বৃহত্সংহিতা – অধ্যায় ৭১-৮০

অধ্যায ৭১ চামরলক্ষণাধ্যাযঃ

৭১.১ দেবৈশ্চমর্যঃ কিল বালহেতোঃ
৭১.১ সৃষ্টা হিমক্ষ্মাধরকন্দরেষু .
৭১.১ আপীতবর্ণাশ্চ ভবন্তি তাসাং
৭১.১ কৃষ্ণাশ্চ লাংগূলভবাঃ সিতাশ্চ .. ..
৭১.২ স্নেহো মৃদুত্বং বহুব্লতা ( লতা চ)
৭১.২ বৈশদ্যমল্পাস্থিনিবন্ধনত্বম্ .
৭১.২ শৌক্ল্যং চ তাসাং ( তেষাং) গুণসংপদুক্তা
৭১.২ বিদ্ধাল্পলুপ্তানি ন শোভনানি .. ..
৭১.৩ অধ্যর্ধহস্তপ্রমিতোঽস্য দণ্ডো
৭১.৩ হস্তোঽথবা অরত্নিসমোঽথবা অন্যঃ .
৭১.৩ কাষ্ঠাত্শুভাত্ কাংচনরূপ্যগুপ্তাদ্
৭১.৩ রত্নৈশ্চ সর্বৈঃ ( বিচিত্রৈঃ) চ হিতায রাজ্ঞাম্ .. ..
৭১.৪ যষ্ট্যাতপত্রাংকুশবেত্রচাপবিতানকুন্তধ্বজচামরাণাম্ .
৭১.৪ ব্যাপীততন্ত্রীমধুকৃষ্ণবর্ণা বর্ণক্রমেণৈব হিতায দণ্ডাঃ .. ..
৭১.৫ মাতৃভূধনকুলক্ষযাবহা
৭১.৫ রোগমৃত্যুজননাশ্চ পর্বভিঃ .
৭১.৫ দ্ব্যাদিভিঃ দ্বিকবিবর্ধিতৈঃ ক্রমাত্
৭১.৫ দ্বাদশান্তবিরতৈঃ সমৈঃ ফলম্ .. ..
৭১.৬ যাত্রাপ্রসিদ্ধিঃ দ্বিষতাং বিনাশো
৭১.৬ লাভাঃ প্রভূতা ( প্রভূতো) বসুধ্পমঃ ( গমঃ) চ .
৭১.৬ ব্র্দ্ধিঃ পশূনামভিবংছিতাপ্তিঃ
৭১.৬ ত্র্যাদ্যেষ্বযুগ্মেষু তদীশ্বরাণাম্ .. ..

অধ্যায ৭২ ছত্রলক্ষণাধ্যাযঃ

৭২.১ নিচিতং তু ( নু) হংসপক্ষৈঃ কৃকবাকুমযূরসারসানাং বা .
৭২.১ দৌকূল্যেন ( দৌকূলেন) নবেন তু সমন্ততশ্ছাদিতং শুক্লম্ .. ..
৭২.২ মুক্তাফলৈরুপচিতং প্রলংবমালাবিলং স্ফটিকমূলম্ .
৭২.২ ষড্ঢস্তশুদ্ধহৈমং নবপর্বনগৈকদণ্ডং তু .. ..
৭২.৩ দণ্ডার্ধবিস্তৃতং তত্ সমাবৃতং রত্নভূষিতং ( রত্নবিভূষিতম্, রত্নভূষিতং) উদগ্রম্ .
৭২.৩ নৃপতেঃ তদাতপত্রং কল্যাণপরং বিজযদং চ .. ..
৭২.৪ যুবরাজনৃপতিপত্ন্যোঃ সেনাপতিদণ্ডনাযকানাং চ .
৭২.৪ দণ্ডোঽর্ধপংচহস্তঃ সমপংচকৃতোঽর্ধ ( কৃতার্ধ) বিস্তারঃ .. ..
৭২.৫ অন্যেষামুষ্ণঘ্নং প্রসাদপট্টৈঃ বিভূষিতশিরস্কম্ .
৭২.৫ ব্যালংবিরত্নমালং ছত্রং কার্যং তু ( চ) মাযূরম্ .. ..
৭২.৬ অন্যেষাং তু নরাণাং শীতাতপবারণং তু চতুরস্রং ( চতুরশ্রং) .
৭২.৬ সমবৃত্তদণ্ডযুক্তং ছত্রং কার্যং তু বিপ্রাণাম্ .. ..

অধ্যায ৭৩ স্ত্রীপ্রশংসাধ্যাযঃ

৭৩.১ জযে ধরিত্র্যাঃ পুরমেব সারং
৭৩.১ পুরে গৃহং সদ্মনি চএকদেশঃ .
৭৩.১ তত্রাপি শয্যা শযনে বরা স্ত্রী
৭৩.১ রত্নোজ্জ্বলা রাজ্যসুখস্য সারঃ .. ..
৭৩.২ রত্নানি বিভূষযন্তি যোষা ভূষ্যন্তে বনিতা ন রত্নকান্ত্যা .
৭৩.২ চেতো বিনতা হরনি অরত্না নো রত্নানি বিনাংগনাংগসংগং ( সংগাত্) .. ..
৭৩.৩ আকারং বিনিগূহতাং রিপুবলং জেতুং সমুত্তিষ্ঠতাং
৭৩.৩ তন্ত্রং চিন্তযতাং কৃতাকৃতশতব্যাপারশাখাকুলম্ .
৭৩.৩ মন্ত্রিপ্রোক্তনিষেবিণাং ( নিসেবিণাম্, নিষেবিনাং) ক্ষিতিভুজামাশংকিনাং সর্বতো
৭৩.৩ ধুঃখাংভোনিধিবর্তিনাং সুখলবঃ কান্তাসমালিংগনম্ .. ..
৭৩.৪ শ্রুতং দৃষ্টং স্পৃষ্তং স্মৃতমপি নৃণাং হ্লাদজননং
৭৩.৪ ন রত্নং স্ত্রীভ্যোঽন্যত্ ক্বচিদপি কৃতং লোকপতিনা .
৭৩.৪ তদর্থং ধর্মার্থৌ সুতবিষযসৌখ্যানি চ ততো
৭৩.৪ গৃহে লক্ষ্ম্যো মান্যাঃ সততমবলা মানবিভবৈঃ .. ..
৭৩.৫ যেঽপি অংগনানাং প্রবদন্তি দোষান্
৭৩.৫ বৈরাগ্যমার্গেণ গুণান্ বিহায .
৭৩.৫ তে দুর্জনা মে মনসো বিতর্কঃ
৭৩.৫ সদ্ভাববাক্যানি ন তানি তেষাম্ .. ..
৭৩.৬ প্রব্রূত সত্যং করতো অংগনানাং
৭৩.৬ দোষোঽস্তি যো নাচরিতো মনুষ্যৈঃ .
৭৩.৬ ধার্ষ্ট্যেন পুংভিঃ প্রমদা নিরস্তা
৭৩.৬ গুণাধিকাঃ তা মনুনাত্র চোক্তম্ .. ..
৭৩.৭ সোমঃ তাসামদাত্শৌচং গন্ধর্বঃ ( গন্ধর্বাঃ) শিক্ষিতাং গিরম্ .
৭৩.৭ অগ্নিশ্চ সর্বভক্ষিত্বং তস্মান্ নিষ্কসমাঃ স্ত্রিযঃ .. ..
৭৩.৮ ব্রাহ্মণাঃ পাদতো মেধ্যা গাবো মেধ্যাশ্চ পৃষ্ঠতঃ .
৭৩.৮ অজাশ্বা মুখতো মেধ্যাঃ স্ত্রিযো মেধ্যাশ্তু সর্বতঃ .. ..
৭৩.৯ স্ত্রিযঃ পবিত্রমতুলং নৈতা দুষ্যন্তি কর্হিচিত্ .
৭৩.৯ মাসি মাসি রজো হ্যাসাং দুষ্কৃতানি অপকর্ষতি .. ..
৭৩.১০ জামযো যান্তি গেহানি শপন্ত্যপ্রতিপূজিতাঃ .
৭৩.১০ তানি কৃত্যাহতানীব বিনশ্যন্তি সমন্ততঃ .. ..
৭৩.১১ জাযা বা স্যাজ্জনিত্রী বা সংভবঃ স্ত্রীকৃতো নৃণাম্ .
৭৩.১১ হে কৃতঘ্নাশ্তযোঃ নিন্দাং কুর্বতাং বঃ কুতঃ শুভম্ .. ..
৭৩.১২ দংপত্যোঃ ব্যুত্ক্রমে দোষঃ সমঃ শাস্ত্রে প্রতিষ্ঠিতঃ .
৭৩.১২ নরা ন সমবেক্ষন্তে তেনাত্র বরমংগনাঃ .. ..
৭৩.১৩ বহিঃ লোম্না তু ষণ্মাসান্ বেষ্টিতঃ খরচর্মণা .
৭৩.১৩ দারাতিক্রমণে ভিক্ষাং দেহীত্যুক্ত্বা বিশুধ্যতি .. ..
৭৩.১৪ ন শতেনাপি বর্ষাণামপৈতি মদনাশযঃ .
৭৩.১৪ তত্র অশক্ত্যা নির্বর্তন্তে নরা ধৈর্যেণ যোষিতঃ .. ..
৭৩.১৫ অহো ধার্ষ্ট্যমসাধূনাং নিন্দতামনঘাঃ স্ত্রিযঃ .
৭৩.১৫ মুষ্ণতামিব চৌরাণাং তিষ্ঠ চৌরেতি জল্পতাম্ .. ..
৭৩.১৬ পুরুষশ্চটুলানি কামিনীনাং
৭৩.১৬ কুরুতে যানি রহো ন তানি পশ্চাত্ .
৭৩.১৬ সুকৃতজ্ঞতযা অংগনা গতাসূন্
৭৩.১৬ অবগূহ্য প্রবিশন্তি সপ্তজিহ্বম্ .. ..
৭৩.১৭ স্ত্রীরত্নভোগোঽস্তি নরস্য যস্য
৭৩.১৭ নিঃস্বোঽপি সাংপ্রত্যবনীস্বরো ( স্বং প্রত্যবনীস্বরো, মাং প্রত্যব) ঽসৌ .
৭৩.১৭ রাজ্যস্য সারোঽশনমংগনাশ্চ
৭৩.১৭ তৃষ্ণানলোদ্দীপনদারু শেষম্ .. ..
৭৩.১৮ কামিনীং প্রথমযৌবনান্বিতাং
৭৩.১৮ মন্দবল্গুমৃদুপীডিতস্বনাম্ .
৭৩.১৮ উত্স্তনীং সমবলংব্য যা রতিঃ
৭৩.১৮ সা ন ধাতৃভবনেঽস্তি মে মতিঃ .. ..
৭৩.১৯ তত্র দেবমুনিসিদ্ধচারণৈঃ
৭৩.১৯ মান্যমানপিতৃসেব্যসেবনাত্ .
৭৩.১৯ ব্রূত ধাতৃভবনেঽস্তি কিং সুখং
৭৩.১৯ যদ্ রহঃ সমবলংব্য ন স্ত্রিযম্ .. ..
৭৩.২০ আব্রহ্মকীটান্তমিদং নিবদ্ধং
৭৩.২০ পুংস্ত্রীপ্রযোগেণ জগত্ সমস্তম্ .
৭৩.২০ ব্রীডা অত্র কা যত্র চতুর্মুখত্বম্
৭৩.২০ ঈশোঽপি লোভাদ্ গমিতো যুবত্যাঃ .. ..

অধ্যায ৭৪ সৌভাগ্যকরণাধ্যাযঃ

৭৪.১ জাত্যং মনোভবসুখং সুভগস্য সর্বম্
৭৪.১ আভাসমাত্রমিতরস্য মনোবিযোগাত্ .
৭৪.১ চিত্তেন ভাবযতি দূরগতা অপি যং স্ত্রী
৭৪.১ গর্ভং বিভর্তি সদৃশং পুরুষস্য তস্য .. ..
৭৪.২ ভংক্ত্বা কাণ্ডং পাদপস্যৌপ্তমুর্ব্যাং
৭৪.২ বীজং বাস্যাং নান্যতামেতি যদ্বত্ .
৭৪.২ এবং হ্যাত্মা জাযতে স্ত্রীষু ভূযঃ
৭৪.২ কশ্চিত্ তস্মিন্ ক্ষেত্রযোগাদ্ বিশেষঃ .. ..
৭৪.৩ আত্মা সহৈতি মনসা মন ইন্দ্রিযেণ
৭৪.৩ স্বার্থেন চেন্দ্রিযমিতি ক্রম এষ শীঘ্রঃ .
৭৪.৩ যোগোঽযমেব মনসঃ কিমগম্যমস্তি
৭৪.৩ যস্মিন্ মনো ব্রজতি তত্র গতোঽযমাত্মা .. ..
৭৪.৪ আত্মাযমাত্মনি গতো হৃদযেঽতিসূক্ষ্মো
৭৪.৪ গ্রাহ্যোঽচলেন মনসা সততাভিযোগাত্ .
৭৪.৪ যো যং বিচিন্তযতি যাতি স তন্মযত্বং
৭৪.৪ যস্মাদতঃ সুভগমেব গতা যুবত্যঃ .. ..
৭৪.৫ দাক্ষিণ্যমেকং সুভগত্বহেতুঃ বিদ্বেষণং তদ্বিপরীতচেষ্টা .
৭৪.৫ মন্ত্রৌষধাদ্যৈঃ কুহকপ্রযোগৈঃ ভবন্তি দোষা বহবো ন শর্ম .. ..
৭৪.৬ বাল্লভ্যমাযাতি বিহায মানং দৌর্ভাগ্যমাপাদযতেঽভিমানঃ .
৭৪.৬ কৃচ্ছ্রেণ সংসাধযতেঽভিমানী কার্যাণি অযত্নেন বদন্ প্রিযাণি .. ..
৭৪.৭ তেজো ন তদ্ যত্ প্রিযসাহসত্বং বাক্যং ন চানিষ্টমসত্প্রণীতম্ .
৭৪.৭ কার্যস্য গত্বান্তমনুদ্ধতা যে তেজস্বিনঃ তে ন বিকত্থনা যে .. ..
৭৪.৮ যঃ সার্বজন্যং সুভগত্বমিচ্ছেদ্ গুণান্ স সর্বস্য বদেত্ পরোক্ষং ( পরোক্ষে) .
৭৪.৮ প্রাপ্নোতি দোষান্ অসতোঽপি অনেকান্ পরস্য যো দোষকথাং করোতি .. ..
৭৪.৯ সর্বৌপকারানুগতস্য লোকঃ সর্বৌপকারানুগতো নরস্য .
৭৪.৯ কৃত্বা উপকারং দ্বিষতাং বিপত্সুযা কীর্তিঃ অল্প্নেন ন সা শুভেন .. ..
৭৪.১০ তৃণৈঃ ইবাগ্নিঃ সুতরাং বিবৃদ্ধিমাছাদ্যমানোঽপি গুণোঽভ্যুপৈতি .
৭৪.১০ স কেবলং দুর্জনভাবমেতি হন্তুং গুণান্ বাংছতি যঃ পরস্য .. ..

অধ্যায ৭৫ কান্দর্কিকাধ্যাযঃ

৭৫.১ রক্তেঽধিকে স্ত্রী পুরুষঃ তু শুক্রে নপুংসকং শোণিতশুক্রসাম্যে .
৭৫.১ যস্মাদতঃ শুক্রবিবৃদ্ধিদানি নিষেবিতব্যানি রসাযনানি .. ..
৭৫.২ হর্ম্যপৃষ্ঠমুডুনাথরশ্মযঃ সৌত্পলং মধু মদালসা প্রিযা .
৭৫.২ বল্লকী স্মরকথা রহঃ স্রজো বর্গ এষ মদনস্য বাগুরা .. ..
৭৫.৩ মাক্ষীকধাতুমধুপারদলোহচূর্ণ-
৭৫.৩ পথ্যাশিল্জতুঘৃতানি সমানি ( জতুবিডগ্গঘৃতানি) যোঽদ্যাত্ .
৭৫.৩ সৈকানি বিংশতিঃ অহানি জরান্বিতোঽপি
৭৫.৩ সোঽশীতিকোঽপি রমযত্যব্বলাং যুবা ইব .. ..
৭৫.৪ ক্ষীরং শৃতং যঃ কপিকচ্ছুমূলৈঃ
৭৫.৪ পিবেত্ ক্ষযং স্ত্রীষু ন সোঽভ্যুপৈতি .
৭৫.৪ মাষান্ পযঃসর্পিষি বা বিপক্বান্
৭৫.৪ ষড্গ্রাসমাত্রাংশ্চ পযোঽনুপানং ( অনুপানান্) .. ..
৭৫.৫ বিদারিকাযাঃ স্বরসেন চূর্ণং মুহুর্মুহুঃ ভাবিতশোষিতং চ .
৭৫.৫ শৃতেন দুগ্ধেন সশর্করেণ পিবেত্ স যস্য প্রমদাঃ প্রভূতাঃ .. ..
৭৫.৬ ধাত্রীফলানাং স্বরসেন চূর্ণং
৭৫.৬ সুভাবিতং ক্ষৌদ্রসিতাজ্যযুক্তম্ .
৭৫.৬ লীঢ্বানু পীত্বা চ পযোঽগ্নিশক্ত্যা
৭৫.৬ কামং নিকামং পুরুষো নিষেবেত্ .. ..
৭৫.৭ ক্ষীরেণ বস্তাণ্ডযুজা শৃতেন
৭৫.৭ সংপ্লাব্য কামী বহুশস্তিলান্ যঃ .
৭৫.৭ সুশোষিতান্ অত্তি পযঃ পিবেচ্ ( পিবেত্ পযঃ) চ
৭৫.৭ তস্যাগ্রতঃ কিং চটকঃ করোতি .. ..
৭৫.৮ মাষসূপসহিতেন সর্পিষা ষষ্টিকৌদনমদন্তি যে নরাঃ .
৭৫.৮ ক্ষীরমপি অনু পিবন্তি তাসু তে শর্বরীষু মদনেন ( মদনে ন) শেরতে .. ..
৭৫.৯ তিলাশ্বগন্ধাকপিচ্ছুমূলৈঃ
৭৫.৯ বিদারিকাষষ্টিকপিষ্টযোগঃ .
৭৫.৯ আজেন পিষ্টঃ পযসা ঘৃতেন
৭৫.৯ পক্বং ( পক্ত্বা) ভবেত্শুষ্কলিকাতিবৃষ্যা .. ..
৭৫.১০ ক্ষীরেণ বা গোক্ষুরকৌপযোগং
৭৫.১০ বিদারিকাকন্দকভক্ষণং বা .
৭৫.১০ কুর্বন্ ন সীদেদ্ যদি জীর্যতেঽস্য
৭৫.১০ মন্দাগ্নিতা চেদিদমত্র চূর্ণম্ .. ..
৭৫.১১ সাজমোদলবণা হরীতকী শৃংগবেরসহিতা চ পিপ্পলী .
৭৫.১১ মদ্যতক্রতরলোষ্ণবারিভিশ্চূর্ণপানমুদরাগ্নিদীপনম্ .. ..
৭৫.১২ অত্যম্লতিক্তলবণানি কটূনি বাঽত্তি
৭৫.১২ যঃ ক্ষারশাকবহুলানি ( ক্ষারশাকবহুলানি) চ ভোজনানি .
৭৫.১২ দৃক্ষুক্রবীর্যরহিতঃ স করোত্যনেকান্
৭৫.১২ ব্যাজান্ জরন্ন্ ইব যুবাঽপি অবলামবাপ্য .. ..

অধ্যায ৭৬ গন্ধযুক্ত্যঃ

৭৬.১ স্রগ্গন্ধধূপাংবরভূষণাদ্যং ন শোভতে শুক্লশিরোরুহস্য .
৭৬.১ যস্মাদতো মূর্ধজরাগসেবাং কুর্যাদ্ যথৈবাঞ্জনভূষণানাম্ .. ..
৭৬.২ লৌহে পাত্রে তণ্ডুলান্ কোদ্রবাণাং
৭৬.২ শুক্লে পক্বাংল্লোহচূর্ণেন সাকম্ .
৭৬.২ পিষ্টান্ সূক্ষ্মং মূর্ধ্নি শুক্লাম্লকেশে
৭৬.২ দত্বা ( দত্ত্বা) তিষ্ঠেদ্ বেষ্টযিত্বা অর্দ্র ( অর্ক) পত্রৈঃ .. ..
৭৬.৩ যাতে দ্বিতীযে প্রহরে বিহায
৭৬.৩ দদ্যাত্শিরস্যামলকপ্রলেপম্ .
৭৬.৩ সংছাদ্য পত্রৈঃ প্রহরদ্বযেন
৭৬.৩ প্রক্ষালিতং কার্ষ্ণ্যমুপৈতি শীর্ষম্ .. ..
৭৬.৪ পশ্চাত্শিরঃ স্নানসুগন্ধতৈলৈঃ
৭৬.৪ লোহাম্লগন্ধং শিরসোঽপনীয .
৭৬.৪ হৃদযৈশ্চ গন্ধৈঃ বিবিধৈশ্চ ধূপৈঃ
৭৬.৪ অন্তঃপুরে রাজ্যসুখং নিষেবেত্ .. ..
৭৬.৫ ত্বক্কুষ্ঠরেণুনলিকাস্পৃক্কারসতগরবালকৈঃ তুল্যৈঃ .
৭৬.৫ কেসরপত্রবিমিশ্রৈঃ নরপতিযোগ্যং শিরঃস্নানম্ .. ..
৭৬.৬ মঞ্জিষ্ঠযা ব্যাঘ্রনখেন শুক্ত্যা ত্বচা সকুষ্ঠেন রসেন চূর্ণঃ .
৭৬.৬ তৈলেন যুক্তোঽর্কমযূখতপ্তঃ করোতি তচ্চংপকগন্ধি তৈলম্ .. ..
৭৬.৭ তুল্যৈঃ পত্রতুরুষ্কবালতগরৈঃ গন্ধঃ স্মরোদ্দীপনঃ
৭৬.৭ সব্যামো বকুলোঽযমেব কটুকাহিংগুপ্রধূপান্বিতঃ .
৭৬.৭ কুষ্ঠেনৌত্পলগন্ধিকঃ সমলযঃ পূর্বো ভবেগংপকো
৭৬.৭ জাতীত্বক্সহিতোঽতিমুক্তক ইতি জ্ঞেযঃ সকুস্তুংবুরুঃ .. ..
৭৬.৮ শতপুষ্পাকুন্দুরুকৌ পাদেনার্ধেন নখতুষ্কৌ চ .
৭৬.৮ মলযপ্রিযংগুভাগৌ গন্ধো ধূপ্যো গুডনখেন .. ..
৭৬.৯ গুগ্গুলুবালক ( বালক) লাক্ষামুস্তানখশর্করাঃ ক্রমাদ্ ধূপঃ .
৭৬.৯ অন্যো মাংসীবালক ( বালক) তুষ্কনখচন্দনৈঃ পিণ্ডঃ .. ..
৭৬.১০ হরীতকীশংখঘনদ্রবাংবুভিঃ
৭৬.১০ গুডোত্পলৈঃ শৈলকমুস্তকান্বিতৈঃ .
৭৬.১০ নবান্তপাদাদিবিবর্ধিতৈঃ ক্রমাদ্
৭৬.১০ ভবন্তি ধূপা বহবো মনোহরাঃ .. ..
৭৬.১১ ভাগৈশ্চতুর্ভিঃ সিতশৈলমুস্তাঃ
৭৬.১১ শ্রীসর্জভাগৌ নখগুগ্গুলূ চ .
৭৬.১১ কর্পূরবোধো মধুপিণ্ডিতোঽযং
৭৬.১১ কোপচ্ছদো নাম নরেন্দ্রধূপঃ .. ..
৭৬.১২ ত্বগুশীরপত্রভাগৈঃ সূক্ষ্মৈলার্ধেন সংযুতৈশ্চূর্ণঃ .
৭৬.১২ পুটবাসঃ প্রবরোঽযং মৃগকর্পূরপ্রবোধেন .. ..
৭৬.১৩ ঘনবালকশৈলেযককর্পূরৌশীরনাগপুষ্পাণি .
৭৬.১৩ ব্যাঘ্রনখস্পৃক্কাগুরুদমনক ( মদনক) নখতগরধান্যানি .. ..
৭৬.১৪ কর্পূরচোল ( চোর) মলযৈঃ স্বেচ্ছাপরিবর্তিতৈশ্চতুর্ভিঃ অতঃ .
৭৬.১৪ একদ্বিত্রিচতুর্ভিঃ ভাগৈঃ গন্ধার্ণবো ভবতি .. ..
৭৬.১৫ অত্যুল্বণগন্ধত্বাদেকাংশো নিত্যমেব ধান্যানাম্ .
৭৬.১৫ কর্পূরস্য তদূনো নৈতৌ দ্বিত্রিআদিভিঃ দেযৌ .. ..
৭৬.১৬ শ্রীসর্জগুডনখৈঃ তে ধূপযিতব্যাঃ ক্রমান্ ন পিণ্ডস্থৈঃ .
৭৬.১৬ বোধঃ কস্তূরিকযা দেযঃ কর্পূরসংযুতযা .. ..
৭৬.১৭ অত্র সহস্রচতুষ্টযমন্যানি চ সপ্ততিসহস্রাণি .
৭৬.১৭ লক্ষং শতানি সপ্ত বিংশতিযুক্তানি গন্ধানাম্ .. ..
৭৬.১৮ একৈকমেকভাগং দ্বিত্রিচতুর্ভাগিকৈঃ যুতং দ্রব্যৈঃ .
৭৬.১৮ ষড্গন্ধকরং তদ্বদ্ দ্বিত্রিচতুর্ভাগিকং কুরুতে .. ..
৭৬.১৯ দ্রব্যচতুষ্টযযোগাদ্ গন্ধচতুর্বিংশতিঃ যথৈকস্য .
৭৬.১৯ এবং শেষাণামপি ষণ্ণবতিঃ সর্বপিণ্ডোঽত্র .. ..
৭৬.২০ ষোডশকে দ্রব্যগণে চতুর্বিকল্পেন ভিদ্যমানানাম্ .
৭৬.২০ অষ্টাদশ জাযন্তে শতানি সহিতানি বিংশত্যা .. ..
৭৬.২১ ষণ্ণবতিভেদভিন্নশ্চতুর্বিকল্পো গণো যতঃ তস্মাত্ .
৭৬.২১ ষণ্ণনবতিগুণঃ কার্যঃ সা সংখ্যা ভবতি গন্ধানাম্ .. ..
৭৬.২২ পূর্বেণ পূর্বেণ গতেন যুক্তং
৭৬.২২ স্থানং বিনান্ত্যং প্রবদন্তি সংখ্যাম্ .
৭৬.২২ ইচ্ছাবিকল্পৈঃ ক্রমশোঽভিনীয
৭৬.২২ নীতে নিবৃত্তিঃ পুনঃ অন্যনীতিঃ .. ..
৭৬.২৩ দ্বিত্রীন্দ্রিযাষ্টভাগৈঃ অগুরুঃ পত্রং তুরুষ্কশৈলেযৌ
৭৬.২৩ বিষযাষ্টপক্ষদহনাঃ প্রিযংগুমুস্তারসাঃ কেশঃ .. ..
৭৬.২৪ স্পৃক্কাত্বক্তগরাণাং মাংস্যাশ্চ কৃতৈকসপ্তষড্ভাগাঃ .
৭৬.২৪ সপ্তঋতুবেদচন্দ্রৈঃ মলযনখশ্রীককুন্দুরুকাঃ .. ..
৭৬.২৫ ষোডশকে কচ্ছপুটে যথা তথা মিশ্রিতে চতুর্দ্রব্যে ( মিশ্রিতৈশ্চতুর্দ্রব্যৈঃ) .
৭৬.২৫ যেঽত্রাষ্টাদশ ভাগাঃ তেঽস্মিন্ গন্ধাদযো যোগাঃ .. ..
৭৬.২৬ নখতগরতুরুষ্কযুতা জাতীকর্পূরমৃগকৃতৌদ্বোধাঃ .
৭৬.২৬ গুডনখধূপ্যা গন্ধাঃ কর্তব্যাঃ সর্বতোভদ্রাঃ .. ..
৭৬.২৭ জাতীফলমৃগকর্পূরবোধিতৈঃ সসহকারমধুসিক্তৈঃ .
৭৬.২৭ বহবোঽত্র পারিজাতাশ্চতুর্ভিঃ ইচ্ছাপরিগৃহীতৈঃ .. ..
৭৬.২৮ সর্জরসশ্রীবাসকসমন্বিতা যেঽত্র সর্বধূপাঃ ( সর্বযোগাঃ) তৈঃ .
৭৬.২৮ শ্রীসর্জরসবিযুক্তৈঃ স্নানানি সবালক ( সবালক) ত্বগ্ভিঃ .. ..
৭৬.২৯ রোধ্রৌশীরনতাগুরুমুস্তাপত্র ( মুস্তা) প্রিযংগুবনপথ্যাঃ .
৭৬.২৯ নবকোষ্ঠাত্ কচ্ছপুটাদ্ দ্রব্যত্রিতযং সমুদ্ধৃত্য .. ..
৭৬.৩০ চন্দনতুরুষ্কভাগৌ শুক্ত্যর্ধং পাদিকা তু শতপুষ্পা .
৭৬.৩০ কটুহিংগুলগুডধূপ্যাঃ কেসরগন্ধাশ্চতুরশীতিঃ .. ..
৭৬.৩১ সপ্তাহং গোমূত্রে হরীতকীচূর্ণসংযুতে ক্ষিপ্ত্বা .
৭৬.৩১ গন্ধোদকে চ ভূযো বিনিক্ষিপেদ্ দন্তকাষ্ঠানি .. ..
৭৬.৩২ এলাত্বক্পত্রাঞ্জনমধুমরিচৈঃ নাগপুষ্পকুষ্ঠৈশ্চ .
৭৬.৩২ গন্ধাংভঃ কর্তব্যং কিংচিত্ কালং স্থিতানি অস্মিন্ .. ..
৭৬.৩৩ জাতীফলপত্রৈলাকর্পূরৈঃ কৃতযমএকশিখিভাগৈঃ .
৭৬.৩৩ অবচূর্নিতানি ভানোঃ মরীচিভিঃ শোষণীযানি .. ..
৭৬.৩৪ বর্ণপ্রসাদং বদনস্য কান্তিং
৭৬.৩৪ বৈশদ্যমাস্যস্য সুগন্ধিতাং চ .
৭৬.৩৪ সংসেবিতুঃ শ্রোত্রসুখাং চ বাচং
৭৬.৩৪ কুর্বন্তি কাষ্ঠানি অসকৃদ্ভবানাম্ .. ..
৭৬.৩৫ কামং প্রদীপযতি রূপমভিব্যনক্তি
৭৬.৩৫ সৌভাগ্যমাবহতি বক্ত্রসুগন্ধিতাং চ .
৭৬.৩৫ ঊর্জং করোতি কফজাংশ্চ নিহন্তি রোগাং
৭৬.৩৫ তাংবূলমেবমপরাংশ্চ গুণান্ করোতি .. ..
৭৬.৩৬ যুক্তেন চূর্ণেন করোতি রাগং
৭৬.৩৬ রাগক্ষযং পূগফলাতিরিক্তম্ .
৭৬.৩৬ চূর্ণাধিকং বক্ত্রবিগন্ধকারি
৭৬.৩৬ পত্রাধিকং সাধু করোতি গন্ধম্ .. ..
৭৬.৩৭ পত্রাধিকং নিশি হিতংসফলং দিবা চ
৭৬.৩৭ প্রোক্তানি অথাকরণমস্য বিডংবনৈব
৭৬.৩৭ কক্কোলপূগলবলীফলপারিজাতৈঃ
৭৬.৩৭ আমোদিতং মদমুদা মুদিতং করোতি .. ..

অধ্যায ৭৭ স্ত্রীপুংসসমাযোগাধ্যাযঃ

৭৭.১ শস্ত্রেন বেণীবিনিগূহিতেন বিদূরথং স্বা মহিষী জঘান .
৭৭.১ বিষপ্রদিগ্ধেন চ নূপুরেণ দেবী বিরক্তা কিল কাশিরাজম্ .. ..
৭৭.২ এবং বিরক্তা জনযন্তি দোষান্
৭৭.২ প্রাণচ্ছিদোঽন্যৈঃ অনুকীর্তিতৈঃ কিম্ .
৭৭.২ রক্তাবিরক্তাঃ পুরুষৈঃ অতোঽর্থাত্
৭৭.২ পরীক্ষিতব্যাঃ প্রমদাঃ প্রযত্নাত্ .. ..
৭৭.৩ স্নেহং মনোভবকৃতং কথযন্তি ভাবা
৭৭.৩ নাভীভুজস্তনবিভূষণদর্শনানি .
৭৭.৩ বস্ত্রাভিসংযমনকেশবিমোক্ষণানি
৭৭.৩ ভ্রূক্ষেপকংপিতকটাক্ষনিরীক্ষণানি .. ..
৭৭.৪ উচ্চৈঃ ষ্ঠীবনমুত্কটপ্রহসিতং শয্যাসনোত্সর্পণং
৭৭.৪ গাত্রাস্ফোটনজৃংভণানি সুলভদ্রব্যাল্পসংপ্রার্থনা .
৭৭.৪ বালালিংগনচুংবনানি অভিমুখে সখ্যাঃ সমালোকনং
৭৭.৪ দৃক্পাতশ্চ পরান্মুখে গুণকথা কর্ণস্য কণ্ডূযনম্ .. ..
৭৭.৫ ইমাং চ বিন্দ্যাদনুরক্তচেষ্টাং
৭৭.৫ প্রিযাণি বক্তি স্বধনং দদাতি .
৭৭.৫ বিলোক্য সংহৃষ্যতি বীতরোষা
৭৭.৫ প্রমার্ষ্টি দোষান্ গুণকীর্তনেন .. ..
৭৭.৬ তন্মিত্রপূজা তদরিদ্বিষত্বং
৭৭.৬ কৃতস্মৃতিঃ প্রোষিতদৌর্মনস্যম্ .
৭৭.৬ স্তনৌষ্ঠদানানি উপগূহনং চ .
৭৭.৬ স্বেদোঽথ চুংবাপ্রথমাভিযোগঃ .. ..
৭৭.৭ বিরক্তচেষ্টা ভ্রুকুটী ( ভৃকুটী) মুখত্বং
৭৭.৭ পরান্মুখত্বং কৃতবিস্মৃতিশ্চ .
৭৭.৭ অসংভ্রমো দুষ্পরিতোষতা চ
৭৭.৭ তদ্দ্বিষ্টমৈত্রী পরুষং চ বাক্যম্ .. ..
৭৭.৮ স্পৃষ্ট্বা অথবালোক্য ধুনোতি গাত্রং
৭৭.৮ করোতি গর্বং ন রুণদ্ধি যান্তম্ .
৭৭.৮ চুংবাবিরামে বদনং প্রমার্ষ্টি
৭৭.৮ পশ্চাত্ সমুত্তিষ্ঠতি পূর্বসুপ্তা .. ..
৭৭.৯ ভিক্ষুণিকা প্রব্রজিতা দাসী ধাত্রী কুমারিকা রজিকা .
৭৭.৯ মালাকারী দুষ্টাংগনা সখী নাপিতী দূত্যঃ .. ..
৭৭.১০ কুলজনবিনাশহেতুঃ দূত্যো যস্মাদতঃ প্রযত্নেন .
৭৭.১০ তাভ্যঃ স্ত্রিযোঽভিরক্ষ্যা বংশযশোমানবৃদ্ধ্যর্থম্ .. ..
৭৭.১১ রাত্রীবিহারজাগররোগব্যপদেশপরগৃহেক্ষণিকাঃ .
৭৭.১১ ব্যসনৌত্সবাশ্চ সংকেতহেতবঃ তেষু রক্ষ্যাশ্চ .. ..
৭৭.১২ আদৌ নৈচ্ছতি নৌজ্ঝতি স্মরকথাং ব্রীডাবিমিশ্রালসা
৭৭.১২ মধ্যে হ্রীপরিবর্জিতাভ্যুপরমে লজ্জাবিনম্রাননা .
৭৭.১২ ভাবৈঃ নৈকবিধৈঃ করোত্যভিনযং ভূযশ্চ যা সাদরা
৭৭.১২ বুদ্ধ্বা পুংপ্রকৃতিং চ যানুচরতি গ্লানেতরৈশ্চেষ্টিতৈঃ .. ..
৭৭.১৩ স্ত্রীণাং গুণা যৌবনরূপবেষ-
৭৭.১৩ দাক্ষিণ্যবিজ্ঞানবিলাসপূর্বাঃ .
৭৭.১৩ স্ত্রী রত্নসংজ্ঞা চ গুণান্বিতাসু
৭৭.১৩ স্ত্রীব্যাধযোঽন্যাশ্চতুরস্য পুংসঃ .. ..
৭৭.১৪ ন গ্রাম্যবর্ণৈঃ মলদিগ্ধকাযা
৭৭.১৪ নিন্দ্যাংগসংবন্ধিকথাং চ কুর্যাত্ .
৭৭.১৪ ন চান্যকার্যস্মরণং রহঃস্থা
৭৭.১৪ মনো হি মূলং হরদগ্ধমূর্তেঃ .. ..
৭৭.১৫ শ্বাসং মনুষ্যেণ সমং ত্যজন্তী বাহূপধানস্তনদানদক্ষা .
৭৭.১৫ সুগন্ধকেশা সুসমীপরাগা সুপ্তেঽনুসুপ্তা প্রথমং বিবুদ্ধা .. ..
৭৭.১৬ দুষ্টস্বভাবাঃ পরিবর্জনীযা বিমর্দকালেষু চ ন ক্ষমা যাঃ .
৭৭.১৬ যাসামসৃগ্বাসিতনীলপীতমাতাম্রবর্ণং চ ন তাঃ প্রশস্তাঃ .. ..
৭৭.১৭ যা স্বপ্নশীলা বহুরক্তপিত্তা প্রবাহিনী বাতকফাতিরক্তা ( অতিরিক্তা) .
৭৭.১৭ মহাশনা স্বেদযুতাংগদুষ্ঠা যা হ্রস্বকেশী পলিতান্বিতা বা ( চ) .. ..
৭৭.১৮ মাংসানি যস্যাশ্চ চলন্তি নার্যা
৭৭.১৮ মহোদরা খিক্খিমিনী চ যা স্যাত্ .. ..
৭৭.১৮ স্ত্রীলক্ষণে যাঃ কথিতাশ্চ পাপাঃ
৭৭.১৮ তাভিঃ ন কুর্যাত্ সহ কামধর্মম্ .. ..
৭৭.১৯ শশশোণিতসংকাশং লাক্ষারসসন্নিকাশমথবা যত্ .
৭৭.১৯ প্রক্ষালিতং বিরজ্যতি যগাসৃক্ তদ্ভবেত্শুদ্ধম্ .. ..
৭৭.২০ যচ্ছব্দবেদনাবর্জিতং ত্র্যহাত্ সন্নিবর্ততে রক্তম্ .
৭৭.২০ তত্পুরুষসংপ্রযোগাদবিচারং গর্ভতাং যাতি .. ..
৭৭.২১ ন দিনত্রযং নিষেব্যং ( নিষেবেত্) স্নানং মাল্যানুলেপনং স্ত্রীভিঃ ( চ স্ত্রী) .
৭৭.২১ স্নাযাগতুর্থদিবসে শাস্ত্রৌক্তেনৌপদেশেন .. ..
৭৭.২২ পুষ্যস্নানৌষধযো যাঃ কথিতাঃ তাভিঃ অংবুমিশ্রাভিঃ .
৭৭.২২ স্নাযাত্ তথাত্র মন্ত্রঃ স এব যঃ তত্র নির্দিষ্টঃ .. ..
৭৭.২৩ যুগ্মাসু কিল মনুষ্যা নিশাসু নার্যো ভবন্তি বিষমাসু .
৭৭.২৩ দীর্ঘাযুষঃ সুরূপাঃ সুখিনশ্চ বিকৃষ্টযুগ্মাসু .. ..
৭৭.২৪ দক্ষিণপার্শ্বে পুরুষো বামে নারী যমাবুভযসংস্থৌ .. ..
৭৭.২৪ যদুদরমধ্যৌপগতং নপুংসকং তন্নিবোদ্ধব্যম্ .. ..
৭৭.২৫ কেন্দ্রত্রিকোণেষু শুভস্থিতেষু
৭৭.২৫ লগ্নে শশাংকে চ শুভৈঃ সমেতে .
৭৭.২৫ পাপৈঃ ত্রিলাভারিগতৈশ্চ যাযাত্
৭৭.২৫ পুংজন্মযোগেষু চ সংপ্রযোগম্ .. ..
৭৭.২৬ ন নখদশনবিক্ষতানি কুর্যাদ্
৭৭.২৬ ঋতুসমযে পুরুষঃ স্ত্রিযাঃ কথংচিত্ .
৭৭.২৬ ঋতুঃ অপি দশ ষট্ চ বাসরাণি
৭৭.২৬ প্রথমনিশাত্রিতযং ন তত্র গম্যম্ .. ..

অধ্যায ৭৮ শয্যাসনলক্ষণাধ্যাযঃ

৭৮.১ সর্বস্য সর্বকালং যস্মাদুপযোগমেতি শাস্ত্রমিদম্ .
৭৮.১ রাজ্ঞাং বিশেষতোঽতঃ শযনাসনলক্ষণং বক্ষ্যে .. ..
৭৮.২ অসনস্পন্দনচন্দনহরিদ্রসুরদারুতিন্দুকীশালাঃ .
৭৮.২ কাশ্মর্যঞ্জনপদ্মকশাকা বা শিংশপা চ শুভাঃ .. ..
৭৮.৩ অশনিজলানিলহস্তিপ্রপাতিতা মধুবিহংগকৃতনিলযাঃ .
৭৮.৩ চৈত্যশ্মশানপথিজ ঊর্ধ্বশুষ্কবল্লীনিবদ্ধাশ্চ .. ..
৭৮.৪ কণ্টকিনো যে চ ( বা যে) স্যুঃ মহানদীসংগমৌদ্ভবা যে চ .
৭৮.৪ সুরভবনজাশ্চ ন শুভা যে চাপরযাম্যদিক্পতিতাঃ .. ..
৭৮.৫ প্রতিষিদ্ধবৃক্ষনির্মিতশযনাসনসেবনাত্ কুলবিনাশঃ .
৭৮.৫ ব্যাধিভযব্যযকলহা ভবন্ত্যনর্থা ( অনর্থাশ্চ) অনেকবিধাঃ .. ..
৭৮.৬ পূর্বচ্ছিন্নং যদি বা দারু ভবেত্ তত্পরীক্ষ্যমারংভে .
৭৮.৬ যদ্যারোহেত্ তস্মিন্ কুমারকঃ পুত্রপশুদং তত্ .. ..
৭৮.৭ সিতকুসুমমত্তবারণদধ্যক্ষতপূর্ণকুংভরত্নানি .
৭৮.৭ মংগল্যানি অন্যানি চ দৃষ্ট্বারংভে শুভং জ্ঞেযম্ .. ..
৭৮.৮ কর্মাংগুলং যবাষ্টকমুদরাসক্তং তুষৈঃ পরিত্যক্তম্ .
৭৮.৮ অংগুলশতং নৃপাণাং মহতী শয্যা জযায কৃতা .. ..
৭৮.৯ নবতিঃ সৈব ষডূনা দ্বাদশহীনা ত্রিষট্কহীনা চ .
৭৮.৯ নৃপপুত্রমন্ত্রিবলপতিপুরোধসাং স্যুঃ যথাসংখ্যম্ .. ..
৭৮.১০ অর্ধমতোঽষ্টাংশোনং বিষ্কংভো বিশ্বকর্মণা প্রোক্তঃ .
৭৮.১০ আযামত্র্যংশসমঃ পাদৌচ্ছ্রাযঃ সকুক্ষ্য ( সকুক্ষি) শিরাঃ .. ..
৭৮.১১ যঃ সর্বঃ শ্রীপর্ণ্যা পর্যংকো নির্মিতঃ স ধনদাতা .
৭৮.১১ অসনকৃতো রোগহরঃ তিন্দুকসারেণ বিত্তকরঃ .. ..
৭৮.১২ যঃ কেবলশিংশপযা বিনির্মিতো বহুবিধং স বৃদ্ধিকরঃ .
৭৮.১২ চন্দনমযো রিপুঘ্নো ধর্মযশোদীর্ঘজীবিতকৃত্ .. ..
৭৮.১৩ যঃ পদ্মকপর্যংকঃ স দীর্ঘমাযুঃ শ্রিযং শ্রুতং বিত্তম্ .
৭৮.১৩ কুরুতে শালেন কৃতঃ কল্যাণং শাকরচিতশ্চ .. ..
৭৮.১৪ কেবলচন্দনরচিতং কাংচনগুপ্তং বিচিত্ররত্নযুতম্ .
৭৮.১৪ অধ্যাসন্ পর্যংকং বিবুধৈঃ অপি পূজ্যতে নৃপতিঃ .. ..
৭৮.১৫ অন্যেন সমাযুক্তা ন তিন্দুকী শিংশপা চ শুভফলদা .
৭৮.১৫ ন শ্রীপর্ণেন ( শ্রীপর্ণী ন) চ দেবদারুবৃক্ষো ন চাপ্যসনঃ .. ..
৭৮.১৬ শুভদৌ তু শালশাকৌ ( শাকশালৌ) পরস্পরং সংযুতৌ পৃথক্ চৈব .
৭৮.১৬ তদ্বত্ পৃথক্ প্রশস্তৌ সহিতৌ চ হরিদ্রককদংবৌ .. ..
৭৮.১৭ সর্বঃ স্পন্দনরচিতো ন শুভঃ প্রাণান্ হিনস্তি চাংবকৃতঃ .
৭৮.১৭ অসনোঽন্যদারুসহিতঃ ক্ষিপ্রং দোষান্ করোতি বহূন্ .. ..
৭৮.১৮ অংবস্পন্দনচন্দনবৃক্ষাণাং স্পন্দনাত্শুভাঃ পাদাঃ .
৭৮.১৮ ফলতরুণা শযনাসনমিষ্টফলং ভবতি সর্বেণ .. ..
৭৮.১৯ গজদন্তঃ সর্বেষাং প্রোক্ততরূণাং প্রশস্যতে যোগে .
৭৮.১৯ কার্যোঽলংকারবিধিঃ গজদন্তেন প্রশস্তেন .. ..
৭৮.২০ দন্তস্য মূলপরিধিং দ্বিরাযতং প্রোহ্য কল্পযেত্শেষম্ .
৭৮.২০ অধিকমনূপচরাণাং ন্যূনং গিরিচারিণাং কিংচিত্ .. ..
৭৮.২১ শ্রীবৃক্ষ ( বত্স) বর্ধমানচ্ছত্রধ্বজচামরানুরূপেষু .
৭৮.২১ ছেদে দৃষ্টেষ্বারোগ্য ( অরোগ্য) বিজযধনবৃদ্ধিসৌখ্যানি .. ..
৭৮.২২ প্রহরণসদৃশেষু জযো নন্দ্যাবর্তে প্রনষ্টদেশাপ্তিঃ .
৭৮.২২ লোষ্ঠে তু লব্ধপূর্বস্য ভবতি দেশস্য সংপ্রাপ্তিঃ .. ..
৭৮.২৩ স্ত্রীরূপে ধননাশো ( স্ববিনাশো) ভৃংগারেঽভ্যুত্থিতে সুতৌত্পত্তিঃ .
৭৮.২৩ কুংভেন নিধিপ্রাপ্তিঃ যাত্রাবিঘ্নং চ দণ্ডেন .. ..
৭৮.২৪ কৃকলাসকপিভুজংগেষ্বসুভিক্ষব্যাধযো রিপুবশিত্বং ( বশত্বং) .
৭৮.২৪ গৃধ্রৌলূকধ্বাংক্ষশ্যেনাকারেষু জনমরকঃ .. ..
৭৮.২৫ পাশেঽথবা কবন্ধে নৃপমৃত্যুঃ জনবিপত্ স্রুতে রক্তে .
৭৮.২৫ কৃষ্ণে শ্যাবে রূক্ষে দুর্গন্ধে চাশুভং ভবতি .. ..
৭৮.২৬ শুক্লঃ সমঃ সুগন্ধিঃ স্নিগ্ধশ্চ শুভাবহো ভবেঘেদঃ .
৭৮.২৬ অশুভশুভচ্ছেদা যে শযনেষ্বপি তে তথা ফলদাঃ .. ..
৭৮.২৭ ঈষাযোগে দারু প্রদক্ষিণাগ্রং প্রশস্তমাচার্যৈঃ .
৭৮.২৭ অপসব্যৈকদিগগ্রে ভবতি ভযং ভূতসঞ্জনিতম্ .. ..
৭৮.২৮ একেনাবাক্ষিরসা ( একেনাবাক্চ্ছিরসা) ভবতি হি পাদেন পাদবৈকল্যম্ .
৭৮.২৮ দ্বাভ্যাং ন জীর্যতেঽন্নং ত্রিচতুর্ভিঃ ক্লেশবধবন্ধাঃ .. ..
৭৮.২৯ সুষিরেঽথবা বিবর্ণে গ্রন্থৌ পাদস্য শীর্ষগে ব্যাধিঃ .
৭৮.২৯ পাদে কুংভো যশ্চ গ্রন্থৌ তস্মিন্ন্ উদররোগঃ .. ..
৭৮.৩০ কুংভাধস্তাজ্জংঘা তত্র কৃতো জংঘযোঃ করোতি ভযম্ .
৭৮.৩০ তস্যাশ্চাধরোঽধঃ ক্ষযকৃদ্ দ্রব্যস্য তত্র কৃতঃ .. ..
৭৮.৩১ খুরদেশে যো গ্রন্থিঃ খুরিণাং পীডাকরঃ স নির্দিষ্টঃ .
৭৮.৩১ ঈষাশীর্ষণ্যোশ্চ ত্রিভাগসংস্থো ভবেন্ ন শুভঃ .. ..
৭৮.৩২ নিষ্কুটমথ কোলাক্ষং সূকরনযনং চ বত্সনাভং চ .
৭৮.৩২ কালকমন্যদ্ ধুন্ধুকমিতি কথিতশ্ছিদ্রসংক্ষেপঃ .. ..
৭৮.৩৩ ঘটবত্ সুশিরং মধ্যে সংকটমাস্যে চ নিষ্কুটং ছিদ্রম্ .
৭৮.৩৩ নিষ্পাবমাষমাত্রং নীলং ছিদ্রং চ কোলাক্ষম্ .. ..
৭৮.৩৪ সূকরনযনং বিষমং বিবর্ণমধ্যর্ধপর্বদীর্ঘম্ চ .
৭৮.৩৪ বামাবর্তং ভিন্নং পর্বমিতং বত্সনাভাখ্যম্ .. ..
৭৮.৩৫ কালকসংজ্ঞং কৃষ্ণং ধুন্ধুকমিতি যদ্ ভবেদ্ বিনির্ভিন্নম্ .
৭৮.৩৫ দারুসবর্ণং ছিদ্রং ন তথা পাপং সমুদ্দিষ্টম্ .. ..
৭৮.৩৬ নিষ্কুটসণ্জ্ঞে দ্রব্যক্ষযঃ তু কোলেক্ষণে কুলধ্বংসঃ .
৭৮.৩৬ শস্ত্রভযং সূকরকে রোগভযং বত্সনাভাখ্যে .. ..
৭৮.৩৭ কালকধুন্ধুকসংজ্ঞং কীটৈঃ বিদ্ধং চ ন শুভদং ছিদ্রম্ .
৭৮.৩৭ সর্বং গ্রন্থিপ্রচুরং সর্বত্র ন শোভনং দারু .. ..
৭৮.৩৮ একদ্রুমেণ ধন্যং বৃক্ষদ্বযনির্মিতং চ ধন্যতরম্ .
৭৮.৩৮ ত্রিভিঃ আত্মজবৃদ্ধিকরং চতুর্ভিঃ অর্থং ( অর্থো) যশশ্চাগ্র্যম্ .. ..
৭৮.৩৯ পংচবনস্পতিরচিতে পংচত্বং যাতি তত্র যঃ শেতে .
৭৮.৩৯ ষট্সপ্তাষ্টতরূণাং কাষ্ঠৈঃ ঘটিতে কুলবিনাশঃ .. ..

অধ্যায ৭৯ রত্নপরীক্ষাধ্যাযঃ

৭৯.১ রত্নেন শুভেন শুভং ভবতি নৃপাণামনিষ্তমশুভেন .
৭৯.১ যস্মাদতঃ পরীক্ষ্যং দৈবং রত্নাশ্রিতম্ তজ্ঞৈঃ .. ..
৭৯.২ দ্বিপহযবনিতাদীনাং স্বগুণবিশেষেণ রত্নশব্দোঽস্তি .
৭৯.২ ইহ তূপলরত্নানামধিকারো বজ্রপূর্বাণাম্ .. ..
৭৯.৩ রত্নানি বলাদ্ দৈত্যাদ্ দধীচিতোঽন্যে বদন্তি জাতানি .
৭৯.৩ কেচিদ্ ভুবঃ স্বভাবাদ্ বৈচিত্র্যং প্রাহুরুপলানাম্ .. ..
৭৯.৪ বজ্রেন্দ্রনীলমরকতকর্কেতরপদ্মরাগরুধিরাখ্যাঃ .
৭৯.৪ বৈদূর্য ( বৈডূর্য) পুলকবিমলকরাজমণিস্ফতিকশশিকান্তাঃ .. ..
৭৯.৫ সৌগন্ধিকগোমেদকশংখমহানীলপুষ্পরাগাখ্যাঃ .
৭৯.৫ ব্রহ্মমণিজ্যোতীরসসস্যকমুক্তাপ্রবালানি .. ..
৭৯.৬ বেণাতটে বিশুদ্ধং শিরীষকুসুমপ্রভং ( ক্.উপমং) চ কৌশলকম্ .
৭৯.৬ সৌরাষ্ট্রকমাতাম্রং কৃষ্ণং সৌর্পারকং বজ্রম্ .. ..
৭৯.৭ ঈষত্তাম্রং হিমবতি মতংগজং বল্লপুষ্পসংকাশম্ .
৭৯.৭ আপীতং চ কলিংগে শ্যামং পৌণ্ড্রেষু সংভূতম্ .. ..
৭৯.৮ এন্দ্রং ষডশ্রি শুক্লং যাম্যং সর্পাস্যরূপমসিতং চ .
৭৯.৮ কদলীকাণ্ডনিকাশং বৈষ্ণবমিতি সর্বসংস্থানম্ .. ..
৭৯.৯ বারুণমবলাগুহ্যোপমং ভবেত্ কর্ণিকারপুষ্পনিভম্ .
৭৯.৯ শৃংগাটকসংস্থানং ব্যাঘ্রাক্ষিনিভং চ হৌতভুজম্ .. ..
৭৯.১০ বাযব্যং চ যবোপমমশোককুসুমপ্রভং সমুদ্দিষ্টম্ .
৭৯.১০ স্রোতঃ খনিঃ প্রকীর্ণকমিত্যাকরসংভবঃ ত্রিবিধঃ .. ..
৭৯.১১ রক্তং পীতং চ শুভম্ রাজন্যানাম্ সিতম্ দ্বিজাতীনাম্ .
৭৯.১১ শৈরীষং বৈশ্যানাং শূদ্রাণাং শস্যতেঽসিতনিভম্ .. ..
৭৯.১২ সিতসর্ষপাষ্টকং তণ্ডুলো ভবেত্ তণ্ডুলৈঃ তু বিংশত্যা .
৭৯.১২ তুলিতস্য দ্বে লক্ষে মূল্যং দ্বিদ্ব্যূনিতে চৈতত্ .. ..
৭৯.১৩ পাদত্র্যংশার্ধোনং ত্রিভাগপংচাংশষোডশাংশাশ্চ .
৭৯.১৩ ভাগশ্চ পংচবিংশঃ শতিকঃ সাহস্রিকশ্চেতি .. ..
৭৯.১৪ সর্বদ্রব্যাভেদ্যং লঘ্বংভসি তরতি রশ্মিবত্ স্নিঘ্দম্ .
৭৯.১৪ তডিদনলশক্রচাপোপমং চ বজ্রং হিতাযোক্তম্ .. ..
৭৯.১৫ কাকপদমক্ষিকাকেশধাতুযুক্তানি শর্করৈঃ ( শর্করা) বিদ্ধম্ .
৭৯.১৫ দ্বিগুণাশ্রি দগ্ধ ( দিগ্ধ) কলুষত্রস্তবিশীর্ণানি ন শুভানি .. ..
৭৯.১৬ যানি চ বুদ্বুদদলিতাগ্রচিপিটবাসীফলপ্রদীর্ঘাণি .
৭৯.১৬ সর্বেষাং চৈতেষাং মূল্যাদ্ ভাগোঽষ্টমো হানিঃ .. ..
৭৯.১৭ বজ্রং ন কিংচিদপি ধারযিতব্যমেকে
৭৯.১৭ পুত্রার্থিনীভিঃ অবলাভিরুশন্তি তজ্ঞাঃ .
৭৯.১৭ শৃংগাটকত্রিপুটধান্যকবত্ স্থিতং যচ্
৭৯.১৭ শ্রোণীনিভং চ শুভদং তনযার্থিনীনাম্ .. ..
৭৯.১৮ স্বজনবিভবজীবিতক্ষযং জনযতি বজ্রমনিষ্টলক্ষণম্ .
৭৯.১৮ অশনিবিষভযারিনাশনম্ শুভমুপ ( উরু) ভোগকরং চ ভূভৃতাম্ .. ..

অধ্যায ৮০ মুক্তালক্ষণাধ্যাযঃ

৮০.১ দ্বিপভুজগশুক্তিশংখাভ্রবেণুতিমিসূকরপ্রসূতানি .
৮০.১ মুক্তাফলানি তেষাং বহুসাধু চ শুক্তিজং ভবতি .. ..
৮০.২ সিংহলকপারলৌকিকসৌরাষ্ট্রকতাম্রপর্ণিপারশবাঃ .
৮০.২ কৌবেরপাণ্ড্যবাটকহৈমা ইত্যাকরাঃ ত্ব ( হি) অষ্টৌ .. ..
৮০.৩ বহুসংস্থানাঃ স্নিগ্ধাঃ ( স্নিগ্ধা) হংসাভাঃ সিংহলাকরাঃ স্থূলাঃ .
৮০.৩ ঈষত্তাম্রাঃ শ্বেতাঃ তমোবিযুক্তাশ্চ তাম্রাখ্যাঃ .. ..
৮০.৪ কৃষ্ণাঃ শ্বেতাঃ পীতাঃ সশর্করাঃ পারলৌকিকা বিষমাঃ .
৮০.৪ ন স্থূলা নাত্যল্পা নবনীতনিভাশ্চ সৌরাষ্ট্রাঃ .. ..
৮০.৫ জ্যোতিষ্মত্যঃ ( মন্তঃ) শুভ্রা গুরবোঽতিমহাগুণাশ্চ পারশবাঃ .
৮০.৫ লঘু জর্জরং দধিনিভং বৃহদ্ দ্বিসংস্থানং ( বৃহদ্বিসংস্থানং) অপি হৈমম্ .. ..
৮০.৬ বিষমম্ কৃষ্ণশ্বেতং ( কৃষ্ণম্ শ্বেতং) লঘু কৌবেরং প্রমাণতেজোবত্ .
৮০.৬ নিংবফলত্রিপুটধান্যকচূর্ণাঃ স্যুঃ পাণ্ড্যবাটভবাঃ .. ..
৮০.৭ অতসীকুসুমশ্যামম্ বৈষ্ণবমেন্দ্রং শশাংকসংকাশম্ .
৮০.৭ হরিতালনিভং বারুণমসিতং যমদৈবতং ভবতি .. ..
৮০.৮ পরিণতদাডিমগুলিকাগুঞ্জাতাম্রং চ বাযুদৈবত্যম্ .
৮০.৮ নির্ধূমানলকমলপ্রভং চ বিজ্ঞেযমাগ্নেযম্ .. ..
৮০.৯ মাষকচতুষ্টযধৃতস্যৈকস্য শতাহতা ত্রিপংচাশত্ .
৮০.৯ কার্ষাপণা নিগদিতা মূল্যং তেজোগুণযুতস্য .. ..
৮০.১০ মাষকদলহান্যাতো দ্বাত্রিংশদ্বিংশতিঃ ত্রযোদশ চ .
৮০.১০ অষ্টৌ চ শতানি শতত্রযং ত্রিপংচাশতা সহিতম্ .. ..
৮০.১১ পংচত্রিংশং শতমিতি চত্বারঃ কৃষ্ণলা নবতিমূল্যাঃ .
৮০.১১ সার্ধাঃ তিস্রো গুঞ্জাঃ সপ্ততিমূল্যং ধৃতং রূপম্ .. ..
৮০.১২ গুঞ্জাত্রযস্য মূল্যং পংচাশদ্ রূপকা গুণযুতস্য .
৮০.১২ রূপকপংচত্রিংশত্ত্রযস্য গুঞ্জার্ধহীনস্য .. ..
৮০.১৩ পলদশভাগো ধরণং তদ্ যদি মুক্তাঃ ত্রযোদশ সুরূপাঃ .
৮০.১৩ ত্রিশতী সপংচবিংশা রূপকসংখ্যা কৃতং মূল্যম্ .. ..
৮০.১৪ ষোডশকস্য দ্বিশতী বিংশতিরূপস্য সপ্ততিঃ সশতা .
৮০.১৪ যত্পংচবিংশতিধৃতং তস্য শতং ত্রিংশতা সহিতম্ .. ..
৮০.১৫ ত্রিংশত্সপ্ততিমূল্যং চত্বারিংশচ্ছতার্ধমূল্যং ( মূল্যা) চ .
৮০.১৫ ষষ্টিঃ পংচোনা বা ধরণম্ পংচাষ্টকং মূল্যম্ .. ..
৮০.১৬ মুক্তাশীত্যা ত্রিংশচ্ছতস্য সা পংচরূপকবিহীনা .
৮০.১৬ দ্বিত্রিচতুঃপংচশতা দ্বাদশষট্পংচকত্রিতযম্ .. ..
৮০.১৭ পিক্কাপিচ্চার্ঘার্ধা রবকঃ সিক্থং ত্রযোদশাদ্যানাম্ .
৮০.১৭ সংজ্ণাঃ পরতো নিগরাশ্চূর্ণাশ্চাশীতিপূর্বাণাম্ .. ..
৮০.১৮ এতদ্গুণযুক্তানাং ধরণধৃতানাং প্রকীর্তিতং ( প্রকীতিতং) মূল্যম্ .
৮০.১৮ পরিকল্প্যমন্তরালে হীনগুণাণাং ক্ষযঃ কার্যঃ .. ..
৮০.১৯ কৃষ্ণশ্বেতকপীতকতাম্রাণামীষদপি চ বিষমাণাম্ .
৮০.১৯ ত্র্যংশোনম্ বিষমকপীতযোশ্চ ষড্ভাগদলহীনম্ .. ..
৮০.২০ ঐরাবতকুলজানাং পুষ্যশ্রবণেন্দুসূর্যদিবসেষু .
৮০.২০ যে চোত্তরাযণভবা গ্রহণেঽর্কেন্দ্বোশ্চ ভদ্রেভাঃ .. ..
৮০.২১ তেষাং কিল জাযন্তে মুক্তাঃ কুংভেষু সরদকোশেষু .
৮০.২১ বহবো বৃহত্প্রমাণা বহুসংস্থানাঃ প্রভাযুক্তাঃ .. ..
৮০.২২ নৈষামর্ঘঃ কার্যো ন চ বেধোঽতীব তে প্রভাযুক্তাঃ .
৮০.২২ সুতবিজযারোগ্যকরা মহাপবিত্রা ধৃতা রাজ্ঞাম্ .. ..
৮০.২৩ দংষ্ট্রামূলে শশিকান্তিসপ্রভং বহুগুণং চ বারাহম্ .
৮০.২৩ তিমিজং মত্স্যাক্ষিনিভং বৃহত্ পবিত্রং বহুগুণং চ .. ..
৮০.২৪ বর্ষৌপলবজ্জাতং বাযুস্কন্ধাগ সপ্তমাদ্ ভ্রষ্টম্ .
৮০.২৪ হ্রিযতে কিল খাদ্ দিব্যৈঃ তডিত্প্রভবং মেঘসংভূতম্ .. ..
৮০.২৫ তক্ষকবাসুকিকুলজাঃ কামগমা যে চ পন্নগাঃ তেষাম্ .
৮০.২৫ স্নিগ্ধা নীলদ্যুতযো ভবন্তি মুক্তাঃ ফণস্যান্তে .. ..
৮০.২৬ শস্তেঽবনিপ্রদেশে রজতমযে ভাজনে স্থিতে চ যদি .
৮০.২৬ বর্ষতি দেবোঽকস্মাত্ তজ্ঞেযং নাগসংভূতম্ .. ..
৮০.২৭ অপহরতি বিষমলক্ষ্মীং ক্ষপযতি শত্রূন্ যশো বিকাশযতি .
৮০.২৭ ভৌজংগং নৃপতীনাং ধৃতমকৃতার্ঘং বিজযদং চ .. ..
৮০.২৮ কর্পূরস্ফটিকনিভং চিপিটং বিষমং চ বেণুজং জ্ঞেযম্ .
৮০.২৮ শংখোদ্ভবং শশিনিভং বৃত্তং ভ্রাজিষ্ণু রুচিরং চ .. ..
৮০.২৯ শংখতিমিবেণুবারণবরাহভুজগাভ্রজান্যবৈদ্যানি ( বৈধ্যানি) .
৮০.২৯ অমিতগুণত্বাগৈষামর্ঘঃ শাস্ত্রে ন নির্দিষ্টঃ .. ..
৮০.৩০ এতানি সর্বাণি মহাগুণানি
৮০.৩০ সুতার্থসৌভাগ্যযশস্করাণি .
৮০.৩০ রুক্ষোকহন্তীণি চ পার্থিবানাং
৮০.৩০ মুক্তাফলানীপ্সিতকামদানি .. ..
৮০.৩১ সুরভূষণং লতানাং সহস্রমষ্টোত্তরং চতুর্হস্তম্ .
৮০.৩১ ইন্দুচ্ছন্দো ( ইন্দ্রচ্ছন্দো) নাম্না বিজযচ্ছন্দঃ তদর্ধেন .. ..
৮০.৩২ শতমষ্টযুতং হারো দেবচ্ছন্দো হ্যশীতিঃ একযুতা .
৮০.৩২ অষ্টাষ্টকোঽর্ধহারো রশ্মিকলাপশ্চ নবষট্কঃ .. ..
৮০.৩৩ দ্বাত্রিংশতা তু গুচ্ছো বিংশত্যা কীর্তিতোঽর্ধগুচ্ছাখ্যঃ .
৮০.৩৩ ষোডশভিঃ মাণবকো দ্বাদশভিশ্চার্ধমাণবকঃ .. ..
৮০.৩৪ মন্দরসংজ্ঞোঽষ্টাভিঃ পংচলতা হারফলকমিত্যুক্তম্ .
৮০.৩৪ সপ্তাবিংশতিমুক্তা হস্তো নক্ষত্রমালেতি .. ..
৮০.৩৫ অন্তরমণিসংযুক্তা মণিসোপানং সুবর্ণগুলিকৈঃ বা .
৮০.৩৫ তরলকমণিমধ্যং তদ্বিজ্ঞেযং চাটুকারমিতি .. ..
৮০.৩৬ একাবলী নাম যথেষ্টসংখ্যা
৮০.৩৬ হস্তপ্রমাণা মণিবিপ্রযুক্তা .
৮০.৩৬ সংযোজিতা যা মণিনা তু মধ্যে
৮০.৩৬ যষ্টীতি সা ভূষণবিদ্ভিরুক্তম্ .. ..