বৃহত্সংহিতা – অধ্যায় ৮১-৯০

অধ্যায ৮১ পদ্মরাগলক্ষণাদ্যাযঃ

৮১.১ সৌগন্ধিককুরুবিন্দস্ফটিকেভ্যঃ পদ্মরাগসংভূতিঃ ( পদ্মরাগো সং) .
৮১.১ সৌগন্ধিকজা ভ্রমরাঞ্জনাব্জজংবূরসদ্যুতযঃ .. ..
৮১.২ কুরুবিন্দভবাঃ শবলা মন্দদ্যুতযশ্চ ধাতুভিঃ বিদ্ধাঃ .
৮১.২ স্ফটিকভবা দ্যুতিমন্তো নানাবর্ণা বিশুদ্ধাশ্চ .. ..
৮১.৩ স্নিগ্ধঃ প্রভানুলেপী স্বচ্ছোঽর্চিষ্মান্ গুরুঃ সুসংস্থানঃ .
৮১.৩ অন্তঃপ্রভোঽতিরাগো ( অতিরাগা) মণিরত্নগুণাঃ সমস্তানাম্ .. ..
৮১.৪ কলুষা মন্দদ্যুতযো লেখাকীর্ণাঃ সধাতবঃ খণ্ডাঃ .
৮১.৪ দুর্বিদ্ধা ন মনোজ্ঞাঃ সশর্করাশ্চেতি মণিদোষাঃ .. ..
৮১.৫ ভ্রমরশিখিকণ্ঠবর্ণো দীপশিখাসপ্রভো ভুজংগানাম্ .
৮১.৫ ভবতি মণিঃ কিক মূর্ধনি যোঽনর্ঘেযঃ স বিজ্ঞেযঃ .. ..
৮১.৬ যঃ তং বিভর্তি মনুজাধিপতিঃ ন তস্য
৮১.৬ দোষা ভবন্তি বিষরোগকৃতাঃ কদাচিত্ .
৮১.৬ রাষ্ট্রে চ নিত্যমভিবর্ষতি তস্য দেবঃ
৮১.৬ শত্রূংশ্চ নাশযতি তস্য মণেঃ প্রভাবাত্ .. ..
৮১.৭ ষড্বিংশতিঃ সহস্রাণি একস্য মণেঃ পলপ্রমাণস্য .
৮১.৭ কর্ষত্রযস্য বিংশতিরুপদিষ্টা পদ্মরাগস্য .. ..
৮১.৮ অর্ধপলস্য দ্বাদশ কর্ষস্য একস্য ষট্সহস্রাণি .
৮১.৮ যগাষ্টমাষকধৃতং তস্য সহস্রত্রযং মূল্যম্ .. ..
৮১.৯ মাষকচতুষ্টযং দশশতক্রযং দ্বৌ তু পংচশতমূল্যৌ .
৮১.৯ পরিকল্প্যমন্তরালে মূল্যং হীনাধিকগুণানাম্ .. ..
৯১.১০ বর্ণন্যূনস্যার্ধং তেজোহীনস্য মূল্যমষ্টাংশম্ .
৮১.১০ অল্পগুণো বহুদোষো মূল্যাত্ প্রাপ্নোতি বিংশাংশম্ .. ..
৮১.১১ আধূম্রং ব্রণবহুলং স্বল্পগুণং চাপ্নুযাদ্ দ্বিশতভাগম্ .
৮১.১১ ইতি পদ্মরাগমূল্যং পূর্বাচার্যৈঃ সমুদ্দিষ্টম্ .. ..

অধ্যায ৮২ মরকতলক্ষণাধ্যাযঃ .

৮২.১ শুকবংশপত্রকদলীশিরীষকুসুমপ্রভং গুণোপেতম্ .
৮২.১ সুরপিতৃকার্যে মরকতং ( রকতং) অতীব শুভদং নৃণাং বিহিতং ( বিধৃতং) .. ..

অধ্যায ৮৩ দীপলক্ষণাধ্যাযঃ

৮৩.১ বামাবর্তো মলিনকিরণঃ সস্ফুলিংগোঽল্পমূর্তিঃ
৮৩.১ ক্ষিপ্রং নাশং ব্রজতি বিমলস্নেহবর্ত্যন্বিতোঽপি .
৮৩.১ দীপঃ পাপং কথযতি ফলং শব্দবান্ বেপনশ্চ
৮৩.১ ব্যাকীর্ণার্চিঃ বিশলভমরুদ্যশ্চ নাশং প্রযাতি .. ..
৮৩.২ দীপঃ সংহতমূর্তিঃ আযততনুঃ নির্বেপনো দীপ্তিমান্
৮৩.২ নিঃশব্দো রুচিরঃ প্রদক্ষিণগতিঃ বৈদূর্য ( বৈডূর্য) হেমদ্যুতিঃ .
৮৩.২ লক্ষ্মীং ক্ষিপ্রমভিব্যনক্তি সুচিরং ( রুচিরং, সুচিরং) যশ্চৌদ্যতং দীপ্যতে
৮৩.২ শেষং লক্ষণমগ্নিলক্ষণসমং যোজ্যং যথাযুক্তিতঃ .. ..

অধ্যায ৮৪ দন্তকাষ্ঠলক্ষণাধ্যাযঃ

৮৪.১ বল্লীলতাগুল্মতরুপ্রভেদৈঃ
৮৪.১ স্যুঃ দন্তকাষ্ঠানি সহস্রশো যৈঃ .
৮৪.১ ফলানি বাচ্যানি অথ ( অতি) তত্প্রসংগো
৮৪.১ মা ভূদতো বচ্ম্যথ কামিকানি .. ..
৮৪.২ অজ্ঞাতপূর্বাণি ন দন্তকাষ্ঠান্য্-
৮৪.২ অদ্যান্ ন পত্রৈশ্চ সমন্বিতানি .
৮৪.২ ন যুগ্মপর্বাণি ন পাটিতানি
৮৪.২ ন চ ঊর্ধ্বশুষ্কাণি বিনা ত্বচা চ .. ..
৮৪.৩ বৈকন্তকশ্রীফলকাশ্মরীষু
৮৪.৩ ব্রাহ্মী দ্যুতিঃ ক্ষেমতরৌ সুদারাঃ .
৮৪.৩ বৃদ্ধিঃ বটেঽর্কে প্রচুরং চ তেজঃ
৮৪.৩ পুত্রা মধূকে সগুণাঃ ( ককুভে) প্রিযত্বম্ .. ..
৮৪.৪ লক্ষ্মীঃ শিরীষে চ তথা করঞ্জে
৮৪.৪ প্লক্ষেঽর্থসিদ্ধিঃ সমভীপ্সিতা স্যাত্ .
৮৪.৪ মান্যত্বমাযাতি জনস্য জাত্যাং
৮৪.৪ প্রাধান্যমশ্বত্থতরৌ বদন্তি .. ..
৮৪.৫ আরোগ্যমাযুঃ বদরীবৃহত্যোঃ
৮৪.৫ ঐশ্বর্যবৃদ্ধিঃ খদিরে সবিল্বে .
৮৪.৫ দ্রব্যাণি চৈষ্টানি অতিমুক্তকে স্যুঃ
৮৪.৫ প্রাপ্নোতি তানি এব পুনঃ কদংবে .. ..
৮৪.৬ নীপে ( নিংবে) ঽর্থাপ্তিঃ করবীরেঽন্নলব্ধিঃ
৮৪.৬ ভাণ্ডীরে স্যাদন্নমেবং ( ইদমেব) প্রভূতম্ .
৮৪.৬ শম্যাং শত্রূন্ অপহন্ত্যর্জুনে চ
৮৪.৬ শ্যামাযাং চ দ্বিষতামেব নাশঃ .. ..
৮৪.৭ শালেঽশ্বকর্ণে চ বদন্তি গৌরবং
৮৪.৭ সভদ্রদারাবপি চাটরূষকে .
৮৪.৭ বাল্লভ্যমাযাতি জনস্য সর্বতঃ
৮৪.৭ প্রিযংগুঅপামার্গসজংবুদাডিমৈঃ .. ..
৮৪.৮ উদন্মুখঃ প্রান্মুখ এব বাব্দং
৮৪.৮ কামং যথেষ্ঠংযথেষ্টং) হৃদযে নিবেশ্য .
৮৪.৮ অদ্যাদনিন্দন্ ( অনিন্দ্যং) চ সুখোপবিষ্টঃ
৮৪.৮ প্রক্ষাল্য জহ্যাগ শুচিপ্রদেশে .. ..
৮৪.৯ অভিমুখপতিতং প্রশান্তদিক্স্থং
৮৪.৯ শুভমতিশোভনমূর্ধ্বসংস্থিতং যত্ .
৮৪.৯ অশুভকরমতোঽন্যথা প্রদিষ্টং
৮৪.৯ স্থিতপতিতং চ করোতি মৃষ্টমন্নম্ .. ..

অধ্যায ৮৫ শাকুনাধ্যাযঃ

৮৫.১ যত্শক্রশুক্র ( শুক্রশক্র) বাগীশকপিষ্ঠলগরুত্মতাম্ .
৮৫.১ মতেভ্যঃ প্রাহ ঋষভো ভাগুরেঃ দেবলস্য চ .. ..
৮৫.২ ভারদ্বাজমতং দৃষ্ট্বা যগ শ্রীদ্রব্যবর্ধনঃ .
৮৫.২ আবন্তিকঃ প্রাহ নৃপো মহারাজাধিরাজকঃ .. ..
৮৫.৩ সপ্তর্ষীণাং মতং যগ সংস্কৃতং প্রাকৃতং চ যত্ .
৮৫.৩ যানি চৌক্তানি গর্গাদ্যৈঃ যাত্রাকারৈশ্চ ভূরিভিঃ .. ..
৮৫.৪ তানি দৃষ্ট্বা চকারৈমং সর্বশাকুনসংগ্রহম্ .
৮৫.৪ বরাহমিহিরঃ প্রীত্যা শিষ্যাণাং জ্ঞানমুত্তমম্ .. ..
৮৫.৫ অন্যজন্মান্তরকৃতং কর্ম পুংসাং শুভাশুভম্ .
৮৫.৫ যত্ তস্য শকুনঃ পাকং নিবেদযতি গচ্ছতাম্ .. ..
৮৫.৬ গ্রামারণ্যাংবুভূব্যোমদ্যুনিশোভযচারিণঃ .
৮৫.৬ রুতযাতেক্ষিতোক্তেষু গ্রাহ্যাঃ পুংস্ত্রীনপুংসকাঃ ( স্ত্রীপুন্নপুংসকাঃ) .. ..
৮৫.৭ পৃথগ্ জাত্যনবস্থানাদেষাং ব্যক্তিঃ ন লক্ষ্যতে .
৮৫.৭ সামান্যলক্ষণোদ্দেশে শ্লোকাবৃষিকৃতাবিমৌ .. ..
৮৫.৮ পীনৌন্নতবিকৃষ্টাংসাঃ পৃথুগ্রীবাঃ সুবক্ষসঃ .
৮৫.৮ স্বল্পগংভীরবিরুতাঃ পুংআংসঃ স্থিরবিক্রমাঃ .. ..
৮৫.৯ তনূরস্কশিরোগ্রীবাঃ সূক্ষ্মাস্যপদবিক্রমাঃ .
৮৫.৯ প্রসক্তমৃদুভাষিণ্যঃ স্ত্রিযোঽতোঽন্যন্ নপুংসকম্ .. ..
৮৫.১০ গ্রামারণ্যপ্রচারাদ্যং লোকাদেবোপলক্ষযেত্ .
৮৫.১০ সংচিক্ষিপ্সুঃ অহং বচ্মি যাত্রামাত্রপ্রযোজনম্ .. ..
৮৫.১১ পথ্যাত্মানং নৃপং সৈন্যে পুরে চৌদ্দিশ্য দেবতাম্ .
৮৫.১১ সার্থে প্রধানং সাম্যে ( সাম্যং) স্যাজ্জাতিবিদ্যাবযোঽধিকম্ .. ..
৮৫.১২ মুক্তপ্রাপ্তৈষ্যদর্কাসু ফলং দিক্ষু তথাবিধম্ .
৮৫.১২ অংগার ( অগ্গারি) দীপ্তধূমিন্যঃ তাশ্চ শান্তাঃ ততোঽপরাঃ ( ঽপরা, অপরাঃ) .. ..
৮৫.১৩ তত্পংচমদিশাং তুল্যং শুভং ত্রিকাল্যমাদিশেত্ .
৮৫.১৩ পরিশেষ ( পরিশেষযোঃ) দিশোঃ বাচ্যং যথাসন্নং শুভাশুভম্ .. ..
৮৫.১৪ শীঘ্রমাসন্ননিম্নস্থৈশ্চিরাদুন্নতদূরগৈঃ .
৮৫.১৪ স্থানবৃদ্ধ্যুপঘাতাগ তদ্বদ্ ব্রূযাত্ ফলং পুনঃ .. ..
৮৫.১৫ ক্ষণতিথ্যুডুবাতার্কৈঃ দেবদীপ্তো যথোত্তরম্ .
৮৫.১৫ ক্রিযাদীপ্তো গতিস্থানভাবস্বরবিচেষ্টিতৈঃ .. ..
৮৫.১৬ দশধৈবং প্রশান্তোঽপি সৌম্যঃ তৃণফলাশনঃ .
৮৫.১৬ মাংসামেধ্যাশনে রৌদ্রো বিমিশ্রোঽন্নাশনঃ স্মৃতঃ .. ..
৮৫.১৭ হর্ম্যপ্রাসাদমংগল্যমনোজ্ঞস্থানসংস্থিতাঃ .
৮৫.১৭ শ্রেষ্ঠা মধুরসক্ষীরফলপুষ্পদ্রুমেষু চ .. ..
৮৫.১৮ স্বকালে গিরিতোযস্থা বলিনো দ্যুনিশাচরাঃ .
৮৫.১৮ ক্লীবস্ত্রীপুরুষা জ্ঞেযা ( পুরুশাশ্চ এষাং) বলিনঃ স্যুঃ যথোত্তরম্ .. ..
৮৫.১৯ জবজাতিবলস্থানহর্ষসত্ত্বস্বরান্বিতাঃ .
৮৫.১৯ স্বভূমাবনুলোমাশ্চ তদূনাঃ স্যুঃ বিবর্জিতাঃ .. ..
৮৫.২০ কুক্কুটৈভপিরিল্যশ্চ শিখিবঞ্জুলছিক্করাঃ .
৮৫.২০ বলিনঃ সিংহনাদশ্চ কূটপূরী চ পূর্বতঃ .. ..
৮৫.২১ ক্রোষ্টুকৌলূকহারীতকাককোকঋক্ষপিংগলাঃ .
৮৫.২১ কপোতরুদিতাক্রন্দক্রূরশব্দাশ্চ যাম্যতঃ .. ..
৮৫.২২ গোশশক্রৌংচলোমাশহংসৌত্ক্রোশকপিঞ্জলাঃ .
৮৫.২২ বিডালৌত্সববাদিত্রগীতহাসাশ্চ বারুণাঃ .. ..
৮৫.২৩ শতপত্রকুরংগাখুমৃগএকশফকোকিলাঃ .
৮৫.২৩ চাষশল্যকপুণ্যাহঘণ্টাশংখরবা উদক্ .. ..
৮৫.২৪ ন গ্রাম্যোঽরণ্যগো গ্রাহ্যো নারণ্যো গ্রাম্যসংস্থিতঃ ( গ্রামসংস্থিতঃ) .
৮৫.২৪ দিবাচরো ন শর্বর্যাং ন চ নক্তংচরো দিবা .. ..
৮৫.২৫ দ্বন্দ্বরোগার্দিতত্রস্তাঃ কলহামিষকাংক্ষিণঃ
৮৫.২৫ আপগান্তরিতা মত্তা ন গ্রাহ্যাঃ শকুনাঃ ক্বচিত্ .. ..
৮৫.২৬ রোহিতাশ্বাজবালেযাঃ কুরংগ ( বালেযকুরংগ) উষ্ট্রমৃগাঃ শশঃ .
৮৫.২৬ নিষ্ফলাঃ শিশিরে জ্ঞেযা বসন্তে কাককোকিলৌ .. ..
৮৫.২৭ ন তু ভাদ্রপদে গ্রাহ্যাঃ সূকরশ্ববৃকাদযঃ .
৮৫.২৭ শারদ্য ( শরদ্য) অব্জাদগোক্রৌংচাঃ শ্রাবণে হস্তিচাতকৌ .. ..
৮৫.২৮ ব্যাঘ্রঋক্ষবানরদ্বীপিমহিষাঃ সবিলেশযাঃ .
৮৫.২৮ হেমন্তে নিষ্ফলা জ্ঞেযা বালাঃ সর্বে বিমানুষাঃ .. ..
৮৫.২৯ এন্দ্রানলদিশোঃ মধ্যে ত্রিভাগেষু ব্যবস্থিতাঃ .
৮৫.২৯ কোশাধ্যক্ষানলাজীবিতপোযুক্তাঃ প্রদক্ষিণম্ .. ..
৮৫.৩০ শিল্পী ভিক্ষুঃ বিবস্ত্রা স্ত্রী যাম্যানলদিগন্তরে .
৮৫.৩০ পরতশ্চাপি মাতংগগোপধর্মসমাশ্রযাঃ .. ..
৮৫.৩১ নৈরৃতীবারুণীমধ্যে প্রমদাসূতিতস্করাঃ .
৮৫.৩১ শৌণ্ডিকঃ শাকুনী হিংস্রো বাযব্যা ( বাযব্য) পশ্চিমান্তরে .. ..
৮৫.৩২ বিষঘাতকগোস্বামিকুহকজ্ঞাঃ ততঃ পরম্ .
৮৫.৩২ ধনবানীক্ষণীকশ্চ মালাকারঃ পরং ততঃ .. ..
৮৫.৩৩ বৈষ্ণবশ্চরকশ্চৈব বাজিনাং রক্ষণে রতঃ .
৮৫.৩৩ দ্বাত্রিংশদেবং ( এবং দ্বাত্রিংশতো) ভেদাঃ স্যুঃ পূর্বদিগ্ভিঃ সহোদিতাঃ .. ..
৮৫.৩৪ রাজা কুমারো নেতা চ দূতঃ শ্রেষ্ঠী চরো দ্বিজঃ .
৮৫.৩৪ রাজাধ্যক্ষশ্চ পূর্বাদ্যাঃ ক্ষত্রিযাদ্যাশ্চতুর্দিশম্ .. ..
৮৫.৩৫ গচ্ছতঃ তিষ্ঠতো বাপি দিশি যস্যাং ব্যবস্থিতঃ .
৮৫.৩৫ বিরৌতি শকুনো বাচ্যঃ তদ্দিগ্জেন সমাগমঃ .. ..
৮৫.৩৬ ভিন্নভৈরবদীনার্তপরুষক্ষামজর্জরাঃ .
৮৫.৩৬ স্বনা ( স্বরা) নৈষ্টাঃ শুভাঃ শান্ত ( শান্তা) হৃষ্টপ্রকৃতিপূরিতাঃ .. ..
৮৫.৩৭ শিবা শ্যামা রলা ছুচ্ছুঃ পিংগলা গৃহগোধিকা .
৮৫.৩৭ সূকরী পরপুষ্টা চ পুন্নামানশ্চ বামতঃ .. ..
৮৫.৩৮ স্ত্রীসংজ্ঞা ভাসভষককপিশ্রীকর্ণধিক্করাঃ ( ছিক্করাঃ) .
৮৫.৩৮ শিখিশ্রীকণ্ঠপিপ্পীকরুরুশ্যেনাশ্চ দক্ষিণাঃ .. ..
৮৫.৩৯ ক্ষ্বেডাস্ফোটিতপুণ্যাহগীতশংখাংবুনিঃস্বনাঃ .
৮৫.৩৯ সতূর্যাধ্যযনাঃ পুংবত্ স্ত্রীবদন্যা গিরঃ শুভাঃ .. ..
৮৫.৪০ গ্রামৌ মধ্যমষড্জৌ তু গান্ধারশ্চেতি শোভনাঃ .
৮৫.৪০ ষড্জ ( ষড্জা) মধ্যমগান্ধারা ঋষভশ্চ স্বরা হিতাঃ .. ..
৮৫.৪১ রুতকীর্তনদৃষ্টেষু ভারদ্বাজাজবর্হিণঃ .
৮৫.৪১ ধন্যা নকুলচাষৌ চ সরটঃ পাপদোঽগ্রতঃ .. ..
৮৫.৪২ জাহকাহিশশক্রোডগোধানাং কীর্তনং শুভম্ .
৮৫.৪২ রুতং সন্দর্শনং ( রতসন্দর্শনং) নৈষ্টং প্রতীপং বানরঋক্ষযোঃ .. ..
৮৫.৪৩ ওজাঃ প্রদক্ষিণং শস্তা মৃগাঃ সনকুলাণ্ডজাঃ .
৮৫.৪৩ চাষঃ সনকুলো বামো ভৃগুঃ আহাপরাহ্ণতঃ .. ..
৮৫.৪৪ ছিক্করঃ কুটপূরী চ পিরিলী চাহ্নি দক্ষিণাঃ .
৮৫.৪৪ অপসব্যাঃ সদা শস্তা দংষ্ট্রিণঃ সবিলেশযাঃ .. ..
৮৫.৪৫ শ্রেষ্ঠে হযসিতে প্রাচ্যাং শবমাংসে চ দক্ষিণে .
৮৫.৪৫ কন্যকাদধিনী পশ্চাদুদগ্গোবিপ্রসাধবঃ .. ..
৮৫.৪৬ জালশ্বচরণৌ নৈষ্টৌ প্রাগ্যাম্যৌ শস্ত্রঘাতকৌ .
৮৫.৪৬ পশ্চাদাসবষণ্ঢৌ চ খলাসনহলানি উদক্ .. ..
৮৫.৪৭ কর্মসংগমযুদ্ধেষু প্রবেশে নষ্টমার্গণে .
৮৫.৪৭ যানব্যস্তগতা গ্রাহ্যা বিশেষশ্চাত্র বক্ষ্যতে .. ..
৮৫.৪৮ দিবা প্রস্থানবদ্ গ্রাহ্যাঃ কুরংগরুরুবানরাঃ .
৮৫.৪৮ অহ্নশ্চ প্রথমে ভাগে চাষবঞ্জুলকুক্কুটাঃ .. ..
৮৫.৪৯ পশ্চিমে শর্বরীভাগে নপ্তৃকোলূকপিংগলাঃ .
৮৫.৪৯ সর্ব এব বিপর্যস্তা গ্রাহ্যাঃ সার্থেষু যোষিতাম্ .. ..
৮৫.৫০ নৃপসন্দর্শনে গ্রাহ্যঃ প্রবেশেঽপি প্রযাণবত্ .
৮৫.৫০ গির্যরণ্যপ্রবেশেষু ( প্রবেশে চ) নদীনাং চাবগাহনে .. ..
৮৫.৫১ বামদক্ষিণগৌ শস্তৌ যৌ তু তাবগ্রপৃষ্ঠগৌ .
৮৫.৫১ ক্রিযাদীপ্তৌ বিনাশায যাতুঃ পরিঘসংজ্ঞিতৌ .. ..
৮৫.৫২ তাবেব তু যথাভাগং প্রশান্তরুতচেষ্টিতৌ .
৮৫.৫২ শকুনৌ শকুনদ্বারসংজ্ঞিতাবর্থসিদ্ধযে .. ..
৮৫.৫৩ কেচিত্ তু শকুনদ্বারমিচ্ছন্ত্যুভযতঃ স্থিতৈঃ .
৮৫.৫৩ শকুনৈঃ একজাতীযৈঃ শান্তচেষ্টাবিরাবিভিঃ .. ..
৮৫.৫৪ বিসর্জযতি যদ্যেক একশ্চ প্রতিষেধতি .
৮৫.৫৪ স বিরোধোঽশুভো যাতুঃ গ্রাহ্যো যো ( বা) বলবত্তরঃ .. ..
৮৫.৫৫ পূর্বং প্রাবিশিকো ( প্রাবেশেকো) ভূত্বা পুনঃ প্রাস্থানিকো ভবেত্ .
৮৫.৫৫ সুখেন সিদ্ধিমাচষ্টে প্রবেশে তদ্বিপর্যযাত্ ( তদ্বিপর্যযঃ) .. ..
৮৫.৫৬ বিসর্জ্য শকুনঃ পূর্বং স এব নিরুণদ্ধি চেত্ .
৮৫.৫৬ প্রাহ যাতুঃ অরেঃ মৃত্যুং ডমরং রোগমেব বা .. ..
৮৫.৫৭ অপসব্যাঃ তু শকুনা দীপ্তা ভযনিবেদিনঃ .
৮৫.৫৭ আরংভে শকুনো দীপ্তো বর্ষান্তঃ তদ্ভযংকরঃ .. ..
৮৫.৫৮ তিথিবায্বর্কভস্থানচেষ্টাদীপ্তা যথাক্রমম্ .
৮৫.৫৮ ধনসৈন্যবলাংগেষ্টকর্মণাং স্যুঃ ভযংকরাঃ .. ..
৮৫.৫৯ জীমূতধ্বনিদীপ্তেষু ভযং ভবতি মারুতাত্ .
৮৫.৫৯ উভযোঃ সন্ধ্যযোঃ দীপ্তাঃ শস্ত্রোদ্ভবভযংকরাঃ .. ..
৮৫.৬০ চিতিকেশকপালেষু মৃত্যুবন্ধবধপ্রদাঃ .
৮৫.৬০ কণ্টকীকাষ্ঠভস্মস্থাঃ কলহাযাসদুঃখদাঃ .. ..
৮৫.৬১ অপ্রসিদ্ধিং ভযং বাপি নিঃসারাশ্মব্যবস্থিতাঃ .
৮৫.৬১ কুর্বন্তি শকুনা দীপ্তাঃ শান্তা যাপ্যফলাঃ তু তে .. ..
৮৫.৬২ অসিদ্ধিসিদ্ধিদৌ জ্ঞেযৌ নির্হারাহার ( নির্হাদাহার) কারিণৌ .
৮৫.৬২ স্থানাদ্ রুবন্ ব্রজেদ্ যাত্রাং শংসতে ত্বন্যথাগমম্ .. ..
৮৫.৬৩ কলহঃ স্বরদীপ্তেষু স্থানদীপ্তেষু বিগ্রহঃ .
৮৫.৬৩ উচ্চমাদৌ স্বরং কৃত্বা নীচং পশ্চাগ দোষকৃত্ ( মোষকৃত্) .. ..
৮৫.৬৪ একস্থানে রুবন্ দীপ্তঃ সপ্তাহাদ্ গ্রামঘাতকঃ ( গ্রামঘাতকৃত্) .
৮৫.৬৪ পুরদেশনরেন্দ্রাণামৃত্বর্ধাযনবত্সরাত্
৮৫.৬৫ সর্বে দুর্ভিক্ষকর্তারঃ স্বজাতিপিশিতাশিনঃ ( অশনাঃ) .. ..
৮৫.৬৫ সর্পমূষকমার্জারপৃথুলোম ( রোম) বিবর্জিতাঃ .. ..
৮৫.৬৬ পরযোনিষু গচ্ছন্তো মৈথুনং দেশনাশনাঃ .
৮৫.৬৬ অন্যত্র বেসরোত্পত্তেঃ নৃণাং চাজাতিমৈথুনাত্ .. ..
৮৫.৬৭ বন্ধঘাতভযানি স্যুঃ পাদ ঊরূমস্তকান্তিগৈঃ .
৮৫.৬৭ শষ্পাপঃ ( অপশষ্প) পিশিতান্নাদৈঃ দোষবর্ষক্ষয ( বর্ষমোষক্ষত) গ্রহাঃ .. ..
৮৫.৬৮ ক্রূরৌগ্রদোষদুষ্টৈশ্চ প্রধাননৃপবৃত্তকৈঃ .
৮৫.৬৮ চিরকালেন ( চিরকালৈশ্চ) দীপ্তাদ্যাস্বাগমো দিক্ষু তন্নৃণাম্ .. ..
৮৫.৬৯ সদ্রব্যো বলবাংশ্চ স্যাত্ সদ্রব্যস্যাগমো ভবেত্ .
৮৫.৬৯ দ্যুতিমান্ বিনতপ্রেক্ষী সৌম্যো দারুণবৃত্তকৃত্ .. ..
৮৫.৭০ বিদিক্স্থঃ শকুনো দীপ্তো বামস্থেনানুবাশিতঃ .
৮৫.৭০ স্ত্রিযাঃ সংগ্রহণং প্রাহ তদ্দিগাখ্যাতযোনিতঃ .. ..
৮৫.৭১ শান্তঃ পংচমদীপ্তেন বিরুতো বিজযাবহঃ .
৮৫.৭১ দিগ্নরাগমকারী বা দোষকৃত্ তদ্বিপর্যযে .. ..
৮৫.৭২ বামসব্যগতো ( রুতো) মধ্যঃ প্রাহ স্বপরযোঃ ভযম্ .
৮৫.৭২ মরণং কথযন্তি এতে সর্বে সমবিরাবিণঃ .. ..
৮৫.৭৩ বৃক্ষাগ্রমধ্যমূলেষু গজাশ্বরথিকাগমঃ .
৮৫.৭৩ দীর্ঘাব্জমুষিতাগ্রেষু নরনৌশিবিকাগমঃ .. ..
৮৫.৭৪ শকটেনৌন্নতস্থে বা ( চ) ছাযাস্থে ছত্রসংযুতে ( ছত্রসম্যুতঃ) .
৮৫.৭৪ একত্রিপংচসপ্তাহাত্ পূর্বাদ্যাস্বন্তরাসু চ .. ..
৮৫.৭৫ সুরপতিহুতবহযমনিরৃতিবরুণপবনেন্দুসংকরাঃ ক্রমশঃ .
৮৫.৭৫ প্রাচ্যাদ্যানাং পতযো দিশঃ পুমাংসো অংগনা বিদিশঃ .. ..
৮৫.৭৬ তরুতালীবদলাংবরসলিলজশরচর্মপট্টলেখাঃ স্যুঃ .
৮৫.৭৬ দ্বাত্রিংশত্পরবিভক্তে দিক্চক্রে তেষু কার্যাণি .. ..
৮৫.৭৭ ব্যাযামশিখিনিকূজিতকলহাংভোনিগডমন্ত্রগোশব্দাঃ .
৮৫.৭৭ বর্ণাঃ তু ( চ) রক্তপীতককৃষ্ণসিতাঃ কোণগা মিশ্রাঃ .. ..
৮৫.৭৮ চিহ্নং ধ্বজো দগ্ধমথ শ্মশানং
৮৫.৭৮ দরী জলং পর্বতযজ্ঞঘোষাঃ .
৮৫.৭৮ এতেষু সংযোগভযানি বিন্দ্যাদ্
৮৫.৭৮ অন্যানি বা স্থানবিকল্পিতানি .. ..
৮৫.৭৯ স্ত্রীণাং বিকল্পা বৃহতী কুমারী
৮৫.৭৯ ব্যংগা বিগন্ধা ত্বথ নীলবস্ত্রা .
৮৫.৭৯ কুস্ত্রী প্রদীর্ঘা বিধবা চ তাশ্চ
৮৫.৭৯ সংযোগচিন্তা পরিবেদিকাঃ স্যুঃ .. ..
৮৫.৮০ পৃচ্ছাসু রূপ্যকনকাতুরভামিনীনাং
৮৫.৮০ মেষাব্যযানমখগোকুলসংশ্রযাসু .
৮৫.৮০ ন্যগ্রোধরক্ততরুরোধ্রককীচকাখ্যাশ্
৮৫.৮০ চূতদ্রুমাঃ খদিরবিল্বনগার্জুনাশ্চ .. ..

অধ্যায ৮৬ শাকুনেঽন্তরচক্রাধ্যাযঃ

৮৬.১ এন্দ্র্যাং দিশি শান্তাযাং বিরুবন্ নৃপসংশ্রিতাগমং বক্তি .
৮৬.১ শকুনঃ ( শকুনিঃ) পূজালাভং মণিরত্নদ্রব্যসংপ্রাপ্তিম্ .. ..
৮৬.২ তদনন্তরদিশি কনকাগমো ভবেদ্ বাংছিতার্থসিদ্ধিশ্চ .
৮৬.২ আযুধধনপূগফলাগমঃ তৃঈযে ভবেদ্ ভাগে .. ..
৮৬.৩ স্নিগ্ধদ্বিজস্য সন্দর্শনং চতুর্থে তথাহিতাগ্নেশ্চ .
৮৬.৩ কোণেঽনুজীবিভিক্ষুপ্রদর্শনং কনকলোহাপ্তিঃ .. ..
৮৬.৪ যাম্যেনাদ্যে নৃপপুত্রদর্শনং সিদ্ধিঃ অভিমতস্যাপ্তিঃ .
৮৬.৪ পরতঃ স্ত্রীধর্মাপ্তিঃ সর্ষপযবলব্ধিঃ অপি উক্তা .. ..
৮৬.৫ কোণাগতুর্থখণ্ডে লব্ধিঃ দ্রব্যস্য পূর্বনষ্টস্য .
৮৬.৫ যদ্বা তদ্বা ফলমপি যাত্রাযাং প্রাপ্নুযাদ্ যাতা .. ..
৮৬.৬ যাত্রাসিদ্ধিঃ সমদক্ষিণেন শিখিমহিষকুক্কুটাপ্তিশ্চ .
৮৬.৬ যাম্যাদ্ দ্বিতীযভাগে চারণসংগঃ শুভং প্রীতিঃ .. ..
৮৬.৭ ঊর্ধ্বং সিদ্ধিঃ কৈবর্তসংগমো মীনতিত্তিরাদ্যাপ্তিঃ .
৮৬.৭ প্রব্রজিতদর্শনং তত্পরে চ পক্বান্নফললব্ধিঃ .. ..
৮৬.৮ নৈরৃত্যাং স্ত্রীলাভঃ তুরগালংকারদূতলেখাপ্তিঃ .
৮৬.৮ পরতোঽস্য চর্মতত্শিল্পিদর্শনং চর্মমযলব্ধিঃ .. ..
৮৬.৯ বানরভিক্ষুশ্রবণাবলোকনং নৈরৃতাত্ তৃইতীযাংশে .
৮৬.৯ ফলকুসুমদন্তঘটিতাগমশ্চ কোণাগতুর্থাংশে .. ..
৮৬.১০ বারুণ্যামর্ণবজাতরত্নবৈদূর্য ( বৈডূর্য) মণিমযপ্রাপ্তিঃ .
৮৬.১০ পরতোঽতঃ শবরব্যাধচৌরসংগঃ পিশিতলব্ধিঃ .. ..
৮৬.১১ পরতোঽপি দর্শনং বাতরোগিণাং চন্দনাগুরুপ্রাপ্তিঃ .
৮৬.১১ আযুধপুস্তকলব্ধিঃ তদ্বৃত্তিসমাগমশ্চ ঊর্ধ্বম্ .. ..
৮৬.১২ বাযব্যে ফেনকচামর ঊর্ণিকাপ্তিঃ সমেতি কাযস্থঃ .
৮৬.১২ মৃন্মযলাভোঽন্যস্মিন্ বৈতালিকডিণ্ডিভাণ্ডানাম্ .. ..
৮৬.১৩ বাযব্যাগ তৃতীযে মিত্রেণ স্মাগমো ধনপ্রাপ্তিঃ .
৮৬.১৩ বস্ত্রাশ্বাপ্তিঃ অতঃ পরমিষ্টসুহৃত্সংপ্রযোগশ্চ .. ..
৮৬.১৪ দধিতণ্ডুললাজানাং লব্ধিরুদগ্ দর্শনং চ বিপ্রস্য .
৮৬.১৪ অর্থাবাপ্তিঃ অনন্তরমুপগচ্ছতি সার্থবাহশ্চ .. ..
৮৬.১৫ বেশ্যাবটুদাসসমাগমঃ পরে শুক্ল ( শুষ্ক) পুষ্পফললব্ধিঃ .
৮৬.১৫ অত ঊর্ধ্বং ( অতঃ পরং) চিত্রকরস্য দর্শনং চিত্রবস্ত্রাপ্তিঃ ( বস্ত্রসংপ্রাপ্তিঃ) .. ..
৮৬.১৬ ঐশান্যাং দেবলকোপসংগমো ধান্যরত্নপশুলব্ধিঃ .
৮৬.১৬ প্রাক্ প্রথমে বস্ত্রাপ্তিঃ সমাগমশ্চাপি বন্ধক্যা .. ..
৮৬.১৭ রজকেন সমাযোগো জলজদ্রব্যাগমশ্চ পরতোঽতঃ .
৮৬.১৭ হস্ত্যুপজীবিসমাজশ্চাস্মাদ্ ধনহস্তিলব্ধিশ্চ .. ..
৮৬.১৮ দ্বাত্রিংশত্প্রবিভক্তং দিক্চক্রং বাস্তুবত্ সনেম্যুক্তং ( বাস্তুবন্ধনে অপি উক্তং) .
৮৬.১৮ অরনাভিস্থৈঃ অন্তঃ ফলানি নবধা বিকল্প্যানি .. ..
৮৬.১৯ নাভিস্থে বন্ধুসুহৃত্সমাগমঃ তুষ্টিরুত্তমা ভবতি .
৮৬.১৯ প্রাগ্রক্তপট্টবস্ত্রাগমঃ ত্বরে নৃপতিসংযোগঃ .. ..
৮৬.২০ আগ্নেযে কৌলিকতক্ষপারিকর্মমাশ্বসূতসংযোগঃ .
৮৬.২০ লব্ধিশ্চ তত্কৃতানাং দ্রব্যাণামশ্বলব্ধিঃ বা .. ..
৮৬.২১ নেমীভাগং বুদ্ধ্বা নাভীভাগং চ দক্ষিণে যোঽরঃ .
৮৬.২১ ধার্মিকজনসংযোগঃ তত্র ভবেদ্ ধর্মলাভশ্চ .. ..
৮৬.২২ উস্রাক্রীডককাপালিকাগমো নৈরৃতে সমুদ্দিষ্টঃ .
৮৬.২২ বৃষভস্য চাত্র লব্ধিঃ মাষকুলত্থাদ্যমশনম্ চ .. ..
৮৬.২৩ অপরস্যাং দিশি যোঽরঃ তত্রাসক্তিঃ কৃষীবলৈঃ ভবতি .
৮৬.২৩ সামুদ্রদ্রব্যসুসারকাচফলমদ্যলব্ধিশ্চ .. ..
৮৬.২৪ ভারবহতক্ষভিক্ষুকসন্দর্শনমপি চ বাযুদিক্সংস্থে .
৮৬.২৪ তিলককুসুমস্য লব্ধিঃ সনাগপুন্নাগকুসুমস্য .. ..
৮৬.২৫ কৌবের্যাং দিশি যোঽরঃ তত্রস্থো ( শকুনঃ শান্তাযাং) বিত্তলাভ্মাখ্যাতি .
৮৬.২৫ ভাগবতেন সমাগমনং ( সমাগমং) আচষ্টে পীতবস্ত্রৈশ্চ .. ..
৮৬.২৬ ঐশানে ব্রতযুক্তা বনিতা সন্দর্শনং সমুপযাতি .
৮৬.২৬ লব্ধিশ্চ পরিজ্ঞেযা কৃষ্ণাযঃশস্ত্র ( কৃষ্ণাযোবস্ত্র) ঘণ্টানাম্ .. ..
৮৬.২৭ যাম্যেঽষ্টাংশে পশ্চাদ্ দ্বিষট্ত্রিসপ্তাষ্টমেষু মধ্যফলা .
৮৬.২৭ সৌম্যেন চ দ্বিতীযে শেষেষ্বতিশোভনা যাত্রা .. ..
৮৬.২৮ অভ্যন্তরে তু নাভ্যাং শুভফলদা ভবতি ষট্সু চারেষু .
৮৬.২৮ বাযব্যানৈরৃতযোঃ অরযোঃ ( উভয্যোঃ) ক্লেশাবহা যাত্রা .. ..
৮৬.২৯ শান্তাসু দিক্ষু ফলমিদমুক্তং দীপ্তাস্বতোঽভিধাস্যামি .
৮৬.২৯ এন্দ্র্যাং ভযং নরেন্দ্রাত্ সস্মাগমশ্চৈব শাত্রূণাম্ .. ..
৮৬.৩০ তদনন্তরদিশি নাশঃ কনকস্য ভযং সুবর্ণকারাণাম্ .
৮৬.৩০ অর্থক্ষযঃ তৃতীযে কলহঃ শস্ত্রপ্রকোপশ্চ .. ..
৮৬.৩১ অগ্নিভযং চ চতুর্থে ভযমাগ্নেযে চ ভবতি চৌরেভ্যঃ .
৮৬.৩১ কোণাদপি দ্বিতীযে ধনক্ষযো নৃপসুতবিনাশঃ .. ..
৮৬.৩২ প্রমদাগর্ভবিনাশঃ তৃতীযভাগে ভবেগতুর্থে চ .
৮৬.৩২ হৈরণ্যককারুকযোঃ প্রধ্বংসঃ শস্ত্রকোপশ্চ .. ..
৮৬.৩৩ অথ পংচমে নৃপভযং মারীমৃতদর্শনং চ বক্তব্যম্ .
৮৬.৩৩ ষষ্ঠে তু ভযং জ্ঞেযং গন্ধর্বাণাং সডোংবানাম্ .. ..
৮৬.৩৪ ধীবরশাকুনিকানাং সপ্তমভাগাদ্ ( ভাগে) ভযং ভবতি পীপ্তে .
৮৬.৩৪ ভোজনবিঘাত উক্তো নির্গ্রন্থভযং চ তত্পরতঃ .. ..
৮৬.৩৫ কলহো নৈরৃতভাগে রক্তস্রাবোঽথ চর্মকারভযং ( শস্ত্রকোপশ্চ) .
৮৬.৩৫ অপরাদ্যে চর্মকৃতং বিনশ্যতে চর্মকারভযম্ .. ..
৮৬.৩৬ তদনন্তরং ( তদনন্তরে) পরিব্রাট্শ্রবণভযং তত্পরে ত্বনশনভযম্ .
৮৬.৩৬ বৃষ্টিভযং বারুণ্যে শ্বতস্করাণাং ভযং পরতঃ .. ..
৮৬.৩৭ বাযুগ্রস্তবিনাশঃ পরে পরে শস্ত্রপুস্তবার্তানাং ( বার্ত্তানাং) .
৮৬.৩৭ কোণে পুস্তকনাশঃ পরে বিষস্তেনবাযুভযম্ .. ..
৮৬.৩৮ পরতো বিত্তবিনাশো মিত্রৈঃ সহ বিগ্রহশ্চ বিজ্ঞেযঃ .
৮৬.৩৮ তস্যাসন্নেঽশ্ববধো ভযমপি চ পুরোধসঃ প্রোক্তম্ .. ..
৮৬.৩৯ গোহরণশস্ত্রঘাতাবুদক্ পরে সার্থঘাতধননাশৌ .
৮৬.৩৯ আসন্নে চ শ্বভযং ব্রাত্যদ্বিজদাসগণিকানাম্ .. ..
৮৬.৪০ ঐশানস্যাসন্নে চিত্রাংবরচিত্রকৃদ্ভযং প্রোক্তম্ .
৮৬.৪০ ঐশানে ত্বগ্নিভযং দূষণমপি উত্তমস্ত্রীণাম্ .. ..
৮৬.৪১ প্রাক্ তস্যৈবাসন্নে দুঃখোত্পত্তিঃ স্ত্রিযা বিনাশশ্চ .
৮৬.৪১ ভযমূর্ধ্বং রজকানাং বিজ্ঞেযং কাচ্চ্ছিকানাং চ .. ..
৮৬.৪২ হস্ত্যারোহভযং স্যাদ্ দ্বিরদবিনাশশ্চ মণ্ডলসমাপ্তৌ .
৮৬.৪২ অভ্যন্তরে তু দীপ্তে পত্নীমরণং ধ্রুবং পূর্বে .. ..
৮৬.৪৩ শস্ত্রানলপ্রকোপাগ্নেযে বাজিমরণশিল্পিভযম্ .
৮৬.৪৩ যাম্যে ধর্মবিনাশোঽপরে ( বিনাশঃ পরে) ঽগ্ন্যবস্কন্দচোক্ষবধাঃ .. ..
৮৬.৪৪ অপরে তু কর্মিণাং ভযমথ কোণে চানিলে খরৌষ্ট্রবধঃ .
৮৬.৪৪ অত্রৈব মনুষ্যাণাং বিসূচিকা ( বিক্স্ক্ষূচিকা) বিষভযং ভবতি .. ..
৮৬.৪৫ উদগর্থবিপ্রপীডা দিশ্যৈশান্যাং তু চিত্তসন্তাপঃ .
৮৬.৪৫ গ্রামীণগোপপীডা চ তত্র নাভ্যাং তথাত্মবধঃ .. ..

অধ্যায ৮৭ বিরুতাধ্যাযঃ

৮৭.১ শ্যামাশ্যেনশশঘ্নবঞ্জুলশিখিশ্রীকর্ণচক্রাহ্বযাশ্
৮৭.১ চাষাণ্ডীরকখঞ্জরীটকশুকধ্বাংক্ষাঃ কপোতাঃ ত্রযঃ ( ত্রযাঃ) .
৮৭.১ ভারদ্বাজকুলালকুক্কুটখরা হারীতগৃধ্রৌ কপিঃ
৮৭.১ ফেণ্টঃ কুক্কুটপূর্ণকূটচটকাঃ প্রোক্তা ( চটকাশ্চ উক্তা) দিবাসংচরাঃ .. ..
৮৭.২ লোমাশিকা পিংগলচ্ছিপ্পিকাখ্যৌ
৮৭.২ বল্গুল্যুলূকৌ শশকশ্চ রাত্রৌ .
৮৭.২ সর্বে স্বকালোত্ক্রমচারিণঃ স্যুঃ
৮৭.২ দেশস্য নাশায নৃপান্তদা বা .. ..
৮৭.৩ হযনরভুজগৌষ্ট্রদ্বীপিসিংহঋক্ষগোধা
৮৭.৩ বৃকনকুলকুরংগশ্বাজগোব্যাঘ্রহংসাঃ .
৮৭.৩ পৃষতমৃগশৃগালশ্বাবিদাখ্যান্যপুষ্টা
৮৭.৩ দ্যুনিশমপি বিডালঃ সারসঃ সূকরশ্চ .. ..
৮৭.৪ ভষকূটপূরিকুরবককরাযিকাঃ পূর্ণকূটসণ্জ্ঞাঃ স্যুঃ .
৮৭.৪ নামানি উলূকচেট্যাঃ পিংগলিকা পেচিকা হক্কা .. ..
৮৭.৫ কপোতকী চ শ্যামা বঞ্জুলকঃ কীর্ত্যতে খদিরচংচুঃ .
৮৭.৫ ছুচ্ছুন্দরী নৃপসুতা বালেযো গর্দভঃ প্রোক্তঃ .. ..
৮৭.৬ স্রোতঃ তডাগভেদ্য ( ভেদ্যেক) একপুত্রকঃ কলহকারিকা চ রলা .
৮৭.৬ ভৃংগারবগ বিরুবতি ( বাশতি) নিশি ভূমৌ দ্ব্যংগুলশরীরা .. ..
৮৭.৭ দুর্বলিকো ভাণ্ডীকঃ প্রাচ্যানাং দক্ষিণঃ প্রশস্তোঽসৌ .
৮৭.৭ ধিক্কারো মৃগজাতিঃ কৃকবাকুঃ কুক্কুটঃ প্রোক্তঃ .. ..
৮৭.৮ গর্তাকুক্কুটকস্য প্রথিতং তু কুলালকুক্কুটো নাম .
৮৭.৮ গৃহগোধিকেতি সংজ্ঞা বিজ্ঞেযা কুড্যমত্স্যস্য .. ..
৮৭.৯ দিব্যো ধন্বন উক্তঃ ক্রোডঃ স্যাত্ সূকরোঽথ গৌরুস্রা .
৮৭.৯ শ্বা সারমেয উক্তো জাত্যা চটিকা চ সূকরিকা .. ..
৮৭.১০ এবং দেশে দেশে তদ্বিদ্ভ্যঃ সমুপলভ্য নামানি .. ..
৮৭.১০ শকুনরুতজ্ঞানার্থং শাস্ত্রে সংচিত্য ( সংচিন্ত্য) যোজ্যানি .. ..
৮৭.১১ বঞ্জুলকরুতং তিত্তিড্ ইতি দীপ্তমথ কিল্কিলীতি তত্পূর্ণম্ .
৮৭.১১ শ্যেনশুকগৃধ্রকংকাঃ প্রকৃতেঃ অন্যস্বরা দীপ্তাঃ .. ..
৮৭.১২ যানাসনশয্যানিলযনং কপোতস্য সদ্মবিশনং বা .
৮৭.১২ অশুভপ্রদং নরাণাং জাতিবিভেদেন কালোঽন্যঃ .. ..
৮৭.১৩ আপাণ্ডুরস্য বর্ষাগিত্রকপোতস্য চৈব ষণ্মাসাত্ .
৮৭.১৩ কুংকুমধূম্রস্য ফলং সদ্যঃ পাকং কপোতস্য .. ..
৮৭.১৪ চিচিদিতি শব্দঃ পূর্ণঃ শ্যামাযাঃ শূলিশূলিতি চ ধন্যঃ .
৮৭.১৪ চচ্চৈতি দীপ্তঃ স্যাত্ স্বপ্রিযলাভায ( যোগায) চিক্চিগ্ ইতি .. ..
৮৭.১৫ হারীতস্য তু শব্দো গুগ্গুঃ পূর্ণোঽপরে প্রদীপ্তাঃ স্যুঃ .
৮৭.১৫ স্বরবৈচিত্র্যং সর্বং ভারদ্বাজ্যাঃ শুভং প্রোক্তম্ .. ..
৮৭.১৬ কিষ্কিষিশব্দঃ পূর্ণঃ করাযিকাযাঃ শুভঃ কহকহৈতি .
৮৭.১৬ ক্ষমায কেবলং করকরৈতি ন ত্বর্থসিদ্ধিকরঃ .. ..
৮৭.১৭ কোটুক্লীতি ক্ষেম্যঃ স্বরঃ কুটুক্লীতি বৃষ্টযে তস্যাঃ .
৮৭.১৭ অফলঃ কোটিকিলীতি চ দীপ্তঃ খলু গুং কৃতঃ শব্দঃ .. ..
৮৭.১৮ শস্ত্রং বামে দর্শনং দিব্যকস্য
৮৭.১৮ সিদ্ধিঃ জ্ঞেযা হস্তমাত্রৌচ্ছ্রিতস্য .
৮৭.১৮ তস্মিন্ন্ এব প্রোন্নতস্থে শরীরাদ্
৮৭.১৮ ধাত্রী বশ্যং সাগরান্তরাভ্যুপৈতি .. ..
৮৭.১৯ ফণিতোঽভিমুখাগমোঽরিসংগং
৮৭.১৯ কথযতি বন্ধুবধাত্যযং চ যাতুঃ .
৮৭.১৯ অথবা সমুপৈতি সব্যভাগাত্
৮৭.১৯ ন স সিদ্ধ্যৈ কুশলো গমাগমে চ .. ..
৮৭.২০ অব্জেষু মূর্ধসু চ বাজিগজৌরগাণাং
৮৭.২০ রাজ্যপ্রদঃ কুশলকৃত্শুচিশাদ্বলেষু .
৮৭.২০ ভস্মাস্থিকাষ্ঠতুষকেশতৃণেষু দুঃখং
৮৭.২০ দৃষ্টঃ করোতি খলু খঞ্জনকোঽব্দমেকম্ .. ..
৮৭.২১ কিলিকিল্কিলি তিত্তিরস্বনঃ
৮৭.২১ শান্তঃ শস্তফলোঽন্যথাপরঃ .
৮৭.২১ শশকো নিশি বামপার্শ্বগো
৮৭.২১ বাশন্ শস্তফলো নিগদ্যতে .. ..
৮৭.২২ কিলিকিলিবিরুতং কপেঃ প্রদীপ্তং
৮৭.২২ ন শুভফলপ্রদমুদ্দিশন্তি যাতুঃ .
৮৭.২২ শুভমপি কথযন্তি চুগ্লুশব্দং
৮৭.২২ কপিসদৃশং চ কুলালকুক্কুটস্য .. ..
৮৭.২৩ পূর্ণাননঃ কৃমিপতংগপিপীলকাদ্যৈশ্
৮৭.২৩ চাষঃ প্রদক্ষিণমুপৈতি নরস্য যস্য .
৮৭.২৩ খে স্বস্তিকং যদি করোত্যথবা যিযাসোঃ
৮৭.২৩ তস্যার্থলাভমচিরাত্ সুমহত্ করোতি .. ..
৮৭.২৪ চাষস্য কাকেন বিরুধ্যতশ্চেত্
৮৭.২৪ পরাজযো দক্ষিণভাগগস্য .
৮৭.২৪ বধঃ প্রযাতস্য তদা নরস্য
৮৭.২৪ বিপর্যযে তস্য জযঃ প্রদিষ্টঃ .. ..
৮৭.২৫ কেকেতি পূর্ণকুটবদ্ যদি বামপার্শ্বে
৮৭.২৫ চাষঃ করোতি বিরুতং জযকৃত্ তদা স্যাত্ .
৮৭.২৫ ক্রেক্রেতি ( ক্রক্রেতি) তস্য বিরুতং ন শিবায দীপ্তং
৮৭.২৫ সন্দর্শনং শুভদমস্য সদৈব যাতুঃ .. ..
৮৭.২৬ অণ্ডীরকষ্টীতি রুতেন পূর্ণষ্-
৮৭.২৬ টিট্টিট্টিশব্দেন তু দীপ্ত উক্তঃ .
৮৭.২৬ ফেণ্টঃ শুভো দক্ষিণভাগসংস্থো
৮৭.২৬ ন বাশিতে তস্য কৃতো বিশেষঃ .. ..
৮৭.২৭ শ্রীকর্ণরুতং তু দক্ষিণে
৮৭.২৭ ক্বক্বক্বৈতি শুভং প্রকীর্তিতম্ .
৮৭.২৭ মধ্যং খলু চিক্চিকীতি যচ্
৮৭.২৭ শেষং সর্বমুশন্তি নিষ্ফলম্ .. ..
৮৭.২৮ দুর্বলেঃ অপি চিরিল্বিরিল্বিতি
৮৭.২৮ প্রোক্তমিষ্টফলদং হি বামতঃ .
৮৭.২৮ বামতশ্চ যদি দক্ষিণং ব্রজেত্
৮৭.২৮ কার্যসিদ্ধিমচিরেণ যচ্ছতি .. ..
৮৭.২৯ চিক্চিকিবাশিতমেব তু কৃত্বা
৮৭.২৯ দক্ষিণভাগমুপৈতি তু বামাত্ .
৮৭.২৯ ক্ষেমকৃদেব ন সাধযতেঽর্থান্
৮৭.২৯ ব্যত্যযগো বধবন্ধভযায .. ..
৮৭.৩০ ক্রক্রেতি চ সারিকা দ্রুতং ত্রেত্রে বাপ্যভযা বিরৌতি যা .
৮৭.৩০ সা বক্তি যিযাসতোঽচিরাদ্ গাত্রেভ্যঃ ( গাত্রেভ্য) ক্ষতজস্য বিস্রুতিম্ .. ..
৮৭.৩১ ফেণ্টকস্য বামতশ্চিরিল্বিরিল্বিতি স্বনঃ .
৮৭.৩১ শোভনো নিগদ্যতে প্রদীপ্ত উচ্যতেঽপরঃ .. ..
৮৭.৩২ শ্রেষ্ঠং খরং স্থাস্নুমুশন্তি বামম্
৮৭.৩২ ওংকারশব্দেন হিতং চ যাতুঃ .
৮৭.৩২ অতোঽপরং ( অতঃ পরং) গর্দভনাদিতং যত্
৮৭.৩২ সর্বাশ্রযং তত্ প্রবদন্তি দীপ্তম্ .. ..
৮৭.৩৩ আকাররাবী সমৃগঃ কুরংগ
৮৭.৩৩ ওকাররাবী পৃষতশ্চ পূর্ণঃ .
৮৭.৩৩ যেঽন্যে স্বরাঃ তে কথিতাঃ প্রদীপ্তাঃ
৮৭.৩৩ পূর্ণাঃ শুভাঃ পাপফলাঃ প্রদীপ্তাঃ .. ..
৮৭.৩৪ ভীতা রুবন্তি কুকুকুক্বিতি তাম্রচূডাঃ
৮৭.৩৪ ত্যক্ত্বা রুতানি ভযদানি অপরাণি রাত্রৌ .
৮৭.৩৪ স্বস্থৈঃ স্বভাববিরুতানি নিশাবসানে
৮৭.৩৪ তারাণি রাষ্ট্রপুরপার্থিববৃদ্ধিদানি .. ..
৮৭.৩৫ নানাবিধানি বিরুতানি হি ছিপ্পিকাযাঃ
৮৭.৩৫ তস্যাঃ শুভাঃ কুলুকুলুঃ ন শুভাঃ তু শেষাঃ .
৮৭.৩৫ যাতুঃ বিডালবিরুতং ন শুভং সদৈব
৮৭.৩৫ গোঃ তু ক্ষুতং মরণমেব করোতি যাতুঃ .. ..
৮৭.৩৬ হুংহুংগুগ্লুগ্ ইতি প্রিযামভিলষন্ ক্রোশত্যুলূকো মুদা
৮৭.৩৬ পূর্ণঃ স্যাদ্ গুরুলু প্রদীপ্তমপি চ জ্ঞেযং সদা কিস্কিসি .
৮৭.৩৬ বিজ্ঞেযঃ কলহো যদা বলবলং তস্য ( তস্যাঃ) অসকৃদ্বাশিতং
৮৭.৩৬ দোষাযৈব টটট্টটৈতি ন শুভাঃ শেষাঃ তু দীপ্ত ( দীপ্তাঃ) স্বরাঃ .. ..
৮৭.৩৭ সারসকূজিতমিষ্টফলং তদ্ যদ্ যুগপদ্বিরুতং মিথুনস্য .
৮৭.৩৭ একরুতং ন শুভং যদি বা স্যাদেকরুতে প্রবিরৌতি ( প্রতিরৌতি) চিরেণ .. ..
৮৭.৩৮ চিরিল্বিরিল্বিতি স্বরৈঃ শুভং করোতি পিংগলাঃ ( পিংগলা) .
৮৭.৩৮ অতোঽপরে তু যে স্বরাঃ প্রদীপ্তসংজ্ঞিতাঃ তু তে .. ..
৮৭.৩৯ ইশিবিরুতং গমনপ্রতিষেধি
৮৭.৩৯ কুশুকুশু চেত্ কলহং প্রকরোতি .
৮৭.৩৯ অভিমতকার্যগর্তিং চ যথা সা
৮৭.৩৯ কথযতি তং চ বিধিং কথযামি .. ..
৮৭.৪০ দিনান্তসন্ধ্যাসমযে নিবাসম্
৮৭.৪০ আগম্য তস্যাঃ প্রযতশ্চ বৃক্ষম্ .
৮৭.৪০ দেবান্ সমভ্যর্চ্য পিতামহাদীন্
৮৭.৪০ নবাংবরঃ তং চ তরুং সুগন্ধৈঃ .. ..
৮৭.৪১ একো নিশীথেঽনলদিক্স্থিতশ্চ
৮৭.৪১ দিব্যেতরৈঃ তাং শপথৈঃ নিযোজ্য .
৮৭.৪১ পৃচ্ছেদ্ যথাচিন্তিতমর্থমেবম্
৮৭.৪১ অনেন মন্ত্রেণ যথাশৃণোতি .. ..

( মন্ত্র)

৮৭.৪২ বিদ্ধিভদ্রে মযা যত্ ত্বমিমমর্থং প্রচোদিতা .
৮৭.৪২ কল্যাণি সর্ববচসাং বেদিত্রী ত্বং প্রকীর্ত্যসে .. ..
৮৭.৪৩ আপৃচ্ছেঽদ্য গমিষ্যামি বেদিতশ্চ পুনঃ ত্বহম্ .
৮৭.৪৩ প্রাতঃ আগম্য পৃচ্ছে ত্বামাগ্নেযীং দিশমাশ্রিতঃ .. ..
৮৭.৪৪ প্রচোদযাম্যহং যত্ ত্বাং তন্ মে ব্যাখ্যাতুমর্হসি .
৮৭.৪৪ স্বচেষ্টিতেন কল্যাণি যথা বেদ্মি নিরাকুলম্ .. ..
৮৭.৪৫ ইত্যেবমুক্তে তরুমূর্ধগাযাশ্
৮৭.৪৫ চিরিল্বিরিল্বীতি রুতেঽর্থসিদ্ধিঃ .
৮৭.৪৫ অত্যাকুলত্বং দিশিকারশব্দে
৮৭.৪৫ কুচাকুচা ইত্যেবমুদাহৃতে বা .. ..
৮৭.৪৬ অবাক্প্রদানে ঽপি হিত ( বিহিত) অর্থসিদ্ধিঃ
৮৭.৪৬ পূর্বোক্তদিক্চক্রফলৈঃ অতোঽন্যত্ .
৮৭.৪৬ বাচ্যং ফলং চোত্তমমধ্যনীচ-
৮৭.৪৬ শাখাস্থিতাযাং বরমধ্যনীচম্ .. ..
৮৭.৪৭ দিন্মন্দলেঽভ্যন্তরবাহ্যভাগে
৮৭.৪৭ ফলানি বিন্দ্যাদ্ গৃহগোধিকাযাঃ .
৮৭.৪৭ ছুচ্ছুন্দরী চিচ্চিড্ ইতি প্রদীপ্তা
৮৭.৪৭ পূর্ণা তু সা তিত্তিড্ ইতি স্বনেন .. ..

অধ্যায ৮৮ শ্বচক্রাধ্যাযঃ

৮৮.১ ( ১) নৃতুরগকরিকুংভপর্যাণসক্ষীরবৃক্ষেষ্টকাসংচয-
চ্ছত্রশয্যাসনৌলূখলানি ধ্বজং চামরং শাদ্বলং পুষ্পিতং বা প্রদেশং –
যদা শ্বাবমূত্র্যাগ্রতো যাতি যাতুঃ তদা কার্যসিদ্ধিঃ ভবেদার্দ্রকে গোমযে –
মিষ্টভোজ্যাগমঃ শুষ্কসম্মূত্রণে শুষ্কমন্নং গুডো মোদকাবাপ্তিঃ এবাথবা .
৮৮.১ ( ২) অথ বিষতরুকণ্ঠকীকাষ্ঠপাষাণশুষ্কদ্রুমাস্থিশ্মশানানি –
মূত্র্যাবহত্যথবা যাযিনোঽগ্রে সরোঽনিষ্টমাখ্যাতি শয্যাকুলালাদি ভাণ্ডানি –
অভুক্তানি অভিন্নানি বা মূত্রযন্ কন্যকাদোষকৃদ্ভুজ্যমানানি চেদ্ দ্ষ্টতাং –
তদ্গৃহিণ্যাঃ তথা স্যাদুপানত্ফলং গোঃ তু সম্মূত্রণেঽবর্ণজঃ ( বর্ণজঃ) সংকরঃ .
৮৮.১ ( ৩) গমনমুখমুপানহং সংপ্রগৃহ্যৌপতিষ্ঠেদ্ যদা স্যাদ্ তদা –
সিদ্ধযে মাংসপূর্ণাননেঽর্থাপ্তিঃ আদ্রেণ চাস্থ্না শুভং সাগ্ন্যলাতেন শুষ্কেণ –
চাস্থ্না গৃহীতেন মৃত্যুঃ প্রশান্তৌল্মুকেনাভিঘাতোঽথ পুংসঃ শিরোহস্তপাদাদি –
বক্ত্রে ভুবোঽভ্যাগমো ( হ্যাগমো) বস্ত্রচীরাদিভিঃ ব্যাপদঃ কে চিদাহুঃ সবস্ত্রে শুভম্ .
৮৮.১ ( ৪) প্রবিশতি তু গৃহং সশুষ্কাস্থিবক্ত্রে প্রধানস্য তস্মিন্ –
বধঃ শৃংখলাশীর্ণবল্লীবরত্রাদি বা বন্ধনং চৌপগৃহ্যৌপতিষ্ঠেদ্ যদা –
স্যাত্ তদা বন্ধনং লেঢি পাদৌ বিধুন্বন্ স্বকর্ণাবুপর্যাক্রমংশ্চাপি বিঘ্নায –
যাতুঃ বিরোধে বিরোধঃ তথা স্বাংগকণ্ডূযনে স্যাত্ স্বপংশ্চ ঊর্ধ্বপাদঃ সদা দোষকৃত্ .. ..
৮৮.২ সূর্যোদযেঽর্কাভিমুখো বিরৌতি
৮৮.২ গ্রামস্য মধ্যে যদি সারমেযঃ .
৮৮.২ একো যদা বা বহবঃ সমেতাঃ
৮৮.২ শংসন্তি দেশাধিপমন্যমাশু .. ..
৮৮.৩ সূর্যোন্মুখঃ শ্বানলদিক্স্থিতশ্চ
৮৮.৩ চৌরানলত্রাসকরোঽচিরেণ .
৮৮.৩ মধ্যাহ্নকালেঽনলমৃত্যুশংসী
৮৮.৩ সশোণিতঃ স্যাত্ কলহোঽপরাহ্ণে .. ..
৮৮.৪ রুবন্ দিনেশাভিমুখোঽস্তকালে
৮৮.৪ কৃষীবলানাং ভযমাশু দত্তে ( ধত্তে) .
৮৮.৪ প্রদোষকালেঽনিলদিন্মুখশ্চ ( তু)
৮৮.৪ দত্তে ( ধত্তে) ভযং মারুততস্করোত্থম্ .. ..
৮৮.৫ উদন্মুখশ্চাপি নিশার্ধকালে
৮৮.৫ বিপ্রব্যথাং গোহরণং চ শাস্তি .
৮৮.৫ নিশাবসানে শিবদিন্মুখশ্চ
৮৮.৫ কন্যাভিদূষানলগর্ভপাতান্ .. ..
৮৮.৬ উচ্চৈঃ স্বরাঃ স্যুঃ তৃণকূটসংস্থাঃ
৮৮.৬ প্রাসাদবেশ্মোত্তমসংস্থিতা বা .
৮৮.৬ বর্ষাসু বৃষ্টিং কথযন্তি তীব্রাম্
৮৮.৬ অন্যত্র মৃত্যুং দহনং রুজশ্চ .. ..
৮৮.৭ প্রাবৃট্কালেঽবগ্রহেঽংভোঽবগাহ্য
৮৮.৭ প্রত্যাবর্তৈ ( প্রত্যাবৃত্তৈ) রেচকৈশ্চাপ্যভীক্ষণং ( অভীক্ষ্ণং) .
৮৮.৭ আধুন্বন্তো বা পিবন্তশ্চ তোযং
৮৮.৭ বৃষ্টিং কুর্বন্ত্যন্তরে দ্বাদশাহাত্ .. ..
৮৮.৮ দ্বারে শিরো ন্যস্য বহিঃ শরীরং
৮৮.৮ রোরূযতে শ্বা গৃহিণীং বিলোক্য .
৮৮.৮ রোগপ্রদঃ স্যাদথ মন্দিরান্তর্-
৮৮.৮ বহির্মুখো বক্তি চ ( শংসতি) বন্ধকীং তাম্ .. ..
৮৮.৯ কুড্যমুত্কিরতি বেশ্মনো যদা তত্র খানকভযং ভবেত্ তদা .
৮৮.৯ গোষ্ঠমুত্কিরতি গোগ্রহং বদেদ্ ধান্যলব্ধিমপি ধান্যভূমিষু .. ..
৮৮.১০ একেনাক্ষ্ণা সাশ্রুণা দীনদৃষ্টিঃ
৮৮.১০ মন্দাহারো দুঃখকৃত্ তদ্গৃহস্য .
৮৮.১০ গোভিঃ সাকং ( সার্ধং) ক্রীডমাণঃ সুভিক্ষং
৮৮.১০ ক্ষেমারোগ্যং চাভিধত্তে মুদং চ .. ..
৮৮.১১ বামং জিঘ্রেজ্জানু বিত্তাগামায স্ত্রীভিঃ
৮৮.১১ সাকং বিগ্রহো দক্ষিণং চেত্ .
৮৮.১১ ঊরুং বামং চেন্দ্রিযার্থৌপভোগঃ ( উপভোগাঃ)
৮৮.১১ সব্যং জিঘ্রেদিষ্টমিত্রৈঃ বিরোধঃ .. ..
৮৮.১২ পাদৌ জিঘ্রেদ্ যাযিনশ্চেদযাত্রাং
৮৮.১২ প্রাহার্থাপ্তিং বাংছিতাং নিশ্চলস্য .
৮৮.১২ স্থানস্থস্যৌপানহৌ চেদ্ বিজিঘ্রেত্
৮৮.১২ ক্ষিপ্রং যাত্রাং সারমেযঃ করোতি .. ..
৮৮.১৩ উভযোঃ অপি জিঘ্রণে হি বাহ্বোঃ
৮৮.১৩ বিজ্ঞেযো রিপুচৌরসংপ্রযোগঃ .
৮৮.১৩ অথ ভস্মনি গোপযীত ভক্ষান্
৮৮.১৩ মাংসাস্থীনি চ ( বা চ) শীঘ্রমগ্নিকোপঃ .. ..
৮৮.১৪ গ্রামে ভষিত্বা চ বহিঃ শ্মশানে
৮৮.১৪ ভষন্তি চেদুত্তমপুংবিনাশঃ .
৮৮.১৪ যিযাসতশ্চাভিমুখো বিরৌতি
৮৮.১৪ যদা তদা শ্বা নিরুণদ্ধি যাত্রাম্ .. ..
৮৮.১৫ উকারবর্ণে বিরুতে ( বর্ণেন রুতে) ঽর্থসিদ্ধিঃ
৮৮.১৫ ওকারবর্ণেন চ বামপার্শ্বে .
৮৮.১৫ ব্যাক্ষেপমৌকাররুতেন বিন্দ্যান্
৮৮.১৫ নিষেধকৃত্সর্বরুতৈশ্চ পশ্চাত্ .. ..
৮৮.১৬ খংখৈতি ( সগ্খেতি) চৌচ্চৈশ্চ মুহুর্মুহুঃ যে
৮৮.১৬ রুবন্তি দণ্ডৈঃ ইব তাড্যমানাঃ .
৮৮.১৬ শ্বানোঽভিধাবন্তি চ মণ্ডলেন
৮৮.১৬ তে শূন্যতাং মৃত্যুভযং চ কুর্যুঃ .. ..
৮৮.১৭ প্রকাশ্য দন্তান্ যদি লেঢি সৃক্বিণী
৮৮.১৭ তদাশনং মৃষ্টং ( মিষ্টং) উশন্তি তদ্বিদঃ .
৮৮.১৭ যদাননং লেঢি পুনঃ ( চ অবলিহেন্) ন সৃক্বিণী
৮৮.১৭ প্রবৃত্তভোজ্যেঽপি তদান্নবিঘ্নকৃত্ .. ..
৮৮.১৮ গ্রামস্য মধ্যে যদি বা পুরস্য
৮৮.১৮ ভষন্তি সংহত্য মুহুর্মুহুঃ যে .
৮৮.১৮ তে ক্লেশমাখ্যান্তি তদীশ্বরস্য
৮৮.১৮ শ্বারণ্যসংস্থো মৃগবদ্বিচিন্ত্যঃ .. ..
৮৮.১৯ বৃক্ষোপগে ক্রোশতি তোযপাতঃ
৮৮.১৯ স্যাদিন্দ্রকীলে সচিবস্য পীডা .
৮৮.১৯ বাযোঃ গৃহে সস্যভযং গৃহান্তঃ
৮৮.১৯ পীডা পুরস্যৈব চ গোপুরস্থে .. ..
৮৮.২০ ভযং চ শয্যাসু তদীশ্বরাণাং
৮৮.২০ যানে ভষন্তো ভযদাশ্চ পশ্চাত্ .
৮৮.২০ অথাপসব্যা জনসন্নিবেশে
৮৮.২০ ভযং ভষন্তঃ কথযন্ত্যরীণাম্ .. ..

অধ্যায ৮৯ শিবারুতাধ্যাযঃ

৮৯.১ শ্বভিঃ শেগালাঃ সদৃশাঃ ফলেন
৮৯.১ বিশেষ এষাং শিশিরে মদাপ্তিঃ .
৮৯.১ হূহূ রুতান্তে পরতশ্চ টটা
৮৯.১ পূর্ণঃ স্বরোঽন্যে কথিতাঃ প্রদীপ্তাঃ .. ..
৮৯.২ লোমাশিকাযাঃ খলু কক্কশব্দঃ
৮৯.২ পূর্ণঃ স্বভাবপ্রভবঃ স তস্যাঃ .
৮৯.২ যেঽন্যে স্বরাঃ তে প্রকৃতেঃ অপেতাঃ
৮৯.২ সর্বে চ দীপ্তা ইতি সংপ্রদিষ্টাঃ .. ..
৮৯.৩ পূর্বোদীচ্যোঃ শিবা শস্তা শান্তা সর্বত্র পূজিতা .
৮৯.৩ ধূমিতাভিমুখী হন্তি স্বরদীপ্তা দিগীশ্বরান্ .. ..
৮৯.৪ রাজা কুমারো নেতা চ দূতঃ শ্রেষ্ঠী চরো দ্বিজঃ .
৮৯.৪ গজাধ্যক্ষশ্চ পূর্বাদ্যাঃ ক্ষত্রিযাদ্যাশ্চতুর্দিশম্ .. ..
৮৯.৫ সর্বদিক্ষ্বশুভা দীপ্তা বিশেষেণাহ্নি অশোভনা .
৮৯.৫ পুরে সৈন্যেঽপসব্যা চ কষ্টা সূর্যোন্মুখী শিবা .. ..
৮৯.৬ যাহীত্যগ্নিভযং শাস্তি টাটৈতি মৃতবেদিকা .
৮৯.৬ ধিগ্ধিগ্ দুষ্কৃতমাচষ্টে সজ্বালা দেশনাশিনী .. ..
৮৯.৭ নৈব দারুণতামেকে সজ্বালাযাঃ প্রচক্ষতে .
৮৯.৭ অর্কাদ্যনলবত্ তস্যা বক্ত্রং লালাস্বভাবতঃ .. ..
৮৯.৮ অন্যপ্রতিরুতা যাম্যা সোদ্বন্ধমৃতশংসিনী .
৮৯.৮ বারুণি অনুরুতা সৈব শংসতে সলিলে মৃতম্ .. ..
৮৯.৯ অক্ষোভঃ শ্রবণং চৈষ্টং ধনপ্রাপ্তিঃ প্রিযাগমঃ .
৮৯.৯ ক্ষোভঃ প্রধানভেদশ্চ বাহনানাং চ সন্পদঃ .. ..
৮৯.১০ ফলমাসপ্তমাদেতদগ্রাহ্যং পরতো রুতম্ .
৮৯.১০ যাম্যাযাং তদ্বিপর্যস্তং ফলং ষট্পংচমাদ্ ঋতে .. ..
৮৯.১১ যা রোমাংচং মনুষ্যাণাং শকৃন্মূত্রং চ বাজিনাম্ .
৮৯.১১ রাবাত্ ত্রাসং চ জনযেত্ সা শিবা ন শিবপ্রদা .. ..
৮৯.১২ মৌনং গতা প্রতিরুতে নরদ্বিরদবাজিভিঃ ( বাজিনাং) .
৮৯.১২ যা শিবা সা শিবং সৈন্যে পুরে বা সংপ্রযচ্ছতি .. ..
৮৯.১৩ ভেভা ইতি শিবা ভযংকরী ভোভো ব্যাপদমাদিশেগ সা .
৮৯.১৩ মৃতিবন্ধনিবেদিনী ফিফে ( ফিফ) হূহূ চাত্মহিতা শিবা স্বরে .. ..
৮৯.১৪ শান্তা ত্ববর্ণাত্ পরমারুবন্তী ( পবনৌ রুবন্তী)
৮৯.১৪ টাটামুদীর্ণামিতি বাশ্যমানা .
৮৯.১৪ টেটে চ পূর্বং পরতশ্চ থেথে
৮৯.১৪ তস্যাঃ স্বতুষ্টিপ্রভবং রুতং তত্ .. ..
৮৯.১৫ উচ্চৈঃ ঘোরং বর্ণমুচ্চার্য পূর্বংপশ্চাত্
৮৯.১৫ ক্রোশেত্ ক্রোষ্টুকস্যানুরূপম্ .
৮৯.১৫ যা সা ক্ষেমং প্রাহ বিত্তস্য চাপ্তিং
৮৯.১৫ সংযোগং বা প্রোষিতেন প্রিযেণ .. ..

অধ্যায ৯০ মৃগচেষ্টিতাধ্যাযঃ

৯০.১ সীমাগতা বন্যমৃগা রুবন্তঃ
৯০.১ স্থিতা ব্রজন্তোঽথ সমাপতন্তঃ .
৯০.১ সংপ্রত্যতীতএষ্যভযানি দীপ্তাঃ
৯০.১ কুর্বন্তি শূন্যং পরিতো ভ্রমন্তঃ .. ..
৯০.২ তে গ্রাম্যসত্ত্বৈঃ অনুবাশ্যমানা
৯০.২ ভযায রোধায ভবন্তি বন্যৈঃ .
৯০.২ দ্বাভ্যামপি প্রত্যনুবাশিতাঃ তে
৯০.২ বন্দিগ্রহাযৈ চ ( গ্রহাযৈব) মৃগা রুবন্তি ( ভবন্তি) .. ..
৯০.৩ বন্যে সত্ত্বে দ্বারসংস্থে পুরস্য
৯০.৩ রোধো বাচ্যঃ সংপ্রবিষ্টে বিনাশঃ .
৯০.৩ সূতে মৃত্যুঃ স্যাদ্ ভযং সংস্থিতে চ
৯০.৩ গেহং যাতে বন্ধনং সংপ্রদিষ্টম্ .. ..