
৬৬.৪ সংকীর্ননাগোঽনিযতপ্রমাণঃ .. ..
৬৬.৫ ভদ্রস্য বর্ণো হরিতো মদশ্চ ( মদ্স্য)
৬৬.৫ মন্দস্য হারিদ্রকসন্নিকাশঃ .
৬৬.৫ কৃষ্ণো মদশ্চাভিহিতো মৃগস্য
৬৬.৫ সংকীর্ণনাগস্য মদো বিমিশ্রঃ .. ..
৬৬.৬ তাম্রোষ্ঠতালুবদনাঃ কলবিংকনেত্রাঃ
৬৬.৬ স্নিগ্ধ ঊনতাগ্রদশনাঃ পৃথুলাযতাস্যাঃ .
৬৬.৬ চাপৌন্নতাযতনিগূঢনিমগ্নবংশাঃ
৬৬.৬ তন্বেকরোমচিতকূর্মসমানকুংভাঃ .. ..
৬৬.৭ বিস্তীর্ণকর্ণহনুনাভিললাটগুহ্যাঃ
৬৬.৭ কূর্মৌন্নতদ্বিনববিংশতিভিঃ নখৈশ্চ .
৬৬.৭ রেখাত্রযৌপচিতবৃত্তকরাঃ সুবালা
৬৬.৭ ধন্যাঃ সুগন্ধিমদপুষ্করমারুতাশ্চ .. ..
৬৬.৮ দীর্ঘাংগুলিরক্তপুষ্করাঃ সজলাংভোদনিনাদবৃংহিণঃ .
৬৬.৮ বৃহদাযতবৃত্তকন্ধরা ধন্যা ভূমিপতেঃ মতংগজাঃ .. ..
৬৬.৯ নিমর্দ ( নির্মদা) অভ্যধিকহীননখাংগান্
৬৬.৯ কুব্জবামনকমেষবিষাণান্ .
৬৬.৯ দৃশ্যকোশফলপুষ্করহীনান্
৬৬.৯ শ্যাবনীলশবলাসিততালূন্ .. ..
৬৬.১০ স্বল্পবক্ত্ররুহমত্কুণষণ্ঢান্
৬৬.১০ হস্তিনীং চ গজলক্ষণযুক্তাম্
৬৬.১০ গর্ভিণী চ নৃপতিঃ পরদেশং
৬৬.১০ প্রাপযেদতিবিরূপফলাঃ তে .. ..

অধ্যায ৬৭ পুরুষলক্ষনাধ্যাযঃ

৬৭.১ উন্মানমানগতিসংহতিসারবর্ণ-
৬৭.১ স্নেহস্বরপ্রকৃতিসত্ত্বমনূকং আদৌ .
৬৭.১ ক্ষেত্রং মৃজাং চ বিধিবত্ কুশলোঽবলোক্য
৬৭.১ সামুদ্রবিদ্ বদতি যাতমনাগতং বা ( চ) .. ..
৬৭.২ অস্বেদনৌ মৃদুতলৌ কমলৌদরাভৌ
৬৭.২ শ্লিষ্টাংগুলী রুচিরতাম্রনখৌ সুপার্ষ্ণী .
৬৭.২ উষ্ণৌ শিরাবিরহিতৌ সুনিগূঢগুল্ফৌ
৬৭.২ কূর্মৌন্নতৌ চ চরণৌ মনুজেশ্বরস্য .. ..
৬৭.৩ শূর্পাকারবিরূক্ষপাণ্ডুরনখৌ বক্রৌ শিরাসন্ততৌ
৬৭.৩ সংশুষ্কৌ বিরলাংগুলী চ চরণৌ দারিদ্র্যদুঃখপ্রদৌ .
৬৭.৩ মার্গাযৌত্কটকৌ কষাযসদৃশৌ বংশস্য বিচ্ছেদদৌ ( বিচ্ছিত্তিদৌ)
৬৭.৩ ব্রহ্মঘ্নৌ পরিপক্বমৃদ্দ্যুতিতলৌ পীতাবগম্যারতৌ ( পীতাবগম্যরতৌ) .. ..
৬৭.৪ প্রবিরলতনুরোমবৃত্তজংঘা
৬৭.৪ দ্বিরদকরপ্রতিমৈঃ বর ঊরুভিশ্চ .
৬৭.৪ উপচিতসমজানবশ্চ ভূপা
৬৭.৪ ধনরহিতাঃ শ্বশৃগালতুল্যজংঘাঃ .. ..
৬৭.৫ রোমএকৈকং কূপকে পার্থিবানাং
৬৭.৫ দ্বে দ্বে জ্ঞেযে পণ্ডিতশ্রোত্রিযাণাম্ .
৬৭.৫ ত্র্যাদ্যৈঃ নিঃস্বা মানবা দুঃখভাজঃ
৬৭.৫ কেশাশ্চৈবং নিন্দিতাঃ পূজিতাশ্চ .. ..
৬৭.৬ নির্মাংসজানুঃ ম্রিযতে প্রবাসে
৬৭.৬ সৌভাগ্যমল্পৈঃ বিকটৈঃ দরিদ্রাঃ .
৬৭.৬ স্ত্রীনির্জিতাশ্চৈব ( চাপি) ভবন্তি নিম্নৈ
৬৭.৬ রাজ্যং সমাংশৈশ্চ মহদ্ভিঃ আযুঃ .. ..
৬৭.৭ লিংগেঽল্পে ধনবান্ অপত্যরহিতঃ স্থূলে ঽপি হীনো ( বিহীনো) ধনৈঃ
৬৭.৭ মেঢ্রে বামনতে সুতার্থরহিতো বক্রেঽন্যথা পুত্রবান্ .
৬৭.৭ দারিদ্র্যং বিনতে ত্বধোঽল্পতনযো লিংগে শিরাসন্ততে
৬৭.৭ স্থূলগ্রন্থিযুতে সুখী মৃদু করোত্যন্তং প্রমেহাদিভিঃ .. ..
৬৭.৮ কোশনিগূঢৈঃ ভূপা দীর্ঘৈঃ ভগ্নৈশ্চ বিত্তপরিহীনাঃ .
৬৭.৮ ঋজুবৃত্তশেফসো লঘুশিরালশিশ্নাশ্চ ধনবন্তঃ .. ..
৬৭.৯ জলমৃত্যুঃ একবৃষণো বিষমৈঃ স্ত্রীচংচলঃ সমৈঃ ক্ষিতিপঃ .
৬৭.৯ হ্রস্বাযুশ্চৌদ্বদ্ধৈঃ প্রলংববৃষণস্য শতমাযুঃ .. ..
৬৭.১০ রক্তৈঃ আঢ্যা মণিভিঃ নির্দ্রব্যাঃ পাণ্ডুরৈশ্চ মলিনৈশ্চ .
৬৭.১০ সুখিনঃ সশব্দমূত্রা নিঃস্বা নিঃশব্দধারাশ্চ .. ..
৬৭.১১ দ্বিত্রিচতুর্ধারাভিঃ প্রদক্ষিণাবর্তবলিতমূত্রাভিঃ .
৬৭.১১ পৃথিবীপতযো জ্ঞেযা বিকীর্ণমূত্রাশ্চ ধনহীনাঃ .. ..
৬৭.১২ একৈব মূত্রধারা বলিতা রূপপ্রদা ন সুতদাত্রী ( রূপপ্রধানসুতদাত্রী) .
৬৭.১২ স্নিগ্ধৌন্নতসমমণযো ধনবনিতারত্নভোক্তারঃ .
৬৭.১৩ মণিভিশ্চ মধ্যনিম্নৈঃ কন্যাপিতরো ভবন্তি নিঃস্বাশ্চ .
৬৭.১৩ বহুপশুভাজো মধ্যৌন্নতৈশ্চ নাত্যুল্বণৈঃ ধনিনঃ .. ..
৬৭.১৪ পরিশুষ্কবস্তিশীর্ষৈঃ ধনরহিতা দুর্ভগাশ্চ বিজ্ঞেযাঃ .
৬৭.১৪ কুসুমসমগন্ধশুক্রা বিজ্ঞাতব্যা মহীপালাঃ .. ..
৬৭.১৫ মধুগন্ধে বহুবিত্তা মত্স্যসগন্ধে বহূনি অপত্যানি .
৬৭.১৫ তনুশুক্রঃ স্ত্রীজনকো মাংসসগন্ধো মহাভোগী .. ..
৬৭.১৬ মদিরাগন্ধে যজ্বা ক্ষারসগন্ধে চ রেতসি দরিদ্রঃ .
৬৭.১৬ শীঘ্রং মৈথুনগামী দীর্ঘাযুঃ অতোঽন্যথা অল্পাযুঃ .. ..
৬৭.১৭ নিঃস্বোঽতিস্থূলস্ফিক্ সমাংসলস্ফিক্ সুখান্বিতো ভবতি .
৬৭.১৭ ব্যাঘ্রান্তোঽধ্যর্ধস্ফিগ্ মণ্ডূকস্ফিগ্ নরাধিপতিঃ .. ..
৬৭.১৮ সিংহকটিঃ মনুজেন্দ্রঃ কপিকরভকটিঃ ধনৈঃ পরিত্যক্তঃ .
৬৭.১৮ সমজঠরা ভোগযুতা ঘটপিঠরনিভৌদরা নিঃস্বাঃ .. ..
৬৭.১৯ অবিকলপার্শ্বা ধনিনো নিম্নৈঃ বক্রৈশ্চ ভোগসন্ত্যক্তাঃ .
৬৭.১৯ সমকুক্ষা ভোগাঢ্যা নিম্নাভিঃ ভোগপরিহীনাঃ .. ..
৬৭.২০ উন্নতকুক্ষাঃ ক্ষিতিপাঃ কুটিলাঃ স্যুঃ মানবা বিষমকুক্ষাঃ .
৬৭.২০ সর্পৌদরা দরিদ্রা ভবন্তি বহ্বাশিনশ্চৈব .. ..
৬৭.২১ পরিমণ্ডলৌন্নতাভিঃ বিস্তীর্ণাভিশ্চ নাভিভিঃ সুখিনঃ .
৬৭.২১ অল্পা ( স্বল্পা) ত্বদৃশ্যনিম্না নাভিঃ ক্লেশাবহা ভবতি .. ..
৬৭.২২ বলিমধ্যগতা বিষমা শূলাদ্ বাধাং ( শূলাবাধং) করোতি নৈস্বযং ( নৈঃস্ব্যং) চ .
৬৭.২২ শাঠ্যং বামাবর্তা করোতি মেধাং প্রদক্ষিণতঃ .. ..
৬৭.২৩ পার্শ্বাযতা চিরাযুষমুপরিষ্টাগঈশ্বরং গবাঢ্যমধঃ .
৬৭.২৩ শতপত্রকর্ণিকাভা নাভিঃ মনুজেশ্বরং কুরুতে .. ..
৬৭.২৪ শস্ত্রান্তং স্ত্রীভোগিনমাচার্যং বহুসুতং যথাসংখ্যম্ .
৬৭.২৪ একদ্বিত্রিচতুর্ভিঃ বলিভিঃ বিন্দ্যাদ্ নৃপং ত্ববলিম্ .. ..
৬৭.২৫ বিষমবলযো মনুষ্যা ভবন্ত্যগম্যা অভিগামিনঃ পাপাঃ .
৬৭.২৫ ঋজুবলযঃ সুখভাজঃ পরদারদ্বেষিণশ্চৈব .. ..
৬৭.২৬ মাংসলমৃদুভিঃ পার্শ্বৈঃ প্রদক্ষিণাবর্তরোমভিঃ ভূপাঃ .
৬৭.২৬ বিপরীতৈঃ নির্দ্রব্যাঃ সুখপরিহীনাঃ পরপ্রেষ্যাঃ .. ..
৬৭.২৭ সুভগা ভবন্ত্যনুদ্বদ্ধ ( অনুবদ্ধ) চূচুকা নির্ধনা বিষমদীর্ঘৈঃ .
৬৭.২৭ পীনৌপচিতনিমগ্নৈঃ ক্ষিতিপতযশ্চূচুকৈঃ সুখিনঃ .. ..
৬৭.২৮ হৃদযং সমুন্নতং পৃথু ন বেপনং মাংসলং চ নৃপতীনাম্ .
৬৭.২৮ অধনানাং বিপরীতং খররোমচিতং শিরালং চ .. ..
৬৭.২৯ সমবক্ষসোঽর্থবন্তঃ পীনৈঃ শূরা হি ( শূরাঃ ত্ব্) অকিংচনাঃ তনুভিঃ .
৬৭.২৯ বিষমং বক্ষো যেষাং তে নিঃস্বাঃ শস্ত্রনিধনাশ্চ .. ..
৬৭.৩০ বিষমৈঃ বিষমো জত্রুভিঃ অর্থবিহীনোঽস্থিসন্ধিপরিণদ্ধৈঃ .
৬৭.৩০ উন্নতজত্রুঃ ভোগী ( ভাগী) নিম্নৈঃ নিঃস্বোঽর্থবান্ পীনৈঃ .. ..
৬৭.৩১ চিপিটগ্রীবো নিঃস্বঃ শুষ্কা সশিরা চ যস্য বা গ্রীবা .
৬৭.৩১ মহিষগ্রীবঃ শূরঃ শস্ত্রান্তো বৃষসমগ্রীবঃ .. ..
৬৭.৩২ কংবুগ্রীবো রাজা প্রলংবকণ্ঠঃ প্রভক্ষণো ভবতি .
৬৭.৩২ পৃষ্ঠমভগ্নমরোমশমর্থবতামশুভদমতোঽন্যত্ .. ..
৬৭.৩৩ অস্বেদনপীনৌন্নতসুগন্ধ ( সুগন্ধি) সমরোমসংকুলাঃ কক্ষাঃ .
৬৭.৩৩ বিজ্ঞাতব্যা ধনিনামতোঽন্যথার্থৈঃ বিহীনানাম্ .. ..
৬৭.৩৪ নির্মাংসৌ রোমচিতৌ ভগ্নাবল্পৌ চ নির্ধনস্যাংসৌ .
৬৭.৩৪ বিপুলাবব্যুচ্ছিন্নৌ সুশ্লিষ্টৌ সৌখ্যবীর্যবতাম্ .. ..
৬৭.৩৫ করিকরসদৃশৌ বৃত্তাবাজান্ববলংবিনৌ সমৌ পীনৌ .
৬৭.৩৫ বাহূ পৃথিবীশানামধনানাং ( অধমানাং) রোমশৌ হ্রস্বৌ .. ..
৬৭.৩৬ হস্তাংগুলযো দীর্ঘাশ্চিরাযুষামবলিতাশ্চ সুভগানাম্ .
৬৭.৩৬ মেধাবিনাম্ চ সূক্ষ্মাশ্চিপিটাঃ পরকর্মনিরতানাম্ .. ..
৬৭.৩৭ স্থূলাভিঃ ধনরহিতা বহির্নতাভিশ্চ শস্ত্রনির্যাণাঃ .
৬৭.৩৭ কপিসদৃশকরা ধনিনো ব্যাঘ্রৌপমপাণযঃ পাপাঃ .. ..
৬৭.৩৮ মণিবন্ধনৈঃ নিগূঢৈঃ দৃঢৈশ্চ সুশ্লিষ্টসন্ধিভিঃ ভূপাঃ .
৬৭.৩৮ হীনৈঃ হস্তচ্ছেদঃ শ্লথৈঃ সশব্দৈশ্চ নির্দ্রব্যাঃ .. ..
৬৭.৩৯ পিতৃবিত্তেন বিহীনা ভবন্তি নিম্নেন করতলেন নরাঃ .
৬৭.৩৯ সংবৃতনিম্নৈঃ ধনিনঃ প্রোত্তানকরাশ্চ দাতারঃ .. ..
৬৭.৪০ বিষমৈঃ বিষমা নিঃস্বাশ্চ করতলৈঃ ঈশ্বরাঃ ( ঈশ্বরাঃ) তু লাক্ষাভৈঃ .
৬৭.৪০ পীতৈঃ অগম্যবনিতাভিগামিনো নির্ধনা রূক্ষৈঃ .. ..
৬৭.৪১ তুষসদৃশনখাঃ ক্লীবাশ্চিপিটৈঃ স্ফুটিতৈশ্চ বিত্তসন্ত্যক্তাঃ .
৬৭.৪১ কুনখবিবর্ণৈঃ পরতর্কুকাশ্চ তাম্রৈশ্চমূপতযঃ .. ..
৬৭.৪২ অংগুষ্ঠযবৈঃ আঢ্যাঃ সুতবন্তো অংগুষ্ঠমূলজৈশ্চ যবৈঃ ( মূলগৈশ্চ যবঃ) .
৬৭.৪২ দীর্ঘাংগুলিপর্বাণঃ সুভগা দীর্ঘাযুষশ্চৈব .. ..
৬৭.৪৩ স্নিগ্ধা নিম্না রেখা ধনিনাং তদ্ব্যত্যযেন নিঃস্বানাম্ .
৬৭.৪৩ বিরলাংগুলযো নিঃস্বা ধনসংচযিনো ঘনাংগুলযঃ .. ..
৬৭.৪৪ তিস্রো রেখা মণিবন্ধনোত্থিতাঃ করতলৌপগা নৃপতেঃ .
৬৭.৪৪ মীনযুগাংকিতপাণিঃ নিত্যং সত্রপ্রদো ভবতি .. ..
৬৭.৪৫ বজ্রাকারা ধনিনাং বিদ্যাভাজাং চ মীনপুচ্ছনিভাঃ .
৬৭.৪৫ শংখ আতপত্রশিবিকাগজাশ্বপদ্মৌপমা নৃপতেঃ .. ..
৬৭.৪৬ কলশমৃণালপতা অকাংকুশৌপমাভিঃ ভবন্তি নিধিপালাঃ .
৬৭.৪৬ দামনিভাভিশ্চ আঢ্যাঃ স্বস্তিকরূপাভিঃ ঐশ্বর্যম্ .. ..
৬৭.৪৭ চক্রাসিপরশুতোমরশক্তিধনুঃকুন্তসন্নিভা রেখাঃ .
৬৭.৪৭ কুর্বন্তি চমূনাথং যজ্বানমুলূখলাকারাঃ .. ..
৬৭.৪৮ মকরধ্বজকোষ্ঠাগারসন্নিভাভিঃ মহাধনোপেতাঃ .
৬৭.৪৮ বেদীনিভেন চৈবাগ্নিহোত্রিণো ব্রহ্মতীর্থেন .. ..
৬৭.৪৯ বাপীদেবকুলাদ্যৈঃ ধর্মং কুরুবন্তি চ ত্রিকোণাভিঃ .
৬৭.৪৯ অংগুষ্ঠমূলরেখাঃ পুত্রাঃ স্যুঃ দারিকাঃ সূক্ষ্মাঃ .. ..
৬৭.৫০ রেখাঃ প্রদেশিনিগতাঃ ( গাঃ) শতাযুষং কল্পনীযমূনাভিঃ .
৬৭.৫০ ছিন্নাভিঃ দ্রুমপতনং বহুরেখারেখিণো নিঃস্বাঃ .. ..
৬৭.৫১ অতিকৃশদীর্ঘৈশ্চিবুকৈঃ নির্দ্রব্যা মাংসলৈঃ ধনোপেতাঃ .
৬৭.৫১ বিংব ( বিংব) উপমৈঃ অবক্রৈঃ অধরৈঃ ভূপাঃ তনুভিঃ অস্বাঃ .. ..
৬৭.৫২ ওষ্ঠৈঃ স্ফুটিতবিখণ্ডিতবিবর্ণরূক্ষৈশ্চ ধনপরিত্যক্তাঃ .
৬৭.৫২ স্নিগ্ধা ঘনাশ্চ দশনাঃ সুতীক্ষ্ণদংষ্ট্রাঃ সমাশ্চ শুভাঃ .. ..
৬৭.৫৩ জিহ্বা রক্তা দীর্ঘা শ্লক্ষ্ণা সুসমা চ ভোগিনো ( ভোগিনাং) জ্ঞেযা .
৬৭.৫৩ শ্বেতা কৃষ্ণা পরুষা নির্দ্রব্যাণাং তথা তালু .. ..
৬৭.৫৪ বক্ত্রং সৌম্যং সংবৃতমমলং শ্লক্ষ্ণং সমং চ ভূপানাম্ .
৬৭.৫৪ বিপরীতং ক্লেশভুজাং মহামুখং দুর্ভগাণাং চ .. ..
৬৭.৫৫ স্ত্রীমুখমনপত্যানাং শাঠ্যবতাং মণ্ডলং পরিজ্ঞেযম্ .
৬৭.৫৫ দীর্ঘং নির্দ্রব্যাণাং ভীরুমুখাঃ পাপকর্মাণঃ .. ..
৬৭.৫৬ চতুরস্রং ( চতুরশ্রং) ধূর্তানাং নিম্নং বক্রং ( বক্ত্রং) চ তনযরহিতানাম্ .
৬৭.৫৬ কৃপণানামতিহ্রস্বং সংপূর্ণং ভোগিনাং কান্তম্ .. ..
৬৭.৫৭ অস্ফুটিতাগ্রং স্নিগ্ধং শ্মশ্রু শুভং মৃদু চ সন্নতং চৈব .
৬৭.৫৭ রক্তৈঃ পরুষৈশ্চৌরাঃ শ্মশ্রুভিঃ অল্পৈশ্চ বিজ্ঞেযাঃ .. ..
৬৭.৫৮ নির্মাংসৈঃ কর্ণৈঃ পাপমৃত্যবশ্চর্পটৈঃ সুবহুভোগাঃ .
৬৭.৫৮ কৃপণাশ্চ হ্রস্বকর্ণাঃ শংকুশ্রবণাশ্চমূপতযঃ ( চ ভূপতযঃ) .. ..
৬৭.৫৯ রোমশকর্ণা দীর্ঘাযুষশ্চ ( তু) ধনভাগিনো বিপুলকর্ণাঃ .
৬৭.৫৯ ক্রূরাঃ শিরাবনদ্ধৈঃ ব্যালংবৈঃ মাংসলৈঃ সুখিনঃ .. ..
৬৭.৬০ ভোগী ত্বনিম্নগণ্ডো মন্ত্রী সংপূর্ণমাংসগণ্ডো যঃ .
৬৭.৬০ সুখভাক্ শুকসমনাসশ্চিরজীবী শুষ্কনাসশ্চ .. ..
৬৭.৬১ ছিন্নানুরূপযা অগম্যগামিনো দীর্ঘযা তু সৌভাগ্যম্ .
৬৭.৬১ আকুংচিতযা চৌরঃ স্ত্রীমৃত্যুঃ স্যাগিপিটনাসঃ .. ..
৬৭.৬২ ধনিনোঽগ্রবক্রনাসা দক্ষিণবিনতাঃ ( বক্রাঃ) প্রভক্ষণাঃ ক্রূরাঃ .
৬৭.৬২ ঋজ্বী স্বল্পচ্ছিদ্রা সুপুটা নাসা সভাগ্যানাম্ .. ..
৬৭.৬৩ ধনিনাং ক্ষুতং সকৃদ্ দ্বিত্রিপিণ্ডিতং হ্লাদি সানুনাদং চ .
৬৭.৬৩ দীর্ঘাযুষাং প্রমুক্তং বিজ্ঞেযং সংহতং চৈব .. ..
৬৭.৬৪ পদ্মদলাভৈঃ ধনিনো রক্তান্তবিলোচনাঃ ( বিলোচনাঃ) শ্রিযঃ ভাজঃ .
৬৭.৬৪ মধুপিংগলৈঃ মহার্থা মার্জারবিলোচনৈঃ পাপাঃ .. ..
৬৭.৬৫ হরিণাক্ষা মণ্ডললোচনাশ্চ জিহ্মৈশ্চ লোচনৈশ্চৌরাঃ .
৬৭.৬৫ ক্রূরাঃ কেকরনেত্রা গজসদৃশবিলোচনাশ্চমূপতযঃ ( দৃশশ্চ ভূপতযঃ) .. ..
৬৭.৬৬ ঐশ্বর্যম্ গংভীরৈঃ নীলোত্পলকান্তিভিশ্চ বিদ্বাংসঃ .
৬৭.৬৬ অতিকৃষ্ণতারকাণামক্ষ্নামুত্পাটনং ভবতি .. ..
৬৭.৬৭ মন্ত্রিত্বং স্থূলদৃশাং শ্যাবাক্ষাণাং ভবতি সৌভাগ্যম্ .
৬৭.৬৭ দীনা দৃগ্ নিঃস্বানাং স্নিগ্ধা বিপুলার্থভোগবতাম্ .. ..
৬৭.৬৮ অভ্যুন্নতাভিঃ অল্পাযুষো বিশালৌন্নতাভিঃ অতিসুখিনঃ .
৬৭.৬৮ বিষমভ্রুবো দরিদ্রা বালেন্দুনতভ্রুবঃ সধনাঃ .. ..
৬৭.৬৯ দীর্ঘা অসংসক্তাভিঃ ধনিনঃ খণ্ডাভিঃ অর্থপরিহীনাঃ .
৬৭.৬৯ মধ্যবিনতভ্রুবো যে তে সক্তাঃ স্ত্রীষ্বগম্যাসু .. ..
৬৭.৭০ উন্নতবিপুলৈঃ শংখৈঃ ধনিনো ( ধন্যা) নিম্নৈঃ সুতার্থসন্ত্যক্তাঃ .
৬৭.৭০ বিষমললাটা বিধনা ধনবন্তোঽর্ধেন্দুসদৃশেন .. ..
৬৭.৭১ শুক্তিবিশালৈঃ আচার্যতা শিরাসন্ততৈঃ অধর্মরতাঃ .
৬৭.৭১ উন্নতশিরাভিঃ আঢ্যাঃ স্বস্তিকবত্ সংস্থিতাভিশ্চ .. ..
৬৭.৭২ নিম্নললাটা বধবন্ধভাগিনঃ ক্রূরকর্মনিরতাশ্চ .
৬৭.৭২ অভ্যুন্নতৈশ্চমূপাঃ ( ভূপাঃ) কৃপণাঃ স্যুঃ সংবৃত ( সগ্কট) ললাটাঃ .. ..
৬৭.৭৩ রুদিতমদীনমনশ্রু স্নিগ্ধং চ শুভাবহং মনুষ্যাণাম্ .
৬৭.৭৩ রূক্ষং দীনং প্রচুরাশ্রু চৈব ন শুভপ্রদং পুংসাম্ .. ..
৬৭.৭৪ হসিতং শুভদমকংপং সনিমীলিতলোচনং তু পাপস্য .
৬৭.৭৪ দুষ্টস্য ( হৃষ্টস্য) হসিতমসকৃত্ সোন্মাদস্যাসকৃত্ প্রান্তে .. ..
৬৭.৭৫ তিস্রো রেখাঃ শতজীবিনাং ললাটাযতাঃ স্থিতা যদি তাঃ .
৬৭.৭৫ চতসৃভিঃ অবনীশত্বং নবতিশ্চাযুঃ সপংচাব্দা .. ..
৬৭.৭৬ বিচ্ছিন্নাভিশ্চাগম্যগামিনো নবতিঃ অপি অরেখেণ .
৬৭.৭৬ কেশান্তোপগতাভী রেখাভিঃ অশীতিবর্ষাযুঃ .. ..
৬৭.৭৭ পংচভিঃ আযুঃ সপ্ততিঃ একাগ্রাবস্থিতাভিঃ অপি ষষ্টিঃ .
৬৭.৭৭ বহুরেখেণ শতার্ধং চত্বারিংশগ বক্রাভিঃ .. ..
৬৭.৭৮ ভ্রূলগ্নাভিঃ ত্রিংশদ্ ( ত্রিংশভ্রূলগ্নাভিঃ) বিংশতিকশ্চৈব বামবক্রাভিঃ .
৬৭.৭৮ ক্ষুদ্রাভিঃ স্বল্পাযুঃ ন্যূনাভিশ্চান্তরে কল্প্যম্ .. ..
৬৭.৭৯ পরিমণ্ডলৈঃ গবাঢ্যাশ্ছত্রাকারৈঃ শিরোভিঃ অবনীশাঃ .
৬৭.৭৯ চিপিটৈঃ পিতৃমাতৃঘ্নাঃ করোটিশিরসাং চিরান্ মৃত্যুঃ .. ..
৬৭.৮০ ঘটমূর্ধা অধ্বানরুচিঃ দ্বিমস্তকঃ পাপকৃদ্ ধনৈঃ ত্যক্তঃ .
৬৭.৮০ নিম্নং তু শিরো মহতাং বহুনিম্নমনর্থদং ভবতি .. ..
৬৭.৮১ একৈকভবৈঃ স্নিগ্ধৈঃ কৃষ্ণৈঃ আকুংচিতৈঃ অভিন্নাগ্রৈঃ .
৬৭.৮১ মৃদুভিঃ ন চাতিবহুভিঃ কেশৈঃ সুখভাগ্ নরেন্দ্রো বা .. ..
৬৭.৮২ বহুমূলবিষমকপিলাঃ স্থূলস্ফুটিতাগ্রপরুষহ্রস্বাশ্চ .
৬৭.৮২ অতিকুটিলাশ্চাতিঘনাশ্চ মূর্ধজা বিত্তহীনানাম্ .. ..
৬৭.৮৩ যদ্যদ্ গাত্রং রূক্ষং মাংসবিহীনং শিরাবনদ্ধং চ .
৬৭.৮৩ তত্তদনিষ্টং প্রোক্তং বিপরীতমতঃ শুভং সর্বম্ .. ..
৬৭.৮৪ ত্রিষু বিপুলো গংভীরঃ ত্রিষ্বেব ষডুন্নতশ্চতুর্হ্রস্বঃ .
৬৭.৮৪ সপ্তসু রক্তো রাজা পংচসু দীর্ঘশ্চ সূক্ষ্মশ্চ .. ..
৬৭.৮৫ নাভী ( নাভিঃ) স্বরঃ সত্ত্বমিতি প্রশস্তং ( প্রদিষ্টং)
৬৭.৮৫ গংভীরমেতত্ ত্রিতযং নরাণাম্ .
৬৭.৮৫ উরো ললাটং বদনং চ পুংসাং
৬৭.৮৫ বিস্তীর্ণমেতত্ ত্রিতযং প্রশস্তম্ .. ..
৬৭.৮৬ বক্ষোঽথ কক্ষা নখনাসিকাস্যং
৬৭.৮৬ কৃকাটিকা চেতি ষডুন্নতানি .
৬৭.৮৬ হ্রস্বানি চত্বারি চ লিংগপৃষ্ঠং
৬৭.৮৬ গ্রীবা চ জংঘে চ হিতপ্রদানি .. ..
৬৭.৮৭ নেত্রান্তপাদকরতাল্বধরোষ্ঠজিহ্বা
৬৭.৮৭ রক্তা নখাশ্চ খলু সপ্ত সুখাবহানি .
৬৭.৮৭ সূক্ষ্মাণি পংচ দশনাংগুলিপর্বকেশাঃ
৬৭.৮৭ সাকং ত্বচা কররুহা ন চ ( কররুহাশ্চ ন) দুঃখিতানাম্ .. ..
৬৭.৮৮ হনুলোচনবাহুনাসিকাঃ স্তনযোঃ অন্তরমত্র পংচমম্ .
৬৭.৮৮ ইতি দীর্ঘমিদং তু পংচকং ন ভবত্যেব নৃণামভূভৃতাম্ .. ..
৬৭.৮৯ ছাযা শুভাশুভফলানি নিবেদযন্তী
৬৭.৮৯ লক্ষ্যা মনুষ্যপশুপক্ষিষু লক্ষণজ্ঞৈঃ .
৬৭.৮৯ তেজোগুণান্ বহিঃ অপি প্রবিকাশযন্তী
৬৭.৮৯ দীপপ্রভা স্ফটিকরত্নঘটস্থিতেব .. ..
৬৭.৯০ স্নিগ্ধদ্বিজত্বগ্নখরোমকেশাঃ ( কেশ)
৬৭.৯০ ছাযা সুগন্ধা চ মহীসমুত্থা .
৬৭.৯০ তুষ্ট্যর্থলাভাভ্যুদযান্ করোতি
৬৭.৯০ ধর্মস্য চাহন্যহনি প্রবৃত্তিম্ .. ..
৬৭.৯১ স্নিগ্ধা সিতাচ্ছহরিতা নযনাভিরামা
৬৭.৯১ সৌভাগ্যমার্দবসুখাভ্যুদযান্ করোতি .
৬৭.৯১ সর্বার্থসিদ্ধিজননী জননীব চ আপ্যা
৬৭.৯১ ছাযা ফলং তনুভৃতাং শুভমাদধাতি .. ..
৬৭.৯২ চণ্ডা অধৃষ্যা পদ্মহেমাগ্নিবর্ণা
৬৭.৯২ যুক্তা তেজোবিক্রমৈঃ সপ্রতাপৈঃ .
৬৭.৯২ আগ্নেযীতি প্রাণিনাং স্যাজ্জযায
৬৭.৯২ ক্ষিপ্রং সিদ্ধিং বাংছিতার্থস্য দত্তে ( ধত্তে) .. ..
৬৭.৯৩ মলিনপরুষকৃষ্ণা পাপগন্ধানিলোত্থা
৬৭.৯৩ জনযতি বধবন্ধব্যাধ্যনর্থার্থনাশান্ .
৬৭.৯৩ স্ফটিকসদৃশরূপা ভাগ্যযুক্তাআত্যুদারা
৬৭.৯৩ নিধিঃ ইব গগনোত্থা শ্রেযসাং স্বচ্ছবর্ণা .. ..
৬৭.৯৪ ছাযাঃ ক্রমেণ কুজলাগ্ন্যনিলাংবরোত্থাঃ
৬৭.৯৪ কেচিদ্ বদন্তি দশ তাশ্চ যথানুপূর্ব্যা .
৬৭.৯৪ সূর্যাব্জনাভপুরুহূতযমৌডুপানাং
৬৭.৯৪ তুল্যাঃ তু লক্ষণফলৈঃ ইতি তত্সমাসঃ .. ..
৬৭.৯৫ করিবৃষরথৌঘভেরীমৃদংগসিংহাভ্র ( অব্দ) নিঃস্বনা ভূপাঃ .
৬৭.৯৫ গর্দভজর্জররূক্ষস্বরাশ্চ ধনসৌখ্যসন্ত্যক্তাঃ .. ..
৬৭.৯৬ সপ্ত ভবন্তি চ সারা মেদোমজ্জাত্বগস্থিশুক্রাণি .
৬৭.৯৬ রুধিরং মাংসং চেতি প্রাণভৃতাং তত্সমাসফলম্ .. ..
৬৭.৯৭ তাল্বোষ্ঠদন্তপালীজিহ্বানেত্রান্তপাযুকরচরণৈঃ .
৬৭.৯৭ রক্তে ( রক্তৈঃ) তু রক্তসারা বহুসুখবনিতার্থপুত্রযুতাঃ .. ..
৬৭.৯৮ স্নিগ্ধত্বক্কা ধনিনো মৃদুভিঃ সুভগা বিচক্ষণাঃ তনুভিঃ .
৬৭.৯৮ মজ্জামেদঃসারাঃ সুশরীরাঃ পুত্রবিত্তযুতাঃ ( যুক্তাঃ) .. ..
৬৭.৯৯ স্থূলাস্থিঃ অস্থিসারো বলবান্ বিদ্যান্তগঃ সুরূপশ্চ .
৬৭.৯৯ বহুগুরুশুক্রাঃ সুভগা বিদ্বাংসো রূপবন্তশ্চ .. ..
৬৭.১০০ উপচিতদেহো বিদ্বান্ ধনী সুরূপশ্চ মাংসসারো যঃ .
৬৭.১০০ সংঘাতা ইতি চ সুশ্লিষ্টসন্ধিতা সুখভুজো জ্ঞেযা .. ..
৬৭.১০১ স্নেহঃ পংচসু লক্ষ্যো বাগ্জিহ্বাদন্তনেত্রনখসংস্থঃ .
৬৭.১০১ সুতধনসৌভাগ্যযুতাঃ স্নিগ্ধৈঃ তৈঃ নির্ধনা রূক্ষৈঃ .. ..
৬৭.১০২ দ্যুতিমান্ বর্ণস্নিগ্ধঃ ( বর্ণঃ স্নিগ্ধঃ) ক্ষিতিপানাম্ মধ্যমঃ সুতার্থবতাম্ .
৬৭.১০২ রূক্ষো ধনহীনানাং শুদ্ধঃ শুভদো ন সংকীর্ণঃ .. ..
৬৭.১০৩ সাধ্যমনূকং বক্ত্রাদ্ গোবৃষশার্দূলসিংহগরুডমুখাঃ .
৬৭.১০৩ অপ্রতিহতপ্রতাপা জিতরিপবো মানবেন্দ্রাশ্চ .. ..
৬৭.১০৪ বানরমহিষবরাহাজতুল্যবদনাঃ শ্রুতার্থ ( সুতার্থ) সুখভাজঃ .
৬৭.১০৪ গর্দভকরভপ্রতিমৈঃ মুখৈঃ শরীরৈশ্চ নিঃস্বসুখাঃ .. ..
৬৭.১০৫ অষ্টশতং ষণ্ণবতিঃ ( ষণবতিঃ) পরিমাণং চতুরশীতিঃ ইতি পুংসাম্ .
৬৭.১০৫ উত্তমসমহীনানামংগুলসংখ্যা স্বমানেন .. ..
৬৭.১০৬ ভারার্ধতনুঃ সুখভাক্ তুলিতোঽতো দুঃখভাগ্ ভবত্যূনঃ .
৬৭.১০৬ ভারোঽতিবাঢ্যানামধ্যর্ধঃ সর্বধরণীশঃ .. ..
৬৭.১০৭ বিংশতিবর্ষা নারী পুরুষঃ খলু পংচবিংশতিভিঃ অব্দৈঃ .
৬৭.১০৭ অর্হতি মানোন্মানং জীবিতভাগে চতুর্থে বা .. ..
৬৭.১০৮ ভূজলশিখ্যনিলাংবরসুরনররক্ষঃ পিশাচকতিরশ্চাম্ .
৬৭.১০৮ সত্ত্বেন ভবতি পুরুষো লক্ষণমেতদ্ ভবতি তেষাং ( এষাং) .. ..
৬৭.১০৯ মহীস্বভাবঃ শুভপুষ্পগন্ধঃ
৬৭.১০৯ সংভোগবান্ সুশ্বসনঃ স্থিরশ্চ .
৬৭.১০৯ তোযস্বভাবো বহুতোযপাযী
৬৭.১০৯ প্রিযাভিভাষী ( অভিলাষী) রসভাজনঃ ( ভোজনঃ) চ .. ..
৬৭.১১০ অগ্নিপ্রকৃত্যা চপলোঽতিতীক্ষ্ণশ্
৬৭.১১০ চণ্ডঃ ক্ষুধালুঃ বহুভোজনশ্চ .
৬৭.১১০ বাযোঃ স্বভাবেন চলঃ কৃশশ্চ
৬৭.১১০ ক্ষিপ্রং চ কোপস্য বশং প্রযাতি .. ..
৬৭.১১১ খপ্রকৃতিঃ নিপুণো বিবৃতাস্যঃ
৬৭.১১১ শব্দগতেঃ কুশলঃ সুশিরাংগঃ .
৬৭.১১১ ত্যাগযুতঃ ( ত্যাগযুতো) পুরুষো মৃদুকোপঃ
৬৭.১১১ স্নেহরতশ্চ ভবেত্ সুরসত্ত্বঃ .. ..
৬৭.১১২ মর্ত্যসত্ত্বসংযুতো গীতভূষণপ্রিযঃ .
৬৭.১১২ সংবিভাগশীলবান্ নিত্যমেব মানবঃ .. ..
৬৭.১১৩ তীক্ষ্ণপ্রকোপঃ খলচেষ্টিতশ্চ
৬৭.১১৩ পাপশ্চ সত্ত্বেন নিশাচরাণাম্ .
৬৭.১১৩ পিশাচসত্ত্বশ্চপলো মলাক্তো
৬৭.১১৩ বহুপ্রলাপী চ সমুল্বণাংগঃ .. ..
৬৭.১১৪ ভীরুঃ ক্ষুধালুঃ বহুভুক্ চ যঃ স্যাদ্
৬৭.১১৪ জ্ঞেযশ্চ ( স) সত্ত্বেন নরঃ তিরশ্চাম্ .
৬৭.১১৪ এবং নরাণাং প্রকৃতিঃ প্রদিষ্টা
৬৭.১১৪ যল্লক্ষণজ্ঞাঃ প্রবদন্তি সত্ত্বম্ .. ..
৬৭.১১৫ শার্দূলহংসসমদদ্বিপগোপতীনাং
৬৭.১১৫ তুল্যা ভবন্তি গতিভিঃ শিখিনাং চ ভূপাঃ .
৬৭.১১৫ যেষাং চ শব্দরহিতং স্তিমিতং চ যাতং
৬৭.১১৫ তেঽপীশ্বরা দ্রুতপরিপ্লুতগা দরিদ্রাঃ .. ..
৬৭.১১৬ শ্রান্তস্য যানমশনং চ বুভুক্ষিতস্য
৬৭.১১৬ পানং তৃষাপরিগতস্য ভযেষু রক্ষা .
৬৭.১১৬ এতানি যস্য পুরুষস্য ভবন্তি কালে
৬৭.১১৬ ধন্যং বদন্তি খলু তং নরলক্ষণজ্ঞাঃ .. ..
৬৮.১১৭ পুরুষলক্ষণমুক্তমিদং মযা মুনিমতানি অবলোক্য সমাসতঃ .
৬৮.১১৭ ইদমধীত্য নরো নৃপসম্মতো ভবতি সর্বজনস্য চ বল্লভঃ .. ..

অধ্যায ৬৮ পংচমনুষ্যবিভাগাধ্যাযঃ

৬৮.১ তারাগ্রহৈঃ বলযুতৈঃ স্বক্ষেত্রস্বৌচ্চগৈশ্চতুষ্টযগৈঃ .
৬৮.১ পংচ পুরুষাঃ প্রশস্তা জাযন্তে তান্ অহং বক্ষ্যে .. ..
৬৮.২ জীবেন ভবতি হংসঃ সৌরেণ শশঃ কুজেন রুচকশ্চ .
৬৮.২ ভদ্রো বুধেন বলিনা মালব্যো দৈত্যপূজ্যেন .. ..
৬৮.৩ সত্ত্বমহীনং সূর্যাত্শারীরং মানসং চ চন্দ্রবলাত্ .
৬৮.৩ যদ্ রাশিভেদযুক্তাবেতৌ তল্লক্ষণঃ স পুমান্ .. ..
৬৮.৪ তদ্ধাতুমহাভূতপ্রকৃতিদ্যুতিবর্ণসত্ত্বরূপাদ্যৈঃ .
৬৮.৪ অবলরবীন্দুযুতৈঃ তৈঃ সংকীর্ণা লক্ষণৈঃ পুরুষাঃ .. ..
৬৮.৫ ভৌমাত্ সত্ত্বং গুরুতা বুধাত্ সুরেজ্যাত্ স্বরঃ সিতাত্ স্নেহঃ .
৬৮.৫ বর্ণঃ সৌরাদেষাং গুণদোষৈঃ সাধ্বসাধুত্বম্ .. ..
৬৮.৬ সংকীর্ণাঃ স্যুঃ ন নৃপা দশাসু তেষাং ভবন্তি সুখভাজঃ .
৬৮.৬ রিপুগৃহনীচৌচ্চচ্যুতসত্পাপনিরীক্ষণৈঃ ভেদাঃ ( ভেদঃ) .. ..
৬৮.৭ ষণ্ণবতিঃ অংগুলানাং ব্যাযামো দীর্ঘতা চ হংসস্য .
৬৮.৭ শশরুচকভদ্রমালব্যসংজ্ঞিতাঃ ত্র্যংগুলবিবৃদ্ধ্যা .. ..
৬৮.৮ যঃ সাত্ত্বিকঃ তস্য দযা স্থিরত্বং
৬৮.৮ সত্ত্বার্জবং ব্রাহ্মণদেবভক্তিঃ .
৬৮.৮ রজো অধিকঃ কাব্যকলাক্রতুস্ত্রী-
৬৮.৮ সংসক্তচিত্তঃ পুরুষোঽতিশূরঃ .. ..
৬৮.৯ তমোঽধিকো বংচযিতা পরেষাং
৬৮.৯ মূর্খোঽলসঃ ক্রোধপরোঽতিনিদ্রঃ .
৬৮.৯ মিশ্রৈঃ গুণৈঃ সত্ত্বরজস্তমোভিঃ
৬৮.৯ মিশ্রাঃ তু তে সপ্ত সহ প্রভেদৈঃ .. ..
৬৮.১০ মালব্যো নাগনাসঃ সমভুজ ( নাগনাসসমভুজ) যুগলো জানুসংপ্রাপ্তহস্তো
৬৮.১০ মাংসৈঃ পূর্ণাংগসন্ধিঃ সমরুচিরতনুঃ মধ্যভাগে কৃশশ্চ .
৬৮.১০ পংচাষ্টৌ চ ঊর্ধ্বমাস্যং শ্রুতিবিবরমপি ত্র্যংগুলোনং চ তির্যগ্
৬৮.১০ দীপ্তাক্ষং সত্কপোলং সমসিতদশনং নাতিমাংসাধরোষ্ঠম্ .. ..
৬৮.১১ মালবান্ স ভরুকচ্ছসুরাষ্ট্রান্
৬৮.১১ লাটসিন্ধুবিষযপ্রভৃতীংশ্চ .
৬৮.১১ বিক্রমার্জিতধনোঽবতি রাজা
৬৮.১১ পারিযাত্রনিলযান্ ( নিলযঃ) কৃতবুদ্ধিঃ .. ..
৬৮.১২ সপ্ততিবর্ষো মালব্যোঽযং ত্যক্ষ্যতি সম্যক্ প্রাণাং তীর্থে .
৬৮.১২ লক্ষণমেতত্ সম্যক্ প্রোক্তং শেষনরাণাং চাতো বক্ষ্যে .. ..
৬৮.১৩ উপচিতসমবৃত্তলংববাহুঃ
৬৮.১৩ ভুজযুগলপ্রমিতঃ সমুচ্ছ্রযোঽস্য .
৬৮.১৩ মৃদুতনুঘনরোমনদ্ধগণ্ডো
৬৮.১৩ ভবতি নরঃ খলু লক্ষণেন ভদ্রঃ .. ..
৬৮.১৪ ত্বক্ষুক্রসারঃ পৃথুপীনবক্ষাঃ
৬৮.১৪ সত্ত্বাধিকো ব্যাঘ্রমুখঃ স্থিরশ্চ .
৬৮.১৪ ক্ষমান্বিতো ধর্মপরঃ কৃতজ্ঞো
৬৮.১৪ গজেন্দ্রগামী বহুশাস্ত্রবেত্তা .. ..
৬৮.১৫ প্রাজ্ঞো বপুষ্মান্ সুললাটশংখঃ
৬৮.১৫ কলাস্বভিজ্ঞো ধৃতিমান্ সুকুক্ষিঃ .
৬৮.১৫ সরোজগর্ভদ্যুতিপাণিপাদো
৬৮.১৫ যোগী সুনাসঃ সমসংহতভ্রূঃ .. ..
৬৮.১৬ নবাংবুসিক্তাবনিপত্রকুংকুম-
৬৮.১৬ দ্বিপেন্দ্রদানাগুরুতুল্যগন্ধতা .
৬৮.১৬ শিরোরুহাশ্চএকজকৃষ্ণকুংচিতাঃ
৬৮.১৬ তুরংগনাগোপমগুহ্যগূঢতা ( গূঢগুহ্যতা) .. ..
৬৮.১৭ হলমুশলগদাসিশংখচক্র-
৬৮.১৭ দ্বিপমকরাব্জরথাংকিতাংঘ্রি ( অন্হ্রি) হস্তঃ .
৬৮.১৭ বিভবমপি জনোঽস্য বোভুজীতি
৬৮.১৭ ক্ষমতি হি ন স্বজনং স্বতন্ত্রবুদ্ধিঃ .. ..
৬৮.১৮ অংগুলানি নবতিশ্চ ষডূনান্য্-
৬৮.১৮ উচ্ছ্রযেণ তুলযাপি হি ভারঃ .
৬৮.১৮ মধ্যদেশনৃপতিঃ যদি পুষ্টাশ্
৬৮.১৮ ত্র্যাদযোঽস্য সকলাবনিনাথঃ .. ..
৬৮.১৯ ভুক্ত্বা সম্যগ্বসুধাং শৌর্যেণৌপার্জিতামশীত্যব্দঃ .
৬৮.১৯ তীর্থে প্রাণাং ত্যক্ত্বা ভদ্রো দেবালযং যাতি .. ..
৬৮.২০ ঈষদ্দন্তুরকঃ তনুদ্বিজনখঃ কোশেক্ষণঃ শীঘ্রগো
৬৮.২০ বিদ্যাধাতুবণিক্ক্রিযাসু নিরতঃ সংপূর্ণগণ্ডঃ শঠঃ .
৬৮.২০ সেনানীঃ প্রিযমৈথুনঃ পরজনস্ত্রীসক্তচিত্তশ্চলঃ
৬৮.২০ শূরো মাতৃহিতো বনাচলনদীদুর্গেষু সক্তঃ শশঃ .. ..
৬৮.২১ দীর্ঘো অংগুলানাং শতমষ্টহীনং
৬৮.২১ সাশংকচেষ্টঃ পররন্ধ্রবিগ .
৬৮.২১ সারোঽস্য মজ্জা নিভৃতপ্রচারঃ
৬৮.২১ শশো হ্যতো ( অযং) নাতিগুরুঃ প্রদিষ্টঃ .. ..
৬৮.২২ মধ্যে কৃশঃ খেটকখংগবীণা
৬৮.২২ পর্যংকমালামুরজানুরূপাঃ .
৬৮.২২ শূলোপমাশ্চ ঊর্ধ্বগতাশ্চ রেখাঃ
৬৮.২২ শশস্য পাদোপগতাঃ করে বা .. ..
৬৮.২৩ প্রাত্যন্তিকো মাণ্ডলিকোঽথবা অযং
৬৮.২৩ স্ফিক্স্রাবশূলাভিভবার্তমূর্তিঃ .
৬৮.২৩ এবং শশঃ সপ্ততিহাযনোঽযং
৬৮.২৩ বৈবস্বতস্যালযমভ্যুপৈতি .. ..
৬৮.২৪ রক্তং পীনকপোলমুন্নতনসং বক্ত্রং সুবর্ণোপমং
৬৮.২৪ বৃত্তং চাস্য শিরোঽক্ষিণী মধুনিভে সর্বে চ রক্তা নখাঃ .
৬৮.২৪ স্রগ্দামাংকুশশংখমত্স্যযুগলক্রত্বংগকুংভাংবুজৈশ্
৬৮.২৪ চিহ্নৈঃ হংসকলস্বনঃ সুচরণো হংসঃ প্রসন্নেন্দ্রিযঃ .. ..
৬৮.২৫ রতিঃ অংভসি শুক্রসারতা দ্বিগুণা চাষ্টশতৈঃ পলৈঃ মিতিঃ .
৬৮.২৫ পরিমাণমথাস্য ষড্যুতা নবতিঃ সংপরিকীর্তিতা বুধৈঃ .. ..
৬৮.২৬ ভুনক্তি হংসঃ খসশূরসেনান্ গান্ধারগংগাযামুনান্তরালম্ .
৬৮.২৬ শতং দশোনং শরদাং নৃপত্বং কৃত্বা বনান্তে সমুপৈতি মৃত্যুম্ .. ..
৬৮.২৭ সুভ্রূকেশো রক্তশ্যামঃ কংবুগ্রীবো ব্যাদীর্ঘাস্যঃ .
৬৮.২৭ শূরঃ ক্রূরঃ শ্রেষ্ঠো মন্ত্রী চৌরস্বামী ব্যাযামী চ .. ..
৬৮.২৮ যন্মাত্রমাস্যং রুচকস্য দীর্ঘং
৬৮.২৮ মধ্যপ্রদেশে চতুরস্রতা ( চতুরশ্রতা) সা .
৬৮.২৮ তনুচ্ছবিঃ শোণিতমাংসসারো
৬৮.২৮ হন্তা দ্বিষাং সাহসসিদ্ধকার্যঃ .. ..
৬৮.২৯ খট্বাংগবীণাবৃষচাপবজ্র-
৬৮.২৯ শক্তীন্দ্রশূলাংকিতপাণিপাদঃ .
৬৮.২৯ ভক্তো গুরুব্রাহ্মণদেবতানাং
৬৮.২৯ শতাংগুলঃ স্যাত্ তু সহস্রমানঃ ( তুলযা সহস্রং) .. ..
৬৮.৩০ মন্ত্রাভিচারকুশলঃ কৃশজানুজংঘো
৬৮.৩০ বিন্ধ্যং সসহ্যগিরিমুজ্জযিনীং চ ভুক্ত্বা .
৬৮.৩০ সংপ্রাপ্য সপ্ততিসমা রুচকো নরেন্দ্রঃ
৬৮.৩০ শস্ত্রেণ মৃত্যুমুপযাত্যথবাঽনলেন .. ..
৬৮.৩১ পংচাপরে বামনকো জঘন্যঃ
৬৮.৩১ কুব্জোঽথবা মণ্ডলকোঽথ সাচী ( সমী) .
৬৮.৩১ পূর্বোক্তভূপানুচরা ভবন্তি
৬৮.৩১ সংকীর্ণসংজ্ঞঃ ( সংজ্ঞাঃ) শৃণু লক্ষণৈঃ তান্ .. ..
৬৮.৩২ সংপূর্ণাংগো বামনো ভগ্নপৃষ্ঠঃ
৬৮.৩২ কিংচিগ ঊরূমধ্যকক্ষ্য ( কক্ষ) অন্তরেষু .
৬৮.৩২ খ্যাতো রাজ্ঞাং হ্যেষ ভদ্রানুজীবী
৬৮.৩২ স্ফীটো রাজা ( দাতা) বাসুদেবস্য ভক্তঃ .. ..
৬৮.৩৩ মালব্যসেবী তু জঘন্যনামা
৬৮.৩৩ খণ্ডেন্দুতুল্যশ্রবণঃ সুসন্ধিঃ .
৬৮.৩৩ শুক্রেণ সারহ্ পিশুনঃ কবিশ্চ
৬৮.৩৩ রূক্ষচ্ছবিঃ স্থূলকরাংগুলীকঃ .. ..
৬৮.৩৪ ক্রূরো ধনী স্থূলমতিঃ প্রতীতঃ
৬৮.৩৪ তাম্রচ্ছবিঃ স্যাত্ পরিহাসশীলঃ
৬৮.৩৪ উরো অংঘ্রি ( অন্হ্রি) হস্তেষ্বসিশক্তিপাশ-
৬৮.৩৪ পরশ্বধাংকঃ স ( অগ্কশ্চ) জঘন্যনামা .. ..
৬৮.৩৫ কুব্জো নাম্না যঃ স শুদ্ধো হ্যধস্তাত্
৬৮.৩৫ ক্ষীণঃ কিংচিত্ পূর্বকাযে নতশ্চ .
৬৮.৩৫ হংসাসেবী নাস্তিকোঽর্থৈরুপেতো
৬৮.৩৫ বিদ্বান্ শূরঃ সূচকঃ স্যাত্ কৃতজ্ঞঃ .. ..
৬৮.৩৬ কলাস্বভিজ্ঞঃ কলহপ্রিযশ্চ
৬৮.৩৬ প্রভূতভৃত্যঃ প্রমদাজিতশ্চ .
৬৮.৩৬ সংপূজ্য লোকং প্রজহাত্যকস্মাত্
৬৮.৩৬ কুব্জোঽযমুক্তঃ সততোদ্যতশ্চ .. ..
৬৮.৩৭ মণ্ডলকক্ষণমতো ( কনামধেযো লক্ষণমতো) রুচকানুচরোঽভিচারবিত্ কুশলঃ .
৬৮.৩৭ কৃত্যাবেতাল ( বৈতাল) আদিষু কর্মসু বিদ্যাসু চানুরতঃ .. ..
৬৮.৩৮ বৃদ্ধাকারঃ খরপরুষমূর্ধজশ্রূক্ষমূর্ধজঃ) চ শত্রুনাশনে কুশলঃ .
৬৮.৩৮ দ্বিজদেবযজ্ঞযোগপ্রসক্তধীঃ স্ত্রীজিতো মতিমান্ .. ..
৬৮.৩৯ সাচীইতি ( সামীতি) যঃ সোঽতিবিরূপদেহঃ
৬৮.৩৯ শশানুগামী খলু দুর্ভগশ্চ .
৬৮.৩৯ দাতা মহারংভসমাপ্তকার্যো
৬৮.৩৯ গুণৈঃ শশস্যৈব ভবেত্ সমানঃ .. ..
৬৮.৪০ পুরুষলক্ষণমুক্তমিদম্ মযা
৬৮.৪০ মুনিমতানি নিরীক্ষ্য সমাসতঃ .
৬৮.৪০ ইদমধীত্য নরো নৃপসম্মতো
৬৮.৪০ ভবতি সর্বজনস্য চ বল্লভঃ .. ..

অধ্যায ৬৯ কন্যালক্ষণাধ্যাযঃ

৬৯.১ স্নিগ্ধৌন্নতাগ্রতনুতাম্রনখৌ কুমার্যাঃ
৬৯.১ পাদৌ সমৌপচিতচারুনিগূঢগুল্ফৌ .
৬৯.১ শ্লিষ্টাংগুলী কমলকান্তিতলৌ চ যস্যাঃ
৬৯.১ তামুদ্বহেদ্ যদি ভুবোঽধিপতিত্বমিচ্ছেত্ .. ..
৬৯.২ মত্স্যাংকুশাব্জযববজ্রহলাসিচিহ্ন-
৬৯.২ অবস্বেদনৌ মৃদুতলৌ চরণৌ প্রশস্তৌ .
৬৯.২ জংঘে চ রোমরহিতে বিশিরে সুবৃত্তে
৬৯.২ জানুদ্বযং সমমনুল্বণসন্ধিদেশম্ .. ..
৬৯.৩ ঊরূ ঘনৌ করিকরপ্রতিমাবরোমাব্
৬৯.৩ অশ্বত্থপত্রসদৃশং বিপুলং চ গুহ্যম্ .
৬৯.৩ শ্রোণীললাটমুরুকূর্মসমুন্নতং চ
৬৯.৩ গূঢো মণিশ্চ বিপুলাং শ্রিযমাদধাতি .. ..
৬৯.৪ বিস্তীর্ণমাংসৌপচিতো নিতংবঃ
৬৯.৪ গুরুশ্চ ধত্তে রশনা ( রসনা) কলাপম্ .
৬৯.৪ নাভিঃ গভীরা ( গংভীরা) বিপুলাংগানাং
৬৯.৪ প্রদক্ষিনাবর্তগতা চ শস্তা ( প্রশস্তা) .. ..
৬৯.৫ মধ্যং স্ত্রিযাঃ ত্রিবলিনাথমরোমশং চ
৬৯.৫ বৃত্তৌ ঘনাববিষমৌ কঠিনাবুরস্যৌ .
৬৯.৫ রোমপ্রবর্জিতং ( অপবর্জিতং) উরো মৃদু চাংগনানাং
৬৯.৫ গ্রীবা চ কংবুনিচিতার্থসুখানি দত্তে ( ধত্তে) .. ..
৬৯.৬ বন্ধুজীবকুসুমোপমোঽধরো
৬৯.৬ মাংসলো রুচিরবিংবরূপভৃত্ .
৬৯.৬ কুন্দকুড্মলনিভাঃ সমা দ্বিজা
৬৯.৬ যোষিতাং পতিসুখামিতার্থদাঃ .. ..
৬৯.৭ দাক্ষিণ্যযুক্তমশঠং পরপুষ্টহংস-
৬৯.৭ বল্গু প্রভাষিতমদীনমনল্পসৌখ্যম্ .
৬৯.৭ নাসা সমা সমপুটা রুচিরা প্রশস্তা
৬৯.৭ দৃগ্নীলনীরজদলদ্যুতিহারিণী চ .. ..
৬৯.৮ নো সংগতে নাতিপৃথূ ন লংবে শস্তে ভ্রুবৌ বালশশাংকবক্রে .
৬৯.৮ অর্ধেন্দুসংস্থানমরোমশং চ শস্তং ললাটং ন নতং ন তুংগম্ .. ..
৬৯.৯ কর্ণযুগ্মমপি যুক্তমাংসলং শস্যতে ম্র্দু সমাহিতম্ সমং ( সমং সমাহিতং) .
৬৯.৯ স্নিগ্ধনীলমৃদুকুংচিতৈকজা মূর্ধজাঃ সুখকরাঃ সমং শিরঃ .. ..
৬৯.১০ ভৃংগারাসনবাজিকুঞ্জররথশ্রীবৃক্ষযূপেষুভিঃ
৬৯.১০ মালাকুণ্ডলচামরাংকুশযবৈঃ শৈলৈঃ ধ্বজৈঃ তোরণৈঃ .
৬৯.১০ মত্স্যস্বস্তিকবেদিকাব্যজনকৈঃ শংখাতপত্রাংবুজৈঃ
৬৯.১০ পাদে পাণিতলেঽথবা ( অপি বা) যুবতযো গচ্ছন্তি রাজ্ঞীপদম্ .. ..
৬৯.১১ নিগূঢমণিবন্ধনৌ তরুণপদ্মগর্ভোপমৌ
৬৯.১১ করৌ নৃপতিযোষিতস্যোষিতাং) তনুবিকৃষ্টপর্বাংগুলী .
৬৯.১১ ন নিম্নমতি নৌন্নতং করতলং সুরেখান্বিতং
৬৯.১১ করোত্যবিধবাং চিরং সুতসুখার্থসংভোগিনীম্ .. ..
৬৯.১২ মধ্যাংগুলিং যা মণিবন্ধনোত্থা
৬৯.১২ রেখা গতা পাণিতলে অংগনাযাঃ .
৬৯.১২ ঊর্ধ্বস্থিতা পাদতলেঽথবা যা
৬৯.১২ পুংসোঽথবা রাজ্যসুখায সা স্যাত্ .. ..
৬৯.১৩ কনিষ্ঠিকামূলভবা গতা যা
৬৯.১৩ প্রদেশিনীমধ্যমিকান্তরালম্ .
৬৯.১৩ করোতি রেখা পরমাযুষঃ সা
৬৯.১৩ প্রমাণমূনা তু তদূনমাযুঃ .. ..
৬৯.১৪ অংগুষ্টমূলে প্রসবস্য রেখাঃ
৬৯.১৪ পুত্রা বৃহত্যঃ প্রমদাঃ তু তন্ব্যঃ .
৬৯.১৪ অচ্ছিন্নমধ্যা ( দীর্ঘা) বৃহদাযুষঃ ( বৃহদাযুষাং) তাঃ
৬৯.১৪ স্বল্পাযুষাং ছিন্নলঘুপ্রমাণাঃ .. ..
৬৯.১৫ ইতীদমুক্তং শুভমংগনানাম্
৬৯.১৫ অতো বিপর্যস্তমনিষ্টমুক্তম্ .
৬৯.১৫ বিশেষতোঽনিষ্টফলানি যানি
৬৯.১৫ সমাসতঃ তানি অনুকীর্তযামি .. ..
৬৯.১৬ কনিষ্ঠিকা বা তদনন্তরা বা
৬৯.১৬ মহীং ন যস্যাঃ শ্পৃশতি স্ত্রিযাঃ স্যাত্ .
৬৯.১৬ গতাথব্ংগুষ্ঠমতীত্য যস্যাঃ
৬৯.১৬ প্রদেশিনী সা কুলটাঽতিপাপা .. ..
৬৯.১৭ উদ্বদ্ধাভ্যাম্ পিণ্ডিকাভ্যাম্ শিরালে
৬৯.১৭ শুষ্কে জংঘে লোমশে ( রোমশে) চাতিমাংসে
৬৯.১৭ বামাবর্তং নিম্নমল্পং চ গুহ্যং
৬৯.১৭ কুংভাকারং চোদরং দুঃখিতানাম্ .. ..
৬৯.১৮ হ্রস্বযাতিনিঃস্বতা দীর্ঘযা কুলক্ষযঃ .
৬৯.১৮ গ্রীবযা পৃথূত্থযা যোষিতঃ প্রচণ্ডতা .. ..
৬৯.১৯ নেত্রে যস্যাঃ কেকরে পিংগলে বা
৬৯.১৯ সা দুঃশীলা শ্যাবলোলেক্ষণা চ .
৬৯.১৯ কূপৌ যস্যা গণ্ডযোশ্চ স্মিতেষু
৬৯.১৯ নিঃসন্দিগ্ধং বন্ধকীং তাং বদন্তি .. ..
৬৯.২০ প্রবিলংবিনি দেবরং ললাটে
৬৯.২০ শ্বশুরং হন্ত্যুদরে স্ফিজোঃ পতিং চ .
৬৯.২০ অতিরোমচযান্বিতৌত্তরওষ্ঠী
৬৯.২০ ন শুভা ভর্তুঃ অতীব যা চ দীর্ঘা .. ..
৬৯.২১ স্তনৌ সরোমৌ মলিনৌল্বণৌ চ
৬৯.২১ ক্লেশং দধাতে বিষমৌ চ কর্ণৌ .
৬৯.২১ স্থূলাঃ করালা বিষমাশ্চ দন্তাঃ
৬৯.২১ ক্লেশায চৌর্যায চ কৃষ্ণমাংসাঃ .. ..
৬৯.২২ ক্রব্যাদরূপৈঃ বৃককাককংক-
৬৯.২২ সরীসৃপৌলূকসমানচিহ্নৈঃ
৬৯.২২ শুষ্কৈঃ শিরালৈঃ বিষমৈশ্চ হস্তৈঃ
৬৯.২২ ভবন্তি নার্যহ্ সুখবিত্তহীনাঃ .. ..
৬৯.২৩ যা তূত্তরোষ্ঠেন সমুন্নতেন
৬৯.২৩ রূক্ষাগ্রকেশী কলহপ্রিযা সা .
৬৯.২৩ প্রাযো বিরূপাসু ভবন্তি দোষা
৬৯.২৩ যত্রাকৃতিঃ তত্র গুণা বসন্তি .. ..
৬৯.২৪ পাদৌ সগুল্ফৌ প্রথমং প্রদিষ্টৌ জংঘে দ্বিতীযং তু সজানুচক্রে .
৬৯.২৪ মেঢ্র ঊরুমুষ্কং চ ততঃ তৃইতীযং নাভিঃ কটিশ্চৈব ( চ ইতি) চতুর্থমাহুঃ .. ..
৬৯.২৫ উদরং কথযন্তি পংচমং হৃদযং ষষ্ঠমতঃ স্তনান্বিতম্ .
৬৯.২৫ অথ সপ্তমমংসজত্রুণী কথযন্ত্যষ্টমমোষ্ঠকন্ধরে .. ..
৬৯.২৬ নবমং নযনে চ সভ্রুণী সললাটং দশমং শিরঃ তথা .
৬৯.২৬ অশুভেষ্বশুভং দশাফলং চরণাদ্যেষু শুভেষু শোভনম্ .. ..

অধ্যায ৭০ বস্ত্রচ্ছেদলক্ষণাধ্যাযঃ

৭০.১( ৭১.৬অব্) প্রভূতবস্ত্রদাশ্বিনী ভরণি অথাপহারিণী .
৭০.১( ৭১.৬য্দ্) প্রদহ্যতেঽগ্নিদৈবতে প্রজেস্বরেঽর্থসিদ্ধযঃ .. ..
৭০.২( ৭১.৭অব্) মৃগে তু মূষকাদ্ ভযং ব্যসুত্বমেব শংকরে .
৭০.২( ৭১.৭য্দ্) পুনর্বসৌ শুভাগমঃ তদগ্রভে ধনৈঃ যুতিঃ .. ..
৭০.৩( ৭১.৮অব্) ভুজংগভে বিলুপ্যতে মঘাসু মৃত্যুমাদিশেত্ .
৭০.৩( ৭১.৮য্দ্) ভগাহ্বযে নৃপাদ্ ভযং ধনাগমায চৌত্তরা .. ..
৭০.৪( ৭১.৯অব্) করেণ কর্মসিদ্ধযঃ শুভাগমঃ তু চিত্রযা .
৭০.৪( ৭১.৯য্দ্) শুভং চ ভোজ্যমানিলে দ্বিদৈবতে জনপ্রিযঃ .. ..
৭০.৫( ৭১.১০অব্) সুহূদ্যুতিঃ ( সুহৃদ্যুতিঃ) চ মিত্রভে তদগ্রভে ( পুরন্দরে) ঽংবরক্ষযঃ .
৭০.৫( ৭১.১০য্দ্) জলপ্লুতিশ্চ নৈরৃতে রুজো জলাধিদৈবতে .. ..
৭০.৬( ৭১.১১অব্) মিষ্টমন্নমপি বৈশ্বদৈবতে বৈষ্ণবে ভবতি নেত্ররোগতা .
৭০.৬( ৭১.১১য্দ্) ধান্যলব্ধিঃ ( লব্ধিং) অপি ( অথ) বাসবে ( বিশ্বদৈবতে)
বিদুঃ বারুণে বিষকৃতং মহদ্ভযম্ .. ..
৭০.৭( ৭১.১২অ) ভদ্রপদাসু ভযং সলিলোত্থং
৭০.৭( ৭১.১২ব্) তত্পরতশ্চ ভবেত্ সুতলব্ধিঃ .
৭০.৭( ৭১.১২ই) রত্নযুতিং কথযন্তি চ পৌষ্ণে
৭০.৭( ৭১.১২দ্) যোঽভিনবাংবরমিচ্ছতি ভোক্তুম্ .. ..
৭১.১৩ বিপ্রমতাদথ ভূপতিদত্তং যগ বিবাহবিধাবভিলব্ধম্ .
৭১.১৩ তেষু গুণৈ রহিতেষ্বপি ভোক্তুং নূতনমংবরমিষ্টফলং স্যাত্ ….
৭০.৮( ৭১.১৪অব্) ভোক্তুং নবাংবরং শস্তম্ ঋক্ষেঽপি গুণবর্জিতে .
৭০.৮( ৭১.১৪য্দ্) বিবাহে রাজসম্মানে ব্রহ্মণাণাং চ সম্মতে .. ..
৭০.৯( ৭১.১অব্) বস্ত্রস্য কোণেষু বসন্তি দেবা নরাশ্চ পাশান্তদশান্তমধ্যে .
৭০.৯( ৭১.১য্দ্) শেষাঃ ত্রযশ্চাত্র নিশাচরাংশাঃ তথৈব শয্যাসনপাদুকাসু .. ..
৭০.১০( ৭১.২অব্) লিপ্তে মষীগোমযকর্দমাদ্যৈশ্ছিন্নে প্রদগ্ধে স্ফুটিতে চ বিন্দ্যাত্ .
৭০.১০( ৭১.২য্দ্) পুষ্টং নবেঽল্পাল্পতরং চ ভুক্তে পাপং শুভং চাধিকমুত্তরীযে .. ..
৭০.১১( ৭১.৩অব্) রুগ্রাক্ষসাংশেস্বথবাঽপি মৃত্যুঃ পুঞ্জন্মতেজশ্চ মনুষ্যভাগে .
৭০.১১( ৭১.৩য্দ্) ভাগেঽমরাণামথ ভোগবৃদ্ধিঃ প্রান্তেষু সর্বত্র বদন্ত্যনিষ্টম্ .. ..
৭০.১২( ৭১.৪অব্) কংকপ্লবৌলূককপোতকাকক্রব্যাদগোমাযুখরৌষ্ট্রসর্পৈঃ .
৭০.১২( ৭১.৪য্দ্) ছেদাকৃতিঃ দৈবতভাগগাপি পুংসাং ভযং মৃত্যুসমং করোতি .. ..
৭০.১৩( ৭১.৫অব্) ছত্রধ্বজস্বস্তিকবর্ধমানশ্রীবৃক্ষকুংভাংবুজতোরণাদ্যৈঃ .
৭০.১৩( ৭১.৫য্দ্) ছেদাকৃতিঃ নৈরৃতভাগগা অপি পুংসাং বিধত্তে নচিরেণ লক্ষ্মীম্ .. ..